|
|
 Re: ولم يبقى إلا إطباق الأخشبين !إنى آمنت وأيقنت وتأكدت إن الله لا يريد بالسودان خيرا! (Re: خضر حسين خليل)
|
( أخشبين ) شنو يا جني أخوي ..
يمين الأخشبين ديل نسردب ليهم زي الما حاصلة حاجة ..
أخشبين يا جني ؟
أحسن و الله من ( خازوق ) الجماعة ..
( الشي ) البوديك الآخرة شي كويس .. و جميل .. و حلو كمان ..
لكن الشي الـ ( بتلكّــك ) فيك .. دا الكعب ..
ياخي نحن معلم ..
صدقني نحن شعب معلم ..
يميناً بالله عمايل ( الانقاذ ) لو ربنا سخرا على أي شعب في الدنيا لتبخر في طرفة عين ..
ما يلقوا فيهم ( نفاخ النار ) ..
نحن شعب معلم يا معلم ..
لسة قاعدين و ماشين في زيادة كمان .. ( راجع أقرب مستشفى ولادة ) ..
لسة قاعدين و صامدين و صابرين ..
فينا من باع و فينا من بايع و فينا من اندس و فينا من انغش و اتعش و فينا من خان ..
لكن برضو فينا من نكر زاتو ..
و استبسل ..
و فينا من مشى في درب الأولين ..
و بقى لينا لمبة و ضي لمشوار طويل ..
و فينا من إنجلد على مرأى اليسوى و ما يسوى ..
و لسة صامدين ..
و قاعدين ..
و صدقني باقين ..
ما بنتزحزح لا جاي لا جاي ..
و شايفين ( آخر النفق ) ..
تفاءل خير ياخي ..
نحن رغم الحصل دا كلو بخير ..
فتك عافية ..
|
|
 
|
|
|
|
|
| |
عبداللطيف خليل محمد على
فيس بوك
تويتر
انستقرام
يوتيوب
بنتيريست