|
|
 الحركة تعرض رئاسة دورية و70% من النفط مقابل الوحدة
|
.....
جيت ماري بتلفزيون مفتوح على تلفزيون السودان حوالي الساعة 1:30 بتوقيت السودان...
فشفت الخبر
المكتوب في العنوان الفوق ده
كخبر عاجل
....
مشيت فتشت النت ما لقيت حاجة
فتحت التلفزيون ، قناة الشروق مافي حاجة
قناة السودان مافي حاجة ... ولقيتم جايبين مسرحية
غايتو ما عارف
يا اما انا ما شفت كويس
ولّ الناس ديل ما شايفين انو ده خبر مهم
.....
اها يا جماعة فيكم زول شاف الخبر ده؟؟؟
|
|
 
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: محمد البشرى الخضر)
|
Quote: هو شنو هو
الحركة على كيفها
دا استفتاء نتيجته لا يمكن التفاوض و المساومة عليها
يحددها فقط الصندوق و الأصوات - أو مفروض كدة |
ود البشرى ازيك
والله لما شفت الخبر
اول حاجة خطرت على بالي أجي اكتب كلامك الكتبتو فوق ده
وبعدين قلت كدى اقرأ الخبر كويس
ما لقيتو ... لا في السم لا في الأرض
قلت في نفسي
يا ربي
أبو صلعة (قدس الله سره)
أدوه وظيفة في تلفزيون السودان ولّ شنو؟؟؟ 
....
| |
|
|
|
|
|
|
|
|
 Re: الحركة تعرض رئاسة دورية و70% من النفط مقابل الوحدة (Re: هيثم محمد سعيد)
|
نص الخبر فى صحيفة السودانى الصادر صباح اليوم تحت عنوان
الحركة تطالب ب(نيفاشا جديدة) مقابل دعمها للوحدة
طرحت الحركة الشعبية صفقة جديدة تعمل مقابلها لدعم الوحدة طالبت فيها برئاسة دورية بين الشمال والجنوب بجانب70% من عائدات النفط ونادت الحركة فى مقترحها الدى تتداوله اوساط محدودة بالاحتفاظ
بجيشها لفترة معلومة يتم الاتفاق عليها.
وفيما يصل اليوم للمرة الثانية على التوالى الى جوبا نائب رئيس الجمهورية على عثمان طه اسمت مصادر بالحركة الشعبية بانه (نيفاشا+) ودكرت بان المقترح يشمل تعديل عدد من القوانين.
وقالت المصادر ان المقترح فى حال قبوله من جميع الاطراف سيخضع الى نقاش مستفيض داخل الحركة بغرض تسويقه لمواطنى الجنوب حتى يدلوا باصواتهم لصالح الوحده . واشارت المصادر الى ان الصفقة سلمت لبعض الاطراف ف الحكومة رافضة فى الوقت داته الادلاء باى تفصيلات حول الموقف الحكومى غير انها اعتبرت ان طرح الحركة يعد موضوعيا وقابلا للنقاشز
انتهى خبر السودانى.........
والله ياناس الحركة حيرتونا معاكم...............دى من عندى
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: هيثم محمد سعيد)
|
Quote: .
الحركة تعرض رئاسة دورية و70% من النفط مقابل الوحدة
الخبر صحيح منشور فى صحيفة السودانى اليوم الاربعاء 13-10-2110 |
يا سلام عليك يا هيثم
والله ريحتني راحة ما بعدها راحة
ياخي قلت معقولة أنا انتهيت للدرجة دي بقيت أشوف أحلام ولّ شنو
أقول ليك شنو
الله يديك العافية
....
غايتو أنا لو محل بكري ابو بكر (ابو صلعة)
كنت ضربت ليك مداخلاتك ال20 ديل في 100 عشان تكون 2000
على الأقل
شكراً مرورك وتعليقك (المنقذ)
...
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: عوض عبدالله طه)
|
Quote: يا سلام عليك يا هيثم
والله ريحتني راحة ما بعدها راحة
ياخي قلت معقولة أنا انتهيت للدرجة دي بقيت أشوف أحلام ولّ شنو
أقول ليك شنو
الله يديك العافية |
شكرا استاذنا عوض على المشاعر الطيبة.......
الخبر بالتاكيد يستحق الوقوف عنده لان الناظر الى اتجاه الحركة الشعبية نحو الانفصال وذلك على لسان زعيمها يندهش تماما لهكذا خبر.
اعتقد انه اذا صح هذا الخبر يمكن اعتباره تغييرا طرا على الحركة الشعبية وقناعة بوحدة السودان.....
الكرة الان فى ملعب عباقرة المؤتمر الوطنى!!
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: doma)
|
الاخ عوض عبد الله طه
التمس منك ان تشرح بالتفصيل الممل ماذا شاهدت او قرأت ..
هل سمعت الخبر ام قرأت؟
في تلفزيون او موقع؟ اسم المحطه او الموقع لو تفضلت
هل كان نصا مكتوبا في الشريط الاخباري اسفل الشاشه؟
ومن هو ابوصلعه وما علاقته بالموضوع ؟
يعني تتفضل علينا بتفاصيل عما شاهدت او قرأت ينيبك ثواب
تحياتي
| |
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: سالم أحمد سالم)
|
استاذنا الجليل سالم أحمد سالم
...
Quote: الاخ عوض عبد الله طه
التمس منك ان تشرح بالتفصيل الممل ماذا شاهدت او قرأت ..
هل سمعت الخبر ام قرأت؟
في تلفزيون او موقع؟ اسم المحطه او الموقع لو تفضلت
هل كان نصا مكتوبا في الشريط الاخباري اسفل الشاشه؟
ومن هو ابوصلعه وما علاقته بالموضوع ؟
يعني تتفضل علينا بتفاصيل عما شاهدت او قرأت ينيبك ثواب
تحياتي |
...
عفواً إن حملنا خبراً بهذه الأهمية بدون التأكد من مصادره
ولقد حاولت فعلاً الحصول عليها قبل أن أنزل الموضوع
ولما لم استطع لجأت للمنبر لعل أحداً غيري فعل
وقد كان
فالأخ هيثم أتى بمصدر الخبر وهو جريدة السوداني
....
أما موضوع ابو صلعة
فهو لقب درجنا على اطلاقه على الأخ بكري ابو بكر (مزاحاً)
ومناسبة ادخاله هنا في معرض ردي على الصديق محمد البشرى الخضر
أن أخونا بكري كثيراً ما يحذف البوستات المخالفة بسرعة شديدة ربما بعد دقائق معدودة من نشرها
بحيث أن من يقرأوها يكونوا قليلين جداً
ولآنني وجدت الخبر لمحة ومن ثم اختفى فقد كان هذا وجه التشابه
...
القناة التي وجدته فيها هي القناة الفضائية السودانية
وأظن أنها كانت تعرض أقوال الصحف الصادرة اليوم
وهو ما أكدته مداخلة الأخ هيثم
...
تحياتي واحترامي
.
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: doma)
|
..
كيفك يا ستهم
| Quote: لوووووووووووووول غايتوا دا تلفزيون حلمان |
شفتي كيف
ولا تلفزيون حلمان ولا حاجة
طلع الكلام جد جد
بيني وبينك يا بت الفحل
أنا كنت متجرس انو الكلام ده يكون ما حقيقة
لأن الموضوع شفتو وأنا بكامل قواي العقلية
فلو ما تأكيد أخونا هيثم الفوق ده - الله يعدلها عليهو شقيش ما قبل
كنت خايف أكون بقيت جنينة ساي
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: عوض عبدالله طه)
|
| Quote: الحركة تعرض رئاسة دورية و70% من النفط مقابل الوحدة |
عوض عبد الله طه
ســـلام
أها وحكاية اول الســـودان في امتحان الشهادة دي يحلوها كيف؟
غايتو البلد دي فيها محن عجيبة وآخـــرها كدا حيتفرق دمها بين القبائل
مرات قاعد أقول في نفسي طيب وقت نحن فهمنا متخلف بالدرجة دي والله حقو نقسم خيرات البلد دي
على القبائل مرة ناس الشمالية يحكموا ومرة ناس الشرق يحكموا ومرة ناس الغرب ومرة ناس الجنوب
وكمان في داخل التقسيمات الاقليمية يعني الشمالية مثلا مرة الجعليين والمرة الجاية الشايقية وقس على ذلك
اصــلا وقت دي مشاكلنا كدا حقو نفكر فيها بالمنطق المتخلف دا ونريح بالنا والغريبة الصفوة والنخبه هم من يقولون ذلك
وفي أمثلة في الهند ولبنان وغيره ، يعني لبنان دي الحكم فيها بحسب الطوائف والاعراق والديانات
حقو نعمل زيهم ونرضي كل الناس وننتهي من المحن دي
هــو دا اصلو شنو؟
على العموم الحركة لو عملت كدا بتكون خســـرانه 100% لأنو النظام ما شرعي وممكن لو حصل انقلاب أو حكم ديمقراطي
الناس تنط من كلامها دا عايزين وحدة مرحب يجو ويصلحوا من جوه عايزين انفصال يشــتتوا
تحاياي
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: محمد على حسن)
|
الناس ديل شكلهم ادو كل سوداني ودع يرميه بي طريقتو
غايتو لحدي الآن المعطيات البنعرفا كالأتي:
اتفاقية نيفاشا حددت استفتاء..
وتم تعيين مفوضية الاستفتاء
ليقول الجنوبي رأيه وحدة ام انفصال
وسيتم حسم الامر بنسبته المعروفة
كوحدة او انفصال...
لم يتم ترسيم الحدود...
ولم يتم الاتفاق علي موضوع ابيي...
الامريكان يدفعون نحو الانفصال طمعا في
ممارسة نفوذهم وتفكيك الدولة السودانية (وما داسينها)
الا انهم يدركون عقبات الدولة الجديدة
وصعوبة المهمة.
سلفاكير قال حا اصوت للانفصال والريس قال سنعمل علي وحدة
السودان ...
الشعب السوداني الباقي متفرجين وكل زول يرمي في
الودع البحمد امنياته.
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: عوض عبدالله طه)
|
تاااااني نعيش على أعصابنا كم سنة كدا ؟؟؟
ياخ كتلوك ولا جوك جوك
في ظني أنو الأفضل لكل الأطراف أن تحسم النتيجة - أياً كانت - في يناير 2011 كما هو مقرر لها
ويلتفت بعدها كل طرف لترتيب أوضاعه الجديدة
كفاية
والله كفاية
______________________
الزوول يا حبيبنا
ياخ معقول تشوف تلفزيونات قبل الغداء ؟؟
" ح تجيب نفس للأكل من وين ؟؟ "
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: عاطف عمر)
|
اذا صح الخبر سيتلقفه دهاقنة المؤتمر الوطني بلا تردد علي الاقل من باب شراء وقت اضافي
ومن ثم ينقلبون عليه كعادتهم في خيانة العهود والمواثيق والاخوة في الحركة الشعبية لا اظنهم بالبساطة
لكي يلدغوا من جحر المؤتمر اللاوطني مرتين
_____________________________
نقعد تحت الحيطة ونسمع الزيـطة
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: عاطف عمر)
|
Quote: الزوول يا حبيبنا
ياخ معقول تشوف تلفزيونات قبل الغداء ؟؟
" ح تجيب نفس للأكل من وين ؟؟ " |
...
معقولة حبيبنا عاطف
لسه ما سمعتو بتكنلوجيا الريجيم الجديدة
فيها بنود كتيرة من امتناع عن الحلويات والمشي وشراب شاي بدون سكر ...الخ
بس اقسى البنود هو مشاهدة التلفزيون 1/2 ساعة قبل الأكل 3 مرات ده
....
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: عوض عبدالله طه)
|
تحياتى الاخ عوض عبدالله طه .
وشكرا على ايرادك هذا الخبر
حقيقة الحركو اصبحت تتلاعب سياسياً
وخاصة بعد اكد الامريكان لسلفاكير بانه
ليس رجل المرحلة لكى يقود دولة الجنوب
التى يمكن ان يتفجر فيه الصراع وترشيحهم
لباقان اموم باعتباره وجدوى .. واعتقد هذه
نتاج لتلك الحمى التى اصابت سلفاكير مما جعله
يتصل بلام اكول وبدات الرحلات المكوكية بين جوبا
والخرطوم .. وهناك لكثير من المفاجئات ..
آدم جمال
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: آدم جمال أحمد)
|
Quote: أها وحكاية اول الســـودان في امتحان الشهادة دي يحلوها كيف؟
غايتو البلد دي فيها محن عجيبة وآخـــرها كدا حيتفرق دمها بين القبائل
مرات قاعد أقول في نفسي طيب وقت نحن فهمنا متخلف بالدرجة دي والله حقو نقسم خيرات البلد دي
على القبائل مرة ناس الشمالية يحكموا ومرة ناس الشرق يحكموا ومرة ناس الغرب ومرة ناس الجنوب
وكمان في داخل التقسيمات الاقليمية يعني الشمالية مثلا مرة الجعليين والمرة الجاية الشايقية وقس على ذلك
اصــلا وقت دي مشاكلنا كدا حقو نفكر فيها بالمنطق المتخلف دا ونريح بالنا والغريبة الصفوة والنخبه هم من يقولون ذلك
وفي أمثلة في الهند ولبنان وغيره ، يعني لبنان دي الحكم فيها بحسب الطوائف والاعراق والديانات
حقو نعمل زيهم ونرضي كل الناس وننتهي من المحن دي
هــو دا اصلو شنو؟
على العموم الحركة لو عملت كدا بتكون خســـرانه 100% لأنو النظام ما شرعي وممكن لو حصل انقلاب أو حكم ديمقراطي
الناس تنط من كلامها دا عايزين وحدة مرحب يجو ويصلحوا من جوه عايزين انفصال يشــتتوا |
والله حجوة ام ضبيبينه دي فترنا منها
ديل ناس ما جادين في اي طرح يريح البلد دي حاجه فوق من الانتقام .. يا اخي زهجنا علي وزن قرفنا
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: Saifelyazal Elmaki)
|
| Quote: الحركة تعرض رئاسة دورية و70% من النفط مقابل الوحدة |
الاسفتاء للوحدة او الانفصال ليس مقادير استاتيكية
بل ديناميكية تتحرك مع الزمن ..تتعلق بوعي الانسان الجنوبي والتغييرات التي يمكن ان تحدث في الشمال لحدت يوم 8 يناير
المؤتمر كان انفصالي مع سبق الاصرار والترصد الليلة بقى وحدوي
الحركة كانت وحدوية حتى النخاع الليلة بقت انفصالية كما يظهر للشخص العادي والتفكير والسلوك
وحدة السودان والاستفتاء لصالحها مسؤلية حزب المؤتمر الوطني 80%
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: adil amin)
|
الأخ عوض الله
الرئيس عرض 100% من عادات
البترول ،والعبرة ليست فى 70% أو 100%
ولكن فى أن يكون رئيس السودان جنوبيا وهذه
الخطوة ستدفن المشروع الحضارى رسمياوتشكل هزيمة
لأهل الاسلام السياسى والذين أقحموا الدين فى الدولة
بعد اختطافهم للدين والدين من فسادهم واستبدادهم برئ .
لا زلت أرى أن التطبيق الكامل لاتفاقية السلام سيغير الدولة السودانية
ويحقق الاستقرار والسلام فى أنحاء البلاد وقد يكون ذلك خصما على مشروع
السودان الجديد بسسب التنصل من روح الاتفاقية والتى هدفت الى ايقاف الحرب
واحداث التنمية المتوازنة فى ظل قومية الخدمة المدنية والقوات النظامية الشئ
الذى كان سيجعل الوحدة جاذبة خاصة اذا لم تزور الانتخابات وما سبقها من تلاعب فى الاحصاء .
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: Elmosley)
|
ياناس انا بفتكر لو صح هذا الحديث بتكون الحركة فقدت اكثر من ان تكسب، البترول بترول الجنوب، والدولة القادمة دولة جنوبية، بمعني انو بترولهم ١٠٠٪ حقهم مالم يكون شرطهم في كل بترول السودان حاليا او مستقبلا، تاني حاجة بالنسبة الي دورية الحكم شنو يعني فارق مع الحركة انو يتراسو حكومة السودان، ممكن تكون عندهم دولة وسلفاكير او غيرة يكون هو الريس،
اتفق تماما مع الاخ ملاسي علي انة انقاص لحقوق الحركة، الناس البقولو دي قلة ادب اوغيرة او الذين يرون ان نهج الحركة غير مبرر في ال٧٠٪، انتو عندكم شنو من البدايل؟ لا عندكم بترول ولاعندكم حتي تعاطف مع دول زي امريكا مويدة لهذا الانفصال، في محلكم ادوكم ٣٠٪ واتحشينا من مشاكل ترسيم حدود ومشاكل ابيي واصبحنا دولة موحدة ومستقرة، بدل ما نخش في موضوع عرس الشهيد ودمغة الجريح وساحة الفدا وكلام الكيزان الماليهو اخر داك.
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: Abdulrahman Gorashi)
|
البشير يعرض مراجعة قسمة السلطة والثروة والحركة ترفض
بتاريخ : الأربعاء 13-10-2010
وتتمسك بالتنفيذ الحرفي والشعبي يعتبر دعوة البشير (إعادة تفاوض حول الاتفاقية)
رئيس البرلمان: المجلس سيناقش نتيجة الاستفتاء وحكومة الجنوب مطالبة بإعلان الحياد
كتب: سهل: سرى
عرض رئيس الجمهورية عمر البشير إجراء مراجعات على بروتوكولات السلطة والثروة والترتيبات الأمنية لتعزيز فرص الوحدة، وفيما رفضت الحركة الشعبية العرض بقوة عدّه المؤتمر الشعبي (إعادة للتفاوض حول اتفاقية السلام).
في وقت طالب فيه رئيس البرلمان حكومة الجنوب بإعلان حيادها إزاء خياري الاستفتاء، وقال إنّ البرلمان سيناقش نتيجة الاستفتاء ليصدر قراراً بقبولها أو رفضها.
وأعلن البشير الذى كان يخاطب بداية أعمال الدورة الثانية للهيئة التشريعية القومية استعداد حكومته لمراجعة قسمة السلطة لتوسيع مشاركة أبناء الوطن والجنوب خاصة بجانب تطوير البرامج والمشروعات المعتمدة في صندوق دعم الوحدة بحيث يلحق الجنوب بركب الشمال، متعهداً بتوفير الموارد اللازمة من المنح والقروض والموازنة القومية حتى لو تخطت تكلفتها نسبة الـ100% من عائدات النفط ، ولفت إلى إمكانية إجراء مراجعة مشتركة لما تم إنجازه في الترتيبات الأمنية لصالح تمكين مؤسسات الحكم في الجنوب من تحمل مسؤوليات الأمن في الإقليم وتوزيع مهام الدفاع عن الأمن القومي.
وفي الأثناء أعلن رئيس كتلة نواب الحركة الشعبية في البرلمان توماس وانى رفضهم دعوة رئيس الجمهورية لإجراء مراجعات على السلطة والثروة والترتيبات الأمنية، وقال (لانريد حذف أو إضافة حتى ولو لصالح الجنوب). وأبدى تمسكاً كبيراً بالتنفيذ الحرفي للاتفاقية وصولا لإجراء الاستفتاء، فيما اعتبر رئيس كتلة المؤتمر الشعبي وزعيم المعارضة د. إسماعيل حسين فضل، الدعوة بمثابة (إعادة تفاوض حول الاتفاقية) ورأى أنّ خطاب البشير (لا يحمل ما يبعث على التفاؤل).
وشدد البشير على تهيئة الأجواء واتمام الترتيبات المتعلقة بالاستفتاء الذي قال إنه (فيصل بين الحرب والسلام) وأشار إلى أن إكمال ترسيم الحدود (عامل حاسم في إجراء استفتاء عادل ونزيه) ورأى أنّ توافق الشريكين على تسوية بين أطراف النزاع في أبيي من شأنه أن ضمان (استفتاء لايفضي إلى تجدد النزاع)، داعياً للتحلي بالحكمة والرشد لضمان نزاهة الاستفتاء بحيث يقود إلى استدامة السلام، وأبدى البشير اقتناعه بتفضيل الجنوبيين لخيار الوحدة حال اتيحت لهم حرية الاختيار لافتاً إلى أنّ (العالم كله يقف شاهداً) على الخدمات التي قدمتها حكومته للجنوب لكنّه استدرك (لا نمتن ولا نزايد)، مؤكدا قيام المشورة الشعبية في النيل الأزرق وجنوب كردفان، قاطعاً بإمكانية الوصول إلى اتفاق سلام في دارفور بنهاية العام الحالي.
ووصف القيادي بالحركة الشعبية، لوكا بيونق خطاب البشير بأنّه كانا (توفيقياً ومتزناً) وأثنى على التزام البشير بإجراء الاستفتاء في مواعيده مع الاعتراف بخيار شعب جنوب السودان واعتبر أن تعهدات البشير بشأن تنمية الجنوب كانت (أبعد مما هو متوقع).
http://www.ajrasalhurriya.net/ar/news_view_13139.html
| |
|
|
|
|
|
|
|
|
 Re: الحركة تعرض رئاسة دورية و70% من النفط مقابل الوحدة (Re: Nazar Yousif)
|
| Quote: الحركة تعرض رئاسة دورية و70% من النفط مقابل الوحدة |
تجوا تربطوها بيجاي تتقد بهناك
يعني ترضوا الحركة وتزعلوا باقي الشعب؟؟؟
دي ما حرب جااااااااااااهزة مع الباقيين لو ده حصل
إنتوا نسيتوا قضية دارفور دي حصلت وإتطورت كيف؟
لامن الحكومة دقت بالجميع عرض الحائط
وقسمت نصف الثروة والبترول مع الجنوب..
هيجت الناس وعملت عداوات والموضوع إنتهي بالجنائية
تاااااااااااااني تجي تقسمها مع الجنوبيين وتخلي الباقيين بره؟
يمين ما في زول يقبلها والناس كمان تطالب بالإنفصال
أصله حاجة فيها black mailing ما بتمشي لقدام
بعدين ما قالوا الموضوع مواطنة درجة تانية ما بتخارج؟؟؟
هل بهذا الإقتراح المطروح يصبح الجنوبي مواطن درجة أولي؟؟؟
غايتوا أنا شايف الحكومة دي واقفة بجد مع الوحدة
والحركة الشعبية أصبحت تتحدث وكأن الوحدة والإنفصال في يدها
بعد ما باعت المعارضة الشمالية التي قاتلت معها جنبآ إلي جنب
لتحرير السودان كله وليس تحرير الجنوب وفصله عن السودان
المعارضة الآن تتجرع من نفس الكأس الذي أعدته ليشربه خصمها,,
المهم طالما الحركة كشفت القناع عن وجهها الإنفصالي
بعد كده معظم المواطنين بقي ما فارق معاهم الإنفصال
فكما قال أحد الإخوة: كتلوك ولا جوك جوك..
سلامات صاحب البوست...
| |
|
|
|
|
|
|
|
|
|
Re: الحركة تعرض رئاسة دورية و70% من النفط مقابل الوحدة (Re: ASHRAF MUSTAFA)
|
في كندا
ثروات الأقاليم ملك لها
محافظة ألبرتا مثلا بترولية
فهي غنية
فقط تسهم في صندوق مركزي لدعم الأقاليم الفقيرة
من ناحية أخرى
تحافظ الدولة على وحدتها
(رغم الإستفتاءات المتكررة في كويبيك)
بمنح الأقلية الفرنسية رئاسة الوزراء
معظم الوقت
بجانب منح الإقليم تمثيلا دبلوماسيا
واستقلال في العديد من النواحي
الفدرالية الكندية
تقوم على منح السلطة الحقيقية للأقاليم
ويترك للمركز فقط ما لا يستطيع إقليم واحد القيام به
المحافظات الكندية لها برلماناتها المنتخبة
ووزاراتها ورؤساء وزرائها
وميزانيتها وقضائها وشرطتها المستقلة
للمحافظات نظامها التعليمي وشهادتها
ولا يتدخل المركز إلإ بمراعاة المبادئ العامة مثل مجانية وإلزامية التعليم
والمحافظات كذلك مسئولة تماما عن الصحة
والمركز أيضا يراعي المبادئ مثل مجانية العلاج
أما المركز
فهو مسئول عن الخارجية (مع ضمان حقوق كويبك)
والعملة
والدفاع
والشرطة الفدرالية (لكل مدينة شرطتها وهي مسئولة عن الأمن فيها
ما عدا المنشآت والشخصيات الفدرالية
وإذا تعدي الأمر حدود المدينة أصبح من مسئولة شرطة المحافظة
وإذا تعدى حدود المحافظة "مثل الجريمة المنظمة" أصبح من سلطة الشرطة الفدرالية
وفي كل ذلك ينسقون)
في النظام الفدرالي سلطة الأقاليم وثرواتها لها
ما عدا الأشياء المشتركة بين أكثر من محافظة
أصل السلطة في الديمقراطية هو الإنسان الفرد
في قاعدة الهرم
وتتصاعد السلطة أقرب له فأقرب
الباقر موسى
| |
|
|
|
|
|
|
|
|
 Re: الحركة تعرض رئاسة دورية و70% من النفط مقابل الوحدة (Re: Elbagir Osman)
|
الكثير من الاخوة هنا يراهنون علي الانقاذ وحكومته الهزيل الذي اصبح لا يمثل شيئا حتي
في الحركة الاسلامية التي ضربت اعماقها الانفصال!!
السودان القديم الذي قام علي علي احزاب مثل الامة والاتحادي بل وكافة الاحزاب الشمالية" واعني بالشمالية كل من الغرب والشرق والشمال والوسط " قد اصبح بين قاب قوسين او ادني.
لا تغرنكم تهديد الحكومة بمعضلة ابي ولا يغرنكم المسيرية بل لنقول بلغة افارقة غرب السودان(الجنجويد) اوبلغة جنوبيه (المرحيل)!!
لن تسلم حكومات المركز ولا حتي مليشياتهم العربية التي تقاد الي حروب هم في غني عنها من ثورات اهل دارفور" رغم انهم اوهنوا نفسهم بالتشيع وتعدد حركاتهم" ولا حتي من قوات الجيش الشعبي الذين بلغوا في قمة قوتهم المعنوية والعسكرية باضافة الي دعم المجمتمع الدولي وتعاطفه بشكل لم يسبق له مثيل علي مدي وتاريخ نضال شعب الجنوب السوداني!!
عليه فليدرك كل ذي عقلا بان لا نداءات الجهاد ولا حتي التكبيرات وطلب الشهادة وحور العين سيقف امام سقوط المركز وتشظي السودان بعد ان يثار الكل ضد الكل!!
اذا كانت الحركة الشعبية قد طرحت هذا الاقتراح فهذا الاقتراح لا يحظي بموافقة كل الجنوبيين رغم احترامهم وتقديرهم له من باب الوحدة المثالية التي حلموا بها!!
ولكن ان تتطالوا علي شعب الجنوب باكمله لحسن نواياه واعتقادكم بانكم الناهيون والامرون في مسقبل كل
شعوب السودان, فهذا شأن ينتظر اكر من خمسون عاما لحسمه مجددا كما حسمت حق تقرير المصير!!
ولتعلمون ان شعب الجنوب قد يعاني وويقتل ويشرد ولكن في اخر الامر سيلبي مطالبهم العادلة وسيأخذ كل ذي حقا حقه !! ولن ينعم جوفكم بحقوقنا!!
| |
|
|
|
|
|
|
|
|
 Re: الحركة تعرض رئاسة دورية و70% من النفط مقابل الوحدة (Re: Albino Akoon Ibrahim Akoon)
|
نحن السودانيين لسنا ملكا للحركه الشعبيه ولا للمؤتمر الوطني,
ونحن لم نوقع علي نيفاشا ولا علي مفاوضات ما تحت الطاوله هذه,,
يعني بالدارجي كده ما يورثونا بالحياه !!!
البتقول فيهو الحركه أكبر دليل علي انه الاستفتاء لن يعكس رغبة الجنوبيين وانما رغبة الحركه !!
رئاسة السودان يجب ألّا تخضع لمعايير عرقيه وتناوب مبني علي القبليه !!
رئاسة السودان يجب أن تكون للأكفأ الذي تختاره الجماهير, بالديموقراطيه يعني والقرار للشعب,
الشعب غير مسئول عن صفقات اللاوطني واللاشعبيه المبنيه علي اقتسام الكعكه والتعطش للسلطه,
الشعب مهما صمت مصيره حيقول كلمته, فارتكبوا جرائمكم ياهؤلاء في حق الوطن وأنتم صامتون :(
وأبكي ياوطني وشرّط هدومك :(
| |
|
|
|
|
|
|
| |
عوض عبدالله طه
محمد البشرى الخضر
هيثم محمد سعيد
Ahmed musa
doma
سالم أحمد سالم
الامين موسى البشاري
Hussein Mallasi
Mamoun Ahmed
علاء الدين يوسف علي محمد
محمد على حسن
nazar hussien
عاطف عمر
Ahmed Abdallah
آدم جمال أحمد
عثمان نواي
adil amin
Nazar Yousif
Elmosley
ASHRAF MUSTAFA
Elbagir Osman
Albino Akoon Ibrahim Akoon
فيس بوك
تويتر
انستقرام
يوتيوب
بنتيريست