|
Re: كيف يكون مصيرك لو احببت امراة متزوجة (Re: khaleel)
|
استاذ / خليل صباحك خير
Quote: قد يخطي قلبك وومكن ان يكون صائبا
ماذا لو احببت امراة متزوجة
رايكم يا اهل الهوي |
اجابة علي العنوان / كيف يكون مصيرك لو احببت امراة متزوجة....؟ مصيري شنو ياماااااااان اكان لقيتوني مقطع في اكياس نايلون برضو تكون ماقصرت....!
هارون دياب
| |
|
|
|
|
|
|
Re: كيف يكون مصيرك لو احببت امراة متزوجة (Re: khaleel)
|
خليل ...
أحكي ليك حاجة غريبة جداً ...
الكلام ده في أوائل التسعينات ..
واحد من الشباب .. جاني .. ووهو متأثر جداً ... وعاوز يسألني في حاجة مهمة ..
طيب .. قال .. إنه بحب ليهو .. بت .. وفي نفس الوقت بحب أمها ..وعايز يعرف دينياً الحاجة دي
حرام ولا لأ ؟؟؟؟ ..... طبعاً أنا زي خمس دقايق كده ما قادر أستوعب ... وهو ملامحه لسه حزينه ...
غايتو .. بعد دقايق كده ..ولعت لي سيجارة .. ومشيت بدون أي كلمة مني ...
| |
|
|
|
|
|
|
Re: كيف يكون مصيرك لو احببت امراة متزوجة (Re: Hatim Yousif)
|
Quote: طيب .. قال .. إنه بحب ليهو .. بت .. وفي نفس الوقت بحب أمها ..وعايز يعرف دينياً الحاجة دي
حرام ولا لأ ؟؟؟؟
|
حاتم يوسف انا بتكلم عن شخصيات طبيعية زولك دها بحب البت وامها ( خليهو يقلب القدرة علي فمها
تطلع البت لامها كما يقول اهلنا في مصر الشقيقة وبمناسبة مصر الشافعي قال من لم يتزوج مصرية
مات عازبا
| |
|
|
|
|
|
|
Re: كيف يكون مصيرك لو احببت امراة متزوجة (Re: Mohamed Omar Salem)
|
أخي خليل
في الواقع حدثت 3 حالات وكانت حديث المجالس ..
الاولى كانت بعد عام 87 عندما قبل الزوج بخلو الرجل من رجل الاعمال المعروف (خ _ ف )
وتم الطلاق وكانت مراسم الزواج في لندن ..
والثانية رفض الزوج الطلاق فآثرت على نفسها زوجين ( واحد في الخرطوم والزوج الثاني في جده )
الثالثة حدثت في الرياض وتم الطلاق من الزوج الاول وبدون خلو رجل ...
| |
|
|
|
|
|
|
Re: كيف يكون مصيرك لو احببت امراة متزوجة (Re: علاء الدين حيموره)
|
Quote: الاولى كانت بعد عام 87 عندما قبل الزوج بخلو الرجل من رجل الاعمال المعروف (خ _ ف )
وتم الطلاق وكانت مراسم الزواج في لندن ..
والثانية رفض الزوج الطلاق فآثرت على نفسها زوجين ( واحد في الخرطوم والزوج الثاني في جده )
الثالثة حدثت في الرياض وتم الطلاق من الزوج الاول وبدون خلو رجل ... |
لا نحن ضد خراب البيوت
تحب بس من بعيد لي بعيد
| |
|
|
|
|
|
|
Re: كيف يكون مصيرك لو احببت امراة متزوجة (Re: khaleel)
|
علاء الدين .. سلامات ..
وبرضه حالة رابعة بس قبل ديل كلهم ... في السبعينات ..
وبرضه في دولة خليجية .... ولندن ..
وبرضه ..ملياردير .. سوداني ...
عرض .. ثم موافقة ... ثم طلاق من جهة .. ثم زواج بعد حين ..
ملحوظة :-
كل ماسبق .. (المليونير + الخليج أو أوربا ) .. عوامل مشتركة
الله يستر ...
| |
|
|
|
|
|
|
Re: كيف يكون مصيرك لو احببت امراة متزوجة (Re: khaleel)
|
Quote: محمد خليل
الموضوع للنقاش وليس شخصي انا ما بحب النسوان المتزوجات |
العزيز خليل
تحياتي
صدقني ابدا انا لم اخذ الامر باي ناحية شخصية واعلم تمام العلم بانه موضوع عام مطروح للنقاش.ولكن المداخلة اعلاه لفك التقطيبة عن تقاطيع البوست يعني ( مشاغلة ليس الا) ولك العتبى ان وصلتك مداخلتي في شكل( شوتة ضفاري).
كامل تقديري
محمد
| |
|
|
|
|
|
|
Re: كيف يكون مصيرك لو احببت امراة متزوجة (Re: mohmed khalail)
|
محمد خليل
لا عليك انا زاتي بهزر
حذاري من الاغنية التي تقول
يا بنت عشرين والايام مقبلة ماذا تريدي من معبود سبعين
ونحذر من زواج الرجل صاحب الستين عاما بالزواج من بنت التعتاشر والعشرين لانه عمنا حفار
عنده حكمة بتقول
( لو مشيت الدكان حاتدي الحبان)
ووب علينا الما قرينا
| |
|
|
|
|
|
|
Re: كيف يكون مصيرك لو احببت امراة متزوجة (Re: khaleel)
|
عماد احمد يغني التلفزيون والحرمة مع زوجها الظاهر الحرمة عجبها الفنان عماد
وبدات تسال في زوجها
ابو فلان الفنان دها اسمو منو
قال ليها عماد يا ولية
ومن زمان بغني
قال ليها لا والله جديد
عليك الله ناس التلفزيون ما بجيبو طوالي ليه
الراجل عرف الحرمة ( ريلت في الولد)
قام قفل التلفزيون وقال ليها يا ولية (اندمسي )
دها جزء من خيانة المراة بقلبها
| |
|
|
|
|
|
|
Re: كيف يكون مصيرك لو احببت امراة متزوجة (Re: khaleel)
|
ظللت متابعا لهذا البوست عسى أن أجد محللا جيدا لهذا الوضع الاجتماعي الصعب وغير المستثنى من اي مجتمع جميع الردود السابقة لم تقترب من وضع اليد على الجرح المشكلة اجتماعية مستفحلة في كل المجتمعات بغض النظر عن منعها قانونيا او دينيا او غيره.. فهو موجود رغم انف القانون الرجاء الكتابة بموضوعية ومعا لحل مشاكلنا الاجتماعية
| |
|
|
|
|
|
|
Re: كيف يكون مصيرك لو احببت امراة متزوجة (Re: Abutalib Elgorashi)
|
Quote: المشكلة اجتماعية مستفحلة في كل المجتمعات بغض النظر عن منعها قانونيا او دينيا او غيره.. فهو موجود رغم انف القانون الرجاء الكتابة بموضوعية ومعا لحل مشاكلنا الاجتماعية |
ابو طالب
الحلول اما مادية او اخلاقية وهذه يمكن معالجتها
اما الحلول العاطفية دي ما بقدر عليه
| |
|
|
|
|
|
|
|