|
|
|
 Re: يا بهية وشباب الزمن جنية وعرس مافي (Re: khaleel)
|
متولي عارف
البنات السمحات في السودان وين
بعض الاحياء في امدرمان الملازمين ابوروف وبعض الثورات
في السودان بنات
رفاعة
بعدين بنات كسلا
بعدين بنات الباوقة
وممكن شوية في بربر
بعدين بنات فداسي الحليماب
واهلك العرب قالو
عنكوليب فداسي التورو قلب الارقو
قول لي عشاقو رقابو البضوقو بشرقو
| |
 
|
|
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
خلي
وجدتها وجدتها شكرا علي تذكيري بموضوع الهاف كاست عندي واحدة قريبتي امها دنماركية وابوها سوداني ودكتورة وتتحدث ستة لغات بمافيها العربي اديني فرصة اعمل اتصالتي واجيك بالزبدة
متولي صديقي
ياخوي ما لقيت الا الدنمارك ديل بتاعين الكاركاتير ما بنفعو معاي
وبتكون عرسة غير مباركة
واوعي تجيب زبدة دنماركية انا مقاطع
وانشاء الله الزبدة الدنماركية كان اكلها
تبقي لي بي امر قبض
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي الفردة
شايفك شطحت خالص ياابوالهندسة دي داير شغل جامد ياحبة ابوها خواجة يعني مصري ممكن مع العلم انو المصريين هنا في امريكا عند السؤال عن اللون في اي طلب لايذكرون انهم سود وانما بيض لذلك هم خواجات اذا اقتنعت بالفكرة فممكن نشوف ليك من اولاد بومبا ودي ساهلة يعني مقدور عليها
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
يا جماعة باركوها...
انا عندي عرض من جنوب افريقيا...
جاهز لخلي ..امها من الهند وابوها من الماساي...
ومضيفة في خطوط عالمية..ودايرة سوداني...
وممكن تذاكر ليك يا خليل كل تاريخ الكورة السوداني وتتكلم ليك عن (برعي)..و(جقدول)..
و(قرعم)...زي الترتيب!!!!!!!
وتوريك هلال مريخ في جوبا طلعت كم...بس ده كلو بالانجليزي...
سريع يا ابو الخل...عشان انا اسوي ترتيب!!!!!!!!!
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
خلى يا ابو خليل ..تحيات واشتهاء
جئت لكى اسجل حضور والقى السلام..
عندى ليك اقتراح ..تعمل عطاء او مناقصه للعروس وتضع شروطك..
وتكون لجنه للعرس واول حاجه تعملها ماتضع فيها عبد الكريم.. تكون لجنه محايده
انا عندى ليك عروس جاهزه وحريفة وست وبتدى سيك وراتب بالدولار وسياره اخر موديل
وتحت تحت سامع انو عنده كيس من (ميرغنى) ..او البيت السودانى
رايك شنو؟؟؟؟؟؟؟؟؟
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: عبدالكريم الامين احمد)
|
شنو..يا ابو خليل الاخبار السمعناها دي..
قالوا شيلتك 24...!!!!!!!!!!!
وقالوا الكوريلا 2006 الجديدة ح تمشي مع الشيلة!!!!!!!!!!!!
وقالوا كمان اشتريت ليك كامري 2006!!!!!
العين باردة...انت يازول لو شغال غسيل اموال ورينا..عشان نجيب (الطشت )..
بتاعنا ونجي..(لاحظ احنا ممكمن نكوي كمان)...!!!!!!!!!
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
عروسة تايلاندية..في موقع وظيفي كبير في الشركات التي تجهز
للاسياد في دوحة 2006..ترغب في سوداني...وياريت يكون مهندس واسمو فيهو (خ)..ودبل (لام)
و(يا)..في النص
رايك شنو يا خلو في الفيل التايلاندي...ده؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: عبدالكريم الامين احمد)
|
كريم
تايلندا صعبة شوية
لانهو عيونهم صغار
لازم زوجتي عيونها يكونو زي عيون صفية العمري زمان
لو عندك عروس
في تالتة طب
بتقرا في الاحفاد
او مامون حميدة
وابوها اكون شغال
في الامم المتحدة او اليونسيف او اليونسكو او صندوق الانماء العربي
وتكون ساكنة الرياض او المنشية
وتكون وحيدة وبيتهم اربعة طوابق كلمني
| |
|
|
|
|
|
|
|
|
 Re: يا بهية وشباب الزمن جنية وعرس مافي (Re: khaleel)
|
خلي الفردة
كلمني حاول حس بي كلمني ارمي اللوم علي كلمني والكائن يكون
كلمني يا حلو العيون حيرني صمتك ياحنون
خليل نحنا قصرنا معاك عروس وفتشنا ليك انا وكريم مرة هاف كاست ومرة قطرية واخيرا تايلندية ولكن خايف اقول ليك تزعل ولكن عشان انحنا عايزيين مصلحتك احسن تنسي موضوع العرس دا وصاحبة القسمة والنصيب قاعدة خالفة رجل فوق رجل ومنتظرة خلي ياتيها راكباحصانه الابيض واعدا لها بانها سوف يطير بها في سموات الحب وبين السحاب الي ذلك الحين ننتظر ونشوف
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: عبدالكريم الامين احمد)
|
متولي
كريم
وانا كيف القي سيد روحي وراحتي وهناية
لقيت واحدة ابوها شغال في الامم المتحدة
ابوها متخصص في اسلحة الدمار الشامل
قلتيها ما تخصص في بتك دي اصلها دمار شامل
اكتر من اليورانيوم المنضب بتاع ايران
والمفاوضات ماشة كويس
بعدين انا مبرك شيخين للموضوع دها
وقالو لي امرك مقضي
والبت شبه اتكسرت
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
والله يا متولي...
ضروري نعمل شتات وخالي محطات كمان....
لانو اخر عرض لخليل ..امس بالتلفون..رشحت ليهو واحدة صغنبوتية كده..تخيل قال لي
لا يازول ..دي لسع عاوزه خريف خريفين..(الزول ده ما زول عرس)...
وعشان كده ضروري نعمل (شتات يا فردة)
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: عبدالكريم الامين احمد)
|
يا
كريم
ويا متولي ود مالك ماتبقي مارق دي الموردة الغلبت الزمالك
فعلا العروس ابوها خبير اسلحة دمار شامل ما البرادعي ولا بيلكس
سوداني مية المية
ويوم وقفوها في بيت ابوها
والكلب بتاعي اسمو زنجور
وبتحب الحيوانات زي بريجيت باردو
رقيقة انيقة طوالي اضافي لون اضافي
والنصر الكافي يا قذافي تلاتة مافي
خليكم قريبن
other wise
الموضوع بايظ
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خليل
عندي ليك عرض جادي يا زول..
والفردة متولي ممكن يدينا استشارة فنية بحكم وجوده بالقرب من الاحداث..
كونداليزا رايس ياابو خليل..باقي ليها كم شهر كده وتكون فاضية من الكبع بتاع
الخارجية الامريكية ده...وساعتها بتكون في انتظارك لو لعبت بكرت الجوكر..
وقدمت لوراقك وساعتها ح كون مشهور شديد..
ويقولو ليك خليل راجل كونداليزا...
| |
|
|
|
|
|
|
|
|
 Re: يا بهية وشباب الزمن جنية وعرس مافي (Re: عبدالكريم الامين احمد)
|
كريم شايفك شطحت خالص في موضوع بت عمك رايس واوعي الرايس يصيبك لانو البت دي عندها خمسة دكتوراة من مختلف الجامعات وقالو تحت تحت هي مجكسة عمك بوش
لذلك نشوف لينا واحدة من اهلنا الغبش من اقصي اقاصي السودان واحدة تكون من النوع اللما يشوف التفاحة يغني عيد باي حال عدت ياعيد
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
كريم
متولي
بت الخبير وافقت
واتكسرت وادشدشت
ووقعت علي خشمها
عندها جواز بتاع امم متحدة
تاني مافي اي زول اتكلم معاي
اي زول بتكلم معاي حايتعرض للهجمة اطلسية وحرب استباقية
واتدخل في شئونو الداخلية باسم حقوق الانسان
وافرض عليهو الدمقراطية واخليهو اغير المناهج
اوعي من خليل
دها لعبو تقيل
ونمشي طويل ولي موبيل
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
خليك
كدة
يا متولي
لحدي ما ارسل ليك لجنة تحقيق دولية
والله احرش ابو النسب
كان ما وداك ابو غريب شنبي دها
اقوم في الظلط
اسمع برسل ليك مقاس البدلة
جيبها لي معاك من ايطاليا
مع انو العروس اهدتني بدلة العرس
وقالت لي يا خليل
تعال بالعندك ابوي بسندك
تعال
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
Quote: مع انو العروس اهدتني بدلة العرس
وقالت لي يا خليل
تعال بالعندك ابوي بسندك
تعال |
متولي..
حليل ابوخليل خلاص ختو في البترينة..
ونغني ليهو..
حليل خليل الزول الكان زينة..حليلو عرسو..و وختو في البترينة
| |
|
|
|
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
صالة الريفيرا
بياخدو اربعة وعشرين مليون والعشاء عليهم
لكن انا شايف نعملو في النادي الدبلوماسي
والعشاء من ناس كزام بستة مليون بس
بس خايف تجي مطرة
وناس كوفي عنان والبرادعي وبيلكس ازعلو من نسيبي واطردوهو من الشغل
عشان كدة تتكوي بالاربعة وعشرين مليون احسن
| |
|
|
|
|
|
|
| |
khaleel
Mutwali Malik
عبدالرحمن عزّاز
عبدالكريم الامين احمد
ضحيه ابراهيم
Ahmed Abdallah
الجيلى أحمد
Muna Khugali
Muhib
تيسير عووضة
فيس بوك
تويتر
انستقرام
يوتيوب
بنتيريست