حسين ملاسي امصع في ضيافة الاديب محسن خالد

Quote: راعتني اللغة التي يخاطب بها محسن خالد الآخرين. انظر لنبرة الاستخفاف في مخاطبة ملاسي والجدل يدور حول صحة شدّة بينما محسن أخطأ في رسم كلمة بحالها وهو يصحح حسين .كان يمكن لكليهما تصحيح بعضهما البعض إما عبر الماسينجر أو بلغة مهذبة لا ترد فيها كلمات مثل (جاهل ومتشوبر). لا يجب أن ينصب محسن نفسه معلماً للآخرين ، بل يجب ان يتحاور معهم دون أستذة..

، لو ما الدكتور دا خلّى الهجائم دي. أنا بكتب الكلام دا، والله ووالله، ووالله، دموعي جارية من الضحك، مصاريني وجعتني من الضحك، فحقيقي أنا لا أصدر في تعاملي مع الدكتور من نقمة، وإنما من شيء مضحك، هذا العداء من جانبه، مضحك. عليك الله يا بشرى الفاضل لما تتذكر صديقنا أنطوان شيخوف، في المبارزة، ومذكرات رجل عجوز، وعنبر رقم ستة، في رصده لنوع أمورك دي، وقنصه المضحك والساخر لها، ما بتخجل!؟
فيا أخوانا كلامنا عن النقد بوسط جو، لخطط جاهزة سلفاً، وكتلوجات بالهينو الكبير لأجل توضيحي وشرحي للزوار والمتسوقين، ببقى بندق في بحر.

هسّع يا طارق أبو عبيدة، لينا اللحم وليكم العضم؟ وألا العضم ذاتو نقرمشو!؟ (وحاة الله بهظر يا بشرى، مشكلتك إنت جااادي، في شنو! والله ما عارف!؟).

-----------
عزيزي عاطف، عليك الله أمهلني ولا تعجل علي، عارف ليه؟ لأني مجهجه، وقاعد أرحل في حاجاتي علي بيتي الجديد. وأخوك دا لما يكتب كلام بحاول بقدر المستطاع يركزو، ويكوس ليهو المراجع والدعم، القاعدة البقول فيها بشرى دي لو مشيت هسسسسع إصلاح الكتابة، بتلقاها قااااعدة. وأنا ذاتي كاتب الكلمة بطريقة بشرى دي، وبجيك للكلام دا بالشواهد. الحرص واجب، عشان ما الزول يبقيكم في (واوات ساكنة) نص الليل، زي صاحبنا بشرى دا (لووول). (مقروءة) بهذه الطريقة يا عاطف بتكون لاقتني كم مرة يعني؟ لو قلت مليون مرة برضو شوية. كتابتي ليها بالطريقة الفوق دي بصارة مني برااي، ممكن تكون صاح، وممكن تكون غلط، أبقى لي إنت بس على (التصويت) الموافقني عليه دا، ونشوف.