فودكا وبطاطس ومساء احمر .. ( حكاية سوفيتيه ) _ مواصلة في بوست قديم _

Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _ (Re: عبد الناصر الخطيب)
فودكا وبطاطس ومساء احمر .. ( حكاية سوفيتيه) --------------------------------------------------- _ و _ ولما تقدم المساء كان عدد من العربات السوداء يقترب من مقر الرفيق القائد الذي كان في انتظار ضيفه الكبير الرفيق محمود محمود للعشاء فجاءه في موكب مهيب فنظر لهم من الشرفة وهمس لنفسوا محمود محمود ده مالو زي الجاى دافنه ....... _ والله يا رفيق كان عربية ليك وعربية لحرسك كفاية _ يا دكتور بقيت اليوم كلو تصرف في ملاحظات , ياخي أنا حاليا أكبر قيادة بالحزب النوع ده من البرتكول ما لى للحزب وأسمو ونوع من إظهار هيبتو وقوتوا ............ _ الحته ما كده كل الاحزب الشيوعية بتسّخر البلد وناسه وإمكانياته لرفاهية القادة أظن ده شي معروف كقادة ملهمين وآباء لشعوبهم وباقي الترهات الزي دي ... مهما كان حال البلد وتعب ناسه برضوا الحزب وقادتوا وكوادروا بيكونوا في دنيا تانية ... _ انا ماجاى أكلمك في الشيوعية ولا نختلف في كلام فارغ ز ي ده بس هدّن نفسك شوية لولا الشيوعية ما كان واحد زيك يحلم يصل لأهم منصب في البلد والحزب في البلد الهامله دي وهو ما شيوعي _ صدفة يا رفيق ....... وفكت حيرة _ طيب ما أنت عارف مالك يادكتور من أوله أبتديت خاشي فينا عكس , بعدين كلامك القلتو ده كلو فارغ و كل الترهات البتتكلم عنها دي حزب وقادة وووو يأخي نقوله للناس نكتبه في جريدة الحقيقة نختها في أخبار تسعه مساء لكين أصلا مابينا يادكتور ... الناس بعد ما تحكم يابني كل النظريات بتسقط ببقي الموضوع كيف يحكموا ما كيف ينظروا ... _ ما فهتمه _ في فرق مما تكون قاعد في قهوه الطير الأحمر تنظر في مبادي الحزب ونظرياتوا والاشتراكية العالمية والسلم بين الشعوب و....... تكون قاعد القصر الجمهوري هناك بتنظّر وهنا تمشي حكمك وبس بغض النظر إتفق ولا أختلف مع تنظيرك فهمته بالرفيق القائد يا أعلى منصب دستوري وتنفيذي في البلد ... الحزب يادكتور والنظريات دي للمثقفين والطلبة لكين ما للحكام كلامي ده وأضح ولا أقولوا تاني _ خير كلامك واضح ..... _ يبقي ما توجع قلبك بالرتوش وأهتم بالمهم _ والمهم _ المهم أنو البلد تتقبض بقبضة من حديد , وتحاول تنسي كل حياتك الفاتت بما فيها قعاد القهوة وتبتدي تدخل في الجو الجديد .... يادكتور أنت القدر خدمك بتمني أنك تثبت أنك قدر الخدمة دي في وقت متاخر طلب صديقه احمد محمد وحكي له مادار بينه وبين الرفيق محمود محمود فنصحه أن يتجه لنوع من التهدئه معه فالرجل فعليا هو القابض على أمور البلاد وموسي وحسن ولائهم له فيجب الانتباه .................... * كانت الاشتراكية والحزب دوامه كبيرة تأخذ وقت البلاد والعباد وتدور بهم في لاشي ... ذلكم ما إقتنع به الدكتور الرفيق القائد بعد أشهر من استتباب الوضع وزيارات الدكتور لموسكو وبراغ وأديس أبابا وعدن و.... نفس المشاهد والحكومات والزعماء الملهمين نفس الصور التي تملاء الشوارع ... والحزب والنظريات ونفس البؤس كان يتمني أن يجد في تلك الزيارات نظام شيوعي واحد أهتم بالناس أو حسّن حياتهم ...... جنة الاشتراكية في خيال كوادر الحزب فقط اما بقية الشعب لهم ....... جهنمه _ والله الناس ديل عينهم قوية شديد _ كيف الكلام ده يا محمد _ عليك الله يا سعاد في الكم بلد الشفناهم ديل ... لاقاك فيهم بلد واحد نافع كلها بلاد تعيسه خلقه _ بس يا محمد دي بلاد شيوعية ماشة بمبادى الاشتراكية الحقة و....... _ سعاد عليك الله بلا تنظير ... أنا قصدي الناس وصحتهم وتعليمهم وحياتهم الاشتراكية حققت ليهم شنو !!! _ والله ما عرفة حنانوف صاحبتي بتقول لى وأحد من قادتنا العظام السابقين بقول الوعي ولا شي غير الوعي يعني بوعوا الناس .... _ بشنو ؟؟؟ _ والله ما عارفة يا محمد يوعوهم وخلاص .... _ تصدقي وتؤمني بالله حتي دي ما حاصلة ياسعاد يعني الناس أساسا ما موجودين في فكرة الاشتراكية الحقة دي زيهم وزي أي ترس في مصنع أو فرد من ضمن الحشود البتهتف باسم الحزب وقادتوا العظام ... يعني بسرقوا وعيهم ويسوقوهم في طريق افشل نظرية عرفه العالم _ يعني حتى الوعي ............. كذبه _ والله إنا ما شائف أنو الناس لقت منهم شي اكتر من التنظير والتراب الكل خشمهم بحكم الناس ديل للبلد _ محمد عليك الله خلينا من الكلام الزي ده _ خير يا سعاد كلها دقائق والطيارة تهبط مطار الخرطوم الاشتراكي * هبطه طائرة الرفيق القائد بمطار الخرطوم الاشتراكي وفي انتظاره بعض قادة الحزب وزير الثقافة أحمد محمد والواء حسن قائد الشرطة السرية الخاصة وصحفي من جريدة الحقيقة وعشرون صحفي روسي بقاعة كبار الزوار بالمطار المكتوب في مدخلها بخط أنيق يا عمال العالم وشعوبه المضطهدة ....... أتحدوا _ سعادة الرفيق القائد ممكن تصريح بعد جولتك الخارجية _ جولة ناجحة لاقيت فيها قاده الكرملين بموسكو لمزيد من التعاون المثمر بين البلدين وزيارة خاتفه لاوربا الشرقية وإثيوبيا للاطمئنان على سير تنفيذ الاتفاقيات الثنائية مع النظام الاشتراكي في البلد الإفريقي الجار وعندنا فكرة في منظومه اشتراكية افريقية للتعاون تنضم ليها أنجولا ... _ ممكن سعادتك يتكلم لينا اكتر عن لقائه مع الرفيق برجنيف _ بكره حيتم نشر التفاصيل في جريدة الحقيقة أرجو انكم تسمحوا لى لاني جاى من السفر وتعبان شوية ثم ركب عربته مع صديقه احمد محمد بعد ان أخذت عربة أخري زوجته سعاد للبيت _ تصريحاتك أتحسنت شديد يادكتور _ والله يا أحمد يوم بعد يوم الواحد بتعلم كيف أحوال البلد في الأيام الغبتها دي _ ياهو حاله مافي شي بتغير ولا شي بختلف حضر نفسك في مؤتمر اللجنة المركزية للحزب أخر الأسبوع _استعنا على الشقاء بالله .... وبينما موكب السيارات السوداء يخرج من المطار كان يراقبهم الدكتور في صورة كبيرة بشارع المطار ويبدوا فيها سارح في ملكوت الله في حال أقرب للحيرة -------------------------------------------- ( يتبع ) (عدل بواسطة عبد الناصر الخطيب on 11-07-2010, 09:39 AM)*

العنوان	الكاتب	Date
فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:31 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:33 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:36 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:37 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-04-10, 02:42 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-05-10, 02:48 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	اشرف السر	11-05-10, 03:21 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-05-10, 03:35 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-05-10, 01:23 PM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-05-10, 08:19 PM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-06-10, 12:28 PM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-07-10, 09:20 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	omer osman	11-07-10, 09:47 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-07-10, 11:09 AM
Re: فودكا وبطاطس ومساء احمر .. ( حكاية سوفيتيه ) _ مواصلة في بوست قديم _	عبد الناصر الخطيب	11-07-10, 11:17 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]