|
|
 أمي ... شاعرة
|
مدح .. عثمان حيمورة
بحر التسابة ابكم اللي العشمان بتلم بعيد يا سماء ما بتنطلع سلم
انت يا بحر التسابة يالغيمة الطابق سحـابة
ادوك نيشان الحرابة وزايد احترامك للنسابة
بحر التسابة ابكم اللي العشمان بتلم بعيد يا سماء ما بتنطلع سلم
انت يابحر المسور غالبني فيك اجيد القول
محرم كل الكحـــول وفــاتح قلبك لكل زول
بحر التسابة ابكم اللي العشمان بتلم بعيد يا سماء ما بتنطلع سلم
انت يا بحر الدميرة يالتامي كل النفيلة
انت ود عز القبيلة بدنقر وتشيل التقيلة
بحر التسابة ابكم اللي العشمان بتلم بعيد يا سماء ما بتنطلع سلم
بسم الله يالولدة الحلال يالتبري الصافي الما صقال
بقول يالــحي ذو الــجلال علاء الــدين يبقى خـال
بحر التسابة ابكم اللي العشمان بتلم بعيد يا سماء ما بتنطلع سلم
ودعتــك للمصطفى ابو مهدي يا سمــح الصفـــا
يالقلبك ما بعرف الجفا ومن شافك العكران صفا
بحر التسابة ابكم اللي العشمان بتلم بعيد يا سماء ما بتنطلع سلم
بجر النم بي وسامة يالظاهر ذي العلامة
الافلج الفي صدرو شامة
بقابل الضيف بي شامـة
وبابو فاتح للعشامــة
دا الفارس والد اسامة
بحر التسابة ابكم اللي العشمان بتلم بعيد يا سماء ما بتنطلع سلم
اخواني يقـودوا الرسن عثمــان والسر وحسن
اخواني المدفع رطن وهم الجلة البارودا طن
زينب حيمورة (حنانة)
__________________________
ابكم (بكسر الكاف): زبد البحر
النفيلة : الصفات
|
|
 
|
|
|
|
|
|
|
|
Re: أمي ... شاعرة (Re: انعام حيمورة)
|
امي (حنانة)
لها العديد من القصائد ولقد كانت هذه اولى قصائدها والتي تغنت بها لمدح اخوها (عثمان حيمورة) والد اشراقة ...
كتبت هذه القصيدة في حوالي الستينات ..
قصائدها تتنوع من مدح الى زم واحيانا تحكي عن لسان حالها ...
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
يا نوبي .. والله لو شفتها بتقول سودانيزاونلاين كيف .. تقول صحي صحي نديها عضوية ...
وهي متابعة جدا لكل الاخبار وبتعرفكم واحد واحد ..
| |
|
|
|
|
|
|
|
|
|
Re: أمي ... شاعرة (Re: Ashraf el-Halabi)
|
اشرف الحلبي
كيفك والله امبارح مشيت حكيت ليها قالت لي عليك الله اعملي لي طباعة ليه كل يوم ..
وهي كمان بتسلم عليك كتير .. و لسة ياما في الجراب ياحاوي .. بس تابع .. تحياتي
| |
|
|
|
|
|
|
|
|
 Re: أمي ... شاعرة (Re: انعام حيمورة)
|
Quote: بسم الله يالولدة الحلال يالتبري الصافي الما صقال
بقول يالــحي ذو الــجلال علاء الــدين يبقى خـال
بحر التسابة ابكم اللي العشمان بتلم بعيد يا سماء ما بتنطلع سلم
ودعتــك للمصطفى ابو مهدي يا سمــح الصفـــا
يالقلبك ما بعرف الجفا ومن شافك العكران صفا |
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
يا طم طم ...انتي حريفة ..
| Quote: بسم الله يالولدة الحلال يالتبري الصافي الما صقال |
حنانة بتغني القصيدة بلحن وصوت شجيين وكلنا في العائلة من اكبر زول لاصغر زول حافظنها ودائما في المناسبات بنغنيها ..
لكن امبارح لاول مرة حكت لي انو مجرد ما يجي البيت دا امها تقوم تنقط ليها بي خمسة جنيه ، قالت لي بقيت لما اكونه مفلسة بس اجيب لي حاجة ادق فيها وادور ...
وشكرا ليك على التثنية
تقبلي تحياتها ...
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
نعومة كيف حالك وإزيك طبعاً انا عارف امك شاعرة وقصيدة هبة الله مازالت عندي , بس المستغرب ليهو ليه
علاء الدين ما طلع شاعر ؟؟؟
وعلي فكرة انا كمان امي شاعرة وإنشاء الله في إجازتي دي حا أقوم أسجل ليها كل قصائدها ومعظمهم في
اولادها اللي هم نحنا , ربنا يطول في عمرهم ويديهم الصحة والعافية .
| |
|
|
|
|
|
|
|
|
|
Re: أمي ... شاعرة (Re: هاشم أحمد خلف الله)
|
هاشم ..
الله يخلي ليك امك يارب .. وجيب قصائدها عشان دا تراث حقيقي ...
علاء الدين دا شدة ما فنان عندو قصيدة كبيرة بحجمو خليك متابع عشان تتعرف عليه بعيون امو ..
تحياتي
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
انعام
بدون لف ودوران
لو عايزا تديها العضوية أفتحي الشنطة و أديها (Pass word)
أصلو قالو العضوية في شنطتك
الحيموراب ملو البورد
بس خالتو ما بناباها
يعني مهند أحسن منها؟؟
حيموراب
لكم الود
| |
|
|
|
|
|
|
|
|
|
Re: أمي ... شاعرة (Re: ALGARADABI)
|
Quote: انت يا بحر الدميرة يالتامي كل النفيلة
انت ود عز القبيلة بدنقر وتشيل التقيلة |
تعيش حنانة..
ما نسحركم لكن لازم تكون امكم شاعرة واديبة
عشان تطلع كل الالق الجميل دا
الاسمو عقد حيمورة...
ربنا يخليها ليكم ...الحنانها عبر البلاد
والمحيطات...
ما شاء الله تبارك الله...
| |
|
|
|
|
|
|
|
|
|
Re: أمي ... شاعرة (Re: bayan)
|
(تعيش حنانة..
ما نسحركم لكن لازم تكون امكم شاعرة واديبة
عشان تطلع كل الالق الجميل دا
الاسمو عقد حيمورة...
ربنا يخليها ليكم ...الحنانها عبر البلاد
والمحيطات...
ما شاء الله تبارك الله... )
تعيشي انتي يارب وربنا يخليك يا بيان
وربنا يخليها لينا
اممممميييييييييييييييننننننننننن
| |
|
|
|
|
|
|
|
|
|
Re: أمي ... شاعرة (Re: عصام عبد الحفيظ)
|
تفرع قامة هذه الأم ... وتطول ,
... تغطي الجبال ... فتوردنا
من صدر السحاب قطرا ناعما
وتعيرنا خيالا دفوق الأنصاب
فما أسعدكم ... بأم من قطف
الروح الباذخة ... ومن تربها
الميمون .
تسلمي ... إنعام ... وفيك إمتداد
هذا الخصب ... والجمال .
ربنا يحفظكم ويغطيكم من كل مكروه ,
عيني ... باردة
مع مودتي
| |
|
|
|
|
|
|
|
|
|
Re: أمي ... شاعرة (Re: HAYDER GASIM)
|
Quote: تفرع قامة هذه الأم ... وتطول ,
... تغطي الجبال ... فتوردنا
من صدر السحاب قطرا ناعما
وتعيرنا خيالا دفوق الأنصاب
فما أسعدكم ... بأم من قطف
الروح الباذخة ... ومن تربها
الميمون .
تسلمي ... إنعام ... وفيك إمتداد
هذا الخصب ... والجمال .
ربنا يحفظكم ويغطيكم من كل مكروه ,
عيني ... باردة
مع مودتي |
بالكلام المنمق دا اثبت شاعريتك الفذة ..
وشكرا لك على ما تكنه لنا من مودة .. تسلم
| |
|
|
|
|
|
|
|
|
|
Re: أمي ... شاعرة (Re: عصام عبد الحفيظ)
|
عصام عبد الحفيظ
الحاجة خطرة .. بتعرف تستعمل الكمبيوتر لانها في عام 1997 اشترت واحد وبتدخل بيه مسنجر مع اولادها ..
تعال احكي ليك دي ..
الحاجة عندها محل بتاع اتصالات كان .. اهة الكمبيوتر في المحل .. وهي مرات لما البنات يتأخروا او يغيبوا بتسد ليهم ..
مرة جوا شباب داخلين المحل لقوها خاتة السماعات في اضنينها .. المهم اظن دهشهم ..
قام واحد قال للتاني انت بتعوس في شنو .. فردت عليه قال ليه انت امي حضاري ..
الله يديها العافية وانت كمان .. تسلم
| |
|
|
|
|
|
|
|
|
|
Re: أمي ... شاعرة (Re: ALGARADABI)
|
القردابي ..
انت قالوا ليك انا بكري ولا شنو ؟
والله مشتاقين .. الباسطة (الله يازاها) كيف ؟
| Quote: بس خالتو ما بناباها |
دي ذي الفيكم اتعرفت !!
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
حلاتها حنانه في الشعر وفي الصوره..
ويعني أسره كبيرها عم حسن الراجل الفاضل المبتسم حتي وهو عيان..
وفيها خالتنا حنانه الطيبه ومن شعرها ظاهر..
كيف يعني أولادها وبناتها مايكونوا متميزين في أخلاقهم وشهامتهم وطيبتهم؟؟
التربه الصالحه لا تنبت الا صلاحا..
وبختهم نسابتكم بنسيبتهم..
| |
|
|
|
|
|
|
|
|
|
|
Re: أمي ... شاعرة (Re: ناصر جبريل)
|
يا نعومه
دايرين خال داليا سريع
وخال داليا هو محمد حيموره وهي قصيده جميله
وتسلم امي العزيزه
وكل من شكرها او اثني عليها
خالص التحايا
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
Quote: الاسمو عقد حيمورة...
|
وعندها قصيدة كاملة حلوة لعائلة حيمورة تابعي بس
Quote: ربنا يخليها ليكم ...الحنانها عبر البلاد
والمحيطات...
|
مالوا كلامك يشبه كلامها
ودي دعوة لاشراقة وعلاء الدين عشان حافظين ليها (قفشات) كتيرة ...
( واقول ليك سر) هي دافعي للعمل الانساني لانو دائما وصيتها لي ما تخلو المنبر للونسة اعملوا من خلاله عمل مفيد ..
بدليل مشت معاي كرامة الطفل محمد عشان تثبت كلامها وكان يوم في قمة الروعة وكنت سعيدة جدا ...
ما جاية قريبة نعمل ليك معاها مواعيد ؟
تسلمي يارب
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
لا يا جبل
الليلة مالك ياجبل داير تزح ترمي الصخور
تفقد قواعدك والامل
لا يا جبل .. اوعك تزح اوعك تزول
من ضربة اولى وضربة تانية ما تزح
دنميت قوي وزلال كثيف وما تزح
وصواقع المطر الغزير تنهال عليك وما تزح
الا الشديد الا القوي يرسل اليك ريحا عتيد وتستريح
اوعك تزح اوعك تزول
شان ناس عزاز متشبسين فوق الصخور
شان ناس خلاص دورهم قرب دايرين عدل دايرين سرور
لا يا جبل
عشمًا كتير فوق الكبار
ودربا طويل بمشوا الصغار
ديراين نعيش عمرا مدير باذدهار ومن بعد داك نسدل ستار
زينب حيمورة (حنانة)
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
الوالدة الحنون / حنانة
نستمتع بحبها وتستمتع ...
لتربيتنا فصول رواية جميلة ما زلنا نبحث عن كيف وبماذا نرد ذلك الجميل فهو اكبر من بحر التسابة اب كم ..
لكن سنشارك الشقيقة انعام موضوع البوست ..
عرفت الوالدة بانها متذوقة للشعر الجميل والاغنية الرصينة فكنت اجلس ونحن نستمع للاغاني الجميلة من مطربي الحقيبة ومن عثمان حسين وعبد العزيز محمد داؤود فلم يكن لنا فنان مفضل بل نستمع لكل ما هو جميل وبأداء عذب ..
طالبت انعام بان نمدها ببعض قفشاتها ..
سوف نتواصل لاثراء بوست الحاجة حنانة ..
بس خليكم معانا ..
| |
|
|
|
|
|
|
|
|
 Re: أمي ... شاعرة (Re: انعام حيمورة)
|
| Quote: هي دافعي للعمل الانساني لانو دائما وصيتها لي ما تخلو المنبر للونسة اعملوا من خلاله عمل مفيد |
انعام ، علاء ، مهند
تسلم البــطن الجابتكم..
ومتابعين.
| |
|
|
|
|
|
|
|
|
|
Re: أمي ... شاعرة (Re: فيصل محمد خليل)
|
واحده من طرائف الحاجه
كان اخي د. عماد حيموره مدير طبي مستشفي البسابير ( واقعه قبل شندي )
فاقامو ناس العائله كلهم مشو رحله البسابير وكان ذلك يوم الخميس ....
صباح الجمعه طلعنا كلنا رحله في واحده من جناين البسابير
وقضينا وكت جميل
واخر الرحله ركبنا الحافله راجعين علي الخرطوم وكان لنا خال اسمو محجوب حيموره شليق جدا جدا وركب فوق في راس الحافله مشمع يعني وبدا ينزل رجليهو بي الشباك قامت الحاجه حنانه قالت ليهو يا ولد انزل ما تعمل لينا (ارهاصات )
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
علاء الدين ..
ما ولدة غلا ودعتوا لي اب شرا
اريدك يا علاء التقيلة بتقدرها
غنى ياآمال وشيلي يا منى
وانتي يا اشراقة رتلي الغنا
قومي يا الهام دا يوم المنى
اولاد حيمورة جوا والصيوان ملو
ارقصي يا انعام دا اليوم الحلو
يارب العباد تم لي المراد
تعالي يا سعاد وأبشر يا عماد
قومي يا سهام حضري النظام
لي سمح الكلام العقبى لي عصام
يوم شدينا الضل ويوم فرحنا الكل
ارقصي يارباح مع محمد فضل
زينب حيمورة (حنانة)
| |
|
|
|
|
|
|
|
|
|
Re: أمي ... شاعرة (Re: omar altom)
|
عمر عثمان التوم .. الف مرحب بيك منور البوست والله ..
ويا سيدي يكفى انك ود نعمة العلمتنا كيف يكون النضال ..
مودتي .. ولك خالص التحايا
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
Quote: ودعتــك للمصطفى ابو مهدي يا سمــح الصفـــا
يالقلبك ما بعرف الجفا ومن شافك العكران صفا |
انعام:
ملكة الكتابة عند الوالدة قوية...
وهذا شعر جميل ..
يلا في انتظار باقي الاشعار الرائعة
تحياتي للوالدة,,,,
| |
|
|
|
|
|
|
|
|
|
Re: أمي ... شاعرة (Re: salma subhi)
|
انعام عقدتونا عديل
امك شاعرة قالوا عندما تجلسوا في البيت وتتناقشوا تقول ليكم حقوا نعمل استراتيجية للحوار .
خالتكم في باب بكرى تطالب بالعضوية .
اشراقة حيمورة تسعى لعضوية سلمى .
وامي انا المسكينة همها كلو غنمها يرجعن من السرحة ما يسرقوهن الحرامية وتمنى نفسها بالتوب الابيض والجزمة السوداء والمصلاية والشمسية عشان تمشى صلاة الجمعة وصاحباتها يلاقنها تقول ليهن الله يحفظ ولدى الطيب .
اكيد امكم دى طلباتها تكون لاب توبات وربما حتى في اللابتوبات ما بتتخم تقول ليكم عايزة ماكنتوش او IBM وكم رام وهكذا .
انشاء الله تتهنأوا معاها امكم العصرية دى .
| |
|
|
|
|
|
|
|
|
|
Re: أمي ... شاعرة (Re: Ehab Eltayeb)
|
| Quote: ملكة الكتابة عند الوالدة قوية.. |
ايهاب .. ايوة كلامك صاح .. وملكتها قوية جدا وعندها اشعار بتقول (هذه ليست للنشر)
وهي تلك التي تحكي عن لسان حالها ..
لك الشكر على المداخلة
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
امى حنانه
العزيزه انعام
امكم واحده من امهات السودان العظام
زمان قلتا بدل مايدرسو الناس محاسن ومساوىء محمد على باشا
فى السودان والحكم التركى واثاره والبرى الكتير من النوع دا
مفروض يدرسو الناس مضامين شعر اباءنا واجدادنا وقصصهم عن
اخترام الكبير
العمل
حب الناس
التسامح
بكيت ا صباحى طريت ابوكا
طريت حنو المعانا زمان قبال يلدوكا
طريت قدحو المتمسح يجى شايلو اخوكا
طريت ويكتو البى تحت شايلى ومفروكه
طريت سعن امك الكانت مبروكا
طريت بقرو الكتار الماهن روكا
طريت اخوانك المابشبهوكا
ان كان سمعو كلامى كان ينكروكا
انتا ازول من وين جابوكا
الزول يلوك السم كلمتك مايلوكا
الله يديها العافيه ويخليلا وليداتا
| |
|
|
|
|
|
|
|
|
|
Re: أمي ... شاعرة (Re: انعام حيمورة)
|
مدح .. آل حيمورة
نحن ناس في طبع ملائكة
ونحن ذي دهب السبايكة
نحن ناس للمرة لايكة
راسنا مرفوع ما فينا شايكة
نحن اولاد عزة ومهيرة
نحن ناس تاج قبيلة
حاشا ما دنقرنا ليلة
نحن سمحين من قبيلا
اهل الكرم والجود أصيلة
مرحب سلام في بابنا طارق
نسرع نقوم للضيف نسابق
اهل الكرم من اصلوا نابغ
نحن ناساً داخلنا مارق
حيمورة يالجد الكبير
حيمورة يا العقل المنير
ساس البلد منع الدخيل
سافر وبعد خلى الكتير
مسكنا في درباً عديل
ما بننحرف ما بننجرف جيل بعد جيل
زينب حيمورة (حنانة)
| |
|
|
|
|
|
|
|
| |
انعام حيمورة
فيصل نوبي
Ashraf el-Halabi
أبوذر بابكر
هاشم أحمد خلف الله
ALGARADABI
bayan
mohanad haimoura
عصام عبد الحفيظ
HAYDER GASIM
Ishraga Haimoura
السمؤال بدرالدين
Muna Khugali
ناصر جبريل
علاء الدين حيموره
شهاب الفاتح عثمان
فيصل محمد خليل
omar altom
عاصم ابوبكر حامد
Ehab Eltayeb
salma subhi
الطيب شيقوق
معتز الامين
فيس بوك
تويتر
انستقرام
يوتيوب
بنتيريست