اجلدوها كل ساعة ... انشروه .. اعرضوه .. ما هي ما اخت واحد فيكم ولا بت واحد فيكم

Quote: وليد محمد المبارك عرفنا العسكري الجلد البنية ثقافة محدودة واحتمال يكون فاقد تربوي .. اها اساطين الثقافة ناشري الفلم بدون اذن او موافقة صاحبته ديل نلقى ليهم تبرير وين ؟! نقول يا جماعة الكلام ده اقسى من الجلد ما تنشروا .. الا بعد موافقة ومباركة صاحبة الشأن يقولوا ليك ما لقيناه في اليوتيوب طيب جايبنوا هنا ليه ؟ يعني خلاص لقيتو في اليوتيب ده بديك الحق تشنع بباقي سمعت البت دي وتقرض باقيها يتبرع واحد ارعن يقول ليك .. نخارجها بره البلد حالا اها الجماعة الباقين ديل ابوها .. امها .. اخوانها .. اخواتها .. اعمامها .. عماتها ... خيلانها ... خالاتها ... اولادها لو عندها .. بناتها ... اولاد خالات .. بنات خلاتها .. اولاد عماتها .. بنات عماتها ... اولاد خيلانها .. بنات خيلانها ... اولا اعمامها .. بنات اعمامها .. جدها .. حبوبتها .. اولاد حلتها ديل برضو بعد ما شهرتو بي سمعت بتهم اكتر من ناس النظام العام ذات نفسه ... حا تخارجوهم برضو ؟ الغريبة في كم قانوني وكم ناشط بتاع حقوق انسان نسى انو البت دي انسان واتعامل معاها على اساس انها( فلم جلد ) يستخدم ضد النظام .. اتعامل معاها على اساس انها نقطة قوية تجاه الانقاذ اما هي كانسان مفروض يحافظ على حقوقها باعتبار انها المتضرر الاول ولا شغالين بيها الشغلة نقول يا جماعة اسالوها يمكن تكون ما موافقة على الكلام البتعملوا فيه ده يقول ليك واحد جاهل خليها تفتح فينا بلاغ مسكينة يا بنية حا تنجلدي باقي عمرك ده كله شاحد الله أي واحد شهر بالبت ده وما فكر في مشاعرها .. ما فكر في رغبتها .. ما فكر في احساسها من نشهر هذا الفلم يشوف الحصل ليها في روحو في بتو في اختو عشان حا يعرف ساعتها .. السترة حاجة ما هينة ولاها مقبولة في ميزان كسب النقاط (الحكومة والمعارضة ) عالم بيض الكيزان زاتهم شوية عليكم

Quote: فى ساعه غضبى هذه افضل ان لا ارد على عليك حتى لا اتضطر الى الاعتذار اليك لاحقاً........ولكنن ى اتى هنا لادعوا الجميع الى تجاهل هذا البوست الناس فى شنو وانت فى شنو...ام هى سياسه التشتيت

Quote: وبعدين دايما شايفك بتتسقط البوستات وتقوم تفتح ليك بوست للفت الانتباه لوجهة نظرك او تشتيت الجهود , ماعارف الحاجه دي مردها لشنو ؟ ممكن تنورنا

عارف يا خضر
مشيت عديت البوستات المفتوحة في الامر ده
لقيتهم ملتون

قلت يا الله الناس دي كلها عندها الحق تفتح بوستات الا انا ده ؟!
مفروض وكت اجي افتح بوست اشاور خضر ولا كيف يعني ؟

اشمعنى كل الناس الفتحوا ديل ما سالتهم سالك ده

بالنسبة لتشتيت الجهود
الجهد المبزول من قبلكم اساسا انا ما كنت مساهم فيه
فكيف اكون مشتتو
انت جهدك في وادي وانا جهدي في وادي تاني

Quote: ابشرك انو الخبر نزل في القناة الانجليزيه الرابعه وبالفيديو ولسه حينزل في قنوات تانيه كثيره

لا امك الا اني اقول ليك
امر مؤسف ان يتم ذلك بدون سوال البنية

واتمنى صاقا يا خضر انها تبارك الامر ده .. وتعتبره نقطه في صالحها
لانه لو طلع انها ضد الامر ده

ما عارف اقول شنو
غايتو الله يكون في عونها


واكرر امنتي
كل من تحمس في امر نشهر هذا الفديو
وفي حالة انه يكون ضد رغبتها

اتمنى انه يمروا بنفس التجربة في قريبا ليهم
عشان حا يعرف حينها
حماسه ده عن مبدا
ولا عشان البت ما بتقرب ليه

Quote: يا للمهانة والذلة والانكسار ماذا تبقى لنا... عصابة سرقت مننا أعز ما نملك سرقوا مننا أنفسنا وعزتنا وكرامتنا احس بالخزى والعار ان سودانية تجلد بهذه الطريقة وعلى مرأى ومسمع الجميع اى دين وخلق يسمح بمثل هذه المهازل اى عرف !!!! اذهبى الى الجحيم يا عصابة الجبهة الخزي والعار لكل من يساند مثل هذه الافعال

Quote: احتمال يا وليد العقوبه دي تكون ما حديه ..يعني الجلد دا ما شرط يكون في زني يكون الناس ديل جلدوها لاي سبب تاني .. وفي الحالة دي ما عليها ولا علي اهلها حرج في انو الفيديو يتنشر ..

Quote: الخلاني اشكك يا وليد في عملية الجلد دي ..انو في كم عسكري شايل سوط وبجلد في البنيه وانو الجلد كان همجي وبدون عدد محدد (حسب المفروض لو كان الجلد في حالة زنا ) وبعدين في الجلد الحدي المعاقب بيكون واقف والمنفذ واحد وبيعد بي صوت عالي ..وما تنسي انو في قاضي واقف !!

Quote: الاخ وليد انتا ما خد الموضوع دا من ناحية غريبة شوية وهي (الخصوصية) واقول ليك كل هذه الناس البتكتب وتنشر الفيديو دا متألمين جدا جدا ليه؟ لانو بلدنا وصلت للحضيض والانسان اصبح ما عندو كرامة ولا قيمة ومش ممكن الحصل للبت دي يحصل لاختي او امي اوخالتي وعمتي ولبنتي ولجاري ولي انا ذاتو وليك انت ولا ما ممكن يحصل؟ وعايز الناس تضاير الموضوع دا وتسكت عليهو بحجة (الخصوصية) !! يا أخي ما حدث للبنت دي صادم ووحشي ولا انساني .. يعني يا وليد ناخد منها (اذن) للوقوف في وجه الظلم والغطرسة دي؟ نسكت على عمايل الكيزان ووس خ ه م بحجة الخصوصية؟ منطقك غريب جدا.. تعرف يا وليد نحن ظالمين اهلنا الحسانية والله.. لك الود..

Quote: (وانشالله أهل البت يشوفوا الفيديو ... عشان اب كرفتة الداير يقاولا على سنتين سجن زى سماسرة البهايم دا يعرف هو شغال قاضى فى ياتو بلد ... ولو اخوانها ما جلدوهو عريان فى الشارع العام التسف التراب ... وبعد داك تعمل زى ما دايرة ولومها عليّ)

Quote: في يا وليد طرق ممكن يغبش بيها الوجه وما يكون ظاهر في الفيديو زي ما بتعمل القنوات العالمية لو عندك البرامج دي أو واحد من معارفك يا ريت تعملها في الفيديو و تدي الكليب المعدل للاخ النصري يرفعو بدل الحالي في اليويتيوب وكويس الفيديو الاصلي اتسحب التنبيه مهم وجا في وقت مناسب , اتوقع معلومات الفتاة تتعرف لي بكرة فحقو الناس لو وصلتها تستأذن منها في نشر اسمها أو سكنها دي واحدة و التانية والاهم يا وليد البوست الكنت بديتو ايام قضية لبنى عن ضرورة تغيير قانون النظام العام حقو يتواصل ونشوف طريقة الصوت يصل للبرلمان الحالي على الاقل تجميد عقوبة الجلد لحين تأهيل القائمين بيها التأهيل الإسلامي السليم أو وضع ضوابط صارمة لتنفيذ العقوبة خاصة للنساء يجب ان يكون عن طريق نساء و يراعى الستر

Quote: ياخ ناسك ديل مش جلدوها علشان يشهد جلدها طائفه من الناس.....هسه عاوزين تستروها؟ خلاص يعنى صحوه ضمير ولا بعد ما الفاس وقعت فى الراس....وبهدلتوها فى حضور جمع من الناس والبوليس زاتو بيقول صورها خلى الناس تشوف برضو تقول لى دايرين الحفاظ على خصوصياتها؟

Quote: الأخ وليد .. تحياتي . مع احترامي لرأيك .. لكن المشاعر هنا تتحرك ضد رجل يمسك بالسوط ومعه ثلة من أضرابه .. يضحكون ويساعدون في الضرب أحيانا .. والمسكينة تجلس بضعف وليس لها سوى الصراخ وبأمها مستنجدة .. ويحدث ذلك وسط جمع من البشر .. كل منهم له رأي قد يصب في مصلحة الفتاة أو ضدها .. المهم لم تتحرك فيهم نخوة .. ونحن هنا ومن باب اضعف الايمان .. تحركنا لما لحقها .. أنا شخصيا لو مؤيد الانقاذ بنسبة مائة بالمائة .. سأغير رأي في بعض ممارساتها .. دمت أخي الكريم ..

Quote: ياخ انا واثق انو مافى زول بيقدر ينزر ويتطلع فى وجهها ....لاننا جميعا مشعر بالخجل والعار مش الغرض كن الحكم بالجلد فى باحه مركز الشرطه كان من دواعى الحكم والاعلان

Quote: يا وليد... ثق ان حجم القهر السكن فينا...من جراء المنظر قد الغي فينا كل رغبة للتعرف علي من تكون هذه المجلودة وكل من شاهد الفيديو واكمل مشاهدته فليراجع اقرب طبيب نفسي... حرصي..ان لا يتكرر هذا الفعل مطلقا...

Quote: يا وليد يا أخى الكريم فى ناس اتعذبت بدنيا وانتهكت انسانيتها وجوا بمحض حريتهم هنا ونشروا صور الاذى ال اتعرضوا ليه .. هل يعنى ذلك انهم دايرين يشهروا بنفسهم او يتكسبوا ؟ بالتاكيد لا لكن عشان يوروا الناس ممارسات السلطة وفضحها وما تتخيل انه الكلام دة بمشى ساكت الكتير من الانتهاكات ال كانت بتحصل من الامن والنظام العام وغيرهم اختفت بسبب وسائل الضغط زى دى وما تتخيل انه المنبر دة ومنابر اخرى مجرد شاشات صغيرة بل هى مواقع تأثير كبيرة وكل من ارتضى عرض الامه هنا كان يفهم انها تضحية لاجل ان نحيا انا وانت بسلام والا نتعرض لما لاقوه

Quote: يااااااخ اخرس خالص !

Quote: يااااااخ اخرس خالص !

Quote: ووالله ياوليد لو أراد الله أن يصور وجوه كل الناس الفى المنبر دا وشاهدوا هذا الفيديو لتجدهم باكين رجالا ونساءا ياخى مين البفكر فى فضيحة وبشوف فى بت صغيرة بتتدرق من عسكرى وبتستنجد بأمها والعسكرى بضحك وبتلذذ بضربها..

Quote: ان الشاة لا تتالم بعد ذبحها

Quote: واتمنى لاحقا البعرف معلومه عنها مايجي جارى يشهر بها اكتر الا في حالة رغبتها في ذلك !!!!!!.

Quote: اسال نفسك اين جلدت هذه الفتاة ؟

Quote: خارم بارم يا زكريا خارم بارم انت والعسكري الجلدها واحد

Quote: لا ليست الشرطة فقط, ولا هى الهيئة القضائية, بل هى الدولة كلها. بكل جهلها, صلفها وجبروتها. الدولة التى إمتهنت إمتهان كرامة الناس, رجالاً ونساء. لا لعقوبة الجلد لا لقانون النظام العام, لا لكل القوانين المهينة والمذلّة لكرامة البشر. ولتسقط دولة الظلم والقهر.

Quote: السؤال ده انا جاوبتو في البوست المصدر جلدت هذه الفتاة في قسم الكابجاب

Quote: ياخ ناسك ديل مش جلدوها علشان يشهد جلدها طائفه من الناس.....هسه عاوزين تستروها؟ خلاص يعنى صحوه ضمير ولا بعد ما الفاس وقعت فى الراس....وبهدلتوها فى حضور جمع من الناس والبوليس زاتو بيقول صورها خلى الناس تشوف برضو تقول لى دايرين الحفاظ على خصوصياتها؟

Quote: والله ما عارف اقول ليك شنو انت والعسكري الجلدها وااااحد يا زكريا

Quote: لا اله الا الله اولا سمرية هل اخذت اذن وموافقة السيدة المجلوده ؟ ان لم تاخذيه فانت ومن رفع هذا الفلم على الاسافير ان لم يستاذنها ومن صوره ومن جلدها سواء مشهرين منتهكين خصوصية هذه المرأة المسكين لا اعرف ماذا فعلت هذه المرأة لكن للجلد في الشريعة اسباب وطرق 1) سبب الجلد ويكون في الزنى والسكر عاوزين نعرف الفتاة دي جلدوها على اي اساس 2) طريقة الجلد وهذه انتهكت فيها اكثر من جهة أ. الجلد يكون على الظهر والاليتين والارداف والكتفين - وفي كم سوط وقع على هذه المرأة من الامام ب. تجلد المرأة جالسة مشدودة يداها لكي لا تنكشف وهذا لم يحدث بتاتا ولم يراعى ج.تجلد داخل السجن ولا يجوز جلدها في مكان عام وهذا لم يحدث ايضا وكان في جمهور في المقصورة فوق متابع ملاحظات في الفلم في تقريبا 23 جلده او 24 جلده ولم يكتمل الفم او اكتمل ما عارف ؟ مكان الجلد على ما اعتقد هو قسم الكبجاب في امدرمان ( اعتقد ذلك ) واواضح كبري الدباغة اتخذه الجمهور مقصورة للفرجة كمان ان لون الركشة الخضراء المارة في الجسر يوضح ان الجلد في امدرمان اهم حاجة الزولة دي جلدوها في شنو ؟ لو كان زنى اثبتوه كيف بالاعتراف ام بالاربعة شهود ؟ عشان نعرف ان كان من جلدها يدعي انه قد جلدها بالشريعة فعلا ؟ ولا مزاج منو ساكت طريقة الجلد ومكان الجلد لا يمتان الى الشريعة بشي فبالله يا متحيني الفرصة اخرجوا الاسلام عن الذي يحدث في هذا الفلم وشوفوا شغلتكم مع الانقاذ اهم حاجة هل الكلام ده مطبق على الجميع ؟ ولا خيار وفقوس ؟ عن نفسي لا اعتقد انه مطبق على الجميع اخر شي يا سمرية لو ما عندك اذن من البنية المسكينة دي فارجو منك شاكرا حزف هذا الفلم ، فهذا تشهير وحا تكون اتعذبت اكتر من مرة مرة بجلدها ومرة بالتشهير بها بجلدها في مكان عام لكن الامر من ذلك برفعك هذا الفلم سيكون عذابهااكبر بالتشهير بها في كل العالم اما ان كان ذلك باذنها فهذا شانها ، وعندك كل الحق في رفعة وفتح بوست به لا حول ولا قوة الا بالله والله كفيل بالظالمين