عاجــــــل مــــــن القاهـــــرة : لجنة من 25 عضواً برئاسة عيسى حياتو للنظر في استئناف الهلال

Quote: السلام عليكم... طبعا النادي الصفاقسي يحضر حاليا لنهائي كاس الاتحاد الافريقي يوم الاحد امام الفتح الرباطي في المغرب... الكل يتذكر احتراز الهلال السوداني على مشاركة شاكر البرقاوي في لقاء الاياب بالسودان...ونتفكرو مليح الناصر البدوي لما قال انو الاحتراز فيما معناه حكاية فارغة... انارة للرأي العام...هذه تفاصيل القضية كلها...القضية اللي باش يتم البت فيها غدوة العشية في اروقة الاتحاد الافريقي لكرة القدم... وسعو بالكم شوية معايا كيما يعرف الجميع اللي اي لاعب كاس الاتحاد الافريقي يتحصل على انذارين متتالين آليا ميلعبش المباراة اللي بعدها...عقوبتو تكون ماتش ... لكن اللي ما يعرفوش ربما البعض..انو الفصل 27 من لوائح المسابقة تنص على مضاعفة العقوبة في حالة العود...يعني لاعب في دور 16 عشر ياخذ 2 انذارات يتعاقب ماتش... اذا نفس الاعب خذا في دور نصف نهائي مثال زوز انذارات اخرين متتالين... فانو عقوبتو متكونش ماتش واحد لكن تكون 2 مباريات... هذا نص احتراز فريق الهلال..والاحتراز عملوه قبل الماتش واعلمو بيه مسؤولي صفاقس كتنبيه...لكن صفاقس اصرت انو موقفها سليم ولعبت البرقاوي... يعني الهلال عملت احتراز قبل الماتش..... تفاصيل الحكاية انو شاكر البرقاوي خذا زوز انذارات في شهر مارس/افريل في مبارتين متتاليتين ضد اهلي طرابلس ذهابا وايابا ...في الدور 32... وغاب بالتالي على مباراة الذهاب للدور 16 ضد بتروجيت في مصر... من بعد ترشح النادي الصفاقسي... ثم جمع شاكر البرقاوي انذارين اضافيين في المباريات اللي سبقت الدور النصف النهائي.. هنا برشة باش يقولو كي يدخل فريق دوري المجموعات يتنحولو الانذارات هنا المسالة تختلف...لانو الفصل 27..مياخذش بعين الاعتبار الامر هذا ....ويحسب انذرات اللاعب في اي فترة خذاهم وفي اي دور...المهم يكون ثمة عود في الايقاف... جزئية أخرى مهمة برشة..أنو يوم 23 ماي 2010 الفيفا اصدر عفو شامل للاعبين اللي في افريقيا اللي عندهم عقوبات...بمناسبة كاس عالم.... اش معنتها عفو يعني لاعب عندو زوز انذارات ومش باش يلعب...يتفسخولو.. هنا الكاف ابلغت الفرق المشاركة في كاس الكاف بالقرار..وبعض الفرق استفادت النادي الصفاقسي احتمال يكون خذا الامر هذا و شاف انو شاكر البرقاوي تفسخولو انذارين من حسابو متاع شهر مارس وافريل وسايي ..يعني دخل في حساب نظيف... لكن هنا ثمة جزئية اخرى هامة..وهي انو القرار يقول عقوبة في الاثناء en cours يعني عقوبة متمش تنفيذها....بينما شاكر البرقاوي كان توقف يوم 25 افريل في ماتش بتروجيت في القاهرة...والقرار صدر يوم 23 ماي وبالتالي فريق الهلال السوداني ارتكز على النقطة هاذي كون شاكر استوفى عقوبتو...وميدخلش تحت دائرة القرار وبالتالي عقوبتو الاولى متفسختش وموجودة...وبالتالي لما عاود مرة ثانية الايقاف كان قانونيا من الواجب انو ميلعبش 2 مباريات...ومشاركتو في مباراة السودان ايابا كانت غير قانونية.. هنا الكاف يمكن تكون طرف في القضية لانها سمحت للاعب انو يلعب لانو قبل كل ماتش افريقي الكاف ترسل قائمة باللاعبين المعاقبين في كل فريق.. لكن هنا زاده ثمة فصل موجود في اللائحة يقول انو حتى في صورة خطا الكاف بارسال اسم لاعب معاقب فانو المسؤولية مسؤولية النادي... +++ بون طبعا صفاقس باش تلعب نهار الاحد...وكلامي مجرد توضيح لمسالة معينة لم يتم التطرق اليها..من باب انارة الراي العام حبيت نسوقها... ولسبب آخر...لانو ممثلين عن نادي الهلال وهم نائب الرئيس و رئيس فرع كرة القدم الآن في القاهرة و قدمو شكوى رسمية مستوفاة الشروط... وغدا مساءا سيتم اصدار قرار في الامر من قبل لجنة قانونية في الفيفا... ونائب رئيس الهلال في صورة كان جواب الكاف سلبي...سيتوجه الى المحكمة الرياضية بلوزان للحسم في الملف قبل مباراة الذهاب للنهائي الافريقي ... +++ هذا توضيح للمسألة...ان شاء الله تكون الحكاية وضاحت....سلام.