أحلِف بالذي بنى السماء بغير عَمَد، البيحصل دة قِمّة القرف والعَفَن والزبالة وما فيهو ذرّة رجالة

Quote: فهل تنفيذ أحكام القانون يتم بهذه الطريقة المهينة و البشعة و التي تسيئ للشريعة أكثر من أن تنفذها ..هل في ذلك من الدين و الشريعة بل حتى من العرف و قيمنا الأخلاقية في شيئ ؟

Quote: أنا تحاملت على قلمي وألمي وكتبت إنتهيت من الكتابة ولكن لم ينتهي الألم وأشُك أنّه سينتهي دموع الرجال حارة ولكن صرخات تلك المرأة وبكاءها واستغاثتها أحرَّ من دموع كل الرجال وأكثر إيلاماً للقلب

Quote: أُمّو بتشِد العرقي

Quote: Quote: أُمّو بتشِد العرقي لا اشك فى نواياك لكن هذا الكلام يمس شريحة من النساء المهمشات فى بلادنا لم يلجئيهن لخيار صنع الخمور الا الشديد القوى علاوة على انتماء الكثيرات منهن لاديان و معتقدات كريمةلا ترى حرجا فى التعامل مع الخمر كما ان كلامك هذا يفيد تنميطا عرقيا للجنود و هم مجرد منفذون, بينما القاضى و واضع القانون نفسه ربما ينتمون لسلالة العباس (رضى الله عنه)

Quote: هي الشريعة شنو يا اخوانا؟؟ الشريعة دي مُش ياها قيمنا الأخلاقية والدينية السمحة ولّا حاجة تانية؟؟ نحنا في السودان من يوم ما قُمنا بتحكُمنا أخلاقنا السودانية وقِيمنا وأعرافنا وعاداتنا السمحة أكتر من الدين والشريعة.. نحنا ما ربّتنا حكومات.. نحنا ربّونا أهلنا بى دة عيب ودة صاح، ودي حتظل مقاييس تربيتنا إلى يوم الدين.. متين الشريعة كانت غياب للضمير والأخلاق والإنسانية والرجولة؟؟ متين الشريعة كانت إمعان في التشفّي والحقد والغِل في إهدار كرامة أخواتنا وأمهاتنا وبناتنا وخالاتنا وعماتنا وحبوباتنا؟؟؟ متين الشريعة كانت بتسمح بتعيين عسكري شُرطة تربية شوارع؟؟ عسكري زي نوعية الساقِط الصعلوك القذر الزي دة الممكن تكون أُمّو بتشِد العرقي وهو دخل الشُرطة عشان يحميها وينفث حقدو في أي واحدة تحمل صفة كونها إمرأة، لأنّو عندو عُقدة نفسية من مهنة أُمّو الغير واضحة المعالِم.. متين الشريعة كانت بس عقوبات جلِد وإهدار كرامة ومذلة للبني آدم؟؟ وين عقوبات الفساد المالي والسرقات في الواحد وعشرين سنة الفاتو؟؟ مافي فساد مالي وسرقات؟؟ الشعب السوداني كللللو بقى فجأة كدة ملائكة؟؟ بالله مُش شيء مُخزي تعطِّل قانون زي قانون من أين لك هذا وتجي تجلِد لَيْ في النسوان بالصورة المُهينة دي؟؟ مُش شيء مُقزِّز إنَّك تخلّي العايز يسرق تمويل لمشروع تنموي يسرقو.. والعايز يبقى غني ومُغندل في سنتين بس يغنى ويتغندل من مال الحرام.. وتجي تشهِّر ببنات الناس وبنات أُسر محترمة بحجة تطبيق المادة 152 وتعاملهن كالعاهرات وبائعات العرقي وتجلِدِن وتشهِّر بيهن كمان؟؟؟ متين الشريعة كانت تضييق الخناق على الناس في معيشتهم وأرزاقهم؟؟ متين الشريعة كانت بتملا الطُرُقات ومواقف المواصلات برجال كانوا بيسدّوا عين الشمس وأصبحوا شحادين لأن أياديهم نظيفة عفيفة؟؟؟؟؟؟؟ دة ما شرع الله ولا الله قال.. شرع الله بيتطبَّق في ظل نظام يقوم على العدل ولا شيء غير العدل.. لأنّو بيتطبَّق على الوزير قبل الغفير

Quote: ** الاُستاذ علاءالدين صالح.. ** مساءك خير.. ## عُذراً وعفواً إن تداخلت فى سؤال موجه للاُستاذ المُستشار عصام دهب ,, ولكن قصدى إثراء البوست بمايفيد النقاش ,, بخصوص صياغة المواد القانونيه فى القوانيين السودانيه..

Quote: ** بداءاً :- 1/ صياغة المواد القانونيه مُنذ قوانيين سبتمبر 1983 معيبه وبها كثير من القصور القانونى واللغوى ومخالفه لكثير من النصوص الدستوريه ,, وجاءت تعديلات 1991 على القوانيين وزادتها وبالاً.. ** 2/ كُتبت الكثير من المُذكرات لديوان النائب العام بشأن الصياغه ومخالفاتها من العديد من الزملاء القانونيين ,, ولكن لاحياة لمن ينادى.. ** 3/ كونت لجنة لتعديل القوانيين الساريه لتتماشى مع الدستور الإنتقالى لسـنـ2005ـة ,, وبالتأكيد إتلجنت اللجنه أو إنبثقت وإنبعجت منها لجان (وماهو مصير هذه اللجنه؟؟؟!!) .. ** 4/ جل القوانيين الساريه الآن مُخالفه للدستور ..

Quote: عسكري زي نوعية الساقِط الصعلوك القذر الزي دة الممكن تكون أُمّو بتشِد العرقي وهو دخل الشُرطة عشان يحميها وينفث حقدو في أي واحدة تحمل صفة كونها إمرأة، لأنّو عندو عُقدة نفسية من مهنة أُمّو الغير واضحة المعالِم..

Quote: اتقوا الله في هذا المسكين و في امهات الناس جميعا و في كل النساء

Quote: الان وقد اصاب المنبر ما يشبه الاسهال الاسفيري في هذا الموضوع اقول التالي --- البنت لا تتحمل اكثر من ما اصابها فرجاءا دعوها في حالها كان الله في عونها ----- مع احترامي لمن كتب ان الشرطة تحركت وان القضاء تفاعل فكل هذا لايعدو ان يكون فرقعة وتجميل لوجه نظام كالح وقبيح و لن نقنع بشيء من هذا الا بزوله كاملا وان يصبح في مذبلة التاريخ --- المشكلة اكبر بكثييييييييييير من جلد هذه الفتاة المسكينة ولكن هذا ماتسنى لنا مشاهدته لقد فعل هؤلاء الوغاد ما فعلوا بالبلاد والعباد ولكن (سيعلم الذين ظلموا اي منقلب ينقلبون )