. . نداء بعانخى

Quote: سنعود بالسنابل يامحمد السنى قناديل لحفظ الجمال وليس لضمان وقف اطلاق النار . . بس غيروا البروفايل سريع وارفدوا الجميع بالمعلومات التى يحتاجون لرفد النداء . .

Quote: يا صاحبه أوعي تودري الريد ضمضميهو في حشا العين لبّسيهو بنطلون وعيك قميص الشوق نضيف أي مشّطيهو بالتبلدي الذاتي في الغرب البنات ساكت يعوسنّك كلام دافي يصرّن نكهتك في الواطه يحلبن الكتابه من الشدر ويونسنّك بالعديل والزين و زول في العين سرح غادي يغدّي شفع الموضوعي بالدوم والقطاطي والنخل ما تصدّقي انّو الحكومه شمال وانّو في الجنوب مافي تمر حتّي الشرق فيهو دواليب للمحايه المن جبل مرّه بتسيل جدول حنين ببداني بالريكه واملاني بالويكه ادق نقّاره واحتار من مشي الطمباره في ود عين مسامتي اشوف سيف البطانه قطع مشاوير الرقيص في الداره واتحزّمت اتلزّم فمي بالانتباهه رطانة الامّات رموا الشبّال شرق ادروب وادوب في كوب لبن انساني من دوبيت شلك شكّوني بالابر الحلال وياالحلّال كضب لو مرّه قلتي الواطه حقّت شمله عربانيه فيها الضيف قدل والنيل ملك كل الزنوج قوليلي كل الناس سواسيه في الحنين للحب سواسيه والقلب لونو براهو سمح طنّش سؤال اللون الضل فضح ابيض جسد سودنهو ما غربنهو ما شملنهو ما شرقنهو ما جنوبهو حرّيتك مدي عرفة بني زهنك لادلجة العواطف بالنبيح الجهوجي

Quote: هل ترى لا زال ثمة وقت لنغنى أغنينا ؟ لنصدح بقصائدنا ؟ هل ثمة وقت لنرسم لوحاتنا ؟ هل لا زلنا ننتعل أقدامنا لنرقص رقصاتنا ضوء النهار يخبو و ليس باقً من قمر الوقت فى نهايته فهل نضع القلم ؟ كاد بيانجى أن يأخذ عزاءنا ثم يرحل مع النهر فهل يؤلمنا أو يكاد ؟ هل يا تُرى لا زال ثمة وقت

(عدل بواسطة صلاح هاشم السعيد on 11-02-2010, 10:34 PM)

Quote: قريبا تخرج اقدامك نحو الدرب الدروب كلها ستضج شوارعها بوقع خُطاك لن يحيل بينها واحلامها المشروعة فى العيش الكريم حائل لن يقف امام مد الخطى الناهضه ساحل اوسد هذا المد امرد هذا المارد متى انفك من متحفه فى الصدور لا يطوقه مدى من ذا يطوق شعباً تسامى واتحد . .