|
|
 هذا ما رايته في منامي بخصوص الهلال
|
قبل عودتي الى البيت مساءاً قبل ايام اتصلت على ولدي عمار .. اها الليلة عازمكم اكل من بره عايزين شنو ؟ عمار قال عايز (بروست البيك) ووعد قالت ياابوى جيب لينا (بيتزا) ...واما انا فنفسي في فطاير تركية ...لذلك شكلت من كل نوع ... واحد بيك ...بيتزا خضار واحدة ...فطاير تركية بمكسرات وثانية بلبنة واخرى بزعتر واخيرة بعسل ولبنة ...يعني عشا خفيف .... بعد العشاء اتفرجت كورة هلال الجبال والميرغني وبعدها اتوضيت وصليت العشاء المؤخرة ونمت - يعني نمت طاهر - ورغم اني ماعارف شكل المباريات في الواقع لكن بحكي ليكم الشفتو في منامي الطاهر ...:-
الصفاقسي يقصي الهلال ويقابل الفتح على النهائي ويفوز بالكأس... كما رأيت -اللهم اجعله حقيقة - ان الهلال والاتحاد الليبي يلعبان في الثالث والرابع وعلى خلاف اللقاءات السابقة الهلال شاف المكشن بلا بصل( على قول مواهب ) وخسر امام الاتحاد الليبي ..
لاتفتوني في رؤياي فقد افتيتكم فيها ...فاولياء الله لاخوف عليهم ولا هم يستفتون ..
مبروك الرابع ....
|
|
  
|
|
|
|
|
|
|
 Re: هذا ما رايته في منامي بخصوص الهلال (Re: فيصل نوبي)
|
| Quote: واحد هلالابي موت شاف بوستك دا قال لي صحبك دا جاهو ود ابليس |
أساسي ونوبي: اتحشموا!
| Quote: فطاير تركية بمكسرات وثانية بلبنة واخرى بزعتر واخيرة بعسل ولبنة |
فايز والله كنت عايز اقول بي سبب [الفطاير] دي جاتك الشافعة..
الا الرشاشات الفوق ديل طبظوها مره واحده!
___
أخوك محمد
[رشاشه نص كم]!
| |
|
|
|
|
|
|
|
|
 Re: هذا ما رايته في منامي بخصوص الهلال (Re: محمد عبدالرحمن محمد)
|
محمد عبدالرحمن اهلاً بيك ومرحب في البوست والمنبر ...
Quote: فايز والله كنت عايز اقول بي سبب [الفطاير] دي جاتك الشافعة..
الا الرشاشات الفوق ديل طبظوها مره واحده |
اها الفوق ديل تفرق شملهم الا علينا ....مافي شي لاميهم غير ودابليس ...
ابشرك بعد حلم المباراة جات بت ابليس تبارك ...
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: معتصم محمد صالح)
|
| Quote: ان الهلال والاتحاد الليبي يلعبان في الثالث والرابع وعلى خلاف اللقاءات السابقة الهلال شاف المكشن بلا بصل( على قول مواهب ) وخسر امام الاتحاد الليبي .. |
لو ما أكون غلطان ما أظن في مباراه تحديد المركز التالت في البطوله دي؟؟
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: فدياس نجم الدين)
|
العزيز ود القاضى
عاطر تحياتى
بالمرة اليوم الخميس - بعد اداء الواجب - اغتسل و صلى ركعتين و نوم على جنبك اليمين... و .. احلم بمزاج كده و شوف لعمك :
وحدة .. انفصال .. فدرالية .. كونفدرالية !!
عشان الموضوع دا غلب الكبار و القدرو .. و اصبح العشم فيكم ....... دستور يا الاسياد .. حلم !!
اساسى ... تتجازى !!
مودتى لكما
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: يوسف محمد يوسف)
|
الريس استاذنا الصفوة يوسف محمد يوسف ... مشتاقون يارجل ولك من التحايا ارقها ...
Quote: بالمرة اليوم الخميس - بعد اداء الواجب - اغتسل و صلى ركعتين و نوم على جنبك اليمين... و .. احلم بمزاج كده و شوف لعمك :
وحدة .. انفصال .. فدرالية .. كونفدرالية !!
عشان الموضوع دا غلب الكبار و القدرو .. و اصبح العشم فيكم ....... دستور يا الاسياد .. حلم !! |
ذكرتني الواجب ياحليله ..!!
ده موسم الخسارات ..لاوحدة ولا فدرالية ولا كنفدرالية ..انفصال وانهزام بس ...
لك مودتي ..
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: فايزودالقاضي)
|
يافايز سلام ...
نميري "رحمة الله عليه" ايام الشريعة ديك كل يوم يحلم ويجي يحكي الحلم لي زين العابدين "رحمه الله"
اها يوم قال ليك جاهو من الصباح وقال ليهو والله امبارح حلمت بي حاجة غريبة خلاس ....
قال ليه كيف ... قال ليه امبارح حلمت جاني في النوم سيدنا عمر بن الخطاب لابس بدلة بيضاء ...
قال بالله قوم كدة ولا كدة دا تلقاهو عمر الجزلي
..
..
----
اها انت بتكون حلمت بي هلال الساحل يا اخوي
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: جلال عثمان)
|
الرشاشة جلال ...سلام ..
داير احكي ليك حاجة حصلت معاي ...قبل سنوات كنت شغال مع ناس المرور في طباعة الرخص دوامي كان مقسم على فترتين فترة صباحية واخرى مسائية- بعد العصر - ..فكنت بطبع الصباح وبمشي البيت عشان بعد العصر اطبع ماتبقى من ملفات رخص تم استلامها بعد الظهر ودي مابكون عارف عددها ...اها قبل اجي المكتب في الفترة المسائية بقوم اتصل على الشخص المناوب ..بقول ليهو اها باقي كم رخصة عايزة طباعة ؟!! بقول كذا رخصة ...اها مرة اتغديت زي عشاء الحلم ده ونمت ... وانا نايم حلمت بأني اتصلت على المناوب وقلت ليهو باقي لينا كم رخصة ؟ قال لي : باقي 40 رخصة ...صحيت من نومي وقمت اتصلت على المكتب ورد على نفس الشخص الشفتو في المنام وقلت ليهو باقي لي كم رخصة قال : 40 رخصة ...كما رايتها .. ومنها بقيت اطمن على احلامي ...
من هذه الحيثيات الهلال راجع بالتونسية ..
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: حاتم كاهن)
|
الكاهن حاتم ...سلام ومشتاقين والله .... قلت تظهر مع الحلم ولا شنو ؟!!
Quote: يا فايز ..
قلتلي حلمت وكمان بالهلال ؟؟
حلمك ده من ناحية فيهو رش .. فأكيد فيهو ..
بس هلالنا ده ابعد ما يكون من حلمك الحلمتو ده ..
كان نمت جعان معليش ..
بس فطايرك دي كانت جابت شي فأكيد يا حبيب ما بتجيب الهلال ... |
ياحاتم اقرا كلامي لجلال ...الموضوع طلع من الواقع ودخل الحلم ...يعني مابقى في الايد ..
ــــــــــــــــــــــــ
ياويكاب موضوع الفطاير ده اطلعوا منه ..
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: فايزودالقاضي)
|
الضليلابي
ود القاضي
سلامات ياخي
| Quote: واما انا فنفسي في فطاير تركية ...لذلك شكلت من كل نوع ... واحد بيك ...بيتزا خضار واحدة ...فطاير تركية بمكسرات وثانية بلبنة واخرى بزعتر واخيرة بعسل ولبنة ...يعني عشا خفيف ... |
اول مرة اعرف انو اكل الفطائر التركية بسبب هلاويس
المرة اتعشي كوارع ياخي
خالص الود
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: جعفر محي الدين)
|
ابو النسب ...سلامات ...
Quote: الفي قلب أم الخير تحلم بيهو بالليل..
شكلك لقيت الأولاد نامو... وضربت العشاء برااااااااك
|
نسيبتك في السودان عشان كده واقع في البيك والفطاير التركية التجيب الاحلام الوردية ...
| Quote: هلالنا صعب وكاساتو دهب.. |
متين ده ؟؟؟استلمت الحلم ولا شنو حاج جعفر ؟!!!
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: Abdlaziz Eisa)
|
عبدالعزيز ياصفوة ...سلامات ...Quote: ود القاضي
سلامات
طيب ايش رأيك انا حلمت شايف المعز كم مرة كدا بيطلع الكورة من الشبكة..
انا قلت المعز ده هناك بيلعب راس حربة... وأحرز تلاتة اهداف!!
التونسية دي الهليلاب ركبوها من عطبرة..
تحياتي |
ياسلاااااام... حلمك مريح ...شكلك حليت بعد الفطاير ...
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: جمال الباقر)
|
يادكتورنا ...سلامات ..والله على حس دكتور دي قايلك من الصفوة ...الهلالاب ديل خرجوا دكاترة من ورانا ولا شنو ؟!!!
Quote: منو القال ليك ؟؟؟
بعد العشاء مافي اختشاء
بس الجماعة ديل راشنهم راشنهم ما دايرة ليها فطاير تركية |
نحن ايام مبارياتكم دي بنختشي ونتعشي فطاير ..
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: جمال الباقر)
|
| Quote: الضمير راجع للهلال |
الله يريح ضميرك ...انا ذاتي قلت كده ...
على حس كده نحكي الحكوه دي :
واحد متعقد من صلعته بصورة اكتر من دكتور امين لامن جاتو نفسيات ..اها واحد حكيم كده قعد معاه وقال ليهو يافلان الصلعة دي مافيها حاجة وهي دليل عبقرة وعلم ونبغنة ، هسي تامر داك عنده صلعة وهو دكتور وهيثم داك برضو عنده صلعة وهو مهندس وهكذا عدد ليهو مجموعة من الصلع المحترمة في مهن محترمة ..زولنا نفسياتو بقت عال العال ومحل مايلقى صلعة يسلم على صاحبها معتقد انو عبقري ونابغة او صاحب مهنة كبيرة ..مرة كده ركب حافلة ولقى واحد قدامه بصلعة بالغة في الاحترام ..سلم عليهو وقال ليهو الاخ دكتور ؟!! ابوصلعة قال ليهو : لأ .. طيب انت مهندس ؟!!.قال ليهو برضو لأ ...طيب اكيد استاذ جامعي ؟!!..برضو قال ليهو لأ .. وهكذا من مهنة لمهنة وداك ينفي ...اخيراً قال ليهو طيب انت شنو ياخي ؟!! قال ليهو : انا سباك ..أخونا عاين ليهو من تحت لامن صلعته وركز على الصعلة وقال ليهو :: طيب سباك دي كمان دايرة ليها صلعة ....؟!!!!!
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: خالد عبد الله محمود)
|
Quote: تنوم السهر
أنت أصلاً النايم ليها شنو ؟؟
ما تشيل الليل ده تقرأ ليكـ جزء جزئين ينفعوكـ في زنقة زي زنقة الوحدات ديكـ ؟
|
ياخالد قلت ليك انا صليت العشاء يعني قريت فيها تلاتة اجزاء وشفت الحلم ده ..اها في نفع اكتر من كده ...؟!!
انت بعد اولادك ديل single ؟!!!
| |
|
|
|
|
|
|
|
|
 Re: هذا ما رايته في منامي بخصوص الهلال (Re: جمال الباقر)
|
| Quote: قبل عودتي الى البيت مساءاً قبل ايام اتصلت على ولدي عمار .. اها الليلة عازمكم اكل من بره عايزين شنو ؟ عمار قال عايز (بروست البيك) ووعد قالت ياابوى جيب لينا (بيتزا) ...واما انا فنفسي في فطاير تركية ...لذلك شكلت من كل نوع ... واحد بيك ...بيتزا خضار واحدة ...فطاير تركية بمكسرات وثانية بلبنة واخرى بزعتر واخيرة بعسل ولبنة ...يعني عشا خفيف |
بالله قوم لف بلا فقر معاك
إنت لو بتعرف الحاجات دي كلها و بتعرف بجيبوها من وين كان دا حالك ؟؟؟
غلطان أساسي البتونس معاك بي الحاجات دي تلفحها و تجي تفتح ليك بوست عن كورة الهلال
و تجيب سيرتها
الدخل الحاجات دي في حلمك شنو ؟؟؟؟؟
غايتو أساسي أصلو ما عمل فينا خير
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: ABUHUSSEIN)
|
Quote: بالله قوم لف بلا فقر معاك
إنت لو بتعرف الحاجات دي كلها و بتعرف بجيبوها من وين كان دا حالك ؟؟؟
غلطان أساسي البتونس معاك بي الحاجات دي تلفحها و تجي تفتح ليك بوست عن كورة الهلال
و تجيب سيرتها
الدخل الحاجات دي في حلمك شنو ؟؟؟؟؟
غايتو أساسي أصلو ما عمل فينا خير |
سيرة الفطاير المعسلة جابت النمل ...
مالي لا ارى الهدهد صديق مهدي ؟!!!
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: معاوية المدير)
|
معاوية المدير ...سلام يارشاشة ...
Quote: طاهر ابو زيد؟
لا عليك الله المرّة الجاية نوم طرزآن
عشان تقلب لينا الحكومة.
علي اليمين نرشهم إلا تمشوا
تكتبو في منبر مريخ ود الحداد... |
حلمي ده حايبني عليهو زميلي الصحفي مزمل ابوالقاسم كل كتاباته القادمة ...حلم مرتب ومؤسس ومفطر ومبيك ومبتزز ثم تلته صلاة خاشعة لايخيب من حلم بعهدها ..
ــــــــــــــــــــ
*بالمناسبة الحلم بيتكلم عن كل النهائي وليس مباراة واحدة ...
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: فايزودالقاضي)
|
| Quote: في الحلم شفت مباراة تحديد التالت والرابع ..لكن في الواقع ماعارف ...اقول ليك حاجة : ماتجي تخش الحلم وتغير النتيجة .؟!!! |
بسيطة ياودالقاضى ,, هسع واحد منهم ينوم طار زان (زى ما قصد ودالمدير)ويجى يغير ليك النتيجة
اديهم الفصاحة وطولة اللسان.
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: السيد المسلمي)
|
السيد ياكرينابي ...سلام
Quote: فايز يامترف !
كيف تنوم وأهلنا في سقط لقط يفترشون السماء !! ّ؟
وكيف تسمح لنفسك أن تحلم وتستمتع مع ( ماذكرهـ أساسي ) والبلد مقلوبة رأساً علي عقب !!؟ |
برغم ان السماء لاتفترش لكن ولأنكم طايرين طايرين كلامك بقى فوق في السماء حيث الطيارات التونسية الحايمة ..
قال يفترشون السماء ..!!!!
مرض خلاص !!
| |
|
|
|
|
|
|
|
|
|
Re: هذا ما رايته في منامي بخصوص الهلال (Re: فايزودالقاضي)
|
Quote: الصفاقسي يقصي الهلال ويقابل الفتح على النهائي ويفوز بالكأس... كما رأيت -اللهم اجعله حقيقة - ان الهلال والاتحاد الليبي يلعبان في الثالث والرابع وعلى خلاف اللقاءات السابقة الهلال شاف المكشن بلا بصل( على قول مواهب ) وخسر امام الاتحاد الليبي ..
لاتفتوني في رؤياي فقد افتيتكم فيها ...فاولياء الله لاخوف عليهم ولا هم يستفتون .. |
للتوثيق يا فايز ومهزوم
| |
|
|
|
|
|
|
| |
فايزودالقاضي
معتصم محمد صالح
اساسي
فيصل نوبي
محمد عبدالرحمن محمد
فدياس نجم الدين
الامين موسى البشاري
يوسف محمد يوسف
جلال عثمان
حاتم كاهن
ياسر بيناوي
جعفر محي الدين
Mohamed Foto7li
Abdlaziz Eisa
جمال الباقر
خالد عبد الله محمود
ABUHUSSEIN
معاوية المدير
عبدالعزيز الفاضلابى
khaleel
امير عوض الجمري
elsawi
حسبو عكاشة
عبد العظيم احمد
haroon diyab
جمال السنوسي
ادم شحوتاي
أبوعبيدة محمد الأمين
معاوية عبيد الصائم
فيس بوك
تويتر
انستقرام
يوتيوب
بنتيريست