بما انهم يقولون وحسب ماورد في توثيقات بوست بحري طراوة ان بحري يُسكنها جان هذا ما يجعلني افكر كثيرا لماذا معظم شباب منطقة بحري يهونها ويحبون الغناء و كرة القدم بجنون وليس حبهم لهذه المجنونه فقط بل ابدعوا وبرعوا وتخصصوا بها ويوجد كثيرون منهم لم يصلوا الى درجة الاعلام لكي الناس تعرفهم ولكن ما لفت انتباهي في اخر كرة للفريق القومي ضد منتخب غانا تم ذكر اسم احد رواد هذه المجنونه في قناة الجزيرة الرياضية وهو الاعب الجاك عجب(كابتن اول فريق قومي ) ولا يوجد حصر لهم اذا حصرناهم من زمن الجاك عجب الى هيثم مصطفى والعجب وباستطاعتنا تمييز لاعبي فرق بحري من بين مليون لاعب لان طبيعة المنطقة وارضيتها تجعلهم يلعبون بطريقة ناعمة وتعتمد على المهارة وليس القوة وتختلف عن مناطق كثيرة اخرى ارضيتها تفرض عليها الاعتماد على عنصر القوة اكثر من المهارة واول هديتنا ليكم فاصل مهاري ( هيثم السعودي و فريني ) . ممكن للمرور من الضيوف ذكر بعض الاسماء التي يمكن ان تسقط سهوا
10-18-2010, 03:13 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
Quote: وباستطاعتنا تمييز لاعبي فرق بحري من بين مليون لاعب
الاخ وليد تحياتي فعلاً لاعب بحري دائماً مايكون ممتلى بالموهبة والفن حتى لو كان مدافعا والراحل شيخ ادريس كباشي الرهيف الحريف خير مثال لذلك . وفى الفن برضو يكون فنان بحري ممتلئاً بالفن من دواخله خضر بشير ومحمد ميرغنى والنور الجيلاني ومحمود عبد العزيز وفرفور مثالاً
10-19-2010, 08:03 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: صدقت ياوليد فبحرى كل ذلك ولك مودتى والتحية لكل ابناء وبنات بحرى
ابو ختم
ياخي بحري سرها غريب جدا من تصبح فيها حركة ماعادية وهذا الحركة اثرت باشياء كثيرة لان كان بها تناغم كبير بين اهلها حتى في بحري سوق الخضار يُقال كان الناس تعرف بعض اذا كنت من الختمية او الصبابي الناس تعرفك ياله من مجتمع جميل
10-19-2010, 07:18 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: غايتو كان ما سيدا كان بيكون عندنا كلام تاني سلامات يا وليد
تخيل سيدا (هيثم مصطفى ) في حيهم او حلتهم بس بكون شاهد وشاف منو لذلك كان لازم يكون سيدا وسيد سيدا زاتو . وهو كان يخرج ويلعب مع هؤلا وهو صغير ( صلاح خضر و علي دبلوك وحمد كمال والشيخ ادريس وعاطف منصور ونادر منصور وحمد كمال وهيثم السعودي ورضا عبد الحمديد ( مدرب الفريق القومي للناشئين ) وتم ترشيحة لتدريب الهلال الكبير و عبده الشيخ وكربوج والفاتح النقر ) ياخي دي حلة مجانيين الكورة زاتهم تعرف هيثم مصطفى كان يلعب معهم وهو صغير ربع ساعة فقط ولكن كانت تساوي ربع قرن لانه كان فنان جدا .
Quote: إن شاء الله الوالدة بخير و أمور المستشفي ماشة كويس!
تسلم ياغالي الوالدة بخير والحمد لله وما تشوف شر ياطيب في من تحب حفظك الله و اسرتك برعايته
10-19-2010, 07:58 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
طبعا ياخالد اكيد قبل ما تمارس كرة القدم بتكون شاهدت وتأثرت بناس في بحري ياريت تذكر بعض الاسماء التي تاثرت بهم . واكيد انا منهم ياريت ماتجيب اسمي هههههههه ما يعجبني في بحري كانت مدرسة في كل شيء واي شيء متوفر لكي تنتقي هوايتك والدافع الترابط الاجتماعي القوي بين اهل بحري
سعادة المستشار معاوية محمد الحسن ( صفوة الصفوة ) كما يقول صديقي عماد عثمان
Quote: الاخ وليد تحياتي فعلاً لاعب بحري دائماً مايكون ممتلى بالموهبة والفن حتى لو كان مدافعا والراحل شيخ ادريس كباشي الرهيف الحريف خير مثال لذلك . وفى الفن برضو يكون فنان بحري ممتلئاً بالفن من دواخله خضر بشير ومحمد ميرغنى والنور الجيلاني ومحمود عبد العزيز وفرفور مثالاً
ابو خضرة ( خضر بشير ) قال عندما سالوه ماذا تهوى اهوى الزهور في تبسمه واهوى الطيور في ترنمه واهوى الطبيعة الحالمة وتيب دا كلو مافي بحري . . الرهيف الحريف ( شيخ ادريس كباشي ) يالله يامعاوية ذكرتنا (شيكو ) كان استاذا لنا وصديق واخ بمعنى الكلمة كنت احبة ويحبني جدا وبينا قصص وحكاوي كثيرا وقدم الكثير لمنطقة بحري في مجال كرة القدم اللهم تقبلة قبولا حسنا اللهم ارحمة واغفر له اللهم اسكنه فسيح جناتك مع الصديقين والشهداء
------------------------ برجع لكلامك تاني لان به الكثير يجب ان نتحدث عنه
الاخ وليد بحري دي كل شي كل شي كل شي وكفى ،، الفهم ، الزوق ، الفن ، الكورة ، العلم ، الجمال ، الحنية ، الطيبة ، الرقي والتحضر ، الإجتماعيات ، الثقافة ، الشهامة والرجولة ، التدين والصوفية ، الخ ..... كدي بس فنط كل واحدة من الحاجات الكتبتها ليك فوق دي وشوف شنو ناقص تاني ،، كده يكون عندك مجتمع سليم وجميل ومعافى من كل العيوب ،،،، فهكذا هي بحري يا وليد وأنا ما عايز أبالغ لكن انا لو ماكنت من بحري أكيد كانت حياتي ما تكون غير والحمد لله إنو ربنا أوجدني في بحري ومن ناس بحري وهذه نعمة أحمد الله عليها كثيراً ،،، والله يا وليد الواحد لو كتب إلى أن يرث الله الأرض وما عليها عن بحري ما بوفيها حقها وحبها خالد فينا مدى الدهر فهي التي صنعتنا وصقلتنا في عدد من المجالات وهي التي كونت شخصيتنا المتواضعة فها مني كل والود والتقدير ... وفي شمبات حليل مجلسنا الحياء والعفاف حارسنا ،،، أستاذ الغرام درسنا ولي شجر المحنة غرسنا ،،، وما كنت رايق وساكن في صفا وتأمين في الخوجلاب يا قلبي المني شالك مين ... والعيلفون جنة عدن شوفت معالم يسعدن ،،، وأنوارها فوق في الجو سطن ،، وفي بحري بالتحديد يا ناس عشقت الريد ،،، وما أطني تاني أريد ،، بحري : محمد خوجلي صالحين بحري : قرن شطه والعجب الكبير والصغير بحري : خضر بشير ونور الجيلاني ومحمود عبد العزيز بحري : أبو آمنة حامد وثنائي العاصمة بحري : الفريق عمر حسن أحمد البشير بحري : افراح كزام بحري : سينما الوحدة كوبر وسينما الحلفايا وإستاد التحرير وميدان عقرب وسعد قشرة وميدان المولد وسوق الخضار .. بحري : بحري مستشفى أحمد قاسم ود / عقيل سوار الدهب والقائمة تطول الخ
والله يا وليد هيجت علينا ذكريات وأشجان بس ربنا يسامحك يا سمح ،،
تحياتي : ياسر العيلفون
10-19-2010, 10:20 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
ياسلام عليك ياطارق تخيل شاهدت كرومة وانا صغير في مباراة بميدان رابطة الشعبية مع نادي الاتحاد وايضا كان في هذه المباراة الكابتن هاشم طيارة( الشعبية ) ما قلت ليك ياطارق نحن حبنا لكرة القدم في بحري بمثابة مرض معدي وانتقل الينا من الاجيال الثابقة اما الدكتور ابوعبيدة لم اشاهدة وتمنيت مشاهدته بل سمعت عن اساطيرة الكروية حسب ما كان يتحدثون عنه ناس الشعبية الاستاذ محمد موسى وشقيقي عز الدين وسمعت في دورة بالشعبية طعموا بالدكتور ابو عبيدة عبد الرازق وجميل ياطارق انك موسوعة في بحري وبالزات في المجال الفني بحسب هوايتك السابقة ومشاركتك لبعض الفنانيين لذلك ممكن تفرد لنا مساحة لذلك وتحدثنا عن الفن في بحري زمان .
10-19-2010, 11:42 AM
Emad Ahmed Emad Ahmed
تاريخ التسجيل: 08-12-2009
مجموع المشاركات: 12705
Quote: وفي بحري بالتحديد يا ناس عشقت الريد ،،، وما أطني تاني أريد ،، بحري : محمد خوجلي صالحين بحري : قرن شطه والعجب الكبير والصغير بحري : خضر بشير ونور الجيلاني ومحمود عبد العزيز بحري : أبو آمنة حامد وثنائي العاصمة بحري : الفريق عمر حسن أحمد البشير بحري : افراح كزام بحري : سينما الوحدة كوبر وسينما الحلفايا وإستاد التحرير وميدان عقرب وسعد قشرة وميدان المولد وسوق الخضار .. بحري : بحري مستشفى أحمد قاسم ود / عقيل سوار الدهب والقائمة تطول الخ
يازول ماكان تبدا لينا من عندكم وانت ماشي بحري : مبارك حسن بركات بحري : الجغاريو بحري : ود الرضي ناس بحري اول ناس تغنوا بأغاني الحقيبة ومن اغاني بحري زمان الليلة وين انت ماشي ما تنتظر وداعي كبري بحري الاشارة == اشكرك بحرارة
سوق ياسواق وبشارع السوق ياسواق هي سريع اجري == وحصل الكبري بطريق بحري == وشارع السوق ياسواق محبوبي سافر الليله ياناس بقطر (11) انا قاعد اذاكر == قال لي مسافر قال لي مسافر == ومعادو باكر محبوبي جندي == تذكارو عندي قال لي استني == و نقلوه شندي سافر سافر الليله ياناس بقطر (11) اما عن سر جمال فاتنات وحسان بحري إنا لله ( قالوا الصيد ورد في حلة حمد ) وبحثنا عن السر قالوا : في بحري البنات من يوم يلدوهم بحموهم بموية وضو شيوخ واولياء بحري ( الشيخ حمد والشيخ خوجلي ابو الجاز ) عشان كدا بنات بحري سمحات والناس طلعت مظاهرات عشان يعبروهم ( ياناس بحري ما قالو بتحبو مره حبونا ) ( في ربوع بحري لاقيتو بسم حياني حيتو ) لذلك عندما سالت فاتنة الفنان خضر بشير وقالت له ما هو( الحب ) قال : الحب جميل بالمره .. فيهو مبره .. فيهو مضره .. وكؤوس الصباب المُره فيهو جفا .. وفيهو صفا .. واحلى وفاء .. ( النبي نوح )
10-19-2010, 12:45 PM
معاوية محمد الحسن معاوية محمد الحسن
تاريخ التسجيل: 03-22-2008
مجموع المشاركات: 1590
Quote: ( صلاح خضر و علي دبلوك وحمد كمال والشيخ ادريس وعاطف منصور ونادر منصور وحمد كمال وهيثم السعودي ورضا عبد الحمديد
الاخ وليد دعنى اضم لهذه الكوكبة من الموهبين من ابناء المنطقة الذين زاملهم هيثم اللاعب الفاتح كباشي (عضل) وهو شقيق الراحل شيخ ادريس وكان الفاتح موهوباً لدرجة كبيرة وكنا نتوقع له ان يلعب فى المريخ او الهلال ولكنه للاسف لم يهتم بالكرة وكان احرف من هيثم وصديقه حمد كمال
10-19-2010, 01:00 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: الاخ وليد دعنى اضم لهذه الكوكبة من الموهبين من ابناء المنطقة الذين زاملهم هيثم اللاعب الفاتح كباشي (عضل) وهو شقيق الراحل شيخ ادريس وكان الفاتح موهوباً لدرجة كبيرة وكنا نتوقع له ان يلعب فى المريخ او الهلال ولكنه للاسف لم يهتم بالكرة وكان احرف من هيثم وصديقه حمد كمال
كيف يامعاوية لم نعرف الفاتح عضل ود فنان اتذكر تم اختيارة للمنتخب قبل ذلك وشقيقة زاهر ما قلت ليكم امكن اسماء تضيع في الزحمة ومنهم ايضا لعب مع علاء الدين فوزي ( المريخ ) وداؤود جون وعثمان كلم وحبه عباس خواجة (ام دوم ) لكن يامعاوية المنطقة ديك فيها زخم بتاع لعيبة ماعادي
10-19-2010, 01:12 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
** ود عبداللطيف .. ** صباح بحراوى بعبق أشجار البلديه وجناين شمبات وأزهار حديقة عبود والجناين شمال بحرى .. ## تعرف ياوليد زمان لو الاتحاد والكفاح لاعبين فى البلديه وفى زول مات فى بحرى يوم الكوره دى إلا يدفنوهو بعد صلاة العشا.. ** لو فى حرامى حريف فى الزمن الجميل داك ممكن يسرق بحرى كُلها لانو الرجال كُلهم فى البلديه فى مباراة الكفاح والإتحاد ديربى بحراوى تتطلع العاصمه لحضوره فهى مباراه بين فريقين وبين نجمين أحدهم مدافع ,, الصديق المرحوم (محمد عبده) ثيردباك الإتحاد ,, والآخر مُهاجم الكفاح الفنان الموهوب (د. ابو عبيده عبدالرزاق) .. ابو عبيده كورتو كانت زى البرازليين مهاره وفن وسرعه وإبداع وأضف الى ذلك أخلاق عاليه وأدب ,, وبالرغم من العنف الذى يمارس ضده لم أراه يوماً متذمراً على خصومه.. *** الناس الشغاله فى المخازن والمهمات والنقل الميكانيكى والنقل النهرى من الشغل على البلديه نحنا من المدرسه تغير هدوم المدرسه والغدا سندوتش وعلى البلديه ولو مامشيت من الساعه 2:30 أو 3 الله أعلم تلقى طريقه تخش البلديه وإحتمال الجُرم بتاع أبو العوض ماتحصلو..
** ياوليد :- بحرى عالم جميل ,, لايحس به إلا من عايشه .. ** جلسه فى إستاد التحرير (مُجمع المزاد الشعبى) وتعليقات ابو اللول والنقر وعلى هينو وداوود جون والجقدلى ...... وجمعه (ودكموش) وهومصلح بيعلق على الكوره ,, والزمن دا مع التوجه الحضارى بيكون إتحجب ..... دى براها بالدنيا ... (ودام الود بيننا فى حب ست الهوى والطراوه) (ابو محمد فؤاد)
Quote: ** ياوليد :- بحرى عالم جميل ,, لايحس به إلا من عايشه .. ** جلسه فى إستاد التحرير (مُجمع المزاد الشعبى) وتعليقات ابو اللول والنقر وعلى هينو وداوود جون والجقدلى ...... وجمعه (ودكموش) وهومصلح بيعلق على الكوره ,, والزمن دا مع التوجه الحضارى بيمون إتحجب ..... دى براها بالدنيا ... (ودام الود بيننا فى حب ست الهوى والطراوه)
ماحدث في بحري انه ليس كرة قدم فقط اكيد في شيء ماعادي عمل على تشكيل الفرد البحراوي وجعلت منه مواطن صالح ومتاسمح مع نفسة يحب المنطقة التي تربى وترعرع بها بصورة كبيرة لدرجة انه يحث فراقها مثل مفارقة الروح للجسد .
Quote: * صباح بحراوى بعبق أشجار البلديه وجناين شمبات وأزهار حديقة عبود والجناين شمال بحرى ..
حديقة البلدية == الفين مساء وتحية . . في شمبات حليل مجلسنا الحيا والعفاف حارسنا استاذ الغرام درسنا ولشجر المحنه غرسنا . . حيدر الجقدلي وابو اللول والكجر ملح بحري
10-20-2010, 09:24 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
Quote: . تحديدا بعد الكوبري مباشرة ربما لقربها من امدرمان المافيشه و .. فى
والله شرفتنا ياود المشرف يازول وين الحي بيك وين صاحبنا وليد بتاع الجرجير طبعا حبنا الى بحري لايوصف لانها هي التي اثرت وشكلت شخصيتنا اما امدرمان ليها معزة خاصة ولي فيها حبايب كثر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد عبد اللطيف
فيصل نوبي
الحارث سرالختم عبد الله
معاوية محمد الحسن
ياسر السر
Emad Ahmed
عبدالكريم أحمد الامين
محمد حيدر المشرف
فيس بوك
تويتر
انستقرام
يوتيوب
بنتيريست