جـــلد (عواطـــف) ...

Quote: برضو ده ظن سوء منك ساي يا تمبس .. وإنت عرفت كيف أنا مشيت وللا ما مشيت ؟؟ وللا أي زول مشى المفروض يجي يفتح بوست ويقول ألحقوني أنا في المعتقل وللا إنت قايل الحاجات دي يعملوها عشان الناس تظهر في سودانيز أونلاين وصورهم تملا البوستات.. سؤالك بكون منطقي شوية لو سألتني إنت مشيت وللا لأ؟؟!! لكن خايف تتمسك وما فاضي دي فيها تجريح شوية عموما ما بيناتنا .. أنا لو كنت مبيت الشر كان جاريتك .. .. ..

Quote: برضو ده ظن سوء منك ساي يا تمبس ..

..

Quote: طيب بي نفس الفكرة ممكن ارجع ليك إنت ووين مكانك وليه ما شفناك مقبوض مع بعض البورداب والبوردابيات في مسيرة أمس ؟؟ الحماك شنو تمشي ..؟ كنت مشغول ..؟ ما عندك زمن ..؟ واللا الفكرة ما وقعت ليك ..؟ واللا خايف تتمسك ..؟ واللا كمان اتبعت فقهية قام به البعض سقط عن الآخرين واكتفيت بي متابعة رأي تمبس في منبر سودانيزاونلاين ..؟

يا جبريل .. هنا ممكن كان تفهم قصدي .. في كتابتي .. يا تحلل قبلما تكتب كلامك بتاع سوء الظن دا ..

Quote: وللا إنت قايل الحاجات دي يعملوها عشان الناس تظهر في سودانيز أونلاين وصورهم تملا البوستات..

.. والله كلما احاول اطلع من نقطة إنو كلامك ما متناقض بتلقاك دخلتني تاني ..
يللا اها علشان المسالة ما ليها علاقة بالظهور هنا في البوستات وهتاف وشجب وفلان الفرتكاني يسالك ليه ما جيت رفعت البوست دا ورايك شنو .. يللا عشان كدا دا مساحة أخرى ما ليها علاقة بالظهور .. واهو زي ما شايف بي قدرة قادر .. حولتها بي مداخلاتك لي حتة الواحد يظهر فيها في سودانيزاونلاين بي شكل واضح ..

Quote: لكن خايف تتمسك وما فاضي دي فيها تجريح شوية عموما ما بيناتنا .. أنا لو كنت مبيت الشر كان جاريتك ..

لك المعذرة والعذر ياجبريل ما قصدي تجريح ولا توبيخ .. كل ما في الأمر حجرت علي رائي في ممارسة فعل خاص بالجميع .. وكان الرد في نفس المستوى .. واتمنى انك ما تكون مبيت الشر .. أو جيت داخل على خلفيات سابقة .. لانو دي مشكلة البورد دا .. الواحد تختلف معاهو في مكان .. زي ما قال ليك استاذ علاء الدين طوالي بتترقع بالديباجة ..