المحترم معاوية عبيد الصائم لوسحت الرجاء أثبات أتهاماتك أو نفيها مع الشكر

Quote: بعيداً عن الجزيئة دي ياخي كدي ما تنصحوا عبد العزيز دا يبطل البسوي فيهو هنا دا كل يوم شكلة و قيامة رابطة ياخي تتذكر فطور رمضان الكان في ابوظبي و قبلها لاقيتو عشان موضوع الشير بتاع الفطور ياخي الراجل من اطيب الناس و اهداهم و ابعدهم عن المشاكل لمن قالوا ياهو (ابو جنزير) لمن اتخلعتا

بعدين يا أخي بالجد أنا أبوظبي دي ما لقيت في اي سوداني كعب بالجد تقول معزلين ليها الناس السمحين زي عموم بورداب الامارات ناس عافية ويسندوك غايتو يا حاتم في ناس حقو تمشي تفتشهم براك وتمتع نفسك زي أخونا نصرالدين وناس خالد درق والعربي والكوتش والحلاوي يا أخي ما بنحصروا ولا الاخوات دي براهن كمال في الروعة كلهم كلهم أما عاوز تمتع نفسك وتسند قلبك أمشي لي أدم موسى عشان تسكن مكتبه وأبوالشيخ مولانا يحيى عبدالكريم دا الزول البجيك لحد عندك ويفقدك
-----------
بالمناسبة شفت خضر حسين خليل دا لو لقيته حا تلقاه ألطف وأظرف زول وحاجه ما تخلص وظني من ظنون كتيرة أنو أغلب الناس البتكتب في البورد دا شخصياتها بتختلف عن كتاباتها إلا حالات محددة تتطابق الشخصية والكتابة
شفت قبل أيام في بوست متوتر شديد حصل أشتباك مع خضر أو قول بداية اشتباك لانو كنا جاهزين ومتحفزين جات اشارة تهدئة من شخص فاضل شفت (كلمة روق شوية) بس كانت اشارة لخضر يتراجع ولي في أني أعتذر ليه وفي أنو هو كمان يتطلف علي برسالة جميلة وتتضح الرؤيا بصورة أوضح بعد ما حجبها التعصب والحماقة
هسع شوف خضر دا مع الدكتورة رغم الكجين برضه لطفاء وما بتجاوز حدوده صحي مقصاته قد تكون مشاتره ومره لكن برضه هو الافضل ولمن أعتذر ليك كان صادق وكلنا كنا متابعين البوست