|
Re: أين المصدر ؟؟؟ نمازج بالكوم (Re: المكاشفي الخضر الطاهر)
|
هلا يا المكاشيفي ووينك يا صحبي و مشتاقين ياخي.. نصيحتي ليك خلي مداخلاتك اليومين دي نتشة نتشة لانو كوستاوي ده قالو حااااااااااائم والمناتلين ديل لو شمو اي ريحة جاي ولا جاي بقوقلوك طوااالي وبعدين ممكن القصة يكون فيها دخنة ويخلو خشمك ملح ملح... فانت زول صحبي وانا عاوز اطمئن عليك انك في السليم... فطمني ياااخ
| |
|
|
|
|
|
|
Re: أين المصدر ؟؟؟ نمازج بالكوم (Re: عبدالكريم الامين احمد)
|
كيكي حبابك عشرة يا صديقي الحبيب اولا : انا لست بنبي فأخطائي لا تحصى ولا تعد وأكيد ناسي لي كم طاشر مصدر كدا ما جبتهم
لكن يا عمك دي ما المشكلة المشكلة انو انا داير ابين لكوستاوي وهشام هباني انو الداء دا مستفحل والكوم كبير جدا
وكوستاوي وود هباني ديل ما يكون عندهم خيار وفقوس يعدي نهال دي المفروض يوضحو ليها ويقولوليها الكلام انسبيهو لقايلو ولا ما كدا يا عمك
| |
|
|
|
|
|
|
Re: أين المصدر ؟؟؟ نمازج بالكوم (Re: المكاشفي الخضر الطاهر)
|
Quote: وكوستاوي وود هباني ديل ما يكون عندهم خيار وفقوس يعدي نهال دي المفروض يوضحو ليها ويقولوليها الكلام انسبيهو لقايلو ولا ما كدا يا عمك |
هلا يا المكاشفي ولو في دليل واثبات طوااااالي مفروض يتم اخطار صاحبة البوست ودي مافيها ياعمك ازدواجية معايير .. والموضوع ده ما بخص كوستاوي وهباني فقط فانت وانا او اي بوردابي تاني شاف موضوع زي ده ما راكب عدلو فعليه التبليغ فورا..
| |
|
|
|
|
|
|
Re: أين المصدر ؟؟؟ نمازج بالكوم (Re: عبدالكريم الامين احمد)
|
ابشر يا حبيب
كي كي انا اي لو لقيت لى زول رصد لي أخطائي الإملائية يكون ما قصر عشان نمش ننضف الاخطاء انا سوف اكون سعيد جدا لو في زول رسل لى في الماسنجر قال لي الحق يازول الكاتبو داك امش عدلوا والله اكون جد سعيد ويكون خدمني
لكن صدقني الكي بورد حقي دا فيهو مشكلة وزاتو دي فرصة الواحد يشوف ليهو توشيبا ويتخلص من وجع الاتش بي دا
عشان كدا الاخ محمد الامين دا زول رائع لكنه مريخابي
| |
|
|
|
|
|
|
Re: أين المصدر ؟؟؟ نمازج بالكوم (Re: ود الخليفه)
|
Quote: ولكن لم افهم مقصدك من هذا البوست هل هو تبرير لما قام به بدر الدين اسحق والراجل اعتذر عما قام به سؤالي يا المكاشفي لماذا لم تفتح بوست من قبل عندما كال بدرالدين اسحق الاتهامات لمعتز تروتسكي؟؟ نفس الاشخاص الذين ادانوا معتز هم ذات الاشخاص الذين يدينون ما قام به بدر الدين من سرقة خالص الاحترام |
الاخ سيف اليزل مرحب بك وبارك الله فيكم وجزاكم الله خيرا
الاقتباس لايكفي ... لأننا بصدد تطبيق معايير الأمانة العلمية فالإقتباس وحده لايكفي بل لابد من ذكر المصدر ... ألا ترى أن بعضهم لايقتبس بل يكتب من غير إقتباس ويذكر المصدر في نهاية حديثه ... فالإقتباس وحده لايطفي لابد من ذكر المصدر .. نعم هذا الإقتباس ربما يخرجك من أن هذا الكلام لك ولكن أين حق المؤلف لابد من ذكر من ألف وأراك تتفق معي في ذلك فمعاوية اقتبس ولكن لم يذكر المصدر
ثانيا : هذا البوست ليس تبرير ولكن هذا البوست أبين فيه أن كوستاوي وهباني يكيلون بمعايير مزدوجة وعندهم خيار وفقوس في توزيع تلك الفواكه التى أرى في الأصل أنها مفيدة كما ذكر كيكي ولكن بعضهم يعتقد أنها نقمة وانت تعرفهم
ثالثا : أنا لم أعرف ترتسكي هذا ولم أقف على ما قام به من قوقلة فأنا أعرف بدر الدين لذلك فتحت هذا البوست لأنبه بعضهم أن يكون هناك تعاون في أن ينبه اي شخص لم يذكر المصدر
أرجو ان أكون قد أوفيت لما ذكرت
| |
|
|
|
|
|
|
Re: أين المصدر ؟؟؟ نمازج بالكوم (Re: ود الخليفه)
|
Quote: فرق كبير بين ان انسب كلمه الحجاج لي
وبين ان انقلها من غير اسناد او ذكر مصدر
ولا شنو؟ |
ود الخليفة اشكرك مرة أخرى يا حبيب لكن انا أختلف معك فأنا أرى عدم ذكر المصدر و نسب الشخص كلام لنفسه هو لغير سيان في عدم الإلتزام بالأمانة العلمية لانو عدم ذكر المصدر هو نسب لما ذكر للمؤلف ضمنا لا صراحة لأن الكاتب مسؤول من كل ما يكتب وهو منسوب له ومسؤولية كاملة سواء نسبه له صراحة أم ضمنا ....... أرجو ان تكون هذه النقطة قد إتضحت
لكن صدقني بوستينك ديل اقوى مداخلتين في هذا البوست
تخريمة :: وين الشطرنج يا عمك أنا راجييك
| |
|
|
|
|
|
|
|