|
|
 يا ميشو تغيراتك غلط و غلط كبير
|
مباراة المرعنى محتاجين لرفع معدلات اللياقه
وتجهيز البديل خصوصا لبعض الخانات الحساسه :
سحبت سامى وده غلط
سحبت بكرى المدينه وده غلط
لم تشرك بويا من البدايه وده غلط
لم يشرك جمعه كبديل للمعز وده غلط
ومباراة الامل محتاجين للنصر :
لم تستبدل مهند وده غلط
تاخر اشراك خليفه وده غلط
ورورووووووووووووووووووووووووووووووك انا
|
|
 
|
|
|
|
|
|
|
 Re: يا ميشو تغيراتك غلط و غلط كبير (Re: لؤى)
|
ابدا مدربكم ده زول واعي
اشراك جمعة واحمد عادل ومهند طاهر كان هو تجهيز البدائل
مدربكم عينة على الكنفدرالية فقط ولا يعير ادنى اهتمام بالممتاز
وده تفكير سليم
التيم الختم مباراة المرغني اليوم هو التيم الحا يبدا مباراة الصفاقصي مع تغيرات قليلة
سيدخل مساوي ويعود عمر بخيت لمكانه
اعتقد تنه طريقة اللعة ستكون
4 -5-1
والتشكيلة ستكون
معز في الحراسة
مساوي ودمبا متوسطي دفاع بويا ويوسف اطراف
خمسة في الوسط
3 ارتكاز
عمر ، خليفة ، علاء
قدامهم
بشة وهيثم
كاريكا وحيدا في الهجوم واحتمال يبدا بسادومبا لكن اعتقد البداية ستكون بكاريكا
ظني انها خطة ممتازة ومتوازنة الدفاع فيها يغلب على الهجوم لكن امكانية الهجوم موجوده في وجود صانع العاب درجة اولى كهيثم
ولاعب وسط مليان طاقة وتفكير وتحرك ممتاز بشة
ومهاجم حريف ومزعج وسريع كاريكا
سادومبا خيار الشوط التاني بدل مدثر كاريكا
ومعاه ومهند طاهر بديل لهيثم او لبشى حسب مجريات المبارة
| |
|
|
|
|
|
|
|
|
Re: يا ميشو تغيراتك غلط و غلط كبير (Re: وليد محمد المبارك)
|
حاجة تانية
الزول ده شغال بعلمية مع معرفة تامة بامكانيات اللاعبين البدنية
كل اللاعبين الممكن يحل ليهم حمل زايد ( اوفر لود ) ولياقتهم لا تتحمل لاسباب مختلفة منها عامل السن كهثم
والتكوين الجسماني الفطري كمهند
اداهم جرعات متوازنة من اللعب عشان يحافظ على لياقة الفترة الطويلة من الدوري وما يحصل ليهم حمل زايد او اصابات
اللاعبين الممكن يتحملوا ( عمر، علاء ) او المحتاجين لجرعات اضافية عشان لياقتهم تكتم بيبب التوقف ( بشة ، يوسف ) اشركهم مباراة كاملة عشان يجيب الفرق
الزول ده شغال بعلمية يا كوتش
علمية ومهنية عالية جدا
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: وليد محمد المبارك)
|
سلامات الاخ طارق
واستميحك اعلق علي رؤية الاخ وليد
ياوليد رؤية سليمه بس بعد تالق مهند الليله ومقدرتو علي انو اختف هدف في اي لحظه لانو ضارب ممتاز
ومهاري جدا غض النظر عن لقاء الامل وفي وجود 3 ارتكاز اعتقد مهند العب مع هيثم بديل لي بشه قدام الارتكاز التلاته
ولا رايك شنو؟
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: فاروق عثمان)
|
يا ولي تشكيلنك دي ممتازة و أجمل ما فيها أنو خليفة لاعب ارتكاز و بالتالي حر نسبيا
ودا قد يعطيه الفرصة للإختراقات و الون تو الإشتهر بيها دون التأثير على مهام الطرف الدفاعية
بس يا ولّي الخوف من يخذلنا يوسف محمد و بوي عايزين مساندة جامدة من عمر و علاء
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: omer osman)
|
طارق الكوتش وضيوفه سلام
يا سلام يا ولي يا رهيب .... ياخي زول فاهم الكورة ومنقطة ..... اعتقد ان الكثير منا لديه رؤية قد تختلف من رؤية المدرب ... الا ان المدرب دائماً ما يكون في موقع الحدث والاقرب للاعبين ويعرف ما لا نعرفه ... من اصابات ... ومقدرة علي التحمل ....وغيرها من الاشياء التي تجعله يضع هذا في التشكيلة ويستبعد ذاك .... المدرب الصربي حتي الآن اثبت بانه مدرب علي قدر عالي من الفهم .... وحديث هيثم مصطفي في قناة قوون عنه يدعم تلك الرؤية .....
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: nazar hussien)
|
ياوليد
كلامك زي الليل ياخي
تحليل مبني على فهم
إنت بتشجع منو ياخي
مامكن تكون فاهم لاعبيننا اكثر من ناس....
Quote: ما توريهم ياوليد ....
خليهم يترشو ياخ ........... |
لكن ياعمر ما تقول لي!!!
جدعتك مجستبة لليفة يامان\\ ههههههههه
الصادق
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: omer osman)
|
| Quote: خليهم يترشو ياخ ........... |
والله يا جنابو عاوزنهم يترشو 
لكن ..
وما نيل المطالب بالتمني
حسابات حسابات
الكاس ده حق الهلال .. ولو ما شالو الا ما يكون مقسوم ليه في قدر الله
اها يا ابوي قدرة الله ده بنتمناه .. لكن بحساباتنا نحن
الهلال الكاس حقو
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: محمد البشرى الخضر)
|
ود البشرى ازيك
| Quote: بس يا ولّي الخوف من يخذلنا يوسف محمد و بوي عايزين مساندة جامدة من عمر و علاء |
لو في خوف على الهلال يا بشرى بكون من ثلاثة لاعبين
اتفق معاك في بويا على اساس انو جديد نسبيا وما عارفين ثباته النفسي كيف في المباريات الكبيرة
حتى الان لم يشاهد في مبارياة الضغط النفسي والمسئولية العالية
لكن هو من ناحية فنية وجسمانية ما عنده عوجة
بس ان شاء الله يكون زول حارة
نمرة اتنين المعز محجوب
معز ضعيف في المعكوس .. وهو مصر يعمل فيها بشيل معكوس
وكتير جدا بطلع غلط .. كل حارس عنده نقاط ضعف بغطيها لو حريف بنقاط قوتو
انا لو محل معز والله ما امرق لي مكوسة ابدا
استناها تنضرب لانو احتمال اشيلها بعد تنضرب احسن من مرقتي ليها الطوالي غلط
ومعز زول كبر ما حا يتعلم يشيل معكوس بعد ده
التوانسة مشهورية بالمعكوسات والضربات الراسية
لو معز عمل هبالتو دي .. اي معكوسة حا تكون قون
نمرة تلاته
وده الهاجس المفروض تشتغل عليه ادارة الهلال
علاء الدين يوسف
افضل من يخرج اللاعبين من طورهم ويستفزهم هم التوانسة
وعلاء الدين لاعب مكتمل الامكانات الفنية والفكرية والبدنية
لكن عنده مشكلة نفسية
انفعالي ومتهور ولا يقيم الاوضاع بصورة سليمة احيانا
ينتصر لنفسه ولو على حساب المجموعة
علاء الدين هو مفتاح الكورة دي
مستواه تمام وثابت نفسيا الهلال ما بتجيه عوجة ولو اتغلب ما بتغلب اكتر من واحد
علاء الدين مجهجة ومشاتر
والله تترشوا رش
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: وليد محمد المبارك)
|
| Quote: من يخذلنا يوسف محمد |
اوكد ليك انو حا يكون من نجوم المباراة
ده لاعب محترف حقيقي ولاعب دولي بالمعنى للدولية
انا متاكد انو يوسف الفترة الفاتت كلها بجهز في روحو للمباراة دي .. تفكيروا كله وتركيزوا كله عليها .. عشان كده راخي اللعب
خصوصا بعد تجربته المره في كاس العالم وانه كيف اصابة في زمن حرج في مبارة ما ذات جدوى حرمو من اكبر حدث كروي عالمي
شوف يوسف في الكورة دي وحا تامن يا ود البشرى
ده لاعب كبير بعرف بتين العب وبستفيد من تجاربة القديمة
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: mohmed khalail)
|
يا محمد
يا ابوي انا صفوة اسوي بي الهلال شنو
الهلال حقيقي الايام دي تيمه نجض ولاعبية في قمة ادائهم ...
والحقيقة لا يغطيها الغربال
لكن كمان من السنة الجاية الهلال حا يبدا في الداون وحا يبدا في الاهتزاز
في لاعبين خلاص وصلو القمة وما بعد القمة الا الانحدار
عاوز الصراحة
ان الاوان ان تفرح جماهير الهلال بكاس خارجي
مع انو ده حا يشقنا بالمغصة
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: وليد محمد المبارك)
|
Quote: الزول ده شغال بعلمية يا كوتش
علمية ومهنية عالية جدا |
يا كوتش .. انا ببصم بالعشرة علي كلام وليد دخــاخين  ميتشو نظرتو عميقه جدا وبيتعامل مع اللعيبة ديل كل وحسب امكانياتو ومخزون اللياقة .. مباراة الأمل بالرغم من انها كانت مهمة في روليت الدوري .. إلا أنها أقل أهمية بالنسبة للمبارة الأفريقية وكذا الحال مبارة المرغني اللي كانت عبارة عن تمرين ..
وبالرغم من ذلك لحدت الآن اتخوف من عامل الاصابة لي اي لاعب في الهلال في الفترة دي بالذات .. وكنت اتابع مباراة الأمل عطبرة ويدي في قلبي وحمدت الله انها انتهت من دون اصابة أي لاعب ودا طبعا من الشحن الزائد للعيبة الأمل في منازلة الهلال والمريخ .. والدليل على ذلك خسارتهم أمس بهدف يتيم في نفس الملعب الهزمو فيهو المريخ وتعادلوا فيه مع الهلال ..Quote: نمرة اتنين المعز محجوب
معز ضعيف في المعكوس .. وهو مصر يعمل فيها بشيل معكوس
وكتير جدا بطلع غلط .. كل حارس عنده نقاط ضعف بغطيها لو حريف بنقاط قوتو
انا لو محل معز والله ما امرق لي مكوسة ابدا
استناها تنضرب لانو احتمال اشيلها بعد تنضرب احسن من مرقتي ليها الطوالي غلط
ومعز زول كبر ما حا يتعلم يشيل معكوس بعد ده
التوانسة مشهورية بالمعكوسات والضربات الراسية
لو معز عمل هبالتو دي .. اي معكوسة حا تكون قون |
.. والله يا وليد التخصصية مهمة جدا .. وأنا مستغرب لحدت الآن وووين مدرب الحراس في الهلال .. لا يعقل إنو كل مرة الغلط في المعكوسة بيزيد بنسبة 100% كانما ماف تصحيح للخطاء .. المعروف طبعا يا وليد إنو المعكوسات هي عبارة عن هدايا لحارس المرمى ليستعرض فيها .. وليثبت اقدام الفريق وامتصاص حماس الفريق الآخر .. لاحظ مباراة الهلال والاسماعيلي في الخرطوم وكيف اتعامل الحضري مع المعكوسات التي امتص بيها حماس كل المشجعين في الاستاد قبال ما يضرب حماس وعزيمة اللعيبة في الميدان في مقتل .. معز ما زال (تقيل) جدا في منطقة (الخصر) وفي الرجلين .. ودي بتعمل عيب في التوقيت لحارس المرمى .. بيطير بعد الكورة خاصة في المعكوسات وفي الزوايا البعيدة .. وفي حالة المعكوسة يصعب عليه الرجوع إلى الخلف دي كلها عايزه معالجة بي التمارين الشاقة جدا .. الدعيع افضل بكتير من المعز .. في كل الحركات دي .. توقيتو سليم جدا وقوامو مساعد ..
من ناحية العيوب يا وليد ومشايلته بي المحاسن .. بتذكر كابتن حامد بريمة وهو زول شفت جدا .. كان بيعرف يقيف صاح في المرمى بحيث إنو لو شت الكورة عادي جدا ممكن تضرب فوقو من دون اي جهد .. وطبعا الما بقدر عليها بيلجأ إلى خيار (الاغراء) .. كان بيفتح ليك الزاوية بي مقاساتو هو .. وعارف إنو لو شتها ليهو في الزاوية دي بالذات ممكن ياخد خطوة ويطسير يجيبه .. وفي نفس الوقت المنطقة الافتراضية المفترض بالحسابات تشوت فيها وتجي قون وهو ما يقدر يتصرف فيها .. بخليك بعيد كل البعد عن التريكز فيها .. غايتو ما كان ضاريهو في المريخ إلا هلالابيتو دي
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: tmbis)
|
يا كوتش مالك عايز نلفها معاك
ماكنت ماشي معانا كويس
اوع تكتب لي اي زول نحن فينا غلط
يازول كل التغيرات دي تمت وفق تكتيك معين
شوفت يوم هارون دياب كتب انهم غلط
يرفع لينا ضغطنا في السما وهم كلهم غلط
اها دحين نحن نافي عندنا غلط
يا كوتش خليك كوتش حنين علينا
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: tmbis)
|
تامبا يا رشاشة
والله ماشة معاكم باسطة
بريمة ده معلم اسالني منو
كنت ما بحب اتمرن وهو متمرن واقعد وراء اتفرج فيه
المعز عيوبه كبيره لكن برضو حسناتو كتيره ..
هو مميز في الانفرادات .. وفي ثباتو الانفعالي
اهما حاجة اللاعبين القدامو واثقين فيه وده بخليهم يلعبوا باريحية وهم مرتاحين نفسيا
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: وليد محمد المبارك)
|
وليد مبارك سلامات
ده البوست
Quote: مباراة المرعنى محتاجين لرفع معدلات اللياقه
وتجهيز البديل خصوصا لبعض الخانات الحساسه :
سحبت سامى وده غلط
سحبت بكرى المدينه وده غلط
لم تشرك بويا من البدايه وده غلط
لم يشرك جمعه كبديل للمعز وده غلط
ومباراة الامل محتاجين للنصر :
لم تستبدل مهند وده غلط
تاخر اشراك خليفه وده غلط
+
سحب سادومبا فى وقت حرج وده غلط
اشراك احمد عادل وده غلط |
بالنسبه لردك حناخدها حته حته للفائده طبعا وبنشكرك كتيير بدعم البوست ببعض الآراء الجيده
اول حاجه كتبت انت >
| Quote: اشراك جمعة واحمد عادل ومهند طاهر كان هو تجهيز البدائل |
- بالنسبه لجمعه انا طالبت باشراكه ايضا انظر اعلاه فى مباراة المرغنى بعد
ضمن المدرب نتيجتها لمزيدا من الثبات
- بالنسبه لاحمد عادل استنفذ كل الفرص دون ان يفعل شئ
وانا كتبت اشراكه غلط خصوصا فى مباراه محتاجين برفع
معدلات اللياقه للمهاجم الاول للهلال > سادومبا وهو العائد
من سفره ولم يشارك منذ مباراة الاتحاد الا مع منتخب بلاده
- بالنسبه لمهند الطاهر استمراره فى اللعب فى تلك المباراه
فيه مردود سلبى على معنويات اللاعب بعد ظهوره المتواضع
وانا بفتكر اراحته كانت مفيده لانه وخلافا لما ذكرت فهو
اللاعب الوحيد الذى لم يرتاح سفر فى مشاركات مستمره
منذ الدوره الاولى ومرورا بالكنفدراليه و الدوره التانيه
والمنتخب وووو اللاعب الوحيد الذى لم يرتاااااح يا وليد
واستبداله او عدم مشاركته كان سوف يكون افضل > على فكره
حديثك فيه تناقض ما بين تجهيز مهند وهو الذى لم يغيب اصلاوكتابتك فى الجزئيه ده عنه >
Quote: كل اللاعبين الممكن يحل ليهم حمل زايد ( اوفر لود ) ولياقتهم لا تتحمل لاسباب مختلفة منها عامل السن كهثم
والتكوين الجسماني الفطري كمهند
اداهم جرعات متوازنة من اللعب عشان يحافظ على لياقة الفترة الطويلة من الدوري وما يحصل ليهم حمل زايد او اصابات |
وكتبت اعلاه >
| Quote: اشراك جمعة واحمد عادل ومهند طاهر كان هو تجهيز البدائل |
برجع ليك يا وليد > بس يا ريت تستعرض الغلط الذى اشرت له فى تغيرات ميشو واحد واحد
>>> التغير طبعا بالاشراك او السحب
..........
خليل ذى ما اتفقت معاك مسبقا بخصوص 4 5 1 بتفق معاك برضو
فى اهمية خوض الهلال لتجربه قويه
.......
ابو اللول وين انت ياخ يعلم الله مشتاقين
...........
ويا وليد مبارك شايفك اخيرا اقتنعت بعدم جدوى مشاركة مهند فى مثل هذه المباريات
ولـ ودالبشرى فى ذات الخصوص وحسب تامينه على تشكيلتك برضك بقول حمد الله على السلامه > وش ضاحك
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: طارق الكوتش)
|
Quote: - بالنسبه لجمعه انا طالبت باشراكه ايضا انظر اعلاه فى مباراة المرغنى بعد
ضمن المدرب نتيجتها لمزيدا من الثبات
- بالنسبه لاحمد عادل استنفذ كل الفرص دون ان يفعل شئ
وانا كتبت اشراكه غلط خصوصا فى مباراه محتاجين برفع
معدلات اللياقه للمهاجم الاول للهلال > سادومبا وهو العائد
من سفره ولم يشارك منذ مباراة الاتحاد الا مع منتخب بلاده
- بالنسبه لمهند الطاهر استمراره فى اللعب فى تلك المباراه
فيه مردود سلبى على معنويات اللاعب بعد ظهوره المتواضع
وانا بفتكر اراحته كانت مفيده لانه وخلافا لما ذكرت فهو
اللاعب الوحيد الذى لم يرتاح سفر فى مشاركات مستمره
منذ الدوره الاولى ومرورا بالكنفدراليه و الدوره التانيه
والمنتخب وووو اللاعب الوحيد الذى لم يرتاااااح يا وليد
واستبداله او عدم مشاركته كان سوف يكون افضل > على فكره
حديثك فيه تناقض ما بين تجهيز مهند وهو الذى لم يغيب اصلاوكتابتك فى الجزئيه ده عنه > |
مرحب يا كوتش
كلامي ده | Quote: اشراك جمعة واحمد عادل ومهند طاهر كان هو تجهيز البدائل |
وانا بتكلم عن مباراة النيجر الاراح فيها المدرب اغلب الاساسيين واتاح فرصة للبدلاء
بالنسبة لمهند بشة خرتو خلاس
لمن كنا بنقول مهند لا غنى عنه بشه ما كان جا الهلال
الان مهند ورغما عن انو هداف الفريق
الا انو مافي طريقة ليه مع بشة
وبصراحة نجومية مباراة امس يستحقها بشة ما مهند
المهند كان شغال بين بشة معند مناصفة في المباريات
وكان ببدا في الاغلب بمهند
لكن بشه فرض نفسو بقوه وبمجهودو
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: وليد محمد المبارك)
|
Quote: شوف يوسف في الكورة دي وحا تامن يا ود البشرى
ده لاعب كبير بعرف بتين العب وبستفيد من تجاربة القديمة |
ما اظن لانه واضح من حركته حتى في عكساته وضربته للكرة يثبت لك انه بعيد كل البعد
والان خليفة رغم عشوائيته في الحركة افضل منه
انت لو ملاحظ في مباراة امس مع الميرغني تجد انه تسبب في ارهاق عمر بخيت
وحتى عندما يتقدم يقتل الهجمه ويضعفها بعدم التركيز .
Quote: تامبا يا رشاشة
والله ماشة معاكم باسطة |
ماتخليها تمشي عايزين نمد لسانا شويه على الناس في السعودية
ونمشي رافعين الراس
كابتن وليد المبارك
Quote: بريمة ده معلم اسالني منو
كنت ما بحب اتمرن وهو متمرن واقعد وراء اتفرج فيه |
معلم شنو ياوليد ياخ الكلام دا عيب منك وانت زول حارس مرمى
زول زي بريمة تم تصنفيه مع ناس نكونو وانطوان بيل في افريقيا تقول عليهو معلم فقط
(الاسطورة بريمة ) وجد فرصة الاحتراف في فرنسا ففضل تربيزة الكتشينه عليها
تقول عليهو معلم فقط .
ياوليد ياخي بريمة تضرب الكره له تحت يجري وراها وليس يقفز عليها
دي ما اي حارس مرمى يستطيع يعملها ولو( اولفركان ) حارس المانيا
اقول ليك شي بريمة شال الكاس لسلاح الموسيقى وهو لاعب لهم مهاجم تقول شنو ياخ
وليد ماتزعلني منك لاتتحدث عن الاساطير هكذا سبت دودو وزغبير واحمد ادم وحامد بريمة وعوض دوكا
وقف تأمل زي بتاعت حسين ملاسي ؟؟؟
Quote:
المعز عيوبه كبيره لكن برضو حسناتو كتيره ..
هو مميز في الانفرادات .. وفي ثباتو الانفعالي
|
اكيد ياوليد انت ماكاتب الكلام دا
1- المعز جسمو حلو وليس رشيق
2- المعز لايعرف حسابات الخروج من المرمى ياوليد ياخي انت تعلم جيدا
ان الحارس في حالة الانفراد يتحرك حسب زوايا المرمى
وكيف يضيقها ويقفلها على المهاجم .
3- المعز في حالة المعكوسة توقيته ضعيف جدا جدا لان المهاجم يتعمد عكس الكرات في راس خط سته
لتطميع الحارس للخروج من مرماه ويقع في الاخطاء وكل مره يقع في نفس الخطأ
4- يقف خلف الدفاع ولايعرف كيف يوجهم ويقودهم من الخلف بل يعمل على اطرابهم
دايما عامل نشاذ في الدفاع .
| Quote: اهما حاجة اللاعبين القدامو واثقين فيه وده بخليهم يلعبوا باريحية وهم مرتاحين نفسيا |
ياوليد ياخ انت انت ومتفرج ومريخابي هل تثق في المعز تقول كمان القدامو
امس مع الميرغني شاتو ليهو كورة من امبدة اتملصت منه وصاحبنا سارح
ياوليد مشكلة المعز ليس مشكلة مدرب
مشكلته مثل مشكلة الذي يتعلم قيادة العربية خطأ
طول عمره يسوقها خطأ الى ان يقتل نفسة او يقتل ليهو زول
غايتو الله يسلم الهلالاب منه .
ياوليــــــــــــــــــــــــــد جرينا اسمك زعل منك ومن الهلال امس مع الميرغني كسلا
عايز اقول كلام وانت طبعا دربكم المدربب (احمد بابكر ) مع الفريق القومي الذي ذهب الى (ماسة الايطاليه )
هل تذكر كثيرا كان يوقف التمرين ويقول شكل الحركة ووقفة اللاعبين لم تعجبني وفيها شيء غلط
وهذا كان شكل الهلال امس .
ياوليد وطارق الكوتش :
ميشو ماذا يفعل وهذا سلوك وطبع اللاعب السوداني ليس له مستوى ثابت
والان هو في حيرة شديدة وهذا واضح من تبديلاته اثناء المباراة لان عينه على الكنفدرالية وهو يستفيد من مباريات الدوري
لوضع الخيارات والاحتمالات .
نحن نحير الخواجة زاتو ياجماعة انتو مالعبتو كورة ولا شنو
نحن محتاجين اعادة صياغة للزول واللاعب السودان
كيف يتعامل مع الرياضه باحترافية مهما كان نوعها .
زمان المردب سيد سليم في المريخ بقول عيسى صباح الخير لايوجد احرف منه في افريقيا
ولكن لا يطمنني يوم في السماء ويوم في الارض
-----------------------------
من مباراة امس الهلال ليهو الله
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: وليد عبد اللطيف)
|
Quote: لو في خوف على الهلال يا بشرى بكون من ثلاثة لاعبين
اتفق معاك في بويا على اساس انو جديد نسبيا وما عارفين ثباته النفسي كيف في المباريات الكبيرة
حتى الان لم يشاهد في مبارياة الضغط النفسي والمسئولية العالية
لكن هو من ناحية فنية وجسمانية ما عنده عوجة
بس ان شاء الله يكون زول حارة
نمرة اتنين المعز محجوب
معز ضعيف في المعكوس .. وهو مصر يعمل فيها بشيل معكوس
وكتير جدا بطلع غلط .. كل حارس عنده نقاط ضعف بغطيها لو حريف بنقاط قوتو
انا لو محل معز والله ما امرق لي مكوسة ابدا
استناها تنضرب لانو احتمال اشيلها بعد تنضرب احسن من مرقتي ليها الطوالي غلط
ومعز زول كبر ما حا يتعلم يشيل معكوس بعد ده
التوانسة مشهورية بالمعكوسات والضربات الراسية
لو معز عمل هبالتو دي .. اي معكوسة حا تكون قون
نمرة تلاته
وده الهاجس المفروض تشتغل عليه ادارة الهلال
علاء الدين يوسف
افضل من يخرج اللاعبين من طورهم ويستفزهم هم التوانسة
وعلاء الدين لاعب مكتمل الامكانات الفنية والفكرية والبدنية
لكن عنده مشكلة نفسية
انفعالي ومتهور ولا يقيم الاوضاع بصورة سليمة احيانا
ينتصر لنفسه ولو على حساب المجموعة
علاء الدين هو مفتاح الكورة دي
مستواه تمام وثابت نفسيا الهلال ما بتجيه عوجة ولو اتغلب ما بتغلب اكتر من واحد
علاء الدين مجهجة ومشاتر
والله تترشوا رش |
مرحب ولي
المكتوب بالاحمر فوق ده ياه كلامي الكتبته عن المعز
بالنسبة لحسناته الاتكلمت عنها اكيد المعز عندو حسنات
ولا كيف وصل لي انو يلعب للهلال قريب العشرة سنوات متواصلة ؟
ويحرس مرمى السودان نفس المده ؟؟!!!
مهما كانت عيوب المعز اكيد فيه الحسنات الخلتو يكون اساسي في الهلال والفريق القومي طوال السنوات دي
ما اظن ناس الهلال مجاملنه .
ادو الناس حقها يا ولي ..
نقول عيوبو ونقول مميزاتو
معز كعب في المعكوسات متميز في الانفرادات
والشاهد على كده جميع مباريات هلال مريخ السنة الفاتت
بالنسبة لحامد بريمة يا ولي
هي كملة (معلم ) بقت نبز وانا ما عارف ولا شنو
هو في شكر اكتر من انو الزول يصفوه بانو معلم
بعدين هو ما لعب في سلاح المهندسين
هو لعب في السلاح الطبي
فعلا كان بلعب مرات مهاجم وبخلي يلعب قون نسيبي محمد فلاح ( كستر) حارس الموردة حينها
بالنسبة ليوسف محمد انا مختلف معاك
خليفة الهلال محتاجه في الوسط عشان يشيل مع عمر وعلاء الدين
تحياتي يا ولي
| |
|
|
|
|
|
|
|
|
 Re: يا ميشو تغيراتك غلط و غلط كبير (Re: tmbis)
|
Quote:
غايتو ما كان ضاريهو في المريخ إلا هلالابيتو دي
|
تامبا
سلامات
زمان شُفتَ حامد بريـمة واقف بعربيّة كورونا ليفت باك جنب مركز شباب أُم درمان
واقف جنب العربيّة بيتكلّم ليهو مع واحد
واحدة من طالبات الثّانوي بالنّاحيّة التّانية من الشّارع شافت حامد بريـمة
فبأعلى صوتها كوركت : ( حااااااااااااامد بريــــــــمة )
إتلفت ليها
فبيدّيها الإتنين عملت حركة إرسال قُبلات الإعجاب ديك
هو من هناك عمل ليها نفس الحركة
قامت بصوت عالي قالت ليهو :
( والله والله والله العظيـم أنا هلالابيّة )
حامد بريـمة قال ليها :
( والله والله والله العظيـم أنا ذاتي هلالابي ) 
ناس البوست سلامات
| |
|
|
|
|
|
|
|
|
 Re: يا ميشو تغيراتك غلط و غلط كبير (Re: لؤى)
|
Quote: وانا بتكلم عن مباراة النيجر الاراح فيها
المدرب اغلب الاساسيين واتاح فرصة للبدلاء |
يا وليد اليومين ديل متفرق للهلال ومتابعو شديد
وبستمتع بالآراء خصوصا العكس قناعتى > بس ياريت
وانت بتمتعنى تدقق شديد فى كتابتى ، لان موضوع البوست
كان عن مباريات الامل و المرغنى وطبعا لسع منتظر
رايك فى تبديلاته والفلسفه التى بنى عليها ذلك
> بس امسك التغيرات حته حته ومنتظرك
...........
بالنسبه لخطة 4 5 1 انا طبعا مقتنع بيها وكان اشار اليها
خليل فى بوست سابق بس عندى تعديل بسيط على تشكيلتك >
1- لتشابه لعب سيف ويوسف محمد والذى يخلو من الانقضاض
عندما تكون هنالك هجمه شرسه وفيها عدد كبير من لاعبى الخصم
داخل الصندوق او حالة انفراد من ناحية الهلال اليمنى
حيث سيف بيكون يمين وديمبا يسار > اغلب الاهداف الدخلت الهلال
من هذه الناحيه يا انفراد يا ضرب باص بينهما يا معكوسه فى طرفيهما
طبعا بتكون من اليسار>>> يوسف برضك لا يستخدم راسه ومع
مشاكل المعز فى المعكوسات ببقى الطين بزيد بلل
2- لضعف التهديف عند كاريكا ولان و بهذه الخطه لن تكون
هنالك فرص كتيره و احتمال انصاف فرص بفضل سادومبا
على كاريكا عليه وحسب وجهة نظرى برشح
المعز
بويا يسار
خليفه يمين
سامى
ديمبا
+
سيف
علاء
عمر
هيثم
بشه
+
سادومبا
والاحتياطى
للدفاع
الاطراف يوسف او تحويل سيف حسب المجريات
العمق تحويل سيف
الوسط : ممكن يوسف برضك اوتحويل خليفه
الهجوم بكرى و كاريكا حسب المجريات
يعنى برضك وحسب المجريات ممكن تتحول الى 442
مهند الطاهر لا يدفع به الا اذا كان وفقط اذا كان
الهلال مسيطر على الكره تماما ومنتشر بشكل جيد
دفاعا ووسطا وهجوما
........
وليد ووليد وودالبشرى وخليل رايكم شنو سامى يمين
وسيف عمق شايل معاهو وبهناك بويا و ديمبا
وهنا ممكن يا وليد خليفه وسط مع علاء
وعمر وبشه وهيثم
..........
يوسف محمد مستواه بعيد جدا عن مستواه الذى نعرف
ولا اعتقد يظهر بذلك المستوى الجيد فى لقاء الصفاقص ؟
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: طارق الكوتش)
|
سلامات يا كوتش
Quote: وليد ووليد وودالبشرى وخليل رايكم شنو سامى يمين
وسيف عمق شايل معاهو وبهناك بويا و ديمبا
وهنا ممكن يا وليد خليفه وسط مع علاء
وعمر وبشه وهيثم |
ظنى هذا هو الافضل
خاصة في بداية المباراة
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: وليد محمد المبارك)
|
مرحب تاني يا كوتش
Quote: بس ياريت
وانت بتمتعنى تدقق شديد فى كتابتى ، لان موضوع البوست
كان عن مباريات الامل و المرغنى وطبعا لسع منتظر
رايك فى تبديلاته والفلسفه التى بنى عليها ذلك
> بس امسك التغيرات حته حته ومنتظرك |
انا قريت كلامك
لكن فكرتي انو مدرب الهلال نظرتو شاملة رتبها من بداية المجموعات للكونفدرالية
بدا مستهدف النقاط حتى يضمن التاهل وبعد ضمان التاهل اعتقد انو اعتبر المباراة الاخيرة في المجموعات
وجميع مباريات الممتاز قبل بداية المربع الذهبي
فترة اعداد للمربع الذهبي
جهز فيها البدلاء حسب روئيو وحافظ على مواصلة من يعتبرهم اساسيين
اعتقد انو المدرب معول على يوسف محمد لانه عاوز يلعب هجومي في المجمل
يعني هو عارف انو قوت الهلال في وسطه وهجومه وضعفه في دفاعة
وعاوز يستفيد من مميزات فريقة لاقصى درجة
ده على المجمل
شكل الهلال حا يكون هجومي مع اعتماد في الدفاع على امكانيات الوسط المتاخر المهولة في الاستخلاص والمراقبة علاء الدين وعمر بخيت
يعني الهلال افضل ليه يلعب زي البرازيل 94
فريق البرازيل كان فريق هجومي بحت دفاعو كان ضعيف مقارنة بباقي خطوط الفريق
وكان الاعتماد الكلي في الدفاع على لاعب الوسط المتاخر دونقا ومكانياته المهولة في الاستخلاص
ثم وضع الخصم تحت ضغط هجومي مكثف حتى يظل في حالة دفاع مستمر
والهجمات المرتده يكون حملها الاساسي على دونقا
طبعا مافي لاعب في الهلال بمستوى وامكانيات دونقا
لكن عمر وعلاء الاتيني مجتمعين ممكن يستغلوا الشغل ده
اعتقد ذلك
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: لؤى)
|
| Quote: ( والله والله والله العظيـم أنا ذاتي هلالابي ) |
يا ابو اللول ..
والله لو قمنا جبنا ليهم بقية الرشاشات في المريخ في الوكت داك .. انا خايف وليد يقوم يشيل مداخلاتو دي ويتحالف مع هارون دياب ويضيقو الخناق علينا
المعروف وحسب المتبع في الفترة ديك .. إنو كان الولاء يغلب على المادة علشان كدا لما تكون في فريق وتنتمي لي الآخر بيكون شذوذ في القاعدة .. خاصة فيما يتعلق بالهلال والمريخ ..
| |
|
|
|
|
|
|
|
|
|
Re: يا ميشو تغيراتك غلط و غلط كبير (Re: وليد محمد المبارك)
|
كابتن وليد
Quote: بالنسبة لحامد بريمة يا ولي
هي كملة (معلم ) بقت نبز وانا ما عارف ولا شنو
هو في شكر اكتر من انو الزول يصفوه بانو معلم
بعدين هو ما لعب في سلاح المهندسين
هو لعب في السلاح الطبي
فعلا كان بلعب مرات مهاجم وبخلي يلعب قون نسيبي محمد فلاح ( كستر) حارس الموردة حينها |
(كلمة معلم ) برضو مافهمتني ياوليد
وكويس انك صلحت لي معلومة بريمة كان مع السلاح الطبي لان تقريبا المهندسين كان ناس باكمبا
وناس سكسك مع القيادة العامة ويدربهم سليمان فارس
اسف جدا للخطأ نسبة استعجال الرد
وشكرا للتعديل ياكابتن
الخبير طارق الكوتش
Quote: وليد ووليد وودالبشرى وخليل رايكم شنو سامى يمين
وسيف عمق شايل معاهو وبهناك بويا و ديمبا
وهنا ممكن يا وليد خليفه وسط مع علاء
وعمر وبشه وهيثم
|
طبعا ياطارق مهمة الطرف الايمن بتحتاج الى لاعب بمواصفات معينه واقربها في الهلال عند خليفة
ويوسف محمد افضلهم ولكن مشكلته بعيد عن مستواه
ولذلك افضل خليفة بدلا عن سامي وغير ذلك خليفة كثيرا ما ينضم على الوسط وتارة يساعد الهجوم بالدعم
يعني من البداية اذا لعبت به في وسط الملعب بتزيد كثافة الوسط في نفس الوقت بتضعف الطرف اليمين
لان كما تعلم العالم كلة يلعب بالاطراف لان اثبت فعلا اخطر الهجمات تبنى من الاطراف لانها اخطر على الدفاع والحارس من حيث التمركز
ياطارق مهم جدا خليفة يكون لاعب يمين ..
سامي يمكن توظيفة في خانة الطرف الايمن مستقبلآ
ورغم انه افضل من مساوي وسط الدفاع إلا ان مساوي الان يملك حساسية هذه الخانة
ونسبة لبعد سامي عنها تجد فرق كبير بينهم لو ملاحظين اداء سامي هذه الايام .
كابتن وليد جيتك تاني
Quote: مهما كانت عيوب المعز اكيد فيه الحسنات الخلتو يكون اساسي في الهلال والفريق القومي طوال السنوات دي
ما اظن ناس الهلال مجاملنه . |
ياولى حسنة المعز الوحيدة هي انه افضل السيئين لان لو ملاحظ في العشرة سنوات الحراسة كانت بهاء الدين واكرم والمعز وحافظ
وكم واحد وديل كلهم ما ممكن يعملوا حارس مرمى ناجح لذلك ممكن المعز يلعب عشرة سنوات اخرى بكل سهولة
وممكن بعد الهلال ينتقل للمريخ لانه لاتوجد منافسة في الحراسة . لدرجة المريخ جاب حارس فلسطيني .
Quote: ادو الناس حقها يا ولي ..
نقول عيوبو ونقول مميزاتو
معز كعب في المعكوسات متميز في الانفرادات
والشاهد على كده جميع مباريات هلال مريخ السنة الفاتت
|
ياوليد طبعا انا وانت تكلمنا كثيرا في موضوع المعز قبل كدا وانت بنفسك فتحت له بوست بذلك
وكنت عاوز اجيب ليك فديو يثبت حركة المعز عند خروجة لنفراد وكيف تدخل الاهداف بسهولة
بالزات خروجة باليسار لان ياوليد خروج الحارس يحتاج لحسابات دقيقة وليس هبتلي
لكي يصعب مهمة المهاجم ..
وكرة القدم اصلا مبنية على الاخطاء ولو لاها لما ولجت الاهداف .
وربنا يصلح الحال
مع تمنياتي للمعز محجوب بمستقبل جيد ويحقق اكبر انجاز مع فريق الهلال
--------------------------
ياكوتش بجيك لنقاط مهمة
| |
|
|
|
|
|
|
| |
khaleel
لؤى
وليد محمد المبارك
فاروق عثمان
محمد البشرى الخضر
omer osman
زهير الزناتي
الصادق صديق سلمان
امير عوض الجمري
mohmed khalail
tmbis
محمد سنى دفع الله
وليد عبد اللطيف
فيس بوك
تويتر
انستقرام
يوتيوب
بنتيريست