|
تهانينا نجاح دكتورة سماح .. السمح .. بت المستشار حسن طه ..
|
يعني ياسعادة المستشار عايز تاكل علينا الحلاوة وللا شنو .. الف مبروك نجاح دكتورة سماح ( السمح ) وتهانينا موصوله الى والدتها والاهل بالسودان كما نبارك لبورداب الدوحة هذا النجاح الكبير وعقبال كل بناتكم واولادكم ..
-------------------------- العنوان في حال ارسال الحلاوة ... وليد عبداللطيف 9999999999999999999999999999
|
|
|
|
|
|
|
|
Re: تهانينا نجاح دكتورة سماح .. السمح .. بت المستشار حسن طه .. (Re: محمد سنى دفع الله)
|
صلاح عبد الله ( الديامي ) ... سلامات
Quote: مبروك يا أبوعلي ، نجاح الدكتورة معقول نحن أهلها ، والبت معانا في الدوحة وما نعرف؟؟
كتر خيرك يا وليد.. |
حاجة غريبة قريبك عديل كدا قاعد معانا في جامعة الفرع وعامل لينا وجع وش تحت سلم اداب مع الديامي ضياء الدين ابراهيم وربيع وباقي الشلة وما تقول انك قريبنا .. ياخي كل ما اشوفك هنا اتذكر ايام الفرع برلوم كفاك النوم الجامعة ما بتدوم == ياحليل فرع الخرطوم ياحليل سلم اداب == والقعده تحت الباب كانت ايام جميلة مع الجو الرطب ناس ربيع وسلك
--------------------------- صلاح تشكر على التهاني
| |
|
|
|
|
|
|
Re: تهانينا نجاح دكتورة سماح .. السمح .. بت المستشار حسن طه .. (Re: حيدر بشير)
|
Quote: قاعد معانا في جامعة الفرع وعامل لينا وجع وش تحت سلم اداب مع الديامي ضياء الدين ابراهيم وربيع وباقي الشلة وما تقول انك قريبنا .. ياخي كل ما اشوفك هنا اتذكر ايام الفرع برلوم كفاك النوم الجامعة ما بتدوم == ياحليل فرع الخرطوم ياحليل سلم اداب == والقعده تحت الباب كانت ايام جميلة مع الجو الرطب ناس ربيع وسلك |
يا الله يا وليد ياخي .. مالك علينا ، داير تجهجهنا.. رعى الله تلك الأيام.. ضياء (عبدالرحمن) أخوي ود خالتي ، أصبح مواطن بريطاني منذ سنوات.. ربيع في الإمارات ليهو تلتمية سنة..
العالم اتفرزعت يا أخو ، والبلد بقت خلا..
| |
|
|
|
|
|
|
Re: تهانينا نجاح دكتورة سماح .. السمح .. بت المستشار حسن طه .. (Re: حسن طه محمد)
|
أخي الكريم سعادة المستشار حسن محمد طه بعد طول غباب دخلت اليوم على المنبر العام وسعدت بقراءه هذا الخبر السعيد .. أصدق أمنياتي القلبية بنجاح الإبنة سماح وأول مرة أعرف أنكم من بحري العريقة شرق جزيرتنا الحبيبة أرض الشيخ حمد ودأمريوم الذي تربى في توتي ورحل لحلة حمد مؤسسا لها
هناك من يقول بحري زاد فيها عدد الدكاترة ونحن نعتبر أهل بحري هم أهل توتي ولذلك نقول توتي زادت دكتورة وبهذه المناسبة نعرض أرضا على شارع الكبري الجديد الذي سيربط توتي ببحري بإسم الدكتورة بسعر رمزي لا يتم إستخدامه إلا في حالات البيع لأهالي توتي ومن ينتمي إليهم
تحياتي وألف ألف ألف مبروك
| |
|
|
|
|
|
|
Re: تهانينا نجاح دكتورة سماح .. السمح .. بت المستشار حسن طه .. (Re: حسن طه محمد)
|
اخوتي
اسمحوا لي ببعض الحروف مع الحبيبة سماح
يا سمسم
اولا نركع للمولي عز وجل شاكرين ان حقق امنيتنا جميعا.
ونهنئك ونهنئ انفسنا بتخرجك متمنين لك دوام النجاح والتوفيق
ونيابة عنك اتقدم للجميع بوافر الشكر والتقدير لما احاطوك به من حب وامنيات صادقة.
وما احلي فرحة النجاح
واكاد اطير من الفرح من يوم سماعي للخبر الجميل .
| |
|
|
|
|
|
|
Re: تهانينا نجاح دكتورة سماح .. السمح .. بت المستشار حسن طه .. (Re: حسن طه محمد)
|
الاخوة الكرام
تاج السر محمد حامد
كمال سالم
حيدر بشير
الحاج حمد
هشام المجمر
كمبورة
خالد الجزولي
عادل التيجاني
عمار زكي
عبد الكريم احمد الامين
البشير دفع الله
معاوية محمد الحسن
احمد محمد احمد عتيق
صديق الموج
ادم جمال احمد
عثمان نواي
عبد اللطيف محجوب
محمد شمس الدين
ابو ساندرا
لكم جميعا التحية والانحناءة علي تهانيكم لنا بنجاح الابنة سماح
كان بودي ان ارد علي الجميع فردا فردا ولكن عذرا للمشغولية
ومع ذلك ساحاول ان شاء الله.
شكرا جزيلا مرة اخري متمنيا لكم جميعا كل جميل وزين
دمتم احبائي
حسن
| |
|
|
|
|
|
|
Re: تهانينا نجاح دكتورة سماح .. السمح .. بت المستشار حسن طه .. (Re: حسن طه محمد)
|
Quote: ساهرت وتعبت لمثل هذا اليوم وهاهى سماح تشرف الجميع بتفوقها الكبير ,
|
الزعيم الصديق كمال ود سالم
فعلا ساهرت وتعبت لمثل هذا اليوم والحمد لله ربنا وفقها .
كنت ووالدتها نثق بها تماما وكنا نكنفي بالسؤال فقط .. كيف المذاكرة ماشة؟
وكان الرد كويسة والحمد لله.
نسال الله ان يوفق عيالنا جميعا
وشكرا علي التهنئة الرقيقة.
دمتم،،
| |
|
|
|
|
|
|
Re: تهانينا نجاح دكتورة سماح .. السمح .. بت المستشار حسن طه .. (Re: حسن طه محمد)
|
امير الجمري ... سلامات
Quote: سماح سمحت بحري وبقّت فيها دكتورة .. جنكم كورة يا ولّي الجن الكلكي |
تعرف ياجمري في بحري عندنا توجد علاقة مابين دكاترة الطب ودكاترة كرة القدم وكلاهما ينطويان تحت قائمة ( الفن ) مثلا كيفية علاج الاسنان وعمل التقويم يحتاج الدكتور يكون فنان وعندك في كورة القدم تعديل الكرة وترويضها يحتاج اللاعب يكون فنان ياجماعة نحن اي لازم نرشحو ماقلنا بحري سِر كل شيء من زمان وفتحنا ليكم بوست لذلك اها يجمري ازيك من الشعر بيت شقيقة الدكتورة سوف تتخر مهندسة يعني دي قمة الفن زاتو شفت كيف ياجمري في بحري عندنا كل شيء عشن كدا في مداخل الكباري لبحري كاتبين ( ياداخل بحري منك كتير )
--------------------------- تشكر ياغالي على التهاني
| |
|
|
|
|
|
|
Re: تهانينا نجاح دكتورة سماح .. السمح .. بت المستشار حسن طه .. (Re: وليد عبد اللطيف)
|
Quote: وعندك في كورة القدم تعديل الكرة وترويضها يحتاج اللاعب يكون فنان |
طبعاً مافي شك والامثلة عندك كثيييرة عبده الشيخ وجعفر عبد الرازق واسامة اخوهو وسكسك (على ما اعتقد) وموسى عجب والملك فيصل العجب
Quote: شفت كيف ياجمري في بحري عندنا كل شيء |
على فكرة يا وليد انا مولود في مستشفى بحري بس عمري اقل من سنة اسرتنا انتقلت للامتداد الحي المتفرّد طبعاً .. ولازال اعمامنا في بحري بيت عمنا حسن حامد الجمري في الشعبية وبيت عمنا بشير حامد الجمري (الله يرحمه) في المزاد وعلى فكرة ولده دكتور تاج الدين بشير الجمري يعني كده بقوا اتنين .. هههههههههها
| |
|
|
|
|
|
|
Re: تهانينا نجاح دكتورة سماح .. السمح .. بت المستشار حسن طه .. (Re: امير عوض الجمري)
|
الجمري .. لانك كنت لاعب فنان تدرك معنى الفن والدكترة الكروة
Quote: طبعاً مافي شك والامثلة عندك كثيييرة عبده الشيخ وجعفر عبد الرازق واسامة اخوهو وسكسك (على ما اعتقد) وموسى عجب والملك فيصل العجب |
اجل ياصديقي هؤولا من اميز لاعبي كرة القدم وانت تقصد دكتور ابوعبيدة شقيقة جعفر عبد الرازق وله شقيق اخر اسمه خالد كان يلعب للتحرير اما اسامة سكسك قصته قصة وسوف نسردها هنا
Quote: على فكرة يا وليد انا مولود في مستشفى بحري بس عمري اقل من سنة اسرتنا انتقلت للامتداد الحي المتفرّد طبعاً .. ولازال اعمامنا في بحري بيت عمنا حسن حامد الجمري في الشعبية وبيت عمنا بشير حامد الجمري (الله يرحمه) في المزاد وعلى فكرة ولده دكتور تاج الدين بشير الجمري يعني كده بقوا اتنين .. هههههههههها |
وانت فاكر موهبتك الكروية من شنو ماعشان مريت من بحري واحبك جدا لانني اشتم فيك رائحة جمرية بحري ومنهم صاحبنا وزميل الدراسة جنابو التوم ( حسن ) المزاد وغير ذلك الفنان الجمري ضابط الجيش الذي كان يلعب لفريق الجهاد ياخي دا كمان حاجة روعه ادب وكورة . ولكن اسالك سؤال انتو قصة توموشيك ( التوائم ) دي عندكم كتيرة السر شنو التوم معتصم والتوم حسن وكلكم ضباط وبتاعين كرة يعني لازم نعمل دراسة لكرموسومات العائلة .
Quote: اقل من سنة اسرتنا انتقلت للامتداد الحي المتفرّد طبعاً .. |
امتداد شنو ياخي الكلام دا سر زوجتي ماتسمع
| |
|
|
|
|
|
|
|