تعالوا ندعو الله لي نار الغسق!

تعالوا ندعو
لأمهاتنا اللائي مضين
ومن بقين
حتى اللائي أبين
وما بكين
ومن فيك امتحن
والتي دوماً تحن
والطبل فيها يرجحن
وتحملت فيك الإحن
ومن يغالبك فيها الشجن
ومن تغرد في فنن
والحب فيه كل فن

-
الله يا نار الغسق
حق الأمّات
زمناً بعيد لا شفتو
لا أقدر أقول عليه مات
لسا في ديك أمهات
بيسوو في شاي الصباح
كان بي وقود أو بي غازات
بس برضو للبيض سالقين
وقاعدين لمّات
وبالبسكويت والقرقشات
نار الغسق من الصباح لين الشفق
ولين النار تبقبق وتقولها بق
حبل الرتاين يتفلق
ويتحتّ حت وشراره يفضل مبتهج
سوى الوهج
تخدم في جنّوي ما تعرفم ليهم زمن في هج ورج
الراح بعيد كايس الوهج
والقاعد يلعب في سك وصج
وهي ساي توزع في النبق
ولبان كمان بقول في طق طرق
ويسوي بلونات تطرشق
في الأفق
وتعاين هناك في خط الأفق
يمكن يجيب ليه عفار
كان حتى لو هو داك دفار
لا من لبنها الليلها فار
والبال ودر ليه ودار