|
|
 الكـااااك X الغـااااغ (أستديو تحليلى)
|
يستعد فريق الكااااك بقيادة نجمه هارون دياب الشهير بهارونا للقاء المصيرى الذى يخوضه فريق الغااااغ بقيادة محترفهم (الأجنبى) خليل الشهير بقسطنطين . وستبدأ المباراة المفتوحة بين الفريقين فى العشر الأواخر من شهر اكتوبر . وربما امتدت الى شهور فى حال فوز الغاااااغاب وتحليقهم بأمان فوق الأجواء التونسية شمال خط العرض (خمسة. )
يراهن فريق الكااااك على تاريخ الغااااغاب الخالى من البطولات الدولية
|
|
 
|
|
|
|
|
|
|
 Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
يمثل فريق الكااااك
Kosta فى حراسة المرمى
رباعى دفاع
معتز, صديق الموج,فايز ودالقاضى,معاوية محمد الحسن.
خط الوسط:
هارون دياب (هارونا) لـصناعة الكااااكات وتوزيعها حسب مجريات اللعب وهو احسن من يجيد هذه الخانة.
عمر عثمان (جنابو) وستكون مهمته قطع الكور الطولية المرسلة من حارس ودفاع المنافس.
خالد درق : وستكون مهمته الضغط على الخصم فى منتصف ملعبه
الهجوم:
أساسى
عبدالعزيز عيسى
طارق جبريل
وفى احتياطى الـكااااك كل من:
محمد الأمين احمد
حسن سناده
سيف المكى
ابوقوته
الحاج احمد الحاج
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
بينما يمثل الغااااغاب
ودالصايم فى حراسة المرمى
كمال حسن , احمد خضر , ياسر بيناوى, بشير حسن بشير. رباعى دفاع
سيف الدولة كامل , اشرف الباقر . الباقر يحيى (مسجل حديثا) لخط الوسط
فى المقدمة : خليل (محترف أجنبى) , محمد البشرى الخضر , عثمان رغيم.
وفى احتياطى الغااااغ: تمبس , مدثر قرقاج , معروف حمدين , أمين يحيى ,بكرى عباس
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
ود عمي فاضلابي سلام جاك
نبدا الاستوديو بمقال خالد عز الدين وبعد داك نشوف الفي الكتاب
Quote:
ما بين المقص والفاصلة !!
نحن زمان قلنا .. أولاد عمنا ديل زي الزول البريد (الكوتشينة) لو لاعب مشكلة ولو قاعد بره مشكلة!!
لو دخلوا دوري المجموعات معانا كان عذبونا بالكلام. المريخ يستعد لدوري المجموعات.. النفطي يتدرب بقوة. المهدي يعود من تونس.. الفلسطيني يتحدى الهلال !! طمبل يتماثل للشفاء ويهدد الدفاعات الزرقاء!!
ما دخلوا دوري المجموعات برضو الإزعاج مستمر .. مركزين معانا تركيز شديد.. حافظين تواريخ مبارياتنا اكتر مننا.. الواحد تتناقش معاهو تلقاهو حافظ لاعبين الصفاقسي اكتر من ( لوشانتر).
والله (بلولة) عندو قريبو اسمو أحمد عثمان.. مريخابي مرضان.. ده مؤجل سفروا قال راجي كورة المقص!!
ومزمل يكتب عن قوة دوري الأبطال وضعف دوري المجموعات في الكونفدرالية.. الضعفة الما قدر يدخل ليها المريخ !!
وحسن محجوب يقول ليك قلوبنا مع الصفاقسي.. حتى في الدوري التونسي بقوا يشجعوا الصفاقسي واللذيذة انو الصفاقسي كان لاعب مع الترجي.. كلها ذكريات مؤلمة!!
وده كلو كوم واحمد حمد احمد كوم.. احمد خلي اي حاجة وبكتب من هسة عن تشكيلة المريخ في مباراة الهلال..
يا ابو حميد القصة دي لسه بدري ..
والله نحن ما متذكرين انو في مباراة معاكم ذاتو ..
لسه نحن لاعبين مع اتحاد مدني ومسافرين تونس ولاعبين مع الصفاقسي وبعد كده عندنا مباراة مع النيل الحصاحيصا وحي العرب .. اااايك
معقولة يا جماعة !!
احمد بتكلم عن ضعف هجوم المريخ امام دفاع الهلال .. وياتو دفاع بالظبط يا احمد .. انت قائل نحن حنلعب ليك بي مساوي وديمبا وسامي وعندنا مباراة رد مهمة امام الصفاقسي !!
وبتكلم عن سرعة سادومبا وهجوم الهلال وقال خائف من طارق مختار !! خوفك من طارق ده في محلو يا ابو حميد .. لكن سادومبا ما بتشوفو بي عينك .. سادومبا وبكري وكاريكا للكونفدرالية عشان ما تحسب غلط احسب علي نادر شندي ومحمد عبد الرحمن بيت المال !!
يا خالد.. هلال مريخ شنو القريبة دي .. ياخي مامون ابو شيبة ليهو شهرين بتكلم عن التسجيلات ..
عايزين مساك يمين وطرف شمال ولاعب وسط مدافع وحارس مرمى واتنين مهاجمين !! مع وصايا دايمة بالسرية !!
سرية في شنو .. هو مواسير المريخ دي في زول بمشي عليها !!
ديل عملو لجنة تسجيلات قبل الدوري الممتاز ينتهي وكاس السودان يبدأ ؟؟
تسجيلات المريخ اثرت في مباريات الاندية الاخرى .. اي لاعب حتى ولو كان احتياطي يقول ليك انا ما بلعب شديد عشان ما (اتعوق) امكن المريخ يجيني !!
ايوووا انا عرفت النظرية..
ما جمال الوالي قال الدعم حيقيف شهر 12 عشان كده الجماعة مستعجيلين عايزين التسجيلات تتم في اسبوعين من 16 حداشر وحتى نهاية نوفمبر .. الساعة 12 ودقيقة شهر 12 مافي طريقة !!
ونحن مرتاحين .. ان شاء الله التسجيلات يلغوها .. خصوصا تسجيلات الاجانب .. موش احتمال مدير بنك السودان يمنع تسجيلات الدولار !! ما عندنا أي مانع احتراماً للاقتصاد السوداني.. ما عايزين أي لاعبين أجانب الموسم ده وخلي الدولار ينزل شوية!!
بالمناسبة نحن نساهم في الموضوع ده بجائزة الكونفدرالية ..
شفتو الفرق . نحن نجيب في الدولارات لصالح الاقتصاد السوداني والجماعة يشيلو في الدولارات ويدوها لوراغو ..
ما قلنا ليكم ده نادي الخريجين الأوائل..
قلت لي سموهو المريخ ليييه ؟؟
أنا شخصيا عارف سموه ( الضل ) لييه !!
في زول عارف النجمة جات شعار المريخ سنة كم ومن وين ؟
ركزوا مع فريقكم شوية وخليكم من المقص وكورتنا معاكم لسه بعيدة ..
الشفقة المرقتكم من بدري !!
بكرة تعالوا بدري ..
|
| |
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
الفاضلابي
سلامات يا اخي
والله بقت عليكم قصة اللخو القاعد يرقص في الحفلة رقيص شديييييد وعرقان وكل مرة يقطع ليه جك موية ويواصل
اهل العروس قالو ده اخو العريس
واهل العريس قالو ده قطع شك اخو العروس
وكل ما الفنان يقيف هو يكورك واصل يا اخينا واصل
لما الناس احتارو فيهو مشو اتنين
واحد من اهل العروس وواحد من اهل العريس سالوه
يا اخينا شايفنك مجتهد جدا في حفلتنا دي لكن ما عرفناك
اللخو من وين؟؟
قال ليهم لا لا
انا اخو الترزي الفصل بدلة العريس
اها اظنكم كدي اخوان الترزي ده مش كدي؟؟؟
في حفلة تونس والاسياد دي بقيتو اخو الترزي بس
مودتي
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: motaz)
|
Quote: أهم حاجة يا فاضلابي
الحكم من وين؟ |
Quote: يدير المباراة طاقم تحكيم هجين من سودانيزاونلاين بقيادة الدولى شيقوق
ومراقب المباراة بكرى ابوبكر ريئس اتحاد سودانيزاونلاين. |
الحكم يامعتز إخترناه من البردانة ريفى الدندر لانو:
الرشاشات ديل سقطانين وماسكاهم ام برد
قلنا نجيب ليهم زول البردانة ده يزيدهم سقط
والجمرى متبرع ليهم بالبطاطين
بعدين الحكم ده قاعد يسرح كتير
البركة فى المساعدين ,, فيسل هليل وابوبكر
وديل رطانة ـ يعنى أجانب.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: ناصر جبريل)
|
Quote: الكاااااااااااااااااااك
وتاني الكااااااااااااااااااااك
....دخل المبارة بالله اديهو ليهم عشان ديون الارباب
وكاااااااااااااااااااااااااااااك |
اول هجمة خطيرة تلهب حماس الكااااكاب
| Quote: ....دخل المبارة بالله اديهو ليهم عشان ديون الارباب |
ديل ياناصر ديونهم بقت ديون هالكة
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: motaz)
|
اها ياخلى جنابو جهز ليكن الفنايل
ده حالتو لاعب مننا بس , شفت الكرم ده كيف?
يعنى كان جاكن الوالى كان يكون خرف ام سعن?
جنابو زيارتك لينا شرفتنا,,بعد الغيبة الطويلة.
اها الخانة الختيناك فيها دى خلينها على الله ثم عليك.
رشوا لينا الناس ديل.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
Quote: عمر عثمان (جنابو) وستكون مهمته قطع الكور الطولية المرسلة من حارس ودفاع المنافس.
|
Quote: جنابو زيارتك لينا شرفتنا,,بعد الغيبة الطويلة.
اها الخانة الختيناك فيها دى خلينها على الله ثم عليك.
|
ماتخاف ياعمك ........
موية ما بتعدي من خط النص ده ......
معاك معلم كبير نظام اتنين في واحد (جمال ابوعنجة + بدرالدين بخيت) ...
اهاااااا تاني في كلام ......
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: ناصر جبريل)
|
| Quote: هارون دياب (هارونا) لـصناعة الكااااكات وتوزيعها حسب مجريات اللعب وهو احسن من يجيد هذه الخانة. |
ههههههههههه
عرفت ليه والله
هارون قاليك بكتب عنوان البوست بي جاي قبل ما يضيف المداخلة التانية بكون لف بي الرابط بوستات الدنيا و العالمين بي مناسبة أو بدون
محل ما تمشي تلقاه طوالي بذكرني نكتة ( الروب إنت انكشحت)
_____________
نجيك بعدين للمباراة وقراءة فنية لاستعدادات الكاكاب و تجهيزات الغاغاب
بس امرقني من هجوم الغاغاب اخوك لياقتو ما مية مية
خليني مع تنظير في الاستديو عشان افرملو ليك ما يطلع بينا العالي بتنظيرو كالعادة
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
| Quote: اسمي في الاحتياطي مافي |
والله يامحمد فكرت اختك فى الإحتياطى لكن لقيتك ماقاعد تجى التمارين
قلت يمكن تكون عاوز ليك فيلا وكده ,, ولا يمكن مادفعوا ليك مستحقاتك.
لا بالجد ,, كنت شاكى تكون كااااكابى زعلان.
لكن ماتزعل الغااااغاب ديل اصلهم حايتغلبوا والتوانسة حايعملوا ليكم مبارة ودية (رد اعتبار ) عشان تجيبوا لينا كاس من برة .إن شاء الله كاس رد اعتبار زى بتاع مازيمبى داك. وطبعان فى المباراة الودية كلكم حاتلعبوا.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: omar arbab)
|
سلامات يا ارباب
فى الأول انت شايت وين?
كااااكابى ولا غااااغابى?
والزول الـ فى المربع ده منو.?
وياريت لو اعدت تنزيل الصورة دى بأسماء اعضاء الفريق.
والشافع الـ فى الصورة دى شنو ? كاااااغابى?
تسلم على المرور وإن شاء الله تكون من إندينا.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
Quote: أها الحكم أثناء ما هو لافي في الميدان شاف ليك ود الصايم يتململ
قام قال ليهو انت لازم تلعب جناح عشان تكون قريب من الخط
وكل دقيقه تمشي تجر ليك نفس وتجي راجع |
ماهو ودالصايم عشان شيشتو دى ختيناهو فى المرمى.
إنت ماشفت القون بكون جنبو قزازة ببق منها كل شوية?
قلنا بدل القزازة يخت الشيشة.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
يمثل فريق الكااااك
Kosta فى حراسة المرمى
رباعى دفاع
معتز, صديق الموج,فايز ودالقاضى,معاوية محمد الحسن.
خط الوسط:
هارون دياب (هارونا) لـصناعة الكااااكات وتوزيعها حسب مجريات اللعب وهو احسن من يجيد هذه الخانة.
عمر عثمان (جنابو) وستكون مهمته قطع الكور الطولية المرسلة من حارس ودفاع المنافس.
خالد درق : وستكون مهمته الضغط على الخصم فى منتصف ملعبه
الهجوم:
أساسى
عبدالعزيز عيسى
طارق جبريل
وفى احتياطى الـكااااك كل من:
محمد الأمين احمد
حسن سناده
سيف المكى
ابوقوته
الحاج احمد الحاج
طارق جبريييييييييييييييييييييييييييييل دا خطييييييييييييييييييييييييييييييييير
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: الطيب شيقوق)
|
| Quote: طارق جبريييييييييييييييييييييييييييييل دا خطييييييييييييييييييييييييييييييييير |
اها انت ياسجم الرماد
اخترناك الحكم ومعاك الرطانة
ماتبقا لينا زى حكم روسيا البيضا الضارب كريستال البلح داك.
عليك الله كان لقيت الفيدو بتاعو نزلوا لينا.
| |
|
|
|
|
|
|
|
|
 Re: الكـااااك X الغـااااغ (أستديو تحليلى) (Re: الطيب شيقوق)
|
مشكلتى الكبيره فى قسطنطين
كل دقيقه واقع والنقاله خماهو مودياهو الحمام
+
ود البشرى لو ماعمل عدسات لاصقه
طوالى يمشى يشتغل فنى تكييف
فى الاستديو التحليلى
+
بالنسبه لجنابو مشكلتو بسيطه >
جماهير الغاغاب تردد بصوت واااحد
اغنية الاستاذ وردى > ارحل وخصوصا >
عيونك ذى سحابة الصيف تجافى بلاد وتسقى بلاد
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
Quote: مشكلتى الكبيره فى قسطنطين
كل دقيقه واقع والنقاله خماهو مودياهو الحمام |
غايتو انا خايف تيمك كلو يكون عندو دوخة
Quote: ود البشرى لو ماعمل عدسات لاصقه
طوالى يمشى يشتغل فنى تكييف
فى الاستديو التحليلى |
انت ياكوتش قايل ود البشرى برضى
هو داير يبقى محلل عشان يناقر طلحة.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
Quote: حتى كوستا بندرب فيهو على ضربات الراس عشان حا يشارك في الركنيات ويكمل الهجمة للنهاية ..
لانو ما متوقعين اي مرتدات غااااغية . |
اها ياطارق الكوتش
تعال شوف التدريب الماخمج
ودالجمرى بقول ليك الواضح مافاضح
وماعندهم سر ,, الزول واثق من تيمو.
يعنى بالعربى كدى بقول ليكم بلع مافى.
اها ,, نحن بقينا ناس كاااااكات ساكت
طالما ود الجمرى طمنا..
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
بينما يستعد فريق الغاغاب لمباراة الزعيم على ذهاب نصف نهائي الكونفيدرالية
يعاني الكاكاب من العطالة و قعاد البيت و عدم الشغلة بعد الخروج المذل على يد طيش طيشة البطولتين الإفريقيتين - الجيش النيجري
ولضعف املهم في البطولة المحلية و شبه قنعهم منها تفرغ الكاكاب لمتابعة اخبار و مباريات الزعيم حامل لواء السودان و رافع شعاره في المحافل الافريقية و الدولية وماسح الصورة الشائهة التي خلفها الغاغاب و ماخد تارهم من الدياشة و الصفاقسي بإذن الله
و في خضم عطالة الغاغاب و قلة حيلتهم تراهم يسرفون في المكاكاة في اثر الزعيم يفرحون لتعادله مع الأمل الكسّى بيهم العرايا من قبل و فعل ما عجزوا عنه الا وهو التعادل مع الزعيم
بينما تتواصل استعدادات الغاغاب للإحتفال باللقب الأول للزعيم على المستوى الإفريقي الذي سيعادل فرمالة الكاكاب التاريخية
يعيش الكاكاب الرعب و الهلع هذه الأيام خاصة بعد ما تسرب ما عقدوه من أمل و رجاء على التيحة فتراهم صبيحة الإنتصار التاريخي على التيحة كالسكارى وما هم بسكارى
منهم من هرّف بما لا يعي ومنهم من لقّط ورق البورد و أكياسه ومنهم من كاكى حتى باض أو كاد
الآن تراهم عاقدين الأمل على الصفاقسي الذي اذل ناصيتهم في القلعة الحمراء و التي سميت كذا بسبب "قلع" الفنائل الحمراء يومها
وبإذن الله يخسأ ظنهم ويخيب فألهم
و يتقد العيم قدما للامام في البطولة و يتوج بها وحينها فليستعدون لغاغة ما أنزل الله بها من سلطان
بالعربي كدا المنبر دا ما بشيلنا معاكم 
نواصل في القراءة التحليلية لواقع الكاكاب المزري و متابعة وضع الغاغاب المفعم بالأمل
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
مفاجأتنا للغاااغاااب عمر ارباب وحا نريّح طارق جبريل للشوط التاني
اذا كان الحكم المسنوح ده كشف لينا ورقتو وحذر الغاغاب منو..
هارونا ذاتو لاعب وسط متقدم وجنابو براهو شايل مفتاحو الانجليزي ومفكّو موية مافي كهرباء مافي ..
وانا نايم قفا وواثق في تيمي .. بس انتو خليكم مترقبين عمر ارباااب ده .
جاي بي مشجع/ ينو/اتو.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: امير عوض الجمري)
|
Quote: اها ياطارق الكوتش
تعال شوف التدريب الماخمج
ودالجمرى بقول ليك الواضح مافاضح
وماعندهم سر ,, الزول واثق من تيمو.
يعنى بالعربى كدى بقول ليكم بلع مافى.
اها ,, نحن بقينا ناس كاااااكات ساكت
طالما ود الجمرى طمنا.. |
فاضلابي ختو في بطنكم بطيخة عمر جنابو .
الكوتش حا يطلب التأجيل والا حا يشوف العمرو ما شافو
ومششششش حا يقدر يغمّض عينيه .
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: امير عوض الجمري)
|
Quote: فاضلابي ختو في بطنكم بطيخة عمر جنابو .
الكوتش حا يطلب التأجيل والا حا يشوف العمرو ما شافو
ومششششش حا يقدر يغمّض عينيه . |
صدقت ياجمرى الأيام دى قاطعين الحركة
الا بين وبينك الحكم المسنوح ده تحت تحت عرفنا انو رشاشة حسيانة.
مادى عادتهم ,, دايما محظوظين فى الحكام.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
Quote: يتقد الزعيم قدما للامام في البطولة و يتوج بها وحينها فليستعدون لغاغة ما أنزل الله بها من سلطان
بالعربي كدا المنبر دا ما بشيلنا معاكم |
يحتفظ الكااااكاب بحقهم فى الرد على هذه الغااااغة الى مابعد الثلاثين من اكتوبر ..
بالمناسبة ياود البشرى .. ليلة القدر بتجى فى الأوتار من الشهر
يعنى غااااغتك دى الا تموصوها وتشربوها على ريق الصفر الدولى او كما قال الريس.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: khaleel)
|
Quote: الكوتش حا يطلب التأجيل والا حا يشوف العمرو ما شافو
ومششششش حا يقدر يغمّض عينيه . |
يا برنس
لا تاجيل ولا حاجة
المباراة قائمة في مواعيدا في استاد ود مدني
وسيد الاتيام حا يقوم بالمهمة ونغني
في مدني يا اخواني لي محبوب جفاني
من اقوالهم
الزعيم رايق والوصيف متضايق
غاااااغ بل هي (غاااااغن ) يا غراب
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: محمد عبد الماجد الصايم)
|
.
الحبيب الفاضلابى:
والله تشكيلة الغاغاب دسمة جد بس ناقصة واااارغو عشان يجيب الكور البتطلع برة . باقى لى هى نفس التشكيلة الدرنت مع غانا بس ماظنيت أستاذنا سيف الدولة كامل (البرنس) كان لاعب فى كورة غانا عشان كان بيخنق الحكم الكاكابى لمن أدى غانا فاول جوة خط ستة غايتو ربنا ستر.
تخريمة: المصرى حاج حمد مشجع منو؟ أصلو زغبرة مامضمون وكدة. . يوم كورة الهلال والأمل قال محتار إشجع منو؟ شى عجيب والله التقول سكج بكج .. غايتو خلى يجى يتقل وارقو ورا العراضات.. لوووووووول
وراجعين...
http://www.youtube.com/watch?v=B2JMhl0xRRU
.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: khaleel)
|
Quote: يعني هسع الكاكاب ديل
الطيارة ما يشوفوها الا شهر تلاتة |
خلي يا لذيذ وانتم على الدرب سائرون وآخر طيارة حا تركبوها التونسسسسسسسسسسسسسسسسية
فاضلابي الغاغاب مخدّرين بالميرغني واتحاد محسن سيد ومنشرحين .
مغبيين عديييل لامن يجي يوم سبتنا الموعود ويصحوا من الغيبوبة دي بصفعة قوية من الخضراء.
احييييي .. الله يدينا الفي مرادنا .
نحن اهل القبيلة الحمراء نتفاااااءل دائماً بليلة السبت ..
وتااااني الله يدينا الفي مرادنا .
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: امير عوض الجمري)
|
| Quote: نحن اهل القبيلة الحمراء نتفاااااءل دائماً بليلة السبت . |
خلاص برمجوا كوركم مع ناس مدني و الحصاحيصا وشلّعوها النيجراب تاني يوم السبت طوالي بالله
وكان بقينا حيين للسنة الجاية كور التمهيدي مع ناس سان جورج و الغزالة و شنو كدا ما عارف برضو
بعد داك خلاص بتكونوا وصلتوا حدكم
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
فاضلابى يا راقى
ناس الارصاد متوقعين مطرة شتوية 5 مل
وحل شديد ... المغرب و العشاء جمعا
مع المطرة و البرد و البرد الغاغاغاغاب يجروا البطاطين و يعملوا نايمين
كامل تضمننا مع خليل فى محنة انقطاع الارسال عن قسطنطين
----------------------------------------------------------
البرد الاولى بفتح الراء التانية بكسر الراء
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: khaleel)
|
Quote: وكان بقينا حيين للسنة الجاية كور التمهيدي مع ناس سان جورج و الغزالة و شنو كدا ما عارف برضو
بعد داك خلاص بتكونوا وصلتوا حدكم |
اما دي الفرحانين بيها انتو اسي دي ... كان (لاقدر الله) وصلتو النهائي فيها فنحن وصلنا نهااايتها قبل تلاتة سنوات
وكان برضو (لاقدر الله شلتوها) نحن عملناها قبل عشرييين سنة ..
فرق يا ود البشرى
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: امير عوض الجمري)
|
| Quote: مشهد نتمني الا يتكرر |
شوهد الحبيب خليل وهو (بارك) على ركبتيه متضرررررررعاً باااااااااكياً
واضعاً امامه صورة للاعبي الصفاقسي وهم يهنئون بعضهم باحراز احد الأهداف وكان خلّي ينظر الى الصورة مردداً الجملة اعلاه ..
قعدنا جنبو وهمسنا ليهو قائلين :
انت كمان ما تباااااااالغ يا خليل
ممكن نقبلها منك لو قلتها كده : مشهد نتمنى الا يتكرر اكتر من خممممسة مرات . (المفروضة)
قوم قوم يا يابا واتنفّض من التراب ده واستغفر .. وعندك فرصة شيل معاك الصورة دي صلاة الجمعة
واقعد للعصر وادعي .
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: امير عوض الجمري)
|
Quote: Quote: وكان بقينا حيين للسنة الجاية كور التمهيدي مع ناس سان جورج و الغزالة و شنو كدا ما عارف برضو
بعد داك خلاص بتكونوا وصلتوا حدكم |
اما دي الفرحانين بيها انتو اسي دي ... كان (لاقدر الله) وصلتو النهائي فيها فنحن وصلنا نهااايتها قبل تلاتة سنوات
وكان برضو (لاقدر الله شلتوها) نحن عملناها قبل عشرييين سنة ..
|
جمري يا عمك شكلها الكنتة ما وقعت لك وين
بي كاسكم الفرمالة الليها عشرمية سنة و الفاينل القبل كم سنة دا لسة بتلعبوا تمهيدي زيكم وزي أي مطابع و غزالة باقي كرور افريقيا
عرفت الفرق وين؟
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: ابراهيم محمد الحسن)
|
| Quote: وتحية خاصة للجسور والأصيل خالد عز الدين |
تحية لصديقي خالد
| Quote: ويا وصيفاب في حال انتصار الهلال (إن شاء الله)، جهزوا جحوركم!!!!! |
انتصار على الصفاقسي وللا انتصار بالكاس وللا شنو وللا شنو !!!! ركزوا شوية يا غاغاب .
| Quote: والمرة دي الضباح حريف برشة ،، |
برشة ينبرش برشا
وكااااااااااااااااااااااااااااااااااااااااااك
يا يوم سبتي ما تسرع تخفف لي نار وجدي
ياااااااا الله تدينا الفي مرادنا
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: ابراهيم محمد الحسن)
|
كرع
Quote: !!
يعني لاعبين الهلال ديل ثقيلين جنس ثقالة.. جعانين يجننو شبعانين برضو يجننو.. حيروا ليك ضلنا عديل كده!!
قالوا الهلال بغلب عشان لاعبنو جيعانين.. قاموا جوعوا اللاعبين اتغلبوا !!
قالوا الهلال بغلب عشان رئيسو مستقيل قام رئسهم استقال اتعادلوا ؟؟
قالوا الهلال بغلب عشان اللاعبين شبعانين.. قام شبعوا اللاعبين ما قدروا يجروا!!
الضل الاحتار في الأصل مشكلة!
ركزوا شديد مع الهلال قالوا الجماعة ديل بغلبوا عشان عندهم مدرب جديد جابوا مدرب جديد الأمل غلبهم!!
قالوا امكن (العمل) في كتف هيثم مصطفى قالوا للنفطي قول كتفك واجعك!!
المرة الجاية ناس المريخ حيفكروا يدوا اللاعبين 25% من حافز تسجيلهم..
كيف يا خالد ؟ لاعبين المريخ ماخدين حوافزهم كاملة!!
أنا قلت ليك حيدوهم 25% من الحوافز..
مش الهلال لعب كورة أحسن من برشلونة وغلب سبعة..
حيفكروا ناس الهلال ديل بلعبو الكورة الجميلة دي كيف!! حيلقوا أنو السبب ربع الحافز.. حيقوموا طوالي يدفعوا للاعبين ربع الحافز.. بختك يا طمبل!!
لكن بعد شهر 12 ده يبدأ تاني ربع الحافز الأساسي ما بتلموا فيهو!!
جمال الوالي قال ليهم حدي معاكم الساعة 12 يوم 30 حداشر.. احفظوا التاريخ ده كويس!!
12 ودقيقة زول يوريني وشو مافي!!
ونحن مركزين كويس مع وزير المالية يا سعادتك..
قال ما في ضرائب جديدة يعني ما في ضرائب جديدة!!
والهلال بضرب من كل الاتجاهات..
تركز مع مهند الضربة تجيك من مساوي.. تتابع مساوي تجيك الضربة من كاريكا.. تراقب كاريكا.. بشة يجيك من وين ما تعرف.. تراقب اللاعبين كلهم الضربة تجيك من الكنبة..
تراقب الكنبة الضربة تجيك من طارق مختار!!!
ميشو ده فكي عديل.. نحن قايلين العمل بتاع بشة شايل قونو.. اتضح أنو العمل في جيب ميشو.. أي زول بنزل من الكنبة عندو قون..
في مقولة شهيرة أطلقت على لاعب الهلال السعودي الحريف.. الثنيان.. قالوا الثنيان بديك باص بخليك انت وضميرك والمرمى!!
هيثم مصطفى بديك باص بخليك انت وضميرك ومن غير حارس مرمى.. تجيب قون يعني تجيب قون!!
الهلال بنافس روحو.. أحسن دفاع أحسن هجوم أحسن وسط.. المهاجمون بتنافسوا على لقب الهداف.. والغريبة تلقاهم كلهم متعاونين.. أي لاعب بقول لي زميلو ياخي إنت ابقى الهداف.. لا ياخي انت ابقى الهداف.. لا والله انت ابقى الهداف..
التنافس وصل مرحلة التعبير.. مهند بالهوبة العادية.. بكري المدينة بي هوبة العقرب.. وكاريكا كل قون بي حركة جديدة!!
تقول لي برشلونة.. والله متعة الهلال دي في هلال الحصاحيصا مافي!!
نحن ماشين الدوري المصري..
عايزين منافسة شوية.
على الأقل الأهلي المصري ده عندو تار معانا من زمن ريتشارد..
عايز يغلبنا كده من غير مساعدة حكم..
المصريون قالوا الحكم كيف ما شاف (يد) إينرامو..
ويد فلافيو (الدفر) بيها (مرق) دي كانت صناعية!!
ضوقو حنضل التحكيم الإفريقي!!
التحكيم الإفريقي مع الأهلي القاهري.. زي القاعدة مع أمريكا.. أدوهم السلاح واستعملوه ضدهم في النهاية!!
خلينا مع دورينا.. لحدي ما نمشي الدوري المصري..
نحن ماشين وجايين وبرضو متصدرين..
في زول يقدر يقول كلام غير ده..
يعني حتغلبوا أهلي مدني كم.. لو غلبتوا..
واحد اتنين تلاتة أربعة خمسة لحدي ستة نحن معاكم ! انتو معاهم يا الفاتح خضر..
البشوف خوفهم من الأهلي يقول لاعبين مع الأهلي السعودي. هم مش كان اتعادلوا مع الاتحاد يا مزمل؟؟!!
الأهلي زعلان وأخلاقو ضايقة.
نحن قلنا ماشين الدوري المصري.. شايف حسن محجوب مشى الدوري التونسي من زمان.. بقى بشجع في الصفاقسي..
حسن محجوب بلعب في لعبة ظاهرة.. عامل فيها بشجع في الهلال عشان (يشربو) الشراب بالنية يا حسن !! لو نيتك معانا أشربنا !
مزمل أبو القاسم قال أنا شربت الأمل.. والحقيقة أنو الأمل حلت عليهو لعنة الهلال..
خلوا بالكم يا ناس نيل الحصاحيصا.. البعطل الهلال ما بمشي لي قدام.. ده شئ معروف من زمان..
لعنة الوالدين ولا لعنة الهلال..
أجمل حاجة في مباريات الهلال أنو الفريق بكون مقتنع بالهزيمة.. الهلال ما بديك فرصة تفكر الا بعد الهدف الرابع.. الجماعة يا دوووب بعد الرابع بفكروا ياخروا الكورة.
تلقى الفريق مغلوب ستة وبرجع في الكورة لي وراء وحارسو بأخر في الزمن!!
والله أحكام يا زمن..
محسن صالح.. أقصد محسن سيد لما خلاااص غلبتو بقى يغالط مساعد الحكم في رمية التماس!!
يا ناس.. ده هلال ولا أنناس..!! |
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: omar arbab)
|
| Quote: تمسك مهاجم المريخ عبدالحميد السعودي بعدم العودة للتدرييات في ظل وجود المدرب الالماني كروجر في قيادة الجهاز الفني للفريق وشكا السعودي لمجلس الادارة من الاستهداف الذي ظل يتعرض له وابعاده نهائياً من المباريات وقال أن هذا المدرب يستهدفه وأنه لن يعود الى التمارين لان هذا الكروجر اصابه بالاحباط ودمره معنوياً وابدى عبدالحميد السعودي اسفه من موقف مجلس الادارة الذي ترك الحبل على الغارب للمدرب ليظلم اللاعبين ويستهدفهم وطالب السعودي بشطبه من كشوفات الفريق خلال فترة التسجيلات المقبلة حتى يواصل مشواره مع ناد آخر لانه لاعب كرة محترف ويحد نفسه في ممارسة الكرة داخل المستطيل الاخضر. |
تعال يا ميدو
ممكن نخت ليك بويا في الكنبة
غاااااااغن غاااااااااغن
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: khaleel)
|
| Quote: كااااااااك يا الفاضلابي جاييكم حكم خطيييييييير |
الله ياشيقوق ,, تخيل النهار ده اتكلمت مع منو??
مع الجميل فرح تيركة
الأستاذ قدورة كتر الف خيرو كان فى السوكى اليوم
وضرب لى من عند الأستاذ فرح ويا لها من لحظات
اهاجت ذكريات انت تعرفها,, عقبال نتشاوف فى الدنيا الغرارة دى.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: khaleel)
|
Quote: الفاضلابي
سلامات يا اخي
والله بقت عليكم قصة اللخو القاعد يرقص في الحفلة رقيص شديييييد وعرقان وكل مرة يقطع ليه جك موية ويواصل
اهل العروس قالو ده اخو العريس
واهل العريس قالو ده قطع شك اخو العروس
وكل ما الفنان يقيف هو يكورك واصل يا اخينا واصل
لما الناس احتارو فيهو مشو اتنين
واحد من اهل العروس وواحد من اهل العريس سالوه
يا اخينا شايفنك مجتهد جدا في حفلتنا دي لكن ما عرفناك
اللخو من وين؟؟
قال ليهم لا لا
انا اخو الترزي الفصل بدلة العريس
اها اظنكم كدي اخوان الترزي ده مش كدي؟؟؟
في حفلة تونس والاسياد دي بقيتو اخو الترزي بس
مودتي |
الله ياعمر والله ماشفت مداخلتك الظريفة دى الا هسى
العتب على على خليل الشفقان ده ياخ.
ياعمر خليل ده من شفقتو ورجفتو (يرجف زى الترزى يوم الوقفة)
من شفقته انا نزلت البوست وقبل ما اكتب حاجة لقيتو ليك توش
التقول عنده منبه ,,
تسلم ياخ على المرور ,, والمهم الهلال مرشوش مرشوش
كان بقينا اخوان الترزى كان بقينا اخوان شيوعيين.
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: عبدالعزيز الفاضلابى)
|
| Quote: الجاب الأربعاء يجيب السبت |
آمين يا فاضلابي ويدينا فيهو الفي مرادما
| Quote: ياود عمى دحين الليلة الجمعة ولا انا غلتان. |
خليل اطبع خمسة صور وشيلن وزعن خلي اربعة كمان يدعوا معاك كلو واحد يشيل
واحد من الخممممسة عشان تسهل المهمة لانو الطلب صعب على زول واحد
| |
|
|
|
|
|
|
|
|
|
Re: الكـااااك X الغـااااغ (أستديو تحليلى) (Re: امير عوض الجمري)
|
Quote: البطانية البطانية يا فاضلابي الحق ود عمك ده الرجفة زادت والسقط جاء
السقط والصفاقسي بشبهن بعض كده مالن؟
وكاااااااااااااااااااااااااااااااااااك |
يا برنس
نحن بتاعين مقبرة بس
كان لقينا حاجة في تونس حلا وحمار وكان ما لقينا
ليك علي في المقبرة الصفاقسي ندقو لامن ياكل ايديهو
| |
|
|
|
|
|
|
| |
عبدالعزيز الفاضلابى
khaleel
motaz
ناصر جبريل
omer osman
معاوية المدير
محمد البشرى الخضر
Mohamed Foto7li
omar arbab
امير عوض الجمري
الطيب شيقوق
Zakaria Joseph
سيف الدولة كامل
محمد عبد الماجد الصايم
أشرف محمد الباقر
ahmed khidir
عبد اللطيف عبد الحفيظ حمد
ابراهيم محمد الحسن
فيس بوك
تويتر
انستقرام
يوتيوب
بنتيريست