يا عادل عبد العاطي يا حبيب . . تسمح ؟

Quote: كان القصة ردم و السلام خليهو يردم ساي انا مولود في اسرة ختمية و متربي في ( الامية ) بتاعة الانصار !!! و شيوعي و كمان سكران !!! . . . المافي شنو ؟ دا ما الموضوع هنا يا تيسير يا صديقة الموضوع قصة ( حق و عدل ) و اثبات انو في مدى ( مقبول ) لعدالة ما ... و خلينا كلنا نتذكر كلمات عادل عبد العاطي ( العظيمة ) دي : فالشتائم لا تكون بديلا عن الحقائق ..

اتنين ( سودانيين ) ... بس مشكلتكم دايمن ما بتحتفلوا بابطالكم القوميين !؟
و دي على وزن ( ادعاءات ) حسوبة و هو ( و العهدة عليهو هو همسلف ) :
" في كول افريقيا خبيرين كرويين لا ثالث لهما. حسوبة في السودان، و مين*** كدا سالم الوحش في مصر "
فتأمل !؟
بالخبرة دي، و الاستعانة بـ " حسوبة " - استعرت خطة " الباقة في التلاجة" للعب مع بكري قبل كدا - اها انا لاعب هنا مع عادل بخطة ( الجدادة الحاضنة )- عارف بتعجبكم الاسماء الاجنبية! - او ما يعرف بالـ ( ابزوربشن ) ... و معيناتها شكبزورات زي السم ، كتاوت صاح عشان يمتص الكهرباء الزايدة ... و لباد " اصلي " للكفرات .
بعد فضح التكتيك بقى ان اقول :
آي ريست ماي كيس
و الامر مرفوع لقارئ حصيف و صاحب ضمير حي
اعتذر عما تبيّن لي خطئي فيه
و اتمنى ان يتقبله اصحاب الحق
و اغادر الآن و ضميري مرتاح
فأرجو المعذرة لأني قد لا اتمكن من المواصلة هنا - كاتباً - لكن ح اطلع على البوست كلما تيسر ذلك
بقت مرافعة أخيرة - بعد ما يقول كلو زول الفي نفسو - و لو وافق الحضور هنا ح اضمنها " الدلكة دميرة هذا العام " - اوديو فقط - الاقتبست منها في صدر البوست
و هي قراءة جديدة من فوق خيول المك، من تحت خيول الترك، للدم السايل من قدح الدفتردار.
و تبقى سيرة المك نمر سيرة بطولة ممهورة بالدم، و مفتوحة على كل القراءات... المافي شنو !؟
سر احتفالي بيها انها اسطرة لبطولة قومية - في نظري - بديل وطني لاستلافات حداثوية ما عندها معنى بالنسبة لي من نوارس و زنبق و ما عارف شنو ؟ ... حتى ما معروفة شراب و لّ غرغرة !؟

البوست مفتوح للكل ... و مفتوح على كل الاحتمالات و لكل القراءات
ما فتحتو لانتصار ... و لا احتاج مثله كهزيمة جديدة
هي شرارة تضي طريق اظلم بغياب شمس الحق
ربما المك - المبعوث التالي - يكمل الحريق

لوح بإبتسامة و قال مع السلامة


----------

* لو أتيت لحوار كا قبضتني - كـ ( محامي ) - في حنجلتي التانية بخصوص د. كمال الجزولي ... انت يا حبيب ما شفت قبضوني بيها ... ما عرفتكم انت و الصادق مركبين لي مكنة ملاسي !! ... اوع تقول لي انك رديت قبل ما تكمل قراية !؟ ... ورد في الحكمة " لا تشرع في الكتابة ابداً. ما لم تتأكد انك قد اجدت القراءة " .

** ما في زول متذكر نكتة الزول العميان الفتح شاف الفار و تاني عمى ؟ ... البايخة جدن جدن جدن حتى آدم !
*** حسوبة مسلف ... شفت الاسطرة كيف ؟ ... زي ما جات في الكتاب !! ... تسفه اي زول !؟