|
|
 هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟!
|
انتو البورد ده دي اول قصه فيه ولا للاسف لن تكون آخر قصه.
يلاحظ ان اغلب البوستات....فيها تشفي مبالغ فيه
ولا نواحي تعليميه للبرالمه وغيرهم من مستخدمي الانترنت.
ثانيا:
امتدت الشتائم لتصل لاصل وفصل بدر الدين اسحاق!!
فما الذي يحدث هنا؟؟!!(كامل ادانتي لكل من فعل هذا)
انسينا ان للرجل اطفال واسره؟؟؟
ثالثا: اين اخلاقنا...اذا كان كوز موتور وامنجي وايا كان
فقط معقوله نكون نحن بهذا العنف؟؟!!
رابعا:
ماذا يهمنا من كل هذا و الوطن يتمزق؟؟؟
اما ان بعضنا يتفشى فشله واحباطه من ذهاب الجنوب في بدر الدين اسحاق؟؟؟
اتمنى ان يكف كل الاخوة بكل البوستات عن هذا الامر ويعودوا للتركيز في امر الوطن المتشظي.
|
|
  
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: عبد اللطيف بكري أحمد)
|
Quote: امتدت الشتائم لتصل لاصل وفصل بدر الدين اسحاق!!
فما الذي يحدث هنا؟؟!!(كامل ادانتي لكل من فعل هذا)
انسينا ان للرجل اطفال واسره؟؟؟
ثالثا: اين اخلاقنا...اذا كان كوز موتور وامنجي وايا كان
فقط معقوله نكون نحن بهذا العنف؟؟!! |
مع التحية كلامك معقول يا أخت تراجي وينم عن عن العقلية التي تكتب بتأني ونأمل الإستمرارية في هذا النهج .
طبعاً أخوكي من المهمشمين خالص في البورد ، لا بيعرف شئ في السياسة ومريح دماغوا لللآخر .
لكن هناك أمور تحير الواحد ، معقولة أكثر من 17 بوست لمهاجمة رجل واحد أخطأ وأعتذر ، ونلاحظ هنا أن الكيل ليس بكليين ولكن بالأطنان .
وتسلمي .
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: نايف محمد حامد)
|
يا تراجى موضوع بدر الدين حالة خاصة للاتى
اولا: الراجل كان منصب نفسه حامى حمى الملكية الفكرية. ياخ دا عندو كلام فى البورد عن حقوق الملكية لو قريتهو قارنتيهو مع ان هو ايضاً سارق تتلبسك حيرة لمدة مئة عام
ثانياً: الراجل مدير مركز كبير لتدريب و اٍعداد القادة. شخص بهذة المسؤلية يكون عديم الاخلاق خفيف اليد يسرق ما تيسر فاى نوع من القادة سوف نحصل عليه؟. بالمناسبة المسألة دى هامة لانو ديل القادة البعدهم لحكم البلاد و العياذ بالله، شكلوا المستقبل اسود جداً فى القادم
ثالثاً: لم يعتذر بشكل واضح و صريح. قال انه نسى المصدر، رغم انه ادغم كلام الاخريين فى نص كلامه بالتحوير و التحايل. كذلك له سرقات أخرى عدة، بس المصنع كوستاوى راجل لطيف و يترفق به ساكت. ياخى الناس ديل ما يتعلموا ثقافة الاستقالة؟. الزول البسرق كلام تعبان زى دا بعلم القادة شنو؟
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: amir jabir)
|
الجسورة تراجى عمر ابو طالب
لك تحية اجلال و اكبار
يجب ان نفرق بين المعارضة و الاستهداف الشخصى
بدر الدين اسحاق شخص رائع و مسالم مشكلته الوحيدة انو كوز
انا ما عارف اللماه مع الجماعة ديل شنو .. غايتو حقو نشتغل
لاخراجه من الظلام و جره من الظلاميين و تسجيله بفريق المستنيرين ..
اخوتى الكرام اخواتى الفضليات
حان الوقت ليقف الجميع صفا واحدا لانقاذ السودان البلد بتضيع
والارض بتتقسم و الشعب بيتمزق لن ينفع الندم و البكاء على اللبن
المسكوب اتمنى ان لا نبكى كما بكى امراء الاندلس ... الحقوا السودان
قبل فوات الاوان ...
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: علاء الدين صلاح محمد)
|
Quote: مش كويس وخبر بطال
بس هنالك من لا يكل ولا يشرب ولا يمشى فى الشوارع و لايحس بالامن والامان
لذلك سنجد (شغلة لسياسة) والمتقدمين لشغلها
اي لم نصل بعد لمرحلة نهاية السياسة كما يتمنى البعض
اي سوف لن يحس بالامن و الامان من يعتقد ان السياسة انتهت
ولذلك تجد في هذا المنبر بوستات التعذيب الممنهج
ودونك بوستات الاستاذ عمار نجم الدين والاستاذ متوكل |
سلام علاء
دى حال البلد الان
انا الان فى الخرطوم
... وانا جيت قبل سنة للسودان
وراجع تانى متخارج لوطنى التانى..
مهندس سايقة رقشة
خريج سايق دفار
الشغل ما عيب
الناس عايزة تعيش
الحياة فى السودان اختلفت عن عشرين سنة مضت
اللغة اختلفت
الفهم اختلف
السياسة اختلفت
... لا توجد اشياء واضحة..
لا ثوابت
لا معاير
.... السكوت من دهب..
السوق واقف .. الانفصال ع الابواب..
حتى اصحاب القرار يتخوفون..مابعد الانفصال
الان الجيل الذى نراه فى السودان جيل تربى فى عهد الانقاذ
لا يعرف عن على عبد اللطيف
ولا عن اكتوبر
ولا عن انتفاضة ابريل
ولا يريد ان يعرف
وهنالك جيل اخر خرج مع الانقاذ الى عواصم شتى
وبقاع.. قابع فى اصقاع الجليد
وداعاة ( البلوتاريا ) فى بلاد العم سام
ذهب اصحاب اليسار الى اليمين .. هربوا من الاضطهاد وغرقوا فى رغد العيش
pizza delivery
Burger delivery
\Life is Easyومن شرفات العمارات والناطحات والانترنت( وير لس) يناطحون بكى بورداتهم
بدر الدين شبح الانقاذ..
من منك قدم وجاء وقاتل
من منكم جاء وقال
من منكم سأل... ماذا يفعل قادتهم وشعبهم..
....
السودان ليس هو السودان الى تركتموه..
..................
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: abubakr salih)
|
Quote: نعم بدر الدين أخطأ
وإعتذر
اذن لا داعي للتشفي وشخصنة وعنصرة الموضوع |
الأخ الشفيع وراق عبد الرحمن
أليس هذا رأيك عن مقترف السرقة الأدبية عندما مارسها تروتسكى ونصب له بدر الدين المشنقة :
Quote: لا حول ولا قوة الا بالله
كل شيء مقبول الا السرقة الادبية
اظل احترم الشخص مهما اختلفت معه الى ان يسرق
المعاييييير يا بكري
لابد من المعايييير
السرقة اسفيرياً لا تقل باي حال من السرقة
بكري لابد من وضع قوانين وعقوبات رااااادعة
كل من ياخذ نصاً أو يقتبس بدون وضع المصدر أو علامة الاقتباس أو (منقول) يعاقب بالايقاف 6 شهور
بدونها فعلى المنبر السلام |
والان ما هو موقفك من بدر الدين والذى يفترض ان ينسجم مع موقفك اعلاه فالمواقف لا تتجزأ
أم حرام على بلابله الدوح .. حلال على الطير من كل جنس
.
تراجى انت بجدك ولا مهكرة اليومين دى ؟
بداية بعلى عثمان ثم بدر اسحق يعنى ممكن بالطريقة دى نتوقع عنوان بوستك القادم
أحب عمر البشير
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: سمير شيخ ادريس)
|
تراجي:
جوار ومعرفة ممتدة لسنين، مع الاخ بدرالدين اسحق واخوته ببحري الشعبية
وعن تجربة لم أراه في موقف او مشهد، يخجل عليه، بل تربي مثلنا، وكان ومازال
اخا وشقيقا نجله ونقدره.
حزنت علي السقوط الذي نزل به الزملاء في خلافهم مع بدرالدين، وماكان يجب أن تكون
مقارعة الحجة، بمثل مااتي به البعض هنا.
حقيقا لابد أن يقف الانسان مسافة ما فيما يعتقد ويؤمن من معتقدات وايدلوجيات
لكن تلك الهجمة ليس لها اي تبرير، في حق انسان علي الاقل يجمعنا به منبرا
ومنفذا. يجب ان تحترم.
التحية لك تراجي، وانت تضعي اصبعا علي جرحنا في الوطن.
والتحية للاخ بدرالدين اسحق الخلوق والانسان.
مودتي
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: abubakr salih)
|
يا تراجي قلة شغله شنو ؟
هسع لو واحد ماشي في الشارع ولقا ليهو حرامي بيسرق يخليه ويقول انا مالي وماله
ول يمسكوا ويسلمو ويواصل في سيره ؟
ومنو ال قال انه القبض على نشال ######## يعني ان كبار افراد العصابة نبلاء ..
ما حدث عبارة عن قبض على (حتة) نشال ######## يدعي النبل والاستقامة وفضحه
وتتواصل المسيرة ..
بعدين الرجل دا اقل جريمة ارتكبها هي السرقات الادبية فهو يعمل بجهاز يقتل ويغتصب ويرتكب
الابادة الجماعية فما تشتغلي بسرقاته ولا تأسي عليه اما لو كان قصدك تفاهته فانه كذلك ولا يستحق
الذكر الا ان ما ارتكبه يستحق الذكر
على الاقل حتى لا يستسهل غيره السرقة ..
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: سمير شيخ ادريس)
|
| Quote: والان ما هو موقفك من بدر الدين والذى يفترض ان ينسجم مع موقفك اعلاه فالمواقف لا تتجزأ |
مرحب يا سمير
موقفي يا اخوي كان واااضح ،وده كان ردي، حتى قبل ان اطلع على كامل الموضوع وكان قبل 8 ايام
Quote: سلام وتحية للجميع
انا داخل بالعرض كده وبدون مقدمات
انا ما زلت في الخرطوم، اسافر غدا للرياض بمشيئة الله
لم اتابع ما يجري منذ وصولي ، وربما فاتني الكثير(لامن اكون في السودان الحقيقي، بطنش السودان الاسفيري)
مررت على بعض لروابط الخاصة بالسرقة الادبية لاخونا بدر الدين
وهي مدانة من قبلنا وبشدة، واتوقع من بدر الدين الاعتذار عنها وبشدة، بالذات بعد ان سل سيفه على كل من سرق |
السرقة الادبية مدانة من قبلنا اذا كانت من بدر الدين او تروتسكي او غيره
ولا مانع لدي ان يطالب البعض بايقافه وتفعيل اللوائح بدون شخصنة وعنصرية
ما اتفقت عليه مع تراجي هو عدم شخصنة الموضوع بصورة عنصرية والبحث عن اصل وفصل بدر الدين
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: ABDALLAH ABDALLAH)
|
Quote: يا عامر جابر
اخونا الطفل المعجزة حذيفه ابراهيم الكباشي ده
خليه يبرطع.....ده لقى ليه باس ورد وما عارف يكتب بيه شنو؟؟
خليه يضرع.....
Quote: القال ليك منوا من نسج الخيال ؟
عالم فايقه يا عامر...نعمل لهم شنو. |
ياخي انتي ماناقشة دينك
انتي ماناقشة (.........) من سبحان الله
انتي ياتراجي عندك موهبة كبيرة جدا اسمها الكذب الخللاق ياخي انتي بتكذبي حتى على روحك وبتصدقي روحك بعد ما تكذبي عليها
ونحنا هنا بالمرصاد لك
اما اذا مشيتي عديــــل مافي زول بيسألك
لكن بمجر ما تكضبي حتلقيني بالمرصاد شفتي كيف
وانا والله مافاضي ليك لكن والله لو فضيت ليك اخلي المايشتري يتفرج
دحين يا مدام حقو تتضايري وتلزمي الجابرة
..
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: Tragie Mustafa)
|
تراجي لا اظن ان الدرب راح على احد ؛ ونوريك سبب خصومتنا مع هذا الكوز الامنجي
1- هذا الكوز المصدي امنجي في النظام وهذه طائفة من اسؤا البشر وهو يستغل هذا المنبر للترويج للنظام والاساءة للمعارضين
2- هذا الامنجي حاول ارهاب الاخ طلعت الطيب والاخوة في حق ومركز الخاتم عدلان بالتهديد بحلهم في اسلوب قذر ومنحط
3- هذا الامنجي لا يتورع عن الكذب الصراح حيث زعم اني قتلت ارواحا ولم يثبت ذلك
4- هذا الامنجي المأفون تشفى في معتز تروتسكي بل ذهب به الامر للاتصال بمن نقل عنهم تروتسكي وتحريضهم عليه لمقاضاته
هذا الامنجي هو مجرد نموذج للؤم وتفاهة الكيزان ونظامهم ؛ فكيف تطالبينا بتركه في اجرامه (المنبري) يرتع ولا نعريّه ؟؟
| |
|
|
|
|
|
|
|
|
|
Re: هل الحمله تجاه(بدر الدين اسحاق) ؟؟قلة شغله من المعارضه ولا الدرب راح للناس في المويه؟! (Re: Abdel Aati)
|
المحاباة و الكيل بمكيالين يا أختنا الفاضلة تراجى سبباً فى ما جرى و لازال ، أعتقد أن الأستاذ الحبشى ببوسته الشهير المعيار يستحق الإشادة
فقد إنتبهت و مثلى عدد كبير من الناس لحربائية مواقف البعض ، المشانق التى نصبها لمعتز و دعمه فيها من أراد الحق و من أراد التشفى إنقلبت
عليه و بالاً .
كتب الأخ المحترم / الشفيع وراق عبدالرحمن
فى مداخلة بالأعلى مناصراً زميله :
Quote:
نعم بدر الدين أخطأ
وإعتذر
اذن لا داعي للتشفي وشخصنة وعنصرة الموضوع |
لم يطالب بإيقاف بدرالدين عن البورد لستة أشهر متكاملة ، لم يقل بأنّه فقد إحترامه له ، لم يتشكك فى بقية كتابات زميله بالمنبر
ليس هذا فقط بل تسآءل عن المعيار ...
شنو البخلى حقت بدرالدين رجل و حقت تروتسكى كراع يا أخونا المحترم الشفيع ؟!
مداخلة الأخ الشفيع الذى يرى بأن السرقة الإسفيرية لا تقل بأى حال عن السرقة :
Quote: لا حول ولا قوة الا بالله
كل شيء مقبول الا السرقة الادبية
اظل احترم الشخص مهما اختلفت معه الى ان يسرق
والمصيبة اني ظللت أقرأ له كثيييرا جدا
حسبنا الله ونعم الوكيل
يعني ممكن تكون كل كتاباته ملطوشة
المعاييييير يا بكري
لابد من المعايييير
السرقة اسفيرياً لا تقل باي حال من السرقة
بكري لابد من وضع قوانين وعقوبات رااااادعة
كل من ياخذ نصاً أو يقتبس بدون وضع المصدر أو علامة الاقتباس أو (منقول) يعاقب بالايقاف 6 شهور
بدونها فعلى المنبر السلام
والله يا بدر وبشير طممتوا بطني وبفكر اعتزل تااااني
والله المستعان |
Re: السرقات الادبية فى المنبر ( تروتسكى ) نموذجــاً !!!
و ايضاً عن المعيار نتسآءل ..!
| |
|
|
|
|
|
|
| |
Tragie Mustafa
ABUHUSSEIN
محمد المسلمي
الشفيع وراق عبد الرحمن
حذيفه ابراهيم الكباشي
ولياب
عمر صديق
عبد العظيم احمد
نايف محمد حامد
خالد حاكم
abubakr salih
علاء الدين صلاح محمد
amir jabir
طارق أحمد أبوبكر
الفاضل يسن عثمان
عبد المنعم سليمان
عبدالحافظ سعد الطيب
على محمد على بشير
Abdel Aati
ABDALLAH ABDALLAH
عبدالرحمن عزّاز
فيس بوك
تويتر
انستقرام
يوتيوب
بنتيريست