|
|
|
 Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: محمد المسلمي)
|
الحبيب محمد ..سلامات ومشتاقين والله ...
شنو رافع لينا القزاز الكوري ؟!!
الفيديو او الصورة ماظاهرة عندي لاني في العمل لكن احتياطي كده ...وين الساحات دي عشان تفدوها ؟!!! يازول ناسك ديل حايشوفوا عذابات ربنا ذكرها في الاقوام البائدة فقط ....صلح وضعك في الخارج من هسي يامحمد والزول الاسمو السيد اخير تشيلو معاك في هاندباك او قفه ... الطوفان قرب ابقوا مارقين ...كما ارحب بك بداري بارض الحرمين كلاجئي مرحب به عندي كما لا اضمن نفسي من تسليمك اذا ما طُلب مني ذلك للصالح العام ...
| |
  
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: جمال محمود)
|
الانتهازي محمد المسلمي.
أول حاجة أنت زول سوق ساكت ومن الذين يطبلون ويتملقون لصلاح قوش.
لا أعتقد بأنك سوف تقوم بحمل السلاح مع بعض المخدوعين الذين تسمونهم كذبا وبهتانا باالمجاهدين.
يعني بصريح العبارة أنت ما زول حارة، أنت زول باردة ساكت وهمك كلوا من هذه الحكومة هو الغناء السريع وجمع المال على حساب الشعب
السوداني. فلذلك يجب أن تستحي من مثل هذا البوست التحريضي. بعدين أنت عابش في ياتوا عالم؟ ألم تسمع ما قاله كبيركم الذي علمكم السحر
(حسن الترابي) عن الذين شاركوا في حرب الجنوب بأسم الجهاد؟ لقد قال أنهم ماتوا فطيس. فطيس يا المسلمي فطيس.
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: Deng)
|
Quote: الانتهازي محمد المسلمي.
أول حاجة أنت زول سوق ساكت ومن الذين يطبلون ويتملقون لصلاح قوش.
لا أعتقد بأنك سوف تقوم بحمل السلاح مع بعض المخدوعين الذين تسمونهم كذبا وبهتانا باالمجاهدين.
يعني بصريح العبارة أنت ما زول حارة، أنت زول باردة ساكت وهمك كلوا من هذه الحكومة هو الغناء السريع وجمع المال على حساب الشعب
السوداني. فلذلك يجب أن تستحي من مثل هذا البوست التحريضي. بعدين أنت عابش في ياتوا عالم؟ ألم تسمع ما قاله كبيركم الذي علمكم السحر
(حسن الترابي) عن الذين شاركوا في حرب الجنوب بأسم الجهاد؟ لقد قال أنهم ماتوا فطيس. فطيس يا المسلمي فطيس.
[/QUOTE
قاتل اطفال العراق وافغانستان العميل مجهول الهوية انت لاتساوي في الا العمالة والخيانة للوطن والامة
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: جمال محمود)
|
اها والشهداء ناس علي عبد الفتاح ديل ح تقولو ليهم شنو ؟
ح تقولو ليهم رفاتكم خليناهو في ارض الكفار والعملاء وما طالبنا بيهو وبعنا دمائكم الطاهرة الذكية من اجل الحفاظ علي دولة المشروع الحضاري بعد ان فارقه شيخه وقال انكم ما شهداء بل فطائس ساي !1
تعرف في مسالة شهداء الجنوب بتاعين الجبهة الاسلاموية وليس ناس محمد المسلمي تجار ما بعد الانبراش اليهود احسن الف مليار مرة منكم لانهم حتى الان بطالبو برفات الهالكين من جنودهم في لبنان بل ويتم استبدالهم باسرى احياء يعتبرون عند اليهود من الكوادر الخطرة جدا
كل الدول التي تقدر مواطنيها وتحترمهم وتعلي من انسانيتهم تفعل ذلك عدا حكومة المؤتمر اللاوطني خاصتكم
فهي تبيع كل شي من اجل لا شي
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: محمد حسن العمدة)
|
اين صاحب البوست؟
اها المرة دى حا تكاتلو وين؟
اتمنى ان اراك فى طليعة الزحف المقدس, تاركا تجارتك من اجل الشهادة فهى احسن مليون مرة من عرض الدنيا الزايل
ام انك تفضل ان يقاتل عنكم اولاد الفقراء و المهمشون (تانى دى تشموها قدحة)
المرة دى لو قامت الحرب الا اعراس الشهداء دى تقوم فى الرياض و العمارات وشارع البلدية
بس لو اللخو طلع بعد دا مقيم خارج السودان تبقى دى عيبة كبيرة فى حقو
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: محمد حسن العمدة)
|
المسلمي با اخوي وكل الحالمين بالعودة الي المربع الاول وساحات الفداء
هاك اقوال (عمران الغمران ) كما صورها ساخر سبيل
في الاول اقنعوا (عمران )واخوانه يرجعوا تاني يحاربوا معاكم
http://alobiedonline.ahlamontada.com/montada-f1/topic-t1533.htm#7959
- (ملتفتاً فى إعياء) : أها يا جماعة (الحرب) إنتهت يا عم (قاسم)؟؟
- الحمد لله انتهت
- والجماعة دخلوا (الإسلام)؟
- لا دخلوا (القصر)
- (في استغراب) : احتلوهو؟؟
- لا ما احتلوهو.. هم يا إبنى يا (عمران) جنحوا للسلم
- وبعدما جنحوا للسلم ما قاعدين تشيلوا منهم) الجزية)؟؟
- جزيت أيه يا إبنى؟ نحنا أديناهم جزء من (السلطة) وجزء كمان من (الثروة)
- الكلام ده حصل متين ؟
- زمااان ليهو خمسة سنين ونص كده !
- والله ..
- والله يا عمران ..الجماعة ديل أخواننا والسودان ده بتاعنا كلنا وعندهم فيهو ذى ما عندنا ومش كده وبس
- أها فى شنو تانى ؟
- كمان إحتمال ينفصلو ويعملو ليهم دولة براهم !!
- لا حولتن ولا قوتن إلا بالله .. والله ده كلام غريب !! أها طيب (الشيخ) رأيو شنو؟؟ قبلان بالكلام ده؟؟
- أها والشيخ رأيو شنو؟
- الشيخ منو؟
- هو أنحنا عندنا (شيخ) غيرو؟؟
- (الشيخ) قال إنو الحرب دى ما كان في داعي ليها!!
) - في اندهاش) : قال شنو؟؟
- يا (عمران) دى قصة طويلة وإنت مفروض ترتاح.. كدي خلى مسألة الحصل ده لامن تستريح شوية!!
- أستريح شنو؟؟ أنا (نص عمري) ضاع كمان (النص التانى) ما أعرف الحصل فيهو شنو؟؟
- خلاص نتونس معاك شوية وبعد داك طوالى ترتاح
- كدي قبل ما تتونسو معاي وروني (الشيخ) بطل يمشى عرس الشهيد؟
- يا (عمران) شيخ شنو؟ هو ذاتو بقى شهيد
- (في ذهول) : كيف يعنى مات؟؟
- يا (عمران) دى قصة طويلة خليها هسع لامن تتعافى
- لا يعنى عاوزين تقولو ليا هو هسع ما موجود وما مهيمن على الأمور ؟؟
- يا (عمران) أمور شنو؟؟ ومهيمن شنو؟؟ الشيخ هو ذاتو هسع مسجون
- وين في (غوانتينامو) ؟
- نامو شنو يا (عمران) إنت الكنت نائم
- يعنى شنو؟؟
- مسجون في كوبر يا (عمران)… في كوووووبر ...
-(فى تأكيد): السجنه دى أنا عارفا.. مش أمشى (رئيسا) وأنا أمشى (حبيساً)
- حبيساً شنو يا (عمران) .. السجنة دى قريبات دى
) - في توسل) : عليكم الله ورووني الحصل شنو؟؟
- يا (عمران) خليك هسع من الحصل ح نحكيهو ليك بعدين.. بس إنت أبقى طيب
- يا جماعة والله أنا كويس.. أحكوا ليا الحصل شنو
- الحصل يا (عمران) إنو الشيخ مشى السجن حبيساً جد جد
- يا جماعة أنا (السجنه) الكضب كضب عارفا .. ورووني الجد جد دى حصلت كيف؟؟؟
- يا (عمران) إنت طالع من غيبوبة وحالتك الصحية عاوزه ليها فترة عشان تستقر إنت أرتاح ونحنا كلو ح نحكيهو ليك..
تحت إلحاح (عمران) وبعد أخذ الإذن من (الفريق الطبي) تطوع (قاسم) عم ووالد زوجة غمران بسرد القصة الكاملة للمفاصلة والانشقاق وما جرى في (الرابع من رمضان) وأتبعها بسرد لاتفاقية السلام من (الداخل) ثم من (الخارج) وإيقاف الحرب وحلول السلام ولم ينس أن يحكى له فجيعة البلاد برحيل القائد قرنق.
- لكن يا جماعة زمان لامن كنا بنحارب كان (الشيخ) بيقول لينا الحرب دى من أجل (العقيدة) والوطن طيب ده هسع الوطن (العقيدة) وين؟؟
- يا (عمران) ما قالو ليك الشيخ (لحس) كلامو
- والله أنا ما بصدق الكلام ده؟؟
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: عثمان الشيخ)
|
" يَا أَيُّهَا النَّبِيُّ حَرِّضِ الْمُؤْمِنِينَ عَلَى الْقِتَالِ إِن يَكُن مِّنكُمْ عِشْرُونَ صَابِرُونَ يَغْلِبُواْ مِئَتَيْنِ وَإِن يَكُن مِّنكُم مِّئَةٌ يَغْلِبُواْ أَلْفًا مِّنَ الَّذِينَ كَفَرُواْ بِأَنَّهُمْ قَوْمٌ لاَّ يَفْقَهُونَ "
أن ينفصل الجنوب فليس هناك اي مشكلة أن يستهدف السودان هذه اكبر مشكلة وعلى كل سوداني حر ان يدافع عن وطنه وعن شرفه وشرف اسرته نعم والف نعم لساحات الفداء في هذه الحالة .
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: محمد المسلمي)
|
الحرب حا تكون من اسلحة الكيبورتات ومن داخل فلل كافوري وبالسيارات اللكزس والجرحى حا يودوهم ماليزيا للترطيب..
غالبية الاخوة الموجودين الآن في الحزب الحاكم من الذين لا لزنا في تواصل معهم يضحكوا لمن الحكومة تجيب سيرة الجهاد..!!!.
ديل يخلوا للنسوان لي منو..شريحة كبيرة من قيادات الحزب الحاكم متزوجة في السر..اثنين وثلاثة..والزواج النهاري..والزواج في الخارج بماليزيا وسوريا.. وشريحة كبيرة من قيادات الحزب في سفر للخارج بشكل متواصل..جزء كبير من عضوية الحزب مطاردة قانونياً من المصارف..والحزب يتستر عليهم..ومن بينهم قيادات طلابية مشهورة..
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: الشامي الحبر عبدالوهاب)
|
Quote: انا فهمت بوست محمد غير ما فهموه الاخوة المتداخلون
كيفك يا محمد |
.
الاخ عبدالوهاب..
استراتجية الحزب الحاكم معروفة للجميع لأنهم يعرفون أهمية ما ينشر هنا...!!!!.
والبوست هو رسالة تخويف للطرف الآخر..والغربية اخي ان غالبية قيادات الدفاع الشعبي الجدد ما بعد انفصال شقي الحركة (الاسلامية) ليس لهم أي خبرة قتالية ولا معرفة ولا احتكاك ميداني..ثم أن الرسالة الاعلامية (اجهادية) تكتنفها مشاكل كثيرة ومنها ما هو فكري وديني وسياسي وأعتقد أن أعداد جرحي العمليات في جنوب السودان وضحايا الحرب الذين لم يعوضوا ولم يجدوا الاهتمام من الدولة تجعل من الصعوبة بمكان الاتيان بمن يقاتل في الجنوب.. ولا سيما وان الحركة الشعبية تتطورت كثيراً كقوة عسكرية ونحن الذين شاركنا في الحروب السابقة نعرف جيدا قوة الجيش الحكومي لذا ستعاد الكره الجيش يهرب في المواجهات ويلاقي الموت والصدام أبناء السودان طلبة الجامعات .
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: حيدر حسن ميرغني)
|
Quote: فضحونا المغتربين(من امثال هؤلاء) الباين بجوا
مقطوعين واي زول يساعدهميجوا يرصوا جنس النضمي الفضيحه ده!! |
حبوبة تراجي مازلت تمارسين السقوط ..
بالرغم من إنو حذرناك مليون مرة .. كدا بتحرقي في نفسك وبتعلني عن نهايتكـ صراحةً ..
ياتراجي حيدر الزين لو مابتعرفيهو زول مريش ومبسوط وربما هو من أغني أغنياء عطبرة ( ممكن تسألي )
يعني لا محتاج ولا مقطوع كما يصور لكـ عقلكـ المريض !!
أتمني الا تكوني محتاجة ولا مقطوعة لأنك كررتي الحكاية كتير جداً !
التحية والإحترام للعريس حيدر الزين .
Quote: وانا لست اكبر ممن تتسكع معهن وحضرت لمنبر السودان الجديد
من قبل منتحل الاسماء للدفاع عنهن وب ا و س خ الالفاظ
هذا لعلمك بس!!عشان ثاني تتصعلقك وتقول لي يا عجوز!! |
كدي ياحبوبة من غير زعل .. ورينا الكان متسكع معاهن ديل منو ؟
هل هن عضوات في نيو سودان ولا ما عضوات !!
وهل محمد دا معاكـ في منبركـ ولا دي كضبة جديدة كرت !
تراجي أسمحي لي أقول ليك أنت تحملين قلباً كالسناج !!!
واعتذر إن كنت قد نعتكـ سابقاً بصاحبة القلب النقي ..
واعتذر لكـ صاحب قلب نقي أن جعلتك معهم في مرتبة واحدة ..
حبوبة تراجي ..
لا املك لك شي إلا ان اسال الله الهداية ..
هو القادر علي كل شي .
ــ
قالت ناشطة قالت !!
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: السيد المسلمي)
|
Quote: عصام جبر الله كثر خيرك جبتها من الآخر
Quote: غايتو العرس و مجاملات السودان بعملو عمايل
سلام و امنيات
فضحونا المغتربين(من امثال هؤلاء) الباين بجوا
مقطوعين واي زول يساعدهم
يجوا يرصوا جنس النضمي الفضيحه ده!!
اها يا حيدر الزين منتظره مسانجراتك بتاعت وليد الخير زعته وين؟؟!!
يا ود المسلمي احمد امين كفاني الرد مافي سمسار بحارب
انتو الحكومه وقفت استيراد العربات المستعمله رجاله تفتحوا بيها بوست
مافي تقول لي حرب؟؟!!(ههههههههه)
يا بسكويت انت!!
هو بعد ضربتو البارد وعرفتوا دروب المكيفات
البقدركم على ضريسة الادغال شنو؟؟؟
خلوها للمساكين الغشيتوهم من قبل وبقوا مجرد افلام في يوتيوب!!
يتفرج عليها امثالكم كما يتفرجون على الاغاني!!
اها ما تنسى تقحم بلا سبب عمري وتتفاصح يا عجوز اصلها ضحالتك
وبؤس منطقك البخليك بتفتكر انه العمر تعيير.
انا ايها ا ل ج ب ا ن السجمان اول امراة تتشرف بانها من يوم جاءت لهنا
وهي مسجله تاريخ ميلادها في بروفايلاها فاهم!!
وأنا لست اكبر ممن تتسكع معهن وحضرت لمنبر السودان الجديد
من قبل منتحل الاسماء للدفاع عنهن وب ا و س خ الالفاظ
هذا لعلمك بس!!عشان ثاني تتصعلقك وتقول لي يا عجوز!! |
تراجي مصطفي أنت تكذبين وتحريين الكذب ..
ياتجي توريني البنات الكنت متسكع معاهن منو ..
وتجي توريني أنا بكتب معاكـ بي ياتو غسم ..
أو تعتذري لي وللقراء عن هذا الإفتراء الكاذب .
| |
|
|
|
|
|
|
|
|
|
Re: بعد الإنفصال ... سنعود لـ ساحات الفداء ... ولا نامت أعين الجبناء ! (Re: الفاضل يسن عثمان)
|
نتمنى من كل قلبنا أن يعطيك الله الشهادة أنت ومن معك من عضوية المؤتمر الوطني
ونتمنى من الله أ ن يخلف لكم في أهل بيتكم أزواجاً بدلاً عنكم
0إذا كنتم متزوجين)، وأن يتزوج إخوانكم الذين لم يتزوجوا بزوجاتكم بعد إنتهاء العدة وعرس الشهيد.
ونتمنى من الله ألا يأتي شيخ من شيوخ الجبهة وينعتكم بالفطائس.
كما نتمنى من الله أن يسخر لكم من جنود الحركة الشعبية من يقتلكم حتى تستشهدوا وتلحقوا برفقائكم علي عبدالفتاح وغيره وان تجدوا انهم لم يموتوا فطائس بل شهداء.
ندعوك اللهم برحمتك وبإسمك الأعظم ان يموت كل الكيزان في أول معركة حتى يلتحقوا بإخوانهم الذين ماتوا في الجنوب إنك سميع مجيب الدعوات.
| |
|
|
|
|
|
|
|
| |
محمد المسلمي
الكباشى عبد الله الرقيق
فايزودالقاضي
ibrahim alnimma
AnwarKing
amir jabir
HAYDER GASIM
عثمان نواي
Khalid Kodi
HAIDER ALZAIN
حيدر حسن ميرغني
عمر صديق
جمال محمود
Deng
Shawgi Sulaiman
أحمد أمين
khalid abuahmed
الشامي الحبر عبدالوهاب
ابراهيم الفيرانى
Elbagir Osman
صديق الموج
Al-Shaygi
الفاضل يسن عثمان
الصادق اسماعيل
فيس بوك
تويتر
انستقرام
يوتيوب
بنتيريست