فودكا وبطاطس ومساء احمر .. ( حكاية سوفيتيه ) _ مواصلة في بوست قديم _

Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _ (Re: عبد الناصر الخطيب)
فودكا وبطاطس ومساء احمر .. ( حكاية سوفيتيه ) --------------------------------------------------- _ و _ كانت الشمس تميل للمغيب والعقيد أسماعيل جالس لدي مدير مكتب الرفيق القائد في إنتظار ان يسمح له بالدخول لتقديم الملف التحقيق الابتدائي للعملية المحبطة ليلة الامس , كان الرفيق القائد منهمك في مكالمات مع الاتحاد السوفيتي واوربا الشرقية بخصوص التطورات التي حدثت بالخرطوم دخل اسماعيل وقدم له الملف في صمت وما ان ألقي نظرة على الملف حتى القاه جانبا _ أسماعيل انا حاوريك شغلك ولا شنو ده شنو الكلام الفارغ ده حركة تصحيحية كلها مدنيين وما فيها غير لواء واحد يعني الموظفين والطلاب ديل الحيصححونا ده كلام شنو شغلانتك دي نيه _ بس سعادتك حتى اللواء حسن ما عندو علاقة بالموضوع ده _ خلاص يا سماعيل ما عندو علاقة أنت العندك علاقة ... أسماعيل بالجد لو كبرته وبقيت ما قادر على شغلك قول لى عشان ما اعتمد عليك كتير ما عندي وقت أضيعوا معاك وانت طالع بتلقي قائمة جاهزة عند الرفيق مدير المكتب شيله وشوف شغلك ياسماعيل _ حاضر سعادتك _ اسماعيل عوز أشوف شغل حاول خلص الموضوع ده سريع لسه ورانا موتمر صحفي واعلان تفاصيل المؤمرة والمحاكامات .......... يلا مع السلامه في مكتب الرفيق مدير المكتب علت الدهشة وجه إسماعيل وهو يقلب في القائمة التي أستلمها من الرفيق مدير المكتب _ اللواء موسي موسي بتاع الحرس الثورى الخاص معقولة بس ياخي ده صاحب الرفيق القائد _ ياهو ذاتو بعدين الرفيق القائد زهج منو ومن زياراتوا الكتيرة وبقي مستثقل دموا عليك الله أتوصي بيهوا شديد _ ياخي من غير ما توصي بس مستغرب يكون في القائمة دي وهمس لنفسوا الرفيق القائد ما بفوت فرصة جاتو من السماء أي زول كان متحير يخلص منو خته في القائمة دي .... *** في تلك اللحظة كان الدكتور محمد احمد بقبو وزارة الداخلية يحاول أن ينام في زنزانته الضيقة أو يفعل أى شي أخر غير التفكير المتواصل في مأزقه الذي لم يتصوره يكون , وهو يلعن في سره البطاطس والابحاث والزراعة مليون مرة و أسماعيل يحقق مع محمود محمود المتهم الاساسي في المؤمرة لقلب نظام الحكم والذي تم القبض على المتهمين مجتمعين بمزرعته الخاصة باطراف العاصمة - ياسماعيل أنو جنيتو والله ياخي أنت عارف انو الناس ديل أصحابي وبنقعد مرات في المزرعة نتونس ونشرب معقول قعدة الاصحاب تبقي مؤمرة . - والله أنا مقدر الوضع بس انتو الحظكم كده تحب أطلب ليك قهوة لحدي ما تشوف التفاصيل - كويس معقولة لحقته تجهز الورق ده كلوا وريني أنهمك الرفيق المتهم الرئيسي في القراءة حتى تحضر القهوه - وده منو محمد أحمد الجبناهوا من لندن ده - الدكتور بتاع مستقبل البطاطس - ياخي الزول ده ما قابلتوا غير مرة مرتين طيب منو غيروا من العناصر الاستدعيناها من بره !!! - زوج بتك الكبيرة المقدم جميل الجمال - ياخ بتبالغ الزول ده في الملحقية العسكرية في موسكو زولكم وإشتراكي ملتزم و جاء البلد إجازة , وحسن اوعة اللواء حسن قائد إدارتكم دي - تصدق أنا زاتي محبط قلة وطنية وولاء منو للرفيق القائد نقول شنو !!! - طيب حسن بعرفوا قول جائز موسي موسي بتاع الحرس الثوري الخاص ياخي معقول تلمنا مؤمرة واحدة والبلد كلها عارفة مشاكلنا مع بعض - والله يا أستاذ ممكن تكون الحاجات دي حاصلة بس يمكن بينكم رغبة في التعاون ضد الرفيق القائد أو انو أضطريتو تستعينوا بي في العملية فكت حيرة وتكبير كوم - ياسماعيل الكلام ده كلو ماحاصل كل التفاصيل دي ما لافقة على بعض دي مؤمرة شنو!! - والله حسب الورق القدامي الكلام ده حاصل ومفروض نتعاون خصوصا أنك أتعرفته على معظم المتهمين في المؤمرة - يارفيق انا مامغالط في شي أنتو نويتوا علينا بس كمان بالمعقول مؤمرة لميتو فيها الشامي على المغربي لكين كمان أديني كلام معقول - طيب الورق قدامك برحتك اكتب لى تفاصيل المؤمرة البتشوفة مناسبة _ طيب خليني أكتب ليك تعديلات التفاصيل على طريقتي _ ياسلام يارفيق ده كلام جميل ومنسق _ عيب نحنه البدعناها بعدين الرفيق القائد لو عوز يخلص مننا لازم المؤمرة تكون تستحق ومع الخيوط الاولي لفجر اليوم الثاني كان الرفيق محمود محمود يضع اللمسة النهائية للاوراق التي سيوقعها مع بعض التعديلات لتبدو المؤمرة اكثر منطقية وعن دكتور محمد أحمد النائم من الارهاق في القبو كتب أنه من العناصر التى تم تجنيدها بالخارج ونم إحضاره للبلد بقصد المشاركة في العملية وتم إحضاره على وجه السرعة لمكتب العقيد أسماعيل والرفيق محمود محمود لم يزل يكتب اللمسات الاخيرة لاعترافاته - نائم يا دكتور معليش قطعنا نومتك الرفيق وضح دورك المهم في المؤمرة أكيد عرفتوا - وهل يخفي القمر ده الدكتور محمد بتاع البطاطس وأحد من اهم عناصرنا - وبعرض المتهم رقم 9 على المتهم الاول تعرف عليه و............... - ياجماعة انا بعرف الرفيق بحكم عملى مؤمرة شنو الانا من عناصره ياجماعة أنا دكتور بطاطس والله العظيم دوري كان في البطاطس وبس ........... _ ما قلنا حاجة جاى للبطاطس والمؤمرة وصورة الرفيق القائد اعلى الحائط خلف مكتب إسماعيل تطالعهم وتبدوا على وجهه سمات الارتياح ---------------------------------------------- ( يتبع) (عدل بواسطة عبد الناصر الخطيب on 11-05-2010, 11:57 AM)

العنوان	الكاتب	Date
فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:31 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:33 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:36 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:37 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:42 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-05-10, 02:48 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	اشرف السر	11-05-10, 03:21 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-05-10, 03:35 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-05-10, 01:23 PM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-05-10, 08:19 PM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-06-10, 12:28 PM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-07-10, 09:20 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	omer osman	11-07-10, 09:47 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-07-10, 11:09 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-07-10, 11:17 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]