البورد كله مقلوب فرحا على فوز قطر بكاس العالم... opppps قصدى "استضافة كاس العالم"...اصلا قطر ما حصل حتى اتاهلت لكاس العالم عشان تفوز بيه!!!!!
كل البورد مبسوط ...خاصة بورداب قطر. ما فى زول فيكم فكر مرتين فى موضوع فوز قطر بكاس العالم ده ؟؟؟ شكلكم كده مشاركين فى الموضوع ده.
بورداب امريكا ما فى زول حتى عبر عن زعله على خسارة امريكا!!!! انا هنا اعبر عن زعلى لخسارة امريكا...و عشان كده بحثت شوية فى الموضوع و لقيت ما فى سبب قطر تفوز غير الفساد فى الفيفا و (احتمال) دعوات بورداب الدوحة. اقدر جدا حماس كل العرب لفوز قطر باستضافة كاس العالم. و انا ما من نوع الناس اللى بيحب يبخس الناس حجاتها ....فلازم اقول (مبروك قطر).....و لكن.......
12-04-2010, 00:57 AM
khaleel
khaleel
تاريخ التسجيل: 02-16-2002
مجموع المشاركات: 30134
لما سمعت ان قطر مترشحة...استبعدت فكرة فوز قطر تماما.خاصة و ان المنافس الاساسى امريكا. استبعدت الفكرة ليه؟ الاسباب بسيطه جدا: الطقس... فى ناس بتقدر تلعب كورة فى صيف قطر؟؟؟ فى السخانة والرطوبة ديل ؟؟؟ درجة الحرارة فى قطر بتصل فى الصيف 130 درجة فهرنهايت . يعنى 54 و نص درجة مئوية. امريكا فيها مناطق حاره و رطبة..لكن فى اماكن الجو خرافى معتدل طوال السنة. قطر فى العطاء بتاعها قالت انها (ح ) تبنى ملاعب مكيفة. (ح تبنى)؟؟؟ ملاعب مكيفة ؟؟طيب و ح يعملوا شنو فى الشوارع؟؟؟
12-04-2010, 01:01 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
البنية التحتية... قطر (ح ) تبنى ملاعب. (ح تبنى)؟؟؟... مقابل كل الملاعب المقترحة من امريكا موجوده الان على ارض الواقع. قطر قالت (ح) تبنى فنادق. معقولة؟؟ كل البنية التحتية متوفرة الان فى المدن المقترحة لكاس العالم فى امريكا. البنية التحتية من فنادق لشوارع لمطارات. السكان... امريكا اساتضافت كاس العالم من قبل (سنة 1994) و حققت ارقام قياسية. اعلى دخل لكاس عالم حتى الان. متوسط حضور المبارة الواحده كان 69 الف متفرج. الان قطر (ح تبنى ) ملاعب بسعة كم و اربعين الف متفرج ...بس. اكتر من تلانه مليون و نصف حضروا كاس العالم فى الملاعب الامريكية. عارفين سكان قطر (كلهم بالبورداب الكتار ديل)؟؟؟ مليون و نصف ....بس. و ده تعداد ما اكيد لسه. اخر تعداد كامل لقطر بيقول انهم حوالى 800 الف. امريكا وعدت تبيع اكتر من 5 مليون تزكرة لكاس العالم لو اتعمل فى اراضيها. حظ سعيد لقطر تحاول تبيع نص الرقم ده!!!
12-04-2010, 01:02 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
الاعلام... و هل فى منافس للاعلام الامريكى و حقوق البث حول العالم؟؟؟
كرة القدم... مزيع فى الجزيرة بيقول ان قطر دولة رياضية! و الامريكان ما بيفهموا فى الكورة!!!! جادين انتوا ؟؟؟ قطر ما حصل اتاهلت لكاس العالم..... يا عالم!!!!!! عارفين ان قطر ترتيبها رقم 113 فى كورة القدم فى العالم؟؟؟؟ قال... رياضية قال.
12-04-2010, 01:04 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
قبل اعلان فوز قطر ...ما فى زول واحد كان متقوع الموضوع ده...(لما اقول كده قصدى زول خبير فى المواضيع دى...ما قصدى زول بيتمنى). السبب؟ لانه ببساطه لانه مستحيل. حتى الفيفا تقنيا (technically ) ادت العطاء بتاع قطر درجات صغيرة مقارنة بالعطاء الامريكى .
طيب يا جماعة السبب شنو فى فوز قطر باستضافة كاس العالم ؟؟؟ ما فى اى سبب غير الفساد و الرشاوى فى الفيفا.
ان شاء الله نكون بس لحدى هنا اتفقنا انه فوز القطر ....ما معقول فى وجود امريكا كمنافس. و نجي للسبب....فساد الفيفا. طيب....نبدا من وين؟؟؟
هل تعلمون انه فى اعضاء من الفيفا هسى منعوا من التصويت...عارفين ليه؟؟؟ لانه فى صحفى من Times of London غشاهم و صورهم و عمل فيها انو لوبى للامريكان . الجماعة ديل قبضوا متصورين و هم عاوزين ياخدوا رشوة. اتنين منهم من نجريا و واحد من تاهيتى. وده المصدر...بكرة تجو تقولوا لى حرامية قوقل (رغم غرابة و غباء المصطلح ده**) http://www.dw-world.de/dw/article/0,,6287381,00.html
نفس المصدر Times of London صورت عضؤ اسبق فى الفيفا بيقول منو من الاعضاء يمكن رشوته و منو ما ممكن. و فعلا كل زول ليه تمن!!!
ده غير صرف القروش اللى ما معروف ليه سبب غير الرشوة. يعنى بمناسبة شنو تقوم قطر ترعى African Soccer Confederation السنة دى؟؟؟ و ليه بس قطر تديها الفيفا فرصة انها تعمل presentation بتاعها للافارقة فى الفيفا!!!!!! _____________________________
** قوقل ما فيه اى حاجه يسرقوها. قوقل محرك بحث. يستخدم فى البحث فى الانترنت. ممكن تسمى زول حرامى نت. مش حرامى قوقل
لازم اقول دوافعى لكتابة هذا البوست خاصة جدا. و سببها اقامتى فى الولايات المتحدة الامريكة و رغبتى فى حضور كاس العالم 2022 فيها*.
مع الاعتذار لك كل بوراد الدوحة اصحابى و فى راس القائمة خليل و البشمهندس كيكى. متمنية واحد فيهم (الزمن داك) يعزمنى عندوا احضر كاس العالم. لو ربنا احيانا. و حينها (ممكن) انكر البوست ده.
ما فى زول يجى يقول لى امريكا و الطغيان و ما عارفه ايه....لو كانت فازات الصين ما كنت قلت حاجه. موش هسى صنعوا اسرع سوبر كومبيوتر؟؟؟.
_____________________________ * ايوه..ناوية اقعد لحدى الزمن داك.
12-04-2010, 01:06 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: انا هنا اعبر عن زعلى لخسارة امريكا...و عشان كده بحثت شوية فى الموضوع و لقيت ما فى سبب قطر تفوز غير الفساد فى الفيفا و (احتمال) دعوات بورداب الدوحة
طوالي كده قدحتي في زمتهم بدون اي وازع
12-04-2010, 01:13 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: سلامات سمارت قدمنا ملف ما (يخرش ) المية ميزانية الاعداد للتجهيزات 50 مليار دولار وكاش فرصة للشرق الاوسط لتنظيم كاس العالم هاردلكم
سلامات يا خليل... ملفكم يا سيدى الفيفا ادته نقاط اقل من الملف الامريكى.(تقنيا)... بعدين يا اخى لو ختيتوا ميزانية ترليون (دى كم صفر؟) ما فروض يكون فى مقارنه مع حجات اصلا موجوده على ارض الواقع.. صح؟؟
Quote: طوالي كده قدحتي في زمتهم بدون اي وازع
ابدا... فساد الفيفا ما بيتغالطه فيه اتنين. و الامثلة فوق. و ممكن افتش زياده.
12-04-2010, 01:26 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
قطـر.. هل شبع جياع العالم العربي والإسلامي ؟؟؟ و السبب الاول :ان الدوحة(الان) بتصرف الكتير جدا على اعمال الخير. والسبب التانى ان كل البناء و التجهيزات لكاس العالم ح تفتح الاف الفرص من و ظائف و اعمال خاصة. و ده ح يفتح الاف البيوت.
و لازم اوضح برضوا ان فى دراسات كتيرة بتورى انو الاولمبيات و كاس العالم ده ما قاعده تجيب دخل للبلدان البتتعمل فيها. او الدخل ما بيكون قدر الانصرف عليها.
12-04-2010, 02:06 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10205
بالله ياسمارت شوفي المسلب ده .. قدمتم ؟ مالكم و مال العرب يا سودانيين ؟ متلصقين فيهم و عاوزين تعملو فيها منهم و هم رافضنكم. شي عجيب. رشيهم يا سمارت .. رشيهم المستلبين ديل.
12-04-2010, 02:20 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
سلامات الاخ خضر الطيب طبعا كعرب فرحنا لفوز قطر باستضافة كاس العالم.و انا حقيقى اتاثرت جدا بالسعاده اللى اظهرها القطريين و كل العرب للفوز ده. لكن ده ما بيمنع انها حاجه ما معقولة..
Quote: استغربت لموقف الرئيس اوباما
موقف اوباما عادى.انا حقيقى مستغربه من الناس اللى مندهشة من موقفه. اوباما ده بالمناسبة ذيو ذى باقى الامركان فى مواضيع الرياضة دى Very competitive .موش سمعت بيه الاسبوع الفات ضرب خشمع لانه كان بيلعب كرة سلة من جماعة اصحابه. بعدين يا اخى ليه حق. بلده مؤهلة جدا (و اكتر من قطر) لاستضافة المونديال. و كون نقول انه فوزه هو ذى فوز قطر الان ده كلام ما صحيح و مقارنة ما معقولة اوباما كان عضو فى الكونقرس....موش ترتيبه ال 113 فى كرة القدم فى العالم. فوز قطر هو المستحيل. فوز اوباما نتيجة لصبره و اجتهاده و شطارته.
12-04-2010, 02:31 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: بالله ياسمارت شوفي المسلب ده .. قدمتم ؟ مالكم و مال العرب يا سودانيين ؟ متلصقين فيهم و عاوزين تعملو فيها منهم و هم رافضنكم. شي عجيب. رشيهم يا سمارت .. رشيهم المستلبين ديل
يا حمور يا اخوى انا موضوع الاستلاب ده ما بقدر اتكلم فيه. بكرة بيجو يقولوا لى انتى ذاتك مستلبة و متامركة و ما عارفه ايه. مع انى لحدى هسى ما عندى جواز امريكى ذى خالك اللى بيمشى يشكى خطوط الطيران الوطنية المحترمة للسفارة الامريكية!!!
خليل ..بالجد مالك و مال القطرين كمان تلم روحك معاهم ؟
12-04-2010, 04:19 AM
Rawia
Rawia
تاريخ التسجيل: 11-23-2002
مجموع المشاركات: 8396
Quote: فى ناس بتقدر تلعب كورة فى صيف قطر؟؟؟ فى السخانة والرطوبة ديل ؟؟؟ درجة الحرارة فى قطر بتصل فى الصيف 130 درجة فهرنهايت . يعنى 54 و نص درجة مئوية.
هنعمل ليهم مكيفات ضخمة في الملاعب ...مايكون عندك فكرة
سمارتي أنا ياخ في مليون سبب تفوز قطر غير الفساد في الفيفا هو يعني ياتفوز أمريكا يا يبقى فساد دي حمرقة منك ساكت
______ راوية مواطنة امريكية محتفلة بفوز قطر شديد قطر دي لو تعرفي ناسها حتحتفي معاهم لي بعد بكرة ومن هنا تهنئة خاصة لتوأم الروح دكتورة مريم الجابر وأسرتها العزيزة فرداً فردا ياسمارتي لو أحكي ليك لغاية بكرة بجمال الناس دي مابكفيهم
12-04-2010, 05:57 AM
haroon diyab
haroon diyab
تاريخ التسجيل: 06-20-2007
مجموع المشاركات: 23215
الاخت سمارت تحية طيبة شى طبيعى ان يفرح ويتفاعل كل من له صلة بالشرق الاوسط او المحيط العربى او الاسلامى بنيل قطر لثقة الفيفا لاستضافة كاس العالم وهو حق متاح للجميع ان استطاع ان يقنع العالم بمقدراته التقنية والمالية , وقطر مثلها مثل بقية دول العالم حملت احلام شعبها وقيادتها وثقتها العالية فى مقدراتها وطرحت ملفها امام الفيفا متضمن حلولا لكل المعوقات التى قد يثيرها البعض كالطقس وعدم وجود البنية التحتية واللوجستية لاستضافة هذه الاعداد المتوقعة وهى نفس المخاوف التى تم طرحها حين نالت جنوب افريقيا هذا الشرف الا وانها بجدارة اخرصت كل الالسنة التى شككت فى مقدراتها وستفعل قطر ذلك ان شاء الله المستغرب جدا هو موقف الامريكان ورئيسهم الرافض للخسارة نهائيا والمصادر لاحلام الشعوب وتطلعاتهم دعينى اسرد بعض نقاط ضعف الملف الامريكى 1- نالت تنظيم كاس العالم 1994 2- اختلاف توقيت مشاهدة المباريات مع باقى العالم 3- صعوبة الحصول على التاشيرات لمن يود حضور المباريات 4- الاجراءات الامنية الكثيفة المتوقعة 5- لن يضيف هذا الحدث اى ابعاد تنموية حيث كل البنى التحتية جاهزة 6- دخل الامريكان اللجنة بملف غلبت عليه الاحصاءات مرددين انهم يودون الاستفادة من تنظيم الكاس ببلادهم لاكساب اللعبة المذيد من الشعبية وسط السكان المهوسون بالبيسبول والامريكان فوتبول والسلة وهذا ما قالوه عندما نالو كاس 1994 ولكن ما زالت شعبية كرة القدم فى مكانها بعد مضى 16 عاما 7- تداعيات السياسة الامريكية التى شنت حروب جائرة فى العراق وافغانستان ومازال دم الضحايا يراق
12-04-2010, 11:05 AM
بكري عباس علي
بكري عباس علي
تاريخ التسجيل: 10-26-2009
مجموع المشاركات: 2264
بصراحه أنا الاستغربت ليهو انه اليابان كانت مقدمّه ملف برضو ومع ذلك فازت قطر !! أعتقد العامل في فوز قطر هو فكرة انه المنافسه حتعقد للمره الأولي في الشرق الأوسط, وتوزيع الفرص وكده, نفس فكرة ساوث اَفريكا يعني,,
الأمريكان كفاهم ياسمارت, عاوزين تاخدوا كل حاجه؟ أدو فرصه للغلابه البهنا يفرحوا شويه :) نحن ما عندنا مانع كاس العالم يقام في أمريكا لو بتدو ناس الجوازات العاديه الزينا فيزا يجو يحضرو
12-04-2010, 11:28 AM
منتصرمحمد زكى
منتصرمحمد زكى
تاريخ التسجيل: 11-04-2009
مجموع المشاركات: 4045
Quote: قطر فى العطاء بتاعها قالت انها (ح ) تبنى ملاعب مكيفة. (ح تبنى)؟؟؟
إيه رأيك اغلب الترشيحات حقت الفيفا مبنية على (ح نبني ) دي؟؟؟ ما سمعتي قصة ناس شيلي لمن طلبوا من الفيفا تديهم كاس العالم سنة 60 أو 64 ؟ لمن قالوا لي الفيفا علييكم الله ادونا تنظيم كأس العالم لأنو ده (ح يبني) لينا البلد كلللها.. يا اسمارت صدقيني احسن حاجة تدي التنظيم لي دولة لسة ما جاهزة عشان ده بيزهر البلد وبيعمل فيها بنى تحتية حلوة .. امريكا اعتمدت على ملاعب البيسبول يعني الكم 60 الف متفرج وكم وجغلومية الف متفرج البيشيلهم الاستاد ما اتعمل عشان جمهور الكورة وإلا كانت ح تكون ال 40 الف متفرج زااتا كتيرة في تشييدهم للملاعب.. جنوب افريقيا دي مش قالت (ح نبني) لالالا دي لحدي ما كاس العالم باقي ليهو شهور قاعدين يبنو لي درجة إنو كانوا مهددين يتسحب منهم الترشيح .. بعدين تعااالي هنا امريكا ولا اليابان لو بتتكلمي على الامكانيات ؟؟ اسوأ تصوير ونقل لكأس العالم كان التصوير اللي تم في امريكا وفي اليابان .. اسوأ إخراج تلفزيوني مسخ علي مشاهدة كاس العالم كان بتاع امريكا وبتاع اليابان ويا الناس المتابعين كاسات العالم صلحوني لو انا غلط .. امريكا الحاجة الوحيدة الخلعت بيها الناس يوم اتكسرت العراضة في مباراة للمكسيك تقريباً وتم إستبدال العراضة في نفس اللحظة بي عراضة بديلة (دي ماسبقهم عليها زول غايتو ) بعدين ياخ مايرشو وين المشكلة ؟؟ امريكا زاتا بترشي وما تفتكري 94 ده جاكم ساي ؟ تابعي كويس .. الفيفا منظمة قوية اي نعم بس منظمة فيها فساد طن .. قطر تستاهل وقطر بالجد فيها شباب حلو اللي كان ماسك الملف.. شباب واعي مثقف مرتب مدرك لي كل شي بيسوي فيهو .. شباب مخطط ..شباب اشتغل ..شباب مرتب.. بالجد اولاد حمد ديل عجبوني في كنكوجي وأسة انا حااالف إلا أعرس ليهم واحدة من بناتي بعدين تعااالي هنا ما تخمينا ساي وقوقل حقك ده فتشي بيهو وقارني أيهما حقق ربح أعلى تنظيم امريكا ولا تنظيم جنوب افريقيا؟؟
تخريمة : إسمارت يا إنتي فجأة كده بقيتي زولة عادية زييك زي الناس تقبلي الهدايا وتمشي في الاسواق
12-04-2010, 12:27 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: اسوأ تصوير ونقل لكأس العالم كان التصوير اللي تم في امريكا وفي اليابان .. اسوأ إخراج تلفزيوني مسخ علي مشاهدة كاس العالم كان بتاع امريكا وبتاع اليابان ويا الناس المتابعين كاسات العالم صلحوني لو انا غلط .. امريكا الحاجة الوحيدة الخلعت بيها الناس يوم اتكسرت العراضة في مباراة للمكسيك تقريباً وتم إستبدال العراضة في نفس اللحظة بي عراضة بديلة (دي ماسبقهم عليها زول غايتو )
كلامك صاح ماغلط ......... واحسن تصوير واخراج كان في فرنسا 1998م ....
تعرف الامركان ديل بتاعين (شو) قصة العراضة دي ذاته بتكون مدبرة ..........
12-04-2010, 01:10 PM
مريم بنت الحسين
مريم بنت الحسين
تاريخ التسجيل: 03-05-2003
مجموع المشاركات: 7727
بداية احب اقول اني بحب قطر جداً... وعشت فيها اجمل ثلاثة سنوات.. ومن البلدان البتمنى جدا ارجع ليها
لكن انا مع سمارت والحق حق.. انا ما بشكك في انه القطريين قادرين يحققوا الوعود القالوا حيعملوها ولا عندي شك انهم حينجحوا في ادارة وتنفيذ واخراج كأس عالم خرافي ومفخرة.. ولكن
في فساد حاصل وفي دفع حاصل وفي لوبيات اشتغلت... وفي شغل تقيل بتاع PR وبتاع حاجات تانية.. ...
الامريكان قالوا انه الخيار المنطقي بعد امريكا كان ممكن يكون استراليا وتكون مبلوعة.. لكن خيار قطر بعيد شوية..
قطر لعبت صاح... لكن هل اللعبة كان نظيفة وfair، اشك في ذلك
12-04-2010, 01:35 PM
مريم بنت الحسين
مريم بنت الحسين
تاريخ التسجيل: 03-05-2003
مجموع المشاركات: 7727
والله أنا فرحت للقطريين في (هكذا) إنجاز تاريخي، خاصةً وأنو على راسهم الشيخة موزة، لعل العرب يدو مساحات حقيقية لقيادة الإستروجين مقابل التستوستيرون، حتى ولو في الإطار الأسري البتماشى مع تقاليد الشرق.
وهاردلك للأمريكان.
12-04-2010, 04:09 PM
هشام كمال عبادي
هشام كمال عبادي
تاريخ التسجيل: 10-30-2010
مجموع المشاركات: 2166
والله الحق يقال انو الناس ديل قادرين على تنظيم اي حدث .. حتى ولو كان بقامة كأس العالم .. انا جيت زيارة لي قطر في 2005 من السعودية .. وجيت تاني في اغسطس 2006 قبل الأسياد بي كم شهر .. وشفت الفرق .. واستقريت فيها في 2008 وفعلا كل يوم في تطور ..
وصدقوني بكرة الناس بتشوف الناس ديل حيعملو شنو .. واسمكو الخشب من هسع ..
12-04-2010, 05:21 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: سمارتي أنا ياخ في مليون سبب تفوز قطر غير الفساد في الفيفا
ذى شنو؟؟
Quote: قطر دي لو تعرفي ناسها حتحتفي معاهم لي بعد بكرة
انا و الله ما عندى اعتراض على الشعب القطرى (ال 800 الف) و لا حتى على ال (ال 800 الف الوافدين). لكن كمان كاس العالم ده شويه كده صعب. لو كانت السعودية انا كنت قلت عادى. اصلهم متعودين على استضافة العالمين و كده (الحج).
12-04-2010, 05:59 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: شى طبيعى ان يفرح ويتفاعل كل من له صلة بالشرق الاوسط او المحيط العربى او الاسلامى بنيل قطر لثقة الفيفا لاستضافة كاس العالم وهو حق متاح للجميع ان استطاع ان يقنع العالم بمقدراته التقنية والمالية
Quote: الا وانها بجدارة اخرصت كل الالسنة التى شككت فى مقدراتها
دى هى المشكلة فى نظرى. قطر ما اقنعت العالم. اكرر :قطر ما اقنعت العالم. و ما اخرست الالسنة. و لا حتى لسان الفايفا ذاتها. الصورة دى فيها تقرير الفيفا التكنكال عن قطر( كررت الكلام ده كتير من بداية البوست لكن ما فى زول اشتغل بي). الان ح انزل صورة من صفحة فى التقرير.
احب الفت نظرك لتقييم الفيفا لملف قطر. الفيفا قالت انه فيه مخاطرة كبيرة. لكن لما جاء موعد التصويت....صوتوا لقطر!!!!! فاتمنى انو ما نضطر نعود للنقطة دى تانى. نقطة ان قطر اخرست العالم. لانها ما عملت كده باثبات قدرتها على تنظيم المونديال.
Quote: المستغرب جدا هو موقف الامريكان ورئيسهم الرافض للخسارة نهائيا والمصادر لاحلام الشعوب وتطلعاتهم
ما فى استغراب. المضوع منافسة. و هم شايفين انهم كانوا احق بالفوز.
Quote: دعينى اسرد بعض نقاط ضعف الملف الامريكى 1- نالت تنظيم كاس العالم 1994
و نجحت نجاح باهر فى تنظيمه.
Quote: - اختلاف توقيت مشاهدة المباريات مع باقى العالم
المره الجايه كاس العالم فى البرازيل....برضو توقيت عجيب شويه! لكن ما اظن كان مشكلة فى اختيارها
Quote: 3- صعوبة الحصول على التاشيرات لمن يود حضور المباريات - الاجراءات الامنية الكثيفة المتوقعة
فى سنة 1994 امريكا ادت تاشيرات بالهبل لكاس العالم كانوا فاكرين الامركان ما ح يخشوا الكورة. لكن الامركان دخلوا و التاشيرات كانت ساهلة جدا جدا و الاجراءات الامنية حاجه كويسه جدا. و لو كان كاس العالم ده فى قطر السنة الجايه و عزمونى ليه عزومة ما كنت ح امشى. لانى عارفه قطر ما عندها (الان)المقدرة ان تامين حدث ذى ده. اتمنى انه الموضوع يتغير بعد 12 سنة.
Quote: 5- لن يضيف هذا الحدث اى ابعاد تنموية حيث كل البنى التحتية جاهزة
كنت فاكرة انو دى معايير الفيفا فى الاختيار. عندك شنو جاهز؟ و حتى تقييم المشاركين بيتم على الاساس ده!!
Quote: - دخل الامريكان اللجنة بملف غلبت عليه الاحصاءات مرددين انهم يودون الاستفادة من تنظيم الكاس ببلادهم لاكساب اللعبة المذيد من الشعبية وسط السكان المهوسون بالبيسبول والامريكان فوتبول والسلة وهذا ما قالوه عندما نالو كاس 1994 ولكن ما زالت شعبية كرة القدم فى مكانها بعد مضى 16 عاما
دى نقطة مهمة.كرة القدم انتشرت جدا جدا من سنة 1994 فى امريكا. كون الامركان مهوسيين برياضات اخرى ..ده ما معناه ان كورة القدم ماعندها وجود. ممكن نعمل مقارنة بسيطه. اسال اى بوردابى من امريكا (مهتم باطفاله ...بنات او اولاد) ح تلاقيهم بيالعبوا كرة قدم فى مسابقات منظمة و خلينا نسال عدد من بوراد الدوحة..منو فى اطفالكم بيلعب كورة قدم فى مساباقات منظمة؟؟. منو فى العالم كلو بيرجع من الشغل الساعة 6 مساء عشان يمرق مع اطفاله لتدريب الكورة فى اجواء (مرات صعبه جدا)؟؟؟ امريكا المره دى دخلت بشعار ان الكورة فينا متاصلة. The Game Is In US http://www.gousabid.com/pages/the-game-is-in-us/ كلام ان شعبية الكورة فى مكانهافى امريكا ما صحيح كلو كلو. و ممكن اتوسع فيه اذا حبيت بارقام و احصائيات.
Quote: - تداعيات السياسة الامريكية التى شنت حروب جائرة فى العراق وافغانستان ومازال دم الضحايا يراق
كانت برضوا فاكرة ان امريكا عندها قواعد عسكرية فى قطر!!!. و على كل حال لو كان ده السبب كان مفروض الفيفا تكلمنا.. بدل تخلينا نتهمهم بالفساد كده ساى شكرا بشمهندس على التعليق المفصل.
12-04-2010, 07:04 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: أعتقد العامل في فوز قطر هو فكرة انه المنافسه حتعقد للمره الأولي في الشرق الأوسط, وتوزيع الفرص وكده,
صحبتى العزيزه شديد مونى...مشتاقييين. كلامك صحيح 100 %...احتمال كبير جدا ده يكون السبب.
Quote: نحن ما عندنا مانع كاس العالم يقام في أمريكا لو بتدو ناس الجوازات العاديه الزينا فيزا يجو يحضرو
عارفه يا امانى لو ما جيتى امريكا للقراية...اسهل طريقة كان ممكن اى زول يجى بيها امريكا كانت ح تكون كاس العالم. بتذكر فى سنة 1994 كان السفارة فاتحة للجميع...ما فى زول حمومه يمشى نهائى. تو على الاقل انا ما سمعت بزول ما مشى عشان التاشيرة _________________________ اكضب عاد؟ ما ترانا قاعدين فى البلد اللى طيرها عجم دى
12-04-2010, 07:08 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
محمد الامين احمد سلامات.. I am glad that I made your day
Quote: انا برضو قلت وين ناس الكورة بتوع امريكا ، ناسكم ناس اتحاد ساسل و اتحاد شنو و شنو ما فتحو بوست واحد مناصرة لكاس العالم فى امريكا ، فى حين انو ناس الدوحة ما ادونا الدرب
مش كده بالله؟؟؟ بعدين احنا ناس تلاوة يوم الاحد ...موش لعب كورة
Quote: يا سمارت ده امير قطر بذات نفسو هو حرمه المصون مشو هناك القرعة، فى حين انو امريكا مرسله لينا الرجل الخائن بتاع مونيكا الحلف كذابا على الانجيل قدام الشعب كلو ! ( شفتى الرش ده كيف ) و كلينتون بعد ده ، بدل ما يتكلم عن حاجة مهمة قعد يتكلم عن المنظمة حقتو !! و حتى الممثل الامريكى فريمان ، ورقو كان ملخبط
بالله هو حلف على الانجيل؟؟ بعدين منظمتو دى بالجد حاجه مهمة. العملتو فى اندونسيا لضحايا التسونانى براه كفاية بعدين مورقان فريمان و ورقه دخلهم شنو فى الموضوع؟ الامركان قالوا ليكم ح نصرف زيرو على الموضوع ده. يعنى لو بكره دى عاوزين تعملوه اهلا و سهلا كلوا جاااهز
Quote: لكن شنو حكاية Quatar دى
تويتر و ويكيبيديا كلها حقتهم...يسموها ذى ما عاوزيين. مش زعلانيين!!!!
12-04-2010, 07:10 PM
نجوان
نجوان
تاريخ التسجيل: 04-01-2006
مجموع المشاركات: 2641
أرى أن المسالة لا تحسم بمواصفات البنية التحتية في الوقت الراهن.. ولكن ايضا بالـ potential وإلا لاصبح كل شيء أوتوماتكلي من نصيب القطط السمان .. ودول كتيرة لن تملك سوى ان تحلم.. للأبد.
قطر إختيار موفق ومتوازن جدا، جمع بين الإمكانيات وإستكشاف أرضية جديدة للحدث.. توزيع الفرص هو ديدن هذه الألفية..
عمر الفارقو شخصيا!!!!! سلامات يا اخى خلينى اشمر عن سواعدى بعين اجيك....
Quote: يا اسمارت صدقيني احسن حاجة تدي التنظيم لي دولة لسة ما جاهزة عشان ده بيزهر البلد وبيعمل فيها بنى تحتية حلوة ..
الكلام ده لبد اصلا فيها عمار فى الكورة...موش ناس (ذينا كده) لسان بس فى الكورة
Quote: امريكا اعتمدت على ملاعب البيسبول يعني الكم 60 الف متفرج وكم وجغلومية الف متفرج البيشيلهم الاستاد ما اتعمل عشان جمهور الكورة وإلا كانت ح تكون ال 40 الف متفرج زااتا كتيرة في تشييدهم للملاعب..
فى زمتك يا عمر انت عارف ملعب البسبول شكلو كيف؟؟؟ ملعب البسبول يا اخونا ما مستطيل و لا حتى مربع دى على العموم ملاعب كرة قدم الواحده دى او ملاعب كرة قدم امريكية. لكن الفكرة انو الناس بتتابع كل الحجات دى عارف ليه؟ لان فى امريكا (و الدول المتقدمة على راى الاستاذ ممحد السنى) كل رياضة بيحاولوا يعملوا ليها موسم براه عشان الملاعب تشيل و الناس تقدر تتابع.
Quote: بعدين تعااالي هنا امريكا ولا اليابان لو بتتكلمي على الامكانيات ؟؟
طبعا امريكا. دى صورة فيها ملخص عن الملف بتاع الدول المشاركة كلها
يا اخى اليابانيين مدير الملف بتاعهم امريكى. لكن كمان قطر ام اليابان دى برضو ما فيها كلام. طبعا اليابان!
Quote: اسوأ تصوير ونقل لكأس العالم كان التصوير اللي تم في امريكا وفي اليابان .. اسوأ إخراج تلفزيوني مسخ علي مشاهدة كاس العالم كان بتاع امريكا وبتاع اليابان ويا الناس المتابعين كاسات العالم صلحوني لو انا غلط .. امريكا الحاجة الوحيدة الخلعت بيها الناس يوم اتكسرت العراضة في مباراة للمكسيك تقريباً وتم إستبدال العراضة في نفس اللحظة بي عراضة بديلة (دي ماسبقهم عليها زول غايتو )
انتو و الله ذى ما بقول المثل المصر: ذى القطط تاكل و تنكر. تحضروا فى الافلام الامريكة و تحلفوا باسم مخرجينهم و هسى تقلوا لى ما فى اخراج. يا اخى كاس العالم الفات فى ناس فى امريكا حضروه 3D ...و ما فى السنمات. فى بيوتهم. تشيلوا فى كومبيوتراتهم و تسمعوا فى غناهم...و كلكم شاكين الجنز و تاكلوا فى البيرقر و تجوا تقولوا امريكا دى يا اخى ما فيها اخراج.* و هسى قطر ح تعمل شنو يعنى؟ ما ح يجيبوا ليهم مصمم يابانى او صينى او امريكى للافتتاح و الختام. ده اذا ما كان المخرج امريكى!!! غايتو انا مبسوطة للست نانسى. ح تجيها فرضة تغنى فى كاس العالم. (انا بجد بحب غناء الست نانسى عجرم)
Quote: الفيفا منظمة قوية اي نعم بس منظمة فيها فساد طن ..
انا من الصباح بقول فى شنو؟؟؟؟
Quote: قطر تستاهل وقطر بالجد فيها شباب حلو اللي كان ماسك الملف.. شباب واعي مثقف مرتب مدرك لي كل شي بيسوي فيهو .. شباب مخطط ..شباب اشتغل ..شباب مرتب.. بالجد اولاد حمد ديل عجبوني في كنكوجي وأسة انا حااالف إلا أعرس ليهم واحدة من بناتي
ملفهم كان اسوا ملف. لكن اذا كان قصدك عندهم قروش...طبعا عندهم قروش. و تكون انت و بتك داخلين على طمع!!
Quote: بعدين تعااالي هنا ما تخمينا ساي وقوقل حقك ده فتشي بيهو وقارني أيهما حقق ربح أعلى تنظيم امريكا ولا تنظيم جنوب افريقيا؟؟
انا متاكده...فتش انت
Quote: إسمارت يا إنتي فجأة كده بقيتي زولة عادية زييك زي الناس تقبلي الهدايا وتمشي في الاسواق
يا اخى انا تنازلت قبل كده و اتشاكلت معاك. بس نسيت المووضع كان شنو!!! _________________________________________ *احتمال فعلا يكون الزمن داك الاخراج موش و لا بد. لانهم (كانوا ) متعودين على اخراج كورتهم. الان بيلعبوا قرة قدم كتير جدا و اكيد اتعلموا. انا حقوا اطلع اليوم بكاميرا (ذى علا الدين) و اصور ليكم ملاعب الكورة فى حلتنا. و كمية الاطفال البيلعبوا كورة فيها.
12-04-2010, 08:12 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: لكن انا مع سمارت والحق حق.. انا ما بشكك في انه القطريين قادرين يحققوا الوعود القالوا حيعملوها ولا عندي شك انهم حينجحوا في ادارة وتنفيذ واخراج كأس عالم خرافي ومفخرة.. ولكن في فساد حاصل وفي دفع حاصل وفي لوبيات اشتغلت... وفي شغل تقيل بتاع PR وبتاع حاجات تانية
ينصر دينك يا مريوة.... ده اللى انا عاوزه اقولوا من الصباح. بس انتى قدرتى تقوليه فى سطرين الجماعة ديل عندهم قروش. و ذى ما احنا عارفين اى شي بيتعمل بالقروش. لكن الان...ما فى سبب يخلى الفيفا بعد ما قالت الملف ضعيف و رسكى تجى تفوزهم كده سااااى
Quote: زيدان حصل على 3 مليون دولار تحت الحساب... ولو فازت قطر بالاستضافة، بياخد 15 مليون دولار.... ضيّعنا روحنا في القراية ساكت!
طبعا...
12-04-2010, 08:18 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: والله أنا فرحت للقطريين في (هكذا) إنجاز تاريخي، خاصةً وأنو على راسهم الشيخة موزة، لعل العرب يدو مساحات حقيقية لقيادة الإستروجين مقابل التستوستيرون، حتى ولو في الإطار الأسري البتماشى مع تقاليد الشرق.
موزه لكن فعلا شخصية قوية و مااااسكه البلد جامد
سلامات هشام كمال عبادي انا ما عندى اعتراض على انهم ممكن يعملوا حاجه كويسه. لكن... الان ما فى شي بيخليهم يتفوقوا على الملف الامريكى او الاسترالى او اليابانى
اما موضوع روسيا و انجلترا ده فداير بوست براه
12-04-2010, 08:27 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: أرى أن المسالة لا تحسم بمواصفات البنية التحتية في الوقت الراهن.. ولكن ايضا بالـ potential وإلا لاصبح كل شيء أوتوماتكلي من نصيب القطط السمان ..
احنا ما اتكلمنا عن البنية التحتية بس. ابدا اتكلمنا عن الطقس ( فى الشارع..حتى لو كيفوا الملاعب). عن السكان. عن الاهتمام بكرة القدم. انا بس انو الموضوع ما كان فير للشعب الامريكى.. و اتمنى برضوا انو يكون منديال ناحج اذا الله حيانا. و اكيد..مبروك لقطر
12-04-2010, 08:31 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
بيكنباور: مسابقات الدوري الكبيرة يجب أن تتغير عام 2022 (الأوروبية-أرشيف) اقترح الألماني فرانز بيكنباور عضو اللجنة التنفيذية بالاتحاد الدولي لكرة القدم (فيفا) أن تستضيف قطر نهائيات كأس العالم 2022 في يناير/ كانون الثاني أو فبراير/ شباط لتجنب درجات الحرارة العالية بأشهر الصيف.
وأكد بيكنباور الفائز مع ألمانيا الغربية بكأس العالم 1974 وهو يحمل شارة القيادة، كما قاد الفريق لإحراز اللقب وهو مدرب عام 1990، أن استضافة البطولة خلال الشتاء ربما يكون حلا بديلا.
وقال لصحيفة بيلد الألمانية الذي يكتب فيها عمودا أيضا إن مسابقات الدوري الكبيرة يجب أن تتغير عام 2022 وهذه ليست مشكلة كبيرة، سيكون ذلك بديلا لاستخدام تكنولوجيا تبريد الهواء الباهظة الثمن بالملاعب ومناطق الجماهير. وسيترك بيكنباور منصبه باللجنة التنفيذية للفيفا في مارس/ آذار المقبل.
وعادة ما تقام كأس العالم خلال أشهر الصيف في نصف الكرة الشمالي وبعد نهاية مسابقات الدوري المحلية.
وقالت قطر التي تفوقت بالتصويت على أستراليا واليابان وكوريا الجنوبية والولايات المتحدة إنها ستعتمد على تكنولوجيا تبريد الهواء لتكون درجة حرارة الملاعب 27 درجة بدلا من درجات الحرارة العالية التي تقترب من خمسين درجة خارج الملعب في الصيف.
واختار الفيفا أمس الخميس قطر لاستضافة مونديال 2022 لتصبح أول مرة تقام فيها البطولة بالشرق الأوسط أو الدول العربية.
ومنح الفيفا استضافة كأس العالم 2018 لروسيا في اليوم ذاته. وسبق لبيكنباور معارضة نظام التصويت على الملفين في اليوم ذاته، وهو ما حدث أيضا من جانب كثيرين. المصدر: وكالات
12-04-2010, 09:17 PM
عماد الشبلي
عماد الشبلي
تاريخ التسجيل: 06-08-2008
مجموع المشاركات: 8645
Quote: و خلينا نسال عدد من بوراد الدوحة..منو فى اطفالكم بيلعب كورة قدم فى مساباقات منظمة؟؟.
سمارت لك التقدير ولك الحق في الاحتجاج والتشكيك شخصيا اعيش في دولة قطر منذ ثلاثين سنة حين وفد اليها ابى وامى وقبلهم عمى هل تعلمى ان معظم الاندية القطرية فيها لاعب او اكثر من لاعب سودانى ممن عاشو وتربوهنا وفي المنتخب الوطنى كذلك وفي شتى الالعاب سلة كرة طائرة كرة يد والعاب القوى وولخ اخونا هارون دياب عنده طفل عمره اقل من سبعة سنوات اكتشفته اكاديمية (سباير) الرياضة ومسجل في احد الاندية الرياضية واكاديمية اسباير الرياضة التى مضى على انطلاقتها مايقارب العشرة سنوات اذكر في حفل افتتاحها كان حاضر بليه ومردونا والعديد من النجوم وبليه ومردونا وضعو ايديهم على رؤسهم منبهرين بهذه الاكاديمية وقاعاتها والتى تاخذ الطفل منذ النشء تدرسه أكادميا وتدربه رياضيا لتكتشف قدراته وترعاه وتوجهه حسب موهبته في اكاديمية اسباير اقيم قبل حوالى عام بطولة العالم لالعاب القوى داخل الصالات والتى فاز فيها بطلنا العالمى ابوبكر كاكى بالميدالية الذهبية في الجرى لمسافة 800 متر وكانت للمرة الرابعة ان تقام تلك البطولة خارج اوربا ناهيك عن دول العالم الاخرى وكانت المرة الاولى تقام في بلد شرق اوسطى عربى ومسلم ومعسكر بطلنا ابوبكر كاكى كان في الدوحة وفي تلك الاكاديمية قطر استضافت ودورة الالعاب الاسيوية الدوحة 2006 وهو اضخم حدث رياضى اولمبى بعد الاولمبيات العالمية بحكم عدد سكان القارة ودولها والدورة كان فيها اكثر من 45 لعبة ونظمت في الدوحة بنجاح باهر بل ان مخرج حفل افتتاح اولمبيات سدنى الاسترالية كان مخرج حفل افتتاح دورة الالعاب الاسيوية في الدوحة وقد ابهر العالم بالتراث القطرى الخليجى العربى والغصوص والبحر والمعاناة ... وقطر برضو كان قد تقدمت بملف لاستضافت الالولبيات العالمية وابعد الملف من المنافسة في الجولة الاولى رغم الاشادة به لكن قطر لم تياس وستفادت من فشل ملفها الاولمبى او الاخطاء التى صاحبته والتكتيكات وعادت الكره من جديد بس من خلال حدث عالمى رياضى اخر اي كاس العالم ولم تنافس على 2018 مع انها قادرة لكن على 2022 عشان تقول للعالم نحن نخطط وندرس ونتعلم ولا نياس
12-04-2010, 09:02 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22961
Quote: و خلينا نسال عدد من بوراد الدوحة..منو فى اطفالكم بيلعب كورة قدم فى مساباقات منظمة؟؟.
سمارت لك التقدير ولك الحق في الاحتجاج والتشكيك شخصيا اعيش في دولة قطر منذ ثلاثين سنة حين وفد اليها ابى وامى وقبلهم عمى هل تعلمى ان معظم الاندية القطرية فيها لاعب او اكثر من لاعب سودانى ممن عاشو وتربوهنا وفي المنتخب الوطنى كذلك وفي شتى الالعاب سلة كرة طائرة كرة يد والعاب القوى وولخ اخونا هارون دياب عنده طفل عمره اقل من سبعة سنوات اكتشفته اكاديمية (سباير) الرياضة ومسجل في احد الاندية الرياضية واكاديمية اسباير الرياضة التى مضى على انطلاقتها مايقارب العشرة سنوات اذكر في حفل افتتاحها كان حاضر بليه ومردونا والعديد من النجوم وبليه ومردونا وضعو ايديهم على رؤسهم منبهرين بهذه الاكاديمية وقاعاتها والتى تاخذ الطفل منذ النشء تدرسه أكادميا وتدربه رياضيا لتكتشف قدراته وترعاه وتوجهه حسب موهبته في اكاديمية اسباير اقيم قبل حوالى عام بطولة العالم لالعاب القوى داخل الصالات والتى فاز فيها بطلنا العالمى ابوبكر كاكى بالميدالية الذهبية في الجرى لمسافة 800 متر وكانت للمرة الرابعة ان تقام تلك البطولة خارج اوربا ناهيك عن دول العالم الاخرى وكانت المرة الاولى تقام في بلد شرق اوسطى عربى ومسلم ومعسكر بطلنا ابوبكر كاكى كان في الدوحة وفي تلك الاكاديمية قطر استضافت ودورة الالعاب الاسيوية الدوحة 2006 وهو اضخم حدث رياضى اولمبى بعد الاولمبيات العالمية بحكم عدد سكان القارة ودولها والدورة كان فيها اكثر من 45 لعبة ونظمت في الدوحة بنجاح باهر بل ان مخرج حفل افتتاح اولمبيات سدنى الاسترالية كان مخرج حفل افتتاح دورة الالعاب الاسيوية في الدوحة وقد ابهر العالم بالتراث القطرى الخليجى العربى والغصوص والبحر والمعاناة ... وقطر برضو كان قد تقدمت بملف لاستضافت الالولبيات العالمية وابعد الملف من المنافسة في الجولة الاولى رغم الاشادة به لكن قطر لم تياس وستفادت من فشل ملفها الاولمبى او الاخطاء التى صاحبته والتكتيكات وعادت الكره من جديد بس من خلال حدث عالمى رياضى اخر اي كاس العالم ولم تنافس على 2018 مع انها قادرة لكن على 2022 عشان تقول للعالم نحن نخطط وندرس ونتعلم ولا نياس
12-04-2010, 09:35 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: الأول أوباما والثانى بيكنباور و رقم smart_ana2001 - 3ولسسسسسسع
و الله ده شرف عظيم جدا جدا لى يكون اسمى بعد اوباما و بيكنباور فى جملة واحده.. لكن فكرة بيكنباور فعلا عبقرية.... العبوا كاس العالم فى الشتاء. شنو يعنى؟؟؟الناس فاضية فى الصيف؟ ابدا ..اصلا قطر ح تستضيف مليونين بس. الباقين ح يتفرجوا من التلفزيون.
12-04-2010, 09:56 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
omer osman الامركان من ناحية بتاعين شو....فعلا بتاعين شو... اهو العالم كلو بيتفرج فى الشوس اللى قاعدين يعملوها.
عماد شلبى ..شكرا على الصورة
الاستاذ بدر الدين الامير....شكرا على المعلومات المفيده جدا و ماشاء الله على ابن اخونا هارون دياب...ربنا يحفظه و يوفقه. ان شاء الله يرفع راس السودان فى العالم كلو. و اتمنى فعلا ان قطر ترفع راسنا فى الكورة.
Quote: اذكر في حفل افتتاحها كان حاضر بليه ومردونا والعديد من النجوم وبليه ومردونا وضعو ايديهم على رؤسهم منبهرين بهذه الاكاديمية وقاعاتها والتى تاخذ الطفل منذ النشء تدرسه أكادميا وتدربه رياضيا لتكتشف قدراته وترعاه وتوجهه حسب موهبته
ملاحظة صغيرة جدا. المدارس اللى من النوع ده ما بتطور الكروة او اى رياضة فى اى بلد لو ما الناس فى الشراع مهتمة بالكورة. الكلام ده قالوا كلنسمان الالمانى فى تعليق على الكورة فى امريكا. قال ليهم لو عاوزين تبقوا ذى المانيا مفروض تعلبوا كرة قدم ذى ما بتلعبوا سلة. الاطفال فى الشارع فى الحلة بيكونوا بيلعبوا من غير ادوات من غير حكم ...بس بيلعبوا ../ن اجل اللعب...بعد كده بيجى دور المدارس دى. الحاجه اللى انا شايفاها ان قطر (الشعب) مامهتم جدا بالكورة. و الدليل مقارنة بسيطه بين قطر و السعودية.
12-04-2010, 10:28 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: امريكا اساتضافت كاس العالم من قبل (سنة 1994) و حققت ارقام قياسية.
إنت ما سمعتي عن درجة الحرارة في الشوارع أيام كأس العالم في أمريكا؟ ..... كانت 50 مئوية. الكلام ده في مكان إقامة المباريات، يعني مش المباريات في (المدن الجوها رهيب) ودرجة الحرارة دي قاعدة براها. بس ما متذكر في زول إحتجّ على المسألة دي.
أما حكاية (ح. نبني) دي ..... راجعي كل المونديالات .... تلقي البلد البتقام فيهو المنافسة بيبنو ملاعبو من (سكراتش) وبرضو شوارعو وفنادقو .... إلخ. يعني تفتكري جنوب أفريقيا كانت - قبل المونديال - عندها ملاعب بالمستوى ده؟ نفس الشئ كوريا، وكل البلاد الأقيمت فيها المنافسة.
_____ حمّور (المستلب المصري) ...... إزيّك ياخ.
12-05-2010, 00:23 AM
ودالعباسية
ودالعباسية
تاريخ التسجيل: 10-28-2002
مجموع المشاركات: 2442
*عندما اتى بلاتر لرئاسة الفيفا تعهد بالعمل على انتشار كرة القدم فى كل انحاء العالم * وذلك يعنى الخروج بها من مركزية اوروبا وامريكا * شهدنا كاس العالم فى اسيا ( كوريا واليابان ) * وشهدناها فى جنوب افريقيا * وسنشاهدها فى روسيا لاول مره * وفى الشرق الاوسط لاول مره
*مسألة الطقس يا عزيزتى مسأله محيره جدا .. فكرة القدم ليست طعاما معلب ليحفظ فى درجات حراره محدده والرياضه عموما تقوم على قدرة الانسان على التحدى .. * فان كانت الفيفا تريد نشر قدم القدم فى العالم فعليها تشجيع ممارستها تحت مختلف انواع المناخ
* المسأله اختلفت شويه من مجرد ما قد تقدمه دوله لمسابقة كاس العالم .. رسالة كرة القدم تتجاوز ذلك الى ما يمكن ان تقدمه كرة القدم للدول والشعوب * حوجة العالم لتقديم دوله نموذج لشعوب الشرق الاوسط .. دوله يمكن ان تكون دوله ناجحه .. النجاح الذى يرتقى بالانسان المأزوم بالفشل التاريخى والمبتلى بالجغرافيا والصراعات والفساد والفقر الخ .. * وقطر هى اكثر الدول تاهيلا لتكون ذلك النموذج * ما تفعله الحكومه القطريه للشعب القطري يفوق الوصف .. التعليم والصحه والاسره والرياضه والامن والمنشآت .. مما جعل الشعب القطرى من اكثر الشعوب المرفهه فى العالم .. * هذه هى الرساله الحقيقيه لكرة القدم .. واعنى الانسان واينما وجد ..
تحياتى .. وابرز ملامح فوز قطر لم يكن أبدا الفساد, اضافه لاعلاه لعب الفرنسيون دورا هاما فى تشكيل التكتل العالمى ضد امريكا وبريطانيا ( ولا نامت أعين الامبرياليه ) )
Quote: إنت ما سمعتي عن درجة الحرارة في الشوارع أيام كأس العالم في أمريكا؟ ..... كانت 50 مئوية
طبعا ما سمعت بيه الكلام ده. عارف ليه؟ لانه ما صحيح. انا ح اختار عدد من المدن اللى اتعمل فيها كاس العالم فى امريكا و ح اجيب ليه معدلات الحرارة. نبدا ب: 1- لوس انجلوس. معلب Rose Bowl ..اتلعب فيه النهائي.المدينة دى درجة الحرارة المتوسطة فيها (Average high ) فى شهر بونيو و يوليو هى26 و 28 على التوالى. بالمناسبة دى من المدن الامريكية الساخنة فى الصيف. ما ساخن مدينة... فى اسخن منها. http://en.wikipedia.org/wiki/Los_Angeles#Climate
2- ديترويت . ملعب Pontiac Silverdome . متوسط درجة الحرارة فى شهر يونيو 23 درجة. اعلى درجة حرحرة سجلت فى تاريح المدينة 40.6 و سجلت فى July 24, 1934 http://en.wikipedia.org/wiki/Detroit#Climate
Quote: فيها شنو لو فازت قطر ؟ حتى لو رشو ودفعو قروش وعملو ال7 وذمتها من حقهم
هسى انا من بداية البوست ده قلت ان الرشوة غلط. ما قلت. كل اللى قلتوا انى ما لقيت سبب لفوز قطر غير الرشوة. لكن ما قلنا فيها حاجه. عاوزه بس احاول اثبتها. حتى "مبروك" قلنها لقطر. تانى ...مبروك قطر!
12-06-2010, 06:06 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
عماد الشبلي انا حقيقى اسفة جدا جدا على الخطا فى اسمك. ارجو ان تقبل اسفى و اعتذارى.... و الله ما عدم احترام ليك ...بس بالجد كنت ملخومة ... لك العتبى حتى ترضى....
و شكرا جزيلا على الصور...
12-06-2010, 06:26 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
محمد حيدر المشرف تحية طيبة و احترام... شكرا على التعليق...
Quote: عندما اتى بلاتر لرئاسة الفيفا تعهد بالعمل على انتشار كرة القدم فى كل انحاء العالم
و دى حاجه كويسه. و انا ما عندى اعتراض عليها.لكن...الفيفا عندى قواعد و معايير محددة للتقديم. و الناس دى لما قررت تقدم ...قدمت على هذا الاساس. الفيفا مفروض توضح المعايير دى بالمناسبة برطانيا قالت انها ما تقدم تانى لكاس العالم ابدا. لانه القوانيين ما واضحة . بين قوسين (الفساد فى الفيفا)
Quote: مسألة الطقس يا عزيزتى مسأله محيره جدا .. فكرة القدم ليست طعاما معلب ليحفظ فى درجات حراره محدده والرياضه عموما تقوم على قدرة الانسان على التحدى ..
موضوع الجو ده موضوع تعود. مثلا ..الناس الكبار فى المدينة اللى انا فيها مرات (حصلت السنة الفاتت) بيموتو فى الصيف من السخانه. ما لان الجو بيكون اسخن من السودان....ابدا. الجو بيكون ابرد بحوالى 10 دراجات من الصيف فى السودان. ما حصل سمعت بزول مات فى السودان من الحر فى بيتهم. اغلب الاوربيين ح يكون جو قطر بالنسبة ليهم ساخن جدا ...لدرجة ممكن تكون ما صحية....يعنى باكنباور لما قال العبوا فى الشتاء ما كان دلع ساى. شكرا ..
12-06-2010, 06:28 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: اذا كان القصة فيها لعب فامريكا دايما متورطة في الفسا تذكرو فضيحة سولت ليك الشهيرة وان كان القصة فيها دفع امريكا اغني من قطر لماذا لم تدفع
هسى يا اخى صفحة كاملة و ما اقتنعت ؟؟ حتى بعد ما وضح ان الفيفا (قبل التصويت ) كانت شايفة الملف القطرى تعبان؟؟؟ و احكى لينا عن فضيحة سولت ليك ستى دى. بعدين يا اخى يمكن اتعلموا من الفضيحة ديك و قرروا يبطلوا رشاوى و كده !!!
12-06-2010, 06:41 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: الفيفا قيادة كرة القدم في العالم منظمة يعشعش فيها الفساد (كما كشفته بالدليل صحيفة الصنداي تايمز والبي بي سي عبر برنامج بانوراما) وتتحكم فيها الاهواء (كراهية ميشيل بلاتينى المعلنة لكل ما هو انجليزى, ومخاطبة بلاتر للجنة قبل التصويت بقليل مطالبا اياهم بتذكر ما فعل الاعلام الانجليزى). لا زالت فضائح الفساد والرشاوى تتوالى حيث كشفت الصنداي تايمز اليوم عن شراء صوتين من ال22 بمبلغ مليون ونصف المليون دولار (لم توضح الصحيفة حتي الان من البائع ومن المشترى). الفيفا تدمر كرة القدم وروحها بهذه الطريقة. لنكن واقعيين اختيار قطر وروسيا على حساب انجلترا واسبانيا وامريكا واستراليا يكشف ان وراء الاكمة ما وراءها.
كلامك صحيح 100% . رئيس الوزراء البرطانى حنس البى بى سى انها ما تنشر الموضوع قبل الترشيح. لكن البى بى سى اصرت. و كانت النتيجة ان الفيفا عاقبت بريطانيا على فضحها. و اظن ان برطانيا على حق فى قرارها بعدم التقديم لاستضافة كاس العالم مرة اخرى. الموضوع ما بيستاهل طالما انه بيتحسم بحجات تانية غير المعيير الواضعاها الفيفا
12-06-2010, 06:55 AM
Omar Bob
Omar Bob
تاريخ التسجيل: 02-02-2005
مجموع المشاركات: 2543
سلام يا اسمارت: اذا كنت تعنين بالفساد انو قطر رشت افراد من اللجنه التنفيذيه فدا ما حصل لسبب بسيط انو فطر عارفه انو هي دوله صغيره والناس كلها حتفتكر انها ممكن ترشي الافراد وممكن يكتشفوها بسهوله. من ناحية تانيه هل قطر دفعت للفيفا كمنظة؟ نعم. قطر قالت للفيفا انو ال 12 استاد الحيتعملو لكاس العالم حيكونو استادات تركيب وبعد نهايه المنافسه قطر حتهدي الاستادات للفيفا لتركيبها في الدول الناميه (تكلفه الاستادات حوالي 12 مليار دولار). امريكا عرضها انها حتكون شريك مع الفيفا في محاربه الايدز في العالم ( يعني حتدفع حوالي 2 مليار دولار) طبعاببساطه الفيفا اختارت ال 12 مليار _________________________________ عمر بوب مواطن امريكي * حضر كاس العالم في امريكا سنه 94 وكان شاهد عيان لامن اوبرا وينفري وقعت في الحفره في المباره الافتتاحيه في ملعب سولجر فيليد في شيكاغو * مبسوط للاخر انو قطر فازت ب 2022 ويتمني انو يحضرو في قطر
12-06-2010, 07:28 AM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا اسمارات انا وحبابك.. وشفت بوستك ده ومنذ بداياته ولكن شغلتنا الشواغل عنه.. وشايفك ماشاء الله متجدعة وخاتة ملف قطر في ركن قصي وواقعة فيهو ام دلدوم 1- لو قلنا الحكاية فساد ورشوة للفيفا فلنا يا اسمارات ان نعلم بان تقرير منظمة الشفافية العالمية وضعت قطر في المرتبة الاعلي علي مستوي كل المنطقة و العالم من ناحية الشفافية ولكي ان تحسبي هذا النقطة في اطار فهم الدولة القطرية لتحقيق مرادها 2-الفيفا عملت تحقيق في امر الفساد المصاحب لهذه المنافسة والتقرير الطلع براء قطر من هذا الامر... الفيفا نعم منظمة ومثلها ومثل كل المنظمات العالمية فيها بعض الوعي الكركبي الفسادي ولكن الشاهد بان سيطرة الشفافية علي اعمالهم وقاعدين يبتروا الفاسدين وبتحقيق صبور ومتخصص.. 3- عشان اي زول يقدر يقتنع انو قطر الدولة الكلها قدر (الكلاكلة وابو ادم والعزوزاب) ممكن تفوز بملف زي ده اعتقد بان هذا الشخص عليه ان ياتي الي قطر او يكون متابع امر وامور هذه الدولة الممشية امورها بصمت وصبر ومنهجية علي مستوي البنيات والتعليم والصحة (موسسة حمد الطبية في طريقها لانتزاع مكانات عالمية في الشان الصحي) وعليه ايضا ان يشاهد بام عينه العشرات من امهات الجامعات الامريكية تم نقلها بكل اس########ا العامل الي ضاحية الريان القديم...(في بقعة صغيرة وغنية وحاصل فيها بالجد عمل مختلف ووعي مختلف وفهم مختلف وطموح اعتقد جازما بانه بلا حدود 4- شي رابع مربوط ايضا بفلسفة الفيفا و فهمها في تطوير كرة القدم ونقلها الي بقاع مختلفة من هذا العالم حتي يتم انتشار الاهتمام بهذه اللعبة وقطر بجاهزيتها حققت هذه المعادلة (واعتقد بانه من العدل طالما الفيفا منظمة كل الكرة في العالم فلتكن المنافسات مثل هذه متوزعة علي كل العالم طالما هنالك دولة علي استعداد وجاهزية وارادة لتحقيق هذا الغرض) 5- نعم قطر اليوم ممكن يكون فيها استادات زي عشرة كده ولكن في الملف والبيدنغ الزي ده الدول بتقدم تعهدات علي اعلي مستوي بانجاز الاشياء التي قدمتها وهذا ما فعلته قطر علي مستوي قيادتها وهي قادرة علي تنفيذ ليس 12 استاد جديدة بل (لو قالو ليك القطريين عملو مية استاد فلكي ان تصدقي) والفوز بالتنظيم لا يعني ان اكون عندي مشنات بل في التعهد والجاهزية لتنفيذ هذه الاستادات لانو ما ممكن ابني لي 100 استاد واخليهم قاعدة في السهلة واخسر الملف 6-انا زااتي لو كنت في اي بقعة تاني وليس قطر وقالو لي قطر طقطقت امريكا في حكاية المونديال دي ممكن ما اصدق ولكن الحقيقة علي الارض القطرية تقول عكس ذلك فالاستعداد لهذا الملف والمونديال لم يكن وليد سنة او سنتين بل هي خطة لها عشرة سنوات وفي الدوحة اكاديمية (اسباير الرياضة) دي ممكن تكون انصع فكرة رياضية اتعملت في كل دول العالم بما فيها العالم الامريكاني وجلب اليها خبراء الرياضة والمختصين وحتي النجوم العالميين مثل (بلية وماردونا وباكنباور ) هم زوار اساسين ولو قالوا ليك يا سمارات بعد خمسة او عشرة سنوات قطر اصدرت العالم في العاب القوي والجمباز والسباحة وكل الرياضة فلا تندهشو لان هنالك صغار واطفال مدارس دنيا يتم الاهتمام بهم في اكاديمية مشيدة علي احدث طراز من ناحية منهج واهتمام وعلمية جادة وصبورة...
7- قد تتفوق امريكا اوحتي اليابان وكوريا واستراليا علي قطر في جزئية من جزئيات الملف (تقني) او اي جزئية اخري ولكن المتامل لحال واحوال قطر ونهضتها وطموحها الرهيب سيتكشف بان قطر غير (وشي مختلف) وفوزها مستحق وبالضربة القاضية الضربة القاضية الطموحة الحالمة والواقعية السحرية الماشة للمجد بخطي بالجد حثيثة ومستقطبة لكل الكفااات من كل ارجاء هذا العالم...
12-06-2010, 11:40 AM
Sharif Nasirladeen
Sharif Nasirladeen
تاريخ التسجيل: 09-22-2009
مجموع المشاركات: 373
بس حبيت أوضح ليكي أن مسألة تنظيم قطر للمونديال كانت نتيجة جهد جبار من أعضاء
لجنة الملف و لقو كل الدعم من الحكومة
أنا معاكي أنه أمريكا مافي دولة زيها في التكنلوجيا و التطور و أن البنية التحتية
فيها مكتملة تماما. ده لو هي فقط معايير الفيفا معناته كل 4 سنوات كأس العالم تكون في أمريكا
أمريكا نظمت كأس العالم 94 . كوريا و اليابان 2002
قطر قدمت ضمانات للفيفا أن البنية التحتية و الأستادات و كل المباني الأخرى حتكون جاهزة قبل 2002
و أنل بصفتي مهندس في شوؤن البنية التحتية هنا في قطر أأكد ليكي أن الدولة رصدت ميزانيات بيه مليارات الدولارات لتطوير البنية التحتية في البلد.
و بعدين ده واحدة من أهداف الفيفا تطوير البلد اللي حيستضيف المونديال. وعندك مثال جنوب أفريقيا.
و من القال ليكي أن درجة الحرارة في المدن اللي أستضافت كأس العالم 94 في أمريكا كانت 27 درجة؟
أنا عشت في لوس أنجلوس 15 سنة و حضرت النهائي اللي كان في الروز بول باسادينا (لوس أنجلوس)
و سافرت لبالو ألتو (ستاد ستانفورد-سان فرنسيسكو) لحضور مباراة البرازيل و الكاميرون. بس حبيت أوريكي أن درجة الحرارة ما كانت أقل من 45 درجة مئوية و في بعض الأحيا تصل 50 درجة طبعا صيف 94 كان مبالغة جات سخانة ما حصلت قبل كدة.
مع ده كله الناس ديل حيعملو أستادات مكيفة و مناطق المشجعين حيستخدمو فيها تقنية التبريد بلطاقة الشمسية بلأضافة لبنية تحتية قوية من شبكة طرق حديثة و قطارات و underground تاخدك من المدينة لأي أستاد في أقل من 45 دقيقة.
و انا كمواطن أمريكي كنت حتمنى فوز أمريكا بلأستضافة في حالت عدم ترشح قطر لكن أمريكا نظمت المونديال في 94. و أن الأوان أن قطر و المنطقة كلها تفوز بشرف التنظيم.
أتمنى أن أكون وفقت مع بقية الأخوان في توضيح مسألة فساد الفيفا.
مع خالص التحيات .
12-06-2010, 01:58 PM
احمد التجانى احمد
احمد التجانى احمد
تاريخ التسجيل: 11-11-2006
مجموع المشاركات: 3155
ببساطة مفروض امريكا تتحلى بالروح الرياضية (جوهر الرياضة) وتفسح المجال للشعوب الاخرى فى استضافة الاحداث العالمية وهى قد حظيت بهذه الفرصة من قبل قريب دة فى 1994 الخليج المسخن والمليان رطوبة دة برضو مليان بالاوربيين والامريكان الشغالين هنا وقاعدين عمرهم ما اشتكوا من الجو !!!! ولا الدولارات البيخموها بتبرد عليهم برضو العالم كان متخوف من الناحية الامنية فى جنوب افريقيا لكن استطاعت جنوب افريقيا تنظم كاس رائع باركوها ياجماعة
12-06-2010, 02:16 PM
محمد يوسف الزين
محمد يوسف الزين
تاريخ التسجيل: 02-08-2008
مجموع المشاركات: 1968
Quote: قطر قالت للفيفا انو ال 12 استاد الحيتعملو لكاس العالم حيكونو استادات تركيب وبعد نهايه المنافسه قطر حتهدي الاستادات للفيفا لتركيبها في الدول الناميه
ما سمعت بالكلام ده. و قلبتا النت عليه سما... ارض..ما لقيته. Anyway, i will talk your word on it. لكن يا جماعة الخير (بورداب الدوحة)....و اغليكم مهندسين و رجال رجال اعمال. معقول منظمة ذى الفيفا تخت شروط عطاء واااضحة و تقيم العطاأت للعلن و تجى فى النهايى تقول و الله يا اخى فى زول قدم حجات غير المطلوبة فى العطاء و احنا عجبتنا اكتر!!!أ و كانت الفيفا بتختار كتيمى...ما كان فى زول قلل حاجه. لكن هم متنكرين فى شكل منظمة نزيهة و هم فضايحهم ريحتها (و فيديوات) منتشرة
البشمهندس كيكي ....سلامات يا اخى. كان ما كنت نص امريكى ??? شكلى كده مفروض اشوف لى طريق رحول للدوحة دى. اكيد فى حاجه انا ما عارفاها
Quote: وشايفك ماشاء الله متجدعة وخاتة ملف قطر في ركن قصي وواقعة فيهو ام دلدوم
اخير لقيت فيكم فرصة
Quote: 2-الفيفا عملت تحقيق في امر الفساد المصاحب لهذه المنافسة والتقرير الطلع براء قطر من هذا الامر...
ذى التحقيق للعملتوا الحكومة عن الحاصل فى دارفور ??? اكيد الفيفا ح تقول كده!!!
-
Quote: نعم قطر اليوم ممكن يكون فيها استادات زي عشرة كده ولكن في الملف والبيدنغ الزي ده الدول بتقدم تعهدات علي اعلي مستوي بانجاز الاشياء
الناس القدمت لكاس العالم ده كلها حكوماتها التزمت التزام كامل. شنو اللى بيخلى التزام الامير (اصدق) من التزام اوباما?
-
Quote: انا زااتي لو كنت في اي بقعة تاني وليس قطر وقالو لي قطر طقطقت امريكا في حكاية المونديال
الكلام ده ما حصل. الا بشى ما عارفنه احنا. لكن و الله بتقرير الفيفا الملف القطرى ضعيف .....(ام دلدوم) عاطفيا....ايوه ....مكن قطر تفوز. لكن بحساب الله و الرسول....مستحيل.
Quote: ولكن المتامل لحال واحوال قطر ونهضتها وطموحها الرهيب سيتكشف بان قطر غير (وشي مختلف) وفوزها مستحق وبالضربة القاضية الضربة القاضية الطموحة الحالمة والواقعية السحرية الماشة للمجد بخطي بالجد حثيثة ومستقطبة لكل الكفااات من كل ارجاء هذا العالم...
حيرتونى يا جماعة. القطريين ديل عاملين ليكم شنو??? شكلهم بيسوطوا ليكم حاجه فى المية تخليكم تحبوا البلد دى.
12-06-2010, 07:14 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
سلامات Sharif Nasirladeen شكرا جزيلا على المرور و please ما تزعل من كلامى الجاى
Quote: و من القال ليكي أن درجة الحرارة في المدن اللي أستضافت كأس العالم 94 في أمريكا كانت 27 درجة؟ أنا عشت في لوس أنجلوس 15 سنة و حضرت النهائي اللي كان في الروز بول باسادينا (لوس أنجلوس) و سافرت لبالو ألتو (ستاد ستانفورد-سان فرنسيسكو) لحضور مباراة البرازيل و الكاميرون. بس حبيت أوريكي أن درجة الحرارة ما كانت أقل من 45 درجة مئوية و في بعض الأحيا تصل 50 درجة طبعا صيف 94 كان مبالغة جات سخانة ما حصلت قبل كدة.
طبعا انا ما كنت هناك الزمن داك.... فى تفسيرين لكلامك ده. الاول عاوز تستهبلنى و متخيلنى عشان قلت انك كنت هناك انا ح امشي الموضوع طوالى. التفسير التانى هو ان الانسان بيتعود على الجو فى البلد اللى هو فيه. ولانك كنت مسخن بالجد الزم داك ....اتخليت ان الجو كان حار لدرجة دى. انا ح اخت حسن النية و افترض الافتراض التانى لكن انا جبت ليك وصلات لمعلومات لاعلى درجات حرارة سجلت فى سانفرانسكو و لوس انحلوس. اعلى درجات سجلت من بدوا يقيسوا درجات حرارة
San Francisco The highest recorded temperature at the official National Weather Service office was 103 °F (39 °C) on July 17, 1988, and June 14, 2000.
Quote: الخليج المسخن والمليان رطوبة دة برضو مليان بالاوربيين والامريكان الشغالين هنا وقاعدين عمرهم ما اشتكوا من الجو !!!! ولا الدولارات البيخموها بتبرد عليهم
الاخ المحترم احمد التجانى اكيد الدولارات بتبرد الجو!!! و شكلهم برضو بيشربوا من نفس الموية المباركة اللى بيشربوا منها بورداب قطر اللى بتخلى الناس يحبوا قطر للدرجة دى!!!
Quote: باركوها ياجماعة
و الله باركنا من اول مداخلة فى البوست. تانى ...مبروك قطر...
12-06-2010, 07:22 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
محمد يوسف الزين انت اول حاجه تشيل صورة الامركى الخاتيه فى بروفايلك ده بعدين تعال اشمت فى امريكا. تعالك قل لى (ذى عمر الفاروق) امريكا الاخراج بتاعها كان تعبان
12-06-2010, 07:26 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
و الله يا جماعة انا مقدرة فرحتكم. و اهتمام الفيفا بالبنية التحتية و تعهد امير قطر وتطور قطر و اهتمامها بالمواطن وكافة نواحى حياته و انها مثال للدول المحترمى فى الشرق الاوسط......لكن ده كله ما كان فى معايير اختيار الفيفا....رسميا. الفيفا مفروض تكتب شروط جديده للتقديم. اهم بند فيها: ح نختار بمزاجنا و بمعيار مختلف فى كل مرة
12-06-2010, 07:53 PM
Kostawi
Kostawi
تاريخ التسجيل: 02-04-2002
مجموع المشاركات: 39979
Quote: كرة القدم للرجالة و نحن البنقرر تتلعب وين!!!
انت تلعب كورة? انت تلعب طاولة ...تلعب منوبلى. لكن كورة? ما اظن. او تكون بتلعب فى منافسات السنير ستزنس. (Above 60 years) حتى الشطرنج بتكون خرفت عليها
Quote: التسمية بتاعت "سرقات قوقلية" تسمية صحيحة 100%
لأنو الحرامي بستعين بقوقل للسرقة زي ما بستعين الحرامي بالبندق لسرقة بنك
ما فى زول بيسرق موضوع بفتيش النت الناس دائما بتلاقى موضوع بيعجبها بتقوم بتسرقه لكن القبض عليهم بيتم عن طريق القوقل. يعنى القوقل ذى جهاز مطابقة البصمات او اى اداة تانية اتحدى اى حرامى نت يجى يقول انه بيدا سرقته بابحث فى قوقل. ______________________________ لو اصريت ح اتهمك بمعرفة اسرار لا يمكن لزول غير حرامى نت ممكن يعرفها .
12-06-2010, 09:41 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
جدو كوستاوى احسن حاجه تعملها لو عاوز تسرق حاجه من النت انك تقراها و تمشى تنوم. تجى بكرة الصباح تكتبها من راسك. كدى لا قوقل و لاغيرو بيقدر يكشفك. وتكون برضو سرقت الافكار الحلوة بتاعت الناس!!!! سمارت.....حرمى نت سابق. _____________________________ نجى للجد. ده مقال كاتبه Malcolm Gladwell بيتكلم عن موضوع الملكية الفكرة فى الكتابة اقراه لو عندك زمن (بدل المشاكل البتعمل فيها دى) Something Borrowed Should a charge of plagiarism ruin your life?
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة