الأخوات سماح في دار سياحتها سلمى صبحي حمامة السلام بين أهلها سلمى سلامة ( مع كباية لبنها ) تيسير المبارك وبين وليداتها سمية الحسن طلحة وضاحة....... سوما تماضر الخنساء
الأخوان العم كمال أبوالقاسم أيمن الطيب القمر بوبا فيسل هليل الطيب شيقوق العريس ابارو محي الدين العبيد تبلدينا حاتم هاشم هاشم خاف الله الفاضلابي الغائب ابي بكر السنجك والغائب أبوبكر الرطاني
كل سنة وأنتم طيبين والسنة الجاية متجمعين في جبل عرفات وتقبل الله منا ومنكم صالح الأعمال
12-08-2008, 09:16 AM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
تسافر يا جميل ترحل بدون تلويح !! بدون كلمة !! وتقفل في وجوهنا الباب وتبخل حتى بي بسمة بنقبل صدك القاسي نقول من دافع الحشمة لكن برضو نتألّم حرام ياالعندك الرحمة حرام بعدك نعيش في دنيا فيها الريد تقول معدوم زمان آمالنا فيك كانت تزاورنا وعلينا تحوم وهسي فيك آمالنا بقت ألآم حمتنا النوم نساهر لآمن البوم ... في الوكر ينعّس يسيبنا ينوم ويمشي الليل.. بخطوة وئيدة لي لُقياهو تدّافر نجوم ونجوم ويمشي الليل يجرجر في خطاوي الشوق ويتسكّع يجيك عاد داك النهار المابجود بي نفسو يطوّع وقلباً لينا يضرّع يردد في مرارة الزُل دا مابرجع ونتشرف ... نعاين لي القطر كان جاب والجواب تجيبو العين .. تقول لسع .. هو كان برجع ما خلانا .. لا ورانا .. لا ودّع
___________________________ الشاعر علي بخيت
12-13-2008, 08:05 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
مرفاعة ( في الحب ) للشاعرة شيراز العبيد ( واعدة وتوعد بالكثير ) قصائدها متماسكة من حيث الموضوع تمتاز بإجادة التسلسل في القصصي في الموضوع مفرداتها منتقاة من غميس العامية السودانية
أرجو الأستماع لها سعادة المستشار أبوالقاسم والبقية من أفراد العقد الدرري المنجم
12-14-2008, 07:26 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
قصدك عقلك في هواي انا عصلج وعلّق تقصد أنو قليبك بي زي طفلا يافع بي والديهو دوام اتعلق قاصد انو روحك زي عصفورا طار بجناح الشوق في سمايا وحلق خلاصة القول انو هواك لولاي لا انجبو رحم الغيب لا اتكون لا اتخلق وانو الشوق جواك لولاي لافاض انهار لا كسر المد لا أتدفق وأني الحلم الساكن في أيامك وغاية املك يصدق يوم ويتحقق وأنو قليبك بي هيمان لاغرّب يوم عن دربي ولا يوم شرّق وأنك زول في قليبو أحتار لا جابلّو الطوب لا ساعدو فلّق لا نصبلو بشوقو شرك لا مهدلّو دريب شان يهوى ويعشق لا سوالّو سهام الريد شان يرمي قليبا أصلا بي نار شوقو اتقلّى وغلى واتحرّق وأنك زول محتار ووديع وواقف بين نار قلبو وجنة عقلو في مفرق وكملت هسي معاك بالعقل العصلج وعلّق يازول ماتتلف ساي أعصابك وتغضب وتحزن وتقلق عقلك عندك لسع ملكك وماحايحيد أبدا عن دربك لا في يوم فارقتّو ثواني ولا قلبك يوم حايفارق صدرك ما أنت في يوم لو علّق عقلك مابتتحمل ازعل لحظة ولا بتتوعدني بهجرك وصدك وماحاتعيد وتذيد في لومك وقبل الدمعه ماتجري في خدي حاتجرح خدك وفايق !!! فايق وخالف رجلك فوق التانية وعايز تقنع أنو زمام الأمر فلت من يدك وأني مطرزة ليك خيال ذكرايا حجاب مابين زاكرتك وقلبك وعقلك وأنك أنت مدفق لي الشوق أسباب يسوق خطواتنا دوام علي دربك وأنك زارع لي الريد تيراب بين شمسك وحبك ومطرك وأنك أنت معاي بالجد مظلوم وبراءة الذئب من دم يوسف دايماً هذا قرار محكمتك وأنو جزاك معايا علي المعروف جزاء سنمار تبني لي بالريده قصور وأنا بالنكران أفنيك وأهدك لملم ورقك .. مامحتاجه محامي دفاع وقول بالمنطق والأقناع كيف الأمر فلت من يدك وأنت مقسم لي دنياك كيمان كوم خاصتنا والكوم التاني براك بيخصك ياسيدي سماح أنا لا محكمتك لا قاضيك لآك أنت وليد يعقو لاني أخوانك شان أأذيك لافكرت ولادبرت ولاخططت ولا قررت في بير الخوف أرميك لا أنت بنيتا قصور سنمار لآني الملك الطاغية الجاني عليك وأنا لا هديتك خوف وألم عشان بالفرحة أجي وأبنيك وأنا لا جلادك لا خفاضك لآني خصيمك لا محاميك أنا زول هداهو الخوف ونار الغيرة وغاية أملو يحافظ ديمه عليك وأنا لا محكمتك لاقاضيك لآك أنت العاصي الملحد لآني ملاكك شان أهديك واستغفر ليك لآك أنت الطايع العاقل لآني أبليسك شان اغويك وأنا لآني مليكك لا مملكتك أنا زول بالشوق أنا ملك أيديك وأنا ماطاوعت قليبا رادك علشان بالشوق والريد أعصيك وماسويتلّك شوقي جبال عشان ما أهد الدنيا عليك وما أنصفتك أنا بالريده ع شان ما أرجع أجني عليك وأنا لا محكمتك لا قاضيك ولسع … لسع ما أتفهمت ولا أستوعبت أحساس عاشق خيل الشوق فلتت من يدو كلمة تجيبو وكلمة تسوقو وكلمة تبنيلّو قصور في الجنة وكلمة تهدو ولسع
ماحسيت ولا أدركت الخوف البيسكن قلبو لما تسوقو خطاوي اللهفة وأنت تصدو ولسع لسع ما أتفهمت ولا أستوعبت أحساس قلبا عاشق وخيل الشوق فلتت من يدو ولسع لسع ما أتفهمت ولا أستوعبت الحاح قلبا فاقد شوفتك وديمه غيابك انت أجابتو وردو وياخي براءه براءه وباطلة الدعوى وكل كلام أنا قلتو سحبتو براءه وقلبي أتنازل براءه ورفعت هذي الجلسة ماعشان بالمنطق قدرت علي قليبي وأقنعتو بس علشان ما أتعود تاني تقولي كلام وأصدق ضدو علشان الصورة الحلوة في عينيّ ماتتشوه ومايتهدم صرح الريد الأنا شيدتّو براءه آ زول وقلبي أتنازل عن دعواهو وغيرتو عليك حاول أنت جميلو تردو براءه وأنا لا محكمتك لا قاضيك خلاص أتجاوز هذا الأمر وماتتوقف عندو براءه وليك العتبى لمن ترضى وصافي لبن قليبي الصدّ حاول دايما تصفى معاهو وتوصل حبل الريد بي ودو براءه ورفعت هذي الجلسه
12-14-2008, 07:46 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: مرفاعة ( في الحب ) للشاعرة شيراز العبيد ( واعدة وتوعد بالكثير ) قصائدها متماسكة من حيث الموضوع تمتاز بإجادة التسلسل في القصصي في الموضوع مفرداتها منتقاة من غميس العامية السودانية
اول مرة تجيب ليك حاجة حلوة - بالجدمرافعة عاطفية قمة في الروعة ومتعة في الاداء من الاخت شيراز
ملاحظ وردت فيها عبارتا الدراب والطوب حاول تابع كويس
الاخت الفاضلة الدكتورة الشاطرة وضاحة
ارجو الاستماع للفيديو اعلاه عشان تلمي طوبك عندك
12-14-2008, 07:50 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
أظن أن الجميع يعرف المدينة المنورة ولعل بعضنا يعرف أبيار علي، وهي ميقات أهل المدينة المنورة الذي ينوي عنده ويحرم من أراد منهم الحج أو العمرة، وكانت تسمي في زمن النبي صلى الله عليه وسلم ذي الحليفة ولعل البعض يظن أنها سميت أبيار علي نسبة لعلي بن أبي طالب رضي الله عنه، وهذا غير صحيح والصحيح أنها سميت بذلك نسبة لعلي بن دينار وعلي بن دينار هذا جاء إلي الميقات عام 1898م حاجاً ( أي منذ حوالي مائة عام )، فوجد حالة الميقات سيئة، فحفر الآبار للحجاج ليشربوا منها ويُطعمهم عندها، وجدد مسجد ذي الحليفة، ذلك المسجد الذي صلي فيه النبي وهو خارج للحج من المدينة المنورة، وأقام وعمّر هذا المكان، ولذلك سمي المكان بأبيار علي نسبة لعلي بن دينار اخي الحبيب أتدرون من هو علي بن دينار هذا؟ إنه سلطان دارفور . تلك المنطقة التي لم نسمع عنها إلا الآن فقط لما تحدث العالم عنها، ونظنها أرضاً جرداء قاحلة في غرب السودان، كانت منذ عام 1898م وحتى عام 1917م سلطنة مسلمة، لها سلطان اسمه علي بن دينار. وهذا السلطان لما تاخرت مصر عن إرسال كسوة الكعبة أقام في مدينة الفاشر (عاصمة دارفور ) مصنعاً لصناعة كسوة الكعبة، وظل طوال عشرين عاماً تقريباً يرسل كسوة الكعبة إلي مكة المكرمة من الفاشر عاصمة دارفور هذه الأرض المسلمة تبلغ مساحتها ما يساوي مساحة جمهورية فرنسا، ويبلغ تعداد سكانها 6ملايين نسمة، ونسبة المسلمين منهم تبلغ 99% ( والذي لا تعرفونه عنها أن أعلي نسبة من حملة كتاب الله عز وجل موجودة في بلد مسلم، هي نسبتهم في دارفور، إذ تبلغ هذه النسبة ما يزيد عن 50% من سكان دارفور، يحفظون القرآن عن ظهر قلب، حتى أن مسلمي أفريقيا يسمون هذه الأرض 'دفتي المصحف وكان في الأزهر الشريف حتى عهد قريب رواق اسمه 'رواق دارفور'، كان أهل دارفور لا ينقطعون أن يأتوه ليتعلموا في الأزهر الشريف . اخي الحبيب وأصل المشكلة هناك في دارفور انها ارض يسكنها قبائل من أصول عربية تعمل بالزراعة، وقبائل من أصول إفريقية تعمل بالرعي. وكما هو الحال في صحراوات العالم أجمع.. يحدث النزاع بين الزراع والرعاة علي المرعى والكلأ، وتتناوش القبائل بعضها مع بعض في نزاع قبلي بسيط، تستطيع أي حكومة أن تنهيه بسرعة، غير أن هذا لم يحدث في السودان، بل تطور الأمر لما تسمعونه وتشاهدونه الآن ولكن لماذا كل هذا لأن السودان هي سلة الغذاء في إفريقيا، لأن السودان هي أغني وأخصب أراضي العالم في الزراعة، لأن السودان اُكتشف فيها مؤخراً كميات هائلة من البترول، ومثلها من اليورانيوم في شمال دارفور، ولهذا لم يرد أعداء الإسلام لهذه المنطقة أن تنعم بالاستقرار، ولا أن تعتمد علي نفسها، فماذا يفعلون؟ يشعلون النزاعات في أنحاء البلاد ليصلوا بالأمر إلي تقسيم هذه الأرض إلي أربع دويلات.. دولة في الغرب (تسمي دارفور) ودولة في الشرق، ودولة في الجنوب ودولة في الشمال (في جنوب مصر لقد نفذوا خطتهم هذه فعلاً في الجنوب، ودبّ النزاع بين الشمال والجنوب، وأقروا أن حق تقرير المصير بانفصال أهل الجنوب سينفذ بعد خمس سنوات من الآن. وبعد أن تم لهم ما أرادوه في الجنوب، التفتوا إلي الغرب وأشعلوا فيه نار الفتنة والخلاف، سعياً وراء حق تقرير المصير هناك أيضاً، ومن المؤكد أن النزاع سيصل إلي الشرق عن قريب اخي الحبيب أعرفتم الآن لماذا يذهب كارتر رئيس مجلس الكنائس العالمي إلي الجنوب دائماً؟ أتدرون أن 13 وزيراً من وزراء أوروبا وأمريكا ذهبوا إلي دارفور في الثلاثة شهور الأخيرة فقط؟ وأن آخر زوار دارفور وزير الخارجية الأمريكي؟ والله لو أن كل مسلم من المليار مسلم تبرع بجنيه واحد.. لأصبحت السودان جنة من جنات الأرض ولكن ما من تحرك ولا تفاعل ولا حتى شجب أو استنكار، بل تقاعسٌ وصمتٌ رهيبٌ ولا حول ولا قوة إلا بالله تلكم يا إخوتي هي قصة دارفور، الأرض الغالية، صاحبة أعلي نسبة من حملة كتاب الله عز وجل، التي تبلغ نسبة المسلمين فيها 99%، أرض كانت في يوم من الأيام سلطنة إسلامية، لها سلطان عظيم اسمه علي بن دينار، يكسو الكعبة ...
12-16-2008, 04:55 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وأصل المشكلة هناك في دارفور انها ارض يسكنها قبائل من أصول عربية تعمل بالزراعة، وقبائل من أصول إفريقية تعمل بالرعي. وكما هو الحال في صحراوات العالم أجمع.. يحدث النزاع بين الزراع والرعاة علي المرعى والكلأ، وتتناوش القبائل بعضها مع بعض في نزاع قبلي بسيط، تستطيع أي حكومة أن تنهيه بسرعة
نعم أخي الكريم ولعل هذا الصراع والنزاع كان حتى بين القبائل ذات الأصول العربية بينها وبين بعض وبين القبائل ذات الأصوال غير العربية كذلك بينها ... وكانت تحل كل النزاعات تحت الشجرة في جلسة شاي .. وينهض لك طرف وهو راضي بما قضي عليه ... كانت القصبة الأولى التي صعقت ظهر البعبير هي نظام مايو الذي ألغى المحاكم الأهلية .. ثم السياسات الخاطئة وغير المدروسة من الحكومة الحالية ....
هذه الحكومة المسلمة في المركز التي ترفع شعار الإسلام كانت ( أبان حربها مع جنوب السودان ) تدعم جيش الرب كيداً في دولة يوغندا التي منحت أرضها للحركة الشعبية ... وبنفس الطريقة حاولت حل مشاكل أبنا تلك المنطقة اللذين نادوا ( أن ينصف أقليمهم )
كان الحل بين يديهم لكن لم يستفيدوا من خبرات أهل الرأي والحكمة
ونسأل الله أن يحقن دماء الجميع وهذه فتنة وفيها أمتحان لنا ونسأل الله حسن عاقبة هذا الأمر
12-17-2008, 01:31 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
يا ولدى يا شيقاااااااا ...سلامات انا صاحى بس كالنعسان عشان ما بقدر على البتسوى فيهو دة والفى قلبو الحرقص براهو برقص وفى رواية اخرى بعرض وعلى اى حال عشان تهبط شوية هاك الحبة دى ه................ع
عمك كمــال
12-19-2008, 07:16 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
سلام من القلب سلام ممزوج بضوء القمر ونور الشمس التي تسكب ذهب الأصيل في النيل وتميل تحيّ الربيع بكل جميل... سلام لكل أهل الإنجمامة ولي ناس كتيييييرة هنا.
عملت مذاكرة سريعة للإنجمامة لقيتكم شغّالين لي من نهااااية الصفحة السادسة لحدي السابعة!! لكن حأعمل ليكم فيها كما البيت ..... وهل كنت أفهم حرفاً يمرّ !!!!
سموووووحة..... وتصوّر روعة المشهد!! انت كمان زولة روعة وبالجد كان يوم جميل من أجمل الأيام في الوطن.. وبقيت أقول يا زمن وقّف شوية!! لكن نعمل شنو هكذا الدنيا...وسنلتقي بإذن الله. وماكنت أعلم أن العيون تقول الكثير المثير الخطر لحد ما شايفة أدووك وورننج.... ولكن !!! ما زالت إجراءات السلامة سارية المفعول !!! سلامي الشديد لكل الأهل....
الأخ الفاضل خالد المنسي تحايا عطرة بعدين الغنم ديل شفتهم وين؟؟؟ كل سنة وانت طيب
استاذ الطيب..... أطيب الأماني لك دوماً وشايفاك بتعمل بوصية أيمن الطيب وقلبت الحكاية أرقام على ما أظن...999 وكمان تقديري دوماً
عم كمال شكراً على الإغنية الجميلة وخاصة انّها من حقيبة الفن التي تزلزل الكيان وتلهب الوجدان شكراً مرة أخري وان شاء الله أيامك كلها جميلة
استاذنا أبو القاسم ان شاء الله صحتك تمام!! كن كما أنت تقديري لك دوماً
ريحانة البطانة يا رائعة....تعلمين مدى حبي واحترامي وتقديري لك!!
استاذ فيصل سمعت انّك صديق للهكر ...طيب بالله كلّموا لي يرجّعلي المكتبة كاملة نصها راح والله! غايتوا عليه العوض!
أيمن الطيب قلت لي خالتوا!!!! طيب الفيك التعرفت!
والذكريات صادقة ونبيلة مهما تجافينا نقول حليلا لكم ولكل من مرّ من هنا...كل التقدير والإحترام
سارقة الخط ازيكم من جم وجارية جرى لكن لازمن حتما اسلم عليكم من المكتبة بكتب اها الحال كيفنو ؟ وحات امى وابوى مشتاقة ليكم كل الشوق الله يجازى اللبن الاندفق حيرنى فى ولدى لكن بعد شوية كدى بكون عندى كومبيتر الليلى براى وحات الله شوق حد الشوق ما يقيف تحياتى وبنتلاقى تحت شجرة الحب والانجمامة الدايمة دايما سعيدة انى بكتب ليكم وتحياتى لكل من سال عنى دا شنو دا ؟ الزول نفسو قايم طبعا اليوم عندنا اجازة من الله دا جانا مطر اسود او هكذا يسمونه (تلج بس ) يعنى الواح تلج مفروشة فى الواطة تمرق تنزلق تنكسر تمشى تتجبص دا لو ما انقطعت غايتو بجيكم صادة كان الله هون يلا ابقو عشرة على العقاب خالد المنسى اتصل ياخ قبل يوم الاحد لانى طاشة من البرد ماشة جنوب مافى غير الحر هناك وبعض الاصدقاء الذين لم التقيهم من مليون سنه مودتى للجميع
12-19-2008, 09:36 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: الأخ الفاضل خالد المنسي تحايا عطرة بعدين الغنم ديل شفتهم وين؟؟؟ كل سنة وانت طيب
بعد الغياب بعد الليالي المرة عادة حمامة السلام تسجع بين الشديرات طربا الفرح فرحين عودة سلمى وسلمى نطلق للنفس العنان لتعبر عن فرحها بما يرضيها بعودة سلمى صبحي حمامة سلامنا
الغنم شفتهم وين ؟ إن نسيتو ما نسينا ؟ أنا من شندي وليست مولود في واشنطن
وبعدين منو الجاب سيرة الغنم
ألف حمد الله على سلامة العودة يا حمامة
لك التحايا والمودة
12-19-2008, 10:02 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: سارقة الخط ازيكم من جم وجارية جرى لكن لازمن حتما اسلم عليكم من المكتبة بكتب اها الحال كيفنو ؟ وحات امى وابوى مشتاقة ليكم كل الشوق الله يجازى اللبن الاندفق حيرنى
الحنينة وطيبة سلمى سلامة حمدالله علي السلامة
اللبن الله يجازي اللبن الأبعدك عنا... والعافية والصحة لي عزا البخيلة الما بتديك فرصة..
البرد جاك اقرشي التمر بي المررّو ( الفول السوداني ) المقلي زمان لما كانت درجة الحرارة 5 كنتي ببطانيتين هسي وينك تحت السرير ومع عشر بطاطين ؟
تحياتي سلمى
12-19-2008, 11:38 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
Quote: عذرًا وقد تجاوزت الميقات مباركٌ عيدكم فرضٌ ما نسيته أسبغت له الوضوء على كل الأجزاء وماصليته فهل يجزي القضاء ؟ وإن لم يكن ممكنًا فمن التطوع والنوافل تُسد الثغرات وتُغال العثرات
كل عام وأنتم بخير
.
إقتباس من المواقيت ...
مبارك عليكم العيد
نبارك للعريس ممدوح أبارو
من أرض الخليج مزن التهاني مواطر بالمال والبنين لي بيت حلالك ساير
12-20-2008, 09:59 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: Quote: عذرًا وقد تجاوزت الميقات مباركٌ عيدكم فرضٌ ما نسيته أسبغت له الوضوء على كل الأجزاء وماصليته فهل يجزي القضاء ؟ وإن لم يكن ممكنًا فمن التطوع والنوافل تُسد الثغرات وتُغال العثرات
كل عام وأنتم بخير
بت طلحة سلام وكل سنة وأنتِ طيبة وبخير نعم يا سمية بالتطوع والنوافل والدعاء تسد الثغرات وهي كثيرة تحياتي للأسرة
12-20-2008, 01:15 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
رفعت ضرعاتك لا فوق وهزيت حجباتك خليت الحمام يتزاحم في الانجمامة
تعرف يا شيقوق طبعاً السحر والمحاية موجودة في كل مكان يسمى الأمام في بلاد البلقان ( الهوجا ) والدراويش هنا هم ناس عكس ماعندنا ناس دنيا وليس زاهيدين الدرويش يسكن في أجمل بيت وراكب أجمل السيارات ويتقبل الهبات والبركات من كل الناس وهم ناس السحر ويسمى كبيرهم شيه ( من شيخ ) وطريقتهم ( أسمها البكاتشيا ) يحل لنفسه الخمر والزنا وحق الناس وكل شئ ولغيره محرم عدى الحيران ويسمو ليبا يعطيهم بعض الحقوق الباطلة والشيخ هو الذي كتب ويتعامل مع الجن يبرك كل نساء الحي أن يدخل عليها قبل زوجها لا يأكل كل الوجبات في بيته لابد أن يعد له شخص كل يوم وليمة ( عايش هني ) تجي نشغلك هنا شيخ بكتاشيا
العمل يسمى هيمليا ديل شواطينهم بيض ( خوجات ) الشيطان هنا أحلى منك
تقول لي مايرنو والله لو مشيت السودان أوري أم عبدالله دربهم إلا يخلوك تزوزي وتاني نضمك كلو يكون قال الله وقال الرسول عليه الصلاة والسلام وتتوضأ للصلاة خمسة مرات وو .. ترميها رمية العدو
12-20-2008, 01:57 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
تقول لي مايرنو والله لو مشيت السودان أوري أم عبدالله دربهم إلا يخلوك تزوزي وتاني نضمك كلو يكون قال الله وقال الرسول عليه الصلاة والسلام وتتوضأ للصلاة خمسة مرات وو .. ترميها رمية العدو
هسع ام عبد الله قصرت ؟ وحياتك هسع البنات البجن متلبات في الانجمامة ديل ما برفع ليهن عيني لا فوق علا واحدة شغلت قلبي نامن بص الرصيرص فات .
12-20-2008, 05:12 PM
وضاحة
وضاحة
تاريخ التسجيل: 01-16-2005
مجموع المشاركات: 9116
جماعة الانجمامة اجتمعوا بقيادة ود المنسي واصدروا قرارا يقضى بمخاطبة الاستا> بكري ابو بكر لسحب باسويردك لكن اخوك وصاحبك و..,.. استعمل حق البفيتو ضد اى قرار من ه>ا القبيل وجماعتك شتتوا كلهم .
12-21-2008, 12:27 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
جماعة الانجمامة اجتمعوا بقيادة ود المنسي واصدروا قرارا يقضى بمخاطبة الاستا> بكري ابو بكر لسحب باسويردك لكن اخوك وصاحبك و..,.. استعمل حق البفيتو ضد اى قرار من ه>ا القبيل وجماعتك شتتوا كلهم .
قيل لمشركي قريش : لمَّ تعبدون الأصنام ؟؟؟ قالوا : نتقرب بها لله ذلفى
يا الحبيب بدل الدليبة دي كان تتقرب بي وردة وبكلمة حلوة
ألم تستوعب الدرس بعد ؟ يا بتاع البردانة بنات البندر ديل شعراً ( روبا ) ماعندك ليها رقبة يا أخوي مهر عبلة هائل فأقترح أن تحذرا لا تاج كسرة ولا عُمامة المنازرة لا سبحة القيصر ولا صليب القيصرا بس كلة طيبة مدهونة بمودة صادقة ولوووووووول وقر قر قر قر قر بتاعت سماح ( يا حليلة بالكتير )
12-21-2008, 02:25 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة