|
كلام خارج السياسة نكتة عن شايقيتين دخلن الخرتوم مع الاعتذار لاهلنا الشايقية
|
الشايقيتين و احدة اسمها سكونى و دى تفتيحة مسوية الخرتوم ساساقة و خبرة فى ركوب القطر
اما اختها فطومى اول مرة تركب قطر و تخش الخرتوم . اها يوم سكونى نقت لفطومى و زنت ليها فى رآسها
و قالت ليها لازم نزور اهلنا فى الخرتوم . فطومى و افقت عاد اليوم داك سكونى نوم ما نامت
فرحانة فرح شديد لزيارة الخرتوم فالصباح بدرى النباه الاول سكونى صحت فطومى و جهزن هدومهم
فى شنطة الصفيح و جهزن ربع شوال بلح لناسهم الفى الخرتوم . بعد داك و قودن المنقد و قلن البن و
شمن ريحتو و بعد داك ختن الشغال فى النار عشان الموية تقلى و قبل دا نجضن العرق الابيض مع البن
و قالن كدى جابن المدق و الفندك و هرس العرق مع البن و كبنوا فى الشغال و خلن الموية تقلى و قال لك
كدى البن عمل الزبد البنى داك و ريحة القهوة طلعت و عاد ديك يا الصنية و الوقاية و الفناجيل
وكل و احدة قعدت فى بنبر وولعت سجارتا وكشفت رآسها و شمعت شعرا و بدت الونسة اها قولت يا
سكونى الليلة مارقاتنها فى الخرتوم الله يوصلنا و يجيبنا بالسلامة .
و قالن كدى ركبن القطر لمن و صلن الخرتوم نزلن فى المحطة الجنوب مستشفى الخرتوم وركبن تكسى
و هن ماشات الصحافة نمن جن بعند مطار الخرتوم فطومى قالت لسكونى دحين دا ما مطار الخرتوم
قالت ليها ياهو اسكتى قالت ليهاابقى الريح العفنى دى و ين قالت ليها اسكتى ابقى عندهم طيارة ميتى
ما تفضحينا .
|
|
|
|
|
|
|
|
Re: كلام خارج السياسة نكتة عن شايقيتين دخلن الخرتوم مع الاعتذار لاهلنا الشايقية (Re: صديق مهدى على)
|
Quote: شكرا يا ABUHUSSEIN على المرور رآيك شنو مش احسن من السياسة ام شتيمة .
|
Quote: صديق بس عصرت علي شديد ياخ المدام شايقية تحياتي
|
Quote: معليش يا ABUHUSSEIN قول للمدام قال ليك صديق الشايقية فهم ثقافة علم تجارة جمال دا مش كفاية .
|
يا سلاااااااام يا صديق ياخ.. والله لو تديها صنه من السياسه ام شتيمه وتقبّل علي شعرك الرصين ونوع الاستراحات اللطيفه دي يكون أجمل شي.. أها أسع شوف كتلت قلب أبو حسين دا كيف؟ والعجب أخو الوزير أكان جا ماري بي هنا..!!!
لاكين:
Quote: وكل و احدة قعدت فى بنبر وولعت سجارتا |
متل دي تاني ما فينا.. أوكي؟
| |
|
|
|
|
|
|
Re: كلام خارج السياسة نكتة عن شايقيتين دخلن الخرتوم مع الاعتذار لاهلنا الشايقية (Re: عثمان محمد كرار)
|
Quote: الشايقيتين و احدة اسمها سكونى و دى تفتيحة مسوية الخرتوم ساساقة و خبرة فى ركوب القطر
اما اختها فطومى اول مرة تركب قطر و تخش الخرتوم . اها يوم سكونى نقت لفطومى و زنت ليها فى رآسها
و قالت ليها لازم نزور اهلنا فى الخرتوم . فطومى و افقت عاد اليوم داك سكونى نوم ما نامت
فرحانة فرح شديد لزيارة الخرتوم فالصباح بدرى النباه الاول سكونى صحت فطومى و جهزن هدومهم
فى شنطة الصفيح و جهزن ربع شوال بلح لناسهم الفى الخرتوم . بعد داك و قودن المنقد و قلن البن و
شمن ريحتو و بعد داك ختن الشغال فى النار عشان الموية تقلى و قبل دا نجضن العرق الابيض مع البن
و قالن كدى جابن المدق و الفندك و هرس العرق مع البن و كبنوا فى الشغال و خلن الموية تقلى و قال لك
كدى البن عمل الزبد البنى داك و ريحة القهوة طلعت و عاد ديك يا الصنية و الوقاية و الفناجيل
وكل و احدة قعدت فى بنبر وولعت سجارتا وكشفت رآسها و شمعت شعرا و بدت الونسة اها قولت يا
سكونى الليلة مارقاتنها فى الخرتوم الله يوصلنا و يجيبنا بالسلامة .
و قالن كدى ركبن القطر لمن و صلن الخرتوم نزلن فى المحطة الجنوب مستشفى الخرتوم وركبن تكسى
و هن ماشات الصحافة نمن جن بعند مطار الخرتوم فطومى قالت لسكونى دحين دا ما مطار الخرتوم
قالت ليها ياهو اسكتى قالت ليهاابقى الريح العفنى دى و ين قالت ليها اسكتى ابقى عندهم طيارة ميتى
ما تفضحينا .
|
تطير عيشتك
| |
|
|
|
|
|
|
|