|
|
 يا مـهـــند الطـاهـر ... لـحـدي هـنـا وســعـيـك مـشــكــور !!!
|
معقولة يا مهند الطاهر
ده لعب ده
دي مهارتك البنعرفها
دي شوتاتك
ده جريك مع الرجال
معقولة بس
انانية وطفيش كورة
ولعب بدون نفس
بتلعب كده زي التقول شاحتنك تلعب
ياخي في ملايين من الناس اسياد بلد
وما برضو الحقارة
ولعبك الامبارح ده
حقارة عديل بالناس ديل
لو عندك راي ياخوي
اقعد في بيتكم
العب مع الوصيف
ألعب مع غيرنا
لكن ما تلعب علينا
تخش تلعب عشان تخرمج
لا والف لا
ما بنقبل
ولا منك ولا من غيرك
نحن الهلال ده روحنا ودمنا
لا بنقبل فيهو
ولا بنقبل من الفيهو
يا مهند يا اخوي
الهلال ده
وجماهيره
هم الخلوك تبقى نجم
من ما جيت الخرطوم
الهلال شايلك
وبسبب الهلال
لعبت في الفريق القومي
وكل تغيير للاحسن في حياتك
كان سببه الهلال
واقول ليك حاجة كمان
انت اطلاقا ما بتلعب باص
لولدنا بكري المدينة
ولو لعبت ليهو باص
بيكون ما مريح
عشان تفشلوا
قدام الجماهير
يعني الفهم شنو يا مهند
اجندتك شنو
قاصد شنو
ورينا
كمان اقول ليك حاجة
لو ترجع للارشيف
في الموقع ده
قبل كم سنة
انا كتبت بوست هنا
طالبت بي شطبك
لانك غير مؤهل للدفاع
عن الهلال
ولا شعار الهلال
وانت كل مرة
بتثبت لي انه كلامي صاح
انت بتجي الملعب وفي راسك
حاجات تانية
بتعرفها براك
وبالذات مباراة الامل بالامس
كانت امورك واضحة
وحقو الناس ما تدفن راسها في الرمال
لعب نوع لعب مهند ده
لا بجيب دوري
لا كاس
لا كونفدرالية
يازول اقول ليك حاجة
لو دي طريقتك معانا
لحدي هنا
وسعيك مشكور
|
|
  
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: عبدالوهاب علي الحاج)
|
Quote:
وبدون تكريم كمان ... يللا بلاش وجع قلب
|
وهبة
غايتو انا امبارح كوركت لمن حسي راح
من خطورة مهند على الهلال
ياخي ده خاشي بي فهم ما يلعب
بشوت في الكشافات ابعد من وارغو
خرمجة مسؤول منها ميشو
كان لازم يغيرو من بدري
انا بقترح
يمشي يطير محل ما داير
ويخلي لينا هلالنا ده نحن بتقبل
لا راجي
لا زول من الوصيف
الوصيف كله ما فيهو زول شبه الهلال
وكل مرة اشوف نجم الدين
اقول الحمد لله الما جانا
كان كتلنا بدري
عارف يا وهبة
نحن محتاجين للاعب واحد بس
ما سوداني
عارفه منو
اللاعب الكاميروني بتاع سان جورج الاثيوبي
وميشو بيعرفه كويس
جقو الادارة تكون اتحركت من بدري عشان تجيبو
لانه بيشبه في لعبو لعب البرنس
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: عمر علي حسن)
|
Quote:
مع التاييد التام واضف من عندي كمان احمد عادل الذي لا افهم سبب تمسك المدرب بادخاله كل مرة
وترك لاعبين مثل النعيم وسامي عبدالله ..
مهند اصبح خطرا علي الهلال
عمر علي حسن |
يا ريس
والله كلامك صاح عن احمد عادل
لكن لخبطة مهند 90 دقيقة
يعني ضغظ وسكري ومصران عصبي لكم مليون هلالابي
واعتقد ان على الادارة الحالية
تجميد مهند حتى نهاية الموسم
وتبليغ المدرب بعدم اشراكه حتى في كنبة الاحتياطي
لانه اصبح خطر على كل الفريق
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: طارق الكوتش)
|
Quote: عارف يا وهبة
نحن محتاجين للاعب واحد بس
ما سوداني
عارفه منو
اللاعب الكاميروني بتاع سان جورج الاثيوبي
وميشو بيعرفه كويس
جقو الادارة تكون اتحركت من بدري عشان تجيبو
لانه بيشبه في لعبو لعب البرنس |
لا ياجمال انت ما عارف الزول الكويس
واللي نحن بالجد محتاجين ليهو
الطرف اليمين الغاني بتاع الترجي
ياخ دا صاقعة نجم بحاور كويس وبعكس تمام وجراااااي وسريع ومشاكس
ياخ دا لو جانا بدل يوسف محمد الطيرة دا
الهلال ممكن يلعب في البوندس ليقا 
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: طارق جبريل)
|
Quote: واقول ليك حاجة كمان
انت اطلاقا ما بتلعب باص
لولدنا بكري المدينة
ولو لعبت ليهو باص
بيكون ما مريح
عشان تفشلوا
قدام الجماهير
يعني الفهم شنو يا مهند
اجندتك شنو
قاصد شنو |
دي شنو المديدة الحارة دي يا جمال .. ده كلام خطير جدا .. لكن بكري المدينة علاقتو شنو بمهند
يعني لا بينافسو في خانتو ولا حتى في مهاراتو يعني مافي حاجة تخليهو يعمل كده .. وصراحة زي
ما قال خليل مهند عنده ايادي طولى في زرع الفرح في الهلالاب فحرام عليكم يكون ده جزاهو .. ما
معروف الظروف البلعب فيها شنو والضغوط اللاعب تحتها شنو والحاجة العارفها انه ما بيتمرد ويزوغ
من المباريات زي كتير من اللاعبين يعني ممكن يكون عليهو ضغوط كتيييرة وظروف غير عادية وبرغم كدة
بيجي ويدفع ضريبة ناديهو .. فيا جمال لا تقسو على الولد قبل التأكد من الحاصل .. وياريت ما تطلق اتهامات
خطيرة زي دي في حق لاعب بمستوى مهند ياااخي وانت زول واعي وعارف وعاقل وانا اكتر زول بعرفك هنا فما تخلي
حبك للهلال وحماسك ليهو يخليك تطلع من طورك للدرجة دي ..
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: خالد العطا)
|
لأ يا جماعة..مهند فعلا لاعب لا يجيد اللعب الضاغط على الخصم، لكنه في بعض المباريات يكون مفتاحا للنصر بصواريخه العابرة للقارات. أعتقد أن مهند محتاج لفرصة مع ميشو وسيثبت أنه لاعب من طراز فريد، خاصة إذا تم تطوير قدراته في الالتحام وأداء بعض الأدوار الدفاعية وعدم الاستستلام عند قطع الكرة منه. أما أحمد عادل، فالأفضل له أن يذهب إلى مكان آخر.
شاهدت مباراة للمنتخب التنزاني قبل أسبوعين، وأعتقد أن هذا البلد فيه لاعبون موهوبون حاليا وعلى ادارة الهلال أن تضع عينها على بعضهم خاصة في خط الهجوم.
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: لؤى)
|
جيمي يا حبيب
وكل الاحباب المتداخلين
انتوا عارفين مشكلة مهند في مباراة الامل دي كانت شنو ؟
مشكلتو انو ما قام بدور البرنس في تمرير الباصات للمهاجمين لاحراز الاهداف , يا أخي انت عندك ثلاثة مهاجمين
زي سادومبا وكاريكا والمدينة وبرضو تصوب من منتصف الملعب وبطريقة غير مركزة وعشوائية !!
مهند محتاج لتنبيه وتشديد انو يلعب لزملائه المهاجمين وقراءة الملعب وملاحظة تمركز زملائه المهاجمين والتمرير السليم في اللحظة المناسبة
ولا مانع من التهديف من خارج الخط لكن فقط عندما تكون الفرصة فعلآ مناسبة للتهديف ...
وبالشكل دة حايكون مهند الذي نتمناهو
بس يا جيمي بالراحة على الولد , الولد لعاب ما فيهو كلام بس محتاج لمساعدة من الجهاز الفني للتخلص من بعض العيوب خصوصآ
ونحن مقبلين على مباريات حساسة ومحتاجين لكل الشباب في كامل جاهزيتهم البدنية والنفسية والمعنوية
وفوق فوق هلالنا فوق
عثمان الجدي
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: عثمان الخير)
|
(| Quote: تسلل : البوست ده معمول من اجل الهلال وليس ضد احد ولا تصفية حسابات مع زول معين) |
عارفين يا جمال انها ما تصفية حسابات يعني انت حسابات شنو العندك مع مهند انت لمن اغتربت مهند امه ما عرسوها .. ههههههههههههههها
وبرضو عارفك ما من النوع البيصفي حساباتو باللفة
غايتو ان شاء الله صوتك ده يصل مسعولين الهلال ويقولوا كدي يعملوها ونقول كدي نسويها
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: ارصد محمد جلال)
|
السلام عليكم
ونشكر صاحب البوست إنو أدنا فرقه ننداح فيها
اللاعب مهند الطاهر يصلح نموزج لتبيان
كل أمراض الكورة السودانية وعيوبها
البطء فهو أبطأ من أبو القدح زاااتو
الأنانية بيكون فى واحد فاضى ومواجه
المرمى وسعاتدو يشوووت ( وياريت فى القون)
البنيه الجسمانيه تعبان جدا جدا فى الحته دى (تقول بياكل دلاقين)
عدم التركيز أمام المرمى (ودونكم لقاء الأمل)
وأى كوره لقها دير يشوتا
ومابعرف يفك باص قون
والله مستواه بالكتير أحد فرق الروابط
أما أحمد عادل
لو سايق الكورة والمدافع قال ليهو
وه بخليها ولا يفكها غلط
وأرجو إنو مانكون طولنا عليكم
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: الوليد الرشيد وراق)
|
Quote: [عارفين يا جمال انها ما تصفية حسابات يعني انت حسابات شنو العندك مع مهند انت لمن اغتربت مهند امه ما عرسوها .. ههههههههههههههها
وبرضو عارفك ما من النوع البيصفي حساباتو باللفة
غايتو ان شاء الله صوتك ده يصل مسعولين الهلال ويقولوا كدي يعملوها ونقول كدي نسويها |
يا امير ماقالوا ليك البوست ده للهلالاب عشان يتناقشوا فى شأن داخلى وخاص جدا
اطلع منها وامشى الحق ناس الشغيل ديك قبلى مايكتلوا ليهم زول
مشتاقييييييييين ياخى
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: مدثر قرجاج)
|
Quote: يا امير ماقالوا ليك البوست ده للهلالاب عشان يتناقشوا فى شأن داخلى وخاص جدا
اطلع منها وامشى الحق ناس الشغيل ديك قبلى مايكتلوا ليهم زول
مشتاقييييييييين ياخى |
حاااااضر يا قرجاج حا ننكشح من هنا وان كان انتو وسيد البوست اصحابي وكرمكم معروف لكن الظاهر الايام دي قدحكم انكفأ..
بس مرة مرة كده بنجي بتاوق بالحيطة نشوفكم عملتوا لينا شنو في موضوع ولدنا مهنّد ده عشان نجهّز ليهو الحمامات للغسيل .. هههههها
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: مدثر قرجاج)
|
مهند لعاب وصاحب حلول يحتاجها الفربيق في كثير من الأوقات يا سنوسي بس الجهاز الفني عليه معرفة أحواله وكيفية الاستفادة منه ببدء المبارة والاستبدال في الوقت المناسب حسب الحال أو الدفع به في الوقت المناسب ودي شعبة على ميشو لاختلاف الثقافاات والخلفيات لأنها مرتبطة بالمعنويات ومطلوب من طارق أحمد أدم والكادر الوطني تولي هذا الأمر..
احتراماتي..
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: Amir Omer)
|
جمال السنوسي وضيوفه سلامات .... يمين بالله مافي زول في السودان ده احرف من ولدنا مهند الطاهر .... معليش عنده بعض العيوب الا انه لاعب مهاري وصاحب حلول فردية لا يستهان بها .... بالارقام مهند الطاهر هداف الهلال الافريقي تاريخياً بـ 16 هدف ودي يتخيل السنة الفاتت يعني السنة دي ما محسوبة .... الي الآن مهند هداف الهلال في الدوري الممتاز بتسعة اهداف .... يعني بعد ده الا يقلب ليكم هوبة ....
وزي ما قال صديقي خلي كم من مرة انقذ فيها مهند الهلال .... وكمان استاذ الكل د. عبد اللطيف البوني قال مهند يتعامل مع الكورة كما يتعامل مع الوردة .... ولا يحلو لجماهير الهلال الا منادته بوردة .... يمين بالله لمن اخش كورة للهلال .... لو الهلال غالب مثلاً 3 صفر وزول سالني الهلال غالب كم بقول ليهو اربعة ... بحسب قون مهند بقونين واحد للقون والتاني للهوبة ....
ارفعوا اياديكم عن مهند الطاهر ,,,, وزي ما قال ليكم كبيرنا الاستاذ عمر علي حسن انه مهند لديه مشاكل ويلعب تحت ضغط ومجلس الادارة يسعي لحل هذه الاشاكاليات ... يجب ان ننتظر الا ان تمر سحابة الصيف هذه .... يا ناس مهند ايقونة من ايقونات الكرة السودانية فلا تفرضوا فيه .... حتي استايل لعبه لا يشبه المريخ ....
يا جماعة كسلا دي ما بتجيب ليها زول وهم ساكت وكان ما مصدقني اسالوا ياسر معتصم ده ...
فتكم بعافية ...
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: Amir Omer)
|
ياوهية ... حبيبنا
Quote: لا ياجمال انت ما عارف الزول الكويس
واللي نحن بالجد محتاجين ليهو
الطرف اليمين الغاني بتاع الترجي
ياخ دا صاقعة نجم بحاور كويس وبعكس تمام وجراااااي وسريع ومشاكس
ياخ دا لو جانا بدل يوسف محمد الطيرة دا
الهلال ممكن يلعب في البوندس ليقا |
غايتو ناس الهلال لو ماسجلوا اللاعب دا
وهبه بموت وبضيع فيها
فعلا لاعب يشبة هلال مريخ
-------------------------
جمال سلامات
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: وليد عبد اللطيف)
|
جمال السنوسي امس سميتوهو الغزال واليوم
Quote: واقول ليك حاجة كمان
انت اطلاقا ما بتلعب باص
لولدنا بكري المدينة
ولو لعبت ليهو باص
بيكون ما مريح
عشان تفشلوا
قدام الجماهير
يعني الفهم شنو يا مهند
اجندتك شنو
قاصد شنو
ورينا
كمان اقول ليك حاجة
لو ترجع للارشيف
في الموقع ده
قبل كم سنة
انا كتبت بوست هنا
طالبت بي شطبك
لانك غير مؤهل للدفاع
عن الهلال
ولا شعار الهلال
وانت كل مرة
بتثبت لي انه كلامي صاح |
طبعا انا اوافق كلام الريس عمر على حسن
Quote:
مع التاييد التام واضف من عندي كمان احمد عادل الذي لا افهم سبب تمسك المدرب بادخاله كل مرة
وترك لاعبين مثل النعيم وسامي عبدالله ..
مهند اصبح خطرا علي الهلال
عمر علي حسن |
كثيرا ما سالتكم اين اللاعب النعيم لكي ينعم لكم وسط الميدان وينعشكم بحركته وتمريراته الجميلة
شاهدته اكثر من ثلاثة مرات وكلها لا تتعدى الساعة ولكن يبشر بميلاد نجم قادم
لماذا لم ياخذ فرصته حتى يقوى عوده .
---------------------------------
جمال براحه على مهند لان هذا ليس وقته واكيد في سبب وراء ظهور اداءه الباهت في مباراة الامل عطبره . ياخي كلهم كانوا سجمانين وليس مهند وحدة
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: عبدالله كع)
|
| Quote: يخليك تكره المريخ والمريخاب مليون مرة |
والله يا عبد الله عاد نحن الهلال بنكرهوا لكن ما بنكره الهلالاب
مافي حاجة تخليني اكره فتحي ومجدي وشهاب الجمري وعبد الله كع
وعبد الغفار وبدر الدين ابقاوون وكل حبايبنا هلالاب المنبر (وده مثال وليس حصر)
كتيرة كتيرة يا كعاكيعو الحق عدلها وانا بسحب دي
مهند ولدنا انتو بس فكوهو عشان ما يكرهكم اي حاجة وما يصمرقعكم .. هههههههههها
وعليك الله يا كع كلّم معاك زهير ده قول ليهو :
المريخ لعب فيهو كمال غبد الوهاب .
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: امير عوض الجمري)
|
امير سلامات .... وليه كمال عبد الوهاب الزمان داك .... ما قدامي العجب من امهر واحرف لاعبي الكرة السودانية خلال العشرين سنة الماضية .... وكتار زيه ... بس قصدي انه في لاعب استايله بيمشي مع فريق ومع فريق تاني لا .... لا يتنازع اثنان علي موهبة ابراهيموفيتش بس ما نجح في برشلونة والامثلة كثيرة .... ليس القصد التقليل من شان المريخ .... علي العكس انا اري بان المريخ فريق كبير ولا يقل عن الهلال في شئ .... الا ان استايل كل فريق يختلف عن الآخر .... وهي مدرستين مختلفين يتوارثها جيل ليورثها لجيل آخر ....
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: امير عوض الجمري)
|
الأخ جمال وكل الأخوة الكرام
مهند الطاهر دا واحد من أحرف وأميز لاعبي كرة القدم بالسودان
نعم به بعض العيوب ولكن يظل هو الأميز في المركز الذي يلعب به عادة
وأنا أعتقد أن نادرا ما نجد المدرب الذي يعرف كيف يوظف مهارات مهند وهذا ما حدث يوم مباراة الأمل فلم يكن لاعب الوسط الذي يساند الهجوم ويصنع الألعاب ولم يكن مهاجما...
مهند لاعب حريف وفنان...
وأفرحنا كثيرا... ربما كان لديه مشكلة ما زي ما ذكر أحد الأخوان فلازم نصبر عليه... والجاي أكيد أحلى إن شاء الله
وزي ما قال ليك أحد الأخوان شوف بس هدفه في حرس الحدود
وجمال لازم نتقبل بعض نتائج الهلال السيئة لأنو دا الهلال زارع الفرح لأعوام وأعوام
ودا ما الوقت المناسب لتوجيه مثل هذه الإنتقادات الحادة والقاسية للاعبين أسعدونا كثيرا
وشيل الصبر
وكن بخير
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: سامي عبد الوهاب إدريس)
|
| Quote: امير سلامات .... وليه كمال عبد الوهاب الزمان داك .... ما قدامي العجب من امهر واحرف لاعبي الكرة السودانية خلال العشرين سنة الماضية .... وكتار زيه ... بس قصدي انه في لاعب استايله بيمشي مع فريق ومع فريق تاني لا .... لا يتنازع اثنان علي موهبة ابراهيموفيتش بس ما نجح في برشلونة والامثلة كثيرة .... ليس القصد التقليل من شان المريخ .... علي العكس انا اري بان المريخ فريق كبير ولا يقل عن الهلال في شئ .... الا ان استايل كل فريق يختلف عن الآخر .... وهي مدرستين مختلفين يتوارثها جيل ليورثها لجيل آخر .... |
مععععععذرة يا زهير فهمتك غلط ..وانا طبعا ضربت المثل بكمال عبد الوهاب لأنه وجكسا والدحيش وبشارة العب ناس على مر تاريخ السودان وغيرهم كتير طبعاً ..
اعتذر مرة تانية يا زهير .. بس بالجد زي ما قلت لو فرطّوا فيهو وحاتك ما بنخليهو كان استايلو زينا وللا ما زينا ...هههههههههههها
محبتي وودي
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: امير عوض الجمري)
|
امير سلامات .... لا شئ يستحق الاعتذار .... اذا ما سجل المريخ مهند الطاهر قد ينجح وقد لا ينجح ... الا انه ناجح في الهلال بكل تاكيد .... هنالك لاعبون ينجحون في كل مكان ... مثل اللاعب علاء الدين يوسف نجح في المريخ وفي الهلال .... اتفق معك ان الهلال لو فرض في مهند التاريخ فانه خسارته قد لا تعوض .... كلام جمال السنوسي كلام زعل ساكت ... شخص عاشق للهلال ..... لا يقبل سوي بالنمرة الكاملة ... قد يرضي عن مهند وتعود المياه لمجاريها ....
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: زهير الزناتي)
|
Quote: يا جماعة
جاءني الان من مصادر اثق بها ان مهند يلعب تحت ضغوط تفقده التركيز وان امره
الان بيد مجلس الادارة لازالة تلك الضغوط واعادته لوضعه القديم كمرشح ليكون من
افضل اللاعبين في السودان
عن نفسي تراجعت لاري ما يستجد .. اما عن احمد عادل فمازلت استغرب وجوده في
قائمة الهلال.
عمر علي حسن |
اسمعوا كلام سعادتو عمر ...
كلام الناس الثقة والخبرة مابقع واطة ......
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: omer osman)
|
Quote: ابو الجيم ووهبة
يمكنكما بلع البوست مناصفة بواقع تلاتة ارباع جمال وربع وهبة للظروف الصحية
طبعا بعد السلام وإزجاء التحيات العطرات |
حبيبنا احمد الامين
دي آخرتها .. داير تبلع خالك البوست قبال الفطور ههههههه
لو ملاحظتك قوية امس مهند لم تخرج تصرفاته عن المعتاد
انا فوق قلت انو بشوت كور طائشة مرة تصيب ومرات كتيرة بتخيب
القون الاول بتاعو ما كان في داعي اساس يشوت من حتة بعيدة كدا والاولى كان يمرر لبكري المدينة الخالي تماما ولولا ضعف الحارس ما كانت خشت
والقون التاني الباص المقشر من علاء الدين يوسف اي زول بجيبو ولكن لو لاحظت ليهو شات الكورة باستهتار وبساقه بمنتهى عدم المسئولية
أكرر تاني وتالت مهند الطاهر لاعب ليس في قامة الهلال بنية ضعيفة ،بطء في الحركة والتصرف ،اناني ويضيع مجهود زملاءه
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: المعتمد)
|
كل الحبايب
سلام
وبالذات البطيخاب الشاركونا بحروفهم البطيخية الجميلة
وانا عايز اقول نفس كلام امير الجمري صديقي
وهو
Quote:
قول ليهم الميرغني حمااااااااام ميت خالص وما مقياس ومهند ياها دي فلاحتو يلعب مع الفرق التعبانة بس .. |
يعني يا ناس
مهند شنو البتوهج يوم الميرغني
نحن عايزين مهند يوم الحارة
يوم كان سيدا ما موجود
مهند مفروض عليهو
يشيل الهلال ده في جبينه زي هلال العريس
ويعمل كل شي عشان الهلال ينتصر
اها
ده الكلام
بعيدن الميرغني ده
لو جا هسه لعب في حلتنا بنرشه
فريق طيش الدوري
يعني يعمل شنو
يا اخوانا القلوب الحارة زي ناس العوني هي المهمة
هلال محتاج لجنود يف المرحلة الجاية
لانها مرحلة صعبة
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: يحى الشريف)
|
Quote:
كثيرا ما سالتكم اين اللاعب النعيم لكي ينعم لكم وسط الميدان وينعشكم بحركته وتمريراته الجميلة
شاهدته اكثر من ثلاثة مرات وكلها لا تتعدى الساعة ولكن يبشر بميلاد نجم قادم
لماذا لم ياخذ فرصته حتى يقوى عوده .
|
وليد
نعيم شنو بالله الفاكيها في روحو
كمان عايزه يفكها فينا
نحن دايرين زي ناس العوني
ناس تخش تقلع الكورة كان حقتك كان حقتهم
وصوا نهائي االابطال مرتين
ديل رجال الحارة
ونحن شغل اللميس ده ما بنفع معانا
التجنيس مفتوح
يعني نقوم هسه نجنس لينا كم واحد
زي الوصيف
ونلعب بيهم كاس العالم الجاي للاندية
ما كفاية هسه العندنا ديل بنلعب بيهم في الفريق القومي
ودرنا ليكم بيهم امام غانا في بلدها
وخلي ناس النعيم للبطيخاب
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: وليد عبد اللطيف)
|
Quote: زي ناس العوني وجمال ابوعنجة
والله انت متفائل جدا |
ولّي وود السنوسي سلامات
جمال ابو عنجة كان برجع من المبارة النادي يقلع الشرّاب يلقى ضفرو الكبير طاير و معلّق في الشراب
وهو ما جايب خبرو .
هههههههها ضحّكتني يا جيمي
انت عارف لاعبي وسط المريخ على مر التاريخ معروفين بالشراسة والقوة
واشهرهم طبعاً عمر احمد حسين الودا شواطين العناية المركّزة .
وبشارة ومازدا وجمال ابو عنجة وبدر الدين بخيت وجنبهم بيكون في طبعا لعيبة فنانين
زي كمال عبد الوهاب مع عمر وبشارة وان كان بشارة برضو فنان جدا وسامي عز الدين (الله يرحمه)
وعادل امين وابراهومة وسكسك وباكمبا برضو من اللاعبين الزي بشارة فنان وقوي وشرس وان كان لمن مشى الهلال اداها فنسة (ههههههههههههههههههههههههاي) ..
عشان كده يا جيمي لازم يكون في لعيبة فنانين زي مهند ده وكمان لعيبة بنسميهم الطلب يعني هم البيدافرو زي علاء يوسف وعمر وخليفة .
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: امير عوض الجمري)
|
امير الجمري ... سلامات
Quote: جمال ابو عنجة كان برجع من المبارة النادي يقلع الشرّاب يلقى ضفرو الكبير طاير و معلّق في الشراب
وهو ما جايب خبرو . |
غير ان جمال ابو عنجة عنيف إلا انه رشيق جدا جدا
ياخي عمل لينا حركة في تكريم سكسك بنادي الاسرة مع حسن حامد حيرنا زاتو تقول عمرو 15 سنه
اخر مره ذهبنا له منزلهم بالموردة انا وصاحبك محمد البربري عند وفاة شقيقته
وبعدها قابلته في الامتداد مع فريق الامتداد فطلب مني ان انضم للامتداد
فأخرجت له جواز السفر وقلت له تاني كرة القدم دي دا طرفنا منها ..
Quote: وباكمبا برضو من اللاعبين الزي بشارة فنان وقوي وشرس وان كان لمن مشى الهلال اداها فنسة
(ههههههههههههههههههههههههاي) .. |
هههههههههه
دي جمجرة قوية لكن تخيل يحب المريخ اكتر من الهلال
وصاحبك دا زي ود الموية يوم في الرياض ويوم في الشرقية ويوم في جدة
يستحل تلم فيهو كنا عايزين نعزيهو في وفاة المدرب عامر كلانا قريبة
.
.
امثال عادل امين والرشيد المهدية وحمد والديبة والعوني وعصام عباس الى ان وقفت
عند هيثم مصطفى والعجب تاني تكرارها صعب
جدا
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: امير عوض الجمري)
|
ود الجمري حبيبنا
Quote: اما الريح كاريكا ده يا ولي فحكاية لوحدو زي ما بقولو المصريين .
ده اخطر واحرف مهاجم مرّ على البلد هو وحمد النيل بتاع النيل الخرطومي . |
تخيل الريح كاريكا برضو له اخ اسمو حمد النيل ولعب لفريق الزهرة لمدرمان وطبعا دا احرفهم
طبعا عندما حضر الريح كاريكا هنا في جدة عملنا له تكريم جميل
وجلسنا كثيرا مع بعض وتكلمنا كيف يعامل الهلال قدام اللاعبين ويحاربهم
ودكتاتورية بعض الاشخاص في نادي الهلال دا موضوع طويل ..
بالنسبة لحمد النيل :
ود خالة ناس طارق كادوسة وبرضو طارق كادوسة دا فنان بمعنى الكلمة
احكي ليك عن حمد النيل وهدفة الجميل في تكريم سكسك بنادي الاسرة
حمد طبعا فنان وفايز نصر الدين عوير وهيثم السعودي مجنون
ياخي هذه المباراة يستحيل تمسح من الذاكره بقدر ماشاركنا امتع وامهر لاعبي كرة القدم في السودان
من الدحيش وقاقرين الى خالد حلبي ( النيل ) اجمل من هدف حمد النيل لم ارى
طبعا حمد النيل بتاع النيل الخرطومي جانا لابس كدارة بيضا الزمن داك حاجة غريبة
يازول ختف قون بالكعب من باص بتاع زول حريف لمن عوير ( فايز نصر الدين )
فضحكت وقلت لحمد النيل الحارس كان بيتفرج في الكدارة بتاعتك لذلك لم ينتبه للهدف
كابتن وليد الجمري كما تعلم متعة كرة القدم لما تكون داخل الميدان مع الناس المجانيين ديل لها نكهه وطعم خاص
طبعا تكريم سكسك بنادي الاسرة مرة باحداث كثيره جدا جدا لذلك تجدني ذكرته اكثر من مره هنا
اسامه سكسك فنان وللاسف لم تجود به الملاعب قريب
--------------------------------
بوست جمال السنوسي ملايناهو ونسة وذكريات سامحنا ياجمال ( نخشى من كلمة سعيك مشكور )
| |
|
|
|
|
|
|
|
|
|
Re: يا مـهـــند الطـاهـر ... لـحـدي هـنـا وســعـيـك مـشــكــور !!! (Re: وليد عبد اللطيف)
|
Quote:
بوست جمال السنوسي ملايناهو ونسة وذكريات سامحنا ياجمال ( نخشى من كلمة سعيك مشكور ) |
وليد
معقولة ياخي
نحن كم مرة جينا واتونسنا في دارك العامر
يعني معقولة بس
ما نرد ليك الجميل
البركة في سيد الحوش الادانا فرقة للونسة مع الاخوان
وكان لي امير الجمري
من تمو حداشر ( سبعة الوحدات واربعة الصفاقسي)
نفسه انكتم من بوستات نتائج الكور
بقى زول بتاع مستويات ىفقط
لانه زول جميل ومستواهو راقي
تعالوا اتونسو علي راحتكم
وانا لو ما المشغوليات الكثيرة
كان جبت البنبر وصنقرت ليكم هنا
بس مرة مرة بنديكم طلة
ورد ردين
والف مليون مرحب بيكم يا وليد وكل المتداخلين
| |
|
|
|
|
|
|
| |
جمال السنوسي
عبدالوهاب علي الحاج
مجدي عبدالله أبوحريبة
طارق جبريل
بكري عباس علي
مدثر قرجاج
khaleel
محمد البشرى الخضر
عبدالكريم أحمد الامين
امير عوض الجمري
ياسر معتصم
لؤى
ارصد محمد جلال
الوليد الرشيد وراق
Amir Omer
زهير الزناتي
وليد عبد اللطيف
عبدالله كع
سامي عبد الوهاب إدريس
nazar hussien
Nasruddin Al Basheer
احمد الأمين على إدريس
omer osman
إدريس محمد إبراهيم
المعتمد
يحى الشريف
فيس بوك
تويتر
انستقرام
يوتيوب
بنتيريست