أغنية سايق الفيات والفيات ماركة سيارات ايطالية وكان لها شنة ورنة في السودان ايام كانت السيارت الملاكي تحسب في اصابع اليد في كل مدينة ...
كان الشاعر العبادي والحاج سرور ورفقة في زيارة لمدينة سنجة بسيارة فيات يقودها الحاج محمد أحمد سرور وفي عودتهم لم تكن العودة بالطريق المعروف بل أختاروا الطريق قرب النيل الأزرق ماراً بقرى جميلة تنشرح لها النفوس من جمالها وخضرة تكسوها وفي مرورهم قرب قرية وجدوا صبايا واردات لجلب ماء من النهر وكانت بينهنَّ هُند وكانت جميلة حركت احاسيس ذاك الشاعر الفذ ونظم كلماته ونلاحظ أنه ضمن في حديثة كأنه جاء مخصوص لرؤيتها ومع أنه في الحقيقة كان اللقاء أو الشوفة صدفة لكنه حال الشعراء وكان المقصد بالعودة بهذا الطريق أن يزوروا قرية صديقهم ورفيقهم واسمه عبدا
وتغنى وأبدع فيها الفنان الكبير علي ابراهيم اللحو وتغنى بها الكثير من قبله من فناني الحقيبة لكن أجاد اللحو وحبب الخلق في سماع هذه الاغنية وتسلم يا اللحو وحسن الأداء في كل
09-24-2012, 06:58 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: عُود بي واُخُد سندا بالدرب التِحِت تجاه رِبوع هُندة
وكما قلنا كان اللقاء بهند ورفيقاتها غير مقصود كنَّ في النهر ورادات ومرت الفيات وفيها سرور والعبادي ورفاقهم
فأبتدر الشاعر العبادي الأغنية أو القصيدة ويسال الحاج سرور ويرجاه ان يكون طريق العودة بالدرب التحت وحبَّ يوضح لنا كأنها ( هُند ) هي محبوبته والمحبوب يخص بالزيارة ولو عرضاً تشم ريحة الديار وطعم نسيم يمر على الديار وللعشاق اسرار يرو وحتى في الديار التي عفا عنها الزمان في قلوبهم لها حنين وشوق ومودة تربطهم بها وإن رحل عنها الحبيب لكن الفي القلوب الذكرى تبقى والذكر غذاء العُشاق وكأنه كان ينوي زيارة محبوبة يعرفها وقاصد ديارها .. ويطلب من سايق الفيات أن يسير به بالطريق الذي يمر بقريتها وبالدرب التحت تجاه ربوع هُندا
فلنكن مع الشاعر ومع خياله أنه قاصد ديار محبوبة عرفها من قبل وكان لعودته بهذا الطريق مقصد معني
فبدأ عود بي اي يا سرور نعود بهذا الطريق وفي عودتك أخد سندا والسندا هي وقفة صغيرة في محطة أو ما شابه عود بي وأخد سندة بالدرب التحت هو الدرب القريب من البحر ( النهر ) ويقال تحت لانه قرب البحر هو اقل ارتفاع من باقي الارض الممتدة وعود بي وأخد سندا
وتجاه ربوع وديار هُندة ( وهي البنت الجميلة التي وجدوها مع رفيقاتها في البحر )
Quote: بوصِيك قبُل تبدأ سيرك داك طريقك سابق الرفدة مِنَّك بعيد جبدا حي هُندة المُراد ميّل بى ربوع عبدا
وكانت البداية الموفقة من العبادي في هذه القصيدة وصية لسائق الفيات بوصيك قبُل تبدا ::: قبل أن تبدأ في سيرك بالدرب التحت
سيرك وداك طريقك
سر وذاك هو الطريق ( مشير له ) وفي سيرك اسرع القلب مشتاق للقاء الحبيبة ومتشوق وملهف لرؤيتها فأسرع يا سائق الفيات وسابق الرفدة الرفدة هي النعامة ومعروف أن النعام سريع جداً ومرادي ومقصدي دار المحبوبة هُندا او هُند وميل اي بعد لقائها في طريقنا نمر بدار عبدا وعبدا كان رفيق وصديق معهم قد يكون في الفيات أو صديق وداره قريبة من الدرب التحت من سنجة للعاصمة وحبوا أن يزوروه في طريق عودتهم
09-25-2012, 06:37 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ولو تعرف غلاوة الريد يا قطار الشوق كنت نسيت محطاتك وكان حركتَّ عجلاتك
وأنا واشواقي الساعة ميعادك جينا من قبلو والشوق أشواق والغريبة الساعة قرب الحبيب تبدو أقصر من دقيقة والدقيقة وهو غائب مرة وما بنقدر نطيقا
وما اقسى الاشواق وما أحلها عندما يحين موعدا فما بالك بأشواق عُشاق فقدوا الأمل في لقاء أو موعد وتظل الأشواق تهري القلوب بكيل مؤلم يرهق القلوب
Quote: من افكارنا سيرك يا الفيات اسرع
وهنا يلوم الشاعر العبادي سايق الفيات واكيد كان مسرع لكن الشوق للقاء هُند كان أقوى منه فقال افكارنا : ويعني تفكيرنا في الحبيب وفي لقاءه اسرع من سيرك يا سايق الفيات والشوق غلاب ينهش في الجسم وناروا توقد جمر
Quote: ميّل علي المُشرع لا تريع القطيع بتجفِّل الادرع
ميّل علي المشرع ميّل اي ميل في سيرك ناحية المشرع المشرع هو مكان في النهر عنده محطة معدية او بنطون يصل الناس بين شرق النهر وغربه وبالله سوق بشويش حتى لا تريع قطيع الصيد والأدرع هو قائد القطيع ومن الجمال يكون مكانة ويقصد بالقطيع من الغزلان حسنوات جمالهنَّ جمال الغزلان وبينهنَّ هُند وهي الغزال الأدرع
يجفل : الجفلة تكون ردة فعل لشئ يخيف ويرعب وحركة السيارة لو مسرعة تخيف منه سائر بأرجله وعند الجفلة تكون هناك حركة سريعة غير متوقعة وقد تؤدي لحادث فحاسب يا سايق الفيات عندما تميل على المشرع وهناك الحسناوات
09-25-2012, 06:49 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الأخت حورية عجز لساني امام كلامك وكان الجمود نعم الصديقة انت يا ذات الروح الطيبة الصادقة أحسست أن كل حرف كان نابع من أعماق وروح طيبة وحسن الكلام ينبئ عن روح صاحبه ولك الشكر وكل المودة وربنا يديم صداقة ربطتنا يا حورية والشكر على كل الجمال الذي نثرتيه في هذا البوست وزاده جمال على جمال الشاحب ( كان )
09-25-2012, 07:20 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ومن فرحته وهو ( كما تخيل الشاعر انه ذاهب بالدرب التحت للقاء محبوبته وكانت ديارها هي المقصد الذي يمم سيارة صديقة الشاعر محمد أحمد سرور نحوه ) ومن فرحته كان يحس ويشعر ان كل من حولة طرب فرح وهاش باش
( كلميني يا مرآية شايفك طربانة حكوا ليك حكاية ولا كنتي معايا ولا أنتِ بتقري ياساحرة عيوني ولا شفتي الصورة الشايلاها عيوني )
وحدثته مشاعرة أن سرور كان هاش طرب فرح لفرحه ولهفة اشواقه للقاء الحبيب
Quote: والشِدر الكُبار البقى شوفنا ليهو طشاش
وحتى الأشجار وكل الطبيعة كانت فرحة لفرحي وتفرح الدنيا وكل كائناتها .. وتزدان في حُلها نوراً وبهجة بفرحة العاشق بلقاء المحبوب
وربط فرحة الشحر رغم انه من سرعة السيارة الفيات كان يراه طشاش الطشاش الرؤية الباهتة أن لا ترى الشئ بصورة واضحة ولكن تميزه هذا كذا وهذا كذا
Quote: قولّي دحين وين ماش فارقتا الطريق إتيامـن الرمّاش
وعاد من تاني يعلم الحاج سرور الطريق المؤدي لدار المحبوبة قول لي دحين وين ماش أنت ماشي وين ؟ طريقك هذا خطأ إتيامن الرماش والرماش اسم مكان في تلك المنطقة وإتيامن : اي توجه ناحية الرماش وخلي الرماش على يمينك وهذا هو الطريق الصحيح الذي يوصلنا لدار الحبيب
شقا حشا الطريق والحشا هو الداخل من الجسم فسائق الفيات كان شاقي الطريق كما يشق بطن إنسان أو حيوان وإتيمم الحلال اي توحه نحو القرى .. والقرية تعرفة باسم حلة وجمعها حللال بتشديد اللام
Quote: زفّنُو الكِلاب مانالن إلا علال
زفنو الكلاب : اي جرن خلفه ( خلف السيارة ) الزفة هي السير خلف الزوجين وشبه جري الكلاب خلف السيارة كأنهن يزفنها ( الكلمة الحا يشطبها برنامج بكري سيد الحوش هي ابوات وامهات الجرو وهذه الظاهرة كانت زمان في القرى والحللال الصغيرة التي تعبر السيارة فيها شئ غريب فكانت الكلاب اول ما تشوف عربية تجري وراها لمسافات طويلة فتسرع العربية وتسرع هي ومسكينة تلك الكلاب تجري وتتعب ولا تنال إلا غبار السيارة ( عجاجها ) طبعاً الطريق غير مسفلت
Quote: يازين الشباب يا طيّب الأخلاق يا أمين الصديق والناس على الإطلاق من ايدى الصناعة يبعدو المعلاق انظر للطبيعة ومجد الخلاّق
وهنا يخاطب صديقة ورفيقه معه في الفيات وقد يكون يقصد به الفنان سرور يا زين الشباب ياطيب الأخلاق ويا امين الصديق وأنت اخلص الناس لأصدقائه على الإطلاق وهنا جزم انه صديقه الوفي المخلص طيب القلب والروح جميلها انظر يا صديقي لهذا الجمال المكمل من المولى عز وجلت قدرته لو تأملنا صنعه ولما لا نتأمل هذا الجمال طبيعة تخلب وتنجلي لها النفوس ( خضرة وماء ) وحسان تلوع النفس إذا رأتهنَّ ماتشوف في الدنيا راحة من جمال البداوة وحسنه وقلوب تكسي الجمال رونق من نور وماعرفت مكر البندر براءة وصدق واخلاص في البداوة ويا سلام لو كانت الواحد قراية وكاتبة وماخدا علي البنيات الشرافة يكون الجمال إكتمل وتناوله الشعراء حديث نحدوا به في اسفارنا ترحالنا مثل الذي قيل في هُندا
فلو تأملنا في هذا الجمال لمجدنا حُسن خلق الله وزاد الايمان يقينا
09-25-2012, 08:39 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: شوف النهر مار بي خِشوع تقول هجسان او مرَّ المنام بي مُقلة النعسان
ويتوجه لمخاطبة صديقة الحاج سرور شوف هذا الجمال يا سرور وشوف النهر وكيف تسير امواجه في هدؤ تام ونعومة والخشوع معروف وهو التركيز الشديد وعدم الإنشغال بما هو حولك كأنه شخص هجس الهجسان هو الإستلقاء لإمتاع الجسد بشئ من راحة ( وفيه يكون الإنسان سارح بباله بعيد وغير منشغل بما هو حوله وصامت راقد على ظهره ولا يريد النوم ) والهجسة اصلا هي الراحة وقت الظهيرة من غير نوم يقال لك أهجس اي ارقد واصمت شوية وعادة هذه الكلمة تستخدم في البيت عادي ( يا ولد ماتهجس ) لما يزيد ازعاجه
وكذلك مرورة وفي هدؤ كما العين عندما يغالبها النعاس تراها تغمض في حركة بطيئة وصاحبها يغالب النوم ورغم أنه نعسان
وهي هجسة غفوة سنة ونوم ونوم عميق وما أجمل التشبيه مرور امواج النهر بتلك الصورة الهادئة والهجسان ( او الهجسة ) ومداعية النوم لمقلة النعسان وكله يكون فيه الهدؤ السكينة وما أجملك الشاعر الجميل العبادي
Quote: جلّت قُدرتو ما اكفر الانسان كم ينسى الجميل كم يجحد الإحسان
تجلت قدرة الله في كل خلقه لكن الجحود والمرور دون ان نلقي بال لخلق الله البديع ونحن منشغلين بحياتنا هو عين الجحود النكران لمحاسن خلق الله
09-26-2012, 05:45 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ما نفرَن تقول سابق الكلام إلفة !!!! عطشان قلت ليهِن وصحّت البلفة مافيش كاس قريب قالن بدون كُلفة تشرب بي كِفوفنا حتى تتكفى
وهذا ( المقطع من القصيدة ) هو عمودها الفقري أصلو القصة كما قلن نفر مع الشاعر العبادي والفنان الحاج محمد أحمد سرور كانوا في زيارة لمدينة سنجة عبدالله فكان الذهاب من الخرطوم بسيارة سرور الفيات عن طريق سنار والعودة كانت بالدرب التحت الذي يمر بقري الشلال والرماش وفي عبورهم عند منطقة معينة وجدوا جمع من حسان يردنَّ البحر لجلب ماء وكانت بينهم هند تحايلوا عليهنَّ حتى يكون حوار بينهم وادعوا أنهم عطشى ويريدون ماء وسرق العبادي لهند النظر ...... فكان السهم الذي اصاب العبادي من شدة جمالها فنظم القصيدة ويصف العبادي كيف كان الأمر عندما وجدوا الحسان في النهر قال : ما نفرن النفور هو الصد كأهن شافن حديثنا عندما طلبنا الماء لنروي ظمأنا وقلوبنا حديث مقبول فلم يصدن وينفرن وكأن بيننا سابق معرفة وكانت الأريحية من جانبهن
قلت لهنَّ : عطشان ... وصحت البلفة البلفة ان تغش شخص لتنال شئ منه ومشت عليهنَّ كذبتنا ومقصدنا غير ما عندكن كأس نشرب به فكان الرد منهن وبدون اي كلفة أنت تشرب بي كفوفنا لم تروي عطشك وهن لا يعلمن أن فؤاده الذي كان عطش لعشقهنَّ
09-26-2012, 06:19 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
فى الضـواحى فى الضواحى وطـرف المداين يلّا ننظر شفـق الصبـــاح
قوموا خلّوا الضيف فى الجناين شوفوا عز الصيد فى العساين يلا نقنـص نطــرد نعـاين النهـار إن حــرْ الكمــاين ######ى يـا جمجـوم أصلو خاين شوفوا كيفن يبــرا المـلاين هَبّ شال وكشـح المــراح
للقنيص الخيـل خَفّ راسـن نحن مـا بنخـاف من مراسن المكـارم غــرّقنا ســاسن والمجـاهل من غيرنـا ساسن إن عطشنا نمزْ مُُر وآســن وإنْ عشقنا بنعشـق محـاسن فى المحاسن كفى يومنا راح
فى الخميلة انجلت المحـاسن عينى حايرة ومشى قلبى جاسن بعض حسنك هى يا محاسن الحرير عند قدميك دامـن والزهور فوق شفتيك باسن والغصون من لدنك مياسن والنسيم فاح بكر الـمِلاح
يا الطبيعة الواديك ساكن مافى مثلك قط فى الاماكن يا جمال النال فى ثراكن يا حلاة الــبرعن أراكن بي قفاهن تور قرنو ماكن لا غشن لا شافن مساكن فى الخزام والشيح والبراح
يا أم لسانا لسـع مـعجن كلمة كلمة وحروفا ضجن ديل خدودك غير داعى وجن ديل عيونك من نظرة سجن ديل دموعك من نظرة سقن ده دلال ايه ده دلال معجن مــحن الأمــات يا رداح
مال نسيم اليل بى بــرودك نامت الأزهار فوق خـدودك غرد العصفور فوق عـودك النفوس ما اتعـدت حـدودك ما عرفنا عدوك مـن ودودك بس انا المقسوم لى صـدودك يا حـياتى وأمـلى اللــراح
09-26-2012, 06:24 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ليالي الخير جادن من المحبوب نسائم الليل عادن من المحبوب
وقد قيل عن هذه القصيدة أن الشاعر ودالرضي كان معجب بفتاة لكن قدر الله أن تكون من نصيبه فنظم فيها الكثير من اشعاره وحبها يملئ قلبه عمل الشاعر في منطقة مدينة سنار في الخزان وعندما عاد في عطلة وجد من أحب قد تزوجت
ولا أعلم ما رأه الشاعر في حُلمه حقيقة ألبسها ثوب الحُلم يتقي بها فضح نفسه أم كان حُلم حقيقة وبعدها نظم القصيدة ( الله أعلم )
لكن نحن لنا بظاهرها أنها حُلم جميل من طيف الحبيبة ليالي الخير كانت البداية وفي الليل يمون هجعة البشر لمراقدهم وفي النوم تأتي الأحلام جميلها وقبيحها وكما قال الرسول الكريم عليه الصلاة والسلام في معناها لو رأى الواحد منكم مايكره في نومه فليقل أللهم أجعله خير .. وأن لايحكي حُلمه أو رؤيته في المنام لمن لا علم شرعي عنده التفسير يوقع الحُلم حقيقة ... الرؤية على جناح ملك طاهر متى ما فسرت وقعت ولو حكى لك شخص عن رؤية قل له أللهم أجعله خير ليلالي الخير جادن اي كان كرم من تلك الليلة أ، جادت لنا بطيف المحبوب الذي زارني ورأيته في حُلمي وكان حُلم جميل أنسني وسعدت به وليته دام معي .. ودائماً عندما نصحوا من حُلم جميل نتمنى أن يعادونا النوم ويأتي الجميل مرة أخرى ( طيفه ) لكن هيهات
وهذا ديدن العشاق ان النسيم في الليل يحمل أطياف الحبايب ونسايم الليل عادن من المحبوب
09-28-2012, 09:58 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
حُلم طيف الحبيب بدأ معي أني رأيت في حُلمي طكبي ( عزلان ) يتاهدن في مشيتهنَّ برخيم نغمات النغمة موسيقية ... وكان في أصواتهنَّ نغم موسيقى تشفى مابي من فراق لحبيب كنتُّ أظنه لي ولكن القدر فرقنا تنادن اي كل واحدة منهنَّ نادت الأخر جن يهادن في مشيتهنَّ كما ظبي إنحدر علي وادي ترد ماءً تراها كأن كل واحدة تنادي الأخرى وتدعوها للذهاب للوادي وهنا وبعد أن رأيت هذه الوحة من الجمال ومحبوبتي بينهنَّ أرتفع معدل الشوق والهيام في نفسي وقال عبرات الشوق وهنا يوضح لنا أن شوقه لايشابه شوق أخر هناك شوق لمحبوب والبينك وبينه عامر لكن فرقت الايام مسافة وبعد بينكما وهناك شوق لحبيب هجرك وبعد عنك وقد يكون الهجر لسبب يعلمه هو وقد يكون فراق وهجر بسبب اخيتاره لشخص غيرك وفي كلت الحالات هو هجر وبعاد يؤلم والشوق فيه كما البكى يكون شوق بعبرة تخنق الحلق وكل هذا كان حُلم وليته دام واستمر والتمادي هو الاستمرارية دون إنقطاع تلكم أحلام ليت تمادن
09-29-2012, 05:29 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ومالي مفتون بالجمال والحسن وقلب مرهف صادق يطرق فؤادي ولو مرة ومابال قلبي يصدق كل حنية زائفة وحب عرض في سوف النخاسة ماهذا حال القلوب التي والحمد الله مازالت على فطرتها ( تربية أم حنون واب رحيم بعياله ) في عصر العولمة الغش والخداع أضحى في كل شئ وحتى في المشاعر سبحان الله
Quote: شفت الحسن الحافل رافل في ثياب العز والعز كافل رانع واحل تايه غافل لادن هادل ضامر كافل
ويستمر الشاعر ودالرضي في رواية حُلم الحبيب الذي غشاه في ليلة جادت بالخير وعادت نسايم الليل تحمل طيف الحبيب
وعلى مايبدوا أنه رأي الحبيب في داره وهذا يظهر لنا في وصف كل محاسنه وهو بملابس البيت وإلتهبت مشاعره لكل تلك المحاسن التي وصفها بدقة بالغة
( وماهي السعادة إلا .. تلاقي أرواح .. حنان عاطفة لقلبين .. تجرد وتفاهم وتنازلات والإعتذار يكون سيد الموقف إن دعت الحاجة له دون تعنت وعناد .. ومجاملة متعة جسدين تكتمل بما سبق
والمتعة الجسد هي دم وغذاء الحب وهي التي تحفظ الحب متجدد كل يوموتكون السعادة )
قال: شفت في حُلمي الحسن والجمال والروعة حافلة حافل : اي كثير ومتوفر
في ثياب العز والعز هو الجهة وسمحة المقدر والقادر بسوي وعز اهلها هو كافلها وكافل : راعي ومهتم بشئ او بشخص فكانت المحبوبة معروفة أن اهلها عزاز خير ووفرة وشبت ولم تشيل جردل علي الزير
رائع والروعة هي قمة وراس الرمح في الجمال واحل : والوحل هو عدم القدرة على السير بسهولة بسبب وحل سواء كان طين او رمل واو غيره وهنا يقصد الشاعر انها في مشيتها تتقلع مع حركة تهتز لها كل أعضاء جسدها كانها تسير في وحل ولهذه اللوحة جمال ابداع .. ويتقسم مقاطع في المشي ويتحرن .. وزي فرخ القطاالأماتو ركّن وفرّن
وتايه غافل التيه عندما لا تدري بالذي يحدث حولك .. تتوه ويا لجمالها وحسنها عندما تبدو لك كأتنها تايها وغافل يعني بها أنها قد تكون رأته يسرق النظر وتاهت عن ذلك عنوة ومقصدا وقد تكون غافلة ولم تراه لكن في كل جمال وروعة حروف
لادن هادل لدن اي جسمه طري لين ترى للدم سريان في أورتدتها وضامر كافل اي الضمير فيها قبضة يد وخاتم يحمل صدر رقدت عليه رمانتين والكفل كبير : وقد قال كافل ولنا نحن أهل السودان غرام مع الكفل وفعلاً ه جميل ويزيد من حسن محاسن المرأة وبالذات لو كان يعلوه ضمير مضيق البسفور في خضم البحر يربط بين طرفي البحر صدر عالي ... وكفل رجاج يرج العقول
09-29-2012, 07:33 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: هادئ ساكن آمن قادل بهجة هيبة حاكم عادل لافح فره وطارح سادل ليل عسعس كاسى الهادل
البيت سميى مسكن لانه يحس فيه الإنسان بالسكون والأمن وهو داخل بيته وهذا المقطع يثبت لنا جلياً انه رأها دون عملها وفي يبتها ساكن أمن هادئ .. ويقدل بمهل ( تمشي الهيوينة )
بهجة.. هيبة حاكم عادل
طلعتها تسر فيها البهجة والسرور للناظر وهيبة كأنها الحاكم العادل يحبه الناس
لافح فره وطارح سادل ليل عسعس كاسى الهادل
وهنا يصف شعرها السادل فوق الكفل عندما قال لافح فرا وطارح سادل أي متتدلي ومن السواد شبه الليل العسعس ولم ينفس صبحه بعد وهذا الشعر كاسي الهادل وهو الكفل
Quote: بوبح جيده وأبصر واقل ظن مراقب صدق العاقل َقلب المخضوب فوق الفاقل تل اليمنى ومشى متاقل
وهنا حست وهي في تيهاها وآمنة في بيتها أن هناك قد يكون من يراقب حركتها وفجاءة بوبّح جيدو اي إلتفتت بحركة سريعة لترى هل من بشر يراقبها ( وابصرت واقلة ) الوقلة هي قلبت العين في أتجاه معين وحركة الجيد في الإلتفاتة : هي بوبحة الجيد وكان ظنها وهي العاقلة دوماً ان هناك من يراقب حركتها في بيتها وبعدها .. ويظهر انه توارى ولم تراه قلبت المخضوب ( وهو اليد ومخضوبة بالحناء ) وبعد حركة بوبحة الجيد وتأكد ان ليس هناك من يراقبها وعينها واقلة فوق الفاقل وهو الكفل وواقل اي بارز ومن الجمال ما يلوع الناظر تلَّ اليمنى : اي يدها اليمنى ومشت تقدل في مشيتها والله لوحة ترسم وهذا هو الشعر الذي ترتجف له الأبدان عند سماعه
09-29-2012, 08:46 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: رنا متخاوف بارق لجّ بعضه فى بعضه ترادف لجّ نصفو تثنى وآخر لجّ لاطم أمواج من غير لج
ولم تطمأن بعد وبعد أن بوبحت جيدها وبصرت لترى ان كان من يراقبها وقلبت المخضوم فوق الفاقل وتلت اليمنى ومشت متقالة كأنها الوجى الوحل
رنا : يرنو اي ينظر ويطالع شئ مبهم رنت ونظرت خائفة وعينها تبرق زي حركة البرق السريعة لجَّ بعضه في بعضه ترادف لجَّ وعلى ما افتكر هذا انها في حركتها كلها كان لجة اي تصرف غير متوقع حدث لشئ ما قد اخافها ( المراقب ) ونصفو تثنى وأخر لجَّ ومع خوفها تثنى نصف جسمها في حركة تثير الفؤاد المشاعر هياجاً والنصف الأخر من جسدها تحرك من اثر الخوف الذي اعترى قلبها وتلاطمت امواج جسدها في الهواء الطلق ولم تكن تلاطم لامواج لجة البحر
09-29-2012, 09:00 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: رفع الهدب شفت محوَّر نوره تدفق صعد أتدوَّر فكر في شئ فضل أتصوَّر بسم النوار فتح نوَّر
وهي في خوفها هذا رفعت اهدابها وودالرضي يتغزل في اهدابها وهي في لج خوفها ويقول عندما رفع اهداب العين رأيت العيون التي يكسوها الحور والحور صفة جمال في العيون
ونور عينها تدفق ملهب لمشاعري التي تهالكت وتدورت العيون في صورة لم ارى لها مثيل من الجمال
وعلى مااظن انه كان يفكر في شئ ويشغله فكره شئ
والنوار هو زهر الثمار قبل ان تشيل في اشجارها
09-30-2012, 05:46 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: فيه تأمل أيسر بندي لدن المثمر غصنه البندى مايقه ترقرق شهر الهندي فوَّح منو العرف الرّندى
ومستمر يتغزل في جمال وما راى من روعة محبوبه في منامه وقال : فيه تأمل أيسر بندي اي لو تأملت الحبيب فهو ايسر قد يكون يعني ايسر الطرفين قد يكون أيسر من اليسر الثراء وهذا المعنى المحتمل والله أعلم
لدن المثمر اي نامي النهدين غصنو البندي يا فارع طويل قوامه معتدل كما غصن شجر البندي والمايق : هو العين مايقو ترقرق : اي غروقت عينها وملئت بالدمع من خوفها أن هناك كان من يراغبها وأشهر سيوف ألحاظه التي من حدتها تشبه السيوف الهندية المعروفة
فوّح منه العطر الرندي والعطر الرندي عطر طيب الرائحة. تشمه من بعد
09-30-2012, 05:51 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وضاحة يا شمس المشارق ومنارة تهدي الضال لحسن السبيل يابحر خضم حفظ في أعماقه كنوز تلهم كل متطلع للغوص لو مرة يحظى بكنز من كنوز أدبك وخُلقك السمح وفي راوية اخرى ( ثمح ) العود الحميد لبيتك وإنجمامتك .. نور بيتنا
Quote: وصحيت ندمان نومي انقل أتناوم غش وقواي كل ّ حاولت النوم لكن كلا هيهات يعود الكان ولّى
وفجاءة كانت الحسرة والندم التي أعترت الشاعر ودالرضي إذا به يصحو من نومه ويعلم انه كان حُلم جميل
وفارق عينيه المنام بعد أن علم كل الذي كان حُلم
أتناوم غِش وقواي كلَّ حاولت النوم مرة اخرى واغمض عيني لكن ابا النوم والجفن صبح مفروش وطار نومي وقلَّ وكانت محاولتي للنوم مرة اخرى ليس لاني احتاج لقسط من راحة لكن كنت راقد لي بخطة ان يعود الحُلم مرة اخرى وامتع روحي بطيف الجميل الذي أهوى واعشق وماعندي غيرو حبيب
لكن هيهات يعود الكان ولّى ويا ليتو يعود الكان ولّى
09-30-2012, 08:38 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
منقول الكاتب ازهري الحاج البشير =======================
سيرة اولاد الجويلي احفاد ود الفحل
قراءة مختلفة
من اغاني الفروسية التي اختلف المؤرخون على حقيقة القصة التي كانت وراء الاغنية:
من احد المصادر الموثوقة - تقول الرواية بانه في تلك الفترة حدث ان سرقت ناقة "ضئيلة الحجم وهزيلة" لعيال أب جويلي، ولكن عيال أب جويلي ولأنهم أشتهروا بالفروسية، مابرضوا الحقارة "ولا ينامون على الضيم". فاجتمعوا ليناقشوا ماهم فاعلين بحق ناقتهم التي سلبت منهم في ظلمة الليل . فكان الرأي الأغلب ان "يقصوا درب السارق" وأن يستعيدوا ناقتهم مهما كلف الأمر ومهما سالت دماء.
فاجتمعوا للخروج وراء الناقة، تزغرد لهم النسوة وتدق الطبول، وهم يؤدون رقصة العرضة على المضارب، معلنين ان أوان خروجهم قد حان ..
وحين كثرت الأهازيج وعلا صوت الزغاريد، أصروا انهم لن يخرجوا وراء السارق الا حفاة، وأن لا يحملون معهم الا المطارق. "فمن سرق ناقتهم لا يخرج وراءه بسيف" كناية عن شجاعتهم وشدة بأسهم.
ماسبق كان التحقيق للاحداث حتى خروج عيال أب جويلي الى المضارب:
حقيقة ما حدث بعدها وعودتهم بالناقة اختلفت فيه المصادر أيضاً وهو تحت التحقيق الآن ولكن أعظم الظن انهم:
عندما تتبعوا أثر الناقة حتى الفاشر مرورا بكردفان وعبورهم لطريق "درب أب درق" حفاةً، وجدوا ناقتهم ترعى بدون راعي واكتشفوا انها قد شردت ولم تتم سرقتها "وعادوا بها بدون معركة"، ولكن رغم ذلك قابلتهم الاحتفالات عند العودة بالنصر الذي حققوه بارجاع الناقة المسلوبة. فعرضو وكمبلو "بعد ان جابو سمح الخبر"
النص :
عيال اب جويلي الكمبلوا وعرضوا في دار كردفان اتغربوا وسدروا ضربوا الجوز عديل حاشا ما ضلوا لبنات البلد سمح الخبر جابوا
غني و شكري يأم قرقدا سايح من دار كردفان جانا الشناع فايح في الفاشر الكبير طلعوا الصايح دقوا الجوز عديل اصلوا العمر رايح
دقي وزغردي يام قرقدا حسوو الليله بجيب القول علي البيسووا عيال اب جويلي الجيلوا و تعلوو ديل درب اب درق شقوو
غني و شكري يا خدرة الورتاب فوق ود الفحل الليله جبتا جواب حقيت الاسم ياسالم الارباب قيدومة العيال ... ركازة للمرهاب
الفحل الكبير: هو الفحل بن ادريس توفي قبل تولي امور الملكية فتولت ارملته "سنتا" حكم شندي و اخو بنت بره والدة محمد والد المك نمر الشهير
العرضه و الكمبله : رقصتان من رقصات الفروسيه الأولى اشتهر بها الجعليين و تداولتها الكثير من قبائل السودان في شماله و غربه الشمالي والثانية أشتهرت في دار كردفان الكمبله هي ضرب الارض بالاقدام بقوة تثير الغبار كناية عن القوة و المثابرة بينما العرضة هي تجمع للفرسان لاستعراض قوتهم
خدرة الورتاب : المرأة السمراء البشرة و الناعمة الملمس...الخدرة الناعمة
درب اب درق: طريق شهير بغرب السودان ملئ بثعابين الكوبرا السامة و اب درق هو ثعبان الكوبرا
سالم الارباب : هو العريق النسب الكريم ..................... منقول
الكمبلا رقصة من جبال النوبة في واقع الأمر وليست لأهل دار جعل ولكنها أشتهرت في عموم السودان وبقرونها المميزة ... أزهري . أزهرى الحاج البشير مشرف عام
.
09-30-2012, 08:43 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: العرضه و الكمبله : رقصتان من رقصات الفروسيه الأولى اشتهر بها الجعليين و تداولتها الكثير من قبائل السودان في شماله و غربه الشمالي والثانية أشتهرت في دار كردفان الكمبله هي ضرب الارض بالاقدام بقوة تثير الغبار كناية عن القوة و المثابرة بينما العرضة هي تجمع للفرسان لاستعراض قوتهم
خدرة الورتاب : المرأة السمراء البشرة و الناعمة الملمس...الخدرة الناعمة
درب اب درق: طريق شهير بغرب السودان ملئ بثعابين الكوبرا السامة و اب درق هو ثعبان الكوبرا
سالم الارباب : هو العريق النسب الكريم ..................... منقول
الكمبلا رقصة من جبال النوبة في واقع الأمر وليست لأهل دار جعل ولكنها أشتهرت في عموم السودان وبقرونها المميزة ... أزهري . أزهرى الحاج البشير
العرضة هي من أشتهر بها الجعلين لذا كان وثاق في أذهان الناس انها عادة الجعلين هناك كثير من قبائل الوسط قد اشتهروا يهذه الرقصة والله أعلم هي أصلها من اين ؟ وكل قبائل السودان لها رقصاتها الخاصة التي فيها يستعرض الشباب فروسيتهم والنساء جمالهنَّ واذكر على شبيل المثال الكمبلا التي اشتهر بها ابناء جبال النوبة الجراري الذي أشتهرت قبائل بني جرار رقصة الكولا كما تسمى في كثير من دول شرق اروربا اشتهرت بها قبائل الشمال الحلفاوين .. المحس .. السكوت الدناقلة ( وفيها تماسك وتشابك بالأيدي مع حركة منتظمة ) والشايقية اشتهروا برقصتهم التي خصتهم .. وكذلك رقصة ايقاع المردوم التي فيها شئ من الجمال في حركة الارجل مع هزة قوية تظهر قوة الفارس رقصات الجنوب وقبائل الجنوب كلها ترى فيها أظهار للفروسية رقصات أهل الشرق البجا وايضاً هي من الرقصات الحلوة التي تنبئ عن فارسة وتعدد الثقافات الذي أشتهر به السودان هو الذي ميزه عن غيره من الدول
خدرة الورتاب : تعرف في السودان بلون زينب وهو لون اسمر فاتح شديد ومع نعومة في لون الجسم وزي مابقولوا :: خدرا باردة
ولك كل شكري الأخ أزهري على هذه المعلومات الطيبة
10-01-2012, 06:09 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
اي صـــوت راجيهو صوتك وأي شريــــان فيك وريدي الزمن قاسي الملامح وإنتِّ عنوانة قصيدي يانديدي يانديدي يانديدي أنا أنا يا نديدي
ما أشتكيت لوردة غيرك ما لمستَّ سواء حريرك كلما هاجت شواغل مانشدت بلا مصيرك
شوفي كيف الدنيا أخضّر من زمان عايني كيف الأفق أوسع مما كان هلا فجرك هلا فجرك يامصابيح إنطفي تاني وين ضيق المحل لو إنتِ في وتاني وين ضيق المحل لو إنتَّ في
10-01-2012, 06:32 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا ريح الصبا الجيتينا من أبوسالف كيف سبيل خيولاً سيدا عابد وكالف الخلاني فوق نيران جهنّم خالف حار بالحيل فراق الزول بعدما يوالف =================================== شبكتينا يا امنه وشبكتي الناس معانا في شُباك شبك شِبكّت شبكتو معانا لبست توب شبك في شبائكا مشابكانا الداير الشِبك الأجدع شبكتو معانا ===================================
أمنة الفي ضمير ماذياني ماشفتوها يا خلاني
في عينيها عالم تاني زي زي امنة ما لآقاني وزي لون أمنة ما لآقاني في إيدي الحرير مسَّاني ومن يوم داكا جاني الجاني ما شوفتوها يا خلاني
واحدين قالوا ضامر هافا واحدين قالوا شفنا الشافا بس براي بجيد أوضافا سارح ديسا مالي أكتافا وما شفتوها يا خلاني
عامت وإنتنت زي بانة ساقيها الندى ورويانة القلل صبرنا وأذانا شفتَّ لوني في سيقانا وماشفتوها يا خلاني
جلت قُدرتو السواكي شال من توب عفافو كساكي جاب كل الجمال أداكي ومنو أحترتي إنتِّ براكي وماشفتوها يا خلاني
تعالوا أسمعوني خَبارا المن النسيم تضارا شالت من كِبيدتي مرارة يوم صديرا عام الدارا خلتَّ ناس فلانة حيارا وماشفتوها يا خلاني
الدر في سنونا لأالي العُناب لهيجا الحالي الكمّل عمرنا الغالي الشتيلة الي رفاق بتضاري ما شفتوها يا خلاني
10-01-2012, 07:22 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: والله الشوق بحر يا عزيز سلامات وأنشاءالله الجميع عافية وألف شكر علي دأك الكرم الأصيل . معليش الشغل في دبي ما كان معاو في طريقة : تحياتي
الحبيب عثمان والله مشتاقين قطعت الخبر بعد العودة للسودان يا اخوي انت الكريم والكريم يكرم وكنا نمني النفس لو بقيت بيننا ازيد من السويعات التي ألتقينا فيها ومقامك وقدرك يا ابن الكرام وكريم يفرض علينا ذلك
هسي وين ؟ في السودان ولا رجعت أمريكيا ؟
تحياتي ومودتي
10-02-2012, 05:28 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وضاحة يا شمس المشارق تنير طلتك الإنجمامة وأنت أهلها ترشي رملة أرضيتها تحت الشجيرات الظليلة ومعك تحلو الجلسة ومع فنجان قهوة ونقرقر في العررريب مشنق طاقيتو وفقت في اختيار الأغنية فهي من الأغاني التراثية الجميلة تغنى بها الفنان سيد خليفة
10-02-2012, 06:29 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ودوماً مع الغروب عابرة نيلنا الحبيب الطيور قاصدة عُشوشها العُش الذي بنته قشة قشة وليت الأيام تطيب وتنجمعوا يا الحبايب ويعود كل غائب لعُشه الإنجمامة
عود وضاحة الحميد عودة المشلق ودشيقوق واليوم عاد الغائب أمير محمد أدريس وفي جعبته كلام طيب وعودنا بالجميل والسمح وهذا ديدنه أذنه نضيفة وبسمع تمام
================================================== رسالة من أمير محمد أدريس
زرعوك في قلبي يا من كساني شجون ورووك من دمي يا اللأدن العرجون ** يا الباسم الهادي نورك سطع هادي ماذا أقول ؟ في سناك بيك الدلال عادي ماذا أقول ** شايقاني فيك بسمه سمحة ومليحة لون عا########ي فيك قامة وساحراني فيك عيون في حسنك الفردي يا ما نظمت فنون هيهات اسلوا هواك مهما إعتراني جنون ** أنا لي لقاك صادي لي في الخيال راضي خطوي هواك وديع من يا تري القاضي أنا في إنتظار عطفك مرت علي سنين أوعدني بنظرة وخليك علينا حنين
10-02-2012, 08:19 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
كلام الرتينة بت سالم وليد عتمان في حنة علي الشاشوق =============================
بنية بنية لي سالم وليد عِتمان وصلاة الزين سموها الرتينة أمها بت علي الخمجان خريف الرازه عزينه
كبار الحلة آباته بُكار الحلة أماته تمرق زينه تبرق زينه تمشي تهاتي وزينه بلا الربعة التحجل وشاكية للوديان كتافا وفوق الجيّد علي ضهر البوادي تغني ماخاتية الزرافه
سلامها ضنين بسيمها الودعه ألا تزيد لطافه ملامها رصين مقدم ذوكها قبال الحصافه كلامها حنين كلامها يطمن الهمباتي والمجلوبة متعارض ك######## وقاريه وكاتبه تحمد سيدها ماخده علي البنيات الشرافه كذا البريبه تبرد عيني لا تغشاها لا أحضر نشافه
وكان في الحلة يوم حنة علي الشاشوق ومشينا نقدم البنوت علي ضو الرتاين عيونهن هارجه تنبح في الفجر والليل قريب واقف يعاين خدودهن جاهره زي جهر الكهارب الفي المدينه
وكان الليل ومافي الحلة من الحفله ألا صداها
كان زغروده كان غنّاي رقيص الشامه بت حمدين وعرضة حامد العولاق وخت الحنه ليات من حضور ضفرين ونمات العديل والزين وشنق ود سعد طاقيتو شان في الحلة ساوو كنتين وشكلة عامر المسكين وعيط ودمجمر زين عشان الزينة رقصت زين وفي الشعقيبه.. كان بازمالو شباليين
وسكرة وين وسهرة وين وبهرة وين وجهرة وين
أقول آبنيه ليش ماتهمي ليش ماتهمي فوق زولاً مشلهت فوق دريبك لا النفس مجبود ولا لحق الغزاله
وقفت وانبهر رماشه جدعت بالبسم رشاشه قالت... والعيون ضحّاكه في ضو الرتين بشاشه آ ..المهجوم.... أهجمك الله كان داير تسيلي الخلعه
عاد من حيني جاتني الحاله قتلها لا لا وحات النعمه آبنيه البريد في الريده مابخبر فساله
حدرت باسمه قتلها عايني تسلم عينك إلا حقيقة مو ساهل كُتاله
ندهت ناضره حالفابو الصباح الباش يلون في المشارق وتلين الجايه من تالانا تاله وحات أمي البعزها زي تراب حلتنا أبقى حداك آالمريود وأقول لاهلنا ناس قدام وفي ها الحاله مو شيني القواله وآسأل القمره في شأنك واقولها هيله يا القمره وتاني وهيله يا القمره وتالته وهيله يا القمره دحين ساكن وريشات القليب في الحله مو رشا المقاله وحات الفرحة في ها الليل بشوفك فيكا عز ابواتي وضرعاتك خدر ياالباهي وما دايرا لي غيرك كفاله
وجاتني النهمه قتلها أقيفي آ المريوده بدور ارمي لي مرباعين وتبقى حمالتي عند سيد الحماله
قالت والفجر في خديدها آ الممسوخ حدانا العين بعدما تسدر الضحويه خت الفاس علي كتفك وبوح غادي بوح غادي نم فوق البعجبك ...زين؟
قتلها زين وداك الحين بشوفك يا الرتينه مع الشمش بتلالي مناك للسحاب الكابي فوق حلتنا كان سابل ضلاله بشوفك فوق عوينات الصبيّن العشق لطف ضياهم والنهار وصف خطاهم والصبر زارعينو فوق ضهر البوادر فوق كتافين السقاله بريد ريدك كفاح اهلي وأريد ريدك سماح أهلي أريد مهواك أريد انسانك الجواك وأريدك تاني زي آخر الحتاله وأدوبي لك وأشيلك غنوة للسمحات وأنمك في تراتيلي وكل ما العتمة تنزل سابله انسى عناي واتاوق لقناديلك وأشد حيلي وأدوبي لك وإذا مغنّاي يبرد في الحشا صدرك ويرجع لي تهاليلي بدّوبي لك ولو الشوق عرف بكاك اطري غناي عليك العزة آ المريوده أدوبيلي
10-03-2012, 06:05 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: كلام الرتينة بت سالم وليد عتمان في حنة علي الشاشوق =============================
الشاعر محمد طه القدال من أجمل ما يمزه عن غيره ألمامه بالمفردة السودانية العميقة وما شاء الله زاخر مخزونه منها ألمامه بلهجات مناطق كثيرة من أضنا الواسعة البطانة مفردة أهل الوسط مفردة أهل الغرب وقد أمتدت اشرعته حتة انه أجاد في مسدار أبوالسرة لليانكي وبرز بلهجة فلسطينة شامية مرتبة يمتاز بعرضه الشيق للقصيدة يحملك وتتخيل أنك امام شخص يحكي لك قصة جميلة لكن بكلمات عالية موسيقاها شعراً مدرسته فريدة .. الكثير يشبهون بين القدال وحميد لكن هناك فرق كبير حميد جل وكل قصائده باللهجة التي تربى عليها والقدال تراه يتغير يشكل لهجته مع تغير موضوع القصيدة وقد يكون هناك وجه شبه بينهم الاثنين حملا هم الوطن بصدق الأثنين تجيش في دواخلهم الأحساس بالشعب بإنسانه البسيط الكادح الأثنين لهم العمق في اختيار المفردة الؤثرة الأثنين أمتازا بستخدام شخوص باسماء وتراهما يأتيا لك بأسم قد لا تكون سمعته أو اسم يؤثر في مشاعرك أنت المتلقي والسامع لشعرهما حميد .... مثال مثال عم عبدالرحيم ست الدار بت أحمد وغيرها القدال ... مثال الرتينة بت سالم وليد عتمان أمونة ابوالسرة لليانكي أبــ في قصيدة خمسين سنة وغيرها
رحمة الله على الشاعر محمد الحسن حميد والصحة والعافية تملئ كل جوانب شاعرنا الجميل محمد طه القدال
كلام الرتينة بت سالم وليد عِتمان في حنة علي الشاشوق تأمل الأسماء التي اختارها الرتينة وهو اسم مربوط ومعقود أن تكون من سميت بهذا الأسم جميلة ولا حا يكون اسم مسخرة ( زي مابقولوا الهنود ) الرتينة هي ضوء الليل في القرى والضواحي زمان وضوءها اقوى من ضوء الفانوس وكانت تستخدم للإضاءة في الافراح والأتراح الرتينة تعني انو ابنت مبهرجة وجميلة وتضوي من جمالها كضي الرتينة وزي ما قلنا لو كانت ما جميلة بتكون مسخرة
وليد عتمان وهذا عادة أهل الضواحي في حالة قول اسم شخص يقول لك الطيب ودشيقوق ودضو البيت الرتينة بت سالم وليد عِتمان لاتنقط الثاء عند أهلنا في الضواحي إلا ما ندر قلت كذا تم كذا اي قلت كذا ثم كذا ثم يزيد الحديث حلاوة عندما متى كان هذا الكلام كان ويم حنة علي الشاشوق اسم يزيد من جمال المقدمة تجبرك على ان تسمع الجاي شنو بعد هذا العنوان ودائماً الباب يوحي ما بداخل البيت والله تجد هذا الاسم لم يسمع به الكثير ممن سمعوا هذه القصيدة إلا عندما ذكره القدال
وتحضرني قصة لاخوة لنا في دولة يوغسلافيا سابقاً جلسوا للتعارف كان بينهم العزيز طبيب عصام الجعلي وكان بين الطلبة الجدد واحد اسمه الطامح وهو من قرية الجمللاب وكان العادة ان يذكر الواحد اسمه واسم قريته او القرية التي جاء منها وعندما جا الدور الطامح قال : الطامح من الجمللاب فقال له عصام الجعلي .. وكان أول مرة حياته يسمع باسم الطامح وأول مرة يسمع بقرية أسمها الجمللاب والله لو قلت الجمللاب من الطامح ( برضو بصدقك )
10-03-2012, 07:49 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: بنية بنية لي سالم وليد عِتمان وصلاة الزين سموها الرتينة أمها بت علي الخمجان خريف الرازه عزينه كبار الحلة آباته بُكار الحلة أماته
وكان جمال المطلع للقصيدة أن يعرفنا من هي الرتينة وخالف عادة الشعراء التي يبدأ بالوصف في جمال المحبوب
فقال القدال هي بنية وبنية تعني أنها مازالت صغيرة وجاهلة وتشكي من الطريحة تقول تقيلة لي سالم وليد عِتمان وهي عادة اهل الضواحي يسأل الجنى دا هيل منو ( كأن ابوه مالك له وحقيقة هو مالك له الماء من صلبه وزرعتو ما وقعت واطا ) ويرد من بين الجالسين دا ود فلان ودفلان فهي بنية لي سالم وليد عِتمان ثم اعقب حديثه حتى يلفت وينبه المستمع أنها بنت جميلة فصلى علني المختار علية الصلاة والسلام وصلاة الزين ( والزين هو الحبيب محمد عليه الصلاة والتسليم ) وسموها الرتينة ... وكما أسلفنا سابقاً الرتينة كان اسم على مسمى اي في ضيها كضي الرتينة في الليل البهيم امها بت علي الخمجان خريف الرازة عزينة اي امها بت بيت عرف ومعروف في الحي بت علي الخمجان ووصف علي الخمجان انه كان رجل ذو مقام بين الناس ومعروف انه رجل كرم القرينة انه قال خريف الرازة الرازة هي الرعد .. ويعني الخريف الفيه الخير كتير المطر كمه يحدد نوعية الخريف وخريف الرازا يعني انه خريف قوي وخيره كثير عزينة اي بت عز وقامت ورتعت في عز وبيت كرم وقر للضيف
وكبار الحلة مقام ابواتا اي ابوها وأعمامها وأخوالها وبكار الحلة أماتا
وهنا وضح لنا نسبها وحسبها ومقامها الاجتماعي بين اهل البلد
10-03-2012, 08:39 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أزيك ياود المنسي قلنا نزور هذا البوست الرائع ومعي هذه الاغنية
غنيت للستات كلمات / عباس عبد الملك والشاعر ابن الشاعرة أم برعه ولقد تغنى بالأغنية الفنان عبدالله الماحي وبادي محمد الطيب وصلاح بن البادية
غنيت للستات ... انا قصدي الانبساط دائما يا خلى مع البنات ******** حلمت حلم الخير .....في الجمعه آخر الليل غافيا شفت الجيل وشكلو خير .. زى الجوهر وخير قولي إن شاء الله خير في خير دائما ********* غنائهن ما أتكبر ... طمبارن زام وكر طربانن ما فتر ...... يكر زى رعد المطر زغريدن حس قطر **********
رقصن تقيل وخفيف .... قلبن ليهم التصنيف اعضائى غلبنى اقيف ....... قالن لي يا اخوي كيف اصبر وكون عفيف ******** قلت ليهن صبري قل ... وغرامكن بالمقل حاش قلبي بمنجل .... لو كان حصل الأجل سببي الجفل ووقل ****** امرنى ادخل أهز ... شايل السقايتو تجز راكزا والأرض تحتي ترز .... جات بت ملوك العز شبالها عطرو ينز فائحا ********* قلت ليهن ما بى شئ .. شاويانى ناركن شئ من فضلكن لي شئ .... جلسه بعد العشى بسنة ابن قصي دائما ****** قالن لي كان داير الجلوس .... اخد ليك منا عروس عاجلا أسرع جيب الفلوس .... دى العملة دى البتكوس تبرى خروز في خروز ******* سافرت أجيب المال .... من دار برتا القصار طافشا ما لم يجينى خبر .... سبب البنات ياخال سبب لي عقلي ضرر خلل دائما *******
10-04-2012, 05:28 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: غنائهن ما أتكبر ... طمبارن زام وكر طربانن ما فتر ...... يكر زى رعد المطر زغريدن حس قطر **********
رقصن تقيل وخفيف .... قلبن ليهم التصنيف اعضائى غلبنى اقيف ....... قالن لي يا اخوي كيف اصبر وكون عفيف ******** قلت ليهن صبري قل ... وغرامكن بالمقل حاش قلبي بمنجل .... لو كان حصل الأجل سببي الجفل ووقل
يا سلام يا أحمد كريم وبخيل حيناً أول مرة أعرف ان هذه القصيدة فيها كلام لم يتغنى به صلاح بن البادية صراحة لم اسمعهها من غير صلاح بن البادية وصلاح يغني بعض من ابياتها ورقصن تقيل وخيف وقلبّن ليهم التصنيف وكيف الصبر مع التقيل وخفيف
وصبري قل وكيف ما يقل الحسنان بحشن حش المنجل الميري وهي فرصة المجل المير ألة حش الزرع من برسيم وقصب وغيره من الحشائش كان معروف نوع من المناجل قبل دخول الأنجليز يستخدم في حش الحشائش ومع الانجليز ظهر المنجل ( الذي أطلق عليه من قبل أهل السودان المنجل الميري ) وشكله غير شكل المنجل العادي الكان موجود اصلاً من زمن بعيد ويعرف بالمنجل البلدي شكل المنجل الميري مقوس والمنجل البلدي شكله مستقيم
تسلم يا أحمد اعتبر هذه القصيدة هدية كبيرة وتسلم يا سليم الذوق والخُلق مودتي
10-04-2012, 05:35 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
رسالة من أخي وصديقي الذي لم أراه وتعرفت عليه عبر هذا البوست أمير محمد أدريس ( الرياض ) لك التحية والتقدير أخي أمير على هذه الكلمات التي أشعر أنها نابعة من قلبك صادق شفيف ولك كل المودة وخليك حاضر ونحن على أستعداد أن ننزل لك اي تعليق تود نشره ولك التحية مرات عددا =================================================================================
السلام عليكم ورحمة الله وبركاته
أشكرك اخي العزيز على الكلمات الجميلة والتي لا تصدر الا من شخص جميل واصدقك القول انني استمتع ببوست تباريح الهوى وايضا بوستات الدكتور أحمد القرشي وله مني كل التحية والتقدير وايضا ارجو ان تبلغ تحياتي للاستاذ شيقوق والاخت وضاحة والاخت حورية وكل الناس الجميلين المشاركين دوما بهذا البوست .
ولك كل الود والتقدير اخي خالد
10-04-2012, 06:13 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
سلامها ضنين بسيمها الودعه ألا تزيد لطافه ملامها رصين مقدم ذوكها قبال الحصافه كلامها حنين كلامها يطمن الهمباتي والمجلوبة متعارض ك######## وقاريه وكاتبه تحمد سيدها ماخده علي البنيات الشرافه كذا البريبه تبرد عيني لا تغشاها لا أحضر نشافه
تمرق زينة تبرق زينة وهنا يصف محاسن الرتينة عند خروجها من بيتها وبين اترابها فهي زينة وزينة اي في كامل زينتها جمال خلقة وزي يزين الجمال ويشرق به ويشتهي الدهب لو لونو يشبه لونا والدرر لو هيَّ تبقى سنونا تبرق زينة ومن شدة جمالها فتراها تبرق ويختف برقها سناها بؤبؤ أعين الناظرين لها
وفي مشيتها تحاكي عوم الوز وعوم الوز مخترة وقدلة فوق عديلة
سلامها ضنين الضنى هو الجنى من دمك وله الحنية والحب فسلامها كله محبة وود وحنان بسيمها الودعة فمها صغير حلو يشبه الودعة حجما وليس شكلا وفها يزيد لطافة وحسن على الودعة وحين تلوم لومها رصين وحديثها مقعّد ينبئ عن إنسانة فيها الحكمة والبيان
كلامها يطمئن الهمباتي والهمباتي هو المهاجري ( قاطع الطرق ) حين تحادثه ينفطر قلبه حباً وحنان وعطف وهو إنسان قاسي في حياته
فوق دا كلو ومع الجمال والحكمة والبيان في حديثها قراية وكاتبة اي متعلمة وكانت أفضل رفيقاتها في المدرسة ( ماخدا الشرافة .. اي بتطلع البرنجية .. الأولة ) كذا البريبة تبرد عيني .. لا تغشاها لا أحضر نشافا وما شاء الله عليها في هذا الحسن والجمال والخُلق والأخلاق وحسن حديث وزي ومقدرة إن شاء ما شوف فيها يوم كعب ونشافا اي زبولها وضياع كل هذا الحسن الذي وهبه لها الخالق
10-04-2012, 07:44 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وكان في الحلة يوم حنة علي الشاشوق ومشينا نقدم البنوت علي ضو الرتاين عيونهن هارجه تنبح في الفجر والليل قريب واقف يعاين خدودهن جاهره زي جهر الكهارب الفي المدينه
ويوم داك او في ذات يوم وكان عُرس ( حنة علي الشاشوق ) وحتى الأسم له موسيقى تهتز لها الأذن ( علي الشاشوق ) ومشينا نقدم البنوت علي ضو الرتائن .. وكيف تقدم البنات البنات كنَّ يدعينَّ للعرس ووقت الحفلة لا يطلعن زي بنات الزمن دا براهن ينتظرن حتى يأتي من يخرجهنَّ للحفل والعرس يكون عادة في خارج البيت زمان لا صالة لا صيوان في الصقيعة ساكت وتوضع الرتائن في وسط الدارة تنير ويجلسنَّ الحسان فيما تيسر حسب الوضع في المنطقة قد يكون سبات وقد يكون عناقريب وسراير وقد يكون كراسي ( نحن حضرنا زمن الكراسي ) لكن في ناس زي زول اول حرف منه ( شيقوق ديل حضروا زمن السباتة والعناقريب علي كبرهم )
وكنَّ الحسان من الجمال أخذنَّ وعيونهن هارجة .. الهرجي هو الكلام بصوت عالي يلفت النظر وقد قصد هنا أنَّ جمال عيونهنَّ يلفت النظر كأنه الهرجة وحتى جعلنَّ الليل يقف محتار وقد رأى سواده الكاحل قد حولنه تلكم الحسان لفجر مضئ نوره بجمالهنَّ ونورته وخدودهنَّ جاهرة من لمعتها ولا يشبهها إلا جهر الكهارب ( الكهارب : الكهرباء ) اي الاضواء في المدينة
10-04-2012, 08:02 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وهذا كل الجمال يصف هدؤ الليل في تلك الحلة الصغيرة ومافي غير صوت الحفل يملئ ذاكم الهدؤ الذي يلف الحلة صخب وللحفل في الضواحي معاني كبيرة
وفي هذا قال الشاعر محمد بادي العكودابي
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطمبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدور وتشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف فوق روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيها بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد هيجة الناس تفوت الحد وكان حجاز مد الليد بتسمع كع
10-04-2012, 08:44 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: كان زغروده كان غنّاي رقيص الشامه بت حمدين وعرضة حامد العولاق وخت الحنه ليات من حضور ضفرين ونمات العديل والزين وشنق ود سعد طاقيتو شان في الحلة ساوو كنتين وشكلة عامر المسكين وعيط ودمجمر زين عشان الزينة رقصت زين وفي الشعقيبه.. كان بازمالو شباليين
ويصف القدال ذاك الحفل ( يوم حنة علي الشاشوق وحضور الحسان وبينهنَّ الرتينة بت سالم وليد عِتمان ) وقد كان دقيق في وصفه يرجع بك الزمن الجميل زمن الحفلات في شندي ونحن صغار واقول نحن صغار لاني طلعت من شندي وعمري 18 سنة ولم اعش فيها إلا ايام معدودات ( عطلة كلما هونت الأيام علينا لعودة لارض الوطن ) كان مافي الحلة صوت إلا صوت الحفل كان زغرودة تتفرطك تفور بي الناس بعدما ماتروق ونغم الفا أبشرن يا بنات بالخير ورقصت الشامة بت حمدين وكلما أقرأ أو اسمع هذه القصيدة تطفر لذهني صورة الشامة بت حمدين في شكل محسية بت عبيد في شندي أنها مرأة جاوزت سن الأربعين لكن مازالت من تحمل من جمال الطلعة ماتنافس به بنات يصغرنها سنا وتبدأ الحفل برقصة تروق للحضور كلهم نساء ورجال وصبية ( عندما كنا صبية ) كانت تملئ البهجة والسرور قلوبنا عندما نرى رقصة محسية بت عبيد ولم نعرف بعد للحب معنى ولا لنا رغبة في النساء لكن برضو كانت تنال عجبنا نتأمل جمال وجهها الصبوح حينا وحسن قوامها دون شهوة حينا رقيص الشامة بت حمدين وكذلك عرضة حامد العولاق وحكمة الله اين ماتحل واين ما تذهب يكون هناك شخص معروف في الحفلات زول هجيج وماهامي رأي الناس وحكمة الله بكون فيه من العبط جينا وكانت عرضة حامد العولاق
وخت الحنة لي يات من حضور ضفرين وهذه هي عادة الاعراس ( حنة العريس ) واصحابه واهله من الرجال والما بحنن يدو بحنن اصبُعه الصغير وأطلق القدال الظفر واراد الاصبع كاملا ونمات العديل والزين ابشرن يا بنات بالخير وتعقبها زغرودة والكل فرح مبسوط بذاك اليوم ( يوم حنة علي الشاشوق ) وشنق ودسعد طاقيتو شان في الحلة ساو كنتين ومتقعد ود سعد في كرسي وهيط ومشنق طاقيتو وكيف لا وهو صاحب الدكان في الحلة وايامها كان صاحب الدكان ( الكنتين ) كان يعتبر من ذوي الجاه والمركز المرموق وكيف مايكون كدي وكل الحلة بتجر من دكانو بالدين وهو يشجل ليقبض الكاش اخر الشهر او عند بيع المزروع غالياً ولا قريشات مرسلهن الجنى الضرب البندر واشتغل هناك ... المهم زولك يلم ويشتري ويبني في البيوت يعمر وشنق طاقيتو شان في الحلة ساو كنتين وشكلة عامر المسكين وعيط ود مجمر زين وديل العبو الطاسة وجو الحفلة عرقي عجو جاي من المحوس شي شكل وواحد بي هناك يبكي ويعيط ويعضي ويكرج في ضروسو عجباً بالزينة الرتينة لما رقصت زين وزين اي سمح وزين قد تعني مدة طويلة من الزمن يقال رقص زين اي مدة طويلة وزولك ودمجمر يبكي ما منو من العلي العيش ماحملو قصبو وكيف تحمله البشر عندما يخمر ويصبح عرق
في الشعقيبة كان بازمالو شبالين اي نال من كل هذه الهيصة بعد بكى وعياط والبكى هنا ليس بكاء بدموع لكن وجعة من جمال وحب راقد فوق قليبو للزينة والشبال هو ان يتمايل الفتى رقصاً مع هزة يديه بتطقطقة معينة قاصد الفتاة التي ترقص وينحني معبر عن تقديره لها ولجمالها منتظر على خطوات منها فتزحف الفتاة بخطوات منتظمة رقصاً تجاهه وتميل بجسمها تجدع الديس ( الشعر فوق رقبته ) يهز الفتى في البنات منتشي مبسوط بذاك الشبال
10-05-2012, 08:15 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: أقول آبنيه ليش ماتهمي ليش ماتهمي فوق زولاً مشلهت فوق دريبك لا النفس مجبود ولا لحق الغزاله
ثم جعل من القصيد حوار محبة بين الرتينة وحبيب العمر الدارو القليب واختارو وسكن مرسوم في رويشات القليب الما بعرف أشيل خيطين
كلام الحبيب اقول آ بنية ليش ماتهمي ليه يا الحبيبة لا تلقي بال لي زول بحبك شديد ومشلهت فوق دربك وفي حبك مشلهت : الشلهتا هي عندما تكون في وضع حالي لاتعرف انت فوق ولا تحت انت ناجح في امتحان أو رسب هنا تكون مشلهت ومشلهت لا النفس مجبود ولا لحق الغزالة وحالك زي صياد جرى وتعب لاقادر يتنفس من كثرة لهاث ولا لحق الغزالة التي فرت وبقى مشلهت
10-05-2012, 05:11 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وقفت وانبهر رماشه جدعت بالبسم رشاشه قالت... والعيون ضحّاكه في ضو الرتين بشاشه آ ..المهجوم.... أهجمك الله كان داير تسيلي الخلعه
قول الرتين للحبيب عندما قال كلامة وقفت .. كانت وقفة فيها إنشداه وما كانت تتوقع أن يقول لها الحبيب حدديث مثل هذا في تلك اللحظة وذاك المكان وقفت وانبهر رماشا تدلى استعداداً لقول شئ وجدعت بالبسم رشاشة وجأءتني سهام العين كأنها طلقات من رشاش ( سلاح ) وبعدها جاء الكلم منها وعيونها مبتسمة تبهر مع ضوء الرتائن بشاشة اي تفرح من بشاشتها
آ المهجوم وكلمة يا المهجوم تقال للشخص بغاتك بحديث وانت سارح يخلعك بحديثه فتقول له آ المهجوم دا ما خلعتني الله يهجمك ( ومثل هذا الحديث عادي عند أهل القرى ) اهجمك الله كان داير تسيلي الخلعة تسيلي : تسوي لي .. اي تخلعني
10-05-2012, 07:08 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: عاد من حيني جاتني الحاله قتلها لا لا وحات النعمه آبنيه البريد في الريده مابخبر فساله
كلام الحبيب للرتينة بت سالم وليد عِتمان
قال لما قالت كلامها من حيني جاتني الحالة وهي حالة الريد والعشق الذي يكنه في قلبه لها قتلها لا لا ( تأكيد ) وحات النعمة آ بنية وقد جرت عادة السودانيين أن يحلفوا بغير الله وهنا اقسم الحبيب بالنعمة التي يأكلها ان تبقى له بالاذى لو كان قوله غير صحيح البريد في الريدا مابخبر فسالة والفسالة هو الشُح والبخل والبحب مابعرف يبخل على من أحب ويتجرد له ولو طلب نور عيونه لجاد به فرح مسرور ان ضوء عيونه قدمه للحبيب
10-05-2012, 07:33 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: حدرت باسمه قتلها عايني تسلم عينك إلا حقيقة مو ساهل كُتاله
البسمة زينة الوجه بسمة الزول الجميل تجمل الدنيا حولك والضحكة للزول الجميل تذيب صناديد الرجال وتصرع ذا الب حتى لا حِراك له وهي ترن في الأذن تحنانَّ
قال حدرت باسمة وما أحلى المزج بين حدرة ( الحدرة هي صرة الوجه وتجهمه إذآن لعدم رضى من بعض شئ ) لكن الرتينة حدرت باسمة تخفف عن الحبيب تجهم وجهها وفي سري قلت لها عايني تسلم عينك إلا حقيقة مو ساهل كُتالة عينها ليس له معها صبر تفعل به ما يلهب فؤاده واحشائه شوقاً وتحنان وما شفنا الغزال بعينو بجرح الأسدِ
10-05-2012, 08:10 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ندهت ناضره حالفابو الصباح الباش يلون في المشارق وتلين الجايه من تالانا تاله وحات أمي البعزها زي تراب حلتنا أبقى حداك آالمريود
ندهت ناضر نده أي إستغاث الإستغاثة لغير الله مزلة وشرك والنذر لغير الله شرك لكن جهل من أهلنا في السودان يستغيثوا بغير الله من الأولياء الصالحين الرتينة ندهت تنذر ندراً لو حقق الله مناها فهي حلفت وأقسمت بالصباح وفجره باسم وضاحك يضاحك وجهها الصبوح ملون مشرقه بلون صافي جميل وتلين الجاية اي يهون كل شئ علينا ومن تالانا اي لناحيتنا وجهتنا ووحات امي ثم اقسمت بروح أمها وامها التي تكن لها معزة كبيرة ( قدر زرات تراب حلتنا ) وقسمي بالصباح الباش وقسمي بأمي الحبيبة أن بقى لك يا الحبيب المريود ولا أكون أبداً لغيرك
Quote: وأقول لاهلنا ناس قدام وفي ها الحاله مو شيني القواله وآسأل القمره في شأنك واقولها هيله يا القمره وتاني وهيله يا القمره وتالته وهيله يا القمره دحين ساكن وريشات القليب في الحله مو رشا المقاله وحات الفرحة في ها الليل بشوفك فيكا عز ابواتي وضرعاتك خدر ياالباهي وما دايرا لي غيرك كفاله
وبعد دا يا المحبوب بكون حبي ظاهر للكل وحتى أهلنا ناس قدام ليعلموا أني أحبك واني لك وما لغيرك وحينها لا أبالي انت ريدي البعيشوا في رويشات ليعلم البشر انا الرتينة لك وما لغيرك وديك الساعة مو شين القوالة
وحينها وعندما يعرف سري سوف اناشد القمرا .. القمر البضوي ليلنا عن حالك وكنا زمان أبواتنا غياب في ارض الجنوب جنود يأدون خدمة الجيش كنا نناجي القمرة ونقول يا القمرة ... أقلبي السنسنة الحمرا وشفي ابويا وين ؟ ما جا وكنا نخال أن القمرة سوف تصل رسالتنا للوالد الغائب أسائل القمرا عن حالك وأقولها هيلا يا القمرا وتاني وهيلا يا القمر دحين ساكن رويشات القليب مارشا المقالة وحات فرحتي بيك في هذه اليلة التي أسائل في قمر حلتنا وهو بدر مكتمل ( وانت الحبيب الذي اختاره قلبي ورفض سواه ) بشوف فيك كل شئ بعجبني بشوف فيك كرم ابواتي وشجاعتهم ونخوتهم ( ورمز لذلك .. بشوف عز هيبة ابواتي ) وانت ضراعك وافر ورجل حوبة وما دايرا لي من غيرك كفالة اي لا أبقى لي زوج لي اعيش حياتي معه حب وحنان وعطف وتقدير واحترام ومودة تسعدنا
10-05-2012, 08:14 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وجاتني النهمه قتلها أقيفي آ المريوده بدور ارمي لي مرباعين وتبقى حمالتي عند سيد الحماله
النهمة : الهوشة عندما تسمع ما يعجبك من إنسان تحبه تحس أنك زدت في الطول شبرين من فرحة وقال الحبيب جاتني النهمة وقتلها أي قلت لها : اقيفي آ المريودة بور مع فرحتي هذه ان أنم لي مربعاين اي ربعاعيتين من شعر الدوبيت فيك يا الحبيبة وبعدها تبقى روحي وحمالتي عند المولى عز وجلَّ
10-05-2012, 10:24 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: قالت والفجر في خديدها آ الممسوخ حدانا العين بعدما تسدر الضحويه خت الفاس علي كتفك وبوح غادي بوح غادي نم فوق البعجبك ...زين؟
قالت الرتينة
الخدين تشع فجراً وجمال وأشراقة آ الممسوخ والممسوخ تعني باللهجة السودانية ( المزاح والذي يحب المزاح والدُعابة ) لا تخلي العين تحسدنا ماتقول شئ من دوبيت الآن بعدما تسدر الضحوية .. انت ذاهب للرعي كان أم الزراعة خُت الفأس علي كتفك وأذكرني ونم في كل شئ بعجبك .. زين وين هنا تعني تمام
10-05-2012, 10:38 PM
وضاحة وضاحة
تاريخ التسجيل: 01-16-2005
مجموع المشاركات: 9116
العزيزة شمس المشارق وضينا لك كل الشكر على المشاركات الحلوة التي تختاريها من عيون الأغاني وكما ذكر الحبيب أحمد ألقرشي أن الشاعر حسن أبو العلا وطبعاً كان أصيب بشلل في القاهرة وعاد للسودان قعيد وهجرته الحبيبة بسبب الشلل وفي يوم وهو عائد من جلسة مساج ودلك مرَّ بحدائق قرب المقرن كان قد جلس فيها مع الحبيبة وأرتشفا رحيق من حب وطفرت كلمات القصيدة وولى المساء ذهبت أيام الحب والحنين
وولى المساء يا وضاحة وليت مساءك لا يولي أبداً
لك كل المودة والاحترام والتقدير يا جميلة الروح لروحك السمحة نكهة خاصة
وماذا يشغل لب وعقل العُشاق لاشئ مهم غير عودة حميد لحبيب طال أنتظاره الحب شئ جميل وحلو لما تبعد عنه الناس لاسباب دنيا وهو اسمى واكبر من كل دنيا حب الارواح عندما تلتحم وتجد نفسك مربوط بهذا الشخص وكل الغير عدم ولا شئ في نظرك ويرفضهم قبلك وتبقى لحبك مصون
10-06-2012, 08:53 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: قتلها زين وداك الحين بشوفك يا الرتينه مع الشمش بتلالي مناك للسحاب الكابي فوق حلتنا كان سابل ضلاله بشوفك فوق عوينات الصبيّن العشق لطف ضياهم والنهار وصف خطاهم والصبر زارعينو فوق ضهر البوادر فوق كتافين السقاله بريد ريدك كفاح اهلي وأريد ريدك سماح أهلي أريد مهواك أريد انسانك الجواك وأريدك تاني زي آخر الحتاله وأدوبي لك وأشيلك غنوة للسمحات وأنمك في تراتيلي
قول الحبيب قتلها زين ( سمح يا لعديلة وزينة مابنم هسي ) لانها طلبت منه أن لا ينم وان ينم فوق جمالها عندما يسدر الضحوية ويخت الفأس علي كتفو وينم فوقا بالبعجبو وقال ليها بعدما أسدر الضحوية وأدور انم فيك بشوفك يا الرتينة مع الشمس بتلالي وهنا قمة المبالغة في الشعر ضوء الكهارب وغيره من الأضواء الصناعية لا يمكن رؤيته في وضح النهار والشمس طالعة لكن الرتينة مع وجود الشمس مناك للسحاب الكابي فوق حلتنا كان سابل ضلالة
وانت في علوك تشاويت مع الشمس تنير لنا الطريق بعد ان غيمت علينا لدنيا لوجود سحائب كابة فوق حلتنا وعتمت الدنيا فأنتِّ ضوءنا الذي نلتمس به في تلك العتمة
بشوفك فوق عوينات الصبيّن العشق لطف ضياهم والنهار وصف خطاهم والصبر زارعينو
انت حبي لك لاني بشوفك في كل جميل اهواه واحبه في حياتي بشوفك في في عوينات الصبيّن الصبي هو الذي بلغ الرشد عندما يلطف العشق والحب ضياء ايامهم وتبدو السعادة في عيونهم تشع منها والنهار الذي يقضوه في العمل يصف خطاهم العامرة لعمار الأرض بالخير وهم قابضين على الجمر صبرا ديل جنيات حزموا الجِبة وعرقهم النايل صبَّ وكلام فأسهم على الأرض خبروا حصاد وخير عامر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
الطيب شيقوق
وضاحة
Osman Musa
Ahmed al Qurashi
فيس بوك
تويتر
انستقرام
يوتيوب
بنتيريست