|
Re: إنجمامة في ظل كلمة طيبة ... قبل الندامة (Re: الطيب شيقوق)
|
Quote: عزيزنا المايسترو ود المنسى...سلامات ومتابعين البرامج الاحتفائية الرائعة وبالجد كنا نمنى النفس بالمشاركة وياريت تلمنا الايام كلنا سوا بين الاهل والحبان واسمح لى بالمساهمة فى الاحتفاء بان اهدى لك اغنية (خال فاطنة) مع التحية
عمك كمــال |
العم كمال مساءك سعيد فعلاً كانت جلسة جميلة وحلاتها في جمال الناس الحضور آميـــــــن ربنا يلمنا مع بعض ( بدون شيقوق ) ونسمر ونغني مع الشاعر الجميل البلولة مع مسدار الجبنة وليت الحبيب ود صديق ينزل منه ابيات وخاصة أبيات الجبنة
تحياتي ومودتي
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: الطيب شيقوق)
|
Quote: الشووووووووووووووووووووم المسنوووووووووووح كرهتنا هواء بكري ده الله يصرفك مننا ويخلينا برااااااااانا مع .................... |
مقنطر عمتك كدي زي سواقين اللواري يوم عرسهم
مبروك للسلطنة الكأس ( شلو عن جدارة )
سماح بسلم عليك من على بعد ( أبعد من الشر وغنيلّو )
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: سلمى الشيخ سلامة)
|
Quote: خالد المنسى بالغت عديل ما قلت ليك عندك حاجة من الصعايدة ؟ هسى عليك الله العمة دى ما حلات الدنيا عليها وحلات سيدا ما تفرح شديد يا شيقوق لكن ما بدور يعنى خالد يسوى عمتك مسخرة |
سلمى الحنينة كيف حالك والله مشتاقين صعيدي ولا ........ انت عارفة وأنا عارف والله عارف بصدق .. بس شكري وبعد نهاية شهر واحد نبذي
هههههههههههههههههههه وقر قر قر قر بتاعت سماح
تحياتي سلمى
والله يجيب سلمى التانية بت صبحي
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: العبيد الطيب عبدالقادر)
|
Quote: ويا ود المنسي راجنك قبال تفوت
وان سالت ود جبريل بجيبك |
العبيد ود عبد القادر كيفنك يا رجل والله رقمك في المذكرة ونسيتها في كوسوفا لكن ابداً ما توقعت ان يكون رقمك مع محي الدين لذا انا كتبت رقمي في بوست الترحيب الذي فتحه محي الدين وتواصلت مع كل من اتصل بي اسف يا سيدي وسوف اتصل بي محي الدين على كل حال تلفوني 0912296208
تحياتي
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: الطيب شيقوق)
|
الاخوة والاخوات اعضاء الانجمامة
في حوالي الساعة الواحدة و نصف من نهار يوم 19 يناير 2009 م اتصل بي الاخوان المسنوحان خالد المنسي ومحي الدين جبريل من داخل منزلي بمدينة ام درمان .
خالص شكري وامتناني للاخوين العظيمين على هذه الزيارة والتي سبقتها زيارة من الاخوان ابارو برفقة خطيبته وشقيتها مع الاخ محي الدين فالشكر لهم جميعا.
نتمنى ان يتواصل التواصل بيننا اسريا (يا سماح) لان العوامل المشتركة التي أسسنا لها اسفيريا اكبر من اى عوامل اخرى .
والنبي يا اخونا الليلة سمعت صوت سماح عن طريق الوساطة لكن ليس لدى اليقين بان الصوت صوتها فالمسانيح ديل ممكن يعملوا اى سينارو من هذا القبيل .
لكم منى اطيب الامنيات
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: الطيب شيقوق)
|
Quote: والنبي يا اخونا الليلة سمعت صوت سماح عن طريق الوساطة لكن ليس لدى اليقين بان الصوت صوتها فالمسانيح ديل ممكن يعملوا اى سينارو من هذا القبيل . |
ياها ذاتا لانو في نفس اللحظة الكان بتكلموا فيها معاك كانو معايا كونفرنس بالكاميرا
شوفتهم وحنايه دي واففة في نصهم
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: فيصل محمد خليل)
|
خالي كمال بواسطة المسنوح فيسل هليل
Quote: الاعـزاء ود المنسى ومحيــو....سلامات اسجل اعتراضى على ذلك بشدة لان ركنا هاما و(مرقا) اساسيا من (مروق) ليس الانجمامة فحسب بل البورد..سينهد وستتحــــول
هيييييييييييع الـى ميييييييييع |
وحياتك يا عمو كمان ناقشة النقاط بتاعتي كلها وسريعة في فك الشفرات و اكان جات اقول ليكم ناجل مواصلة مسيرة الانجمامة للصلاة ثم نعود لنواصل بعد الصلاة .
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: الطيب شيقوق)
|
Quote: منسي
محيو
قدموا طلب لام عبد الله خلوا بكري يديها باسويرد ومحل رهيفة تنقد |
قر قر قر قر قر قر ههههههههههههههههههه أم عبدالله الصادق ولدك قال لي امي اطورت شديد قال : قالت لي يا ولدي الماسنجر بتاع الهوتميل تقيل دايرا افتحي لي واحد في الياهو الاسكابي
دي يا ودشيقوق جايك بالتقسيمة براحة براحة عضوية شنو ؟ كان ما سمعت بيها بعد شهر عندها ويب سايت وتسمي البردانة عسل. com
شيل شيلتك
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
قصيدة وصية للقمرّا
لمة الناس الكتيرة رشة من موج الدميرة غنوة في ساعة ضريرة ضخكة في وسط الأحاجي في عيون يافعة وغزيرة ياقمر طاريها زيّ وباكي بي الدمعة الغزيرة ولا جافيت أمسياتنا بقيت بتعشق دنيا غيرّا ياقمر فاكر بيوتنا لما تسكب فوقها فضة تسرق النوم من عيونّا تبقى لي الأفراح مخدة زول بولع في رتينة ناس بتلعب قيرة شدة شيخ بخطط بي عصاتو يحكي يضحك بي كودة أحمد الكادح نهارو في الرمال ماخدّلّو مدّة الطنابير الزغاريد الأغناوّي يا قمر ما لينا مدّة تهنا في الغربة وعذابنا وفيها شقيانين بشدة
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: Osman Musa)
|
منسي
Quote: الصادق ولدك قال لي امي اطورت شديد قال : قالت لي يا ولدي الماسنجر بتاع الهوتميل تقيل دايرا افتحي لي واحد في الياهو الاسكابي
دي يا ودشيقوق جايك بالتقسيمة براحة براحة عضوية شنو ؟ كان ما سمعت بيها بعد شهر عندها ويب سايت وتسمي البردانة عسل. com |
امبارح كنت عايز اعمل بوست لبكري بعنوان:
( بكري ام عبد الله في بابك اكان فتحت ليها دى شوفتك لي)
رايك شنو؟
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: الطيب شيقوق)
|
الجزء 2 مــــن وصية للقمرا
يا قمر فاكر زمان لما لسه الدنيا وادعة لا بتقابل زول حزين بالهموم عينيهو دامعة لا بتغلب الزول معيشتو لا شكية إضنينا سامعة تلقى كل الناس بشوشة الوجوه بي البشرى لامعة واليد المدودة تسأل ديمة بي الدابراهو راجعة بي شمم بي عفة تأخد لا مذلة ولا ضراعة ياقمر طمن بلدنا حلة حلة وقرية قرية ياما ناس في الغربة كادحة ولا شايلا الجزوة حيّا عاشقة لي ريحة ترابّا حاضنة آمالا القوية ما نست لمة كبارّا وفرحة العيد عن صغارّا البنيات العذارى بي خجل ردوا التحية لسه فاكرين الطواري والشواديف والصواري فكة الريق ود عماري أو تميراتاً شويّا
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
Quote: اقولك يازول : ولع الرتاين وافرش المفارش وحمس الدلاليك وامسح العنجاوى قطران . يازول انا بدور اتلب اجيكم . لاترجع |
ودموسى عِتمان التيحية طيبة سلااااام
حدي يا ود القبائل الاسبوع الأول من فبراير
حصل ...
الجنيات وليدات السرور ناس بوبا وود صديق ومحي الدين والبقية تب بلزموك
وكان الله هون بنتلاقّا
تحياتي ومودتي
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: فيصل محمد خليل)
|
Quote: يا شيقااااااااااا ..سلامات علشان خاطر عيونك ادعم بس خايف يطلع زى صاحبك دااااك (خلايا نايمة) لك كل الود
خالك كمــال( الخلال) |
العم كمال أدعم وانت مغمض أسرة محي الدين جمال الدين وعامر جمال الدين هي اسرة عريقة في شندي ومعروفة وجنى السبع سبع
تحياتي الأخ والعم كمال
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: الطيب شيقوق)
|
Quote: المنسي مالكم بتلشقوا هنا امشوا للبوست وقولوا كلامكم ده فيهو انا اديتكم اللنك اللنك ال ..... |
هسى يا شيقا كان المدام بقت عضو فى المنبر دا حتودى وشك وين من جنس كلامك دا؟ الفيك انعرفت تب وحات سيدى وسيدك اول لنك وتديك فى التنك اهسن ليك ارعى بى قيدك ياخوانا وحات الله مشتاقة ليكم اقعدوا عافية
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: الطيب شيقوق)
|
يا شيقااااااا ..سلامات انتة عارف حتكون عندك مشكلة كبيرة جدا مع المدام وهى فى ( الفيش) اقصد فى مداخلاتك بتاعت نص الليل وطبعا ماعندك حل غير تكلم فيسل يكلم ليك صاحبو الهكر يشيل المداخلات دى خاصة زى العينة دى:ـ خالك كمــال ـــــــــــــــــ
استاذى العظيم صديق الموج
Quote: بربك هل ضممت اليك ليلى قبيل الصبح او قبلت فاها وهل رفت عليك قرون ليلى رفيف الاقحوانة فى نــداها
مالك مهيج اشجاننا يا ود الموج - بطلاق قريت البيتين ديل شعر راسي قام واحدة واحدة -
لقد مثلت (فعل ماضي مبني للمجهول ) هذه المسرحية في مسرح مدرسة الدندر وكنت وقتها ممثلا لدور قيس .
والله لما اقول (بربك هل ضممت اليك ليلى ) واعصر يدى على صدري اشوف ليك المسرح قائم يصفق ويصفّر.
الله يخليك يا ود الخضر فقد استطعت التنقيب عن الدرر واللآلي .
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
الاخ خالد
الاخوة اعضاء الانجمامة
بتنا هني بت المنسي مرحب بيك وربنا يطول عمرك ويديك العافية وتورثي عمك خالد في كل حاجة سمحة ان كانت فيهو سماحة
العم كمال
Quote: يا شيقااااااا ..سلامات انتة عارف حتكون عندك مشكلة كبيرة جدا مع المدام وهى فى ( الفيش) اقصد فى مداخلاتك بتاعت نص الليل وطبعا ماعندك حل غير تكلم فيسل يكلم ليك صاحبو الهكر يشيل المداخلات دى خاصة زى العينة دى:ـ خالك كمــال ـــــــــــــــــ
استاذى العظيم صديق الموج
Quote: بربك هل ضممت اليك ليلى قبيل الصبح او قبلت فاها وهل رفت عليك قرون ليلى رفيف الاقحوانة فى نــداها
مالك مهيج اشجاننا يا ود الموج - بطلاق قريت البيتين ديل شعر راسي قام واحدة واحدة -
لقد مثلت (فعل ماضي مبني للمجهول ) هذه المسرحية في مسرح مدرسة الدندر وكنت وقتها ممثلا لدور قيس .
والله لما اقول (بربك هل ضممت اليك ليلى ) واعصر يدى على صدري اشوف ليك المسرح قائم يصفق ويصفّر.
الله يخليك يا ود الخضر فقد استطعت التنقيب عن الدرر واللآلي . |
سبق وان عقبت على هذه المداخلة لكن جيت لقيت تعقيبي لحسو الهكر مش صاح؟
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: محمد المرتضى حامد)
|
عاطر التحايا لكل أهل الإنجمامة....
ووقفة مع قصيدة (الطلاسم) أشهر قصائد شاعر المهجر ....(إيليّا أبو ماضي)
جئـت لا أعلـم مـن أيـن ولكنـي أتيـت ولقـد أبصـرت قدامـي طريقـا فمشـيـت وسأبقى ما شيـا ان شئـت هـذا ام ابيـت كيـف جئـت؟ كيـف ابصـرت طريقـي ؟ لــــــــســـــــــت أدري!
وطريقـي مـا طريقي؟أطويـل أم قصيـر ؟ هـل أنـا أصعـد أم أهبـط فيـه وأغـور؟ أأنا السائر فـي الـدرب أم الـدرب يسيـر ام كـلانـا واقــف والـدهـر يـجـري؟ لــــــــســـــــــت أدري!
كم فتاة مثـل ليلـى وفتًـى كابـن الملـوح أنفقا الساعات في الشاطئ، تشكو وهو يشرح كلمـا حـدث أصغـت وإذا قالـت تـرنـح أحفـيـف الـمـوج ســر ضـيـعـاه؟.. لــــــــســـــــــت أدري!
كم ملوك ضربوا حولك فـي الليـل القبابـا طلع الصبـح ولكـن لـم نجـد إلا الضبابـا ألهـم يــا بـحـر رجـعـة أم لا مـآبـا أم هم في الرمـل؟ قـال الرمـل إنـي..... لــــــــســـــــــت أدري!
فيك مثلـي أيهـا الجبـار أصـداف ورمـل إنما أنت بلا ظـل و لـي فـي الأرض ظـل إنما أنت بلا عقـل ولـي يـا بحـر عقـل فلمـاذا يـا تـرى أمضـي وتبـقـى؟.... لــــــــســـــــــت أدري!
يا كتاب الدهـر قـل لـي ألـه قبـل وبعـد أنـا كالـزورق فيـه وهـو بحـر لا يحـد ليس لي قصد فهل للدهر في سيـري قصـد حبـذا العـلـم ولـكـن كـيـف أدري؟.... لــــــــســـــــــت أدري!
إن في صدري يـا بحـر لأسـرارا عجابـا نزل الستـر عليهـا وأنـا كنـت الحجابـا ولـذا أزداد بعـدا كلـمـا ازددت إقتـرابـا وأرانـي كلـمـا أوشـكـت أدري......... لــــــــســـــــــت أدري!
إننـي يـا بحـر، بحـر شاطئـاه شاطئكـا الغـد المجهـول ولأمـس اللـذان اكتنفاكـا وكلانا قطـرة يـا بحـر فـي هـذا وذاكـا لا تسلني ما غد ، مـا أمـس ...إنـي .... لـــــــــســـــــــت ادري
اننـي جئـتُ وامضـي وانــا لا اعـلـم ُ أنـا لغـزٌ، وذهابـي كمجيـئـي طلـسـمُ والـذي اوجـد هـذا اللغـز لغـزٌ مبـهـمُ لا تجـادل ..ذو الحجـى...
مـن قـال انــي لـــــــســـــــت ادري
لكم جميعاً كل الأمنيات الطيبة....
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: الطيب شيقوق)
|
تحيّة طيبة استاذ الطيب
الشاعر إيليّا أبو ماضي بحق شاعر مبدع كيف لا وقد قرأنا له الكثير من القصائد الجميلة مثل قصيدة ( كن بلسما ) و ( فلسفة الحياة) والتي اقتطف منها هذا البيت الجميل....
أيهذا الشاكي وما بك داء كن جميلا ترى الوجود جميلا..
أما عن قصيدة ( طلاسم ) فقد أبدع فيها و تغنّى له الموسيقار محمد عبد الوهاب بمختارات منها ومن ثم نقلتها الاذاعات العربية . اصبح اسم ايليا ابى ماضى بعد ذلك ذو صيت واسع وخاصة بعد أن غنّاها كذلك الفنان عبد الحليم حافظ فزادها شهرة على شهرة.
هي طلسم يليه طلسم لكنّه قادنا الى خاتمة.....
لا تجـادل ..ذو الحجـى...
مـن قـال انــي لـــــــســـــــت ادري
تقديري للجميع ودعواتي لكم أن تكونوا دوماً بألف خير
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: الطيب شيقوق)
|
أهل الإنجمامة سلامات
رحم الله أديبنا الكبير الطيب صالح وأنزله فسيح جنّاته.
نُعزِّى الأخت سلمى الشيخ سلامة فى وفاة توأم روحها المذيعة رجاء حسن حامد نسأل الله أن ينزل شآبيب رحمتها عليها.
Quote: الحمد لله ... يا ريت لو كنت معانا ... أيام لها إيقاع ... |
والله يا شيقا كانت لنا أيام فى قلبى ذكراها .... فقد استمتعنا بصحبة أهل الإنجمامة بالخرطوم ..... وهى تحتاج للكثير من التفاصيل....
واستمتعنا بأخينا السنجك حاضر النكتة والبديهة....
التفاصيل لاحقاً.
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
رحمة واسعة تنزل على فقيد البلد من جم الأستاذ الأديب الطيب صالح ينوح يزرف الدمع مصطفى سعيد ومريود لفراقك وتبكيك بالدموع الغوالي بت مجذوب وود الفكي الحسرة والغبينة تملأ قلب بكري
أللهم أرحمه وأغفر له كل زلاته وأجعل قبره روض من رياض الجنة أللهم يسر أمره وأجعل الجنة مأوه مع الصديقين والشهداء وحسُن أولئك رفيقا
وإنا لله وإنا إليه رجعون
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
الأخت الفاضلة تيسير الهدوء .. الخلق الكريم صفاء النفس تيسير الكنز من خلق أهلنا الطيبين الذي بقى ونحن نجهد قوانا لنجعه لكن هيهات ترى ما آلت إليه المسكينة الخلق الكريم فتذع فتلقاك تيسير تبث فيك بصيص الأمل ( مازالت الدنيا بخير )
سعدنا بلقاك وربنا يديم كل الأخوة الصداقة بيننا
لك مني أجمل واصدق المودة من أخ لم تلده أمك
تحياتي
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
Quote: والله يا شيقا كانت لنا أيام فى قلبى ذكراها .... فقد استمتعنا بصحبة أهل الإنجمامة بالخرطوم ..... وهى تحتاج للكثير من التفاصيل.... |
من بين الشقوق نطلع ( طبعاً صاحبك ح يقول أ،ت ضب ) أيوا ضب والفاتك كتير
حمدالله علي سلامة الوصول أخي أبوبكر
قريباً نضع العتاد فوق الراحلة ونتكئ على العصا رفيق الدرب
كانت أيام سوف تظل محفورة في الذاكرة نتبتب عليها بورد النرجس حتى تظل ندية ولا يعلق بها غبار النسيان
شاي وقهوة حاجة السهوة بنادي الخرطوم جنوب فول الراكوبة وبعدها شاي حاجة ناصية الشارع نلم معها عدة الشاي والقهوة ونصوب حدب اللاماب بحر أبيض ومنها لبري شارع المعرض ( ننط الحيطة .. الباب مقفول قر قر قر قر )
تحياتي ومودتي ولنا عودة حين ميسرة
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
Quote: من بين الشقوق نطلع ( طبعاً صاحبك ح يقول أ،ت ضب ) أيوا ضب والفاتك كتير
حمدالله علي سلامة الوصول أخي أبوبكر
قريباً نضع العتاد فوق الراحلة ونتكئ على العصا رفيق الدرب
كانت أيام سوف تظل محفورة في الذاكرة نتبتب عليها بورد النرجس حتى تظل ندية ولا يعلق بها غبار النسيان
شاي وقهوة حاجة السهوة بنادي الخرطوم جنوب فول الراكوبة وبعدها شاي حاجة ناصية الشارع نلم معها عدة الشاي والقهوة ونصوب حدب اللاماب بحر أبيض ومنها لبري شارع المعرض ( ننط الحيطة .. الباب مقفول قر قر قر قر )
تحياتي ومودتي ولنا عودة حين ميسر |
تعجبنى يا خالد ... لكن دحين ما نسيت ليك كم عصير ليمون وإحتفال كدا ؟
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
إنجماماب سلام ....
عم شيقا ...
Quote: طيب يا بتي جبرا لخاطرك انا من جانبي موافق بس حاولي اقنعي المسنوح |
خالد!! مضمون تب و عارفاه ما بيمانع بس إنت أرفع الراية البيضاء و أنا معاكم...
أخ كريم و ابن أخ كريم ...
مولانا ...
Quote: تعجبنى يا خالد ... لكن دحين ما نسيت ليك كم عصير ليمون وإحتفال كدا ؟ |
كيف الأحوال ... و الله سعيدة بعرفتكم أيما سعادة ...
خالد بحر الطيبة الصافي ...
Quote: سعدنا بلقاك وربنا يديم كل الأخوة الصداقة بيننا |
و أنا أكثر سعادة بلقياكم و معرفتكم و تشرفت جداً بذلك ...
. . .
وين السنجك و محي الدين جبريل ؟؟؟
. . .
أهديكم بكل المحبة ...
http://www.youtube.com/watch?v=kefTLicuxb4
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: أبوبكر أبوالقاسم)
|
Quote: هذه دعوة لخالد والسنجك للإستفاضة فى مناسبة الإستدعاء والطلب وملابساته. |
تحية أخي الفاضل أبوبكر أبوالقاسم الأستدعاء والطلب وملابساته برهة تحتاج للصفاء والتشبث بحبال موصولة في السماء .. حبال تناطح سحُبها وطبقاتها الباردة العُلى ...لحظات يتجلى فيها العقل والروح والنفس .. لحظات هيام في ملكوت الباري العلي ,,,,,
( وأخوك مصاب بحمى السفر وسهارجتها وأنت مجرب )
ولك الود أخلصه أخ عرفناه من خلال حرفه ثم كان اللقاء الذي جسد كل حرف أنه كان حقيقة
لك التحية اخي الفاضل
ونظل نجتر فول الراكوبة وشاي الناصية وقهوة نادي الخرطوم
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
Quote: ومنها لبري شارع المعرض ( ننط الحيطة .. الباب مقفول قر قر قر قر )
|
تعرف يا خالد لما دخلت الشارع لقيت ليك شرطى واقف من الشارع المقابل وجارِّى فينى نور طويل وطبعاً عملت نايم.
أرجو الإفادة عن التفاصيل بالمسنجر وهل تغيّر التلفون أم لا ؟
أخشى أن " يتاورنى " الضرس مرة أخرى فأنا أيضاً أترقب مثل ترقبك .
على كلٍ ... سأبدأ غداً بطرائف " سواكنية " ... استحملونا شوية.
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: أبوبكر أبوالقاسم)
|
Quote: شــكراً لك تيسير على تذكيرنا بهذه المناسبة السعيدة. |
وزهى ميدان عبدالمنعمِ ذلك المحسن حياه الغمام بجموع تلتقي في موسمِ والخِيام قد تبرجنَّ وأعلنَّ الهِيامِ
ويح لأطفال صغار وردوا المولد بالشوق وعادوا بالغبارِ ويح أم حسبوها لو أرادو النجم جاءت بالدراري
تحياتي ومودتي الأخوين تيسير المبارك وابوالقاسم
( لديز فيرست يا مولانا )
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
شكراً على إبتسامة الصباح ونحن نتأهب للذهاب للعمل .
سيرة المصطفى صلى الله عليه وسلّم عطرة فى كل جوانبها.
أرجو أن أورد نسب المصطفى صلى الله عليه وسلم.
نسب سيدنا محمد صلى الله عليه وسلم من جهة أبيه:
سيدنا ( محمد) بن عبدالله بن عبدالمطلب بن هاشم بن عبد مناف بن قُصى بن كلاب بن مرة بن كعب بن لؤى بن غالب بن فهر بن مالك بن النضر بن
كنانة بن خزيمة بن مدركة بن الياس بن مضر بن نزار بن معد بن عدنان.
نسب سيدنا محمد صلى الله عليه وسلم من جهة أمه:
سيدنا ( محمد) بن آمنة بنت وهب بن عبدمناف بن زهرة بن كلاب فتجمع معه صلى الله عليه وسلم فى جده كلاب .
أولاد النبى صلى الله عليه وسلم :
سيدنا القاسم ، سيدتنا زينب ، سيدتنا رقية ، سيدتنا فاطمة ، سيدتنا أم كلثوم ، سيدنا عبدالله ( وهو الملقب بالطيب و الطاهر ) ،
وسيدنا إبراهيم وكلهم من سيدتنا خديجة الكبرى إلا سيدنا إبراهيم فمن ( ماريا القبطية) .
عليه أفضل الصلاة والتسليم.
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: أبوبكر أبوالقاسم)
|
شكراً كتير يا قاسم
ومن أسماء الحبيب عليه الصلاة والسلام
محمد عليه الصلاة والسلام أحمد عليه الصلاة والسلام العاقب عليه الصلاة والسلام الماحي عليه الصلاة والسلام
أخته من الرضاعة : الشيماء أخيه من الرضاعة وفي نفس الوقت هو عمه حمزة بن عبدالمطلب رضع معه في ثويبة أمة عمه أبولهب التي أعتقها يوم مولد الرسول
علية أفضل الصلاة والسلام
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: فيصل محمد خليل)
|
الشاعر أبن الرومي هو أبوالحسن علي بن عباس بن جريح الرومي واصله رومي فأبوه رومي .. وجده جريح أو جورجيس يوناني الأصل وأمه من أصل فارسي
وهو شاعر المراثي الشهيرة له ثلاثة من الأبناء فقدهم في ريعان شبابهم
ثم لحقت بهم زوجته .. يقال أنه كان يصل الليل بالنهار قي النوح والبكاء لفراقهم
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
لحين ميسرة بنرجع
كان الله العبد بكرة نعيد الكرة وحياة الغربة بكل معاناتها وكان الله في عوننا تحايلنا على القانون كل يوم نقول السفر الأسبوع الجاي لكن كل أول له أخر غداً بإذن الله نلمع عصاة السفر الرفيقة وربنا يجعله لنا خير ( السفر وفراق الأهل والأحباب ) والشكر لكل من أغدغونا بكرمهم ووقتهم الغالي الفاضلة سماح الفاضلة تيسير المبارك الفاضلة نادية ربيع الفاضلة أشراقة حيمورة الفاضلة اسيا ربيع الفاضل السنجك الفاضل العابر أبوالقاسم الفاضل القمر بوبا الفاضل محي الدين الفاضل العوض المسلمي الفاضل الجميل عمر صديق الفاضل رغم أني لم ألتقي به ممدوخ ابارو وكل الأخوة والاخوات من بورداب الخرطوم
لكم مني ما لم استطيع البوح به تحياتي لكم جميعاً وإن شاءالله نلتقي في ساغة خير كرمكم غمرني كنتم لي نعم الأخوة
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
ودعمى المنسى ,, ماك طيب ياخوى ,, والله ياخى مطولين منك طولة شديدة ,, والعتب على الظروف المابيا تتقفل على مشاكل الوطن الملامحو معكرة ,, الوطن الفاقد الفرح وشمسو الحنونة ابت تطل ,, لكن بيناتنا الصبر ,, وجيناك نقيل من هجير المحن فى شديرة الإنجمامة يا ارباب ,, والله انت اللى فى المنبر ده ,, راسى زى الضرس لايهمك حلو ولامر ,, تارك الأمر لله ,, ياخى انا يبقا لى فيك شئ لله ,, دحين ياخوى ادنا دعوتين كاربات واحدة عامة وماتدخل فيها ودشيقوق والتانية خاصة لى براى ,, وقول فيها ربنا يدى الفاضلابى اللى فى مرادو وخلى التمنى على انا.
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: عبدالعزيز الفاضلابى)
|
عن أبن الروم
يقال أنه كان صغير الرأس مستدير أغلاه، أبيض الوجه يخالط لونه شحوب، ساهم النظرو، بادياً عليه وجوم وخيرة، نحيلاً أقرب للطول، كث اللحية، بادر إليه الصلع والشيب في شبابه، أدركته الشيخوخة الباكرة فأعتلَّ جسمه وضعف نظره وسمعه، ثم ما لبس في شيخوخته أن تبدلت ملامحه وتقوسَّ ظهره ولحق به مالابد أن يلحق بمثلة من تغيير نتيجة الأسقام والهموم وتوالي المحن ....
| |
|
|
|
|
|
|
Re: إنجمامة في ظل كلمة طيبة ... قبل الندامة (Re: خالد علي محجوب المنسي)
|
Quote: ياخى انا يبقا لى فيك شئ لله ,, دحين ياخوى ادنا دعوتين كاربات واحدة عامة وماتدخل فيها ودشيقوق والتانية خاصة لى براى ,, وقول فيها ربنا يدى الفاضلابى اللى فى مرادو وخلى التمنى على انا. |
الأخ العزيز الفاضلابي لك التحية والتقدير
دعانا لكم كل يوم أن يفطر الله قلوبنا ونكون نساء ورجال على قلب واحد ( قلب رجل مجاز ) ماتزعلن يا أخواتي وربنا يديك الفي المرادك ويزدك من كرمه فهو الكريم
تحياتي اخي الفاضلابي
| |
|
|
|
|
|
|
|