يا فنان.. ياخي حمد الله بالسلامة.. أمس بس لقيت نفسي مع المغيرب قريب من نادي الخرطوم جنوب،،قلت احضر لي بروفة كاربة واشوفك واسلم عليك..لقيتك مافي ..واتمني يكون كلموك..تلفوناتك ما بترد يا حبيب
لم يعد لنا وطن تغني له،،لم يعد حتي لم تعد في الوطن حسناء تستحق أغانيكم الجميلة يا فنان ودي الدنيا ذاتا واتقمست يا فنان..اتقسمت وما يلمها تاني غير الله و قدرة الله..خليك من من محبوبة في وطن مجوبق
اتمناك طيب
_
10-07-2010, 06:35 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
ياسلاااااااااااااااااااااااااااااااااااام ياخي كم سعبد انا بوجودك هنا والله ماغبتو من خاطري انت وصاحبك عمر جعفر ولابد ليكم جنس لبده ياخي داير اشكرك شدييييييييييد على ترحابك الكريم لي في السودان وما عارف اجازيك كيف كدي قول لي بالله مرحب يافناااااااان
10-07-2010, 09:46 PM
أبي بكر سيد احمد أبي بكر سيد احمد
تاريخ التسجيل: 11-27-2007
مجموع المشاركات: 339
وسعادتنا الأكبر بمعرفتك ...واستشفاف ما يضوع على جوانبك من تواضع جميل بيشبه اولاد البلد
واحتفائنا الغير محدود بفكرة رجوعك تاني لينا... قريب إن شاء الله
ربنا يسلمك لينا .. ويديك الصحة والعافيه
وإن شاء الله تجينا سالم ...وناوي تستقر ...وتقبل بالوظيفه إياها...
__________________ الأيام دي مستمتعيين بوجود علي السقيد معانا..
والله يا ابا بكر استقبالكم ولد في شخصي كم من الالحان والتوزيعات والحب لكم جميعا ومن اول مره اقابلك فيها احسست بانني امام صديق منذ امد بعيد بالنسبة للوظيفه ربما اعرض على الكلية تغيير الامر الى تدريس التآليف اونلاين وهكذا ندخل الجامعة والكلية الى الالفية الثالثة والفكرة ليست صعبة اذ انني بالفعل سآفتح هذا الكورس قريبا السقيد ده كنكشوا فيهو قوي وبالمناسبة ارشحك لتغني اغنيته الشاكوشيه (انتهت قصة غرامنا) وخلي الباقي علي ياخي دي بتشبه صوتك بشكل غير عادي وبتخيل انو الشعب السوداني كلو يبكي وهو بسمعها منك والشعب السوداني يعشق البكائيات هل تذكر لما مجذوب اونسه كان بغني يالرحتو طولتو ولا فيصل الصحافه لمن ظهر بمسكين انا السقيد طبعا ما زول شواكيش ولا بقدر عليها هههههه تحياتي
10-08-2010, 01:10 PM
أبي بكر سيد احمد أبي بكر سيد احمد
تاريخ التسجيل: 11-27-2007
مجموع المشاركات: 339
Quote: وبالمناسبة ارشحك لتغني اغنيته الشاكوشيه (انتهت قصة غرامنا) وخلي الباقي علي ياخي دي بتشبه صوتك بشكل غير عادي وبتخيل انو الشعب السوداني كلو يبكي وهو بسمعها منك والشعب السوداني يعشق البكائيات هل تذكر لما مجذوب اونسه كان بغني يالرحتو طولتو ولا فيصل الصحافه لمن ظهر بمسكين انا السقيد طبعا ما زول شواكيش ولا بقدر عليها هههههه تحياتي
شكراً على الشاكوشيه المميزه ... وطوالي إن شاء الله نشرع في الحفظ...
الله يديك العافيه ...
10-08-2010, 05:42 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
عندما أسمعك أيها الفنان الجميل لا يساورني شك في أن الفن السوداني لا يزال بخير ... فبمثلكم أستاذ أبوبكر ترتقي الفنون ... كتر الله من أمثالكم ذخراً للغناء الجميل .. ومرتعاً وواحة جميلة نتكيء في ظلالها الوريفة من وهدة هذا السقوط الذي نعيشه ....
دمت لنا يا حبيب ....
أرجوك راجع الماسينجر ....
مع خالص الحب والتقدير ؛؛؛
10-09-2010, 10:44 AM
هشام درماس هشام درماس
تاريخ التسجيل: 11-08-2009
مجموع المشاركات: 229
Quote: اخى وصديقى الحبيب ابى بكر ... لك التحيه وكيف اولادك انشاءالله بخير انابخير والحمدلله وموجودفى الدوحه لتجديدالاقامه وسوف اغادرللسودان يوم الثلاثاءالقادم واتمنى ان اقابك( فى زمن ماضى وزمن جاى وزمن لسه) وعبر التحيه و الاحترام للاستاذالراقى معلم الاجيال .. يوسف الموصلى ومبروك عليك الشاكوش وعقبالنايااااااااب
هشام العزيز ياخي والله انا بحب الفنانين جدا وبعتز بيهم لذا فانني ايضا احبك لو علم بعض الذين يسوقون الفتنة احيانا بيننا ذلك لابتعدوا ده دوما شعوري فان صغارهم هم ابنائي وكبارهم اخواني وكبار كبارهم ابائي واي فنان جاد سبقني فهو استاذي لا محالة اها نجي للشواكيش حضر دقنوسك (الشواكيش رااااااااقده) ههههههه لم اكن محظوظا بالتلاقي معك فكلينا هاجر وان اختلف الزمان غالبا نلتقي بالدوحة باذن الله تسلم ياهشام وربنا يديم المحبة بيناتكم
10-09-2010, 01:54 PM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
ابوبكر اضفنى لقائمة اشد المعجبين اجمل اغنية غنيتها كانت لعثمان الشفيع قبل سنتين تقريبا" فى برنامج به كثير من الفنانين الشباب غنو للشفيع يا ريت تذكرنى اسم الاغنية
10-09-2010, 11:30 PM
Elmosley Elmosley
تاريخ التسجيل: 03-14-2002
مجموع المشاركات: 34683
الاستاذ الموصلى .. الدقنوس جااااااهز وعلى فكره نحن اتقابلنافى دارالخرطوم جنوب يوم الاحتفال الكان عملوه ليك فى زيارتك الفائته وبعدين انا مامستقر فى الدوحه عملت اقامه وبقيت اجى اجددها وارجع وانشاءالله نتقابل قريب فلك كل الحب والمودة ولصديقى العزيزابى بكر الشكروالتقدير0
10-09-2010, 05:07 PM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
انا بعد ده حاترجم اغنية حمادة المنا وسافر ما كلمنا حمادة بابوا جنب بابنا للغة الالمانية واغنيها للمستشارة الالمانية وبالالمانى كمان وحاتكم اليورو حار وما بندار هههه غايتو اخير لينا من بلح الشمالية ده وعاشت محمد عثمان الميرغنى وعاشت
10-09-2010, 06:59 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
ومن زمن بسمع بالفنان أبي بكر سيدأحمد وأنه مبدع وفنان والفن له أصوله وركائزه ( وهو سمعت عودوا راسي وضارب في الأعماق ) وسمعت أنه يدعم جمال فنه بالروح الطيبة التي يملكها والإنسانية التي عامر به قلبه ( يعني أخو أخوان ) لم أسمعه ولم ألتقي به لكن أحببته من على البعد لكن لأول مرة أعرف أنه أصلع ... ولا دي صورة رئيس أثيوبي سابق سبق لهيلا سلاي ( حد معرفتنا )
برجع ليك براحة يا ابي بكر هسي في ضيق من أمري ولحين ميسرة نلتقي يا جميل ...................... دي لفة ودايس أبنص ومميل الرقبة زي ماقال شيقوق ومع برمة عمة وسفة دقار
بوبا أظهر وبان حرمت عيوني يا طيب لقاك وسعيت لقفل تلفونك في اوسع خُطاك يابوبا يابوبا تحياتي ومودتي وأول الغيث قطرة كنت الرشاش ونحن في انتظار وابل الرش ويخدر المنبر وزي ما كان وأجمل بعود الطيور المهاجرة عن المنبر ناس جمال أرواحهم كان يشدنا شدَِ لأدمان المنبر
10-10-2010, 00:10 AM
أبي بكر سيد احمد أبي بكر سيد احمد
تاريخ التسجيل: 11-27-2007
مجموع المشاركات: 339
Quote: عندما أسمعك أيها الفنان الجميل لا يساورني شك في أن الفن السوداني لا يزال بخير ... فبمثلكم أستاذ أبوبكر ترتقي الفنون ... كتر الله من أمثالكم ذخراً للغناء الجميل .. ومرتعاً وواحة جميلة نتكيء في ظلالها الوريفة من وهدة هذا السقوط الذي نعيشه ....
اشكرك يا جميل ... ونحنا والله بنعتز بمعرفة امثالك ... وهم شمعات تنير لنا دربنا
شكراُ جزيلاُ على الهديه اللطيفه...ربنا يقدرنا وننجزها كما تحب وترضى
خليك متواصل معانا رجاءً
تسلم يا عزيز
العزيز والصديق الفنان درماس
Quote: اخى وصديقى الحبيب ابى بكر ... لك التحيه وكيف اولادك انشاءالله بخير انابخير والحمدلله وموجودفى الدوحه لتجديدالاقامه وسوف اغادرللسودان يوم الثلاثاءالقادم واتمنى ان اقابك( فى زمن ماضى وزمن جاى وزمن لسه) وعبر التحيه و الاحترام للاستاذالراقى معلم الاجيال .. يوسف الموصلى ومبروك عليك الشاكوش وعقبالنايااااااااب
ربنا يجيبك لينا سالم ... ونحن في إنتظارك في زمن جاي وزمن لسه
بالنسبه لي عقبالكم ... ياخي انا واثق انك يوم تلاقي الموصلي حتكون مبسوووووط خالص
وعشان تطمئن هاااااك:-
Quote: هشام العزيز ياخي والله انا بحب الفنانين جدا وبعتز بيهم لذا فانني ايضا احبك لو علم بعض الذين يسوقون الفتنة احيانا بيننا ذلك لابتعدوا ده دوما شعوري فان صغارهم هم ابنائي وكبارهم اخواني وكبار كبارهم ابائي واي فنان جاد سبقني فهو استاذي لا محالة اها نجي للشواكيش حضر دقنوسك (الشواكيش رااااااااقده) ههههههه
وكويس انك مجهز دقنوسك
شكراًاستاذي الموصلي ... وانا سعيد كوني وفقت راسين في الجمال
شكراًيا حبايبنا على المرور ...وماتنقطعوا ...
10-10-2010, 00:52 AM
أبي بكر سيد احمد أبي بكر سيد احمد
تاريخ التسجيل: 11-27-2007
مجموع المشاركات: 339
شكراً اولاً على تشابه الأسماء (بجامع سيد احمد في كل)
وشكراً على جمالك الفياض :
Quote: ابوبكر موصلى درماس
اول مرة اشوف لى فنانين صاحيين بالنهار
ابوبكر اضفنى لقائمة اشد المعجبين اجمل اغنية غنيتها كانت لعثمان الشفيع قبل سنتين تقريبا" فى برنامج به كثير من الفنانين الشباب غنو للشفيع يا ريت تذكرنى اسم الاغنية
هههههههههه انت من زمن الفنانين النواميين ... الغنا عندنا يا عزيز بيقيف - بأمر السلطه -الساعه
انا بعد ده حاترجم اغنية حمادة المنا وسافر ما كلمنا حمادة بابوا جنب بابنا للغة الالمانية واغنيها للمستشارة الالمانية وبالالمانى كمان وحاتكم اليورو حار وما بندار هههه غايتو اخير لينا من بلح الشمالية ده وعاشت محمد عثمان الميرغنى وعاشت
Quote: لاستاذ الموصلى .. الدقنوس جااااااهز وعلى فكره نحن اتقابلنافى دارالخرطوم جنوب يوم الاحتفال الكان عملوه ليك فى زيارتك الفائته وبعدين انا مامستقر فى الدوحه عملت اقامه وبقيت اجى اجددها وارجع وانشاءالله نتقابل قريب فلك كل الحب والمودة ولصديقى العزيزابى بكر الشكروالتقدير
معليش والله اتذكرت الظاهر ده الزهايمر ولا يمكن اول تواصل بيناتنا انت كنت في الدوحه ليك التحيه باذن الله معاكم قريب انا اتكلمت مع محمد جعفر انو حتكون في ليله انتو تغنو وانا اناقشكم يعني كل واحد اغنيه من اغنياتو
بالله يا بكري غني للوطن زي ما كنت بتسمعنا من خطاب اللحن الاصيل الجميل للمحبوبه امثال ( عقلي انشغل بهواك ) كان الحجارة تلين وتبطل شرر
----------------------
استاذنا الموصلي كل الرائعين من الفنايين هنا الاكيد ان صوت بكري لا يحتاج مني ابدا لتزكيه لديكم فقط نامل دوما بالجديد والجديد المميز لنضع لوحات جادة في فراغ زحمة معرض المهرجيين
ابوبكر سيد احمد ياخ حمدلا الف على السلامه انا جيت خاشى البوست وشاكى دا تكون انت واتوكلت على الحى القيوم وجيت دافر ، اذا بى اجدك مع تغيير بسيط فى اسمك الذى تعودنا عليه . كنا ثله من الاصدقاء من متابعى حراك المدينه على قلته ولكن استوقفنا مجمع طلعت فريد بالخرطوم 2 الذى كان يضج بالحركه امل ان يكون مواصلا نشاطه بتلك القوه واتاح لنا ملاقاه اميز الفنانيين والشعراء والادباء وهى اول مره استمع فيها الى شخصك حيث اصبحت من مدمنى طريقتك فى الاداء، وانت كنت كثير التردد لدى ذاك المنتدى . ودائما ما اجد معك زميل الدراسه بالمرحله الثانويه بالحاج يوسف ( تبا لتلك الذاكره التى لم تعد تختزن المفيد من الاشياء) وعلى ما اتزكر انه كان يدرس بجامعه سنار وانه من ابناء الدناقله او شى كهذا .
عموما كانت ليالى لاتنسى ونحن نقطع كبرى المسلميه كدارى بعد قضاء سهره ممتعه الى موقف الحاج يوسف القديم جوار مطعم ابوالعباس والذى نتاول عنده وجبه العشاء ونمتطى اخر دفار متوجه الى الحاج يوسف .
كن بخير
10-11-2010, 03:49 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ابوبكر سيد احمد ياخ حمدلا الف على السلامه انا جيت خاشى البوست وشاكى دا تكون انت واتوكلت على الحى القيوم وجيت دافر ، اذا بى اجدك مع تغيير بسيط فى اسمك الذى تعودنا عليه . كنا ثله من الاصدقاء من متابعى حراك المدينه على قلته ولكن استوقفنا مجمع طلعت فريد بالخرطوم 2 الذى كان يضج بالحركه امل ان يكون مواصلا نشاطه بتلك القوه واتاح لنا ملاقاه اميز الفنانيين والشعراء والادباء وهى اول مره استمع فيها الى شخصك حيث اصبحت من مدمنى طريقتك فى الاداء، وانت كنت كثير التردد لدى ذاك المنتدى . ودائما ما اجد معك زميل الدراسه بالمرحله الثانويه بالحاج يوسف ( تبا لتلك الذاكره التى لم تعد تختزن المفيد من الاشياء) وعلى ما اتزكر انه كان يدرس بجامعه سنار وانه من ابناء الدناقله او شى كهذا .
عموما كانت ليالى لاتنسى ونحن نقطع كبرى المسلميه كدارى بعد قضاء سهره ممتعه الى موقف الحاج يوسف القديم جوار مطعم ابوالعباس والذى نتاول عنده وجبه العشاء ونمتطى اخر دفار متوجه الى الحاج يوسف . كن بخير
[Email]
خالد اخوي مالك كاتب باللون الابيض اها انا عملت كوت عشان ابي بكر واصحابه يقدرو يقروا كلامك كل الود
أيها الفنان الضخم أبوبكر سيدأحمد فرصه جات لحدّى عندى لأعبر لك عن إعجابى الشديد بصوتك الجميل المليان تطريب حد التخمه ( إن جاز لى التعبير ) ، لك الأمنيات بالصحه و طول العمر و الكثير من الإبداع .
حقيقة لا امتلك ناصية الكلام ولكن انت فنان بمعني ما تحمل الكلمة من معني صوت أداء و فوق ذلك تجذبني ثقافتك العميقة . أترى الوطن الذي نغني له هو الوطن الموحد ام وطن الشتات؟
نسلم يا ذوق
10-11-2010, 01:29 PM
أبي بكر سيد احمد أبي بكر سيد احمد
تاريخ التسجيل: 11-27-2007
مجموع المشاركات: 339
Quote: أيها الفنان الضخم أبوبكر سيدأحمد فرصه جات لحدّى عندى لأعبر لك عن إعجابى الشديد بصوتك الجميل المليان تطريب حد التخمه ( إن جاز لى التعبير ) ، لك الأمنيات بالصحه و طول العمر و الكثير من الإبداع
ياصديقي ان شاكر جداً وممنون لهذا الإطراء اللطيف .. ولعلى ورفقائي نستمد القبس من جمالكم ..والهامكم
وطالما الناس البيسمعوا ويقيمو زيك موجودين ... فتأكد انو الجذوه لن تنطفئ ...
نسأل الله ان يجعلني ..وكل زملائي عند حسن ظنكم .. ويمتعنا بي أرائك النيره ..
شكراً يا عزيز ولك الود
10-11-2010, 02:18 PM
أبي بكر سيد احمد أبي بكر سيد احمد
تاريخ التسجيل: 11-27-2007
مجموع المشاركات: 339
Quote: هل انت ود محمد شيخنا اخو حسن وام بله عليها الرحمه
عموما انا في شك انك هو انتظر في كلا الحالات اهلا وسهلا اتابع في غناك ومعجب به
بالحيل ...انا ياني ولد محمد شيخنا .. بيتنا في مدني وحسن شيخنا وحاجه ام بله الله يرحمها.. اعمامي
وبدون قصد مني بقيت ابوبكر سيد احمد .. والسبب في كده صديقنا المخرج فؤاد عبد الرحيم
لما كنا شغالين في فيديو كليب بتاع (دار امبادر) .. فهو الأطلق السم دا ... ومنها بقى كده
شكراً جزيلاً يا عزيزي ... وبجيك راجع تاني بإذن الله
____________________________________________
توضيح لابد منه : انا اسمي ابوبكر محمد سيد احمد ... إذاً فؤاد المخرج المزكور سابقاً قام بحزف (محمد)..فأصبحت ما تعرفون ... و (شيخنا ) هو لقب لجدي سيد احمد.. هذا ما لزم توضيحه عشان ناس ود شيقوق والمنسي ما يطشوا..... هههههاي _____________________________________________
العزيز الصادق خليفة
Quote: حقيقة لا امتلك ناصية الكلام ولكن انت فنان بمعني ما تحمل الكلمة من معني صوت أداء و فوق ذلك تجذبني ثقافتك العميقة . أترى الوطن الذي نغني له هو الوطن الموحد ام وطن الشتات؟
صادق مودتي وشكري ..وانت تصفني ( بالمثقف) ... فإن اصبحت كا تقول .. فسأستعير مقولة
كافور الإخشيدي والي مصر في ذيانك الزمان القديم ...(اللهم إني اعوذ بك من بلوغ الحاجه )
Quote: استاذنا الموصلي كل الرائعين من الفنايين هنا الاكيد ان صوت بكري لا يحتاج مني ابدا لتزكيه لديكم فقط نامل دوما بالجديد والجديد المميز لنضع لوحات جادة في فراغ زحمة معرض المهرجيين
ومالو يا محمد ياخ البحر ما بيابا الزياده اصلو فنانين السودان ديل فقرانين ماليا شرايطهم تنزل السوق الليله بكره المزورين يتمو الناقصه ولا حسيب ولا رقيب فضل ليهم حبكم ده ولو لاه لماتو جميعا من الحسره تسلم
10-11-2010, 11:13 PM
أبي بكر سيد احمد أبي بكر سيد احمد
تاريخ التسجيل: 11-27-2007
مجموع المشاركات: 339
Quote: الى كل الأحباب المتواصلين معانا داير اعرفكم بي أحد الأشقاء الروحيين رفيق عمر ودراسة ..و درب ... ومحبة .. ومدينه رفقة( خلا ) .... والخلا بيوريك معادن الناس ... اخي وصديقي محمد علي شقدي ...وهو مشرفنا في البوست دا يمكن يكونو فيكم ناس بيعرفوهو وللما بيعرفو انتبهوا للإسم دا لانو ح يلاقيكم حتة الرجال بيتلاقوا
دي شهادة كبيرة منك اعتز بيها جدا يا اعز الاحباب ------------------ صاحبك الشفيع الايام دي سعيدين بـ عذابو لينا و مشاوير فرحو وهو مقدم اشواقو وجايكم يوم الاربعاء
10-12-2010, 08:20 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
اخي العزيز ابى بكر تحياتي لك و لضيوفك الكرام و أنا ايضا احد المعجبين بى فنك و ادائك الرائع الله يديك العافية و تبدع اكثر و اكثر و ليك مني القصيدة دي في شان السودان الحبيب .. كتبتها في متاهات الغربة
يا وطن أصبحنا بيك نصاح إنت البتعجب في الأمر إن كان غلط بنشوفو صاح يا نكهة الشاي المُطاع نعناع مزاجنا الإصطباح يا قهوة الشوق المُشاع عِب الشجن مفتوح وطن وجهة و زواده وحيل شراع يا معلم الغيم الهديل أهطل عديل نيلين وسيل ما فينا حيل نرجاك أمس باكرنا في الغيب منغمس حاضرنا فيك وإنت العليك تطرح وشيك تملانا بيك عافيه ومروه و انصياع حس يا قزح .. لوّن جدارك والمتاع فاطنه ورزازك في الدرب ما شين عليك فرحاً وشيك أفرد جناحك مرحباب لملم عذابك والصراع في الباب سحاب لا بيك فشل لا ظنو خاب عشمان أمانك للصحاب يلا أنستر .. توبك هداك فوق التساب أمرق بياضك للخريف قربان من الشوق العفيف شالك حلالك يا شفيف الستره والعرق النضيف ما يهمك الصمت الأسيف نحنِح غناك قوماك كب طوِّل ضراك ضد أي زيف صوتك صبي أو قول نبي بسراعك النيل إنتظار في شراعك الريح إنتظار وإنت اليراعك انتصار في ضراعك الخير إنشطار أفرح سمح الفيك مزار أقفل منافيك و القلاع يا نمه في حلق الزمن بيت من مسامك إتساع أبنينا في هذا الشجن قدر الوطن هذا العتيق المستطاع
فاروق أبوحوه أبوظبـي الجمعه - 15 أكتوبر2010
10-21-2010, 07:00 AM
أبي بكر سيد احمد أبي بكر سيد احمد
تاريخ التسجيل: 11-27-2007
مجموع المشاركات: 339
Quote: يا وطن أصبحنا بيك نصاح إنت البتعجب في الأمر إن كان غلط بنشوفو صاح يا نكهة الشاي المُطاع نعناع مزاجنا الإصطباح يا قهوة الشوق المُشاع عِب الشجن مفتوح وطن وجهة و زواده وحيل شراع يا معلم الغيم الهديل أهطل عديل نيلين وسيل ما فينا حيل نرجاك أمس باكرنا في الغيب منغمس حاضرنا فيك وإنت العليك تطرح وشيك تملانا بيك عافيه ومروه و انصياع حس يا قزح .. لوّن جدارك والمتاع فاطنه ورزازك في الدرب ما شين عليك فرحاً وشيك أفرد جناحك مرحباب لملم عذابك والصراع في الباب سحاب لا بيك فشل لا ظنو خاب عشمان أمانك للصحاب يلا أنستر .. توبك هداك فوق التساب أمرق بياضك للخريف قربان من الشوق العفيف شالك حلالك يا شفيف الستره والعرق النضيف ما يهمك الصمت الأسيف نحنِح غناك قوماك كب طوِّل ضراك ضد أي زيف صوتك صبي أو قول نبي بسراعك النيل إنتظار في شراعك الريح إنتظار وإنت اليراعك انتصار في ضراعك الخير إنشطار أفرح سمح الفيك مزار أقفل منافيك و القلاع يا نمه في حلق الزمن بيت من مسامك إتساع أبنينا في هذا الشجن قدر الوطن هذا العتيق المستطاع
فاروق أبوحوه أبوظبـي
يا سلام عليك يا ابو حوه .....
الله يديك العافيه يا راجل ...
وارجوا ان نتلاقى عند اول فرصة متاحه ..
تسلم
10-22-2010, 03:25 PM
فاروق أبوحوه فاروق أبوحوه
تاريخ التسجيل: 07-26-2008
مجموع المشاركات: 2242
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبي بكر سيد احمد
GamarBoBa
الطيب شيقوق
هاشم أحمد خلف الله
Elmosley
هشام درماس
محمد علي شقدي
احمد العربي
سفيان بشير نابرى
إبراهيم عبد الحليم
إدريس محمد إبراهيم
عبد الدائم سيد أحمد
خالد علي محجوب المنسي
انعام عبد الحفيظ
الطيب بشير
فاروق أبوحوه
ناذر محمد الخليفة
خالد عبد الحليم سعيد
الصادق خليفة
صديق الموج
معاذ الهادي
Mohamed Bannaga
هند محمد
فدياس نجم الدين
فيس بوك
تويتر
انستقرام
يوتيوب
بنتيريست