يا عادل عبد العاطي يا حبيب . . تسمح ؟

Quote: طيب يا حمور لو اصلاً حمدوا في بطنو . . . البوست مفتوح لشنو ؟ و تضامن لفظي يعني شنو ؟ انا بتضامن عديل بخشم الباب مع الاستاذة منال خوجلي . . . و الوقع عليها ظلم ماحق و ضرر نفسي و مادي بليغ لا سبيل الا بجبره حتى ترضى و برضو بدين شغل العقارب و اللسع بالتخفي و التضاري وراء اي لافتة . الما بقدر يقول رايو و يدافع عنو ما جدير بانو يكون صاحب رأي ابتداًءاً ناهيك عن مطالبتنا باحترام رأيه او اعتباره . . . لكن برضو بشجب الشكل الحاصل دا كلوا . . . يا حمور شنو يعني تجوا انت و امجد تتعلموا الحلاقة في رسينا نحن اليتامى ديل ياهو شغل الدرويش السوداني الممتاز القضية مش تحت نظر قضاء ؟ و ما بتقدروا تفتوه كلو ؟ طيب الغلات دا فوق كم ؟ و كيف ح تصلوا لأي حقيقة كدا ؟ او توصلوا لينا العندكم و نحن مطلوب مننا موقف بالعاطفة ساي ؟ و امجد العرفوا بالقوانين شنو ذاتو ؟ و انت دا خريجين المحاسبة مالم ؟ عيب لي المحاسبة ؟ يا صحبي المحاسبة بتشتغل بمعايير كافرة عديل و ما عندها روح و اكثر صرامة من اي قانون و ما بتجامل . . عندنا 1 + 1 = 2 ما اي رقم تاني . . . اقول قولي هذا و دا كل القدرت عليهو في ظل المعلومات المتوفرة بعدين . . . لكل حادثة حديث

Quote: هنا رغم انك قلت ان وائل يتحمل مسؤوليتو كاملة ؛ الا انك لم تحدد مسؤوليتو عن شنو ؛ اذ انك حتى حينها غير مقتنع ان وائل طه = محمد ناصر ؛ كما انك حتى حينها لم تدنه وانما احلتنا لادانات لك مجهولة منثورة في البورد وبدلا من ان تأتي بها طلبت مني أفتش عنها - انتي قايلني فاضي زيك ؟؟ - وعموما مارست كمية من الهذار واللولوة في مداخلتك مما لا تستحمله القضية وأنا اعتبر هذا جزءا من تشتيت الكورة والمدافرة بلا معنى وانعدام الموقف .

حكاية اني ما مقتنع انو وائل طه=محمد ناصر دي عجيبة رسمي يا عادل
و اقول ليك قراية غير موفقة خالص خالص لإسهالي اللفظي الصرفتو هناك دا لما جاني جفاف ( لفظي ) ياخ !؟
و دي بقى نحتكم للجنة تحكيم محايدة فيها؟
انا ما قلت غير انو وائل طه= محمد ناصر
و اعتراضي كان على انو النتائج ( 100% ) ما متوافقة مع المقدمات ( يعني الاعتراض على المنهج ما على النتيجة )
لو جات د.بيان او علاء الدين او انت ذاتك و قلت انك مقتنع انو ( وائل طه= محمد ناصر ) من غير ما تطرح منهج ضعيف - من وجهة نظري - لما كتبت ما كتبت
عشان كدا ركزت ( كلامي ) على انو وائل طه اقلو بتحمل المسئولية الاخلاقية منفردة على الاقل لو ما اتحملها مع القانونية ، ولو نجا من القانون ما ح ينجو من ضميرو إن وجد لانو هو من جعل هذا الهراء ممكناً . . . بالنص دا او المعنى اقلو.

تاني بكرر عجز التعبير اللغوي ما بعني عجز ( القيم ) ... فما تستعجل احكامك ( ساي )

و نواصل