|
|
 معقول بتاع الدكان حرامي ؟ والله هذا ما حصل بين صلاتي المغرب والعشاء
|
قبل ساعة بالتحديد خرجت للدكان الذي يجاور سكني لاحظت جمهرة
علي غير الاعتياد وضجة ما أنزل الله بها من سلطان
المهم انني ذهبت لشراء كوتتي من الفول والرغيف ـ
ما إن خطوت بخطواتي تجاه الدكان حتي عرفت سبب الجمهرة تقول الحكاية يا عثمان
إن جارتنا وبعد صلاة المغرب أرسلت إبنها لشراء رطل سكر وقد كان ـ
المهم إنها حضرت بنفسها بعد صلاة العشاء ورغبت في اضافة
رطل آخر لتتفاجأ بزيادة قدرها ثلاثمائة قرش وبعد السؤالات أفهمها
صاحب الدكان إن هناك زيادات في أسعار السكر والدقيق وهي كما تعلم
من ضرورات الحياة ـ هاجت جارتنا العزيزة وماجت وحلفت طلاق تلاتة الا تجيب ناس البوليس
واتهمت صاحب البقالة بأنه حرامي واستغلالي
وووك وروروووك ما أنزل الله به من سلطان تداخلت ونفر أعزاء لحل المشكل
وطلبنا من صاحب الدكان إنو يمشي الموضوع ومن باكر يكتب ليهو
يافطة بأسعار سكره الجديد ـ
العايز أقولو ياخوانا رطل السكر كم بالضبط يا ناس وزارة التجارة ؟ وكيلو الدقيق بي كم ؟
ونحنا زاتنا بي كم في سوق الله أكبر ؟
|
|
  
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: خضر حسين خليل)
|
عارف يامعاوية
فاتتك شكلة عندها ضل
ود التوم يامعاوية او بتاع الدكان من أنقي البشر الذين يصادفونك في دريبات الحياة
المشكلة إنو ما مواكب ولا عندو سكة عشان يواكب وشغال شغل تجار زمان ديلاك
آخر الشهر مثلاً يعني من يوم خمسة وعشرين وانت طالع تلقي الدكان علبة صلصة
مافيهو وده كل شغل جرورة يا صديق ـ ببدأ الدكان ينتعش من يوم تلاتة في الشهر الجديد
وانت ماشي ـ ياخ هذا الزول ماحرامي ـ حرامي السوق ده يا معاوية حرامي زمنا العجيب
ده البتتفاجأ فيهو بالزيادات وما تقدر تقول بغم ؟ حرامي الوطن ده يامعاوية البخليك انت
القريب من الوطن هناك وغيرك البعااااااااد هنا . ياخ ده زمن ابن ستين ######
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: خضر حسين خليل)
|
| Quote: ونحنا زاتنا بي كم في سوق الله أكبر ؟ |
حسب آخر تطورات بقينا العشرة بقرش
يا مواطن ما تعمل لينا غاغة وشيل سكر و دقيق بقدر المعاك
حسي يجيك مسؤول يقول ليك حسي (ما وقتو) الكلام عن الاسعار في ظل الظروف الاقتصادية
الحكومة دي صبرت عليكم من كنتو شحاتين و حسي وقت بقى معكم قروش قمتو على الكلامات؟!
انتو شعب غير مهذب على الاطلاق وما بتعرفوا تختاروا الوقت المناسب لأي شيء!
تعبتو الحكومة ياخ!
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: عزاز شامي)
|
عزاز العزيزة
كيفنك والوالدة
وهل لسع كيس العيش في الرياض كبير وفيهو خمسة رغيفات كبااااااااااار وغلاد ؟
نعمة والله
موضوع انو العشرة بي قرش من الواضح اننا في نظر الناس ديل كذلك
عاد نسوي شنو ؟ رخاااااااس رخسة نحنا ياعزاز
أكتوبر دي كلها بي قرشيها وبي احزانها ومآسيها بي قرش
أبريل دي بي محمد نور سعد مروراً بعبدالخالق وصحبه من الغر الميامين
مروراً بي محمود محمد طه انتهاءاً بوليم بي قرش ونص
هسي نحنا يازولة لا نقدر بثمن عديل يعني ملح ياعزاز
بلوشي عديل عشرة شنو البي قرش ياخ يفتح الله وييستر
الله .
عايزين نعرف هسي ياعزوز كيلو الطماطم بي كم
والاسود صديقنا البتنجان ليه بقي غالي
عايزين نعرف رطل السكر بقي كم بالضبط ؟
ياخ دي حالة شلش
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: عزاز شامي)
|
اها ياعزاز
طلاق المدام واقع ولا ما واقع
الولية بقت قاعدة سااااااى لاراجل
لا سكر ....
والله يا خضر اخاف تكون زبطت ليك
ركن جنب الدكان وعليه الولية حلفت
طلاق؟
عرفنا خرابكم للحكومة
كمان جابت خراب بيوت
انا لله من هكذا بشر...حالتك شغال
جرورة من الدكان ..اها ..لو كانت
بتاخد كاش كان سويت يا شنو
ياشعب ارفعواااااااااا يدكم من الحكومة
الرشيدة وفتشوا ليكم شغلة تانى
يالمطرطش قول حاجة ياخ
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: محمود أكمنتود)
|
يا أكمنتود
وأكمنتود لمن يود التعرف عليه هو محمود صاحبنا الحلفاوي
عشنا سوياً أيام سمحات بالحيل (اريتها كان ترجع يا محمود)
تقول لي ياصاحبي البلد اتباعت
ياخوي نحنا زاتنا هسي في مزاد علني
أنا ده بي رطل سكر
نبيل حافظون بي رطل شاي ابو غزالتين
ضياء الدين بي كيلو بطاطس
الخطيب بي رطلين زيت
الماتعرف شنو داك بي كيلو جبنة
اصحابنا يامحمود بي وطن حالو؟
ياخ مؤسف هذا المزاد
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: خضر حسين خليل)
|
بخير يا خضر و الوالدة تهديك السلام
عيش الخبز لسه بريال ... المفرود و الصامولي
و العيش الفاخر البيجيك طالع في سير من الفرن بريال ونص وكان كتر ريالين
وبخسمة ريال في اليوم ممكن تاكل فول و عدس و تميس و تعيش مستور زول يعرفك مفلس مافي
البيبسي بس البقى غالي، زاتو ولا سمح و ما صحي
و كيس الدقيق ابو كيلو البيرمي قراصة ماكنة ام 2 بوصة يأكلك اسبوع
ولو متفنجر امشي جيبو من المطحنة بأقل و ادفع الفرق في البنزين ابو 99 هلهلة
أو ابو 91 هللة لو ظروفك صعبة و عربيتك ما بتاباهو
و الطماطم المجنونة لما وصلت 30 ريال للكرتون الجرايد قامت
و مؤسسة النقد طلعت تصريحات وأكدت انو التضخم يراوح بين 5 و 8 في المية
وما حيزيد ملمتر عن 5 في المية السنة الجاية ...
و تفتح جريدة الاقتصادية تجيك اسعار المواد الاستهلاكية وأسعارها و تخت في نمرة
تضرب تشتكي زي الترتيب ... و بندة و العثيم عاملين لوحات في كل ملف بتقول لو
اشتريت حاجة و طلعت في الكاشير اكتر من السعر المكتوب شيل البضاعة بلاش
واخد بالك حضرتك ... شيلو بلاااااااش ....
بلاااااش الواحدة دي، سيم سيم قيمتنا في بلدنا ... بلاااش ياخي يعني من غير قيمة قصاد السلعة
زي حالنا يعني علشان اقرب ليك الصورة أكتر ما قاصدة انكء الجرح القديم و كده
الرخصة زاتها هينة، احنا بقينا بلاااااااش ...
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: عزاز شامي)
|
يوماً ما يا عزوز وفي إثر احتفائية تخص شهداء كجبار شرفت السجون السعودية ومعي نفر أعزاء
اتهمونا يومها بالارهاب والكباب والموش عارف ايه اتهمونا والله ونحن الذين لم نذهب لمحفلنا ذلك
سوي لتقبل العزاء في شهداء وطن مضوا .. ما يهم ياعزوز أن القوم السعوديين وبعد عشر ليال
سوداء لا أري الرب مخلوقاً بعدي أفرجت عننا بعد سين وجيم وبصيم وفيش وحاجات خليها في سرك
قد يأتي زمان حكيه ـ المهم انهم ما أمتهنو كرامتنا فقط قيدونا من الأرجل والسلاسل كان المأكل والمشرب
يأتينا شئ تفاح وشئ كبسة وشئ فراخ وشئ فواكه حتي ونحن محرومين من نعمة الشمس كان يأتينا كل تلك
المطايب بلد مبهولة يازولة تعرف كيف تحتفي حتي بسجنائها ـ
اذن الاسعار كما تركتها والبص بتاع ابو ريالين داك لساهو شغال وربع البرياني لساهو خمسة ريال
يا للرخسة ياعزاز ـ
يا للأسعار يازولة في دول عالمنا العجيب ده
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: خضر حسين خليل)
|
Quote: اها ياعزاز
طلاق المدام واقع ولا ما واقع
الولية بقت قاعدة سااااااى لاراجل
لا سكر .... |
افتكر موضوع السكر أهم في الوقت الحالي
و نحيل موضوع الطلاق للجهاز القضائي النزيه
الذي حيفتي فيهو بما يرضى الله ...
الأهم من ده كلو انو انتو معاكم قروش من الاساس
وافتكر دي محمدة للحكومة أدام الله عزها وما ننسى
نشكرها على توفر اي شكل من أشكال (المقدرة)
حكاية بكام دي حركات عملاء و مؤيدين الامبريالية
اعرض عن هذا يا خضر .... ضاري عيشتك يا اخوي
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: الوليد الرشيد وراق)
|
يا خضر حسين
انا بعد كلام صاحبك داك اللي قال أنو لو فرضوا على المواطنين يمشوا المحلية
كل صباح يتجلدوا حتى بعد داك يشوفوا شغلهم، المواطنين حيوافقوا بل كمان الواحد
فيهم ممكن يقول ليك يا زول خلينا ننوم بدري عشان الصباح نلحق المحلية ناخد جلداتنا
و نتخارج بدري بدري!!اها انا من الوكت داك فقدت الأمل في البلد دي..تقوم تجي
تقول لي سكر و دقيق، سكر و دقيق بتاع قلبكم(الحقوق محفوظة لـ م.ح.ج).
| |
|
|
|
|
|
|
|
|
 Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: سيف النصر محي الدين محمد أحمد)
|
إنت قايل خضر براهو العيشتو جروره !!!؟ البلد كلها عايشه بالجرورة يا خليل،، عندنا صاحبنا مرتو معلمة كبيرة وخبيرة في فن الجرورة شالت تلاجه جروره كل شهر يدفع ليها قسط ويدي بتاع الدكان حق الجرورة وسيد الإيجار قلبو وقف المرأة جات قالت ليهو لقيت لي مكيف جروره قسطو في الشهر حبببه قل ليها شوفي انا ما عندي ليك اي شي تاني ولو مسخنه شديد جري ليك رفين من التلاجة دي اقعدي فيها لامن اقساطه تنتهي 
نرجع لموضوع الدقيق والرغيف السعرهم زاد برضو على امل نلقى لينا شوال دقيق بنكهة كأس العالم، كيس العيش بدل ما كان خمسه عيشات بقو 4 عيشات و صغاااار العيشه تقول كعكه، لو عايز تلاته اكياس عيش ترسل الشافع تقول ليهو هاك جيب اربعة اكياس عيش لانو ضمان بقرض كيس عيش براهو في السكة وكدا ممكن يجيب ليك تلاته اكياس عيش
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: shammashi)
|
الحكومة مقصرة معاكم فى شنو؟ السكر رخييييص وكمان الدقيق , زيت صباح نقى كل مرة , شاى تى باق , عفش من ماليزيا والصين , إتصالات السودان كلو بقول ألو , المدارس مية مية , الجامعة بلاش , تمشى المستشفى تتعالج بداية من الصداع ونهاية بتقويم اسنانك , بربع القيمة
الشوارع أماااااااان, فى كل ثانية يلاقيك "رجل الشرطة" باسم , عسكرى المرور مرتب ليكم الشوارع زحمة مافى , حوادث مافى , ايصالات مافى , الكهربا رااااقدة ورخيصة كل شوارع الكلاكلة فيا أنوار فى الشارع
كل البنات والوليدات الخريجين شغالييين , زول قاعد عاطل مافى , لو قعدت اعِد ليك فضل الحكومة عليك , برفدونى يبقن على اتنين غربة وعطالة :-)
برجع ليك ,
-----------------------------------
وأنت ولا المرة ولا كلنا نشرب بسكر لشنو؟ الحلو عليكم شنو ؟ على قول حبوبة , ولا ياها ميتة قلبكم , فاتحيييين نفسكم وتشاكلو وتحلفو طلاق فى السكر
ثم سلامو
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: shammashi)
|
إنت عارف ياخضر إنو مشكلتك دي سببها شنو لأنك يا أخي الكريم
1/ بتوزع حبوب منع الحمل
2/بتوزع هيرويين
3/بتمارس دعااااا
4/ بتساعد على ممارسة الدعاااا
5/ما بتحب الغدوغدو
6/ دايما عامل عبد المطلب من بتاع الدكان
7/خليت بلد الدق الناعم لي بلد الدق الناشف
8/حاول شوف ليك قغة فيها رماد او تراب واقعد فيها عشان ماتعمل لينا فضايح كلما يجلدوك بسعر زيادة
خضر حسين الحرقة ماقاتلاك وانت بتحاول تكتب اي حاجة غير موضوع المقهورة دي
لك ودي بكمية الألم الذي يعتصرني كلما شاهد منظرها.
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: خضر حسين خليل)
|
Quote: ولو متفنجر امشي جيبو من المطحنة بأقل و ادفع الفرق في البنزين ابو 99 هلهلة
أو ابو 91 هللة لو ظروفك صعبة و عربيتك ما بتاباهو |
و الله انتي قديمة خلاص
البنزين زمان الملك نزل سعرو لي 45 هلله و لا كم ما عارف لبنزين 91 و 60 هللة لي بنزين 95 اما الديزل لو ما الخجلة و الحياء كان بقوهو مجان عديييل .
اما اذا دار محمور سؤالكم عن قيمة الانسان السوداني فيبدوا لي و الله اعلم انه بقى بالسالب ، يعني اسة لو خضر دا مشى عرض نفسه في دلالة الحكومة حيقولو ليه تدفع لينا كم عشان نشتريك :)
خدر انتو شعب ما بتحدوا ربكم موش الحكومة وفرت ليكم السكر و الدقيق في البقالات بدل زمان كنتوا بتقيفوا ليه صف ؟
اسة البنزين موش راقد في الطرمبات ؟
اسة موش في صعوط و جبنة بالسكر بدل الجوكى سادة ؟
اسة مصطفى عثمان غلطان عليكم ؟
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: حسبو عكاشة)
|
سلامات ياخدر وكل من البوست
بالجد الحاصل زيادة فجأة في الاسعار في كل شئ
انا الليلة قمت من الصباح رابطة معاي ربطة ليها ضل
قدر ما باصرتها ابت تفك
جبنة ما نفع
حليب ما نفع
اخير قلت امشي علي خالتي سعاد اضرب لي ام فتفت كاااااااااااااااربة
وشطتا تلهلب
وقد كان
المهم فكت لكن لمن جيت احاسب
خالتي سعاد قالت لي : ام فتفت بقت ب خمسة جنيه ( قامت ربطت تاني )
ولمن سألتها ياخالتي : الحاصل شنو ...؟ امبارح ما كانت بي اتنين جنيه ونص
قالت لي : الاستفتاء
خالص الود
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: ياسر بيناوي)
|
Quote: نا الليلة قمت من الصباح رابطة معاي ربطة ليها ضل
قدر ما باصرتها ابت تفك
جبنة ما نفع
حليب ما نفع
اخير قلت امشي علي خالتي سعاد اضرب لي ام فتفت كاااااااااااااااربة
وشطتا تلهلب
وقد كان
المهم فكت لكن لمن جيت احاسب
خالتي سعاد قالت لي : ام فتفت بقت ب خمسة جنيه ( قامت ربطت تاني )
ولمن سألتها ياخالتي : الحاصل شنو ...؟ امبارح ما كانت بي اتنين جنيه ونص
قالت لي : الاستفتاء
|
هلكتني يا ياسر ياخ لاعرفت اضحك لاعرفت اتضامن معاك لاعرفت اسوي شئ
ياخ اقول ليك سر :
القول ماقالت سعاد ياياسر
استفتاء شديدة
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: حسبو عكاشة)
|
| Quote: مافي زول يجي يقول لي الاسكتو ده شنو ؟ |
سلام يا حبيبنا
لمن قريت العنوان إفتكرت إنو الناس مشوا صلاة العشاء وبتاع الدكان لهطم،سيان!
وكنت عاوز احكي ليك إني إتغشيت على بعد ثلاثة خطوات من الحرم زاااااتو.
ياخي ما عاوز اسالك من الإسكتو والحاجات بتاعت الكورة دي.
لكن نصيحة ليك يا صديقي قبل ما تمرق تجيب الفول او ايتها حاجة شيل معاك كتاب " الشك الديكارتي" زي ما ناس الحكومة بيشيلوا معاهم كتاب الامير!
محبتي
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: khaleel)
|
يا استاذ خضر ...عفيناك من الان من حكاية الشاي او الجبنه او الفطور ....
لكن اسي خلينا نتامل شوية في مصيبة سيد الدكان دا ...لانو بيتو اتخرب الناس من الصباح رفعوا التسعيرة الجديدة وهو حتى اذان العشاء ....اكيد عندو فروقات كثيرة ......كم ساعة فرق في التسعيرة ودا بعتبر كسر بضاعة واسعار ...
خلونا نحل مشكلتو اولا ...لانو زول ما ساهل ...(بدين الحلة كلها ...)دي ثقة كبيرة في ناس الحلة اقل واجب الوقوف معاهو ....في الفروقات دي ومن ثم في الطلاق ...
يا خضر انا تعبانه جدا من
المواصلات ...
والرصيد للنت والتلفون ...
وحاجه تالته ....
محبتي
| |
|
|
|
|
|
|
|
|
|
Re: معقول بتاع الدكان حرامي ؟ والله هذا ما حصل بين صلاتي المغرب والعشاء (Re: خضر حسين خليل)
|
| Quote: ونحنا زاتنا بي كم في سوق الله أكبر ؟ |
| Quote: حسب آخر تطورات بقينا العشرة بقرش |
| Quote: النفر بي ملين راسو عدييل |
Quote: الرخصة زاتها هينة، احنا بقينا بلاااااااش ...
|
يا خوانا المزاد ما يقيف حاله زي حال البلد مين ينقص ؟ الا اونه الا دو الا تري
خدر وزواره ازيكم
عندي سؤال ياربي سعر الزول السوداني عند الدول المجاورة والغير مجاورة بقي كم ؟
Quote: \أشيل سؤيؤي ده وأمشي أرقد جمب بتاع الدكان عشان اواكب الأسعار
ولا أسوي شنو ؟
|
يا خدر انا ما ح اسألك عن المصدر آآقصد عن الإسكتو لكن ما اظن ح اسكت عن حقي في معرفة سؤيؤي دي وكيف تنطق
| |
|
|
|
|
|
|
| |
خضر حسين خليل
معاوية عبيد الصائم
BAKTASH
محمد عبدالرحمن محمد
omer osman
محمد البشرى الخضر
مرتضى احمد عبد القادر
khaleel
الوليد الرشيد وراق
محمد عبد الماجد الصايم
حمد فتح الرحمن
كمال مبارك
حسبو عكاشة
ياسر بيناوي
الفاتح ميرغني
نعمات حمود
عرفة محمد سعيد
فيس بوك
تويتر
انستقرام
يوتيوب
بنتيريست