|
|
 الليلة نوريكم تخبط الحركة الشعبية لذا اريد منكم قراءة هذا البوست بتمعن شديد لانه بوست حقيقى
|
بالامس سآلت زميلتى فى الشغل و هى دينكاوية تؤيد الانفصال و تموت فى الحركة الشعبية و اسرتها تعيش
فى الخرطوم . سآلتها قولت لها اهلك حا اعملوا شنو قالت لى الليلة يا صديق ساحكى ليك كلام عجيب
قلت ليها احكى . قالت لى الاسبوع الفات امى قررت ترجع جوبا قمت رسلت ليها الف دولار .
قالت لى فوجئت ضربت لى قبل يومين و قالت ليها انا فى الرنك مقطوعة و عايزة فلوس قالت لى قولت
ليها يمة انا الاسبوع الفات ما رسلت ليك الف دولار . قالت لى كدى النحكى القصة قالت لى انا شحنت
العفش فى لورى من الحرطوم لكوستى بخمسمائة الف و رفعت فى الباخرة بمائتين و خمسين الف
و طلبوا منى مليون سعر الشحن فى الباخرة لقيت جوبا . و انا المليون ما عندى لان المطبقة فضل فيها
الف و معاى ولدى و عايزين ندفع حق الباص لقيت جوبا . قالت لى قامت مشت للزول المسؤل و حكت قصتها
انها ما عندها مليون قالت لى المسؤل بارك الله فيه عفى المليون و قال ليها يا والدة انشاء الله نوصل
ليك عفشك لجوبا مجان اها يا بتى العفش اتشحن بقينا فى حق الباص .
قالت لى فى واحدى راكبة معانا من الخرطوم قالت ليها انا ما بخليكم هنا انت وولدك انا بدينكم حق
التذاكر للرنك اها قالت لى انقطعنا فى الرنك و عايزين فلوس . قالت لى سآلتها طيب يا يمة
ناس الحركة ما دفعوا ليكم حق السفر لشينو ؟ قالت لى ناس الحركة قالوا البسافر بشنطتو بس
بندفع ليهو حق التذكرة . ايه رآيكم فى الحركة و المؤتمر الوطنى اللذين يلعبون بالمواطن السودانى
سواء كان جنوبى و لا شمالى ؟ و على من تقع مسئولية المواطن الجنوبى المسكين الذى فقد بيته
فى الشمال تحت تهديد نافع و بيته فى الحنوب تحت استهتار الحركة الشعبية ؟
|
|
 
|
|
|
|
|
|
|
 Re: الليلة نوريكم تخبط الحركة الشعبية لذا اريد منكم قراءة هذا البوست بتمعن شديد لانه بوست حقيقى (Re: Hassan Makkawi)
|
صديق مهدي علي
تحية وتقدير ,,,
Quote: بندفع ليهو حق التذكرة . ايه رآيكم فى الحركة و المؤتمر الوطنى اللذين يلعبون بالمواطن السودانى
سواء كان جنوبى و لا شمالى ؟ و على من تقع مسئولية المواطن الجنوبى المسكين الذى فقد بيته
فى الشمال تحت تهديد نافع و بيته فى الحنوب تحت استهتار الحركة الشعبية ؟ |
لو جيت للجد ولا مسئولية أي وأحد من الحركة أو الحكومة
في السودان يا صديق ما عندنا حكومات مسئولة عن مواطنيها
شعارهم ((( العفش داخل البص على مسئولية صاحبة )))
بالمناسبة وبره البص كمان لو أنت سوداني في أي حته في الدنيا دي
بتكون متأكد أنو ما عند سفارة أو قنصلية ممكن تدعمك في حاجة لو حصلت ليك أى مشكلة
أكيد الواحد بتعاطف مع الناس ديل لانوا الانفصال عندو تبعات كتيرة ومؤلمة
ما حيدفع تمنه الا الناس الغلابة ديل
ليك التحية وأكيد التقدير
---------------------------------
*مالقيت إيقونه أقوليك برضوا دي مداخلة حقيقية
بعيد عن حكاية توم أند جيري البينا
| |
|
|
|
|
|
|
|
|
 Re: الليلة نوريكم تخبط الحركة الشعبية لذا اريد منكم قراءة هذا البوست بتمعن شديد لانه بوست حقيقى (Re: باسط المكي)
|
Quote: قالت لى ناس الحركة قالوا البسافر بشنطتو بس
بندفع ليهو حق التذكرة |
شكراً يا صديق مهدي
يا زول الحكاية واااضحة
وكلامك 100% صحيح
وزميلتك الدينكاوية صادقة 100%
والموضوع يسنده العقل والمنطق
والكلام ده قالو نافع امس
ناس الحركة بنفذوا في خطة جهنمية لتأكيد الانفصال 100%
دايرين يسهلوا للناس السفر للجنوب والتسجيل والتصويت فقط. عشان هم بقدروا يتحكموا في التصويت هناك ويلعبوا فيهو زي ما عايزين
بعد داك كلو واحد ياكل نارو ولو رجع للشمال يكون احسن
عشان كده دايرين السفر بالشنطة فقط
شكرا تاني صديق مهدي
---------------------
يا ناس البوست ده والله مهم وجاد
ما تخربوهو بالله
| |
|
|
|
|
|
|
|
|
 Re: الليلة نوريكم تخبط الحركة الشعبية لذا اريد منكم قراءة هذا البوست بتمعن شديد لانه بوست حقيقى (Re: عبد الناصر الخطيب)
|
الاخ عبد الناصر الخطيب ازيك ياخ يا ريت تفهم ما هو المقصود بعبارة العفش على مسئولية صاحبه .
المقصود بيها ان العفش لو حصلت ليهو اى حاجة مثل كسر او سرقة لان صاحب البص لا يمكن يراغب كل العفش .
نرجع للموضوع الاصلى حيث انت قولت دا لا مسئولية الحركة و لا مسئولية الحكومة .
انا اقول ليك مسئوليتهم الاثنين حا تقول لى كيف ؟ انا حا اوضح ليك كيف :-
اولا الحكومة هى المسئولة لانها شردت المواطن السودانى الجنوبى من الجنوب حيث بيته و عشيرته
عن طريق الحرب . اما الحركة فهى التى طلبت منه الحضور للجنوب للتصويت لدولته الجديدة حيث
المسئولية تقع على عاتق الحركة الشعبية لانه لا يملك شيئا . على الاقل الحركة مفروض تدينه حق
الترحيل و تطالبه بالمبلغ عندما ينصلح حاله فى الدولة الجديد و لا شنو ؟
| |
|
|
|
|
|
|
|
|
|
Re: الليلة نوريكم تخبط الحركة الشعبية لذا اريد منكم قراءة هذا البوست بتمعن شديد لانه بوست حقيقى (Re: صديق مهدى على)
|
الاخ العزيز صديق والاخوه المشاركين
بعد اتنين مليون قتيل ودمار في البلد ناس جاتم فرصه استقلال عشان ما اتوفرت ليهم حتي حق التزكره بتتوقعو منهم انو يصوتو للوحده
كلام غريب ياخي باقان وريك مشار ديل لو كعبين ديل علي الاقل بيموتو عليك الله ناس ثوره الانغاذ ديل ما بيستغيلو تقول لي وحده اخوانا
خلوهم في حالم كان كداري بيمشو العوجه ما بيتجيهم
# تخريمه كان انت وحدوي تعال لينا في دوره اعياد الشكر دي حتكون اخر دوره قبل الانفصال تعال شجع لاعبين باسم الجاليه السودانيه بفنكس
| |
|
|
|
|
|
| |
صديق مهدى على
Mohammed Awad
Hassan Makkawi
باسط المكي
الشفيع وراق عبد الرحمن
ABUHUSSEIN
Yasir Mansour Idris
فيس بوك
تويتر
انستقرام
يوتيوب
بنتيريست