الغنا في خشم سيدو.....قاسم بدري

مرحبا Guest
اخر زيارك لك: 05-06-2024, 04:12 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة شوقى بدرى(shawgi badri)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-07-2004, 08:12 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الغنا في خشم سيدو.....قاسم بدري (Re: Elmosley)

    الاخ حيدر بدوى
    قالوا الضربه الما بتقتلك بتقويك . وموضوع الامم المتحده ده حكومه السجم دى ما بتقدر عليه ودى كلها فرفره مذبوح . وصيتك وصلت قاسم ولك الشكر .

    العزيز جاد
    يا ود اخوى الفوضه دى هى القطست حجرنا من ما دخلوا الانجليز لحدى ما طلعوا كل الناس النزلوا المعاش 35 الف وديل بحقوقهم ومخصصاتهم والعلاج ليهم ولاولادهم مجانا والسفر مخفض . في يوم الاثنين 21 سبتمبر 1964 قابلت يونانى عجوز فى سفاره السودان فى اثينا بجى يستلم معاشو . حكومه السجم دى طردت سبعين الف زول بانكو سولو بدون ما يتلفتوا حته . وما تشكر لى الراكوبه فى الخريف لكن لسه فى ناس بدافعوا .

    الاخ ابو الريش
    يقولوا ان طيب الورد مؤزن بالجعل . او ذى ما بيقوا اهلنا ساعدو فى قبر ابوه دسه المحافير . الناس ديل يسووا ليهم شغلهم ويزعلوا وهم يعاكسوا . دنيا .

    العظيم الموصلى
    افهم المك لانك رجل فنان وحساس لكن ديل الا يفهموهم بعتله او قرصه .

    الابن الاخ مريود
    ناس الحكومه ديل قدوما ما سلمت عليه امو . مافى شئ كعب ما سووه وعندهم لكل حل مشكله . بالعديل ابو يجوا اهو الامريكان شغالين معاهم بالكماشه . ناس تخاف وما تختشى والغريبه فى ناس لسه بتدافع عنهم .

    الاخت بيان
    الناس ديل ذى النار ما بتشبع الا يطفوها . زمان ازهرى كان مرتبه 150 جنيه كرئيس وزراء بدون مخصصات ولا اى حاجه حافيه كده . نصها كان بروح سكر وشاى وقهوه وشربات . واحد من اهلنا الغبش قال لا حوله 150 جنيه بوديها وين كان كل يوم اشترى وقه لحم وقزازه زيت الباقى بسوى بيهو شنو .

    الاخ ود قاسم
    ناس بامسيكه زمان الهمباته كان لمن يقلعوا بخلوا للزول حاجه وكان لحقوا جمال معاها نسوان ولا وليدات ما بقربوهم وكان شالوا من الزول بخلوا ليه ركوبته وزادوا . وكان لقوهو مقشط بدوهو من العندهم . حكومه الجبهه دى ما عندها قشه مره تقلع حتى من طفل ماسك بزازه . يعنى بامسيكه اخير منهم مع انو بامسيكه معناها التمساح طبعا .ولمن بدا ينهب بعد قتله نايل خله اهلوا فى الشرق وبقه ينهب فى الغرب يعنى حتى فى النهب الناس كان عندها اخلاق الا ناسنا ديل .
    المفتش برمبل فى امدرمان كان بلف البلد كل يوم فى ربع فى امدرمان ويوم للسوق الكبير . لاقتو مره وقدمت عريضه عاوزه رخصه دكان لانو راجلها مات سأل شيخ الربع لمن عرف ان المره محتاجه وافق ليها على الدكان ودخل ايدو فى جيبو اداها جنيه من حقو فقالت الانجليز لا يموتوا لا يفوتوا دلوقت المسلمين يا ود قاسم بقلعوا حق الحروم وعشا الجنيات .

    (عدل بواسطة shawgi badri on 04-07-2004, 08:13 PM)
                  

العنوان الكاتب Date
الغنا في خشم سيدو.....قاسم بدري shawgi badri04-05-04, 01:36 PM
  Re: الغنا في خشم سيدو.....قاسم بدري JAD04-05-04, 02:12 PM
  Re: الغنا في خشم سيدو.....قاسم بدري ودقاسم04-05-04, 02:26 PM
    Re: الغنا في خشم سيدو.....قاسم بدري shawgi badri04-05-04, 03:53 PM
      Re: الغنا في خشم سيدو.....قاسم بدري Haydar Badawi Sadig04-05-04, 07:02 PM
  Re: الغنا في خشم سيدو.....قاسم بدري ودقاسم04-05-04, 07:46 PM
  Re: الغنا في خشم سيدو.....قاسم بدري samo04-05-04, 07:55 PM
    Re: الغنا في خشم سيدو.....قاسم بدري أبوالريش04-05-04, 08:09 PM
      Re: الغنا في خشم سيدو.....قاسم بدري bayan04-06-04, 02:37 AM
        Re: الغنا في خشم سيدو.....قاسم بدري maryoud ali04-06-04, 04:01 AM
  Re: الغنا في خشم سيدو.....قاسم بدري Elmosley04-06-04, 04:39 AM
    Re: الغنا في خشم سيدو.....قاسم بدري shawgi badri04-07-04, 08:12 PM
      Re: الغنا في خشم سيدو.....قاسم بدري خالد الحاج04-07-04, 08:48 PM
  Re: الغنا في خشم سيدو.....قاسم بدري صديق الموج04-08-04, 10:23 AM
    Re: الغنا في خشم سيدو.....قاسم بدري shawgi badri04-08-04, 04:59 PM
    Re: الغنا في خشم سيدو.....قاسم بدري shawgi badri04-08-04, 04:59 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de