|
Re: بيان من الإتحاد النسائي ببريطانيا...لا لجلد و تركيع الفتيات (Re: Amira Osman)
|
ما بتستحي؟؟
يا باغي يا ضارب النسا
تضرب على الجسم الاصلو احتمل ظلمك سنين
المابعرفك صحي يجهلك
انت عارف بت من السودان دي بتبقى مين؟
بت الوطن بت الفرح الكان يطل قبل ما سنينك تحين
خالدة زاهر ربتها
شايلة سماعة وشهامة شقت الطرقات الى الممكن
كالشمس أضحت سمعتها
فاطمة بت محمود :
رايدة بين كل النسا ما في مجرم ساي وقف فى سكتها
عشة فلاتية غنت للجمال وللوطن ما فى مأفون سكتا
وفاطنة تانية وتالتة جن
وسعاد واسما ورابحة ومهيرة
وغاليات كتيرات من كل زاوية بيمرقن
حصل طفت المحاكم وشفت قاضياتنا ومحامياتنا شايلات الاضابير يقدلن؟
هل حصل زرت الجرايد وشفت صحفيات يخيطن بالليل نهارن ويكتبن؟
هل حصل زرت المباحث والمعامل وشفتهن ؟
هل حصل لاقيت طبيبة أو ممرضة فى الاسبتاليات يبدعن
شفت المعلمة فى القرى ...شفت المعلمة فى المدن؟
هل شفت ربات البيوت؟
هل شفت فنانات وعابدات للجمال يسقنوا روح من ريشتن؟
شفت صانعات الطواقي ؟ شفت ضافرات البروش؟؟
ساهرات ليالي عشان يربن يضفرن؟
شفت كيف الناشطات شايلات مع الليل والهموم دفاتر وكمرتن؟
شفت صانعات ال ج ب ان ..عواسات ومشاطات يناضلن فى الضلام شان يربن ويسترن؟
الما بعرفك بجهلك يا باغي يا ضارب النسا ..
شفت غادة الحلوة كيف بي موتها كم أحيت سبات الكون بي لونا انكسا
.ديل هن بجيبن للحياة أملها ,,,, وبكراها وشذاها وفكرتا
يا باغي ياضارب النسا
كل ناس الدنيا عارفين العملتوه فى الجنوب ..حرقتو شطر الأم وجنياتا وعمارا وبهجتا
كل ناس الدنيا عارفين العملتوه فى الغرب ...بنات دارفور ووصمة عار وصرخة أم ومن كانت أمينة فى قريتا
يا باغي يا دني يا حقير ، عارفنك تمد ايدك علي البت المطرفة كلها تلقي منها بغيتك وما بتهمك حسرتا
آآآآخ و نمتي كيف يا يمة ديك الليلة ؟
أمك المسكبنة بتكون حضنتك؟؟
ضربات سياطك أوجعتني وقشعريرة منظرك ما فارقت عيني ما أدتني نوم الله بيعلم أرقتني
نمتي كيف يا السمحة من ديك المذلة ؟؟وعايشة كيف حسة؟معاك منو ..؟؟
خليني أهمسا ليك شان يمكن شوية أطمنك:
نحن ما بنسكت عليك
الصدى المن صرختك يشهد عليك
نحن شايلنك شهادة ورسمة كلنا بتعتز بيك
نحن بنجيبك دليل ...ما زي قبيل وبنمشي موكب عزة ليك
مجدنا الجايي بنكرسو ليك
والطاغية ده حنركعوا زي ما ركعتى .
..نجيبوا ليك
محقور ذليل ...يجي بين ايديك
يا رمزنا نحن كلنا انتي ...كلنا بنعتز بيك ...
|
|
|
|
|
|
|
العنوان |
الكاتب |
Date |
بيان من الإتحاد النسائي ببريطانيا...لا لجلد و تركيع الفتيات | Amira Osman | 12-11-10, 10:41 PM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-11-10, 11:17 PM |
Re: بيان من الإتحاد النسائي ببريطانيا...لا لجلد و تركيع الفتيات | سناء الصباغ | 12-11-10, 11:41 PM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-12-10, 10:19 AM |
Re: بيان من الإتحاد النسائي ببريطانيا...لا لجلد و تركيع الفتيات | الطيب رحمه قريمان | 12-12-10, 10:30 AM |
Re: بيان من الإتحاد النسائي ببريطانيا...لا لجلد و تركيع الفتيات | محمد عبدالرحمن محمد | 12-12-10, 12:14 PM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-12-10, 01:44 PM |
Re: بيان من الإتحاد النسائي ببريطانيا...لا لجلد و تركيع الفتيات | Tumadir | 12-12-10, 01:55 PM |
Re: بيان من الإتحاد النسائي ببريطانيا...لا لجلد و تركيع الفتيات | Tumadir | 12-12-10, 02:00 PM |
Re: بيان من الإتحاد النسائي ببريطانيا...لا لجلد و تركيع الفتيات | Mustafa Mahmoud | 12-12-10, 01:58 PM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-12-10, 02:45 PM |
Re: بيان من الإتحاد النسائي ببريطانيا...لا لجلد و تركيع الفتيات | Amani Al Ajab | 12-12-10, 04:36 PM |
Re: بيان من الإتحاد النسائي ببريطانيا...لا لجلد و تركيع الفتيات | محجوب حسن حماد | 12-12-10, 08:43 PM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-12-10, 11:25 PM |
Re: بيان من الإتحاد النسائي ببريطانيا...لا لجلد و تركيع الفتيات | حسن النعمان | 12-12-10, 11:36 PM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-13-10, 09:00 AM |
Re: بيان من الإتحاد النسائي ببريطانيا...لا لجلد و تركيع الفتيات | أحمد طراوه | 12-13-10, 10:00 AM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-13-10, 08:56 PM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-18-10, 10:46 AM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-19-10, 03:57 AM |
Re: بيان من الإتحاد النسائي ببريطانيا...لا لجلد و تركيع الفتيات | Amira Osman | 12-19-10, 02:28 PM |
|
|
|