ترى هل يفعلها الهلال في معركة الأحد ؟ ... لا أظن ...

Quote: لا أتمنى الهزيمة للهلال .. وفي نفس الوقت لا أعدك بأنني سأشجعه ..... هذا رأيي

Quote: طيب يا حبيب اذا انت مابتشجع الهلال ابقي البوست بتاعك دا لزومة شنو؟ الهلال واتحاد ليبيا شنو شغلك هنا؟ اذا قلنا هلال مريخ نقول معليش،

..
يا عبد الرحمن .. الأيامات دي الناس ديل بيمتعو في نفسم .. وهيثم مصطفى وسادومبا .. بمتعو فيهم برضو ..
هذا بالإضافة لي مهند الطاهر والود بكري المدينة .. والود عبد اللطيف بوووي ..
لذلك ..
هم عايزين يطلعو من المحلية للكونفدرالية .. عشان كدا حقو تشجعم عشان يشدو حيلم شوية .. ما تحرمم من المتعة دي ..
انا بفتش لي في بتاع احصاء يا مساحة .. يلم لينا الحاجات بتاعت الجماعة ديل .. قبل وبعد يوم الأحد ..
غايتو انا بتبرع بي اللنك دا هل يتم طرد الممثل الهزلي سادومبا بالاحد ؟؟؟ في واحد بي هناك قال يطردو ليهو ســادومبا ... لو عندك حاجة يدك معانا ..

Quote: والله ياتمبس بدون مجاملة أنت أحد أسباب تدهور علاقة المريخاب بالهلالاب في هذا المنبر

Quote: سلامات تمبس والله ياتمبس بدون مجاملة أنت أحد أسباب تدهور علاقة المريخاب بالهلالاب في هذا المنبر أها يوم الأحد خلينا نشوفك ما تسجل غياب ..............

Quote: عشان كدة يامنتصر اكتب مايبدو لك في الهلال لاقيت مريخكم يشوف ليهو سيكافا ولا حاجة تشغلكم زي موضوع دبي ابو نقطة داك،

يا عبد الرحمن .. خليهم يمتعوا نفسم شوية ... الجماعة ديل الما بيلقى ليهو حاجة يكتبه في الهلال بيمشي يجيب الكطلام الكاتبو مخــدر أبو القاسم ..

Quote: عليكم الله هسي ده ما كلام جرسة .. أنا ما عارف محمد ده بيطمن في نفسو ولا في جماهير الهلال

.. أخير يطمنـا واللا يخــدرنــا ..؟ بعدين إنت تاعب نفسك مالك ..؟ دا هلالابي بيكتب لي جمهور الهلال .. لي فريقو اللاعب الليلة .. ...

Quote: أتفق معك أن المريخ يمر ببرج نحسه ولا حاجة للحديث عنه لذلك لا مانع من التفرغ لمباراة الهلال الصعبة يوم الأحد وتشريحها على طاولة المعطيات والتجارب المشابهة

.. طيب مالك ما جيت شرحت لينا كورة الجيش النيجري .. الوداكم الشارع من أول بداية المنافسة ..
اضف لذلك:
ما جيت شرحت لينا مباراة الأمل عطبرة مالك .. يا كوبــاني ..؟
انا ما قاعد اكتب بالليل .. بكتب بالصباح .. لكن إن شاء الله جح تلقاني هنا دا قاعد .. وغازي ليكم بيرق ازرق بي ابيض يا محلالاتية

Quote: مكابر من يظن أن مباراة اليوم سهلة هي امتحان حقيقي للهلال في أرضه ووسط جماهيره ....

Quote: على طاولة المعطيات والتجارب المشابهة

Quote: غايتو لو من الناحية دي فوجهة نظري انو الهلال فائز لا محال .. لكن لو كان من ناحية مرتبطة بتقلبات كورة القدم وجنونها المعروف فالهلال خاسر حتى ولو لم يسجل الإتحاد في مرماه ( جلطة من المجلطين تودي التوج).. *الهلال يا منتصر يلعب بأرضه ووسط جمهوره (الشرس جدا) وبمقارنة لاعبيه المؤثرين بنظرائهم في الفريق الليبي فكفة هيثم مصطفي ومهند الطاهر وسادومبا وعمر بخيت وبشة ومساوي هى الراجحة ولا شك . أما من ناحية تجارب وسوابق فيمكن تكون دي هي ما يدفع الهلال للفوز مستفيدا ومتعظا من هذه التجارب خاصة مباراة مازمبي وما صاحبها من أخطاء قبل وأثناء المواجهة . التهيئة النفسية هي العامل الأخطر التى يجب ان يقلق الهلاليين لأنه مربط فرس النتيجة النهائية للمباراة ، إما لهم وإما عليهم .. اللعب بهدوء وتركيز وبعيدا عن الضغوط ومؤثراتها الخارجية سيقود أبو الهل للفوز حتما .

وقد عاد أخيرا إلى رشده أو إلى حظيرة الوطـن ..
اهـــا
طلحة دا الكلام الكاتبو دا كلام واقعي وبتاع زول بيرمي تعصبو على جمب .. وبيقول الكلام النجيض .. يللا انا القدامك دا كنت بتاع نجيضة كدا .. اكان في الهلال واللا في المريخ .. اها بقيت لما ادخل البكان الاسمو البورد دا .. واللقى اتنين تلاتة زيك كدا دا قاعدين يحللو في الهلال وهم ما عارفين الساعة كم زاطووووو .. يللا طوالي بجيب ليهم سادومبــا .. سادومبا ما نفع معاهم بجيب ليهم مهند مهند ما نفع بجيب بكري المدينة .. بكري المدينة ما نفع بجيب ليهم اي واحد من المشجعين القاعدين بره عشان يقنعوهم بي المسالة بتاعت الديك والبيضة والجداده ..
غايتو .. الهلال دا يوم بكتل ليهو زول منكم ..

يا اخطبوط .. والله ماشي كويس واعزي ذلك لي جرجيرة .. واستميحه عذرا أن لا يدفعك الجزية بل أن يدفع لك من بيت مال الهلال من ضمن المؤلفة قلوبهم ..
غايتو أعمل حساب إنو ح نعمل ليك تكريم قريبات دي ..

Quote: بعيداً عن العصبية والإنتماءات الضيقة .... بالعقل والمنطق "نحنا ما عندنا كورة" ... وأقصد بالكورة هنا العلم والدراية والتخطيط والإحتكاك ... وحتى فهمنا في الكورة محدود وضيق لا يتعدى حدود المنشيتات العريضة القبيلة الزرقاء في أفضل حالاتها وتشيكلة فريقهم مستقره ويمتلكون عناصر جيدة وأفضل دشليون مره من القبيلة الحمراء طبعاً الكلام دا بمنطق "محلي" ... يا أخوان ... قوة الفرق والمنتخبات تُقاس بقوة دورياتها المحلية ... أكتب هنا بعيداً عن الإنتماءات ... وليس لدي علاقة لي بالكورة في الوقت الراهن لا قريب ولا من بعيد ولكنني لعبت كورة بأعرق الفرق وسبق شاركت في الماضي بمنافسات خارجية ودربت أكبر المنتخبات ثم أبتعدت عن الكورة وأخليت طرفي منها منذ بعيد ... وصول الهلال لهذه المرحلة وبكل أمانة حرك بدواخلنا نشوة "الإنتصارات" وجعلنا نحلم "بكأس" خارجي طالت سنوات أحلامنا به وأصبحنا "نتفأل" بإنتصار قومي ووطني قبل أن يكون إنتصار لأحد القبيلتين ... ولكن يا تري أحلامنا تلك هل ستتعدى حدود "الوهم" لتصبح "حقيقة في ظل معطيات وحسابات "المنطق" وضعف منافساتنا المحلية ...

Quote: والهلال سيفعلها رغم أنف كل الشامتين والمنتظرين لخسارته..

Quote: إنشاء الله الكريم نجي ونفرح هنا لكن يا تمبس لقيتك فقري بس فاقدين عمر الفاروق والله أرقد عافية يا تمس الصادق

Quote: والله ماشي كويس واعزي ذلك لي جرجيرة

الموضوع وما فيهو انو الواحد بيعمل حساب مستقبلو الفكري في الأسافير

Quote: جرجرة دا آخر زول ممكن يرغبني في حاجة دا زول ضلالي ودربو مهلك وفوق دا كلامو مكرر وممجوج بالإضافة إلى انو إتقال قبل كدا .. أها دا يباروا ليه شنو كمان .؟ الموضوع وما فيهو انو الواحد بيعمل حساب مستقبلو الفكري في الأسافير

والله يا مسكين .. كلامك دا فيهو اكتر من حكمـة ..
على سبيل المثال لا الحصر :
متابعتك لي جرجيرة ربما تدخلك في منعرجات خطيرة اقلاهـا تتوقف ليك كم سنة كدا في ربع من ارباع اي ارشيف وذلك في سنة واحدة ..
وبالرغم من ذلك فمتابعة جرجيرة ليها محاسنها من ضمنها إنو فرمطك .. ودردقك كويس لحدت ما الحمد لله بقيت واحد مننا وفينا .. واهو الواحد زي ما شايف بقى يتفاءل بيك كأخطبوط وكدا

Quote: الظروف التي مرّ بها الهلال في فترة الشهرين السابقة.. كان ممكن تدمر أعتي الفرق.. خزائن فاضية.. وديون متلتلة.. ومدرب جديد.. ومجلس مستقيل.. لكن والحمد لله الهلال غني بجمهوره.. ومحبيه.. وعشاقه.. ولاعبيه..

الروح الانتظمت في لعيبة الهلال وفي مجلس الإدارة بتأكد ليك انو في حب للشعار وفي احترام للجمهور وجهود مبزولة على اسواء الفروض الثبات في القمة ..
يجب أن يفعلها الهلال في الوقت دا بالذات ودي مسؤولية كبيرة جدا للاعبين وللاداريين ولينا نحن البنحب الهلال ..
الاداريين .. يجتمعو على كلمة واحدة اللعيبة في الميدان يدونا حقنا المشجعين في المدرجات يحترمو فريقم والفريق المنافس .. ونحن هنـا عندنا شرف الكلمة وتقعيد كل زول في علبو .. وما بنقلل من شأن اي فريق منافس لينا ولا بنقلل من حجم اي لاعب .. زي ما قاعد يحصل من الطرف التاني في قصد لعيبة بي عينم عارفين تمام امكانياتم وبرجفو من الخوف لما يشوفوهم في الميدان ..

Quote: حاجة تحيّر!!! المريخاب شغالين بالمباراة دي أكتر من الهلالاب ذاتهم..

Quote: لم نرفع أي لافتة تسيء للاعبين في الميدان.. كتلك التي رأيناها.. ألعبوا كالرجال أو اتركوا نادي الأبطال..

Quote: أيمن دياب .. ولا يهمك يا حبيب خلي مساحة لي حسن النية .. نتلاقى بعد الكورة ان شاء الله