Quote: الى عزيزنا ود المنسى ..سلامات انتو مش قلتو الحكاية سواقة...دحين الاستاذة سمية بتسوق(ريوس)بلغة ناس الخليج(REVERSE( يعنى عشان تلقى مداخلاتةلازم ترجع لى ورا شوية...
والليلة نوجعكم شوية انتة وصاحبى فيسولى ومعاكم الاستاذة سلمى الشيخ بهذا الاهداء:ـ
العتب علي النظر يا عم كمال الصباح قدر ما بحت بحت الجروّا ما لقيتا لكن بعد كلامك دا رجعت لقيتا معلقا فوق
سلمى الأيام بس اليوم كلو خاتا رغيفا في الفرن ( قالت الفرانا الخواجات قرفانين ما بتشتري من الدكان تخبز براها الأسد ) وقاعدة تكتب عوينتا زغللن من ضوء شاشة الكمبيوتر رسل ليها كحل حجر من السعودية عنوانها USA سلمى الشيخ سلامة ماتخاف الطرد كان وقع في أوباما بوصلو ليها
وفيسل موفاضي داب أم البنيات ومراسيلها
بس الوجع لي أنا مودتي عم كمال
10-28-2008, 06:27 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
ودالعبيد سلام يا الطيب وكيف حالك أفو ياودالعبيد السقط بدسك
Quote: ما بقدر علي السقط الشديد
ولينا كم يوم مرقنا البطانية
وبرضو ما نفع
ودخلنا جوة البيوت وبرضو ما نفع
سقط السودان ما ناشف وبدخل جوه العضام والله يا ودالعبيد هنا مرات درجة الحرارة بتنزل لي تحت الصفر بخمس وعشرون وازيد من الدرجات لكن زي برد السودان داك ما شفتا ( بريدم ني ) و ( شمشم زي لمبة التلاجة مابتحرق ) من جيت الرمضاء ماحرقتني تقدل حفيان في عز الضهر ولا خصاك ... برد السودان داك شغلو برا كشكا .. وشقيق في اليدين ( والجلسرين حار فيها يشح ) كنا بنشيل هم لما الليل يجي وتجيك أمك بي المسوح ( والله التقول سالين ليك سكين ) تقعد تسوي في محمد جانا ماتغشانا الدفاية جنب الحيطة محل مضرب الشمس .. يا سلام علي الحاجات دي الواحد ليهو منها زمن . بس يا زول أقع الفول السوداني المقلي مع التمر البركاوي ووهط كانون في نص الأوضا ...
Quote: (اكيد يا ود المنسي روحك متشعتفة في رقاد برة ودا انتو ما لاقين )
والحالة دي يا ود المنسي بداية سقط
ولسه ما دخل العضم
ومن علي البعد لك خالص التحايا ولكل لزملاء
الرقاد في السهلة والله مشتهينو بالحيل قبال ماترفع رويسك الصباح تجي خالتك ( ها ولد بتنوم لي الضحى أنت ) قلبت علينا المواجع يا ودالعبيد تحياتي ومودتي
10-30-2008, 06:04 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: كشكا .. وشقيق في اليدين ( والجلسرين حار فيها يشح ) كنا بنشيل هم لما الليل يجي وتجيك أمك بي المسوح ( والله التقول سالين ليك سكين ) تقعد تسوي في محمد جانا ماتغشانا
خالد يا أخوى نسيت " أبو الضبيح" تحت مصبعى الرجلين الكبيرين ، لما يجيبو ليك الودكة معاها جمرة النار وتنزل حارة فى الأصبع الكبير.
Quote: خالد يا أخوى نسيت " أبو الضبيح" تحت مصبعى الرجلين الكبيرين ، لما يجيبو ليك الودكة معاها جمرة النار وتنزل حارة فى الأصبع الكبير.
يا ليتنا عدناها أو عادت الأيام.
أنت في أبوالضباح ولا لما تشقق الشلوفة والله الضحك يغلبك والغبشا من الصباح في المدرسة وزهرة المدرسة بكون الأكل لي من الصباح فوق الغبشا ديك لقيمات وزيتها فعل فعايلو في الخشيم وترك أثاره وباقي الوش أغبش زي المررّو ( فول الحاجات )
ويومك أسود لو ماحافظ جدول الضرب ودقوك فوق يديك ( مابتقدر تلمهّن علي بعض ينشفن زي قصب الزمبارة )
Quote: تسلم ياعم كمال ربنا يمتعك بسمعك وبصرك ماحييت أنا دسيت المداخلة في نص المداخلات عشان ماتطير زي كل مرة
ودالمنسي معقول مابتعرف فوزية ! ست الإسم الحلمنتيشي أها رأيكم في السواقة دي شنو؟ فورورد.
لا ...... عليك أمان الله العيون رقدن ستا الكمبيوتر دا لما يجي قاصدو .... يداقش زي أبو الدرداق يقع فوق كرسي وينسند فوق سرير. لكن دي غتاتت ناس كبوشية ( البدروا بشوفوا )
بس أنتِ بقيتي شِديدا
سواقتك الأيام دي ماشاء الله عليك والله كُت بدور أقول لكن خفت تقوم تزوغي زوغة شمار في مرقا
Quote: والغبشا من الصباح في المدرسة وزهرة المدرسة بكون الأكل لي من الصباح فوق الغبشا ديك لقيمات وزيتها فعل فعايلو في الخشيم وترك أثاره وباقي الوش أغبش زي المررّو ( فول الحاجات )
تعرف يا خالد أجمل غّبْشَة كانت من العوم فى البحر وخاصة فى الشتاء.
مهما عملت ، يكفى تمرير الأصبع على الجسم وتظهر الخطوط البيضاء ، دا لو ما كانت ظاهرة فى العيون الحمر حمر زى المسطول من الغطس.
لكن بينى وبينك موية البحر دافية فى الشتاء وما بتتأثر بالجو.
وفى النهاية " الجَلْدَة" راجياك: فى البيت وفى المدرسة.
10-29-2008, 05:15 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
ونحن ندعو للكلمة الطيبة ونعمل بقدر ما عندنا لاشاعة روح المحبة والوئــام ....اسمحو لى بأن انقل هذا الجزء عن ادب الحــوار
عمكم كمــال ـــــــــــــــــــــ
أدب الحوار :-
أولا / احترام شخصية المحاور
ان الف باء ادب الحوار احترام شخصية المحاور : الاهتمام به والانتباه
لكلامه والاصغاء اليه وعدم الانشغال بشئ آخر وتجنب استخدام
اليد رفعا او ضغطا او تهديدا ، اللجوء الى الدعابه لتلطيف الجو اذا اقتضى الحال
ثانيا / المرونه والتسامح
ثالثاً / حسن الكلام : والكلام الحسن هو الذي يحمل الحقيقه بلا لبس او غموض وهو مايجمل الانسان في نظر نظرائه ، ومن حسن الادب ان لاتقول مالا تعلم ولايخالف لسانك مافي قلبك ولا قولك فعلك.
رابعا ً / حسن الصمت :
الصمت هو السكوت اذا اعقب الكلام او هو عدم الكلام اذا حصل ابتداء والصمت خطوة نحو الكلام الصائب قالت العرب : اذا اردت ان تقول الصواب في اللحظه المناسبة فعليك ان تسكت اغلب الوقت والصمت بالنسبة للحوار ليس موقفا سلبيا اي الامتناع عن الحوار وانما هو اجراء ايجابي في الحياة
قال احد الحكماء العرب وهو يعظ من يتكلمون اكثر مما يسمعون ويفعلون : انصف اذنيك من فمك فانما جعل الله لك اذنين اثنتين وفما واحدا لتسمع اكثر مماتقول .
10-29-2008, 07:23 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وفى النهاية " الجَلْدَة" راجياك: فى البيت وفى المدرسة.
كنا يا أبوالقاسم بنغشا جامع الفكي يوسف في شندي فوق نتبرك من موية السبيل ونتمسح عشان ما يجلدونا .... ويا سلاااام مرات في أثناء مرورنا على الجامع كنا نجد جرادل الصدقة ممتلئة بالبلح المبلول .. والأرز باللبن .. واللقيمات .. والفطير بالسكر الناعم .. نهبد لآمن نقيف ( تيوة ) .. تيوة يا ناس البندر يعني كورة ( كرة القدم ) ... ونمشي علي الحي بعد دوام المدرسة نتسكع .. كل المسافة بين معهد التربية شندي وبيوتنا لا تتعدى 700 متر نقطعها في ثلاثة ساعات .. بريك في الضللة نلعب قرقور .. ولا بلي طرة كتابة .. ( هبش يا ابوالقاسم خلي الذاكرة تتقد )
تحياتي ومودتي
____________________ عم كمال شكراً وجزاك الله عنا كل خير على هذه الكلمات الطيبة
10-29-2008, 07:35 PM
ممدوح أبارو
ممدوح أبارو
تاريخ التسجيل: 02-27-2008
مجموع المشاركات: 3162
في عصر الشيخ أحمد بن حنبل ، كان الشيخ احمد مسافراً فمر بمسجد يصلي فيه ولم يكن يعرف احداً في تلك المنطقة وكان وقت النوم قد حان فافترش الشيخ أحمد مكانه في المسجد واستلقى فيه لينام وبعد لحظات إذا بحارس المسجد يطلب من الشيخ عدم النوم في المسجد ويطلب منه الخروج وكان هذا الحارس لا يعرف الشيخ احمد ، فقال الشيخ احمد لا أعرف لي مكان أنام فيه ولذلك أردت النوم هنا فرفض الحارس أن ينام الشيخ وبعد تجاذب أطراف الحديث قام الحارس بجر الشيخ احمد إلى الخارج جرا والشيخ متعجب حتى وصل إلى خارج المسجد .. وعند وصولهم للخارج إذا بأحد الاشخاص يمر بهم والحارس يجر الشيخ فسأل ما بك ؟ فقال الشيخ أحمد لا أجد مكانا أنام فيه والحارس يرفض أن أنام في المسجد ، فقال الرجل تعال معي لبيتي لتنام هناك ، فذهب الشيخ أحمد معه وهناك تفاجأ الشيخ بكثرة تسبيح هذا الرجل وقد كان خبازاً وهو يعد العجين ويعمل في المنزل كان يكثر من الاستغفار فأحس الشيخ بأن أمر هذا الرجل عظيم من كثرة تسبيحه .. فنام الشيخ وفي الصباح سأل الشيخ الخباز سؤالاً
قال له : هل رأيت أثر التسبيح عليك؟
فقال الخباز نعم ووالله إن كل ما أدعو الله دعاءاً يستجاب لي ، إلا دعاءاً واحدا لم يستجاب حتى الآن ، فقال الشيخ وما ذاك الدعاء ؟ فقال الخباز أن أرى الإمام أحمد بن حنبل
فقال الشيخ أنا الإمام أحمد بن حنبل فوالله إنني كنت أُجر إليك جراً ، وها قد أستجيبت دعواتك كلها. {أستغفر الله الذي لا إله إلا هو الحي القيوم وأتوب إليه}
11-01-2008, 11:57 AM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
اهل الشديرات _على قول استاذنا ود ابوالقاسم_ سلامات عذرا للانقطاعة اصلو كنتة حارس فيسولى لانو داخل فى هزار مع الهكر بعدين خفتة يتوكو وهو آخر عمر وابو بنيات...المهم ما احلى الرجوع اليــكـم
عمكم كمـــال
--------------------------------------------
ولى المساء الواله المحزون في جـوف الضباب و أنا اهيئ زيـنتـي و اعد مفتخـر الثياب آمـلا لقياك الحبـيـب و يصـدنـي زهو الشباب
`````````````````` أمسـي مـضـى بين التحسر والأنـين و وسـادتي بـلـلتـها بالدمـع و الدمـع السخـيـن مـع تباشير الصبـاح و بسمة الفجر الأميـن غنـيـت مـثـل الطـيـر فـرحا فـي ريـاض العـاشـقيـن
~~~~~~~~~~~~~~~~~~ تـسرى النسائم عذبة و أنا اهيم بلا ملال و تقودني الآمال في دنيا المباهج و الخيال وهناك أرقد في الرمال ولا أرى غير الرمال
``````````````````` غدا أذوب مهجتـي في حر أنفاس الغرام ارنو اليك وا لوعتي ظمأا تأجج في ضرام و أبيت أعشق في الدجى طيفا ينادى في منام أنا لن أعيش (..) بحبه أنا غـيـر أحبابي حطام
~~~~~~~~~~~~~~~~ غدا نـكون كـما نـود و نـلتـقي عـند الغروب غـدا تجـف مـدامـعـي و تزول عن نفسي الكـروب غدا تعود مـبـاهجـي غـدا حـبـيـبـي حـتـما يعـود
11-02-2008, 01:20 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: اهل الشديرات _على قول استاذنا ود ابوالقاسم_ سلامات عذرا للانقطاعة اصلو كنتة حارس فيسولى لانو داخل فى هزار مع الهكر بعدين خفتة يتوكو وهو آخر عمر وابو بنيات...المهم ما احلى الرجوع اليــكـم
فيسل يا عم كمال شليق مشى يهبش برا والله لو شفتو اليوم الأول لما دخل علي ( ميكافيلي ) تضحك لآمن تقع بعد ماقفل من الهكر كان معي وأخبرني ... بعدها ودعني ومشى نام حوالي الساعة الثانية عشر ليل رجع لي تاني وهاك ( زننننننن جرس ) أستغربت فيسل دا مالو قال لي : سمعت لي كركبّا في الغرفة البهناك ( بتاعت الكمبيوتر ) قلت دا أمكن الهكر جاء دخل البيت
( ألذ شئ انو يومها كان لوحده في البيت ) البنات وأمهم في أيطاليا
وزلك خاف وبقى يبرطع
شفتا كيف .. عليك الله مش شليق
تحياتي عم كمال
11-02-2008, 02:04 PM
أبوبكر أبوالقاسم
أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: اهل الشديرات _على قول استاذنا ود ابوالقاسم_ سلامات عذرا للانقطاعة اصلو كنتة حارس فيسولى لانو داخل فى هزار مع الهكر بعدين خفتة يتوكو وهو آخر عمر وابو بنيات...المهم ما احلى الرجوع اليــكـم
عمكم كمـــال
عمنا كمال مشتاقين والله
ياخ فيصل خليل ده متلقي حجج ساي هكر شنو البحاورو؟
هي ناقصة يعني ؟
غايتو لي هبوبو مالدبيب غايب
بالمناسبة وين الراجل ده؟ (وأشار إلي البردانة وهو يغمز )
11-02-2008, 07:49 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
عزيزنا ود المنسى....سلامات انتة عارف بعد دة بنطبق على صاحبك المثل:ـ الضاق خلعة الهكر..بخاف من دخلة البورد
عزيزنا ود ابو القاسم ...سلامات واللة انا زيك كلما اسمع الاغنية دى بدخل فى كومة وهى بالمناسبة من كلمات الشاعر المرهف الراحل حسن عوض ابو العلاء ومن اشهر اغنياتة تلك التى يغنيها الراحل احمد المصطفى:ـ
سفرى السبب لى عنايا فرقة وفقدان هنايا ببكى حبيب املى ومنايا وابكى على هذة الجنايا وابكى على تهديم بنايا ليت حبيبى عليا نـاح
الى الظريف ود ابــارو..سلامات اليومين ديل ياولدى بقيت زى ام العروس يس لازم الهامك يكون صاحى وتعملينا بوست بمناسبة عودة ترنتى
عمك كمـــال
11-02-2008, 10:24 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
عزيزنا ابو بكر ابوالقاسم...سلامات سؤالك عن شاعر اغنية _ولى المساء_ ارجعنى الى تلك الفترة الذهبية والتى كان يعمل فيها الراحل الفنان احمد المصطفى فى شركة ابو العلاء والتى تعرف خلالها على الشاعر حسن عوض ابو العلاء وغنى لة اروع القصائد ولكن وبنفس القدر غنى لابن نفس الحى(حى الشهداء بامدرمان) الاستاذ والاذاعى والدبلوماسى صلاح احمد محمد صالح وهو على فكرة مبتكر برنامج حقيبة الفن..غنى لة اروع القصائد مثل:ـ الليلة ماجانى..اهواك والتى لها مكانة خاصة فى نفسى وتقول كلماتها:ـ
يا غاير علي وأنا هايم في دنيا هواك لو تسأل عيني تنبيك كم أقاسي معاك يا الشايل منامي وخليت الفؤاد مجروح سايل دمعي هام ببكيك يا حبيب الروح *** وكيف يخطر ببالك إني اسبب وصالك وأحطم امالك حلفتك بريدك هل تنسي الوهبتو اليك حبيبي حبك ..... أنا حبك زرعتو في قلبي .. وسقيتو دماي من بعدك .....من بعدك قفلتو أنا قلبي ..قلبي وقصرت غناي بقيت كالراهب العابد اقضي ليلتي ساجد أمام طيفك أناجيه وأقول شعر الهوى فيه والخافق في صدري ضرباتو تقيف لولاك *** إلي أن يفني عمري أتغني وأقول أهواك أهواك أهواك أتغني وأعيد ذكراك أهواك أهواك يا حليل أيامي معاك أهواك أهواك يا حبيبي محال أنساك
كمـــال
11-04-2008, 08:08 AM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: في حضرة من أهوى عبثت بي الأشواق حدقت بلا رأس و رقصت بلا ساق مملوكك لكني سلطان العشاق ...
غريب هذا النَفَس الصوفي ...
الأخت المبروكة تيسير المبارك كيفك وين الغيبة عنقريبك قاعد ... وقال الحسين الحسن ذكرت مكاناً عزيز عليَّ وأنتِ به وأنا والأخر ذكرت حديثك ذاكَ الخجولا وصوتك ينثاب منه الدرر تقولين ماذا تقولين ويحّي وهل كنتُ أفهم حرفا يمر ( ويحّي دي خليها كدي براها حتى يفهم البيت على صحته )
كلام الشعراء داقولو برا يا بت المبارك وهو البولع فوقنا النار الأبت تهجس شن نسووو أه أتمها ....؟ وآه يا الوحيح المابتفارق دربي وآه من نار فلانة وجرحها النوسر بي
بس أنتو لو دايرني أتوب واتيقن أمنعوا الطلابات من البيوت مايمرقن
تحياتي ومودتي بت المبارك المبروكة
تحياتي بت الربيع
11-04-2008, 09:30 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
قولوا واحد سوداني مرة راقد علي بطنوا قال لي بنتو أعملي لي في ضهري خطوط رأسية ( عملتها ) .. تاني قال ليها : اعملي خطوط أفقية ( عملتها ) .. قام سألها تقاطعات الخطوط الرأسية مع الأفقية طلع شنو ؟ قالت لي : مربعات .. قال طيب .. أحسبي من الجهة اليمنى المربع الاول وامشى لحد ما تصلي المربع التاسع ... ( حسبت البت ) قال ليها وصلتي المربع التاسع ؟ قالت لي : ايوا .. قال ليها حكي لي
عجبتك يا فيسل هليل
11-04-2008, 09:38 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
نبدأ من وين!!!!!!!!!! والله مشتاقييييييييين,, وشكرا لكل من سأل عنى,, خالد الحبوب وسمية العالية وبوباى صديقى وأبارو بتاع التنمية الريفية وفيصل العجب صاحب الهاكر,,,
شيقوق وس!!!!!!!!!!امح ووط!!!!!!!!اح ديل أكيد قاعدين فى السهلة وجردوا من كلمات اسرارهم الأبوبكرات !!حصاحيصا والسنجك والفرعون
الإحتمال التانى بالنسبة لشيقا إنو يكون لقى فتاة أحلامو وكدا وهسه عامل فيها ود سغير
فى إختفاء غريب وغياب قد يكون قسريا على البعض ولكن أين هم!!! المهم الناس يكونو طيبين والباقى كلو هين,,
ضابط السلامة سلمى !!!!!!وينك يا أميرة ورجائى ان تكون الأحوال جيدة والأسرة بخير,,
العزيزة تيسير المبارك
Quote: و فال الفيتوري ... فى حضرة من أهوى عبثت بى الأشواق حدقت بلا وجه ورقصت بلا ساق,,, وزحمت براياتى وطبولى الآفاق عشقى يفنى عشقى,,, وفنائى إستغراق,, مملوكك لكني سلطان العشاق ...
شعر الفيتورى لا يرضى أن يختزل أو ُيكتب ناقصا وكذلك نحن,,
Quote: غريب هذا النَفَس الصوفي ...
وكانت الصوفية نوعا من التجرد...نوعا من الكبرياء, نوعا من الشموخ والإلفة,, السمو والبعد عن الإبتذال والإسفاف..تقييم لقيم الإنسان..العلو إلى الأعلى.... لا التدنى إلى أدنى وقد يكون فى الجانب الصوفى صراعا للفرد مع نفسه!!مع غيره صراع الجماعات مع غيرها من قوى خارجية فى سبيل هدف..من أجل مبدأ..لأجل الأحسن والأفضل...هو تفسير عملى لتكريم الله للإنسان...فكرا وعقلا..
وقد عاش فى مسالك الصوفية ومدارجها آلاف من النمازج, قضوا حياتهم فى التجول والتأمل والتفكُّر..ومن أهل الصوفية من وصلت قدماه فى ثبات إلى عتبات المقصلة, وإلتهبت نفوسهم تحت السياط,,وهناك من المتصوفة من رفع صوته فى وجه الإستبداد وإرتفع أصبعه يخط كلمة النور فى سديم الظلام وساحات الظلم...
أعلاه من مقدمة كتبها الأستاذ على مصطفى المصراتى يقدم فيها لذلك الديوان الأسطورى .. أرجو أن تكون بعض من التفسير لحالة الصوفية التى عاشها الكاتب مما ساعدت على وصفه للحالة الذهانية التى تتلبس الدرويش وأهلنا الصوفية ذلك العالم الغريب والملئ بكل ماهو غريب وأسراره لم تفك طلاسمها بعد وقد يفيد ولو قليلا حضور حلقة ذكر ونوبة تئن وترن كما قال محمد المهدى المجذوب فى عصمائه تلك يدور فيها الدراويش وأرواحهم تهيم طربا وحبا ونقاءا وصفاءا لا يملأ قلوبهم لحظتها غير حبهم لمولاهم وخالقهم,,,
تحياتى وإحترامى,,
11-05-2008, 06:48 PM
أبوبكر أبوالقاسم
أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: وصية عاجلة جداً من سماح تطلب النجدة وفَك أسرها فهى لا تستطع دخول المنبر ... نرجو من:
بقينا في جنس دا,,,
وعلى شيقا ووط!!!!!!!!!ح وبوبا فتح بوست يطالبون فيه بالكشف عن شخصية المدعو س!!!!مح وإيراد ما يفيد أن هذا الشخص حقيقى وبياناته الشخصية طرف الأدار وإلا ,,,,هو والهكر واااااااااااااااااااااااحد
إنتو أفتحو البوست وليكم على ما ينزل من أعلى الصفحة حتى تنجلى الحقيقة!!!!!! جانى مدردق س!!!مح وبصراحة ما بقدر أخليهو
ياخ والله مشتاقين,,
11-05-2008, 07:44 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
فرحة تغمر كل العالم .. وكل المتطلعين لعالم حر وسلااام دائم جاء يجره هذا الأسود القادم من مهد حضارة البشر أفريقيا... وأقدم القارات .. وكلنا أمل أن يجعل السلام والحب والوئام والمودة هدفه المنشود ... فهل سوف يزرعها أوباما ( بذرة حب وسط هذه النيران )
وعليكم السلام أمينوف الحبيب تحيتنا دوماً لك سلااااام
Quote: نبدأ من وين!!!!!!!!!!
ليتك بدأت من حيث أنتهى بتاع الجمكسين
Quote: والله مشتاقييييييييين,, وشكرا لكل من سأل عنى,, خالد الحبوب وسمية العالية وبوباى صديقى وأبارو بتاع التنمية الريفية وفيصل العجب صاحب الهاكر,,,
الله يعلم شوقنا لك لا يحد .. ولو قلنا بحور لأجحفنا في حقك أشوقنا لكل طائر مغرد في شديرتنا .. أشواقنا لكل غائب لحين بوبا .. حمامة السلام .. السنجك الذي طال غيابه .. وكذلك أشوقنا للذين حولنا ( تحت الشديرات )
Quote: شيقوق وس!!!!!!!!!!امح ووط!!!!!!!!اح ديل أكيد قاعدين فى السهلة وجردوا من كلمات اسرارهم
صحي الكلام دا أصلو مامعقول
Quote: الأبوبكرات !!حصاحيصا والسنجك والفرعون
الفنجري ( القاسم ) بقى زول مزاجات ويقطر لينا بي الإبرة والسنجك خلي ساااكت الغريبة غائب من شديراتنا وغياب من الساحة الفنية .. بس حضور في البيت بمعدل 19 ساعة في اليوم ( معذور ما كمل سنتين العسل )
Quote: الإحتمال التانى بالنسبة لشيقا إنو يكون لقى فتاة أحلامو وكدا وهسه عامل فيها ود سغير
البترضى بي مني ؟؟؟ فقط لو عمل بنصيحة حبوتي ( بت الأمين كلياني ) البفتش كرورّو بلقى زولو
Quote: أعلاه من مقدمة كتبها الأستاذ على مصطفى المصراتى يقدم فيها لذلك الديوان الأسطورى .. أرجو أن تكون بعض من التفسير لحالة الصوفية التى عاشها الكاتب مما ساعدت على وصفه للحالة الذهانية التى تتلبس الدرويش وأهلنا الصوفية ذلك العالم الغريب والملئ بكل ماهو غريب وأسراره لم تفك طلاسمها بعد وقد يفيد ولو قليلا حضور حلقة ذكر ونوبة تئن وترن كما قال محمد المهدى المجذوب فى عصمائه تلك يدور فيها الدراويش وأرواحهم تهيم طربا وحبا ونقاءا وصفاءا لا يملأ قلوبهم لحظتها غير حبهم لمولاهم وخالقهم,,,
بنرجع في هذا الكلام الطيب
Quote: الحمد لله الطيور المهاجرة عادت وإمتلأت الشديرات بالشقشقة وصدحت بلابلنا بعد أن أدركها الصباح ...
الفرحة فرحتين اليوم بتولي باراك وعودة أيمن
Quote: وصية عاجلة جداً من سماح تطلب النجدة وفَك أسرها فهى لا تستطع دخول المنبر ... نرجو من: خالد / فيصل/ ممدوح فتح بوست منفصل والمطالبة بإرسال باسويرد جديد لها فقد حاولت الدخول ولم تستطع ... نرجو المساعدة بنجدتها
أكيد الكلام هذا يا أبوالقاسم
11-05-2008, 08:04 PM
أبوبكر أبوالقاسم
أبوبكر أبوالقاسم
تاريخ التسجيل: 11-27-2007
مجموع المشاركات: 2805
لقيتك صعب لكن أبقى جاهز للزول البجي يبقى ليك فى رقبتك غايتو شكلك كدا دقست دقسة بت أمها وأبوها!!!هازول البوديك تهبش السلوك العريانات شنو
أخوك أصلا مشتبه به بالضلوع ببعض الأدوار فى المحاولة الإنقلابية كدا أنا براءة وعشان نثبت براءتنا اكتر كمان,,,
حرب شعواء على كل منتحلى الشخصيات والوليدات العاملين بنيات والبنيات العاملات وليدات وأى حاجة من طرف الحبيب شيقا,, والدور الجاي أنا منتظر وط!!!!!!!ح عشان نزينو هو زاااااااتو تحت الشجرة الكبيرة الورا الفبارك فوق للكنار وإنت طالع (الإسكيب) داقش الحواشات وبعدهن الضهرة
تفتحو ليكم بوست يا اخوانا تجيبو لينا الهواء بالشوالات
البيت الأخضر الكان فى الصورة داك ما غريب على هو غايتو على ما أذكر يا قريب من السينما أو جنب ناس الأستاذ بشير آدم أو ناس عمنا المرحوم حبيب الله ,,,
الحصاحيصا مدينة ليست فى الذاكرة يا حبيب بل قل فى الوجدان ويحزننى الضيم الذى أصابها ومازال,,, وحقيقة كل المنطقة حولها ولنا عودة ياحبيب,,,
حقيقة هذا الس!!!!!مح رقم لا يستهان به ونفتقده هنا لكن برضو ما دام جا مدردق الله قال بى قولو (الرتانى ) أبلسانا تويل
الخبر الحماني النوم: سموحة ما قادرة تخش؟؟ ياتو عدل ياخوانا البخلي ابارو وفيصل خليل يصولوا ويجولوا في المنبر ويخلي ليونيل مسي خارج التشكيلة.
بما انو استاذ ابوبكر من الشخصيات القيادية اقترح انو يرفع عدد واحد بوست ونحن من خلفه نشد من اسره ونملا الساحة سماحة لسموحة ونسأل كذلك في عنوان البوست من الرطاني الكبير عسي ان يكون بخير وطمنونا عليه. الاخ المنسي جهز ليك دوبيت عربي من بيت الكلاوي لزوم البوست اباروبما انك بقيت تكنشن بتاع صحة جهز ليك كم حقنة تطعيم عشان سامح جاي من برة. فيصل خليل الموضوع لو اتأخر اوصيك تصبر وما تفك آخرك وتصرف من الورقة ومافي داعي لناس يهرق ما عارف شنو داك ياعبود. وبرضو خلوها تراسل بكري لانو انا واجهتني نفس المشكلة وراسلت بكري ووصل الباس بسرعة
كدي نقرا ونرجع ليكم لو الله هوّن
تحياتي
11-06-2008, 05:34 PM
ممدوح أبارو
ممدوح أبارو
تاريخ التسجيل: 02-27-2008
مجموع المشاركات: 3162
Quote: بما انو استاذ ابوبكر من الشخصيات القيادية اقترح انو يرفع عدد واحد بوست ونحن من خلفه نشد من اسره ونملا الساحة سماحة لسموحة ونسأل كذلك في عنوان البوست من الرطاني الكبير عسي ان يكون بخير وطمنونا عليه.
وووو حبيبنا بوبا وينك ياراجل؟
تم فتح البوست بالفعل بطلب من القاسم ومنتظرين عونك
فيسل ده اليومين دي أبعد منو بجيب خبرك
11-06-2008, 05:46 PM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
فوز أوباما نقطة تحول كبرى في التاريخ ... لننتظر و نرى ما يحدث ...
الأخت العزيزة بت المبارك التحية طيبة فوز أوباما أفرحنا وأسعدنا كسر هائل قد فاق توسنامي وأعتى الرياح ثانيا كان يدفعني حنين الأب ( أكيد بتفسريها ) الحرية وكسر جزرة الكابوي التي علت رؤسنا سنين عددا
مودتي تيسير
11-06-2008, 10:06 PM
أبوبكر أبوالقاسم
أبوبكر أبوالقاسم
تاريخ التسجيل: 11-27-2007
مجموع المشاركات: 2805
هي الإشراف على الأباريق لحمام عمومي والتأكد من أنها مليئة بالماء بحيث يأتي الشخص ويأخذ أحد الأباريق ويقضي حاجته ثم يرجع الإبريق إلى صاحبنا الذي يقوم بإعادة ملئها للشخص التالي وهكذا
في إحدى المرات جاء شخص وكان مستعجلا
فخطف أحد هذه الأباريق بصورة سريعة وانطلق نحو دورة المياه فصرخ به مسؤول الأباريق بقوة وأمره بالعودة إليه
فرجع الرجل على مضض وأمره مسؤول الأباريق بأن يترك الإبريق
الذي في يده ويأخذ آخر بجانبه فأخذه الشخص ثم مضى لقضاء حاجته، وحين عاد لكي يسلم الإبريق
سأل مسؤول الأباريق: لماذا أمرتني بالعودة وأخذ إبريق آخر
مع أنه لا فرق بين الأباريق
فقال مسؤول الأباريق بتعجب: إذن ما عملي هنا
إن مسؤول الأباريق هذا يريد أن يشعر بأهميته
وبأنه يستطيع أن يتحكم وأن يأمر وأن ينهي مع أن طبيعة عمله لا تستلزم كل هذا ولا تحتاج إلى التعقيد
ولكنه يريد أن يصبح سلطان الأباريق
إن سلطان الأباريق موجود بيننا
وتجده أحياناً في الوزارات أو في المؤسسات أو في الجامعات أو المدارس
أو في المطارات، بل لعلك تجده في كل مكان تحتك فيه مع الناس
ألم يحدث معك، وأنت تقوم بإنهاء معاملة تخصك في مؤسسة حكومية
أن تتعطل معاملتك لا لسبب إلا لأنك واجهت سلطان الأباريق
الذي يقول لك: اترك معاملتك عندي وتعال بعد ساعتين
ثم يضعها على الرف وأنت تنظر
مع أنها لا تحتاج إلا لمراجعة سريعة منه ثم يحيلك إلى الشخص الآخر
ولكن كيف يشعر بأهميته إلا إذا تكدست عنده المعاملات
وتجمع حوله المراجعون
انه سلطان الأباريق يبعث من جديد
11-07-2008, 11:17 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
سلام يا أهلنا خالد والعم كمال وأيمن وممدوح أبو صور حلوة وود أبو القاسم الخاد النار ودخل بوستاتنا المهكرة رغم التحذيرات ماعرفنا الحاصل شنو كلما أكتب مداحلة تجيني صفحة خدراء تطير كل شيء ياعم كمال يكون فيصل عمل أجندة سرية في مفاوضاتو مع الهكر .. أصلوا فك أسر بوست الشقليني وباراني في الإنجمامة فكرت أكتب ليكم في بوست الحماسة بتاع الدلوكة الساكن فيهو خالد دا
ياجماعة وين الشابات ؟ كدي ما أكتر ليكم الكلام أشوف المرة دي آخر محاولة .
11-08-2008, 08:28 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: العزيز أيمن.... و أنا أيضاً لا أرضاه ... فعذراً إذا ضاعت علي بعض الكلمات ... (الكبر دخل و الوليدات طيروا باقي العقل الفي) ... الصوفية عالم مهيب أخاف أن ألجه ... أحس أنك على أعتابه فمُن علينا ببعض الرزاز ... خالد ... بحر الطيبة الصافي...
العزيزة أختنا تيسير,, ربنا يخلى الوليدات ويخليكم ليهم إنشاء الله والباقى هين,,,,,ويجعلهم من النجباء البارّين,, الصوفية فعلا عالم مهيب وملئ بالأسرار والغرائب وأخوك لم يرقى لأن يصل الأعتاب وإن كنت أمنى النفس ولكن بعض الإهتمام والمتابعات زيادة على مخزون محفوظ من أزمان مضت إرتبط بصوت النوبة وإرتكز على طريقة الذكر والحفظ حول النار وليلة ليلية ومن بعدها علاقة جميلة نشأت بينى و بين أبونا المرحوم الشيخ حسن الفاتح غريب الله وهذا الرجل هو قصة أخرى من العلم والأخلاق ونوع غريب من التواضع والسمو وعفة القلب واللسان,, ____________________________
Quote: سلام حبايبنا كدي خلوني أرد علي أيمنوف أول والله ياود وحشتنا بالجد بس الليله أسمحو لي أشرب نخب س!!!!!مح ياخ ده خبر يستاهل بارتي عديل
ابارو يا حبيب,,ياخ نحن بالكستر زاتو,, وأنخاب ناس مدنى دى أنا برّه منها لكن لكن والله أخونا س!!!!!!!!مح ما رضيناها ليهو لكن فرقة ولقيتا فيهو هسه بكرة يجى لسانو أطول منو البارتى متييييييين ______________________________________________
Quote: أيمن: أشوفك لئذاً بالصمت فى تحليل الهكريبة . بوبا سلامات
يا أبوبكرنا سلامات,,,الشوق بحور,, لم ألذ بالصمت لكن (التناظير) الكتيرة الكانت هنا دى نصها فشنك وكما يقولون كلام غير منطقى وغير علمى ومازال العرض مستمرا والحقيقة أن نقاط الضعف كثيرة (والفرقات) أكثر منها,, ______________________________________________________
Quote: الجماعة عاملين خيانة ( أبّارو ومحى الدين ) باعوك وماشين يفطروا اليوم مع ودشيقوق حسب مصادرنا
ياخ شيقوق شنو الماشين يفطرو معاه!!!كلمو بالعشا مع س!!مح ما دام بقيت طابور خامس وشيقوق دا كان جا مارق من الخرطوم بدون ما يفهم أنا غايتو بركب بجيهو فى مسقط ونعمل ليهو كيتة لا حصلت ولا بتحصل ___________________________________________________________________ سمية الحسن طلحة العالية,, الموضوع كدا ظبط وبعد كدا ما عندك عذر,,مشكلتك دى محلية وما عندها علاقة بالتهكير ولا الهكرات خلينا نشوفك هنا أكتر رغم غياب البنيات,,
دي بالغت فيها ... و وقعت لي في جرح لأنها بتعبر تماماً عن الحاله البنعيشها ...
الأخــــــت الكريمـــــة تيسير المبارك كيفك يا المبروكة
نعم حال سلطان الأباريق حالنا وحال كل من نصّب في موقع حكي لي صديق ( اسمه ميرغني البدّع ) وهم من الفكي هاشم قرب الجيلي ) أنه مرة كان ماشي مع عمه للخرطوم وركبوا حافلة وكان لا يوجد مساعد يجمع الأجرة في الحافلة. فنظر سائق الحافلة ووجد أن ميرغني هو أصغر الركاب ويمكن أن يكلفه بجمع الأجرة. قال ميرغني إتكيفت كيف شديد وقمت وأطقطق في أصابعي للركاب ( أسلوب جمع الأجرة ) وعندما جئت عند عمي .. مـــدَّ لي عمي الفلوس ( أجرة له لي ) .. فقلت له : يا عمي لا أنت ما تدفع ... قال : أستل عمي عصاته ( البصطونة ) ومحطني بها في ظهري وكان يردد .. ( البلد دا يمشي لي قدام كيف مادام كل من يولوه منصب يفعل كدي ) هسي الجنى دا بس ادو سلطة لمد دقائق عاوز يعفي حقه وحق عمه ولم يعفي الأخر ..
والحال مكرر وبصور شتّى يا تيسير وهذا هو حال بلدنا هسي كدي خلي شيقوق دا يبقى رئيس والله ينقل عاصمته للبردانة ويعمل فيها مطار وحمامات ساونا
تحياتي بت المبارك
11-09-2008, 11:18 AM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
انتى عارفة يا استاذة انا اليومين ديل من الخلعة الدخلت فى فيسولى من الهكر عديل كدة خفتة من الفايرس الحايم دة واليومين ديل فارز عيشتى من الانجمامة وشلتة عنقريبى وقاعد بى غادى معاكم عشان اسمع النضمى التقيل دة..... مودتى
عمك كمــال
ما أنت يا دهر في عرف المروينا سوى ليالي نطويها وتطوينا وما الحياة وان غرّت زخارفها سوى مشاكل نفنيها وتفنينا وقيمة المرء فيها ما يخلده من المآثر إن دنيا وان دينا أحلى سويعاتها وصلٌ على ثقة بين الأحبة نحييه ويحيينا والناس رهنٌ بما أوتوه من عملٍ جودا، وفضلا، وإيثارا،وتزيينا وسادة الفضل قومٌ قد نزلت بهم كانوا على الجور في الدنيا موازينا من آل طلحة بسامون إن عبست سود الليالي وإن كانوا ميامينا
11-09-2008, 03:29 PM
Tabaldina
Tabaldina
تاريخ التسجيل: 02-12-2002
مجموع المشاركات: 11844
خلوني قبل التعقيب على مداخلات المسانيح ان انقل اليكم انطباع الشارع السوداني عن هذه المساحة المميزة في المنبر العام (الانجمامة)
الكثيون ممن التقيت بهم خلال اجازتي في السودان والمهتمون بالصحف الالكترونية عبروا لي وبكل صدق عن ارتياحهم لبوست الانجمامة والادارة المميزة لهذا البوست من قبل الاخ حادى ركبنا خالد محجوب المنسي اطال الله في عمره . التقيت احدهم وفند لي اسباب ارتياحه بالانجمامة فقال :
اولا : هو بوست جمع الكثيرين من ابنائنا وبناتنا في الشتات وصاروا كالجسد الواحد اذا اشتكى منه عضو تداعى له سائر الجسد بالسهر والحمى . ثانيا: ان اغلب الاسر تحث ابناءها للتركيز على هذا البوست لخلوئه من الشطط الاخلاقي ونأيه عن المهاترات الغير مقبولة او الجارحة للحياء الحام ثالثا: انه بوست متنوع الثقافات جمع بين ثقافات الحضر والبوادى رابعا : ان الاعضاء فيه يكتبون بكل شفافية عن البيئات التي ينتمون اليها خامسا: ان المتعة في كتاباته هو انها اكثير ميولا للتوريات في التعبير عن المواضيع الخاصة وان اعضاء الانجمامة يفهمون بعضهم بعضا حتى لو حك واحد شعرة في راسه على حد قول هذا الرجل . سادسا: انهم جميعهم مسانيح حتى سماح ما عدا سلمى الشيخ السلامة التي تساءل الكثيرون عن سبب غيابها عن الانجمامة .
الحقيقة يا اخي خالد بارك الله فيك والله ام عبد الله كل دقيقة جاييها واحد او واحدة من اعضاء الاجمامة لزوم تحية ود شيقوق وخافت عديل قائلة الناس ديل عقدوا لود شيقوق خاصة لما حضر محى الدين وابارو وفي معيتهم الاخوات مها وهبة خطيبة ابارو .
التحية من هنا للرطاني براااااااااااااااااااااااااااهو وعيك يا ايمنوف وسميةنوف وسماحوف ووضاحوف وقاسموف وفيصلوف وكمالوف وبت الشيخوف والربيعوف واباروف والعبيدوف وتيسيروف .
بس ختونى بت طلحة
11-10-2008, 08:25 AM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: أزيكم يا منجمين لينا منكم زمن .. الا النسالكم سؤال فردتنا ود ابارو دا لاذق صورة منى هنا مالو
الفاضل الكريم تبلديكا تحية طيبة سلام كان يوم السعد الجاب غاشي بالدريب يا المبروك تقول شنو يا اخوي الزول باقي طلمبة الجمكسين سوت لي رجّة في المخيخ نٍال له الله العافية ( بس منى خوجلي تستاهل ومامفروض تتهكر صورها ) تحياتي تلدينا
Quote: علي سبيل التحية
وليد ذلك الحي التفرد ودجبريل سلااام يا طيب والله يديك العافية ماهي عافية المغاربة عافيتنا نحن مشكور شديد علي المرور بينا تحت شديراتنا .. بس كان تغشى وتقعد شوية بجو الجنون هسي والبنيات
تحياتي ومودتي
11-10-2008, 08:43 AM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: الحقيقة يا اخي خالد بارك الله فيك والله ام عبد الله كل دقيقة جاييها واحد او واحدة من اعضاء الاجمامة لزوم تحية ود شيقوق وخافت عديل قائلة الناس ديل عقدوا لود شيقوق خاصة لما حضر محى الدين وابارو وفي معيتهم الاخوات مها وهبة خطيبة ابارو .
في تبادي الأمر حمد ألف علي السلامة والعود من بين لمة الأهل للأهل والله عمري ما تصورت في أن تكون لك وحشة .. بقينا وراك زي سيد الرايحة خشم النمل تبنا ( نفتش فيك وما لآقينك ) .. يا سم أب درق البصقّع وتكل جدري القيعة البفقّع صوتك مانع برتّع الطيب في شطاتّو ببدع سعدنا أن يكون رأى الناس فينا هكذا والفضل يرجع لكل أعمدة الإنجمامة وفطاحلتها الأفزاز ( إناث وذكور ) ... قدمنا الإناث يا مستشار .. بندور تجينا بي التفصل الممل أما بخصوص غياب الأسد ( سلمى سلامة ) أتصلت بها أمس شوية مشغولة بكاتبة مسرحية والآن في فصولها الأخيرة .. وبعدين بتجهز في دهن بنيتا ( عزة زواجها في شهر يوليو السنة القادمة ) من هسي اضبطو مواعيد العطل لكي نلتقي عند الأسد
الشاغلنا غياب حمامة السلامة بت صبحي لاخبر ولا أتر ولا حتى طلة تقول أنا طيبة ( حليل الرطاني كان بجيب لينا خبرها لو غابت )
ونحمد ربنا في الأيام الفائتة رجعوا الحبايب بعد غياب في زحمة الحياة وكانوا معنا بي قلوبهم السمحة البيضاء ( أيمنوف .. العبيد .. وبوبا ونسأل الله أن يفط أسر الجميلة سماح قمر سبعتين وإدوّر يطل يسمر ليالينا )
سعدين والله يا المسنوح بعودتك مع أني عارف محنتنا ما بتدوم يومين هسي بتقبل علي زي الما بتعرفني بعدين بت طلحة ماشاء الله عليها الأيام دي مواظبة وحائزة على قصب السبق رغم ما طشّا من مدخلات كتبتها ( جزاها الله كل خير )
أيمنوف يغتس ويقلع زي ود الموية وما بتمسك
11-10-2008, 08:47 AM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
سلامات يا شيقا,,,, والله مشتاقين خالس خالس,,, الكلام دا من الخرطوم ولا مسقط؟؟
حمدالله على السلامة وسلامى لأم عبدالله والأولاد..
Quote: وخافت عديل قائلة الناس ديل عقدوا لود شيقوق
دا شوقك إنت ومنى عينك لكن ضيقة ضيق شديد
Quote: اولا : هو بوست جمع الكثيرين من ابنائنا وبناتنا في الشتات وصاروا كالجسد الواحد اذا اشتكى منه عضو تداعى له سائر الجسد بالسهر والحمى . ثانيا: ان اغلب الاسر تحث ابناءها للتركيز على هذا البوست لخلوئه من الشطط الاخلاقي ونأيه عن المهاترات الغير مقبولة او الجارحة للحياء العام ثالثا: انه بوست متنوع الثقافات جمع بين ثقافات الحضر والبوادى رابعا : ان الاعضاء فيه يكتبون بكل شفافية عن البيئات التي ينتمون اليها خامسا: ان المتعة في كتاباته هو انها اكثير ميولا للتوريات في التعبير عن المواضيع الخاصة وان اعضاء الانجمامة يفهمون بعضهم بعضا حتى لو حك واحد شعرة في راسه على حد قول هذا الرجل
طبعا الكلام الفوق دا عبارة عن دستور تم وضعه بأيدى قانونى ضليع ومخضرم ورغم بساطة صياغته إلا أن مجرد التفكير فى أن هنالك آخرون يقرءون هذا الكلام المكتوب هنا تجعلك تفكر كثيرا قبل أن تضع حرفا وحقيقة أن الكلمة الطيبة صدقة والملافظ سعد والأفكار كذلك,,,, فلشد مايحرجنا أحيانا صدور كلمة أو سلوك أو فكرة من أحد يمت إليك بصلة أو محسوب عليك أو يربطك به أى رباط,,,
ينظر ويفاد يا شيقا,,
تحياتى,,
*
Quote: وهبة خطيبة ابارو
الكلام دا تم الإعلان عنه هنا أم دى تجليات شيقا!!!ولا أخوكم شبكتو تعبانة!!! وأين س!!!!!!!!!!!!!!!!مِحكم س!!!!!!!!مَحكم الله ولا لسة فى الحبس
11-10-2008, 09:02 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
' بعد أن شاركنا في مراسم غسل الكعبة المشرفة صباح يوم السبت الماضي، دعانا الشيخ / عبد العزيز الشيبي حامل مفاتيح الكعبة لتناول الفطور عنده, وهناك التقيت بعض من شارك في هذه المراسم منهم الداعية / عمرو خالد ، صاحب الضجة التي ثارت حوله في القاهرة بسبب تأثيره الإيجابي على الفنانات. ، وعلمت منهما أن الأستاذ / عبدالله الفايز وكيل إمارة مكة المكرمة، قد دعاهما إلى العشاء مساء الأحد مثلما دعاني، وجاء اللقاء، وكان من ضمن الضيوف، إمام الحرم الشيخ / سعود الشريم، والدكتور/ ناصر الزهراني، والدكتور / سعيد بن مسفر، ومن ضمن المسائل التي أُثيرت، سؤال طرحته على الحاضرين، قلت: كنت بين المغرب والعشاء في زيارة للأستاذ المفكر الإسلامي / محمد قطب ، وكونه حاصلا على جائزة الملك فيصل، عل كتابه «منهج التربية الإسلامية» سألته: يا أستاذ من وجهة النظر التربوية، ما رأي في منهجية وإرشادات الداعية عمرو خالد، فقال: إنه يملك موهبة فذة وظفها في خدمة دينه، قلت له: بعض الناس يرى أنه ليس عالماً ومن ثم لا يجوز أن يأخذ هذا الحجم من الانتشار، قال قطب: كثير من العلماء عبارة عن خزانة معلومات مغـلقة، أو نسخة من مكتبة، وهذا الداعية لم يقل إنه فقيه، وكون عليه ملاحظات، فمن ذا الذي ليس عليه ملاحظات، علينا النصح والتجاوز عن هذه العثرات في سبيل الانتفاع من الخير الكثير الذي يعطيه للناس، لأن المقابل هو النسخ المكتبية!!
علق إمام الحرم الشيخ / سعود الشريم قائلاً: علينا أن لا نحصر معنى كلمة «فقه» في مدلولها الاصطلاحي، وإنما الفقه في اللغة يعني الفهم، فكما أن هناك فقه الأحكام، هناك فقه الدعوة وفقه السيرة، وفقه المعاملة,,, وما يقوم به عمرو في جذب الناس ومعرفة مخاطبتهم هو أيضاً نوع من أنواع فقه النفوس ،،، ..
توجهت بالسؤال إلى عمرو خالد فقلت: حدثنا عن أكثر ما أثر فيك من نتائج بثك الفضائي؟ فأحنى رأسه وسكت قليلاً، ثم تدفق قائلاً: بعد أن تكلمت عن معنى «العفة» في قناة ( ال بي سي ) جاءتني رسالة عبر البريد الإلكتروني، من فتاة تقول: أنا فتاة اسمي «سارة» والدي لبناني مسلم، وأمي لبنانية مسيحية، انتقلا إلى فنزويلا، وبعد فترة انفصلا عن بعضهما ليتزوج كل منهما بمن يناسبه، وبقيت أنا حائرة شاردة، وقد رزقني الله جمالاً أخاذاً فانزلقت قدمي لأنضم إلى مسابقات ملكات الجمال هناك، حتى انتهى بي المطاف إلى العمل في بار!! وصار لي «بوي فرند» ونسيت ديني بل نسيت أني مسلمة، ولم أعد أعرف عن الإسلام إلا اسمه ولا عن المصحف إلا رسمه وفجأة كنت أتابع قناة ( ال بي سي ) من فنزويلا لأنها قناة لبنانية، رأيتك يا عمرو خالد تتكلم عن العفة، فلأول مرة أشعر بالخجل من نفسي، وأنني أصبحتُ سلعة ًرخيصة ًفي أيدي الأوغاد،،، انشرح صدري، وأنا لا أعرف مسلماً سواك.
ثم قالت،سؤالي لك: هل يقبلني الله وأنا الغارقة في الموبقات والآثام .. !! أجبتها عن سعة رحمة الله وفضله وحبه للتائبين، فأرسلت تقول: أريد أن أصلي ولقد نسيت سورة الفاتحة,,, أريد أن احفظ شيئا ًمن القرآن، قال عمرو: فأرسلت لها بالبريد المستعجل ختمة مسجلة كاملة بصوت إمام الحرم الشيخ / سعود الشريم - وكان يجلس بجوار عمرو - وبعد ثلاثة أيام أرسلت سارة تقول: إنني حفظت سورة «الرحمن» و«النبأ» وبدأت أصلي، ثم أرسلت تقول: لقد هجرت' البوي فرند' وطردته، كما أنني انفصلت عن مسابقات الجمال، والبار,,,, وبدأت تقبل الفتاة على الله سبحانه بصدق، لقد وجدت ذاتها لأنها عرفت ربها.
بعد أسبوعين من المراسلات، أرسلت تقول: إنني متعبة لهذا انقطعت عن مراسلتكم وأصابها صداع وآلام شديدة، وبعد الفحوص والكشف الطبي، قالت لنا: يا عمرو، إنني مصابة بسرطان في الدماغ، والعجيب أنها قالت: أنا لست زعلانة بل فرحانة، لأنني عرفت ربي وأحببته وأقبلت عليه قبل المرض والبلاء، وأنا داخلة على العملية المستعجلة بعد يومين، وأنا خايفة ألا يغفر الله لي إذا ُمت، فقلت لها: كيف لا يغفرُ الله للتائبين لقد أكرمك الله بهذه العودة إليه وبحفظ سورة «الرحمن» وأنت الآن بين يدي أرحم الراحمين,,, وفتحنا لها أبواب الرجاء وطردنا من نفسها اليأس، فقالت: لقد وضعت أشرطتي لترتيل القرآن بصوت إمام الحرم الشريم في المسجد مع أشرطتك، لأنني قد أودع الحياة، لتكون لي صدقة جارية، وبعد يوم أرسلت لنا صديقتها المسيحي تقول لقد ماتت سارة,,, هذا موجز القصة وسيفصلها عمرو في سلسلة ندواته الرمضانية لهذا العام.
عندما خرجنا من العشاء كان الأخ كامل جمعة يقود السيارة ، وفي الخلف أنا وعمرو، قلت له ماذا نستطيع أن نقدم لسارة، فهمس في أذني قائلا:ً إلى الآن اعتمر لها اثنان وأهديا ثواب العمرة لها، قلت من هما: قال الأول أنا والثاني زوجتي، كان للخبر أثر كبير على نفسي بعد أن وصلنا إلى باب الفندق سلمت عليه قَبَّلْتُه على قصة سارة، ثم عانقني وعدنا إلى البلاد، ولن تنتهي خواطر الكعبة. '
تعليق الكاتب على المقالة: نحن الآن في عصر اصبح العالم فيه بيتا ًصغيراً.. فهل كان عمرو خالد وفقه الله يعلم أن فتاة ًفي فنزويلا سوف تعود إلى الله بسبب محاضرةٍ له نقلتها الأقمار الصناعية إلى هناك .. !!
وهل سعود الشريم يدرك انه قد يكون نائما ًفي فراشه في منتصف الليل في مكة ........ وصوته يصدح بالقرآن في مناطق شتى من العالم ....... ومنها فنزويلا النائية في آخر العالم ... !!
وهذا معناه حسنات لا تنتهي ...... وذلك فضل الله يؤتيه من يشاء.... سوف تقولون عنهم انهم محظوظون !! وأنا أقول لكم: نحن أيضا ًقد انعم الله علينا بنعمة الانترنيت التي تستطيع بواسطتها مخاطبة غير المسلمين في مشارق الأرض ومغاربها ....... فلنغتنم الفرصة ما دام القلب ما زال ينبض ...... !!!
سبحان الله وبحمده...... سبحان الله العظيم
11-10-2008, 05:51 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
Quote: تعرف يا خالد: شيقا عامل بالمثل السودانى :" يا ريتنى بالتدوره لىّ مرتى وما البتدوره لىّ أمىّ " المرأة فى الغالب يكون تأويل غياب زوجها بأنه عرّس فوقها .... وهذا عشم شيقا... أما الوالدة الحنونة فحساباتها تذهب فى إتجاه سلامة إبنها من المصائب والحوادث. تشمهّا قدحة يا شيقا.
عشم أبليس في الجنة والله زولك مكتوف كتفا مربوط فوق ضفر ضب أسود منقرط وسافر في كرتونة لأمريكا عاد دا يلم في كيف علا يتصل بي الأسد ( سلمى سلامة تفتشو لي )
Quote
Quote: : والله يديك العافية ماهي عافية المغاربة
يا خالد المغاربة يقولون : مزيان مزداف إن لم تخنِ الذاكرة.
العافية يا أبوالقاسم عند المغاربة تعني النار حمانا الله وياكم منها وجعلنا من أصحاب اليمين
11-10-2008, 06:31 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ود المنسي لوما قلت ما شاء الله كنت أقول عينك حارة سحرت لي سواقتي للبوست
حاشا كلا وما بنقول جنس كلام زي دا غير ما نقدم أسم الله ونتشهد وعينا عليك باردة يا بت البطانة .. لكن بيني وبينك كدي يا الريحانة ما كنتي قايلة ( تيسير المبارك دي ولد ) عادي يا الريحانة قبلك وقعنا شابكناها الأخ الأخ .... لحدي ما دخلت وحلفت لي وقالت:
( والله أنا بنت يا خالد أرجع لبروفايلي ) تحياتي ومودتي بت طلحة وسلامي أفراد الأسرة الكريمة
11-10-2008, 08:27 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة