هروب الأزواج الأتراك من زوجاتهم الأجنبيات (بما فيهم السودانيات )

Quote: السيد المحترم عبد الناصر الخطيب السلام عليكم و رحمه الله اعرفك بنفسي انا احمد الحضري سوداني مقيم في دوله قطر قريت موضوعك (هروب الازواج الاتراك من زوجاتهم الاجنبيات) يا سيدي الفاضل هذا الامر ليس مقصورا علي الاتراك لوحدهم نحن السودانيين اول من ابتكر هذه البدعه عندما كانت اوربا الشرقيه مفتوحه للطلبه الافارقه و السودانيين اذهب اليوم و تجول في يوغسلافيا السابقه او رومانيا او تشكسلوفاكيه السابقه ايضا سوف ترى العجب العجاب شباب في سن الزهور ملامح سودانيه افريقيه لا يعرفون عن السودان شيئا ليه لانو ابائهم هربو و رجعو السودان بعد اتمام دراستهم و تاني ما حاولو يسالو عن ابنائهم او بناتهم و انا ما بتكلم ساي عن سمع لكن انا مشيت هناك و شفتا بعيوني و بعرف اتنين من الذين درسو في المانيا في الستينان و رجعو السودان سايبين اولادم وراهم و الاتنين لحدي ما توفو رحمه عليهم و علي جميع اموات المسلمين ما شافو اولادم تاني ديل يا اخ عبد الناصر معرفه شخصيه والله علي ما اقول شهيد....... اما القصه التانيه لما كنا طلبه في جامعه الخرطوم عندي زميله درست معاي حكت لي انو اتضح انو عندها اخ و اخت من والده المانيه و هي ما كانت عارفه عرفو كلهم صدفه لما اتصلت السفاره الالمانيه بوالدا انو اولادو بفتشو عليهو و دايرين يجو السودان يشوفوهو و يتعرفو عليهو و فعلا جو اتعرفو علي ابوهم و اخوانم الما شافوهم في حياتم.. اما الاخ حاتم المكي القال انو زي عنصريه الاتراك ما شاف لانو مستحيل يزوجو بناتم لافارقه , مادام اصلو باب الزواج من الاجانب اتفتح ممكن توريني في كم سودانيه متزوجه من افريقي و لا حتي من اهلنا من جنوب السودان , مافي و حتى لو في حتكون بنسبه ضئيله جدا جدا بالنسبه للخواجات او الاتراك ... نحن يا سيد عبدالناصر بنتعنصر حتى علي اهلنا جوا البلد الجعلي علي الشايقي و اشمالي علي الجنوبي و الجنوبي علي اهلنا في الغرب يا سيدي الفاضل نحن بندفن راسنا في التراب و نتناسى مشاكلنا و ننتقد مشاكل غيرنا و صدق الامام الشافعي لما قال-: لسانك لا تذكر به عوره امرئ فكلك عورات و للناس السن ارجو انو صدرك يتسع للكلام الكتبتو انا مع فائق احترامي احمد الحضري