|
Re: صور من جنوب طوكر- الحزن سيد التعليق (Re: أحمد الشايقي)
|
ماشين في السكة نمد إلى أن ترتسم الفرحة على أطفال جنوب طوكر _ واصل ياصديقي .. دع كاميرتك تتحدث عن جلهنتي .. وعن عندل .. وعن المرافيت .. وعدوبنا.. وعن تقدرا .. ولن تقدر أن توقف دمعة وأنت تنظر نحو الصورة .. لطوكر أمنيات بأن تصبح جنة بعد جار عليها السلطان والازمان.
| |
|
|
|
|
|
|
Re: صور من جنوب طوكر- الحزن سيد التعليق (Re: ادم شحوتاي)
|
يا ضـــــــــــــــــــــــــــلنا يحي فضل الله
يا ضلنا المرسوم علي رمل المسافه وشاكي من طول الطريق قول للبنيه الخايفه من نارالحروف تحرق بويتات الفريق قول ليها ما تتخوفي دي النسمه بتجيب الامل والامل بصبح رفيق والاصلو في الجوف اندفن لا بتنسي....لا بنمحي....لا بنتهي منو الحريق يا ضلنا.. ****** والفينا من آهات اليمه في حكاوينا القديمه لا بيرحل عن عيونا لا بتخشاه الهزيمه والقبيل راجنو نحن يوم تبشر بيه غيمه لما تمطر يوم علينا الفرح يملا المدينه والبلودات الحزينه يا ضلنــــــــــــــــــــــــا
| |
|
|
|
|
|
|
Re: صور من جنوب طوكر- الحزن سيد التعليق (Re: ombadda)
|
فك .. فك يامحمد قبل أن يخرج الرجل الطويل من بين مياه خور بركه (وهذه لمحمد الذي يفهم فحوي القصة والرساله، ومن خلفه كل الاعزاء من الفريق) ..
كاميرا الكاب وثقت الكثير، الكثير .. ونحن في الانتظار (ومااصعب الانتظار)
| |
|
|
|
|
|
|
Re: صور من جنوب طوكر- الحزن سيد التعليق (Re: محمد الكاب)
|
وهناك يا صديقي الكاب عند اهلنا البسطاء في الشرق وفي كل الريف السوداني تسمى الرواري وهذه الرواري بالنسبة لنا نحن ابناء وسط السودان لا قيمة لها بل أننا حتي لا نتذكرها لكنها هناك لها قيمة و إي قيمة هي دابتهم في كل شي افراحهم واكراههم في صحتهم وفي مرضها وحلهم وترحالهم . هل تذكر يا صديقي احاديثنا الطواااال في ليالي هذه القافلة عن اللوري !!!؟ هذا الكائن المسمى باللوري لا يعرف عظمته إلا من ذهب لتلك الديار .
شكراً يا كاب وواصل الصور .
| |
|
|
|
|
|
|
Re: صور من جنوب طوكر- الحزن سيد التعليق (Re: سفيان بشير نابرى)
|
Quote: هذا الكائن المسمى باللوري لا يعرف عظمته إلا من ذهب لتلك الديار . |
ذكرتني يا سفيان بكلامك ده المللوج الذي كنا نردده زمان في الدورات المدرسية:
دنيا عجيبة والله دنيا غريبة.. دنيا عجيبة والله دنيا غريبة..
ناس بتسافر وتركب الطيارة... وناس ما لاقيه سرج لحمارة...!
ناس بتسافر وتركب ايتنينا.. (باصات حديثه) وناس ما قدرة تسد دينها..!
قلت لي كيف..؟ ناس عرباتها الليلي علوي... وناس ما بتعرف الا اللوري..! ....
| |
|
|
|
|
|
|
Re: صور من جنوب طوكر- الحزن سيد التعليق (Re: hamid abdalah)
|
Quote:
ذكرتني يا سفيان بكلامك ده المللوج الذي كنا نردده زمان في الدورات المدرسية:
دنيا عجيبة والله دنيا غريبة.. دنيا عجيبة والله دنيا غريبة..
ناس بتسافر وتركب الطيارة... وناس ما لاقيه سرج لحمارة...!
ناس بتسافر وتركب ايتنينا.. (باصات حديثه) وناس ما قدرة تسد دينها..!
قلت لي كيف..؟ ناس عرباتها الليلي علوي... وناس ما بتعرف الا اللوري..! .... |
تعرف يا حامد بالجد كل ليالي الرحلة دي كنا بنتكلم عن اللوري وعلاقة السُكان بيه وخدمته لهم واهتمامهم الشديد جداً بيها وطبعاً من ضمن التوثيق للرحلة الشباب كلهم قرروا عمل فلم وثايقي كامل عن اللوري وبالفعل عملنا لقاءات مع سائقي اللواري واخذنا منهم افادات كاملة فيديو وللقاءات مع مساعدي اللواري وللقاءات مع مواطنين وتم تصوير رحلتنا باللوري وتم تصوير المعاناة التي يتلقاها الراكب والسواق والمساعد وخدمتنا الظروف بانو نصور حتي الوحل وكيف المساعد بيرمي الصاجات ويجري عشان تاني يرمي الصاجة وبرضوا الظروف خدمتنا وانكسرت لنا احد العربات وصورناه وطبعاً يا حامد ده كلو كان فيديو بكاميرا نجلاء بس للاسف دي الكامير الباظت وما قدرنا نستخرج منها المادة الوثائقية . موضوع اللوري موضوع مهم هناك فهو فارس ذاك المكان والمنقذ الاول .
كن بخير يا صديقي فغداً اجمل .
| |
|
|
|
|
|
|
Re: صور من جنوب طوكر- الحزن سيد التعليق (Re: محمد الكاب)
|
أنا لست رعديدا يكبل خطوه ثقل الحديد عن الكفاح لن أحيد وهناك أسراب الضحايا الكادحون العائدون من الظلام من المصانع والحقول ملأوا الطريق وعيونهم مجروحة الأغوار ذابلة البريق يتهامسون وسياط جلاد تسوق خطاهم ما يصنعون ويجلجل الصوت الرهيب كأنه القدر اللعين وتظل تفغر في الدجى المشئوم أفواه السجون ويغمغمون نحن الشعوب الكادحون هناك قافلة تولول في متاهات الزمان وبلا بديل عمياء فاقدة المصير يمشي الملايين الحفاة الجائعون مشردون في اللا شعور حياتهم وكأنهم صم الصخور وهناك في دنيا المزابل والخرائب ينبشون والحالمون المترفون يقهقهون ويضحكون يمزقون الليل في الخانات في دنيا الفتون والجاز ملتهب يوجج حياله نهد وجيد وموائد خضراء تطفح بالنبيذ وبالورود لهف من الشهوات يجتاز المعالم والسدود هل يسمعون صخب الرعود...؟ لا يسمعون ولا يسمعون صخب الملايين الجياع تشق أسماع الوجود وغـــــــدا نعود حتما نعود لقرية الغناء للكوخ الموشح بالورود وتعود إفريقيا لنا وتعود أنغام الصباح
| |
|
|
|
|
|
|
Re: صور من جنوب طوكر- الحزن سيد التعليق (Re: محمد الكاب)
|
Quote: والحالمون المترفون يقهقهون ويضحكون يمزقون الليل في الحانات في دنيا الفتون والجاز ملتهب يوجج حياله نهد وجيد وموائد خضراء تطفح بالنبيذ وبالورود لهف من الشهوات يجتاز المعالم والسدود هل يسمعون صخب الرعود...؟ لا يسمعون ولا يسمعون صخب الملايين الجياع تشق أسماع الوجود وغـــــــدا نعود
|
وهنالك من هم مثلك يا محمد وفي مثل شبابك النضر
يمسحون معاناة اهلهم .. شباب ذي الورد يسد عين الشمش
| |
|
|
|
|
|
|
Re: صور من جنوب طوكر- الحزن سيد التعليق (Re: محمد الكاب)
|
شكرا محمد الكاب عميق شكري لكم جميعا.
واعذرني علي الغياب عن هذا البوست كنت على سفر. واصل التوثيق....لهذا البؤس المتجدد.
Quote: ده كلو كان فيديو بكاميرا نجلاء بس للاسف دي الكامير الباظت وما قدرنا نستخرج منها المادة الوثائقية .
|
وضروي يا سفيان نشوف حل لكاميرة نجلاء سيداحمد المباركه فقد عكست الكثير بحق. التحيه لها ولكاميرتها وصمودها بينكم.
| |
|
|
|
|
|
|
Re: صور من جنوب طوكر- الحزن سيد التعليق (Re: طارق أحمد أبوبكر)
|
محمد الكاب سلامات ياصديقي
وشكرا على البوست بكل مايدعو إليه من يقظة
كان سفيان قد أخبرني أن الصور قاسية إلا ان ما أشاهده الآن فاق كل تصوراتي
أصدقائنا الذين رافقوا الرحلة هاماتهم تعلو في خاطري كلما رأيتهم في إحدى الصور
ونجلاء سيد أحمد تستحق التقدير بلا شك ذلك أنها أم وزوجه
وعلى مايفرضه هذا الوضع من مسؤليات جسيمة
تهتم بإنسان بلدها حتى في الأماكن البعيدة
اليوم فقط طالعت صور طوكر في مختلف البوستات لظروف سفري وهالني مارأيت
إلا أن مالاحظته ان الكثير من الناس إمتنعوا عن التعليق
اتمنى ان يكون هذا حزنا وليس محض تكتلات لامعنى لها والحال كما نرى
| |
|
|
|
|
|
|
Re: صور من جنوب طوكر- الحزن سيد التعليق (Re: طارق أحمد أبوبكر)
|
Quote: والحالمون المترفون يقهقهون ويضحكون يمزقون الليل في الحانات في دنيا الفتون والجاز ملتهب يوجج حياله نهد وجيد وموائد خضراء تطفح بالنبيذ وبالورود لهف من الشهوات يجتاز المعالم والسدود هل يسمعون صخب الرعود...؟ لا يسمعون ولا يسمعون صخب الملايين الجياع تشق أسماع الوجود وغـــــــدا نعود |
تسلم اخي طارق
| |
|
|
|
|
|
|
|
Re: صور من جنوب طوكر- الحزن سيد التعليق (Re: اشرف السر)
|
إنها بإذن الله الشدائد التي تزيد مِن الإرادة والعزم على التغيير ..... تغيير من حكموا السودان عشرين عاماً وتزيد، وماذا قدّموا للسودان والسودانيين في مِحنهم ومصائبهم؟ وهل يُقدّم شيئاً مِن هُمْ مُصيبةُ المصائب ومِحنةُ المِحن .....؟!
| |
|
|
|
|
|
|
Re: صور من جنوب طوكر- الحزن سيد التعليق (Re: محمد الكاب)
|
والله عصرتوا علينا شديد
لانو الواحد ما كان معاكم
غايتو
محمد كتر خيرك
ونجلاء وسفيان
ربنا يسهل ونتلم قريب
باقي الشباب الكانوا هناك وساهموا وساعدوا سلامات عوافي
الشباب هنا وصلوا مرحلة بقوا يقولوا فيها نلحق اهلنا
قبل ما يروحوا فيها ساكت
نجلاءالصورة دي مشت التفاصيل والمعاني بعيد هناك
ربنا يخلي ليك اولادك ويديهم الصحة والعافية
محمد مرة تانية شكر ليك وانت تشاركنا بالصورة العمل الكبير دا
| |
|
|
|
|
|
|
Re: صور من جنوب طوكر- الحزن سيد التعليق (Re: الفاتح سليمان)
|
نشكر كل الاخوة الذين قاموا بزيارة اهلنا في طوكر وفي ميزان حسناتكم إن شاء الله وربنا يوفقكم
_____________________________________________
اللهم ارفع عن اهلنــا فى طوكر البلاء
حسبى الله ونعم الوكيل
ولا حولا ولا قوة الا بالله
محمد طاهر ايلا ( ان امر هولاء الناس فى عنقــك ) فابحث لها عن مخرج مع الله قبل ان يكون مع البشر
| |
|
|
|
|
|
|
Re: صور من جنوب طوكر- الحزن سيد التعليق (Re: محمد الكاب)
|
محمد الكاب وبقية العقد الفريد من منظومة الانسانيه التى تخلف عن ركبها منتسبى حكومة البحر الاحمر الذين اتضحت واتفضحت مراميهم للنيل من انسان هذه المنطقه ليس سوى انه رفض الخنوع والخضوع لغير الله وكفر بالمؤتمر الوطنى وقياداته الكرتونيه الهزيله التى اضاعت البلاد والعباد ... الى مزابل التاريخ افاعى السحت وسارقى عرق العباد ..... التحيه مجددآ لك ولكل الكوكبه الجميله لهذا التوثيق الذى ازال ورقة التوت عن هؤلاء الفاسدين ..
| |
|
|
|
|
|
|
Re: صور من جنوب طوكر- الحزن سيد التعليق (Re: Mohamed Foto7li)
|
اشكر كل الذين قاموا وساهوا بحرف وبكلمة من اجل اطفال ونساء وشيوخ جنوب طوكر! نشكر كل الاخوة أحمد الشايقي هشام الطيب نجلاء سيد أحمد ادم شحوتاي ombadda صالح عمار Elbagir Osman محمد صباحى باسط المكي سفيان بشير نابرى hamid abdalah بخاري عثمان الامين Tragie Mustafa طارق أحمد أبوبكر عمر عشاري حسين نوباتيا اشرف السر عصام عيسى رجب محمد عبد الماجد الصايم الفاتح سليمان بدر الدين اسحاق احمد المكاشفي الخضر الطاهر Omer Abdalla عاطف رميتي حسين عوضاى مهيرة Mohamed Foto7li
هوي يا جماعة الحقو الناس ديل!
| |
|
|
|
|
|
|