|
Re: هل نري صديقي عبد الكريم الامين في القصر الجمهوري قريبا (Re: سارة حمزة)
|
Quote: عبد الكريم المدعو بكيكي
اوع بس اكون مقصودة بالكلام ده السيرة دي ما بحبهاش |
مرحبتين يا سارة.. كدي حسي خلينا من القراية ام دق دي.. انت عملتي لينا شنو في موضوع الفواتير الثلاثة للسراميك الايطالي.. شايفك من ما قلنا ليك جيبي فواتير ثلاثة كبيتي الزوقة...اركزي يا مستشارة البيئة والمفروشات..
| |
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
تم نقل المهندس عبد الكريم مستشارا للامن الوطني بالقصر الجمهوري
بعد نجاحاته في المستشارية الزراعية .
وقد تم وضع خطة محكمة في مستشارية الامن الوطني
لاننا كما تعلمون دولة مستهدفة من دول الاستكبار لواد المشروع الحضاري
وقد تم تكوين ادارة فعالة لمراقبة انشطة الدول المعادية
وعلي الصعيد الداخلي ستتاح الحريات كاملة للصحافة بس ما عايزين قلة ادب في الكتابة
عشان ما تكون زي الصحف الرياضية
وسنسمح بالتجمعات والاحزاب بعمل ندواتها ومخاطبة عضويتها في حرية ويسر
بس النقابات تطالب بحقوقها بادب شديد وبدون استعمال سلاح الاضراب
سنغلق جميع بيوت الاشباح ومراكز التعذيب
ولا يجوز اعتقال اي مواطن الا بواسطة قاضي
بعد كدة البعمل مشاكل لا يلوم الا نفسه
سنقوم بهدم منزله لا نعذبه ولا نعتقله
لا هل بلغت
| |
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
مرحب خليل..وحباب القصر الجمهوري مرة اخري مادام القصة فيها امن وسلامة...
1-انشاء وحدة امنية ذات كافة عالية لتاديب دعاة العنصرية والنعرات البغيضة... ديل يتم جلدهم في ميدان ابو جنزير وبعد داك يجو عندي في القصر عشان اسمعهم كلام فارغ شديد اسمو(طابور عنصرية) 2-اطالب بفترة 15 يوم بدون شفافية عشان اضاير فيها بعض المرجفين واعملهم ليهم طابور ارجاف (15) يوم بس وتاني اسمع وحد فيهم يقول سيك ميك.. 3- حل كل اجهزة الامن المالية البلد وارسال افرادها الي كنانة والرهد لحفرها بواسطة كندكات وتوفر الحكومة الكجيك لمدة ثلاثة سنوات..ما داير لي زول لابس اشتراكية ولميط يتحاوم الي في البندر.. 4-طبعا ياخليل بجانب تسخير الامن لخدمة المواطن والوطن بكل حرية ..وللمواطن الحق في التظلم الي اعلي سلطة في البلد...
| |
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: عبدالكريم الامين احمد)
|
هلا سعاد ة
العميد الركن مهندس عبد الكريم الامين
استاذن سيادتكم بان تكون التعيينات في جهاز الامن
من خريجي الجامعات وكل من يلتحق بالجهاز يجب ان يكون من (الانتيليجنسيا) اي النخبة
الاذكياء . علي مستوي الضباط
علي مستوي الجنود يستوعب طلبة الشهادة السودانية للذي يحرز نسبة سبعة ستين وتمانية من عشرة
لازم سعادتك تركز علي التمانية من عشرة لكي يسهل استعياب الخطط الامنية والاهداف الاستراتيجية للجهاز
لكي لا يظل الجهاز ( موغل) في عوالم من انصاف المتعلمين والفاقد التربوي
وهذا ممكن ان يسي لهذا الجهاز الحساس
| |
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
حاضرين يا مستشار..لك ما اردت ونعم المستشار يا كمندان خليل..
لكن خت في بلك لازم الانترفيو يكون عميق وشامل وكم يوم كده..ولازم تتكون لجنة فيها خبراء في كل الجوانب حتي لا تسلل عناصر رخوة الي الاجهزة الامنية .. البوليس برضو يكون مؤهل ومنضبط شديد(لازم جكة مع الصباح)..واي بوليس ياخد رشوة لازم يمشي (ابو جنزير للجلد).. تسخير القوات المسلحة بعد وضع الاسس الامنية وتسخيرها للاعمال المدنية طرق كباري زراعة... ويبدو ياخلي انت فعلا مستشار يجب ان تستشار,,مش زي صحبك داك
| |
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
لكن يا سعادتك هل جهاز الامن تابع لوزارة الداخلية ام الدفاع ام كيان مستغل كل يا خليل لازم جهاز واحد..وسيستم واحد ما دايرين اجهزة كثيرة مالية البلد..كفاية جهاز شوون المغتربين... علاء الدين (شلاليت) ..يلعب كورة بس في الهلال بالله ياخليل ما دايرين واسطات من حسي...
....بالله يا خلي هو جهاز الامن ما تبع وزارة الداخلية..
| |
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
هوووووووووووووي سلام عليكم كيكي يا صحبي خليل بكلامو ده ناوي يوديك الخور ,,, ويفقدك هيبة الشغلانه دي...
Quote: وعلي الصعيد الداخلي ستتاح الحريات كاملة للصحافة بس ما عايزين قلة ادب في الكتابة
عشان ما تكون زي الصحف الرياضية
وسنسمح بالتجمعات والاحزاب بعمل ندواتها ومخاطبة عضويتها في حرية ويسر
بس النقابات تطالب بحقوقها بادب شديد وبدون استعمال سلاح الاضراب
سنغلق جميع بيوت الاشباح ومراكز التعذيب
ولا يجوز اعتقال اي مواطن الا بواسطة قاضي
بعد كدة البعمل مشاكل لا يلوم الا نفسه
سنقوم بهدم منزله لا نعذبه ولا نعتقله
لا هل بلغت |
ده كلام ده نحن في ياتو دوله ولا ياتو قصر البشتغل بكلام (حالم) زي ده... عموما النقاط الخاصه بالمستشاريه عظيمه ومتينه وذات طابع ديمقراطي مايع وما بنفع في دوله يعلو فيها صوت الجهويه.. شي تاني (شايف مستشارك بعملو لصالح المهندسين تحت تحت ) يهد البيوت قال تلقاها عند القافل عموما ياكيكي لو دي رؤيتك في الامنيه, امشي شوف زير فاضي جنب السوق العربي ونظر في مع البجو يشربو من عندك (ملح) خسيئتم ,,, عايزين تفقدونا عشم السلطه..
عموما انا اعتــــــــرض على ما طرح... ولازم تشدد في مساله بيوت الاشباح دي ولو ما لاقي بيت فاضي تعال اديك بيتنا تستخدمو (على الاقل ممكن نهاب ونصير اشباحا)
ارجو الافاده والا توقعوا الانقلاب في الساعات الاولى من صباح الغد..
| |
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
يا خليل بوستيك يا زول بصراحة انا كجيتو والقصة ياهو شايف براك جابت ليها (زنقة بقال) وهبايب.. وتاني (قرقر مسو يا مسو يا قربي)..والمرة الجاية الواحد يجيب فكي قوبي المنبر ده ويقعد ينتظر الكفاوي والهبايب الزي دي..!
بعدين يا زول انا ما ماشي اي قصر..خلاص حردت القصر يا خليل وتم تسريحك من الخدمة...
| |
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
Quote: ومغامراتك في هونولولو وجزر الكاريبي
وصفقات الاسلحة الفاسدة مع ناس حسن ماكردة |
مرحب ياخلي ياخ انت برفدوك يا زول..هو الرفت ده قال ليك ساكت كده.. وبعدين هونولولو دي..مش كنا سوي...
كدي نرجع للموضوع زي ماقال عمر اومو. احنا واقفين وين حسي ..في ياتو مفوضية..مسكني نار عليك الله ولك ان ترفع كاس فالقصر مباح وهو قصرك..
| |
|
|
|
|
|
|
Re: هل نري صديقي عبد الكريم الامين في القصر الجمهوري قريبا (Re: khaleel)
|
سعادتك
الراي العام زعلان جدا بعد ضربنا للمظاهرات بالطيران
عشرين تلفون في مكتبي ضربت لي كونداليزا وزلماي خليل زاد واحمد نجاد وكي امون
وسفير جزر القمر وبابا الفاتيكان .
وحتي نجوم السينما سفراء النوايا الحسنة ناس عادل امام وحسين واستاذ كابلي وجولياروبرتس
العالم كلو محتج
فدحين يا سعادتك يبدو اننا حا نمشي مستشارية التعليم العالي
ويا خسارة السيراميك والعفش الجبناهو للمكتب
عندنامشاكل كتيرة
جامعات زي التعاريف وسكن طالبات وسكن استاذة
غايتو امشي ذاكر
| |
|
|
|
|
|
|
|