قدر ما أقول المسرحية بتاعتك دي حتنتهي .. ألقى صاحبنا ده شغال تدليس و كضب .. ياخ ده راجل متعه شديد .. لو سرفانتس كان حي لكان ملهمه الأول بلا شك !!
نواصل بيان الكذب و التدليس : أول حاجه هو غلبه يناقش البينقل فيه من حواري مع د.عارف .. و كل الفالح فيه يقول د.عارف كمان حاجات هو ما قاصدها .. فـ د.عارف الركابي كزول مهذب و متدين معتبر حواري معاه من باب التفاكر و ليس من باب (الحصار) كما يحلو للدونكيشوت أن يتصور حياته .. و يا ريت د.عارف الركابي يجي و يوريني نيته معاي شنو علشان دونكيشوت ده ما يطلع كضاب ساي للمرة المليون !!
أها نشوف د.عارف كتب شنو قبال الرد النقله الدونكيشوت ده :
Quote: الأخ العزيز د.محمد قرشي ، السلام عليكم ولك التحية الطيبة وللإخوة المتداخلين. واجتهدت في قراءة الكثير من مداخلات هذا البوست وقد أفدت منه أموراً عديدة ، وجهدك مشكور ومقدر ، كما تشكر على الروح الطيبة في حوارك الجميل. وسأجتهد إن شاء الله لاحقاً في قراءة ما لم يتيسر لي قراءته حالياً. وإن كان فتحي نافذة للكتابة هنا والتعليق أردت به السلام والتحية فقط إلا أنه وبحكم التخصص كما تعلم تجدني لا أخرج حتى أعلق على هذه الجزئية من حديثك
و في رده على الباشمهندس الشفيع :
Quote: شكراً أخي الكريم استاذ الشفيع ، وفيك وفي صاحب البوست والإخوة المتداخلين الخير والإفادة ، وبحق نحن هنا نبحث عن الفائدة بنفس القدر الذي نريد به إفادة الغير. وحقيقة استمتعت بمتابعة حوارك مع الصديق د.محمد قرشي ، والسعادة سببها الأكبر في ظهور الحرص على الإفادة والاستفادة في وقت واحد والتواضع الجميل ، وتقدير العلم والمعلومة ، والحوار بأسلوب راقٍ ، وهذا ما ينبغي أن يكون تشجيعه بصورة أكبر تليق بالحاجة إليه في مثل هذا المنبر.
يقوم يجي الدونكيشوت يطلع صاحبه مجرد محاصر بيشكر في الناس المؤذيين الزيي ديل و يبدو إنو بدأ يتعلم يجيب الروابط .. مرة يضعها و مرة ينساها !! أها النضع رابط البوست كله سياحة داخل مخ بشري.. (مقال علمي كتبته قديما)
و لأنو الدونكيشوت ده ما يستاهل يضيعوا فيه زمن .. كفاية نعمل زيه كوبي بيست : شوف تبارك وصفه كيف :
Quote: ود القرشى ... بالنسبة لى موضوع تكفير "عماد محمد موسى" للناس شمال ويمين (رغم انو لايحة المنبر تمنع ذلك صراحةً) فهو يصدق عليه القول ...
لو شئنا لرفعناه بها ... لكنه أخلد فى الأرض واتّبع هواه ... كمثل الكـلب ... إن تحمل عليه يلهث؛ أو تتركه يلهث ... ذلك مثل الذين كذبوا بآياتنا ... فاقصص القصص لعلهم يتفكّرون (لو سمحوا بى حرية الفكر أصلاً) ...
و لو راجعت عدد الناس البيوافقوني في كلامي في البوستات المذكوره دي .. حيكون الدونكيشوت من طرف لصق ليهم كلهم معاي .. ها ها
أما عن موضوع المساكه الشايلها و حايم بيها .. فكالعاده بيعمل رايح من الحاجات .. لكن ما بطال نكرر تاني .. أنا هنا أثبتِّ إنو كضب و نبذ و تحدى Re: الوهابى عماد موسى محمد!! و لما إستجبنا لحضرته و وريناه جهله زي ما عمل د.بله .. طوالي عمل رايح و كبر اللفه .. السؤال هو : على أي أساس الدونكيشوت ده عنده عين يجي يطالب بحاجه و هو أصلا ما بيقيف عند كلامه و يشوف أغلاطه .. يعني حأقعد أجيب ليه الإثباتات و هو يعمل رايح اللذيذه إنو معتبر إستزبالي ده ليه من باب الهروب .. أما دون كيشوت بصحيح كدي النشوفه حيكبر اللفه من تحدياته الفشنك القطعتها ليه في راسه دي لحدي بتين .. غايتو جنس غايتو
و أخيرا .. بالله تعال شوف فهمه هنا كيف .. Re: الحجاب والحرية الشخصية يعني الناس كلهم أي زول جاب حججه و كلامه .. إلا صاحبنا قام على الإنشا بتاعته و الكوبي بيست .. و اللذيذ حتى في دي ما فالح .. يعني يجيب المثل ده بالذات ..
Quote: أها يا هشام..هاك الدرس دا..إنسانة كانت علمانية ..وتنتسب للنصرانية.."متحررة" و"مودرن" على نظام دينكم "الغربي"..ذهبت في مهمة صحفية إلى أفغانستان ..إعتقلتها حركة طالبان..وعاملتها وعاملة المسلم للمرأة: إكراما ورحمة بها وتعليما..دُهِشت لهذه القيم ولهذه المعاملة العجيبة..انقلبت حياتها رأسها عن عقب- أسلمت..ولبست الحجاب.وركلت العُرِي والتبرج.. ... ومن غرائب ما ذكرته قولها: آخر مرة زرت فيها القاهرة تم تلقيبي بالمتطرفة، الاتهام جاءني من شيخ الأزهر الدكتور محمد سيد طنطاوي، "لأني عندما مد إلي يده لمصافحتي رفضت المصافحة ـ التزاما بحكم شرعي ـ فقال لي أنت متطرفة".
و ما أظنه سمع قبال كده بمتلازمة ستوكهولم Stockholm Syndrome .. و هي بإختصار حالة نفسية بتتلبس الرهائن و بتخليهم يتماهوا مع خاطفيهم و يشكروا فيهم و يعتنقوا مبادئهم !! يعني ممكن يجي زول يقول ليه كده و يبقى الإحتمالين موجودات .. خصوصا مع شهادة شيخ الأزهر .. و لأن صاحبنا ده بيعرف الحق بالرجال (والنساء أيضا) و ليس العكس .. طوالي قام إستشهد بالواقعة دي بفرح .. عارف ليه ؟؟ لأنو من دون طوائف المسلمين جميعا بيلقى إنجذاب شديد لطالبان و القاعدة !! و أسي معنى كلامه إن ناس طالبان البيمنعوا المره من التعليم هم المسلمين حقا اللي بيهدوا الناس !! موش قلت ليك نفسيته أقرب ما تكون للخوارج !!
و اللذيذ بيقول لهشام الملحد .. دي علمانية و نصرانية على نظام دينكم الغربي إنتو الزول ده ما كلموه إن الإلحاد و النصرانية ديل ما بتلموا مع بعض !!
غايتو .. زي ما قال د.بله الحكيم .. البوست ده إستنفد أغراضه من زمان .. و صار لدونكيشوت مستقبل في المسرح الكوميدي بفضله .. فحأخليه تاني يشيل و يردم .. و نجي نقزقز براحتنا .. إن شئنا ذلك .. و لا عزاء لمتابعة د.سيف .. حتتهري ردم لحدي ما تلقى الكلام المفيد مننا
يلا يا صديق واصل مسرحيتك بهناك .. و لحين لقاء
01-08-2011, 09:58 PM
محمد قرشي عباس محمد قرشي عباس
تاريخ التسجيل: 03-19-2010
مجموع المشاركات: 3195
Quote: و الألذ يجي يختصر القضية في جزئية صغيره و يقول نجيب الأدلة و الغلطان يعتذر .. و ينسى كل الكلام الكبير عن كذبي عن الرسول (ص) و الدراب الكبير بتاعه داك .. يعني أسي هو شايفني غلطان عليه و محارب للدين و شوية كده و يكفرني .. و جاي يقول لي حأعتذر ليك لمن تجيب الدليل على إني قلت إنك خايف مني و الغريبة ما شغال بمطالبتك ليه بإثبات كلامه حولك الأكبر من ده و عنده عين يجي يطلب الأدلة !!
فقلت له:
Quote: هروووب....هروووب..هروووب!!!
!!!!!!!!!!!!!!!!!!!!!!!!!!!!!!!!!!!!!!!!!! وعلى الباغي تدور الدوائر
وأكررها لك كما حكيتها أنت:-
Quote: و جاي يقول لي حأعتذر ليك لمن تجيب الدليل على إني قلت إنك خايف مني
والتحدّي لك قااائم لأنك كذاب.. ولن تستطيع أن تأتي بدليلك
*ملحوظة: هذا الشريط"سلّيتو من الصفحة 12! عشان أكرر ليك التحدي الفات دا
وعشان أسالك سؤال "بسيييط": ما رأيك في الشيوعية والجمهورية؟
خلّي الأفراد..تطير عيشة خوفك الشديد دا!! بس رأيك في الأفكار!! "بس ما تلعب على الحبال...تتكلم في الجمهورية..ناهد تزعل تتكلم في الشيوعية..صاحبك يزعل تتكلم في الإلحاد...هشام يزعل إرضاء كل الناس غايو لا تُدرَك..
*وكمان كدا عندك يا رجل كلام في"الروح"!! يازول ما تقول كلام ربنا: "قل الروح من أمر ربي وما أوتيتم من العِلم إلا قليلا) لكن "العالم العلامة" أبى طموحه إلا أن "يناضل" على جميع "الصّعُد"!!!
Quote: و اللذيذ بيقول لهشام الملحد .. دي علمانية و نصرانية على نظام دينكم الغربي إنتو الزول ده ما كلموه إن الإلحاد و النصرانية ديل ما بتلموا مع بعض !!
هل إنت مسكين ما درست تاريخ النصرانية ولا العلمانية..وتتكلم ساي؟ غنت ما عارف إنو العلمانية والإلحاد كان نتيجة للنصرانية دي والقوانين السجمانية العلمانية دي هي "خلطة" سوء من أديانهم وأفكارهم الليبرالية!!
ما بتلموا مع بعض ! أمِس القريبة دي بابا النصارى بيقول للباكستانيين يجب ترك "المجدّفين" على حالهم..بدون الاعتراض على تغيير قانون باكستاني يحكم بقتل المجدفين الذين يطعنون في الدين!! ماهم شبهينا واتلاقينا زي الناس البتملّقو الملحدين والجمهوريين..وبعدين يمرق نفسو بكلمة: أنا أؤمن بالله! هو الإيمان دا مافيهو ولاء وبراء؟ لكن في جماعة دايرنّها" سلَطة"..و"مفكوكة" على الآخر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد قرشي عباس
فيس بوك
تويتر
انستقرام
يوتيوب
بنتيريست