|
|
|
 Re: الصفاقسيون الجُـــدُدْ !!! (Re: كمال حسن)
|
كيفك ياكمال
Quote: ومنهم من فتح البوستات
كلموهم ياخوانا قولوا ليهم ده شهراً ما عندكم فيهو نفقه |
كلمناهم ياكمال ولو انو حرام الواحد يحلف على غيب لحلفنا لهم بأن هذا الشهر لا نفقة لهم فيه
لكن هم ياكمال خايفين من البوستات التي سوف نقوم بفتحها بعد إنشاء الله فوز الهلال بكأس الفيدرالية
والبوست بتاعي هو إنشاء الله (اذكر اسم اول فريق سوداني يلعب نهائي الكونفدرالية في السودن العظيم) بعظمة الله.
غايتوووووووووووووووووو
أمانة ما وقع راج/ي/ل
الصادق
| |
 
|
|
|
|
|
|
|
|
Re: الصفاقسيون الجُـــدُدْ !!! (Re: Hassan Senada)
|
ابو الجاز يا حبيب كيفنك
تعرف الشباب ديل ماسكاهم الكاروشه ساااااكت
يعني لو الواحد فيهم بيخت شعار فريقهم في بروفايلو ما عندنا مشكله معاهو ، ما ياهو فريقهم
لكن كمان معقوله شعار الصفاقسي ؟؟؟؟
باااالغووو والله
حسي دي بعدين يبلعوها كيف؟؟؟
| |
|
|
|
|
|
|
|
|
Re: الصفاقسيون الجُـــدُدْ !!! (Re: كمال حسن)
|
تحياتي يا كمال وضيوفه الكرام
المداخلة التالية والتي تليها أنقلها لكم من منتدى الهلال (بدون تعليق):
Quote: (((معروف بان فؤيق الهلال السوداني له تاريخ غير مشرف في شراء ذمم الحكام الافارقة ... وقد انتبه الكاف لهذا الامر السنة الماضية .. فبعد ان صعد الهلال (كرور البلد - وهو لقبه) الي دور الاربعة في بطولة الابطال الافريقية .. اشتكي عدد من الفرق بان الحكام قد ساعدو الهلال بضربات جزاء وهمية وعكس للحالات وعدم احتساب اهدف صحيحة لهم .
------------
وفي نصف النهائي عين الكاف تحكيم هجين لمباراة الهلال امام مازيمبي (حكم من بلد ، رجل خط من بلد اخر ، ورجل خط ثاني من بلد مختلف) .. وايضا تم رصد موفد من الهلال في بلد رجل الخط الاول .. فتم تبديله ..وكانت النتيجة الطبيعة هي هزيمة الهلال 5 - 2 امام جماهيره وداخل استاده وبتحكيم نزيه لم يصل اليه بالرشوة.)))
|
| |
|
|
|
|
|
|
|
|
|
Re: الصفاقسيون الجُـــدُدْ !!! (Re: Nasruddin Al Basheer)
|
الأخ نصر الدين التحايا الطيبة
عليك الله ده كلام ده
حسه زي ده تقول عليهو شنو
يعني هو داير يصل لي شنو أصلاً بي الكلام ده
الحاجه الكويسه إنو الصفاقسيون الجدد ديل ما كتار
لكن البغيظ ما بتتخيل إنو في زول رياضي (ما داير اقول سوداني) ممكن يسوي كده 
| |
|
|
|
|
|
|
|
|
|
Re: الصفاقسيون الجُـــدُدْ !!! (Re: كمال حسن)
|
كمال حسن
سلامات
الناس ديل راجفين ومهضربين
وحالتهم بقت صعبة
انت ما سمعته الكورة لمن تفك بتبقي في اللسان والجرايد
لكن الناس ديل كورتهم خرجت ولم تعد
واصبح فرحهم في هزيمة الهلال
عظيم يا الهلال
غايتو يوم بتفقع ليك مرارة زول
| |
|
|
|
|
|
|
|
|
|
Re: الصفاقسيون الجُـــدُدْ !!! (Re: ahmed khidir)
|
خليهم يجقلبوا هسع
لكن بعد ما نشيل الكاس (إن شاء الله )
اليخبروا ليهم جحر!!!!
الطيشاب، الأربعاب، السبعاب،.......... الوصيفاب
طول عمرهم حا يبقوا وصيف... لأنهم بنشغلوا بالهلال أكثر من انشغالهم بي مواسيرم ديل!!
وقولوا لهم خموا وصروا!!!!
الهلال منتصر ورافع الهامات كما عودنا دائماً
| |
|
|
|
|
|
|
| |
كمال حسن
ياسر معتصم
الصادق صديق سلمان
Nasruddin Al Basheer
ahmed khidir
عبد اللطيف عبد الحفيظ حمد
فيس بوك
تويتر
انستقرام
يوتيوب
بنتيريست