|
لقد كان فى معيتنا د. محمد هجو محمد عبدالماجد و د. نورا محمد حسن بادى و إبنتهم العسل جودى ..
|
ما أحلى أن تلتقى الأسر و يلتئم شملها و هى فى الغربة .. فهذه واحدة من أجمل و اعظم لحظات الحياة .. مرت و كأنها ثوانً ... من KEY WEST إلى SOUTH BEACH و OCEAN DRIVE FANTASY .. عشنا أجمل اللحظات و أغلاها : بعيدا عن ( قرف ! ) الحياة و سياسسات ( الضلال ! ) و الغرض ... فلقد كان محمد كبيرا و نورا أكبر و جودى أحلى ... .............. كسرة : محمد هو إبن شقيقى الأكبر بروفيسر هجو محمد عبدالماجد أستاذ علم التربة و الكيمياء الحيوية بكلية الزراعة جامعة الخرطوم ... بخلص الآن فى ال ( MEDICAL RESIDENCY ) بمدينة ( MADISON ) ولاية ئة نيبراسكا الأمريكية .. و بالنسبه ليو أنا عم فى مقام و مرتبة ( اللخو ! ) .... وعافى منو الصفوه المريخابى ... بس ! داير ( أقرق ! ) عليو شوية لانو واحد من دعاة حماية البيئة و ( حنكشة ! ) ال ( ! GLOBAL WARMING ) .. كااااك ... أقبض ! الزول جانا فى إجيزه ( سعنتوتة كدى ! ) ( بالدس ! ) هربا من ( سقط ! ) الشمال و ( إسنو ! ) نبراسكا ... هاك ميامى دى ! اللوبه ! ما قلتو : نوبا !! ( أل ! ) إيه ! !! WEATHER CHANGES أل !!! و كأأأأأأأأك تانى ... عبدالماجد
|
|
|
|
|
|
|
|
Re: لقد كان فى معيتنا د. محمد هجو محمد عبدالماجد و د. نورا محمد حسن بادى و إبنتهم العسل جود (Re: اسامة دفع الله ابوالحسن)
|
Quote: الخال د. عبدالماجد التحايا والاشواق اللمة والقيا في المنافئ ليها وقعها في النفس قلت لي د. محمد هجو محمد عبد الماجد ياخ كان كدا نحن خلاص كبرنا واكلنا الطير ياخ معقول العيال كبرت للدرجة دي ماشاء الله وربنا يحفظ ويجمع الناس في ساعات الخير . عليك الله ماتنسى سلامي للخيلان عبد الله محمد عبدالماجد وعبد القادر يوسف وكل اولاد فريق الحمر فرع امريكا ابن اختك اسامة دفع الله |
سلام ولدنا و حبيبنا ( خالو ) أسامه ود دفع الله ود أبو الحسن ود برى ... زمن و الله ! وينك يا زول ( ود أب شرا ! ) ؟؟؟ سلامى الحار لكل أهلنا بالبرياب و مدنى و سنار و ديم المشايخه و جنوب الجزيرة عموم ... و بلغ سلامى للوالد دفع الله و الأخت العزيزة آمنة وبقية العيال ... ............. قبل شهرين كنت فى السودان و قابلت أستاذ بشير و صلاح و ماريا فى بيت ناس عبدالقادر و نازك ... الإجازة لللأسف كانت مضغوطه و صغيره و ما قدرت ألم فيك ... بالمناسبه عماد الأيام دى بالسودان و ممكن تتصل عليو فى الرقم ده: 121278837 عبدالماجد
| |
|
|
|
|
|
|
|