كــوارع - مهداة الـي خضر حسين و حلــيم

مرحبا Guest
اخر زيارك لك: 03-29-2024, 03:25 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الرابع للعام 2010م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-29-2010, 03:19 PM

حسبو عكاشة
<aحسبو عكاشة
تاريخ التسجيل: 04-25-2010
مجموع المشاركات: 1305

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
كــوارع - مهداة الـي خضر حسين و حلــيم

    حينما ينساب النيل في غير ما عادته و العصافير تغير زقزقتها إلي لون من الصمت الكئيب و تري الناس يخرجون فرادي و زرافات الي اماكن عملهم بوجه محزون!! حينها فقط ....
    - حينها فقط شيل كوعك دا من كتفي يا أُم, و عليك دينك اعفيني منك إنت قايل نفسك (مجدي احمد اباظه)؟
    اسمو اسامه انور عكاشه يا لوح, إنت يا معلم راسك بقي خفيييف و بقيت بتعبُر سريع ... الاسد لمن يعجز مالو؟
    - الغنمايه بتشرب كاسو هاهاهاهاها
    تشرب كاسو برضو حييييييييينا, إنت بي راسك العامل زي اخر الزقاق دا اصلو ماعندك صبر, خليني اتم ليك الخاطره بتاعتي دي ما تنسيني ليها
    هوي يا (كوارع) هوووي ما تشغلا لي انتظر ربيع دااااك شايفو جاي اقعدو اتخاطرو سوا

    *تطول لحظات انتظارهم لربيع فيتقالدا سوياً صوب دقن الباشا ( شجرة ناس اصطاف) و التي تعد الاكثر ظلاً في الحي, ناهزت عقدين من الزمان و مع ذلك لا تمل من فرد افرعها تحناناً لكل حيران و كل عاطل طالته سياسات الدوله التعسفيه, حتي خالج الناس ظناً انها مسكونه بنبي الله الخضر إختارها لموقعها الرابط ما بين من هم يلوزون بأحزانهم الي اللاوعي و بين (حي فنقر) و ما ادراك ما حي فنقر, المره تدق و الراجل ينقر.
    إنت يا (صامولي) ربيع دا الليله شكلو شرب فنقر كلها و جا, عاين ليهو بخيط في الشارع كيف؟
    - يخيط شنو يا كوارع!! الزول دا ما شغال ياخ و مما رفدو من الجيش ليهو عشرة سنه ساكي حقوقو و لسه ما طلعت
    والله كان راجيها دينو ح يطلع, ياخ دي بلد دي... الود كان شاااااطر في المدرسه و فجأه و الزمن قلب عليه: ابوه مات و امو راقده بالشلل و هاك يا دورة البحث عن العلاج ديوان الزكاه ما نفع حتي المحسنين بقو ناشفين, فقال يختصر طريقوو طبق المثل البقول ( إن فشل للطوريه و إن نجح للعسكريه) و خش الجيش و تعال شوف بعد داك شبكو ليك لواء القعقاع المتجه لتحرير توريت و شعارات من نوع: نحن الدنيا الما مسكنا نحن خلودنا هناك في الجنه, الودا إتحمس و مشت فيهو قال اهو برضو نختصر طريقنا للجنه, صاحبك لمن نزل من الطياره في الجنوب قايل نفسو في كولومبيا ريحة البنقو ما تديك الدرب لقي ليك المجاهدين كلهم يد في الزناد و اخري تحمل الكبنقه, قال انا يا دووووب عرفته الناس دي ليه شابكانا لقد شممنا رائحة المسك, و كنا عطاشا فإذا بغيمة ظليله تهطل بالوادي الذي قبالتنا و شربنا حتي بانت نواجزنا, البنقو و احكامو يا معلم ... اها بقي لافيها معاهم 4 سنين تنتهي سجارة لواء ابودجانه يولعو سجارة الميل اربعين .. بعد داك جابوهو راجع – و قالوعليه فوت فوت – لكن هو ما فوت فوت – و كدا كدا يا الترله
    و تقول لي ساكي حقوقو, إنت عارف يا صامولي اخوي نحن الكادحين ديل عاملين زي الكبنقه لمن تكون محكومه, اي واحد يجي يشفطنا تماااااام و يدي البعدو, و الغريبه دائماً قعد تكون محكومه لي عساكر و العساكر راسهم ما بجي بسرعه شفطونا طلعو عينا ياخ,,, عشان كدا انا وريت ربيع قولته ليه حقك تحرسو ولا بجيك حقك تقاوي و تقلعو
    - يقلع ضرسك يا كوارع ياخ قلبته لينا القعده ( في ساحات الفداء) يقلب بطنك إنشاءالله
    ساحات الفداء شنو!! لسه انا الخاطره بتاعتي القبييييل ما تميتها و ربيع دا شكلو ح يتأخر, اسمعني للنهايه و ما تقاطعني
    - اها يا كوارع احكي !!

    حينما ينساب النيل في غير ما عادته و العصافير تغير زقزقتها إلي لون من الصمت الكئيب و تري الناس يخرجون فرادي و زرافات الي اماكن عملهم بوجه محزون!! حينها فقط

    *حينها فقط اختارت يد المنيه (عصام) و تلقفته في ذات الصباح اثر تسمم احدثه له ذاك السم الهاري الذي ما انفك يشربه ظناً منه انه سينسيه شظف الدنيا... الصبايا و النساء و بائع الصعوط و مناضلات حي فنقر كما كان يحلو له ان يناديهن, جميعهم جزعوا لفراقه الدنيا التي ما لبست تنال منه و تجرده من ابسط حقوقه حتي اسمه الذي هو خاصته جردته منه و اصبح في لمح البصر (كوارع)



    يناير 2010
                  

09-29-2010, 05:51 PM

مرتضى احمد عبد القادر
<aمرتضى احمد عبد القادر
تاريخ التسجيل: 12-30-2009
مجموع المشاركات: 2484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: حسبو عكاشة)

    Quote: صاحبك لمن نزل من الطياره في الجنوب قايل نفسو في كولومبيا ريحة البنقو ما تديك الدرب لقي ليك المجاهدين كلهم يد في الزناد و اخري تحمل الكبنقه, قال انا يا دووووب عرفته الناس دي ليه شابكانا لقد شممنا رائحة المسك, و كنا عطاشا فإذا بغيمة ظليله تهطل بالوادي الذي قبالتنا و شربنا حتي بانت نواجزنا, البنقو و احكامو يا معلم ... اها بقي لافيها معاهم 4 سنين تنتهي سجارة لواء ابودجانه يولعو سجارة الميل اربعين .. بعد داك جابوهو راجع – و قالوعليه فوت فوت – لكن هو ما فوت فوت – و كدا كدا يا الترله


    Quote: إنت عارف يا صامولي اخوي نحن الكادحين ديل عاملين زي الكبنقه لمن تكون محكومه, اي واحد يجي يشفطنا تماااااام و يدي البعدو, و الغريبه دائماً قعد تكون محكومه لي عساكر و العساكر راسهم ما بجي بسرعه شفطونا طلعو عينا ياخ


                  

09-29-2010, 06:50 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: مرتضى احمد عبد القادر)

    دي كتابة فارهة تماماً (كالبرادوات) يا حسبو ـ أعانكم الله ياصاحبي علي تحمل فراق (كوارع) وجمل صبركم وصبر الرفاق في حي (فنقر) . كوارع وجه من الاف الوجوه الذين ظلو يجعلون لحياتنا معني ـ مجرد رؤيتك لوجوهم تحيلك لبني آدم بكامل شروط الانسانية ـ تضحك واياهم تسمع حكاويهم المسنة ـ تحلم واياهم بربيع آتٍ يملأ القلوب بالطمأنينة لكنهم دوماً يرحلون يازول يا ترس . إذن فلنكتبهم عل وعسي .

    شكراً حسبو مرةً أخري
                  

09-29-2010, 06:58 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: خضر حسين خليل)

    Quote: ... اها بقي لافيها معاهم 4 سنين تنتهي سجارة لواء ابودجانه يولعو سجارة الميل اربعين


    وديل بلفوهم انشاءالله بي كم كرت ياحسبو ؟
                  

09-29-2010, 07:25 PM

حسبو عكاشة
<aحسبو عكاشة
تاريخ التسجيل: 04-25-2010
مجموع المشاركات: 1305

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: خضر حسين خليل)

    Quote: وديل بلفوهم انشاءالله بي كم كرت ياحسبو ؟
    غايتو اجابة السؤال دي قطع شك بتلقي ليك (مجاهد) يفتي ليك فيها:)









    ---

    يا مورتا ما عندك اجابة شافيه!!
                  

09-29-2010, 07:19 PM

حسبو عكاشة
<aحسبو عكاشة
تاريخ التسجيل: 04-25-2010
مجموع المشاركات: 1305

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: خضر حسين خليل)

    Quote: كوارع وجه من الاف الوجوه الذين ظلو يجعلون لحياتنا معني ـ مجرد رؤيتك لوجوهم تحيلك لبني آدم بكامل شروط الانسانية ـ تضحك واياهم تسمع حكاويهم المسنة ـ تحلم واياهم بربيع آتٍ يملأ القلوب بالطمأنينة لكنهم دوماً يرحلون يازول يا ترس . إذن فلنكتبهم عل وعسي .
    خضر يا شفيف
    المرحوم كوارع رحل و هو يحلم بعالم مثالي و عادل
    نعم رحل لكن هنالك الف كوارع ما زالو يرفدون الحي بالفكاهه و الطيبة و التمرد ... ساكُبا, رورو, ود الحلاوة و اخرين
                  

09-29-2010, 07:50 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: حسبو عكاشة)

    كوارع آخر أعرفه يدعي صالح يا صديقي :

    ـــــ

    يمشي (صالح) بتفته المميزة ليضيف للمدينة نكهةً أخري ! يذوبك في لجج حكاياه التي لا تنتهي تشعر وأنت جالس قبالته انك تلميذ في الصف الأول من مدرسة الحياة ! ولا غلو في ذلك فبعض الرجال حكايات تمشي تماماً كما الحكايات النساء ! يحكي ( للعوض ) عن ثقب الأوزون وعن أعمال فيدور ديستوفسكي عن الاخوة كارامازوف يحكي عن الجريمة والعقاب ، عن الامبريالية وأدواتهاعن الرأسمالية الطفيلية يحكي كل ذلك والعوض جالس كطوب الأرض فما للعوض بثقب الاوزون بل ما له وديستوفسكي ؟ العوض الذي كل علاقته بالأرض مصلاه وإبريقه النحاسي والذي علي حمله أينما ذهب . الي جانب حقته المليئة ببعض خيرات الفاشر تمباكاً بلدياً يصر علي تمطيره بيديه ، فهو لم يعد يثق في محلات (العماري) منذ ان سرت في المدينة شائعة استخدام البعض لمواد كيميائية لزيادة الكيف .

    تتشقق الأرض ونبت الحكايا تخرج من (صالح) فيا للأوزون المسكين ويا لفجيعة ديستوفسكي فيك يا صالح . يدير مؤشر الراديو تجاه أمدرمان يستجدي سهرات الإذاعة السودانية فيما مضي يغمغم وهو يسمع تقريراً إخباريا عن زيارات المسؤولين التي لا تنقطع ، هم هكذا المسؤولين في بلادي زيارات لا تنقطع وتواصل حميم مع السفر ،
    يقرر بقلق يخصه إطفاء الراديو يتأمل في نجيمات ظهرن تباعاً ، يغطي رجلاه بملاءة قديمة صارت أشبه بشباك الصيادين رثة للغاية تماماً كحاله الرث ! لا يملك في الدنيا سوي عنقريبه الهبابي وراديوه الترانزستور وملاءته القديمة الي جانب حكاياه التي لا تنتهي علي الاطلاق .

    باكراً استيقظ من نومه (إستاك) جيداً ثم خرج قاصداً دكانة صديقه (العوض) ذهب أولاً لقراءة صحف البلاد ذات المانشيتات الهزائم ذات الزيارات التي لا تنتهي لم يكن بها جديد علي الاطلاق قرأها في لمح البصر ثم أعاد الصحيفة لبائع الصحف ، الذي لطالما حذره من القراءة المجانية غير انه رضخ مؤخراً أمام إصرار صالح وســـخريته المفرطة :

    (لما تجيب ليك جريدة فيها إخبار محترمة أنا بشتري منك) يا لحنكك البيش يا (صالح) !

    يا فتاح يا عليم : هكذا ابتدر (العوض) ما إن وقعت عيناه علي (صالح)

    والله بلد عجيبة ياخ ؟ أنت يا العوض القصة دي حتستمر كدة لمتين يعني ؟

    قصة شنو يا (صالح) ؟ واياك تقول لي الأوزون وبستشسكي والامبررو

    ضحك (صالح) حتي فاضت من الدموع من عيناه ـ هو في الحقيقة كان يبكي حاله وحال بلاده علي وجه الخصوص ثم تابع قائلاً :

    لا ياخ أها أنا من الليلة قررت أهج من البلد دي بالعربي كدة وهسي أنا عايزك تسلفني خمسمية الف وبردها ليك متي ربنا سهل التساهيل وعارفك ما حتقصر معاي

    خمسمية شنو ؟
    خمسمية الف
    فتاح ياعليم رزاق ياكريم

    هو باللاهي انا لو عندي خمسمية الف البصحيني المواعيد دي شنو ؟

    انا ما عندي ليك غير كباية الشاي وصحن الزلابيا

    يا (حجة التومة) ادينا كبايتين شاي باللاهي
    هكذا صاح (العوض) بحاجة التومة

    حاجة التومة : أعمل ليكم في الشاي شنو يا (العوض)

    آي حاجة ياخ أي حاجة انشاء الله سم

    توالدت الهزائم كجيوش الـ (نمتي) في كل شارع تجد هزيمة كاملة الدسم في انتظارك في كل بيت في تلك الاطراف حزن متمدد لم يعد في الحياة ما يسر علي الاطلاق ، غاب الفرح أو غيبوه من الطرقات قبيل ان يغيبوه في أحلام الناس وآمالهم ! لم يعد ثمة مؤشر لانعدال الحال ، تشابهت الأشياء كلهاـ والشوارع لكأنها فرغت من المارة والمتسولين أنفسهم ما عادوا يسألوك (شيئاً لله)

    توقفت عمليات البيع والشراء فكان لزاماً علي (العوض) مسايرة اقتصاديات السوق الجديد فبدل نشاطه التجاري الذي ورثه أباً عن جد بنشاط هامشي ، غابت لوحته المميزة (جزارة آل العوض) وحل محلها لوحة صغيرة لا تكاد تري بالعين المجردة علي ورقة فلسكاب كتب فيها بخط لم تسمع اذناه بالخطوط (العوض لتحويل الرصيد) كل شئ يصغر في هذه المدينة عدا آلام الناس ومعاناتهم وضنك معيشتهم كل شئ يصغر عدا أعداد المسؤولين والحركات والجيوش المنتشرة كل شئ يصغر عدا أرصدة المسؤلين في البنوك كل شئ يصغر حتي الوطن كجغرافية صغرت وتآكلت أطرافها وخيل التاريخ يجقلب والشكر أجزله للمليون ميل مربع !

    سيذهب (صالح) فما عاد في الافق شيئ يستحق الغياب سيذهب الي أي مكان آخر في كوكب الارض يجد فيه بعضاً من انسانيته التي صار يستجديها في طرقات هذي المدينة الرثة !
    سيذهب هرباً من الباعوض وجيوش المسؤلين والجيوش الأخري التي تملأ الطرقات ، لكم هو حزين كونه ظل يقاوم الهجرة بقهقهات (العوض) وشاي التومة والنظر في عيون البسطاء ! لكم تحمل الجوع في ليالي الشتاء ـ سيذهب ممتلئاً بحلم يخصه بحلم كلفه الكثير .

    إهتدي أخيراً لبيع ممتلكاته كل ما يمكن أن يأتي بفلس عرضه للبيع حتي ملاءته الرثة ابتاعها منه رجل سبعيني يقضي ما تبقي من ايامه تحت شجرة كبيرة ظلت علي مواسم الجفاف التي انتابت المدينة محتفظة بظلها فإتخذها الرجل سكناً له .

    أما الراديو فقدمه هدية لصديقه العوض قدمه وهو يضحك بسخرية منفلتة :
    بالله الراديو دة لو حصل في يوم ساكت ما جاب سيرة المسؤولين وديهو لي بتاع الروادي يصلحوا ليك !
    احتضن صديقه طويلاً بكي كليهما وهما في ذاك الحال تحول حضنيهما لحضن وطن يفتقده كليهما بكيا سوياً حتي شارفا الإغماء ، حاجة التومة بدورها انتحبت كثيراً فها هو صالح يقرر الرحيل صالح الذي كان يملأ أركان الأرض بالتفاؤل والغناء الجميل صالح الذي ولما يقارب الخمسة أعوام يشرب من يديها الشاي الأحمر الموزون
    حد وصفه ،

    قدم (العوض) لـ(صالح) بعض الجنيهات وكذلك فعلت (التومة) حتي الرجل السبعيني استجاب لنداء اللحظة استجاب كل من في الشارع ساعتها لهذه الحميمية التي في طريقها للرحيل ، المشهد كان مؤلماً احتماله كأي مشهد سينمائي مؤثر غير ان الفارق أن الممثليين كانوا علي سجيتهم حتي الكومبارس لم يأتوا لينالوا أجر ظهورهم لدقيقة في مشاهد تنتهي حميميتها بإ نتها ء التصوير ، بكي صالح كثيراً وبما تبقي من مروءته مضي دون أن يلتفت الي جمهور مودعيه مشي ممتلئاً بجمال أولئك الفقراء المتعبين مضي بعيداً حتي تلاشت الأشياء خلفه لم يعد في المدينة ما يستحق البقاء ! قالها لنفسه ثم أخرج زفيراً حاراً ثم مضي ورغوة الحياة تسيل من فمه .
    وداعاً أيتها البلاد الما خمج
    وداعاً أيها الناس الما خمج
    وداعاً أيتها الشوارع
    ليغيب بعدها عن ذاكرة المدينة التي بالتأكيد ستدخل في همومها بإشراق صباح جديد، وحدها الشوارع يا صالح ستفتقدك وحدها الشوارع وربما (العوض) و(حاجة التومة) وكرسيك الذي سيظل فارغاً في دكانة العوض طوال غيابك غيرهم لن يفتقدك أحد علي الاطلاق ،


    والله في !
    __________________
    التعديل بخصوص التعديل وغايتو غايتو غايتو

    (عدل بواسطة خضر حسين خليل on 09-29-2010, 08:17 PM)

                  

09-30-2010, 09:39 AM

حسبو عكاشة
<aحسبو عكاشة
تاريخ التسجيل: 04-25-2010
مجموع المشاركات: 1305

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: خضر حسين خليل)

    Quote: توالدت الهزائم كجيوش الـ (نمتي) في كل شارع تجد هزيمة كاملة الدسم في انتظارك في كل بيت في تلك الاطراف حزن متمدد لم يعد في الحياة ما يسر علي الاطلاق ، غاب الفرح أو غيبوه من الطرقات قبيل ان يغيبوه في أحلام الناس وآمالهم ! لم يعد ثمة مؤشر لانعدال الحال ، تشابهت الأشياء كلهاـ والشوارع لكأنها فرغت من المارة والمتسولين أنفسهم ما عادوا يسألوك (شيئاً لله)
    كم انت جميل و مبدع يا خضر
                  

09-30-2010, 09:44 AM

حسبو عكاشة
<aحسبو عكاشة
تاريخ التسجيل: 04-25-2010
مجموع المشاركات: 1305

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: حسبو عكاشة)

    و هنا كوارع اخر يدعي(عمر شكسبير) جادت به قريحة حبيبنا مورتا



    حي الباطنية شارع بت العضيضه محطة المظلة حيث يسكن عمر شكسبير الذي تخرج منذ 5 اعوام ومازال يبحث عن وظيفة ومازال يملؤه الامل ولا تفارقه الإبتسامه، وهناك تحت المظله بشكل مستمر يجلس النعوم كدباي المتخلف عقليا و رجل كبير في السن لا يعلم أحد أسمه ويلقبه أهل الحي بحاج طروشي إذ لم يسبق لاحد من سكان الحي أن سمعه يتحدث ويقال انه أطرش و مجنون .. شكسبير يعرف كل شباب الحي دوما ما يمازحهم ويحكي لهم عن كل الأمور فهو مثقف ويلم بكل أطراف الحديث من فن كورة تاريخ وثقافة وسياسيه ويتعاطى كل هذه الأمور بإسلوبه الساخر والسهل الممتنع لذا فهو محبوب من قبل الجميع ..

    ملء عمر شكسبير إنتظار إتصال قناة النرجسه فقد قام بإجراء المعاينه النهائيه لوظيفة مقدم برامج وقد أدهش الجميع بأدائه ومهاراته وثقته بنفسه وأشاد به جميع الحضور بالمعاينة .. قال أنا اخده من قاصره أصل القناة أستفسر و أهو الواحد يتعود من أسي يمشي مكان شغلو .. عند إستقبال القناة تجلس الموظفه التي بادرها شكسبير بالسؤال لو سمحتي أنا كان عملته معاينه بتاعة مقدم برامج قبل تلاته أسابيع بس حابي أستسفر عن النتيجه بتطلع متين ؟ النتيجه طلعت اول أمس وإتصلو بالناس الإجتازو المعاينه .. شكسبير بلع ريقو وقال في سرو اكيد ضربو لي ولقو تلفوني مقفول كلو من شارع بت العضيضه النتن دا شبكتو زي الزفت أنا أكيد لازم أرحل من هناك بعد دا .. لو سمحتي ممكن تشوف إسمي لأنو أنا تلفوني مقفول ليهو 3 يوم ؟ ممكن تشوف إسمك في البورد آخر الممر يمينك .. توجه شكسبير وراجع الأسامي الفي البورد 13 مره ولم يتعثر بإسمه وطلع من مبنى القناة ومابين يوم المعاينه وأداءه وكلمات الإعجاب السمعه من الناس الفي المعاينه وما بين كلمات موظفة الإستقبال و مابين دا ارضك وداك سماك أخذ يجول مابين حلمو إنو خلاص حيبقى مشهور ويقدم لقاء مع الموصلي ويستضيف طه على البشير وصلاح إدريس سوا في العيد ويساهم في حل مشاكل الهلال وبين حي الباطنية وشارع بت العضيضه ومشكلة المياة الراكده كان يسير لم يدري بنفسه الا عند المظلة بعد تلات ساعات من المشي المتواصل جلس بالمظلة بالقرب من النعوم كدباي وحاج طروشي أخد نفس عميق وقام بإصلاح ملابسه وأعتدل في جلسته ثم قال أعزائي المشاهدين نرحب بضيوفنا ... فإذا بالنعوم كدباي يرفع كرتونه صابون فارغة من الخور المجاور للمظله ويقوم بحركات كأنة يقوم بالتصوير بالكاميرا الكرتونية فيعيد شكسبير ما قاله من جديد بعد التركيز مع كاميرا النعوم أعزائي المشاهدين نرحب بضيوفنا على الإستديو الأستاذ صلاح إستار وفضل زنقار مرحب بيكم في قناة المظلة .. فإذا بحاج طروشي يهب وقفا مشيرا بيده للتوقف ويصرخ نعم لقد نطق حاج طروشي لأول مره صارخا : إستووووووووووب (ضيفينا) يا أستاذ ضيوفنا في عينك



    مرتضي احمد عبدالقادر
    25-8-2010
                  

09-30-2010, 10:09 AM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: حسبو عكاشة)

    مررنا من هنا واستمتعنا ..
    شكرا حسبو ..
    خضر دا من شاف الكوارع قلبو خف ..
    وكسر رقبة طوالى ...
    ان شاء الله تنفعك ...
                  

09-30-2010, 10:22 AM

حسبو عكاشة
<aحسبو عكاشة
تاريخ التسجيل: 04-25-2010
مجموع المشاركات: 1305

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: محمد عبدالرحمن)

    Quote: مررنا من هنا واستمتعنا ..
    شكرا حسبو ..
    خضر دا من شاف الكوارع قلبو خف ..
    وكسر رقبة طوالى ...
    ان شاء الله تنفعك ...
    محمد عبدالرحمن يا فردة
    سعيدين بمرورك بيجاي
    صاحبك خضر ملك العضة, قبل شوية قال قايم ليه من صحن بوش مدنكل
                  

10-02-2010, 02:29 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: حسبو عكاشة)

    Quote: اسمو اسامه انور عكاشه يا لوح, إنت يا معلم راسك بقي خفيييف و بقيت بتعبُر سريع ... الاسد لمن يعجز مالو؟
    - الغنمايه بتشرب كاسو هاهاهاهاها
    تشرب كاسو برضو حييييييييينا, إنت بي راسك العامل زي اخر الزقاق دا اصلو ماعندك صبر, خليني اتم ليك الخاطره بتاعتي دي ما تنسيني ليها
    هوي يا (كوارع) هوووي ما تشغلا لي انتظر ربيع دااااك شايفو جاي اقعدو اتخاطرو سوا

    يا سسلام ياخي حسبو عكاشة
    والف شي ياخي شكرا جزيلا كونك نبهتني للوجبة الصامولية والكوارعية الملانة بنبض البلد
    ووهج عيالها المساخيت لم يجككو ذات شجرة دقن باشا ويمارسون السياحة بمرح وبذكاء وبسخرية عالية
    وطبعا الماري او الجالس في معيتهم وهو لا يدري عنهم شي ممكن يقول الناس ديل جدهم السابع عشر هو جورج برنادوشو السوداني
    وسنجلس القرفصاء وسناتي من اعالي كراكير وجخانين هذه الدوحة بتمباك مخصوص حتي نستمتع بهيك تحليق
    وسرد عله يدوزن عصب زماننا الاشتر
    ارمي قدااام كما رمي الراكبين الفيل في ربوع شامبي ويرول وتوريت يا توريت يا ارض الفداء

    وسنتابع
                  

10-02-2010, 02:50 PM

حسبو عكاشة
<aحسبو عكاشة
تاريخ التسجيل: 04-25-2010
مجموع المشاركات: 1305

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كــوارع - مهداة الـي خضر حسين و حلــيم (Re: عبدالكريم الامين احمد)

    Quote: شكرا جزيلا كونك نبهتني للوجبة الصامولية والكوارعية الملانة بنبض البلد
    ووهج عيالها المساخيت لم يجككو ذات شجرة دقن باشا ويمارسون السياحة بمرح وبذكاء وبسخرية عالية
    مرحب بالجميل عبدالكريم
    نبهتك لانك ملك الرصة و الاندياحات التي يتسم بها مثقفاتية جخانين الحلة و متكلاتية دقن الباشا :)
    شلة دقن الباشا شرامة و ضاربين الهم بالمغارز و الفرح



    شكرا لحضورك
    و شكرا لكونك انت
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de