|
Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) (Re: محمد عبدالرحمن محمد)
|
محمد عبدالرحمن سلام ماكن و تحايا أمكن
تعرف يا محمد كلو من ود جبريل ، طارق دة قعد يقول : لناس الليل و الناس المكسرة ، و قعد يلهلب في مشاعرنا و نحن برانا رويحتنا قاعدة على الهبشة ، لغاية ما سمعت الغنيوة دب اللت مروي بكورال حبشي ، عليك أمان الله ، أول شي إتْدشيت زي ال شارب لي كنتوش بقنية، و فنجلت عويناتي ، و وقفن قرون إستشعار حواسي ، و كل مرة أرجع الحتة بتاعة ( يا هلة تنوري ) ، لغاية ما حاجة كدة زي الرتينة بقبقتْ قدام عيوني الله يجازيك بالخير يا ود جبريل
غايتو ... يا ناس القوز .. ألينا جنس زُلُم
دمتم
| |
|
|
|
|
|
|
Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) (Re: ابو جهينة)
|
Quote: محمد عبدالرحمن سلام ماكن و تحايا أمكن تعرف يا محمد كلو من ود جبريل ، طارق دة قعد يقول : لناس الليل و الناس المكسرة ، و قعد يلهلب في مشاعرنا و نحن برانا رويحتنا قاعدة على الهبشة ، لغاية ما سمعت الغنيوة دب اللت مروي بكورال حبشي ، عليك أمان الله ، أول شي إتْدشيت زي ال شارب لي كنتوش بقنية، و فنجلت عويناتي ، و وقفن قرون إستشعار حواسي ، و كل مرة أرجع الحتة بتاعة ( يا هلة تنوري ) ، لغاية ما حاجة كدة زي الرتينة بقبقتْ قدام عيوني الله يجازيك بالخير يا ود جبريل غايتو ... يا ناس القوز .. ألينا جنس زُلُم دمتم
|
عارف يا ريس جنا جبرين دا يوم بيودرلو زول.. لاكين ياخ انت رد فعلك ما يبقى قدر دا.. بالطريقه دي بتكتلك بلتون عديل ياخ!! بعدين شفتا فنجطت البنوت ديل كيفنها؟.. عِلِّي الله يجازي المخرج كوجن كتير بي تقطيعو للمشاهد الما عندو عَدَل وقال يعني نظام بيتفنن!! بعدين انت عارف انو القوز (الزَلَم) العالم دا تبعنا؟ ودا المخلي إهساسنا (بالزُلُم) يبقى زايد!! تسلم ياخ.. خليتنا نبعد من ال(..............) المالي البورد اليومين ديل!! يديك العافي...
| |
|
|
|
|
|
|
Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) (Re: Mannan)
|
إبن العم العزيز
تحية كبيرة
من أجمل الأغانى وازدادت حلاوتها بالرقص الإثيوبى الرائع... ......
الكابلي قامة موسيقية و الأغنية ترقد في الوجدان و الكورال الأثيوبي أعطى المشهد زخما غير عادي
الجماعة ديل لازم نعمل معاهم اتحاد كوشى وبلاش من العرب الما منهم فايدة
هو Already فيهم دم كوشي ، و خاصة قومية الأورومو و هناك دراسة جارية مفادها بأنهم أحفاد الفراعن السود ( النوبة )
دمتم
| |
|
|
|
|
|
|
Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) (Re: محمد عبدالرحمن محمد)
|
أبو جهينه يا مكتول كمد الناس جيرانا السمحين ديل متأثرين بموسيقانا وغنانا شديد جداً عندهم أغنية للراحل تلهون قسسا الموسيقى بتاعت الأغنية ياها عازه في هواك كوبي وبيست مع الترجمة من اللهجة السودانية إلى الأمهرية. وهناك الكثير من الأغاني التي يدخل في تكوين مفرداتها الموسيقية حاجه سودانية فهل هذه مصادفه ولا الشئ مقصود. هناك نجمة إسمها همل مال أبتا (أمل مال) لديها أغاني بالعربية وباللهجة السودانية الدارجة وياق لأن شاعراً سودانياً مركلساً في الهضبة الأثيوبية كتب لها بعض القصائد. غايتو السلم الخماسي مع لهجة الحبش خليط يمكن أن تحصي معه دقات قلب المرء. أقول ليك حاجه في حته إسمها دبرا ماركوس وهي في الطريق ما بين أديس أبابا في إتجاه الشمال إلى بحر دار الحته دي لو مسافر بالبص البص بيقيف فيها نظام lunch break وكده المهم الناس كلها جرت على مطعم كده شكلوا راقي قلت يا ود خليني أخالف دخلت لي مطعم راكوبه إلا شوية وكانت المفاجأة لقيت ليك الصوت الما يغباني تصوروا ترباس في دبرا ماركوس يغني والناس آخر إنبساط فكان لزاماً على أن آكل واحد شورو وواحد فرفر وحبست بي كباية شاي بالرغم من أنها تعبانه إلا أنها بتكيف ودفعت 23 بر.
| |
|
|
|
|
|
|
Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) (Re: almulaomar)
|
الملاعمر
حياك الله
هناك نجمة إسمها همل مال أبتا (أمل مال) لديها أغاني بالعربية وباللهجة السودانية الدارجة وياق لأن شاعراً سودانياً مركلساً في الهضبة الأثيوبية كتب لها بعض القصائد.
دي بالذات حاجة ما بتخلص
آكل واحد شورو وواحد فرفر وحبست بي كباية شاي
عليك الله يا الملاعمر واحد ياكل الحاجات دي و يحبس بي شاي ؟ ديل عندهم حاجة إسمها ( ميس ) أحسن حاجة تحبس بيها الشورو
| |
|
|
|
|
|
|
Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) (Re: ود الباوقة)
|
ود الباوقة
الشال السيدة وخلا هرم و السبب ما معروف. الكوسة من زمان معروفة
والله يا ريس قمة الابداع
تمام
والتحية لاهلنا في نوري وفي بقية مدن الولاية
وهم ينعمون بكهرباء سد مروي
و الرد الرد
السد السد ..
وان شاء الله دايما نوري منورة وكل مدن السودان
حسع بدل السدود لو جابوا البنيات و كل واحدة تقيف في طرف الحلة و تقول ( ياهلة تنوري ) .. مش كانت نورت ؟
التحية عبركم للمبدع كابلي وللفرقة الاثيوبية المشاركة يوصل
| |
|
|
|
|
|
|
Re: ألينا زلم .. يا ناس القوز ألينا زلم ( بوست برعاية مزاج زنجبيلي النكهة ) (Re: خالد العطا)
|
Quote: الإثيوبيات عندما ينطقن بحرف العين .. تشفق على الحرف من أن ينبلع و لا يعود إلى فمهن. و لكن هنا : يا هلة تنوري .. أحس بأن الحلة دخلتها كهرباء سد مروي |
والله يا جلال جبتها من الآخر والكلام ده بيعرفوا العاشوا معاهم ، تسعة سنوات من عمري كانت الأجمل وسط هذا الشعب الجميل ( الأمهرا ) . الشي التاني يا جلال غنانا ده ناقصوا التعبير الشكلي ، يعني شوف كمية الفرح البيظهر في وش الزول مع ظهور فتيات الفرقة الأثيوبية وكمان خيال كابلي في اختيار الأغنية بيوري انو الناس ديل حاجتم ما كملت ياخي ده فيديو فرح موبااااالغ
_________________________________ مشكلتي مع اللون الأصفر الفاقع اتحلت مع الفيديو ده وياللوري تشيل منو ن لووووووووووووووووووووووووووووووووووول
| |
|
|
|
|
|
|
|