|
Re: يا بهية وشباب الزمن جنية وعرس مافي (Re: Mutwali Malik)
|
شكرا متولي
بعدين بنات المنبر كلهم طفشن
ناس نون وريهان والهام وسحر
وتيسيير
ما كشكرن ساكت
اكون ما ارتضيت طموحاتهم
انت عارف اصعب حاجة تعرس ليك مرة مثقفاتية
حاتمرضك وتقول ليك المنظور
وفي الحتة دي
وفي اشكالية في انعتاق الروح من بوح الذات
والروي البنفسجية وكلام كتير كدي
احسن حاجة نسمع نصيحة الحبوبات
بقولو
عرس بت جارة امك
| |
|
|
|
|
|
|
Re: يا بهية وشباب الزمن جنية وعرس مافي (Re: noon)
|
مرحبتين حبابك سحر
واليوم السعيد اليلة جابك
وعقبال ما نشوف ناس ريهان
ونجود وانتصار والقلب النابض مشغولة بالدنمارك
وضروري نور تاور
طبعا فشلت استقطب تماضر شيخ الدين وعزاز شامي وامنة مختار
ديل ما بتكلمو في مواضيع زي دي طبعا انا اصدرت مرسوم
وفصلت كل اعضاء اللجنة السابقة
وحاشكل لجنة من حركة حماس
وما حاعتمد علي الحرس القديم
ناس كريم ومني
ديل حايبوروني
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
الاخ خليل تحياتى ذكرتنى واحد صاحبنا - موضوع المغالاة ده سبب ليه يأس غير عادى لدرجة انه مرة قال لينا (جاد) والله لو انا عارف محل الصور ده وين الا امشى انفخه عشان تتشكى تانى من جديد... كدى اصبر شوية جايز صاحبنا ده يلقى الصور وينفخه علا وعسى يكون ليك نصيب فى الحور العين ... مع ودى
| |
|
|
|
|
|
|
Re: يا بهية وشباب الزمن جنية وعرس مافي (Re: عاطف محمد أحمد زكريا)
|
الاخ خليل العزابي الذي فقد ظله
سلام
شايفك مطلع قرار كرتوني وعاوز تحل اللجنة ام اللجان
والكلام ده ما من صالحك واحنا ممكن نطعن في الحتة دي وحتي لو الموضوع يمشي لاهاي
وبعدين ملاحظات اللجنة في محلها
1 انت عينك طايرة والعطاء تقول فيهو كب قبل ما يقدموا...(وخلافنا هنا انك مفروض تتقل)
2 انت ما منتبه انو في ناس قاعدة تشرك وتحاحي في نفس الوقت
3 انت قاعد تسرب قرارات والمحضر بتاع اللجنة لناس (اللجنة عندها فيهم راي)
4 عموما اللجنة تطمن جماهيرها بانها لازلت قابضة علي جمر القضية
5 هناك اقتراح ان اكون انا الريس والاستاذة مني خبير قانوني ومالي بالجنة..........
لانها ما شايفة شغل الرئاسة ده كويس
| |
|
|
|
|
|
|
Re: يا بهية وشباب الزمن جنية وعرس مافي (Re: Muna Khugali)
|
لا يا مني وبلاش هروب من المسوؤلية التاريخية دي
ولا بد من تعريس خليل ده حتي لو طال الزمن...واقترح ان نوسس لهذا الموضوع ...
ونتناوله بطريقة علمية ونمحور الموضوع في الاسئلة التالية....
1: هل مشكلة خليل مشكلة اختيار (لانو عندو خيارات كتيرة ولا نو عندو فوبيا من العرس لاسباب
خفية)
2: هل مشكلة خليل مادية (كم سنة كده في امريكا ..والان مغترب خليج ) وما قادر يحسم فاتورة
العرس
3: هل خليل فاقد حنان
4: هل الرجل لمن يصبح بايركس بجغلب زي جغلبة خليل دي
دي يا ريس المواضيع التي يجب ان تناقش وبعدين ممكن موضوع خليل يمكن ان يحل ويكون
مرجع لناس
وتسلم ياريس ..البحكمتك بوستنا بقي كويس....
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
يا اعضاء اللجنة يا الما شايفين شغلكم
الهام والبرنس اتخطبو من المنبر ةدها
وبرضو سلوي صيام والخواض
وانتي تتضيعو في الزمن
لجنة انبثقت ولجنة ما عارف كيف
عشان كدة قرار الاعفاء بتاعي كان صحيح
وانا عايز ناس تكنو قراط في اللجنة
انتو اكاديميين ساكت
واللجنة الجديدة بقيادة
نور تاور القلب النابض انتصار محمد صالح
مع عبدالرحمن عزاز
ومتولي مالك
ومهام اللجنة تتلخص في اجراء اتصالات مع
سحر
نون
ريهان
بت نادية عثمان
لاقناعهم بالزواج من الود خليل
والوقت ضيق لان خليل مستجعل
وقرب اخش في عمر النبوة
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
والله يا خليل فصة غريبة
اخوك حصل الرابعة وانت لسع ولا واحدة ده كلام شنو
الرابعة دي بس عملها لي ابوي
انا ما عملت ولا حاجة لا مال لا شيلة لاشبكة لاشنطة بس عروس يرسلوها لي وانا عمري 42 سنة اها رايك شنو ولو جيتني لا لجنةولا يحزون بعفيك من ده كلو
بس جهز بيتك وخلاص
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
اللجنة بكامل هيئتها ممثللة في شخصي الضعيف...والريس مني
تهني البرنس والهام ..وخواض وسلؤي
وحتطلع بيان باسم (ده الشغل)
ويا ابو خليل اقعد ارجي لي الري....شايف الناس بجضموا الشغل كيف
وانت فاكيها فيناو في روحك...دايرة حمراء ومرة صفراء فاقع لونها تسر الناظرين...
والله لو ختيت اللجنة بتاعتنا دي حا تاكل نيم,,,,,,,,,,,,,,,
| |
|
|
|
|
|
|
Re: يا بهية وشباب الزمن جنية وعرس مافي (Re: عبدالرحمن عزّاز)
|
سيف مساعد
انا ما بقدر علي الاربعة
خلينا في الواحدة
البيت جاهز
نادية عثمان
انشاء الله تنحجي نجاح جد بركة ودتور مني وود المرين والشيخ الجيلي والشريف بركات وطه ابو التومات وبركة الشيخ العليش القلب القطن عيش
ورجال امرحي وابحراز وام ضوا بان
وسيدي حسن ود حسونة
اكان الشيوخ ديل كلهم ما نجحوك اكون ادروب ولوف
شوفي عروس بسرعة يلا
عزاز ما عليك
بس انت اجتهد
وما بنختلف
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي اخوي موضوعك سخن خالص اولا شكرا علي اختياري في اللجنة الجديدة وشوف انت من تاريخ فتح هذا الموضوع هل وصلت لاي نتيجة الزواج الان اصبح متطور وخير دليل كل الزيجات التي تمت في هذا المنبر لذلك ان عندي اقتراح انت احصر متطلباتك في شريكة حياتك وحددها للجنة الجديدة يعني ماعايز اقول انو نحن مرغوبين الكلام جاب زعل لبنات حواء اعتذر بشدة واسحب كلام ولهم العتبي حتي يرضو وتعرف ياخلي ياخوي المسالة واضحة جدا انو نحن مابنقدر نعيش من غيرهم والعكس صحيح لذلك اعقلها وتوكل وانا من هنا عندي ليك عدة عروض ومفاجات انتظرني في الحلقة القادمة راجع تاني ودمت
| |
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
الزعلا ن كلمو
اقع الخزان كلمو
الخزان لو بعيد
نيسان في الطريق
ياخي ما بقدر ازعل الدينا ريات ديل
وزي ما قال احمد بدير
هن رحمة لنا
المواصفات
كا لاتي
دي الكان مشت تفدع
قمرة ودسيها للمعاصم جدع
يا فريدة عصرك
يا ام جمال بدع
قلبي من يوم شافك
قلبي فارق ودع
شايف في ناس
عملو نفس البوست ونفس
لكن بوستنا ياباني
وداك تايواني
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
قمر السبوع الداير
اليلية الخليل ساير
وشفنا قمر بين الاقمار
ومالو اليل بقي لينا نهار
واحب سنجة والصعيد سنار
نسيبتو حفلا ومرتو مهلا
ما ود اب غلا ودعتو لابشراء
سلام يا ام العروس
جيت عريس تمام
وابتد المشوار
| |
|
|
|
|
|
|
Re: يا بهية وشباب الزمن جنية وعرس مافي (Re: انعام عبد الحفيظ)
|
شكرا يا انعام
نسو شنو
بنات المنبر قالو ما عايزات اعروسني
مع اني مهندس كامل الدسم
واشبه رشدي اباظة
وكنت في الجامعة
البت البشتري ليها سانتدوتش
ما بتاكلو
بتقشر بيهو مع البنات
يا سلافة يا سحر يا اهلية السانتدوتش دها اشتراهو لي خليل
جينا لبنات المنبر ديل عملن فيها ضبان ضكر
احسن حاجة الزول امشي السودان واعرس من الكرين
والكرين هو جامعة الاحفاد
سميت بالكرين لان بناتها سمحات
والكرين في بحري عرباتو سمحات
| |
|
|
|
|
|
|
Re: يا بهية وشباب الزمن جنية وعرس مافي (Re: انعام عبد الحفيظ)
|
يا خليل
والله طريتني الزين الجميل حق الطيب صالح
كان زولا رياد تب وكل يوم مكتول في حوش ناس
لكن الله بقدرتو الما فيها شك اداهو اجمل بنات الحلة
دحين انا بعرف لي كذا واحدة جميلة شايلة قليبها
وجايباهو لعينيك هدية (بعد نشرك للبوست)
بس مشكلتهن ماهن عارفات طريق الوصول ليك
يعني راضيات تب يعرًسنًك
لوقلنا لبكري يديهن حق العضوية
خايف يخرتوك شرامة المنبر
بالله وريني اعمل ايه؟
لانو لو تأخرت خايف ينتحرن
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
اجمل الزيجات العجبتني زواج بت من علوم ومهندس
الناس ديل كانو بحبو بعض خمسة سنين
وكانو للعاشقين دليل
تخيلو بت علوم اتزوجت رجل اخر
وعاشت معه في اوربا لمدة خمسة او اربعة سنين
ولكن انفصلت من زوجها
وتزوجت المهندس فلان بعد خمسة سنين
وكان زفاف عاشقين بعد فرقة وسط باقات دعاء الطيبين
وتحققت تفاصيل الرواية العالمية الكبري الحب في زمن الكوليرا
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي حبيب الكل نقطة نظام مرة قلت لقيت عروس قطرية ومرة قلت تعرس في السودان ومرة قلت تمشي الكرين يعني الاحفاد وماعارفين المرة الجاية حاتجينا باي تقليعة وبحكم اختياري في اللجنة المتعلقة بتزويج خلي اخوي عندي عرض جديد سودانية - امريكية الجنسية مقبمة بفرجنيا تعمل في مجال السياحة وجميلة كممثلات السينما رسل رايك في مسج ودمت
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
حليللك يا ابو خليل..........
خلاص ناووين يودوك خارج الحدود
......مرة امريكيا..ومرة السويد
اسمع
في عروس في المكسيك...
وواحدة من بروندي لكن ابوها من القضارف...
اسمع ديل بنفعن ولا نشوف ليك حواء جمايكا
| |
|
|
|
|
|
|
Re: يا بهية وشباب الزمن جنية وعرس مافي (Re: عبدالكريم الامين احمد)
|
يا ضفاف النيل ويا خضر الروابي
هل ريتن علي الشط فتي غض الاهاب
اسمر الجبهة كالخمرة في النور المذاب
فحبيبة قلبكيا ولدي ليس لها عنوان
ما اصعب ان تهوي امراة ليس لها عنوان
وستعلم بعد رحيل العمر
بانك كنت تطارد خيط دخان
بالله يا ناس منار ولدن وبت هلال ومها زكريا وبنات قانون وناس مشارق وبنات صيدلة وبنات اداب
تعالو شوفو خليل
بحصل ليهو شنو
قد هان حتي سمت عنه ضغيتنا فما غفرنا له بل رحمناهو
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
العرس في البلد لذيذ جدا ورخيص جدا
اول حاجة الشنطة فيها اتنين اتنين فقط
المهر خمسمائة الف
اوضة النوم اختياري
ناس الحلة ما بياكلو عزومة غداء
بل اجوك المساء
ياكلو حلاوة وبلحة
وموية مسيخة
مافي عصير وحركات
اكلت بلحتك تمشي الكراس
تدفع الفيها النصيب
وكان ما دفعت لي في عرسكم ما بدفع ليك
الضيوف بياكلو
العريس بشتري تور
والاكل اساسا للضيوف
ناس الحلة البجو من الصباح بياكلو عصيدة بي تقيلة
او ملاح روب
مع شعرية وسكسكانية
والواحد اخت ليهو سفة كبيرة
واحكي عن ضربة كبويتا وامشي الكراس
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
ندمان وسافي التراب علي حبنا
ضيعناك وضعنا معاك يا مني خوجلي
تعالي لرئاسة اللجنة تاني عليك الرسول
انا اتملطشت
واحد جايب عروس من بورندي وواحد من امريكا
والرئيسة الجديدة ما اشتغلت بي الشغلة
تعال يامني
وخليل حايلتزم بكل تعليمات اللجنة
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي اخوي سلام شفت العروض انهالت عليك كيف من ماجبناسيرة امريكا وانا قلت خليل اخوك مرغوب مهندس وعندو عربية كورلا 2006 ومغترب مابين الدوحة وامريكا ياراجل وبغتطس الحياة الزوجية وشوف الفرق بين اللجنتين واحكم منتظر ايميل منك عشان في حاجات خاصة ليست للنشر ودمت
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
باسم كل اعضاء اللجنة السابقة اللجنة الشرعية
وباسم الشعب وباسم جماهير الجمال....
نطالب بعودة الاخت مني خوجلي الريس الشرعي والمنتخب
باغلبية ديمقراطية.........الي تصريف مهامهما...
وسنلزم المدعو خليل ..للانصياع الي توجيهات الريس العليا
| |
|
|
|
|
|
|
Re: يا بهية وشباب الزمن جنية وعرس مافي (Re: عبدالكريم الامين احمد)
|
اشـكـركـم شـعبي...واشـكـر فيـكـم تلك الديـموقراطـبـة الصـادقة التي رأتني أصـدقـهم! الا اني ومـن نفس منطـلق الصـدق همـا..اري ان الشـعب قـد استهلك تماما فكـرته المتمركـزة حـول نهج الزواج والذي هـو بالتأكـيـد متعـثر لـدرجـة إخـيييي ....وذلك يبـدو واضـح في لهفـة العريس أبـو ركـبين الجـراي لإجراءات الزواج التي لايتم فـرحـها الا بمـا قلنـا عليـه إخـييييي وهـي السـفةالكـبيرة!
أري أن هـذا البـوسـت يحتاج الي احـيـاء الفكـرة الأسـاسية وهـي مشـكـلة الزواج ..وبالطـبع يمكـن استخـدام اسلوب المرح في الكـتابة مادامت هنـاك مناقشـة هـادفـة.. ونـري ان يخفف الأخ خـليل مـن طـقيشـه ودراباته التي يرمـي بها الآخـريـن في البوسـتات الخـاصـة بهم فشـهرته في ذلك عمت القـري والحـضر.. وبمـا ان السـيـد خـليـل هـو صـاحب البوسـت..فـإننا نرغـب في سـماع رأيـه ونرجـو ان يتقبل حـديثنـا بنفس الروح الخـفيفة التي يتمتـع بها .. وسـلام
رئيس لجـنة الضـعفـاء
| |
|
|
|
|
|
|
Re: يا بهية وشباب الزمن جنية وعرس مافي (Re: Muna Khugali)
|
يا حارسنا
ويا فارسنا
كنا زمن نفتش ليك
وجيتنا اليلة كايسنا
جيتنا وفيك ملامحنا
مرحب بربان السفينة مني خوجلي
وعين الرضا عن كل عيب كليلة
وعين السخط تبدي المساويا
بالعكس كل مداخلتي في حدود
اللباقة وان كان يغلب عليها الطابع الكوميدي
واعمل شنو انا اصلو ربنا خلقني دمي خفيف
من زمن الجامعة اسمي الوناس الاعظم
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
مرحب والف فرحانيين بعودة ريسنا الشرعي.......
وتلبته لما تطلبه الجماهير.........
واسمعني جاي ياخليل ياهو الريس مني جاء راجع
وكلام الريس واضح ...وانت ياخلييل لو عاوز الناس تمشي معاك
وتحل ليك موضوعك ده...بطل اللخبطة والمهابشة في بوستات الناس
ومخفف دمك..لفت ورايت..وعامل فيها دريد لحام
والله انا زاتي اشوفك عامل لخبطة في اي بوست..والله يا خليل الا ابوظ ليك
موضوع عرسك ده..
وعليك الله خت الكورة وطة..وخلينا نشوف لينا صرفة مع
موضوعك ده...وبلاش بنات المنبر يشربن بيك السفن اب...
تعمل كده بنطقك وبنلحقك (ميدو)
| |
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
احد الاغاني الشهيرة من تاليف خليل..(عندماكانت القصة واره معاهو)
Quote: العروس ذاتها طفشت قالت عندها امتحانات
بعدين اخر الاغاني لخليل العريس كانت كالاتي
ما بنروق ما بنروق وناس خليل خمجو السوق يا عيني.
وناري وناري ونارنا ناس خليل جو ورسمو البنا
مسطرة مسطرة منقلة منقلة اصلو شغلو كدة
دها ود عمي دها السحب دمي
ونمشي طويل ولي موبيل |
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
ألأخ خليل
تحياتي
ياا أخوان خليل ده خماكم أنا عارف العرس عندهم المهر 15 جنيه يعني بحساب عملة الإنقاذ دينار و نصف و الحفله ما شرط يكون فيها فنان و فرقه موسيقيه ، ممكن شوية فنان تعلمجي بي صينية شاي يقضي.والعقد جردلين تمر وماء بارد من تلكم الديار الطيبه.وكمان بناتهم بنات كريمات ضيف و مستورات حال و إكان للخلقه و الأخلاق حدث و لا حرج. وعليه أرجو من المتقدمات سحب طالباتهن خليل ده ولدنا ونحنا ما بنفرط فيه مع خالص حبي لكم جميعا.
| |
|
|
|
|
|
|
Re: يا بهية وشباب الزمن جنية وعرس مافي (Re: عبدالكريم الامين احمد)
|
اربعة وعشرين ساعة ماشوية
انا بخصب اليورانيوم للاغراض السلمية بس
بعدين الاحكام المطلقة انت والرئيس سيبوها
قريبا جدا حاتشوفو خليل عريس
كل المسائل تم الاتفاق عليها
حتي تقاسم السلطة والثروة
بس باقي قصة السكن
العروس وحيدة
وامها وابوها عايزنها تسكن معاهم
وانا عايز ابني ليت بيت في حي الجلابة
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
صديقي المهندس طارق عبدالله من العيكورة الجنب مدني ديك
حكي لي قصة لذيذة عن واحد من اولاد العيكورة كان خاطب واحدة فترة طويلة وبعدين الراجل موظف بسيط
ما قدر الم حق الزواج.
المهم البت لمها فيها مغترب من اولاد العيكورة وعرسها منو.
الود عامل فيها روحها رياضية جاء يوم العرس ركب الصيوان ويجيب صواني الاكل واعزم في الناس
اتفضلو يا اخوانا وما تكترو يا اخوانا الصواني جاية
وجيب زيادة ام رقيقة يا ولد وغسل لعمك داك يا ولد.
وفي المساء الراجل مشي استحمها ومنتظر الحفلة
حضر المغترب مع العروس ودخلو الحفلة فما كان من صاحبنا الا ان ( جعر) باعلي صوته
واك واك بكاء حارا ودمعا سخينا
والجماعة اصبرو فوقو ياخي انسي دنيا وقضت غرضها
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي العريس المرتقب ماتنسي تعزمنا الحفلة عشان احتمال كبير نلقي لينا واحد يجعر في حفلتك زي صاحبنا بتاع العيكورة وانت قلت كان في الجامعة بيسموك الكوميدي اهه انا كان في الحلة يسموني العزال اي واحد عايز يشتري بطيخة او شمامة يجيني امش معاه وكذلك للتاريخ اقول انو انا كنت سبب في عدد كثير من الزيجات في السودان وقطر وامريكا وضيعت الفرصة ياخلي المهم الف مبروك بالرفاء والبنين وتغلبه بالمال والعيال انشاء الله
| |
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
متولي
انت صدقتي
بحرر في سوقي ساكت
ولو عرست انشاء الله ابقي لي بنار
عايز ارمي حجر في البركة الراكدة دي
ولو عندك لينا بطيخة حمراء
نحن جاهزين
قالو بطيخ الشوك كويس
لكن بطيخ امريكا وقطر دها
بسقوهو بموية المجاري
عشان كدة ممكن اقوم علي المصران
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
سمعنا السنة الفاتت
قالو في السودان في واحدة
عرسوها ابوها جاب ليها اصالة نصري الكلام دها صحي
وبتغني بكم اصالة دي
واخر الاخبار قالو فرفور بخمسة مليون
وترباس بتمانية مليون ولمن استطاع اليه سبيلا
لكن انا بعمل قيدومات بنادر خضر وحسن صبره وممكن عصام محمد نور
وفي الدخلة الحفلة بزيدان شرطا يبدا الحفلة
باغنية
اكون فرحان يوم تكون جنبي
اعاين ليك وانت تبسم لي وتروق الدنيا في عيني
عليك الله يا عم تنقو لو عندك الاغنية دي نزلها لي في البوست
واكون ممنون
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
سحر مبروك والله انتي..الفائذة بالقاضية الفنية
وبعد د ه خليل ما عندوا طريقة يتزاوغ جاي وجاي...ويلا ورونا بس
انتو في سويسرا بيتكم وين للصليب الاحمر عشان نجي السيرة...بالقطرية...
تخريمة يا ابو خليل..
شيخة ده زول دفعة...بس حكاية الامجاد دي عجيبة...
كان يلبع رقشة احسن ليهو...
عموما دعواتنا له ..وايضا للناس المساكين (لو الكلام ده طلع صاح)
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
يااخوانا بعدين في مشكلة
انا ضيوفي كتار
بعدين بجوني الناس من البلد
عايزين بظبورتي وجناسي
وبجو عينانين بدورو اقابلو الحكيم
بعدين ما بحبو الفول
دينهم وايمان كسرة با ام رقيقة والسكة ضيقة
وبعدين بشربو الجبنة
الكلام دها كيف مع ناس سويسرا ديل
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خليل
سلامات
والله هسه انا جاية جارية جنس جري من البوست بتاع الماذون اصلو سمعت بي عرس بي جاي
اها انا ومنى خوجلي عاملين ماذون رايك شنو نتم ليك الموضوع ده
وشايفه العروس تضحك وخجلانة
خلاص السكوت علامة الرضى
| |
|
|
|
|
|
|
Re: يا بهية وشباب الزمن جنية وعرس مافي (Re: عبدالكريم الامين احمد)
|
ياخلي اثبت شايف الموضوع بقي بالجد بقيت تهضرب وجابت ليها وست ومربوطة وناسي كتار وبحبوا الجبنة وانت اوعي تكون جبنة وعلي قول احد المساطيل سالوا واحد اديك جبنة قال ليهو الجداد لسه ماجاب الطوب انا فهمتها بعد فترة المهم نجهز نفسنا للسيرة لسويسرا والعبد لله ماعايز تاشيرة تزكرة وبس وليك علي حفلة بالود سامي المغربي ويغني ليك عشة صغيرة كفاية علينا عشة صغيرة نفرش ليك برموش عينينا الف فففففففففف مبروك ك ك ك ك ك
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي يافردة حول التزكرة من الخرطوم لواشنطون - زيورخ وزي ماقال الشاعر حميد مافي فرق في الوقت الراهن بين واشنطون والخرطوم انا طبعا ياخلي عايزك تنتهي من موضوع الزواج عشان تتفرغ للحديث عن حبيبتك وكما قال الشاعر عن حبيبتي بقولكم ولسه برضي حاقولكم لونا سمرتو منكم عن حبيبتي حااحكي ليكم وقول ضفائرا ملتقانا دي مرة غنت عن هوانا فرحت كل الحزاني ومرة ناحت في المدينة الحمامات الحنينة قامت ادتا من حنانا
| |
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
متولي صديقي
انت في التذكرة ولا في العروس الاختفت دي
سبعة يوم والعروس مختفية
خلي بالك انا اكون مكتوب في جناح طيرة
وانتو يا ناس اللجنة شوفو العروس دي مشت وين
عندكم اوصافها
قامت وانتنت زي بانة ما شفتوها يا خلاني
القلل صبرنا واذانا
شفت عيوني في سيقانا
| |
|
|
|
|
|
|
Re: يا بهية وشباب الزمن جنية وعرس مافي (Re: عبدالكريم الامين احمد)
|
ياخلي خليك جامد سؤال انت العروس خطبتها من منو ثانيا هي عندها حق تتمنع عندها جواز سويسري عايز تخطبه من نفسها ياابوالخل اسال مجرب ولاتسال طبيب المراة لها كرامتها ولايمكن تتنازل عنها مهما كان شوف انت تسال عن ولي امرها وتتحرك بعد داك وما يهمك عندنا جستابو في سويسرا بس انت أشر
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي الفردة اهديك هذه القصيدة يانسيم بالله اشكيلو تباريح شوقي وهيامي يانسيم عن شخصي اروي له حديث الحب وتاويله وبالغ شرحي تطويله لعله يسيب دا كله او اقله يرجع قلبي في محله يكون في عطفه اكرامي وافوز بي حظي ومرامي دوام انا شوقي نامي له جداول دمعي تهمي له صرف عن حبي صار ميله وانا اللازال احامي له احبه وافتخربه اهوي قربه واخشي حربه يزيد في هجري واضرامي وازيد في حبي وغرامي جفاك زاد قلبي في ويله تعال ياحبيبي داوي له بخمرة لحظك اروي له عذولك سيب اقاويله واوهامه واباطيله ياخي اهديك اوعي من ديك هم اعاديك ختام ياروحي اهديك تحيات حبي وسلامي وجواهر شعري وكلامي ابوالخل بعد لو العروس ماظهرت نمشي نشوف البديل ونرجع تاني لخانة اليك مع تحياتي
| |
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
متولي صديقي
انت الوحيد البتسال
مني خوجلي ذهبت واشتغلت مازون
الهام عرسوها
انتصار مشغولة
نون خرجت ولم تعد
القلب النابض ونور تاور ونادية عثمان مشغولين بغنائم معركة احد
سوميتا جات مرة واحدة
انعام جات مرة واحدة
الرجال سدو دي بطينة ودي بعجينة
سيف مساعد عريس
المهم تركوني
وحيدا وتربع في العرش الدولار
لكن ولا يهمك
بايدينا صممنا لازم نبنيك يا بلدنا
واهلك العرب
قالو المتكولة واقعة
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
والله يا ابوالخل..
موضوعك ده ..طول..
عشان كده انا بقترح..انك تعمل اعلان في الصحف المحلية..
او تتمدد في مواقع اخري..لانو بنات (سودانيز اونلاين)..ديل حررن عديل كده
(راسن اردب سمسم بس)...
انا غايتو بقترح ليك عكس الريح
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي رفيق الدرب تعرف انا ابتديت اقتنع انو عاملين ليك عمل في موضوعك دا وخائف اقول ليك كما قال الشاعر ان حظي كدقيق فوق شوك نثروه ثم قالو لحفاة يوم ريح فاجمعوه لكن انا عارفك زول جامد وخيرها في غيرها بس لاتدع الياس يدخل الي قلبك تحمل ياخي وبرضو هن رحمة لنا
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
متولي
هم تلات اسامي
اي اسم احلي من التاني
يا الخرطوم يا عندي جمالك
ويا بنات بحري قالو بتحبو
الجمال يا ناس سوي لي خلعة في الركابية وحي القلعة
احسن عروس بتكون وين الخرطوم ولا بحري ولا امدرمان
ولا لا هذا ولا ذاك
بل في سويسرا
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي رفيق الدرب اصبح لسان حالك يقول كما قال الشاعر حجبوه حيرونني ابوليك يزكروني ليه ياحبيب اراهم زايدين في جفاهم من شدة قساهم مانعين التفاهم برضي اقول برضي اقول عساهم يسحمو لي بوصلك انا نصيحتي ليك اقع امدرمان حيث ودارو الشباب الحلو ودمت
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
خلي رفيق الدرب حمدلله علي السلامة وهذه العودة المرتقبة اسعدتني جدا والكبير كبير والصغير مانعرفوش اهدي لك اغنية الرائع هاشم مرغني لو كنوز الدنيا راحت صدقيني روحتا مابتاثر انا اصطفيت ليك عمري كلو مافي غير فقدك بخسر لوعجزت النظرات تعبر خلي الغنا البكاي يفسر ولو وهبتك عمري كلو كلو تلقيني في ريدك مقصر بعد دا نرجع لموضوع التزاكر وسامي المغربي ولاشنو يافردة مع خالص تحياتي
| |
|
|
|
|
|
|
Re: يا بهية وشباب الزمن جنية وعرس مافي (Re: Mutwali Malik)
|
هلا متولي ود امدرمان وسيد البكان
تعرف قالو ترتيب البنات السحمات في جامعات السودان كالاتي
اولاد الحفاد
اتنين مامون حميدة
تلاتة التقانة
اربعة الاهلية
والتذاكر جاهزة وكلم سامي المغربي للحفلة
وقاشرة ماشي وين
ماشي الحفلة دي
حفلتكم بي منو
سامي المغربي
هذا تحريف قام به ناس السودان
لاغنية غربية
| |
|
|
|
|
|
|
Re: يا بهية وشباب الزمن جنية وعرس مافي (Re: khaleel)
|
اجمل الزيجات كانت زيجة صديقنا المهندس
احمد نور وهي في تانية هندسة والراجل دفعتنا
عرس في البلد
ويوم الخميس اغشي السوق الشعبي
اشيل رغيفو وموزو واتوجه البلد
الراجل كان مستقر جدا
رايكم شنو في زواج الزول وهو طالب
وزي ما قال طه
سمح الزول صبي الد واربي جناهو
| |
|
|
|
|
|
|
|