|
|
 م . بكرى ابوبكر : سّود المنبر .. فقد أُغتيلت الحرائر !!
|
أيها الرجال ....
دقوا القرع
تكشحوا بالرماد
البسوا السواد
انتعلوا شبش الحداد
أتحزموا وقولوا .. حي وب .. حى وب .. حى ووووب
الم يغتال الجلاد حرائركم ؟
دقوا القرع تكشحوا بالرماد!!
عوسوا الكسرة
افركوا الملاح
رضعوا الصغار
فنساؤكم افترشن الأرض من وقع السياط !!
دقوا القرع .. تكشحوا بالرماد
سيوفكم في الأغماد
ترجلتم عن صهوة الجياد
نسيتم معاني الاعتداد
مهيرة تذبح
فاطمة تصرخ .. آه يا امى .. احى يا امى .. واى
و انتم صامتون .. و بعضكم يتلذذون
دقوا القرع .. تكشحوا بالرماد
بأى حق سوف تجرؤون ... و انتم وسطهن ؟؟
تعرضون
تتباطنون
تشبلون
ثم تكتبون الشعر غزلا فهن و تتغنون ..
دقوا القرع وتكشحوا بالرماد
وين خال فاطمة ؟
الغنن ليهو و قالن:
الدود قرر و حبس الدرب
هل غاب الدرب
ضهب الدرب
خلى الدرب
لا ..
كايس .. رجولته قبل ما يقوم يشق الدرب !
دقوا القرع وتكشحوا بالرماد
بعد دا ... فضل ليكم شنو ..
غير تدقوا القرع
و تتكشحوا بالرماد
و تلبسوا السواد
و نتعلوا شبش الحداد
وتتحزموا .. و تقولوا حى وب ..حى وب .. حى ووووب
دا ما كان عملن .. يوم موتكم ؟
|
|
  
|
|
|
|
يوسف محمد يوسف
الطيب رحمه قريمان
فيس بوك
تويتر
انستقرام
يوتيوب
بنتيريست