|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: بدر الدين الأمير)
|
إستاذي العزيز بدرالدين الامير
مساءك سعيد
أسعدني مرورك جداً
Quote: هل قولك اعلاه يكمن مقابلته بان احاسيس الذكور مكرورة مكررة |
الاحساس استاذي العزيز لا يكون مكرراً ابداً و لكن الفرق أن الرجل يغازل المرأة الجميلة و التي تعرف انها جميلة ،، و بالطبع تتوقع انها ستُغازل و إن تظاهرت بعكس ذلك
و لكن المرأة تغازل الرجل الذي يعجبها و الذي غالباً لا يدرك مقدار إعجابها به ،، حتى وإن كانت إمرأته لذا يكون إحساسها ،، غزلها مفاجئ له و بالتالي معقداً عصياً على فهمه ،، و لكنه جميل
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: عثمان نواي)
|
مولانا محمد المرتضى صباح الخير
عارف يا مولانا بمجرد ما اشوف اسمك في اي بوست بحس بأني محتاجة اقعد في اي حاجة قريبة مني ،،
" دة غزل بالمناسبة : ) "
Quote: معنى كلمة غزل - لغويا - يتناقض مع التعقيد والإخفاء. |
معقد بالنسبة للمفعول به فعل الغزل : ) ، لأنو غالباً بكون ما متوقع الحيحصل و غالباً حيفتح خشمو وينطط عيونه و يسأل نفسه : الزولة دي مالا ؟؟
الرجل يا مولانا بحتاج من المرأة لأكتر من تجربة عشان يفهم انها " معجبة " ، و دة برغم قلة التجربة برضو : )
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
اهلا بيك عثمان شكرا على كلامك الرقيق جداً الله يقدرني على حسن ظنك
Quote: اكتبي نحن ننتظرك وانت تطلين بالكتابة.. واصلي نحن هنا اليك لا نبارح في الترقب والانتظار
|
و شاركوني برضو في الكتابة الموضوع دة انا العايزة اسمع منكم رايكم في الموضوع ، إحساسكم بيهو ، واضح بالنسبة ليكم زي ما قال مولانا و لا معقد ؟؟ تجاربكم معاهو ،، إذا كان ممكن يعني : ) رايكم في شردة إستاذ احمد ،، و لو اتختيتو في نفس الموقف حتتصرفو كيف ؟!
و في انتظاركم
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
Quote: لذا يكون إحساسها ،، غزلها مفاجئ له و بالتالي معقداً عصياً على فهمه ،، و لكنه جميل |
سلمى لك اجزل الود والتقدير تقول جورج صاند: أعطانى الاول عُقدا من اللؤلؤ يعادل مدينة بأثرها بمعابدها وعبيدها وقصورها ونظم الثانى من أجلى ديوا ن من الشعر قال فيه ان عينى اصفي زرقة من السما ء وان شعرى اشد سوادا من الليل أما نت يا من احببتك لم تعطنى شىء ولم تقل لى شى ء ولست جميلا لكن انت الذى احببتك هناك ياسلمى من يشبه جورج صاند بولادة بنت المستكفيى هل تعلمى ياسلمى ان ولادة كانت بتحب وتتغزل في الرجل الذى يعجبها حتى وهى في الثمانين من العمر وولادة عاشت مئة سنة وقد كتب على طرف ثوبها هذه الابيات : أنا والله أصلح للمعالي وأمشي مشيتي..وأتيه تيها.. وأمكن عاشقي من صحن خدي.. وأعطي قبلتي من يشتهيها انا شخصيا معجب بولادة ومعجب اكثر بانكاسر ابن زيدون امام حبه لها وفي تقديرى الحب المابكسرك ويفقدك المناعة مش حب لذا احترم المفردة العامية الغزلية السودانية (أنا مكسر او انا مكسرة) والحب كيمياء حين تتفاعل لابد ان يتلاشى المحب في المحبوب الوزير العاشق والاميرة المعشوقة ... ابن زيدون وولادة بن...ي والايام اندلسية
تنهدات: قالت كارمن بطلة اوبرا كارمن للرجل الذى احبته : لوم لم تحبنى سوف احبك ولو احببتك فخذ حذرك
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: بدر الدين الأمير)
|
Quote: أما نت يا من احببتك لم تعطنى شىء ولم تقل لى شى ء ولست جميلا لكن انت الذى احببتك
|
حصل يوم وحدة نادتك بالمقطع الاول من اسمك حاف و بتسكين الدال ، يعني كدة " بدْر " ، حصل؟؟ اكيد حصل ،، و كتير كمان : ) و حتكون رديت عليها عادي جداً وانت رااااااايح ،، نعم؟؟
أأكد ليك انها لحظتها حتكون ما قدرت تتنفس .
عارف يا " بدْر " انا من المؤمنين تماماً أنه لا ممنوع في الحب الرجال يعتبرون ان العشق و الغزل حق مكفول لهم عشان كدة للأسف ( قرون إستشعارهم ) ما بتلقط موجات الغزل بسهولة ، مساكين حارمين نفسهم من الاستمتاع بغزل المرأة ، و حارمنها برضو
Quote: هناك ياسلمى من يشبه جورج صاند بولادة بنت المستكفيى هل تعلمى ياسلمى ان ولادة كانت بتحب وتتغزل في الرجل الذى يعجبها حتى وهى في الثمانين |
كلنا تعيش في داخلها ولادةٌ ما
Quote: لوم لم تحبنى سوف احبك ولو احببتك فخذ حذرك |
ولو غازلتك ،، لا تندهش
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
يمكنني قول ما قلته مرة وغيره الكثير...
أمقتُ النساءَ
أمقتُ النساءَ.. لأنهنَ يدوخنني، يفحتنَ أنهراً بقلبي، يَشرعنَ في احتساءِ الوقارِ، يُشرِعنَ أبوابَ عُزلتي، يجعلنني أُبرطمُ بالكلام.. أمقتُ النساءَ.. لأنهنَ يدلِفنَ بي لبحرِ روحي، يسبحنَ في تؤدةٍ، ينبُذنني بالقاعِ، كالحُطام.. أمقتُ النساءَ.. لأنهنَ كُلّ فخاري، مبعثَ انبهاري، وفتنةَ انتصاري، في الحربِ والسلام.. أمقتُ النساءَ.. لأنهنَ تلملمنَ جميعهنَ، بحُسنهِنَ الهدارِ، بفتنتِهنَ، ويأسِهنَ، بشغفِهنَ، ودموعِهنَ...الخ تلملمنَ بواحِدةٍ، أرجحتني في الغمام..
21/10/2008م
فهل بذلك أكون قد أجبت على شيء مما ذكرته ربما...!!
لك التحية أختاه وأختم: الغزل ليس حكراً على أحد
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: Tagelsir Elmelik)
|
معقولة بس !!! تاج السر الملك حتة واحدة !!! أنشالله انت كويس ؟؟؟
Quote: و الله النساء ما قصرن طب في الغزل، و دونك غناء البنات و لو ان الايحاءات فيه مبطنة بعض الاحيان |
هن ما قصرن ولا بقصرن تب ، لكن الكلام على البفهم ، على البحس : )
بالمناسبة دي انا بهديك اغنية " يا الحجورك عليّ ، النااااااااار و الضيق عليّ : ) و اوعك تسمع قلنا و قالوا و تزيد في النار عليّ ، سمح "
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: khaleel)
|
خليل مساءك سعيد
Quote: عايزين نعرف ماذا تريد البت من الغزل
|
عادةً ما بكون في هدف معين بس بتكون عايزاك تعرف انها " مكسرة "
Quote: المسرح مهم جدا
عشان نشوق القصة حا تمشي لي وين |
ممكن يكون في اي حتة ، شارع بيتكم مثلاً ما لاحظت انك دايما بتصادف بت الجيران طالعة تكشح موية البلاعة او بتقش قدام بيتهم ، مع انو بكون نضبف : )
او محل الشغل ، صباح الخير يا باشمهندس ، عيونك تعبانة ليه ، انت عيان؟؟
او حتى في البيت ، بت خالتك تتكلم مع خالتا و تسمعك غايتو يا خالتي ولدك دة تغيان تغا : )
Quote: شنبك حلو وطولك يجنن |
انا ما قلت حاجة : )
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: khaleel)
|
Quote: هذا الطريق قد لا يقودها للكبري
ووممكن تجد مطبات جوية
قد تساهم في سقوط الطايرة |
الموضوع ابسط من كدة يا باشمهندس الاعجاب بالجنس الاخر إحساس فطري موجود عند الجنسين وما بكون عندو اي هدف او غاية. لمن تعجبك زولة وتشاغلا ، ما بتكون داير منها حاجة انت بتستمتع لمن هي تعرف انها عاجباك نفس الشي بالنسبة ليها ، الغرض المتعة ما اكتر
انا بتكلم عن الغزل لأجل الغزل ، التغزل في جمال شخص ما التعبير عن وقع هذا الجمال في النفس ، كما يفعل الرجال
كذلك تفعل النساء
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: khaleel)
|
قالت ولادة بنت المستكفي :
Quote: لحاظكم تجرحنا في الحشى ... و لحظنا يجرحكم في الخدود جرح بجرح فاجعلوا ذا بذا ... فما الذي اوجب جرح الصدود
|
احببت كثيراً هذه الابيات ، الغالب من الرجال لا يدرك ان العشق قد يفعل بالمرأة اكثر مما يفعل بالرجل ف"لحاظكم" تجرحنا في الحشى ، وما اقسى جرح الحشى .
وقالت اخرى تدعى حفصة بنت الحاج الركونية :
Quote: أغار عليك من عيني رقيبي ... و منك و من زمانك و المكان و لو أني خبأتك في عيوني ... إلى يوم القيامة ما كفاني
|
و قالت ايضاً :
Quote: ثنائي على تلك الثنايا لأنني ... أقول على علم و أنطق عن خبر و أنصفها لا اكذب الله انني ... رشفت بها ريقاً ألذ من الخمر
|
تصل المرأة قمة صدقها و جراءتها عندما تعشق ، فهاهي حفصة تعترف بصراحة شديدة أنها : " رشفت ريقاً ألذ من الخمر "
كتب ناصر الحجيلان لجريدة الرياض موضوعا بعنوان " الغزل في شعر البدويات " ، يصف فيه غزل المرأة بأنه :
Quote: يرتبط عندها بالإعجاب بالرجل إعجابًا يصل إلى درجة متقدّمة من الحب. ولهذا، فإنها تكون أكثر صدقًا في عاطفتها، وليس ثمة مجال للمزح أو التسلية كما يحصل أحيانًا في غزل الرجل |
كل ما كتب أعلاه هو عن تغزل المرأة العاشقة ، هل يعني هذا ان المراة لا تتغزل إلا اذا كانت عاشقة ؟!
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
القاسم المشترك في غالبية قصص غزل و " مشاغلة " النساء للرجال التي سمعت ( من الطرفين ) ، و شاهدت ايضاً و عشت في أحايين نادرة : ) أن الرجل عادةً يتفاجأ بتصرف المرأة ، حتى إن كان يعلم أنها تحبه . قد تكون مفاجأة سعيدة في الغالب ، و لكن السؤال هو : لماذا الاحساس بالمفاجأة ؟ّ! هل لأننا فقط مجتمع محافظ و تعودنا ان سلوكاً كهذا لا يبدر من المرأة ، بمعنى ان تصرفاً كهذا يمكن ان يكون عادياً في مجتمعات اخرى ؟! أم أن هناك سبب آخر ؟! سبب خاص بطبيعة الرجال بمختلف مجتمعاتهم و خلفياتهم الثقافية ؟! سبب فطري ، ربما بماذا يحس الرجل عندما تغازله إمرأة ما ؟!
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
سلام لأهل الدار وتحية .. يبدو أنه تناول جيد وطرح فيه بعض من جرأة وخاصة عندما يكون من النصف الآخر ، فى وقت تظهر فيه عبر الغيوم شيء من جندرة هنا أحيانا ولكنه تناول أعتقد تشتهيه ويشتهيه نفر كثير .. تذكرت وأنا أقرأ المداخلات وأتوقع لها تفريخا وتكاثر ، أننا عندما كنا فى مرحلة ( الأسطى ) بالقديم ونحن من جيل العتيق أن إحداهن وكانت من قبيلة الشايقيه ، وفى هذه القبيلة حدث ولا حرج من قوافل الجمال ... ( هذا كان فى عهدنا الآن ما عارف ) كانت هناك فتاة برغم جمالها أنها عشقتنا ونحن خمسة وكان كل واحد منا يعتقد أنه هو الفارس المقوار حتى دنت ساعة الرحول ، حيث نقل أبيها الى موقع آخر فتفاجأنا بأن المودع عند محطة القطار خمسة وليس واحد .. والمفاجأة الأخرى بأن هديتها لنا كانت خمسة مناديل مشغولة بطرز أناملها الرقيقة ، أعطتنا لها دون أن يعرف أحد بالآخر إلا عندما تفاخرنا مع بعضنا فى طابور الصباح المدرسى ، حيث أخرج كل منديله وكانت المفاجأة ...
ترى أنه كان حبا دافقا بالجملة ، أم كان لها سهما عرف مكانه فى جانب معين لدى كل واحد من هؤلاء الصبية التى كان إعجابها بهم فى ذلك الزمان الجميل ..
محمد مختار جعفر
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: محمد المرتضى حامد)
|
بوست راييييييق
واحب الناس الراييييييييقة
حواء السودانية تبوح في العام
وتتوارى في الخاص
مثال: اغاني السباتة
راجياك في محل يوم داك
ان شاء الله راجل مرة
تعال بالعندك تعال
حلاة الزول في الطول والعلا
تعال بالعندك ابوى بسندك
دق الباب وجانا انا جريت ليو حفيانة
بختى وانشاءالله راجل اختى يا ابشرا
هذه امثلة على جراءة حواء في العلن تغزلا في ادم
حتى يسقط ادم في الفخ
وبعد سقوطه
يستجدي الغزل استجداءا
عجيب امركن
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: رانيه محمد الشيخ)
|
Quote: العايز اقولو يا سلمى ، التجاوب مع الغزل ، لدى الرجل ، يعتمد على ثقافته بشكل حاسم ، فالرجل المثقف على سبيل المثال يطرب إذا ما غازلته إنسانة مثقفة غض النظر عن شكلها أو فئتها العمرية وذلك بسبب البث الموجي المشترك ، يهتز طربا لغزل المهذبة وينفر من سيئة الخلق حتى لو كتبت فيه معلقة لبيد، وقد يطرب العنقالي لغزل واحده معنكشه دهب ورادمه الوش بكل ألوان الطيف وراداراتا تايوانيه، لكن غزل شريكة الحياة يبقى الأعلى إيقاعا فهو يزوِّده بمحركات نفاثة من طراز رولزرويس بما يمكِّنُه مواجهة الأسطول السادس أو لواء مجوقل كأضعف الإيمان.
|
ما قادرة ازيد حرف على كلامك يا مولانا كفاية انو البوست استفزاك للبوح ، فاصبح بنكهتك
انشالله تسلم و تعيش
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
Quote: بوست راييييييق
واحب الناس الراييييييييقة
|
أهلين معاذ مساك رايييق : ) و حضورك برضو رايييييق و جميل
Quote: حواء السودانية تبوح في العام
وتتوارى في الخاص
|
حواء السودانية سخية جداً في بوحها و غزلها يا عزيزي و لكنها دائماً تخشى " الفهم الخاطئ "
Quote: حتى يسقط ادم في الفخ
وبعد سقوطه
يستجدي الغزل استجداءا
عجيب امركن |
حينها ، تأتيه غزلاً لذيذاً متبلاً يستحق عناء الاستجداء
فصبراً جميلاً ادم
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: رانيه محمد الشيخ)
|
صدقيني يا سلمى الغزل البيتم التعبير عنه بالكلام من لدن الرجال معظمه كلام فارغ ويخلو من إبداع وجمالية... إن الغزل الحقيقي هو غزل الأرواح (التي هي جنود مجندة ما تلاقى منها ائتلف وما تنافر منها اختلف) والذي يتم التعبير عنه من خلال لغة الجسد. لقد شبه الرجال المغفلون وجه المرأة بالقمر ثم اكتشفوا أن وجه القمر قبيح وقاحل ومظلم! إن جمال الإنسان تعجز الكلمات عن التعبير عنه فتكاد الروح أن تفقز عبر العينين لتبث رسائلها التواصلية في الفضاء. إخوانا الرجال بي كلامهم الفارغ الكتير ده: نظرة أو التفاتة أو ابتسامة أو تقطيبة من بنات حواء قد ترديهم وتلحقهم أمات طه! الله غالب.
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
مرحب د. محمد الامين يسعد مساك يا راقي
Quote: صدقيني يا سلمى الغزل البيتم التعبير عنه بالكلام من لدن الرجال معظمه كلام فارغ ويخلو من إبداع وجمالية |
ما هو الحكاية انواع نوع " شوارعي ساي " بفوّر الدم و نوع " ظريف و دمه خفيف " بخليك تضحك و نوع جميل ، راقي ، يرضي غرورك تصدقه حتى وان كنت تعلم انه كذب
Quote: إخوانا الرجال بي كلامهم الفارغ الكتير ده: نظرة أو التفاتة أو ابتسامة أو تقطيبة من بنات حواء قد ترديهم وتلحقهم أمات طه! الله غالب. |
سر آدم الذي يعرفه الجميع ، و اولهم حواء : )
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
العزيزة سلمى لك الود و التحية و بوست في الصميم بالمناسبة تبلدينا ممكن يكون أستاذ الكمبيوتر لكن ما حننقلو
Quote: مولانا محمد المرتضى صباح الخير
عارف يا مولانا بمجرد ما اشوف اسمك في اي بوست بحس بأني محتاجة اقعد في اي حاجة قريبة مني ،، |
على نسق القصة الكتبتيها الزول دا نقلناهو لي سودايزأونلاين بتاع الأولاد نجيب ليكي بنمبر و لا طوبة تقعدي فيها
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: محمد آدم النور)
|
عزيزي محمد آدم عاطر التحايا ، و كل الود تسلم كتير على المرور و التعليق
Quote: بالمناسبة تبلدينا ممكن يكون أستاذ الكمبيوتر لكن ما حننقلو
|
ممكن جداً ، ليه لأ : ) لكن السؤال : هل هو حيطلب النقلية ولا لأ : ) ؟ غايتو لو طلبا ، حيبوظ نفسياتي : )
Quote: على نسق القصة الكتبتيها الزول دا نقلناهو لي سودايزأونلاين بتاع الأولاد نجيب ليكي بنمبر و لا طوبة تقعدي فيها |
لالالالالالالالالالالالالالالالالالالالالالالالالالا كدة انخلفنا تب كللللللو و لا مولانا بالطريقة دي انا عربية اسعاف ما بتحلني خلي بنمبر و لا طوبة : )
تسلم كتير على المداخلة اللطيفة
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: محمد عمر جبريل)
|
مساك سعيد محمد عمر مرحب بيك والله سعيدة بمرورك و مداخلتك
Quote: يمين بالله قصتك الفوق دي قريبة جدنننن لقصة حقيقية كنت شاهد عليها في واحدة من المدارس
|
ممكن جدننننننننن تكون نفس القصة بالمناسبة : )
انت من مدني ولا حاجة ؟! : )
Quote: وما حدث بعد ذلك لأستاذ الكمبيوتر كان امتحان حقيقي من رب العالمين .. |
بس صحبك بكون عقد الحكاية تعرف : )
بنات العالي ديل حنيـــــــــــــناااات ياخ : )
Quote: للأسف المنبر العام .. لا يصلح لسرد هذه القصة ..
غايتو لو أديتوني الامان .. بحكي ليكم |
غايتو انا دي ،،، أديــــــــــــتك
النبي فيك احكي : )
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
لا حوله انا كل مره اسمع ناس انتظرت بسنين الدخول حالتى 3 يوم وكنت ححرد لو بقوا اربعه ههههههههههههههههههههههههههههههههههههههه والله كان كده بكرى ما قصر معاى بنوووووووووووووووووووووووووووووووب ومفروض اقدر هذه الشهامه منه وما اتشاكل معاه نوهائىىىىىىىىىىىىىىى بمشى ارسل ايميل شكر وتقدير فورى
اها نرجع لموضوع
طيب انت رسلها فى البرايفيت قبال ما نرسل ليك قنبله ما ممكن تمسكنا طرف الغسيل وتخلى الطشت فاضى
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
Quote: غايتو انا دي ،،، أديــــــــــــتك
النبي فيك احكي : ) |
ها ها هاي .. ممممم يازولة أقل من تعهد مكتوب من بكري ابوبكر وموثق من 3 محامين عدول أعضاء معانا في البورد ما بحكي أي شئ .. ويا أحكي كلللل حاجة .. عن اول حصة .. وعن كبكبة الاستاذ عن جرس الفطور لما يضرب والسندوتشات والعصاير والشوكلاتة تتطاقش جوة اللاب .. عن غفير المدرسة السكران عن المديرة .. المفترية المستبدة .. عن صديقي الذي كان يحلم بأن ينتهي من الخدمة الإلزامية بأسرع وقت ممكن عن أجمل طالبة في المدرسة وعن ضفيرة الشعر اليوم مجدوعة لي ورا ويوم عاملينها كيف كيف ما تعرف .. عن العربة الفارهة التي كانت تقلها .. عن تسرب رقم هاتف الاستاذ بين الطالبات (الكلام ده قبل الموبايلات ما تنتشر شديييييد كده) وعن .. وعن .. إيييييييييييييييييه .... زمن !!
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
Quote: ممممم يازولة أقل من تعهد مكتوب من بكري ابوبكر وموثق من 3 محامين عدول أعضاء معانا في البورد ما بحكي أي شئ ..
|
مولانا ودالمرتضى برااااهو بتلاتة : )
Quote: ويا أحكي كلللل حاجة .. عن اول حصة .. وعن كبكبة الاستاذ عن جرس الفطور لما يضرب والسندوتشات والعصاير والشوكلاتة تتطاقش جوة اللاب .. عن غفير المدرسة السكران عن المديرة .. المفترية المستبدة ..
|
لا كان كدة انت ما من مدني المواصفات غير مطابقة : )
Quote: عن أجمل طالبة في المدرسة وعن ضفيرة الشعر اليوم مجدوعة لي ورا ويوم عاملينها كيف كيف ما تعرف .. عن العربة الفارهة التي كانت تقلها .. عن تسرب رقم هاتف الاستاذ بين الطالبات (الكلام ده قبل الموبايلات ما تنتشر شديييييد كده) وعن .. وعن ..
|
الليــــــــــــــــــــــــــــــلة شفت عن .. و عن .. الاخيرات ديل أهــــــــــــــــم حاجة : )
احكي ياخ الله يرضى عليك
احكي
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: إدريس محمد إبراهيم)
|
دكتورتنا
سلمتنا
حقتنا يا ناس
البت بتنا
والقصة قصتنا
جميلة القصة
والتصوير الفعلي للشقاوة
وقد انتقلت هذه الشقاوة معهن للشارع
ونسمعها من من تجاوزن العشرين من العمر
واحيانا فوق الثلاثين
الغزل تعبير
في طريق
اتجاه واحد
قد ينعكس السير
ويحدث تصادم
قد يسلم الطرفان بتجاوز الحادثة
ولكن في نظري
اجمل غزل
هو غزل العيون
فالعيون تقول ما لا يقال علنا
ولا توجد حروف تعبر عن لغة العيون
تسلل :
سلمى
انتي زعلانة مني ليه ؟؟؟؟
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
جمال السنوسي !!!! و الله زمااااااااااااااااااااااااان و الله يجازي الهكر الفرقنا ياخي إنشالله انت كويس ؟؟ و الشباب كلهم كويسين و حلوين ؟؟ ليكم وحشة و الله
Quote: سلمتنا
حقتنا يا ناس
البت بتنا
والقصة قصتنا |
بختي يا يمة ، : ) فرحانة بيكم و الله الله يخليكم لي
Quote: الغزل تعبير
في طريق
اتجاه واحد
قد ينعكس السير
ويحدث تصادم |
ألا ترى معي ان التصادم في هذه الحالة ، هو عز الطلب : ) ؟!
Quote: اجمل غزل
هو غزل العيون
فالعيون تقول ما لا يقال علنا
ولا توجد حروف تعبر عن لغة العيون |
وتعطلت لغة الكلام !!! و خاطبت عيناي في لغة الهوى عيناك !!!
يا سلاااااام عليك يا أستاذنا
Quote: سلمى
انتي زعلانة مني ليه ؟؟؟ |
أنا دي ؟؟؟؟؟؟؟؟؟؟؟؟؟؟؟؟ متين ؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: جمال السنوسي)
|
سلمى تحياتي
موضوعك شيق
لأننا بالطبع تعودنا " أن التغزل فن الرجال " لذا كان المخاطب مؤنثاً
ماذا ان اصبحت الترجمة :
انت جميل ،
و تعجبني ...
لا تصدر مثل هذه الترجمة إلا من أنثى متصالحة مع نفسها و روحها. يا ترى يا سلمى : كم من أنثى كانت هذه الترجمة في جوفها و تود أن تقولها و لكنها إحتبست في حلقها نتيجة التعود على أن الغزل فن الرجال ؟ أنا لا ألوم من تحبسها بين أضلاعها ، فالرجال مجبولون على التحليق بأجنحة الغرور حيال هذه الكلمات ، و آخرون ينظرون إلى مثل هذه الأنثى على أنها ( أنثى مندلقة ) .. بينما الرجال المندلقون لو تحولتْ إندلاقاتهم إلى مياه ، لغرق العالم بأسره. دمتم
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
ابو جهينة لك التحية ، و كل الود
Quote: لا تصدر مثل هذه الترجمة إلا من أنثى متصالحة مع نفسها و روحها.
|
و صادقة جداً
Quote: يا ترى يا سلمى : كم من أنثى كانت هذه الترجمة في جوفها و تود أن تقولها و لكنها إحتبست في حلقها نتيجة التعود على أن الغزل فن الرجال ؟
|
الكثيرات يا عزيزي الكثيرات
Quote: و آخرون ينظرون إلى مثل هذه الأنثى على أنها ( أنثى مندلقة ) .. |
و نساء أيضاً يفكرن بنفس الطريقة
مساكين هؤلاء يستحقون الشفقة
كن بخير عزيزي
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
وردني عبر الإيميل من صديق :
Quote: بسم الله ابتديت متل البرق لاحت شوفي يا ستي البوح كغزل او غيرو هو تعبير انساني رهيب واحنا السودانيين عموما حنينين وبكايين وما بنستحمل روحنا بتشحتفنا وبطنا بتفور زي ما البنات بيقولو اذا كان الشي دا صادر من رجل فهو قد يكون جميل وقد يكون غير ذلك اذ ان الرجال اكثر حيوانيه عموما هههه واكيد ما مقصود بلفظ حيوانيه نبذ وكدا لكن حاجاتم بتجوط عموما وفي احيان كثيره اها اذا كان صادر من انثى فهو بكل المقايييس اجمل وارقى واشف فهو في الغالب غير مربوط بهدف بل بي شحتفه ما ماعارف اعبر ليك كيف المراه اكثر صدقا في ذلك والسودانيه بالذات انثى عاليه الحس مهما كانت درجه جمالها بل انني اري شخصيا ان الجمال يوثر بشكل سلبي ومباشر في الحته دي لا اعتقد ان هناك احساس في الدنيا امتع للرجل من غزل امراه فيه باي شكل وباي هدف مهما كانت شخصيته والبوح شجاعه ونقاء وشفافيه |
شكراً صديقي العزيز
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
اعجبني في ما قال صديقي
Quote: واحنا السودانيين عموما حنينين وبكايين وما بنستحمل روحنا بتشحتفنا وبطنا بتفور زي ما البنات بيقولو
|
و اعجبني ايضاً
Quote: اها اذا كان صادر من انثى فهو بكل المقايييس اجمل وارقى واشف فهو في الغالب غير مربوط بهدف بل بي شحتفه ما
|
مربوط بشحتفة ما !!! تحليل صحيح 100%
Quote: لا اعتقد ان هناك احساس في الدنيا امتع للرجل من غزل امراه فيه باي شكل وباي هدف مهما كانت شخصيته
|
بأي شكل ، و بأي هدف هذا هو الغزل حقاً
شكراً صديقي
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
أوووووه سلمى سلامات والمنبر بيك منور
انا غايتو شايف المسألة لا تخلو من كيميا ومعادلة سرية بتحدد قوة الانجذاب دا، وبعدين من حق الاكثر حساسية والسباق في الاحساس دا ان يلفت الطرف التاني بأي طريقة..... ومرات بنقرأ الاشارات دي صاح ومرات كتيرة بنقراها غلط او بنتوهمها... ومرات for fun بندعيها ونرسلها للآخر في كل غزل ، وده بؤكد انو المسألة في حد ذاتها ممتعة وجميلة... أنا غاييتو بصراحة بتريحني في (كنكوجي) حقوق المؤلف محفوظة لعمر الفاروق....
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: امير طمبل)
|
يادكتورة
صباح الخير
Quote: إمرأة جميلة تمر بطريقك
ستنظر إليها ،، ستعجبك
ستغازلها ،، ستفعل
باسلوبك الخاص ،، و فقاً لثقافتك و طريقة تفكيرك ،، و ربما سنك و بحسب الظروف التي جمعتك بها .
و لكنك بالتأكيد ،،
و لأنك رجل طبيعي ،،
ستفعل |
اول حاجة البي الاحمر ده البجيب الهوا
يعني لاااااااااااازم
وضروووووووووووووري ....تعجبني.....؟
نفترض .....عجبتني.....!!!!
لااااااااااااازم اغازله......؟
افترض......
ماغازلتها......؟
اكون ماطبيعي.....؟
المهم....
شكرا لهذا البوح الجميل
فن التغزل اختلف باختلاف الازمنة والامكنة .
لكن.....
تظل جراءة وفاء وصديقاتها في الفصل انموذجا .
ويظل استاذ احمد : المستفيد الاول .
بالمناسبة :
اسم احمد بيتكرر كتير في الحتات دي
غايتو متذكر في افلام محمود ياسين كان
اسمو دائما بكون ( احمد ).....!!!!
اعجبني البوست واعجبتني فكرته .
لكن.....
من ناحية دق ناقوس الخطر اذا تحول فن
التغزل من امتياز الرجال الي العكس....!!!!
لانه سيصبح اختلال في الموازين .....
زي تلقي اتنين في اي مكان والراجل بيسأل :
يازولة بتشاغلي مالك.....؟
معقولة بس....؟
اكان حصل ياسلمي
يبقي الرماد كال حماد .....!!!!!
شكرا يادكتورة .
وواصلي
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: haroon diyab)
|
دكتورة .. سلمي .. سلامات بوست كدا .
تتخيلي يا دكتورة ما حاجه زعطتني في البوست غير دي .. التي كانت نهاية قصه روعه ... القصه لذيذه .. مفروض تكون اطول من كدا ....! ((مفروض استاذ احمد ده كان يجر ليهو سنه في المدرسة دي .. وبعدين يكسب ذمنو )) اكيد كنت حا استمتع بسرد رائع و اسلوب وممتع وتشويق لا يحدهو حدود ...
انتي ما شوفتي طارق جبريل كان سالي روح العالم دي كيف ؟؟ بـ جني البناي
فتك عافيه
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: عبدالله كع)
|
نادوسنا حبيبنا مرحب بيك و حبابك ميّة عديل كدة
Quote: سلامات والمنبر بيك منور
|
دة نورك يا راقي ، إنشالله تسلم و تعيش
Quote: ومرات for fun بندعيها ونرسلها للآخر في كل غزل ، وده بؤكد انو المسألة في حد ذاتها ممتعة وجميلة... |
عارف for fun دي زكرتني وحدة صحبتنا عندها نظرية لطيفة في مسألة الغزل دي " هو ربنا خلقو سمح ، نجي نحن ندس منو سماحتو دي ؟! دي زاتا تبقى غتاتة : ) "
Quote: أنا غاييتو بصراحة بتريحني في (كنكوجي) |
that's what i am talking about
| |
|
|
|
|
|
|
Re: يقولون ان الكلام امتياز الرجال ... والتغزل فن الرجال ... حقاً ؟! (Re: سلمى تاور)
|
هارون دياب صباح الورد
Quote: يعني لاااااااااااازم
وضروووووووووووووري ....تعجبني.....؟ |
دة طبعاً على حسب مقاييسك للجمال انت لو شفتها جميلة ،،، حتعجبك : )
Quote: نفترض .....عجبتني.....!!!!
لااااااااااااازم اغازله......؟ |
ايوة ،، حتغازلا : ) وامكن حتى من غير ماتشعر اي تصرف صغيـــــــــــر منك ، حتى لو نظرة ممكن هي تفهم منها انك " مكسر " ، تعتبر غزل .
Quote: ماغازلتها......؟
اكون ماطبيعي.....؟ |
لا لا ما اظن بتكون زهجان زهج ساي : )
Quote: اسم احمد بيتكرر كتير في الحتات دي
غايتو متذكر في افلام محمود ياسين كان
اسمو دائما بكون ( احمد ).....!!!! |
: )
Quote: من ناحية دق ناقوس الخطر اذا تحول فن
التغزل من امتياز الرجال الي العكس....!!!! |
إذاً فأنت ترى ان التغزل هو امتياز للرجال وجهة نظر ...
Quote: زي تلقي اتنين في اي مكان والراجل بيسأل :
يازولة بتشاغلي مالك.....؟
معقولة بس....؟ |
والله ياخ بيني بينك ...
ما معقولة : )
| |
|
|
|
|
|
|
|