|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
يا ود عكر وناس الخيمة صباحكم زين
خيمتكم عامرة ذكر وشكر .... وكلام سمح .. الله يديمها نعمة ويحفظها من الزوال ...
النصف الثاني غزوة بدر الكبرى ... وليلة القدر .....
وهدوم العيد والخبيز لي ست البيت جاهزين؟
هادي التحليه ... ومعاهاقهوة وشاي للحيران ....وكتروا الدعوات ..
فتكم بي عافية وياربي تحفظكم زتغطيكم من فتن الدنيا ومحنها.
ملاحيظ: شوفوا اخوكم نوبي دا مالوا؟ زهجاااااااااااااان
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
اهاااااا انا جيت أنا ما نسيت ما حكيت ليكم أول كورة عصيده عملتها المهم قمت فترت من أكل البقالات و المطاعم و الكافتريات فقهت قلت خلاص أعمل عصيده الليله و عزمت بتاع البقاله التحت العماره أصلو رمتالى زى أخوكم كده و أول غلطه كانت إنو عملته العصيده بى دقيق الفينى بدل دقيق المصنع و حاتكم طلعت لونه أبيااااااااااض و حلواااااااااااا سكر بس جاها من وين أنا ما عارف و قدر ما ختيته فى الكوره عشان تبقى مدوره أبت راس أبوها و الف سيف كلما أقلبه تتبرش فى الصحن فى النهايه زهجته و جدعتها فى الزباله و فطرت بى جبنه مضفره
يتبععععع
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
قلب الخيمة النابض
Quote: يا ود عكر وناس الخيمة صباحكم زين |
صباح الفل والياسمين
Quote: خيمتكم عامرة ذكر وشكر .... وكلام سمح .. الله يديمها نعمة ويحفظها من الزوال ...
النصف الثاني غزوة بدر الكبرى ... وليلة القدر .....
وهدوم العيد والخبيز لي ست البيت جاهزين؟ |
العمار بوجود الناس الطيبين العامرين حبا وايمانا ..بس ياربى حنكون من المغفور لهم فى رمضان ,المحظوظين بليلةالقدر ,المعتوقين من النار ,الداخلين من باب الريان..امين ..هدوم العيد والخبيز زمان حال والان حال انه تبدل الادوار ودولاب الدنيا
Quote: هادي التحليه ... ومعاهاقهوة وشاي للحيران ....وكتروا الدعوات .. |
انا شخصيا افضل ان تكون تحليتى دعاء مقبول فى الايام المباركة من خواتيم رمضان
Quote: فتكم بي عافية وياربي تحفظكم زتغطيكم من فتن الدنيا ومحنها. |
...امين
Quote: ملاحيظ: شوفوا اخوكم نوبي دا مالوا؟ زهجاااااااااااااان |
........هو وينوووووووووو ومالوووووو
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
نصرالدين مرحب بيك فى دار ...ويزيد مقدارك
Quote: و قدر ما ختيته فى الكوره عشان تبقى مدوره أبت راس أبوها و الف سيف كلما أقلبه تتبرش فى الصحن فى النهايه زهجته و جدعتها فى الزباله و فطرت بى جبنه مضفره |
يعنى عملتا ليها شلل رعاشى ........ ياااخ انتا كويس انا ليست بيها الحيطة ودورت عدس من جديد
متاااابعين ضفرة ......بس البواب فطرتو بى شنو؟
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: مساعده : ابو سفيان |
ابن حرب تعرف يانوبى محاكمة صدام اليوم جايطة تفكيرى يعن سك الاخبار والصور من الوكالات ومتابعة الصفحات ,,,,,,,,,,,وووو يعنى مافى هيك مساعدة ولو من الصبايا؟
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ودعكر سلامات
جاية تعبانة دايرة ارتاح في خيمتكم شوية ...
ما شاء الله ... الناس مبسوطة وانا كايسة البسطة..... والناس ذاكرة والحمد لله وانا كايسة النوبة والدعاء ......دمتم تزرعون الحب ..... في رمضان وما بعده...
ندعو الله ان نكون كلنا من عتقاء هذا الشهر الكريم....ومن المرحومين برحمة الله ومن المغفور لنا بإذن الله.
اذكركم بصدقة الفطر..
الكريم بتاعك ماناسياه ... ومعاه طلبات الحيران .. والزاكرين ..
والسؤال المرة دي من ندووووووية ووليد خمسمية ما ظاهرين ...
والاخ نوبي اتمني طمامو يكون راح.
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
اختنا القلب النابض....تقبل الله الصيام والقيام ووفقنا الله فى اكمال صيام الشهر بدون مطبات...والزبده فى العشرة الاواخر ...ركزى فى الارقام الفردية قد تجديد الجائزة وقيمتها اكثر من الف شهر عبادة ومن نالها فقد فاز..... ضفرة:Quote: والسؤال المرة دي من ندووووووية ووليد خمسمية ما ظاهرين ...
والاخ نوبي اتمني طمامو يكون راح |
...نداء من القلب النابض .... الامضاء الخيمة... نادية.... ولى ننشد طلتكم ...نوبى طمنا والا نرسل ليك قفة ليمون وارد tea2
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: والله في واحد جديد لكن ما داير أفتحوا هسي !! قلت اخليو بعد ما رمضان ينتهي !! |
ضفرة:يااخ والله خوفنا يجى واحد يقول لينا شاف ناذر لابس فل سوت بلاك...لانك غايب كم يوم ..سلامة نوبى ....مبدع ...حريف اتمنى استثمار الطمام ,,,,,,,,,, واحشنى
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: ناذر محمد الخليفة)
|
Quote: روميو أولا مبروك الصورة الجديدة القطعية عرفناها سمحة يلا كدي قبل وشك علينا جاي عشان نشوف الغلاف !! |
ناذر اتخيل القطعيه دي عند حلاق الخيمه الغلاف !!! انت قايلني زي كلام خالتو داااك ولا شنو ؟؟
ود عكر الخيمه دي مالها ؟ بشاري وين ؟ ود عقيد وين ؟ د. معز وين ؟
القلب النابض شايفك تخرمجي ساااي هناك يظهر لازم اجيب العكاز و اجيك تهريجة انت يا ناذر من حصان لي تونسيه احمد الله انهم بيفنقلوك داير تفنقلني معاك ؟
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
نوبى
Quote: الخيمه دي مالها ؟ بشاري وين ؟ ود عقيد وين ؟ د. معز وين ؟ |
الناس دى يارمضان سخن معاها ..يا ساكين الرحمتات وفى مقولة اخرى الحارة مامرقت,,, وعندنا هنا تسمى القرنقشوه...يعنى عايزين تفعيل وبعضهم شايفو حايم فى محلات تانية نظام ترطيبة كدى ضفرة: Quote: القلب النابض شايفك تخرمجي ساااي هناك يظهر لازم اجيب العكاز و اجيك |
.... بطل الارهاب يا ابو الزيك ..واعتمد مبدا الشفافية فى ارجاع النبض الى مستواه الطبيعى ,,احيانا السدود لاتمنع فيضان النيل...ياقلب
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ود عكر شيخ القبيلة وفارس الحوبة
يحرسوك وليداتك ..... رمضان بقى في العضام والناس غلبا الكلام ..... زيدوا في الدعوات عشاني محتاجة دعوات شديدة والبحث معصلج معاي ....
شفت نوبي عامل لي شنو, نوبي شفت الجماعة بقو يشتكوا في لاهاي طوالي ....طبعا انت ود بلدي ما بشتكيك كان كسرت كريعاتي ... لكن اللجنة الوطنية بقيادة ودعكر زعيم عموم الخيامة.....تشكلت لحمايتي ....وحوامة بي غادي ما بكررها ...اها
ود عكر ......لك باكتات الكراميل المطور ...وتحياتي.
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
اختنا الكريمة القلب النابض..
Quote: ود عكر
شيخ القبيلة وفارس الحوبة |
انه كرم الاخلاق ونبيل الصفات
Quote: يحرسوك وليداتك ..... رمضان بقى في العضام والناس غلبا الكلام ..... زيدوا في الدعوات عشاني محتاجة دعوات شديدة والبحث معصلج معاي .... |
واخره عتق من النار...... ياقوى ياجبار اعتق رقابنا من النار ...واعن امتك الفقيرة اليك على الصيام وقبوله والقيام ووصوله والفوز بالجنة والنجاة من النار ..والبحث كماله و اكماله...ومكنها منه وهب لها علما نافعا وعملا مقبولا ورزقا حلالا طيبا
Quote: شفت نوبي عامل لي شنو, نوبي شفت الجماعة بقو يشتكوا في لاهاي طوالي ....طبعا انت ود بلدي ما بشتكيك كان كسرت كريعاتي ... لكن اللجنة الوطنية بقيادة ودعكر زعيم عموم الخيامة.....تشكلت لحمايتي ....وحوامة بي غادي ما بكررها ...اها |
نوبى ....كيفك ...رفقا بالقوارير بطل عصلجة
Quote: ود عكر ......لك باكتات الكراميل المطور ...وتحياتي. |
ضفرة :فى العشرة الاواخر اتطلع لى دعوات من طالبة علم وهى تجتهد فى بلاد تحتاج الى قوة وايمان واحسب ان طالب العلم مستجاب الدعاء اذا اخلص النية....اخونا حسن البشارى فى طريقة الى عمرة رمضان وان شاءالله سيدعو لك بالتوفيق...
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
الرائع بشارى
Quote: ود عكر الحبيب كل سنة وانت طيب وخيمتك عامرة بالاحباب.. اتابع يوميا مايدور في الخيمة .. لكن شواغل العمل والتحضير للسفر لاداء عمرة في اواخر رمضان ربما شغلتني قليلا عن المشاركة.. نسال الله التوفيق.. وسندعو لكل الاحباب بالخيمة انشاء الله. |
فعلا نفتقدك ونتفقدك....متابعتك تعمق احساسى بمعنى الاخوة والاهتمام ....وانتم سند وفاكهة هؤلاء الاحباب ...تقبل الله منك الصيام والعمرة ...ولا ارضى الا بالدعاء فى البقاع الطاهرة...اعانك الله .... ضفرة:ادعو معك لاختنا القلب النابض بالتوفيق والسداد هى تجاهد لحلحلة عصلجة اليحث الجامعى
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
...انه من نوبى وانه Quote: اعوذ بالله من الشيطان الرجيم بسم الله الرحمن الرحيم
سلامات ود عكر ود عكر سلامات
في شنو ؟ يا ودعكر ؟
انت يا ود عكر ركبك شيطان نجود داك ولا شنو ؟
ود عكر انا عارف السلطنه فيها شواطين علا ما قدر ده ؟ |
ضفرة: درجة الحرارة فى دبى كم؟....انا قلت ليك اصبر ياايوب وبطل هضربة....تقوم تشيل حالنا.. ضفرة:اما فى شنو؟ ...الاجابة بالنسبة لى شنو فى شنو؟ اصمد يا اخ العرب واستخدم مكمدات باااااااارده وان شاء الله تخف ...بس بطل وكاده...واقرا طه وياسين فى رمضان
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
والله يا ود عكر أيامك
بقيت مشهور زي ود الخليفة لمن الناس بقت تشيل صورتك في بروفايلا
كدي هسي طلع راسك برا الخيمة دي وتاوق لي غادي تلقى المنبر كلو شابك العالم ناذر عمل وناذر سوى وناذر ترك
إتنجهت نجيهة ما حصلت لي يا ود عكر .. بقيت لو ساي قاعد قدام الجهاز ومشيت أحشي لي سندوتش واجي ألقى لي بوست معلق بي إسمي كلن بالحق كان بالباطل !!
هسي حشي السندوتشات زاااتو خليتو وإتخندقت قدام الجهاز دا النشوف أخرتو !!!
صنفرة :
لكن زولك دا أخد إذنك ولا ساكت !!!!
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ابو النيز
مبروك البروفايل
ناذر محمد الخليفة اللقب: ناذر محمد الخليفة الحالة: . ( دي ما فهمتها عدد البوستات: 2158 تاريخ التسجيل: 28-01-2005 محل الاقامة: السودان : Not shown صفحتك الالكترونية: Paltalk name: اكلات مفضلة: شعيرية وسكسكانية الاسم الحقيقى: أبو النيز التعليم: جامعي التلفون: 0912388261 الحالة الاجتماعية: Single العنوان الدائم: جنب الديامة وناس الحلة الجديدة والخرطوم تلاتة الفنان المفضل: يوسف الموصلي + سيف الجامعة اللون السياسى: أسود غامق النوع: Male الهوايات المفضلة: نشر رسائل أبكرينا وحماره المشوكش !! الوظيفة: كاتب أوتومسفيري تاريخ الميلاد: 21\8\1976 شاعرك المفضل: عثمان محمد صالح عدد الاطفال: 22 شافع في حلتنا معلومات اضافية: email : [email protected] مكان العمل: ما بحب الزيارات في محل شغلي !! مكان الميلاد فى السودان: ما بعيد من هنا !! تهريجة اسمعني يا حبيب ود عكر و مجعبو ديل مالهم ؟؟؟؟
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ناذر........على السريع كدى سير وعين الله ترعاك.......... يااااااخ ان الله اذا احب عبدا ابتلاه ...ودا الحاصل ليك ضفرة: المعجب دا حيرنى ولخبطنى مشيت البروفايل حقو ما لقيت اى معلومة عنو غير سلامات والله انا محتاررررررررر اعملو شنو كتا اتمنى ان يرد على ويورنى نوع الحب الجديد دا ..ارجو المساعدة,,,,,,,,,, ضفرة...ردك حايفطرنى فى الشارع ....اتصرف ....ززفتك عافية ...والجماعة مالهم هربو......قالو راس ناذر .. جنس محن ووهم
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
نوبى
Quote: اسمعني يا حبيب ود عكر و مجعبو ديل مالهم |
احيك الى الرد اعلاه ضفرة:نوبى نشاطك قل مالو....شايف الناس شتت والضهب حصل ...ناس فى العمرة وناس فى العمرة"اختار التشكيل المناسب ياوجيه.... ياخوى بتعرف حاجة عن سلامات ؟الراجل مركب صورتى وحالف طلاق مايرد لى يورينى ولو تحت تحت هو منو..يعنى ضكر والا نتايه اسمو؟حروفو..ضربة شوما ...اى حاجة يعنى ؟
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ودعكر وكل الاحباب الفى الخيمة كيفكم داير ادور نقه فى الخيمة لو قلتوه جرسة موافق المهم ندخل فى الموضوع الخيمة ده التصديق بتاعه وين انو اصلو سئلت محلية ام الطيور قالوا هم ما ادوكم التصديق بس عملوا ليكم شهادة اعفاء من انفلونزا الطيور ولو ترجمتها بالسودانى تصبح زكمة الطير .اه مشيت لاى محل ما لقيت عندكم تصديق حتى الامين العام وصلته لكن قالوا قالوا على شفى وجنون صحيح مجنون وانته سبب جنونه يا حلويين بصراحة انا حسه جايكم لزوم كشه للخيمة لكم لم لقيت فى ناس .. ناس حروفه رويانه وكلامه حنين ذى فريع البانه وفى رمضان صايمة وعجبانا المهم يا ودعكر المره ده سماح لكن الجايه الظاهر حتكون شريان مش نبط تحياتى
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ناذر حصلنننننننىىىىىى الكشة وهوى الطير جانا ضفرة:ياحبوب
Quote: يا حلويين بصراحة انا حسه جايكم لزوم كشه للخيمة لكم لم لقيت فى ناس .. ناس حروفه رويانه وكلامه حنين ذى فريع البانه وفى رمضان صايمة وعجبانا المهم يا ودعكر المره ده سماح لكن الجايه الظاهر حتكون شريان مش نبط تحياتى |
كتا عايز ارد ليك لكن ابيت ليههههه لانك فهمتا الحاصل ياخوى الناس شتتتتت بعيد ...بس واحت شنو كدا ماعارف انا الوحيد الحارس الخيمة واخوى نوبى شغال معاى مكاواه ومكاوى ساىىىى ......وناذر انا عازرو الفيهو .......البشارى فى رعاية الله الى العمرة ,,,القلب النابض بت حلال كل مرة تجى شايله التحليه والدعوات ...لو ماكده اخوك كان بقى صايم ديمة...تسلم على المرور.. دقيقة انتا زاتك غايب ليك كم يوم شايفك فى فريق تانى عله بس معليش شنو خلاص تمام...باى
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: ضفرة:نوبى نشاطك قل مالو....شايف الناس شتت والضهب حصل ...ناس فى العمرة وناس فى العمرة"اختار التشكيل المناسب ياوجيه.... ياخوى بتعرف حاجة عن سلامات ؟الراجل مركب صورتى وحالف طلاق مايرد لى يورينى ولو تحت تحت هو منو..يعنى ضكر والا نتايه اسمو؟حروفو..ضربة شوما ...اى حاجة يعنى ؟ |
يكون حامل ؟
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: فيصل نوبي)
|
يا ود عكر
سلام من الله عليكم والله يحمي الخيمة من الوالي ومن انفلونزا الطيور ويا حافظ يا حفيظ تحفظنا ....من الانفلونزا والبوليس .
رمضانكم زين .....وخيمتكم ان شاء الله عامرة ....
يا ود عكر صورتك كا تخاف عليها .... الزول عجبتو وختاها في البروفايل بتاعوا كان ابي قول ليه شيلها صدقة.. ان شاء الله تنفعوا وتجيب ليه الزباين.
فتكم بعافية ...والكريمة ومستلزمات المداحين في المطبخ بتاع الخيمة ما تنسوها.
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ياقلب الخيمة النابض
سلام من الله عليكم
Quote: والله يحمي الخيمة من الوالي ومن انفلونزا الطيور ويا حافظ يا حفيظ تحفظنا ....من الانفلونزا والبوليس . |
تعرفى الحيران كلهم جاهزين وباركين عشان كدا زى عمايل الوالى دى وناس الكجر ما بتصلنا بشى وكان جاء للخير نحنا جاهزين ليهم ...لكن زكمة الطير دى الشى البخوف الحيران بس بركات العشر الاواخر والحصن الحصين والوقاية خير من العلاج وغير كدا الخيمة لا تستهلك الا اللحوم الحمرا ورب ضارة نافعة
Quote: رمضانكم زين .....وخيمتكم ان شاء الله عامرة .... |
وانت كمان وفى وجودك العمار والامان
Quote: يا ود عكر صورتك كا تخاف عليها .... الزول عجبتو وختاها في البروفايل بتاعوا كان ابي قول ليه شيلها صدقة.. ان شاء الله تنفعوا وتجيب ليه الزباين. |
زى ما قلنا نوع من الاعجاب المحمود وربنا يديم المحبة ويبعد الشينة
Quote: فتكم بعافية ...والكريمة ومستلزمات المداحين في المطبخ بتاع الخيمة ما تنسوها. |
ضغرة: ودى حاجة بتتنسى...مادى روحنا وحبنا
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
تحياتي يا ود عكر ...
أسمحول لي أولا بأن أستظل في خيمتكم هنا من وهج شمس الظهيرة وان تقبلوني عضوا معكم (أقصد في الخيمة وليس في الشلة) ودعني أسألك سؤالا ..
هل لك علاقة بعائلة مصطفى أبو عكر التي تسكن مدينة بانت في أمدرمان ومعروفين بإنتمائهم الشديد للموردة وأبنائهم مقيمون بدولة الإمارات وهم عبد القادر مصطفى الو عكر ومختار مصطفى ابو عكر وأيضا مازن أبو عكر ؟؟
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: ناذر محمد الخليفة)
|
ود عكر كيفنكم لعلكم طيبين
والله جيت مخسوس بدري ناذر دا مالو دخلوا لا جوة كلاب لهب ديل ساكاتنوا في نهار رمضان دا
خلوا اليقعد مع الحيران ديل واقروا ليه يس والبقرة والمعوذتين والاخلاص.
من العين وكلام الناس .. الولد دا النجيهة ما بتخليه.
شايفاه منشيت طوالي ,نجيهة المنشيتات دي ما كويسة, بتقصر أجل الولد معانا. ادعوا ليه.
شفت ايديولوجية نوبي أعلنها للملأ.... ايديولوجية السرور ولا كارل ماركس ...
اها حيراني ديل ختيت ليهم اغرادهم في المطبخ جوة ومعاها شوية تمر وخشاف عشان القيام باقي كريم الكراميل خفيف.
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: ناذر محمد الخليفة)
|
ود عكر كيفك؟
انت الخيمه دي الباب الوراء داك فاتح ؟ شامي لي ريحه صعوت ، في زول سافي ؟ منو الفاطر عندكم هنا ؟ اها الشمارات شنو ؟ ناس يأجوج و ماجوج كيفنهم ؟ لسه ورا الجدار ؟ و خالتو شايفها قاشره اليومين ديل بي شعار جديد الصفقات تكون زادت اليومين ديل ما عندهم وقت للكتابه و الكلام الفاضي حق شفع الروضه ده وناس اولاد كوداك بتاع الصور داك شايف استديوهاتهم عمرانه يشيل و يلصقو في الصور من الجنينه ( جنينه الحيوانات ) ظنيتهم دايرين يعملو ليهم حفله هنوك و عمك سعد الدين شايل مفراكتو واقف ليهم شخت شخيت ووقف قريب و قال لهم الراجل يجي بي هني !!!
ناذر هاك الحجاب ده امشي بيوو ما تقلعو من ضراعك نهائي الناس ديل شايفهم يدفنو ساي اخر الحوش
يا قلب العيد قرب و العكاز قاعد و شايف رجلك اخدت لي المشيه و الجيه هني امشي شمي الهواء في البرنده الجديده هنوك سمح !
ود عقيد شايفك مع ناصر عاملين صفرجت
وليد قال داير يقيم الحد علي المرتد
ناديه عثمان شايفك بتعملي مس كولات سااااااااااااي
تهريجة
Quote: الناس ديل برا شايلين سكاكين وقداديم وشوم وحاجات كتيرة خلاس وانا ما اظني حا اقدر على دا كلو |
ناذر اي شيء عرفناو هسي دي لزومها شنو حاشرها في نص الكلام و في اخر رمضان كمان !!! انت سي جي عاداك ولا شنو ؟ بي شلاليفو القال تموها من هنوك ديك اللهم اني صائم فتكم بي عافيه عررررررت اها دي المرسيدس الجديده لكن الواحد اتعود علي ركوب الهنايات
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
الاخ ناصر محمد خليل
Quote: تحياتي يا ود عكر ...
أسمحول لي أولا بأن أستظل في خيمتكم هنا من وهج شمس الظهيرة وان تقبلوني عضوا معكم (أقصد في الخيمة وليس في الشلة) ودعني أسألك سؤالا ..
هل لك علاقة بعائلة مصطفى أبو عكر التي تسكن مدينة بانت في أمدرمان ومعروفين بإنتمائهم الشديد للموردة وأبنائهم مقيمون بدولة الإمارات وهم عبد القادر مصطفى الو عكر ومختار مصطفى ابو عكر وأيضا مازن أبو عكر ؟؟ |
اولا انا اسف على الرد بس عندى عادة قديمة انو بطلع من النت خالص من منتصف نهار الاربعاء وحتى بعد صلاة الجمعة مع مراعاة فروق الوقت...دى واحده ارجو قبول العذر نمرة تلاتة........... الخيمة للجميع واجمل ما فيها انها استراحة عابر يجد فيها الكل وايريح بعيدا عن ضيق المعانى والمكان ..وهى مكيفة بدون اجهزة تكييييف يعن بركات الحيران والمحبين والزاكرين...بس شايفك نطيت من عضوية الشلة اللهم اجعلو خير ,,ومن دخل فيها او فى الخيمة فهو آمن .. ضفرة:ابوعكر ...ياتى التقارب فى تشابه الاسماء فقط ونحنا عائلة اخرى تحمل نفس الاسم مركزنا الفتيحاب...ولنا اهل فى بانت واخرون فى الخليج.....يعنى تشابه لحد التطابق....هلا ... وما تطول الغيبة
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ابو النيز نيزو العجيب
Quote: أححححححححييييي !!!!
قربوا يقبضوني يا ود عكر
ياخي عليك الله الخيمة دي حاول طلعا برة شوية ودقها في أول الحوش هناك عشان كل ما أجي أدسا فيها طوالي .. الناس ديل برا شايلين سكاكين وقداديم وشوم وحاجات كتيرة خلاس وانا ما اظني حا اقدر على دا كلو
صنفرة :
خيمة أفراح العيد متين !!!! |
مشتاقين.... لكن ما وقع راجل بقيت سيد جرسة والا شنو ...اصمد يارجل فان الخيمة تحتاج الى شهيد ..عشان نسميها خيمة الشهيد ناذر ....وشارع الشهيد ابو النيز .... وكفتيرة نيزو وبراد ...وصينية ...او رمضان الشهيد ...بعدين الناس ديل قايلنك صبة اسمنتى والا شنو؟...انت لها يارجل بس ركز شوية وخلى المساسكة فى رمضان يعنى اعمل معسكر لزوم اللياقة كتر فيهو من مطايييب القلب النابض بعد داك تعال دور فيهم بنظام توم اند جيرى ...ونحنا حنعمل بلوتو... ضفرة؟؟؟؟؟؟؟من اسع انا ناطى من خيمة العيد واخد فيكم يتوكح بيها .....وياريت يكون نوبى عشان بيعرف للتلج....
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: ود عكر كيفنكم لعلكم طيبين |
اهلا بقلب الخيمة النابض....شايف شكلتك فوق مع الرفاق ...حافظى على رمضانك
Quote: والله جيت مخسوس بدري ناذر دا مالو دخلوا لا جوة كلاب لهب ديل ساكاتنوا في نهار رمضان دا خلوا اليقعد مع الحيران ديل واقروا ليه يس والبقرة والمعوذتين والاخلاص. من العين وكلام الناس .. الولد دا النجيهة ما بتخليه. شايفاه منشيت طوالي ,نجيهة المنشيتات دي ما كويسة, بتقصر أجل الولد معانا. ادعوا ليه. |
تعرفى ناذر دا انا احترمو جدا وبحبو فى الله واتمنى ان نلتقى سويا بس الايام دى روحو محرقاهو وانا رشحته ليكون شهيد الخيمة ...ياتو جيران ؟بس الله يحفظو كلو شى ولا عضة الكلب نهار رمضان
Quote: شفت ايديولوجية نوبي أعلنها للملأ.... ايديولوجية السرور ولا كارل ماركس ... |
موضوع ايدولوجية نوبى داير ليهو بال رايق ...وهو راجل كويسسسسسسسس لو يخت عكازو فى الا رض ويهدى اللعب شوية....يعنى بالهداوة كلو يمشى
Quote: اها حيراني ديل ختيت ليهم اغرادهم في المطبخ جوة ومعاها شوية تمر وخشاف عشان القيام باقي كريم الكراميل خفيف |
. الحيران والجيران والغاشى والماشى يدعون لك بالتوفيق والسداد... ضفرة :ديا دايرين قراصة3بوصة ولقيمات قالو الحاجات دى بتذوب مع اول هزة فى نوبة الزكر
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
نوبى ...تحايا وشوق
Quote: ود عكر كيفك؟ تمام يافردة انت الخيمه دي الباب الوراء داك فاتح ؟ شامي لي ريحه صعوت ، في زول سافي ؟ منو الفاطر عندكم هنا ؟ اها الشمارات شنو ؟ ناس يأجوج و ماجوج كيفنهم ؟ لسه ورا الجدار ؟ و خالتو شايفها قاشره اليومين ديل بي شعار جديد الصفقات تكون زادت اليومين ديل ما عندهم وقت للكتابه و الكلام الفاضي حق شفع الروضه ده وناس اولاد كوداك بتاع الصور داك شايف استديوهاتهم عمرانه يشيل و يلصقو في الصور من الجنينه ( جنينه الحيوانات ) ظنيتهم دايرين يعملو ليهم حفله هنوك و عمك سعد الدين شايل مفراكتو واقف ليهم شخت شخيت ووقف قريب و قال لهم الراجل يجي بي هني !!!
ناذر هاك الحجاب ده امشي بيوو ما تقلعو من ضراعك نهائي الناس ديل شايفهم يدفنو ساي اخر الحوش
يا قلب العيد قرب و العكاز قاعد و شايف رجلك اخدت لي المشيه و الجيه هني امشي شمي الهواء في البرنده الجديده هنوك سمح !
ود عقيد شايفك مع ناصر عاملين صفرجت
وليد قال داير يقيم الحد علي المرتد
ناديه عثمان شايفك بتعملي مس كولات سااااااااااااي اي شيء عرفناو هسي دي لزومها شنو حاشرها في نص الكلام و في اخر رمضان كمان !!! انت سي جي عاداك ولا شنو ؟ بي شلاليفو القال تموها من هنوك ديك اللهم اني صائم فتكم بي عافيه عررررررت اها دي المرسيدس الجديده لكن الواحد اتعود علي ركوب الهنايات |
ضفرة : شغلك دا يرشحك لتكون شهيد الخيم التانى,,,انتا حمارك موديل كم ؟وشلاليفو Made inوين?
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ازيك يا ود عكر كيف حالك وكيف حال خيمتك
وقول لي ابو النيز عفيت منك الجماعية خليتم يتخابتو فوق بعض متل الدخل عليهم فيل.. في الراكوبة.. هييييييييع..
المشغولية.. ورمضان احمننا الجية ليكم..
فيصل نوبي تحية ود عقيد شايفك مع ناصر عاملين صفرجت
ناصر.. ان شاء الله ربك يعدل عليهو لملم لي حاجاتي القديمة بالمناسبة انت ما داير تلقط حاجاتاك زمن (نور).. تحية ومودة للجميع
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: ازيك يا ود عكر كيف حالك وكيف حال خيمتك |
وازيكم وانتو تتنسمون بركات الاراضى المقدسة ...ماتنسونا من خلص الدعاء
Quote: وقول لي ابو النيز عفيت منك الجماعية خليتم يتخابتو فوق بعض متل الدخل عليهم فيل.. في الراكوبة.. هييييييييع.. |
بعد دا كلو داير ليهو وصايا؟فقط ربنا يثبتو...
Quote: المشغولية.. ورمضان احمننا الجية ليكم.. |
اسال مجرب فقط بفتقدك ونتمنى طلتك.. ضفر:اعتقد الرائع البشارى فى طريقه للعمرة..محمود بكر عضو البورد الجديد من رياضكم العامرة هل له علاقة بوكالة السودان للانباء"سونا"
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ود عكر سلام واحترام وووين وبتسوي في شنو
Quote: ضفرة :ديا دايرين قراصة3بوصة ولقيمات قالو الحاجات دى بتذوب مع اول هزة فى نوبة الزكر |
تحياتي للحيران والقراصة 3 بوصة دي دايرة ليها صاج بي" َلدَايات"* في أرض الله مش طوة البلد دي , ورغم كدة عملتها اقرب ما يكون لي 3 بوصة 1.5 بوصة .
تساعدهم على القيام في الاواخر من رمضان...كتروا الدعاء
الله يهدي الناس كلهم الله يحل مشكلة دار فور الله يهدي سر ناس البورد المتكاجرين.
وبالمناسبة ابوي قال القراصة ما بعملوا معاها اي صحن تاني الا سلطة وبصل اخضر أو ابيض وصحن شطة ليمون.وما عارفة الحكمة من كدة شنو.
لكن التحلية ضرورية والكريم حتي لآخر رمضان. مع التحايا.
________________ * اللداية هي الحجارة التي توضع تحت الصاج أو الحلة لترفعها عن الارض والنار قليلاً وتمكنها من الاشتعال.
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
القلب النابض حبابك....
Quote: اللداية هي الحجارة التي توضع تحت الصاج أو الحلة لترفعها عن الارض والنار قليلاً وتمكنها من الاشتعال. |
يااااااااااااااى مش معقول بالله...شكرا على التفسير بس مثل هذه التفاسير تعتبر دلالة على مرحلة عصرية او عمرية محددة ودا يعنى بكشف العمر وكشف العمر عند النساء احد انواع كشف الحال... عموما اللدايات وكما اعلم هى من عهد الرواعية"الرعاة بالعربى الفصيح"وخاصة فى رحلة البحث عن الكلا والماء صيفا وخريفا ويستخدمون "بعر" حيواناتهم عندما لايتوفر لهم الحطب او الفحم ..... وطبعا طعامهم يعتمد على الحليب بصفة اساسية والعصيدة الفطيرة والشاى المقنن/المغنن"الصاح ياته"...بالله شوف السرحة دى.....تعرفى انا من ضمن التجارب التى اعتز بها وانا طفل انى سرحت بالغنم وتعلمت حلبهم والتعامل معهم وخبرت الارض والزراعة والحصاد واشياء كتيرة فى مرحلة مبكرة رغم انتمائى للمدينة اذا جاز التعبير...... شفت كلمة لداية جابت كلام كتييير كيف؟ ولهذه الكلمة اخوات فى تشابه الجرس الموسيقى مثل واختلاف العانى ...التاية والانداية... ضفرة: الوالد له التحية بس نسى الشاى التقيل مع نكهة الهبهان او الجنزبيل..تحياتى له
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
رمضان ايضا فرصة للتواصل الوجدانى , وتقوية الكثير من العادات الحسنة التى تسمو بالروح من خلال الصيام والقيام .وهو ايضا فرصة للوقوف مع النفس ومحاسبتها على العديد من الافعال والاقوال والعادات غير المستحبة التى الفتها النفس الامارة بحب الانفلات والاتيان بالمخالفات. رمضان فرصة لحب النفس ايجابيا من خلا ل الابتعاد عن كل ما يحط من قدرها ويحولها الى خاضعة الى عادات مضرة تنزل بها الى مواقف الاهانة ومحطات الزلل والضعف والهوان.
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ففى رمضان يمكن الابتعاد عن العادات المنفرة التى تهدر الوقت والمال والصحة والتفكير السليم , وتلك التى لا يسفيد منها المجتمع وتجعل من الشخص سجين لرغاباته الخاصة بصورة انانية تفصل عرى صلاتة مع الاخرين . المجتمع يتاثر بالفرد والفرد لبنة اساسية لبناء المجتمع الصالح او الطالح... فهو الاس والاساس , والمجتمع المعافى لا يقوم الا على الاساس المتين السليم ,
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
اذن رمضان فرصة للتحول الايجابى نحو المجتمع العادل المتواصال بعمل الخيرات ووالمتفاعل بنشاط التواصل وحب المشاركة مع الاخرين, وتقديم يد العون والمشاركة والشعور بالمودة والرحمة والتكافل والتعود على الاحساس بالتسامح والتواضع والعطف والرحمة بالاخرين ,والابتعاد على الانانية الشخصية واحترام حرية الاخرين وحصار النفس وتقييدها بقواعد المجتمع الجميله
| |
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
وهو ايضا محطة للتخلص من العديد من الشوائب التى علقت بها خلال المراحل العمرية او العادات السلبية السابقة ,وايضا فرصة للتزود بالكثير من الروحانيات الوجدانية التى تطوع النفس وتردها الى جادة الصواب وطريق الامان والسلام المجتمعى والفردى , وهوايضا فرصة للرجوع الى المجتمع بروح نقية تقية عامرة بحب الخير وصفحة جديدة لايمانيات تسمو بالنفس الى مرافى عالية قد لايلحق بها الفرد مرة اخرى اذا لم يستثمرها الان خلال ما تبقى من افضل الايام الاواخر فى رمضان.
| |
|
|
|
|
|
|
|